مــب إنتــه اللــي أعيـش الويـل بسبابك

[ضوى العيون]

عبيد
لا لا .. ما ينفع على المسنجر .. لازم أقوله في التيلفون

روضه
اففففف ياربي .. بس عندي شرط

عبيد
شو هالشرط يا غناة روحي

روضه
بس مره وحده

عبيد
افااا .. مره وحده بس ؟!

روضه
هيه ..

عبيد
لا خلاص .. أنا زعلت .. باي !!

روضه
عبييييد .. انزين انزين .. كم من مره؟

عبيد بخبث
لين ما أملج عليج

روضه
هاا .. اوكي

عبيد
عيل متى أتصل؟

روضه
لا لا خلاص .. غيرت رايي

عبيد
يا روضه يا حبيبتي .. انا بصير ريلج و اخاف عليج .. شرات حرمتي .. مب الريال يخاف على حرمته .. انا احبج و بس أبغي اتقرب منج عشان تسهل علينا الحياة الزوجيه و نصير قراب لبعض صح و لا انا غلطان؟

روضه
هيه صح ..

عبيد
انزين عيل لازم أكلمج

روضه
بس ..

عبيد
ها .. شو قلنا؟

روضه
ان شاء الله .. و متى تبغي تكلمني؟

عبيد
اليوم المغرب بتوقيتكم

روضه
بس عيال عمومتي كلهم بيكونون في بيتنا

عبيد
و أنا شو لي خص فيهم

روضه
أبغي أيلس وياهم

عبيد بمكر
شوووو؟ لا ما تيلسين و لا ترمسين وياهم انا ريلج و اغار عليج

روضه مصدقه الاخت
فديتك هالكثر تغار علي

عبيد
طبعاً لو ماغار عليج اغار على منو؟ قوليلي ..

روضه
تسلم قلبي .. اوكي عيل

عبيد
وين تو الناس؟

روضه
فديتك طلبتك

عبيد
تم ..

روضه
حط صورتك أبغي أجوفها

عبيد
من عيوني ..

و حط عبيد صورته .. روضه تخبلت عليه .. حلاته بسيطه .. بس جذاب وااااايد

روضه
ما شاء الله عليك .. تخبل .. الله يحفظك لي يارب

عبيد بخبث
أنا أحلى .. و لا ناصر؟

روضه
اثنينتكم ..

عبيد
لا لا .. أنا أحلى .. صح؟

روضه
صح ..

عبيد
فديييييييتج و الله

روضه
اوكي عيل .. يلا مع السلامه

عبيد
بااااي ..

و سكرت روضه عن عبيد و هيه مستانسه .. بس عبيد يفكر بالخطط الجهنميه و فكره الانتقام من ناصر تكبر و تكبر

-----------------------------
بيت بوغيث
-----------------------------

الكل كان مجتمع .. تحت طلب هزاع و حمدان
هزاع و حمدان في نفس الوقت: ابويه ..
هزاع: قول قول انته اول
حمدان: لا لا انته قول
هزاع: اوكي .. احم احم .. أبي و اخواني الأعزاء .. اليوم نتشرف أنا و حرمي أن نقدم لكم هذا الخبر المفرح .. و أول مره في تاريخ بيتنا العزيز
الكل: شوو؟
هزاع: احم احم .. حرمي المصون ..
الكل: انزييين
هزاع شاق الحلج: حاااامل
نوف تضحك: نعرف يا أخي .. من زمااان
هزاع: خلوني أكمل
غيث: كمل ..
حمدان: تفظل و خلصنا بسرعه .. موضوعي أهم
هزاع: انزين انزين .. أكرمنا بسكوتك
موزه كانت قافطه من الخاطر
هزاع: احم احم .. موازي حرمتي فديتها .. حامل بولدين توم
بوغيث: صــــدق ؟!
موزه تهز راسها عشان تأكد كلام هزاع
نوف: مبروووك موزه .. ألف ألف مبروك
موزه: الله يبارك فيج ان شاء الله
بوغيث: مبروك فديتج .. تعالي يا بنتي .. تعالي
و سارت موزه صوب عمها بحيا فظيع جدام الكل
شوق ببراءه: مبروك موزه .. عقبال بنتين توم
موزه قفطت
هزاع: آميييين .. الله يسمع منج يارب
غيث: بالمبارك يا حرمة اخويه .. يتربون في عزكم ان شاء الله
موزه: الله يبارك فيك
هند: لحظه لحظه شوي ..
الكل صد صوبها و قال: شووووو؟
هند بعفويه: شو بتسمونهم؟
هزاع و موزه جافوا بعض بنظرات عقب قال هزاع: محمد (جاف ابوه) و حمد
شوق تناقز مستانسه: الـلـه .. محمودي و حمودي
هزاع: شو محمودي هذا بعد .. مب حلو
شوق حطت ايدها على خصرها: يعني تباني أسميه حمودي 2
الكل ضحك عليها
حمدان: يلا يلا .. دوري
هزاع: نسمعك ..
حمدان: بصراحه .. قررت أعرس
الكل سكت للحظه .. عقب ظحكوا فجأه
حمدان مستغرب: شو .. قلت شي غلط؟!
هزاع يضحك من الخاطر: لا بس .. بس .. انته توك ياهل
حمدان فول: شو ياهل .. ريال بلحيتيه جدامك و تقول ياهل
غيث: لا يا حمدان .. قصده انه سنك وايد صغير للزواج

 

[ضوى العيون]

