مــركــب هــوانا ... !!

[قايد الريم]

بكت عين الاحلام وسنين الهوى المعهود
على كل لحظـة وصـل فالبـال مذكـوره
تهامل على كف الزمـن دمعهـا بركـود
ولو أغرت عيوني على الدمـع معـذوره
تميل الجروح المبطيه مع هبـوب النـود
مع الذكريات اللي على القلـب محفـوره
طريتك وأنا من قبل لا أفقدك ما لي كـود
مواصلك يـا ورد الأحاسيـس وزهـوره
تجيني قبل لا شتاق ونشد عـن المفقـود
قبل تنعس عيوني مـن النـوم وتـزوره
قبل لا تروح ظنون فرقـاك بـي وتعـود
يوم أن الرجا لا غبت اناديه واشـوره !!
يوم أن السوالف غير وإحساسنا مشهـود
قبل لا يميـل الغصـن ويطيّـر طيـوره
قبل تعترض مركب هوانا الليـال السـود
وشوف الأمل طايـح ورجليـه مكسـوره
رحلت وبقت ذكـراك يالغايـب الموجـود
لو الصوت غايب مير ما غابت الصـوره
أناجيك في قلبـي ولـو قلبـي الملهـود
من الليل لين الصبح مـا ينبعـث نـوره
يردد .. أحبك لو تزيد الصـدود صـدود
لو آمالـي بلقيـاك عاميـن منحـوره !!
وحبك .. كتبه الله وذي قسمـة المعبـود
والأيـام معـدوده . والأقـدار منشـوره
وانا من عرفتك .. حافظك والعهود عهود
وكل يوم أجدد للغـلا بابـه وسـوره !!
تجود الظنون ووقفتـي تحتمـي وتـزود
بوجه الجروح اللي بكت منك مقهـوره !!
وعين الكرم لو هلت الماء بـدون حـدود
ترى القاع من غيم الهواجيس ممطوره !!
تمر الطواري .. والطواري بدون قيـود
عليها .. يفز القلب ويكمـل حضـوره !!
تجف القلوب السود لـو بللـت بالجـود
وتبقى قلوب البيـض بالطيـب معمـوره
أغني على طاريك ( يا مصبر الموعود )
ويا كم ( تعب قلبي ) من غيابك وجـوره
صحيح الهوى غلاب لو نبـذل المجهـود
وصحيح الزمن له وقفه ولفـه ودوره !!
عقب حط فرقاك بعيون المواصـل عـود
قصيدي .. عسا تقراه وتقدر شعـوره !!

 

[حـــــــــصه]

وانا من عرفتك .. حافظك والعهود عهود
وكل يوم أجدد للغـلا بابـه وسـوره !!

لاهنتي

 

[عالية الصيت]

لاهنتــــــــي يالريمـــي ..

--> مو غريب عليتــس الابــداااااااع ..

 

[قطوة@@]

يعطيج العافيـــه

 

[العنيد بس طيب]

وردةُ عشقي

لن أهديها
لمن أحبه
بل
لمن

ي
ح
ب
ن
ي

قايد الريم

في لحظـــات يكون البكاء ضعف

وفي لحظـــات أخرى يكون انتصار وقوة

كما هو في لحظـــات ألم

وأخــرى راحة

جسدت القصيده دموعا من الالم الحزين

واخذتنا هذه السطور الى عالم اااخر

غاليتي سلمت اناملكــ على هذه الكلمات الرائعه

 

[قايد الريم]

لاهنتوا حبيبات قلبي على المرور العذب