هزاع هدى شوي: هيه .. يعني أنا و غيث ما عرسنا إلا عقب ما خلصنا دراسه و اشتغلنا و رتبنا أمورنا .. أنا عرست و كان عمري 24 .. و غيث 21 .. بس انته توك مكمل 20
حمدان يباغم: انزين .. ماشي فرق .. بين العشرين و الواحد و عشرين .. سنه بس
غيث: انزين بس ..
حمدان قاطعه و رد يباغم: و أنا متخرج من كلية الشرطه .. و ما شاء الله عليه ظابط منو قدي .. و عندي بيزات .. و اموري كلها مرتبه
بوغيث: خلصت كلامك؟
حمدان جاف ابوه و قفط لأنه صارخ و نزل راسه
بوغيث بحنيه: ابويه حمدان .. اخوانك بس يبون مصلحتك .. مايبغون الناس اللي بنخطب بنتهم يلقون أي عيب فيك (غمز له) في وحده في بالك؟
حمدان قفط: هاا .. هيه ..
بوغيث يتمصخر وياه: لا هوو
و كل اللي حواليهم يضحكون
شوق: اوب اوب اخويه يحب ..
هزاع: العاشق الولهان
حمدان: هزااااااااع .. لا تتمصخر
هزاع: انزين .. جوفوا شي وحده في بالي ..
الكل استغرب إلا موزه و قالوا: منوو؟
حمدان عاند: لا لا .. أنا مابغيها
هزاع: انزين انته بس اسمعني (سكت شوي) شيخه بنت عم موزه حرمتي
نوف: بنت مايد "بوراشد"؟
هزاع: هيه نعم ..
حمدان: قول و الله؟ هاي اللي كانت في بالي .. قصدي .. اوه .. مب .. و تم يرقع السالفه بس ماقدر
بوغيث: مشكله يوم الواحد يتولع في وحده
و الكل ضحك حواليه
غيث: إلا وين جفتها؟
حمدان: سر من أسرار المهنه .. بس لا تخافون .. كانت متغطيه عدل
شوق مستغربه: أي مهنه؟
هزاع همس: أكيد مهنة المغازل
موزه حرمته سمعته لأنها كانت يالسه حذاله و ابتسمت
حمدان طنشها: انزين ابويه .. ما قلت رايك في الموضوع .. متى بنخطبها .. ووو
بوغيث: و شو؟
حمدان قافط: و متى الملجه و العرس؟
بوغيث يضحك: مستعيل الريال .. و الله مادري .. نوف و موزه .. لو تسيريون و تكلمون حريم أهلها بيكون أحسن
نوف و موزه: ان شاء الله عمي
حمدان: انزين يلا يلا
نوف مستغربه: شو يلا يلا؟
حمدان: يلا سيروا عندهم
موزه ضحكت: تونا متغدين .. و اللحين الساعه ثلاث .. أكيد رقود
حمدان قفط للمره المليون في هاليوم: اوه .. سوري .. ما لاحظت
موزه: لا لا .. عادي
حمدان: انزين عاد مب تنسون
نوف: فالك طيب حمدان .. ما طلبت
هزاع يضحك: يالله .. كيف مستعيل
بوغيث: كيفه ولدي يستعيل (بخبث) بس على الأقل حالته أخف من حالتك
هزاع قفط و موزه ابتسمت
شوق: حمدانييي .. انته بتتزوج شيخوو ؟!
حمدان: شو شيخوو انتي بعد .. اسمها حرم حمدان حمد السويدي .. شيخة البنات
شوق: منو قال .. هيه تقول اسمها شيخه مايد .. مب ها اللي قلته
حمدان يضحك: هبله .. انزين لا تقولين حق حد من اللي سمعتيه .. أدريبج أنا .. خبرباري

>> خبرباري كلمه يقولونها اليهال حق حد معين .. إذا كان يقول كل شي يسمعه .. يعني سمع حد يقول شي .. بينشر هالخبر في ثواني <<

بوغيث: بسم الله على بنتي
شوق: اممممم .. انزين حصه و ميثا؟؟
حمدان: لا لا .. بلييز لا .. هذيلا إلا أخس منج .. و خصوصاً حصووص .. روحها Cnn .. ما يحتاي
شوق تضحك: اوكي اوكي
هزاع: أقول .. ما تلاحظون البيت هادي؟
حمدان يضحك: هيه .. لازم .. سارونه الملسونه منخمده فوق
غيث يدح حمدان ع جتفه: شو بلاك يالس تحش في بنتي هاليومين؟
حمدان يضحك: و لا شي .. و لا شي
الكل فرح حق حمدان و تم يبارك له .. و أخيراً سمعوا أخبار تفرحهم .. حمدان كان متشقق من الوناسه .. و واثق انه شيخه بتوافق .. حمدان يقول في خاطره "فديتج يا شواخي .. و الله اني احبج و أتريا اليوم اللي بتكونين فيه حليلتي .. فدييييييييتج أنا "

 

[ضوى العيون]

في نفس اليوم
-----------------------------

عقب ما تأكدت انه محد في البيت، سارت حجرة يدتها (في الطابق الأرضي) و انسدحت على الشبريه .. و عدلت شيلتها .. خافت حد يدخل عليها .. و طلعت تلفونها من مخباها و ظغطت على سبع أرقام .. و عقب ظغطت على الفص الأخضر .. و عقب رنتين ..

-----: آلو
روضه بتوتر: السـ .. سـ سلام عليكمممم
-----: و عليكم السلام، منو ويايه؟
روضه: ماعرفتني؟
المتصل عقب ما تذكر: رواضي حبيبتي .. و أخيراً طعتي ترمسيني .. شحالج؟
روضه تنهدت و خذت راحتها أكثر: الحمدالله بخير
عبيد: تدرين .. ما كنت أدري انه صوتج وايد حلو
روضه: بس انته سمعت صوتي قبل
عبيد بمكر: هيه .. بس صوتج في التلفون أحلى >> آاااخ يا اللواته
روضه بابتسامه عوده: انزين .. شو الشي المهم اللي كنت تبغي تقوله؟
عبيد ارتبك: هاا .. بعدين بعدين .. بعدين بقولج
روضه ما شكت: انزين .. شخبار الدراسه؟
عبيد تضايج: شكلي برد البلاد .. كم من مره عاطيني إنذار لأني اتأخر .. و علاماتي مب لـ هالدرجه .. أقول .. غيري الموضوع بلييز
روضه: انزين .. سمعت آخر الأخبار
عبيد: شووو؟
روضه: يقولون انه يدوتي بتسافر بتسوي عمليه
عبيد: عملية شو؟
روضه: عمليه حق ركبها .. وحده سليمه و الثانيه لا
عبيد: انزين .. رواضي حبيبتي
روضه: ها غناتي ..
عبيد: متى بشوفج؟
روضه: شووووو؟
عبيد: لازم أشوفج .. يعني تبيني نتم جي بس نرمس في التلفون .. على العموم .. بنتكلم في الموضوع بعدين .. زين؟
روضه بحيا: زين
عبيد: حلو .. إلا بسألج .. انتي وين يالسه؟
روضه باستغراب: في البيت ..
عبيد: قصدي وين يالسه في البيت؟
روضه استوعب: اووه .. أنا يالسه في حجرة يدتيه .. عشان محد ايي حجرتها يوم هيه محد
عبيد: هيه زين عيل
روضه: إلا أقول عبادي ..
عبيد: آمري حياتي

(( فـ الصوب الثاني ))

خليفه: يدو .. وين أوراق التحاليل؟
اليده: في الكبت في حجرتيه
خليفه: عيل بسير أييبهن
اليده: لا فديتك .. انته ايلس حذالي .. خل واحد من هالشواب يقومون
سيف اللي كان يشرب قهوه .. جاف نظرات يدته له هو و ناصر و خالد .. فرفع حاجب و قال: نعم؟
اليده: سير هات أوراق التحاليل
سيف بتحدي: و الله أنا مب قايم من مكاني
راشد: سيفوو .. عيب عليك
سيف: كيفي .. أنا يالس مكاني .. و ما بتحرك إلا يوم بيأذن
اليده: و الله؟
سيف بتحدي أقوى: و الله ..
ناصر يقوم: أقولكم .. أنا بسير أييبهن
اليده: سير فديتك (تعلي صوتها عشان تغايظ سيف) الله يوفجك و يرزقك الحرمه الصاااااالحه يارب >> اونها .. هههههه

ناصر دخل داخل البيت .. و مشى صوب حجرة يدته .. و أول ما حط ايده على مقبض الباب .. سمع صوت انثوي يعرفه عدل من داخل هالحجره "هههههههه .. أدري أدري حياتي .. همممممم .. هيه أحبك و أموت فيك .. بتخطبني .. قول و الله .. خلاص إذا انته بتخطبني برفظ ناصر .. لا ماباه .. ماحبه .. أحبك انته و بس .. خلاص عاد حبيبي .. أستحيييي .. ههههههههه .. هيه حبيبي .. هــ" .. دخل ناصر عليها و هو مفول و أول ما جافها .. كانت طايحه على الشبريه و تلعب بشعرها .. بس شكلها مصدومه عدل

ناصر: روضه !!
روضه متوتره: هاا .. ناصر
ناصر تجدم صوبها و عطاها كف برد خاطره و طلع برع الحجره
روضه انصدمت و حطت ايدينها على خدها .. بس بعدين قامت من مكانها و تمت تباغم: ناصر .. ناصر

 

[ضوى العيون]

الجزء العشرون و الأخير

-----------------------------
بيت بوخليفه
-----------------------------

دخلت روضه حجرتها و بسرعه سكرت الباب .. و طاحت على الشبريه بتعب و يلست تصييييييح

"ليش أنا شو سويت؟ كله منه .. ليش يا عبيد دمرت حياتي .. أنا أحب ناصر .. أنا كيف قلت حق عبيد اني ماحب ناصر .. ناصر سمع .. أنا غبيه .. شو سويت في عمري .. حرام والله حرام"

قامت و سارت صوب الدريشة المطله على الباب الرئيسي
شافت ناصر طالع و هو معصب .. ركب سيارته بسرعه و بعصبيه ساق سيارته باسرع ماعنده و طلع من البيت

"كله مني اللحين شو بيستوي .. ناصر يالس يسرع يارب الله يحفظه و ما يستوي فيه شي .. و الله إني غبيه توني أقول إني ماحبه .. اللحين شو بيرد االي كان بيننا .. انا مابا عبيد .. خلااااص .. ندمت اني كلمته و اعجبت فيه للحظه .. ندمت "

طاحت دمعه على خدها و هيه سرحانه .. و قطع عليها سرحانها رنة موبايلها
شافت الشاشه .. روح غناتي
ردت بعصبيه ..
روضه: شو تبا حرام عليك .. خربت حياتي و دمرتها
عبيد يضحك بسخريه: ها ها .. و الله .. عيل خلاص بيي اخطبج
روضه: لا تي .. ماباك .. أنا ماحبك .. أحب ناصر ..أباه هو .. مابك انته .. مابااااااك
عبيد بعصبيه: و لا انا اباج .. أصلاً أنا مانزل عمري و آخذ وحده رمستها و رمستني في التلفون من ورا اهلها
روضه: أكــرهــك .. أكــرهــك !!
عبيد يضحك: و منو قال اني أحبج؟
روضه: خلاص .. خلني في حالي .. ماباك
عبيد: أنا وراج و الزمن طوييييييييل
روضه: خلاص .. ناصر عرف بالسالفه .. شو تبا بعد؟
عبيد: ان ما خليت سيرتج على كل لسان ماكون عبيد
روضه تصيح: دخيييييلك دخيل والديك .. قولي شو سويت فيك انا .. بسويلك اللي تباه
عبيد: عيل ناصر تنسينه
روضه زادت في الصياح: الله يخليك .. أرجوك كل شي و لا ناصر
عبيد: قلتلج .. كلمة و ما بزيد عليها .. تخلين ناصر و لا بفظحج
روضه تصيح و تشهق: شي ثاني؟
عبيد بخبث: أبغي أجوفج ..
روضه: لا الله يخليك .. يكفي التلفون
عبيد عصب: شو تبين؟ ها ..
روضه: هدني في حالي .. الله يخليك .. الله يهديك ان شاء الله .. بدعيلك في كل صلاواتي
عبيد رحمها بس ضحك: مابا منج دعاء .. المهم .. اباج تنسيني و تنسين اني كلمتج و لاتقولين أي شي عني
روضه: اوكي .. خلاص .. باي
روضه سكرت التلفون على ويهه و هيه تصيح من دون ما تسمع رده .. من العصبيه فرت موبايلها على اليدار .. و انكسر
روضه بصوت مسموع: أحسن .. انكسر أكرهك أكرهك .. شو بيرد لي ناصر
تمت تصيح بتعب و صوت مسموع و هيه تشهق لين ما رقدت

-----------------------------
في الصوب الثاني
-----------------------------

"آاااه يا زمن .. من انولدنا و نحن نحب بعض .. و كبر هالحب ويانا .. و يوم كنا يهال .. كنا نتصرف تصرفات بريئه (يبتسم بحزن) كنا نقول انه بنتزوج بعض .. و كل ما نجوف بعض كنا نحب بعض على الخد .. و يوم استوينا مراهقين بدت شوي تتغطى عني و استويت ماجوفها وايد .. و اتغيرت وايد .. و استوت أحلى .. كبرت .. استوت حرمه جميله .. بدا الحيا و الخجل يزيد عندها يوم بعد يوم .. كل ما أجوفها يزيد حبي لها .. و يوم تجوفني تحمر و تستحي .. أتحراها تحبني (يبتسم بسخريه) بس كانت تقص عليه .. عمرها ما حبتني .. بس كان اعجاب و لا زاد"

كان ناصر يالس على اليبل في المبزره .. فنزل تحت عند الينبوع و غطس ريوله في الماي .. و يلس يسرح في أفكاره .. و ما حس إلا بايد على جتفه

فارس: مرحبا ناصر ..
ناصر بابتسامه من ورى الخاطر: هلا فارس .. شحالك؟
فارس: أنا الحمدالله بخير .. وينك ما نجوفك في الميالس؟
ناصر: مشغول شوي ..
فارس: هيييهاء يا زمن .. قبل كنا ما نفترق .. أنا و انته و خالد بس من سافرتوا تدرسون برع افترقنا .. و الكل راح في طريجه
ناصر نزل راسه: الحمدالله على كل حال
فارس يلس حذاله و غطس ريوله في الماي: إلا أقولك .. الأهل عازمينكم على عرس اخويه مانع
ناصر: ما شاء الله .. مانع بيعرس؟
فارس يضحك: تصدق .. و الله أنا ماصدق .. كان أكبر شيطان في الفريج .. بس من دخل الجامعه و انتقلنا لفريج ثاني .. عقل و استوى هادي
ناصر: و متى العرس؟
فارس: عقب اسبوعين .. طالبنك تي انته و هلك
ناصر: ان شاء الله .. فالك طيب .. بقول حق الأهل .. بس انته ويا منو ياي المبزره؟
فارس يتذكر: اووووه .. نسيت عبووود في السياره
ناصر: عبدالله ولد خالتك؟
فارس: هيييييه .. لحظه شوي بتصله (يرمس في التلفون) هلا عبدالله .. و الله سوري .. آسف آسف يا أخي .. حقك عليه .. المهم .. تعال صوب الينبوع .. أنا يالس حذال نصووور .. هيه هيه .. ناصر بن مايد .. يالله أترياك .. هههههه .. آسف مره ثانيه (يسكر التلفون) اللحين بيي عبوود

>> عقب السلام و الكلام <<

ناصر: ها عبدالله .. وين تشتغل اللحين؟
عبدالله: لا أنا ما أشتغل .. بعدني أدرس
ناصر مستغرب: بعدك؟
عبدالله: هيه .. عقب ما خلصت دراسه في البلاد .. سافرت و سرت أكمل دراستي برع البلاد
ناصر: ما شاء الله عليك

((ملاحظه: عبدالله عمره 25 سنه .. و فارس عمره 23 سنه "في سن خالد" .. و مانع عمره 26 سنه))

فارس: يلا نحن نستأذن ..
ناصر: وين .. يالسين
عبدالله: لا السموحه .. طيارتي باجر الظهر و لازم أرتب شنطتي
ناصر: هيه .. زين عيل .. فمان الله
فارس و عبدالله سايرين: فمان الكريم

عقب ما روحوا عنه الشباب .. قام ناصر و لبس نعاله .. و سار و ركب سيارته .. و شغلها و ترياها لين ما تحر .. و عقب حرك السياره و ساق بها لين بيتهم .. بس بعدين خذ لفه .. و سار ورى بيت عمه علي "بوخليفه" .. و شغل الاف ام و كانوا حاطين غنية وليد ابراهيم .. في خاطري .. طول ناصر على الصوت .. و يلس يسمع الغنيه و هو حاط ايده على السكان

في خاطري شي لك وانته على الخاطر
ابغي اقوله وانا من جرحي اتألـم

مدري اخفّيها واجهر فيه واخاطر
او انفذه من خوافي القلب واتكلم

محتار بامرن وخايف غلطة الشاطر
دنيا تجارب ومنها الناس تتعلم

ان قلت يافلان بك جو الهوا ماطر
وين اوجد الري في ليل الدجا الاظلم

يذبحني الريح من بستانك العاطر
ريحن جذب قلبي اللي عاشقن مغرم

الى متى وانت تتكبر وانا اناظر
ابا الوصل منك وانت بخاطري اعلم

خليتني فالمحبة صايمن فاطر
ابغيلي سنين حتى فجوك اتقلم

دم الشفاقا على قلب العنا قاطر
بيموت بظماه وهو في وصلكم يحلم

و قال في خاطره "خلاص .. لقيت الحل .. و ان شاء الله بقوله باجر حق الأهل

 

[ضوى العيون]

في ميلس الرياييل
-----------------------------

خالد: دخييييييييلك عمي ابا اشوفها .. حرمتي و ما شفتها إلا مره
بو سعيد: يا خالد .. وين تشوفها .. البنت اتجهز حق العرس
بوخليفة: اعقل يا ولد
خالد: اللحين الريم حرمتي .. و ما شفتها مول .. حتى يوم الملجه
بو سعيد تذكر اللي استوى يوم الملجه و نزل راسه و تنهد: انزين اللحين بقولها
خالد ندم على اللي قاله: تسلم عمي ..
و قام و حبه على راسه
سار بوسعيد و خبر الريم انه خالد يبا يشوفها
الريم: ابويه ما لبست .. اطلعله بشو اللحين؟
بوسعيد: ريماني .. سيري بدلي فديتج على السريع .. حرام الولد ما شافج إلا مره
الريم: ان شاء الله
و سارت الريم فوق .. و لبست جلابيه مخوره .. عنابيه .. وايد حلوه .. و حطت ميك اب على الخفيف .. و لفت الشيله بطريقة حلوه .. و نزلت تحت
بوسعيد: يلا باباتي .. خالد يترياج في الميلس
الريم: ان شاء الله ابويه
سارت الريم صوب الميلس و تمت تعدل نفسها قبل ماتدخل
دقت الباب برقه و فتحته .. اول ما دخلت خالد وقف .. سار صوبها و مد يده
خالد: هلا و غلا شحالج غناتي؟
الريم بحيا: الحمدلله و انت شحالك؟
خالد: الحمدلله من أول ماشفتج
سار خالد و هو ماسك ايد الريم صوب الكرسي .. و يلس و يلسها عداله
خالد: و شو مسويه فديتج؟
الريم بحيا ياكلها: ماشي .. مشغوله بالجامعه و تجهيزات العرس
خالد: شوفي .. اللحين أنا من متى مالج عليج .. و بس مرتين شايفج .. باقي الناس مليون مره .. و الله .. اللحين أنا على هالمرتين ذاليني .. وانتي بعد ماتقولين شي
الريم: أنا ما يخصني
يضغط خالد على ايدها بالقو
خالد: شو ما يخصج .. ريماني .. حبيبتي انتي حتى في التلفون ما ترمسيني
الريم: خالد مابقا شي على العرس
خالد :انا شو يصبرني لين وقت العرس .. أصلاً باقي وايد .. شهرين و نص واااااااايد
الريم: فديتك .. اصبر ما بقا شي
خالد: شو قلتي؟
الريم: قلت اصبر .. ما بقا شي
خالد: هيه .. أنا قلت اني ماسمع عدل

 

[ضوى العيون]

الريم ضحكت: ههههههه
خالد: فديتك هالضحكه أنا .. يعلها مديم يارب
الريم: وياك ان شاء الله
خالد: آمين (بعد فتره صمت) انزين ريمي
الريم: هلا ..
خالد: أنا مفكر نسافر السويد حق شهر العسل
الريم: صدق .. الــلـــه وايد حلو
خالد: و أي مكان ثاني أنا حاظر فديتج
الريم بحيا: تسلم لي و الله .. الله يخليك لي ان شاء الله
خالد: و يخليج لي ..
الريم: آمين
خالد: انزين و شحالج؟
الريم: حالي من حالك
خالد يضحك: أنا حالي تمام التمام
الريم تضحك وياه: و أنا بعد ..
خالد: وينها روضوه تتعلم الرقه منج
الريم ارتبكت هيه تعرف شو استوى حق روضه
الريم: هاا .. هيه مسكينه رواضي طايحه مريضه
خالد: هيه شفتها .. مسكينه وايد تعبانه .. حتى ناصر مادري شو بلاه
الريم: هزرك شي مستوي شي؟؟
خالد: لا لا .. بس اعتقد انه ناصر .. اممممم ..
الريم: شو فيك؟
خالد: بقولج .. بس لا تقولين حق حد
الريم: اوكي
و تم خالد يقولها
الريم: شووووو؟ ليييييش؟؟
خالد: ماعرف .. ما قالي شو السبب ..
و تموا يسولفون شوي .. لين ما قامت الريم ودخلت داخل .. و سار خالد بيتهم و خلى الريم تتنافض من الغيظ على روضه

-----------------------------
بيت بوراشد
-----------------------------

راشد: ما تبين تجوفين الفلم؟
شمسه: لا حبيبي .. بسير أرقد .. تعبانه

كانت الساعه اثنعش الفليل .. و حاطين فلم في ام بي سي 2 .. و كانوا شمسه و راشد يالسين في قسمهم في الصاله

راشد يسكر التلفزيون: عيل أنا بسير أرقد وياج
شمسه تطيح على الشبريه و تتلحف: زين عيل

سكر راشد الليت و طاح حذال شمسه على الشبريه .. ماقدر يرقد .. مافيه رقاد .. و شمسه تفكر في شي .. يالسه تتجلب و مب طايعه ترقد من كثر التفكير

راشد: شمسه .. رقدتي؟
شمسه: لااا
راشد ييلس و يفتح اللمبه الصغيره اللي حذاله على الطاوله الصغيره: شو بلاج فديتج؟
شمسه تيلس و تطيح على صدر راشد: ماشي
راشد لاوي على شمسه بـ ايد .. و يمسح على شعرها بـ ايد: متأكده؟
شمسه تتنهد: تعرف يوم وصلتني اليوم بيت أهلي ..
راشد: همممممم
شمسه: قالت لي اميه انه عتيج ولد عمي خطب هدى
راشد: مبرووووك .. عتيج و نعم الريال
شمسه: مب هاي المشكله
راشد مستغرب: عيل شو المشكله؟
شمسه: هدى رفظته ..
راشد عاقد حياته: ليش؟
شمسه: ماعرف .. تيلس تقول كلام عن عتيج .. و انه أكبر مغازلجي .. و من هالكلام
راشد: انزين .. معظم الشباب قبل لا يعرسون يغازلون و يستهبلون شوي .. عاد وقفت على عتيج
شمسه تجوف راشد بنظره: يعني انته كنت تغازل؟
راشد ضحك: ما أنكر اني رقمت كم من مره قبل في الكويت (تنهد) بس عقب ما توفت اميه و ييت الامارات .. تغيرت
شمسه ندمت انها غيرت مزاج ريلها و زعلته: و هدى تقول انها استخارت و ما ارتاحت له
راشد: إذا استخارت و ما ارتاحت له .. خلاص .. مب لازم تغصبونها
شمسه: بس مادري ليش أحسها مب صادقه .. يعني .. امممممم .. ماعرف .. حتى اميه شكلها شاكه في هدى
راشد: انتي رمستيها؟
شمسه: هيه .. و قالت لي نفس الكلام اللي قالته حق اميه و ابويه
راشد: خلاص عيل ..
شمسه: بس عيال عمي يبونها
راشد: و هيه ما تباهم
شمسه تتنهد: عيل خلاص .. بس مادري ليش راسها يابس و ما توافق
راشد: من كلامج عنها .. أفهم انها حشره و عنيده و سوالف و دفشه و ملسونه عكسج (يمط خشمها بحنان) هاديه و خجوله .. يعني 100% فرق بينكم
شمسه تضحك: مادري على منو طالعه .. لا اميه و ابويه جي ..
راشد: محد في العايله عندكم مثلها .. يعني مثل شخصيتها؟
شمسه تفكر: اممممم .. لااا .. عزووز راعي سوالف بس مب مثل هدى
راشد: منو عزووز؟
شمسه: ولد عمي .. اخو عتيج
راشد: اوووووه .. قصدج عبدالعزيز
شمسه: هــيــــه ..
راشد: قولي من أول
شمسه: لحظه لحظه .. أنا أحيد ابويه كان يقولنا عن سوالفه هو و عمامي و هم يهال .. و يقول انه عمي كان دفش و حشره و عنيد و شري و كله يظارب .. حتى انه مسوي عصابه و هو زعيمها
راشد يضحك: خلاص عيل .. هدى طالعه مثله .. بس تدرين .. هدى وايد تذكرني بـ سيف
شمسه تبتسم: وااااااااايد
راشد يرد الابتسامه و يلس يسرح و ما كملت دقيقتين إلا و يباغم: لـقـيـتـهـا !!
شمسه مستغربه: شوو؟
راشد: لقيت فكره جهنميه ..
شمسه عاقده حياتها: شو الفكره؟
راشد: قررت أقول حق ابويه يخطب حق سيف
شمسه: اللحين هاي الفكره الجهنميه؟
راشد: خليني أكمل .. قررت انه نخطب له اختج هدى
شمسه مستغربه: شووو؟
راشد: هيه .. حل منطقي
شمسه: لا .. مب حلو جي
راشد: ليش؟؟
شمسه: أحسك بتخطب هدى حق سيف عشانك تشفق عليها
راشد: و على شو أشفق عليها؟
شمسه: ماعرف .. بس احساسي يقول جي
راشد: خل عنج هالاحساس .. و أنا باجر بكلم ابويه
شمسه: اللحين من صدقك انته و لا تستهبل
راشد: لا ما أستهبل .. فكري في الموضوع .. كم بتم هدى ترفظ .. ماشي سبب اللحين ترفظ اخويه
شمسه تفكر في الموضوع: اوكي .. رمس ابوك
راشد يحب شمسه على يبتها: يلا حبيبتي .. تعالي نرقد
شمسه: تصبح على خير حياتي
راشد يسكر اللمبه: و انتي من أهله

 

[ضوى العيون]

في ميلس بيت بوراشد
-----------------------------

الكل كان هناك .. بوخليفة و بوسعيد و بوراشد و خليفة .. و راشد .. و سيف .. و ناصر .. و خالد .. و بوغيث .. و غيث .. و هزاع .. و طبعاً حمدان
بوغيث: والله يا بوراشد .. نحن طالبين القرب منكم .. في بنتكم شيخه
الكل تفاجأ
بوغيث يكمل: لولدي حمدان
حمدان هني عدل يلسته و ابتسم .. و سوا عمره بو الكشخه
بوراشد بابتسامته الواسعه: والله يا بوغيث .. الولد على العين و الراس .. و مافي احسن منه .. و يحصلنا الشرف ان انسابكم
حمدان: والله يا عمي هذا من طيب اصلك .. و بنتك على العين و الراس .. و محفوظه في القلب .. و اللي تبونه بيصير .. و طلباتها و شروطها أوامر
بوراشد: مشكور يا ولدي .. و بعدين شو هالرمسه .. أي طلبات و شروط .. نحن أهل .. و اليوم انا برمس البنت و بشوف رايها .. و بنرد عليكم خبر في أقرب وقت
بوغيث: والله نتمنى موافقتها من كل قلبنا
بوخليفة :الله يوفقهم ان شاء الله .. ما شاء الله .. شيخه و حمدان يناسبون بعض
حمدان: تسلم عمي
بوسعيد: حمدان ريال و النعم فيك .. و نتمنى لك الخير يا حمدان
خالد: مبرووك
ناصر بتعب: مبروك يا النسيب نتريا موافقة الشيخه شيخه
حمدان يضحك: الله يبارك فيكم
سيف مستانس و مرتبش: خشمك خشمك يا ريال .. خلاص ودعت العزوبيه
و يتخاشمون
حمدان يضحك: عقبالك ..
سيف: لا لا .. بسم الله عليه .. شو ابابه الزواج .. اونه يسمونه القفص الذهبي .. أحس نقلي .. يعني ليش ما يسمونه القفص الحديدي مثلاً
الكل ضحك على سوالف سيف
غيث: مبروك ياخوي
حمدان شاق الحلج: الله يبارك فيك
هزاع يطبطب على ظهره: مبروك الشيخ
حمدان لف صوبه: الله يبارك فيك .. خشمك
هزاع: سير لا .. متفيج
حمدان عاقد حياته: طاعوا هذا بعد (شدد عليها) عنبوووووه
و الكل رد ضحك .. و تموا يباركون حق حمدان
عقب ما ساروا الرياييل
دخل بوراشد البيت .. و سار صوب حجرة شيخه
طق طق طق
شيخه: منو؟
بوراشد: أنا ابوج ..
شيخه اعتدلت في يلستها و سكرت الكمبيوتر: تفظل يبه الباب مفتوح
دخل بوراشد .. و مشا بخطواته الرزينه صوب بنته و يلس جدامها: والله يا بنتي يا شيخه .. انتي كبرتي .. والله ما كتب ان امج هي اللي تكلمج عن هالموضوع .. انا قلت بيي بروحي و بكلمج .. اليوم يا بنتي .. حمدان بن حمد .. اخو هزاع ريل موزه .. و ابوه و اخوانه هزاع و غيث .. ياو بيتنا و طلبوا القرب منا .. و أنا يا بنتي اباج تفكرين .. و أهم شي تستخيرين .. فكري عدل يا بنتي و أنا مب غاصبنج على شي ماتبينه
شيخه كانت تسمع و منزله راسها بحيا .. قامت و حبت راس ابوها: الله يخليك لي يا يبه .. و لا يحرمني منك يارب .. و ان شاء الله أنا بفكر و برد عليك خبر
شيخه في نفسها كانت موافقه و هي مستخيره من قبل .. بس بعد لازم تسوي عمرها ما تدري
دخلت النت حصلت رسالة من حمدان
"السلام عليج
شحالج الغاليه؟
عساج إلا بخير ..
يلا عاد ردي عليهم بسرعه .. تراني متحرقص .. و أتريا خبر موافقتج
خطيبج المحب المستقبلي ..
حمدان "
شيخه ابتسمت "فديييته والله" و سكرت الكمبيوتر بدون ما ترد عليه

 

[ضوى العيون]

عقب ساعتين
-----------------------------

يلس راشد يرمس ابوه .. و يقوله فكرته

بوراشد: بصراحه .. نحن ما شفنا من أهل شمسه إلا الخير
راشد: عشان جي يابويه أنا طلبتك إنه نخطب حق سيف .. أول سبب .. عشان يعقل و يودر الهبل
بوراشد يفكر: زين عيل .. اتصله عشان نرمسه
راشد يتصل لـ اخوه: ان شاء الله ابويه (يرمس اخوه) هلا سيف .. بخير بخير .. كلنا بخير .. الطباخ بعد بخير .. و البشكاره بعد .. لا الزراع ما جفته اليوم .. أقول انته جايفنا كلنا الصبح .. ليش تسأل عن حالنا .. يالسخيف .. انزين .. بس بغيت اسألك .. انته وين .. انزين .. تعال البيت .. لا محد مات .. و لا حد طاح في البالوعه .. عن السخافه سيف .. هيه اوكي اوكي .. نترياك أنا و ابويه .. بسم الله .. شو بلاك .. بس بنرمسك في موضوع لا أكثر و لا أقل .. لا لا .. أنا مب استاذ العربي .. يلا عاد .. اوكي .. باي
بوراشد يضحك: حشى .. شو قالك سيف عشان ترمس هالكثر؟
راشد يضحك وياه: يالس يستهبل عليه .. كعادته

>> عقب نص ساعه <<

سيف يدخل عليهم: هاااااي
بوراشد و راشد: أهلين
سيف ييلس و يصب له قهوه: شو بغيتوا مني .. آمروا يا الشيوخ .. شو هالشي المهم اللي خلاني أرد البيت و أخلي ربعي في المول
راشد: شي مهم .. بصراحه نحن قررنا نخطب لك
سيف كان يشرب القهوه و أول ما سمع كلام اخوه شرق بالقهوه و تفل بالقهوه على ويه اخوه و ابوه اللي يالسين جدامه بالغلط: شووووووو؟
بوراشد يمسح القهوه عن ويهه: لا إله إلا الله .. خيستنا يابوك
سيف يضحك: سوري سوري .. بس انتوا صدق ترمسون؟
راشد: هيه صدق .. جد مزحنا معاك
سيف يحرك راسه يمين و يسار و يفكر: لا .. ماظن
راشد: زين عيل ..
سيف: بس أنا مابغي أخطب
بوراشد: بس نحن بنخطب لصالحك
سيف: كيف لصالحيه؟
راشد: جوف حالك .. تسهر عند ربعك و ترد متأخر .. الشركه تشتكي منك يقولون ما تلتزم في شغلك .. أكل ما تآكل عدل .. يوم تدخل حجرتك اللي توها منظفينها .. تطلع منها عقب خمس دقايق و تستوي وصخه .. يعني نبغي نعدل حالتك
سيف: انزين .. كل الشباب جي .. ليش يت عليه أنا بس
بوراشد: عشان انته غير الشباب (بفخر) انته ولد مايد
راشد: و اخو راشد
سيف: امممممم .. ماعرف

>> و تموا ابوه و اخوه العود يقنعونه <<

بوراشد: خلاص عيل .. بنسير لهم باجر و بنخطب
راشد: اوكي .. بس منو بيسير؟
بوراشد: أنا و اخوانك و عمامك و امكن عيال عمك بعد
سيف قام شوي شوي و كان بيشرد بس مسكه ابوه من كندورته: و طبعاً ظيف الشرف .. سيف

-----------------------------
اليوم الثاني
-----------------------------

مها: نواري بلييز أبغي كتاب التاريخ مالج مال السنه اللي طافت
نوره: ليش؟
مها بخجل: عدنا quiz و أنا مب حاله الأسئله اللي في الكتاب .. و لا مسطره الأشياء المهمه
نوره: هاااا .. كشفتكم يا عيال هالجيل .. بس تنقلون من كتب اخوانكم .. و انتوا بس طاف و ما تهتمون إلا يوم يكون عندكم امتحان

كانوا يالسين في الصاله .. شيخه يالسه على الغنفه و تجلب في مجله .. و جاسم طايح على ريلها و منسدح على الغنفه حذالها .. نوره و مها طايحات حذال بعض على الأرض يجوفون التلفزيون .. و ميثا في بيت عمها محمد ويا حصه .. و الشباب ناصر و سيف لاهين و طالعين .. و راشد ويا حرمته في الحجره (لأنه اللحين الساعه ثلاث و نص .. عقب الغدا) .. و ثواني .. و يا عندهم حارب

حارب: السلام عليكم
الكل: و عليكم السلام
حارب ييلس على الغنف: هاا .. شو مسوين .. هدوء عندكم اليوم
شيخه: سيفوو و نصوور محد .. ميثوو ويا حصوو .. جسووم راقد .. و هذيلا (تأشر على نوره و مها) مندمجات في الفلم
حارب يصب له عصير ليمون: اهاااا
مها ترد ترمس نوره: يلا عاد نواري .. بلييييز
نوره تقوم: اوكي اوكي .. خليني أسير أدور في الستور (المستودع) تعالي دوري ويايه
مها: اوكي .. يلا

يقومون .. و يسيرون المستودع .. فوق السطح .. مسوين مثل حجره صغيره يحطون فيها أشياء جديمه .. نوره فجت الباب .. و أول ما دخلوا

مها: كح كح .. غباااااار
نوره تيلس تنفظ الغبار عنها: من زمان ما دخلناه
مها: انزين .. وين تحطون الكتب الجديمه
نوره تنقل نظرها في كل مكان لين ما لقت صندوق عود: هناك
تجدموا البنات صوبه .. و يلس نوره تمسح عنه الغباره .. و جربت تفتحه بس ماقدرت
نوره: سيري اسألي شيخه عن المفتاح .. أكيد تعرف مكانه .. امكن ابويه قالها وينه
مها: انزين .. و نزلت مها تحت
قامت نوره و يلست تتمشى في المستودع و تتذكر الأشياء اللي يحطونها هنيه .. و لفت انتباهها صندوق برتقالي صغير .. شكله كيووووت .. سارت صوبه و فتحته .. و جافت داخله موبايل نوكيا N70 .. و سماعته و البلوتوث .. و لقت ميداليه مرسوم عليها ورده ناعمه .. راقيه .. و حلوه .. و لقت منظره صغيره .. و أشياء و أشياء .. نوره تعرفهن عدل ما عدل .. يلست على الأرض .. و يلست تجوف الأشياء و تتحسسهن .. دمعت غصباً عنها .. شلت الموبايل .. أو بالأحرى موبايل امها .. و هيه تدري انه امها تتابع الموضه و تشتري أحدث الموبايلات .. عكس حريم أعمامها (ام خليفه – ام سعيد) اللي موبايلاتهم عاديه و مب يديده .. لا شعورياً .. فتحت الموبايل (كان مغلق) .. و جافت عبارة الترحيب "يا مرحبا باللي لفانا .. هلا و الله بام المزايين" .. ابتسمت .. امها كانت دوم تحب تكشخ .. و تحس انها من أحسن الناس .. مب غرور .. بس هذا شي طبيعي فيها .. سارت و فتحت الصور .. و الرسايل .. تتذكر كل شي عن امها .. ملامحها .. صوتها .. حركاتها .. لبسها .. ريحتها .. حطت الموبايل على خشمها و شمته .. تعرف هالريحه زين ما زين .. هاي ريحة عطر امها المفضل .. و عقب سارت عند ملف الحافظات .. و لقت فيه وايد ملفات .. بس فتحت ملف جذبها عنوانه "عيالي الغالين" .. و لقت فيه وايد أشياء .. بس كان بعد فيه صوت مسجل .. ماعرفت شو ها .. بس ظغطت عليه .. و سمعت قصيدة ناصر .. عن بنت أحلامه .. يلست تسمع و تسمع .. و قطع عليها دخول مها .. الهلكانه و اللي تلهث .. كان ويهها أحمر .. شكلها يلست تدور و تدور .. مسحت نوره دموعها بسرعه .. و مها ما ركزت على ويهه نوره .. تتحرى نوره حرانه و بس

-----------------------------
عقب ثلاث أيام
-----------------------------

الكل كان متيمع .. بيت بوخليفة و بوسعيد .. و بوراشد .. و طبعاً الكل .. عيالهم و أحفادهم
اليده: ماتسافر يا ناصر .. قلتلك ماتسافر يعني ماتسافر
ناصر بتعب واضح: يدوه الله يخليج .. دخيلج خليني أسافر
اليده: وابويه عليك يا وليدي .. شوف شوف ويهك .. غادي أصفر و ظعيفون .. كيف تبا تسافر .. ما بخليك تسافر
بوراشد بحنيه: انزين ليش يا ولدي؟
ناصر يطالع الريم: بس يابويه .. أبغي أكمل دراستي
الريم نزلت راسها "كله منج يا روضه .. اللحين تخلين ناصر يسافر شو ها .. و الاخت يالسه في البيت .. حماره هالبنت "
بوسعيد: انزين يا ولدي .. كم من شهر؟
خالد اللي يعرف انه ناصر بيسافر و كم بيتم بس مايعرف ليش: مب شهور .. سنييييييين
الكل منصدم
ناصر منزل راسه: أربع سنين
الكل: شووووو؟
بوراشد: ماتسير ..
ناصر: ابويه الله يخليك .. بسير أكمل و آخذ الماجستير
هالحوار كان يدور .. عقب ما سار ناصر و خذ التذكره اول امس
"ناصر: لو سمحت عندك تذكرة سفر لامريكا .. لأقرب طياره
قال الكلام بعد السلام وبعد مادخل ناصر مكتب الخطوط الجوية الاماراتيه
الموظف (مواطن): هيه نعم .. الشيخ متى تبا الرحله
ناصر: في أقرب وقت .. إذا تقدر في أقل من 4 ايام
الموظف: أقرب رحلة عقب 5 أيام .. الساعه 10 فليل
ناصر: مافي وقت اقرب .. انزين على الدرجه السياحية .. أي شي .. مب شرط الأولى
الموظف: لا والله الشيخ .. اسمحلي
ناصر يتنهد: انزين الرحله اللي عقب 5 أيام .. شو عندك سياحية و لا أولى و لا بزنس
الموظف: اللي تباه
ناصر: ابا على الدرجه الاولى لو سمحت
الموظف: ان شاء الله اخويه
يلس الموظف يطقطق على الكيبورد
الموظف: ان شاء الله يوم الجمعه الساعه 10 فليل و انت تعرف الإجراءات تعال قبل ساعتين و لا ثلاث ساعات
ناصر وقف .. و سلم على الموظف بالايد بعد ماوقف وياه: تسلم الشيخ و ما قصرت
الموظف: العفو .. هذا واجبنا"
بوراشد: بس ياولدي
ناصر: ابويه أنا اتخذت قراري و هب متراجع عنه
بوراشد: الله يوفقك يا ولدي
و حظن ولده ..
ناصر: ان شاء الله بزوركم في كل الإجازات و ما بقصر
اليده بعفويه: و روضه؟
ناصر و الريم حسوا جنه بماي بارد انجب عليهم
ناصر: يصير خير
و سار ناصر حجرته يرتاح

 

[ضوى العيون]

قبل يوم سفر ناصر بيوم
-----------------------------

عقب صلاة العصر .. نوره بسرعه بسرعه بدلت لبسها .. و تعدلت .. و لبست شيلتها .. و مشت صوب بيت عمها علي ويا البشكاره .. و في ايدها موبايل امها .. دخلت داخل .. و سلمت على يدتها و عمتها "ام خليفه" .. و سارت فوق عند روضه .. دقت الباب و تريت حد يرد عليها .. دقت و دقت .. لين ما روضه فتحت الباب .. كان ويهها شاحب .. و عيونها حمر و خشمها وايد أحمر .. غمظتها روضه .. و عرفت ليش روضه صاحت هالكثر .. كله من اخوها .. اللي بيسافر يكمل دراسته .. بس هيه ماتدري السالفه الأصليه

نوره تسلم على روضه: شحالج اليوم؟
روضه: بخير ..
نوره تدخل و تيلس على الشبريه: عندي لج شي
روضه مستغربه: شو هالشي؟
نوره تفتح موبايل امها و تفتح ملف اللي فيه التسجيل اللي بصوت ناصر .. و يلست روضه تسمع بانصات ..

نوره: انزين ناصر .. اقصد لنا قصيده .. عاد نباها غاويه
ناصر: فالكم طيب .. عن شو تبون؟
هند: اممممممممممم ..
نوره: هيه لقيتها .. عن بنت أحلامك
ناصر: انزين ..

خوية درب عمري ماخذانـي دونهـا النسيـان
وأنا يا اهل الملامه ما رغبت العيـش وحدانـي

ابي لي مهره ماعسفت صغيره وبنت حصـان
ابوها اللـي يفـك المشكلـه ويزبـن الجانـي

واخوها لا تعزوى باسمها فزوا لهـا العربـان
يحق لها الفخر فـي قولـة آل فـلان جدانـي

أبيها في بحـر عشريـن لا زود ولا نقصـان
أبيها اقصر طويلة والوصوف اشكال والوانـي

أبي الجبهه كما الصبح وكما القوس اسود الحجان
وابيها ناعسـات ونرجسيـه سـود الاعيانـي

ابي رمش كما ريش يغطـي الثلـج فالاوجـان
وابي جفن يشيل الرمـش طربـان وكسلانـي

ابي خد كما ورد تنّمـى فـي طـرف بستـان
وابي خشم صغير ومثل حد السيـف شامانـي

ابي البسمه كما البرق وثناياها كمـا المرجـان
شفاهـا جمرتيـن وفمهـا خاتـم سليمـانـي

ابي شعر مثل ذيل الفـرس لا طبّـت الميـدان
او الشلال لامـن بـات ليلـه بيـن الامتانـي

ابي جيد سوات ابريـق فضـه ناتـق مليـان
وصـدر كنـه مرايـه عليهـا طلـع رمانـي

ابي ظهر كما الجدول وقدّ مثل غصـن البـان
وخصر مثل مجدول الاعلان وجسـم رويانـي

ابيهـا نابيـة ردف وبطـن ظامـر جوعـان
ابيهـا مدمـج سـاق وقدمهـا لسـان ثعبانـي

ابيها بنت عـز مـن رغدهـا ينعـم الفستـان
ابي الرقه وابي الدقـه لهـا باطرافهـا شانـي

ابي المشيه كما اللي طالع من المعركه كسبـان
وابيها ترش مع خطواتهـا مسـك وريحانـي

ابي صوت الى مني سمعته كـن فيـه الحـان
يدغدغ مسمعي ويثير كـل السحـر فاشجانـي

ابيها حب واخلاص وهواجيس وفرح واحـزان
ابيها مثل ما دكتور اهالـي العشـق وصانـي

ابيهـا لوحـة مـا صورتهـا ريشـة الفنـان
ابيها جوهره مـا جابهـا قاصـي ولا دانـي

ابيها تنتصر لي مـن زمـان حطنـي نيشـان
وتبشر بالغلا اللـي مالفـى بـه واحـد ثانـي

مهرها قلـب وشعـر يهـز القلـب والوجـدان
وألبسها القصيـد وتصبـح اوزانـي وقيفانـي

ابي اللي فات واللي فات صعب ومن لقى العنوان
يرد العلم ولا افضـل ابقـى اعيـش وحدانـي

و ســــــلامــــــتــــــكــــــم

هند: صح لسانك
ناصر: صح بدنج

يلست روضه تدمع و تدمع .. لين ما انفجرت من الصياح و نوره حظتنها و يلست تحاول تخفف عنها

(ملاحظه: القصيده بقلم الشاعر ناصر القحطاني)

 

[ضوى العيون]

في نفس يوم سفر ناصر
-----------------------------

كل العايله يالسين في المستشفى .. الحريم في حجرة الانتظار .. و الرياييل يالسين في الردهه .. كل واحد فيهم متوتر .. يتريون الدكتور يظهر من الحجره .. بوراشد يمشي في الردهه ساير و راد .. و بوسعيد يالس يقرا قرآن في سره عشان يخفف من توتره .. و بوخليفه يدق بريوله على الأرض و مجتف ايده .. و عقب نص ساعه ظهر الدكتور .. و كل الرياييل يالسين يجوفون تعابير ويهه الدكتور

الدكتور مبتسم: الحمدالله .. نجحت العمليه

كل واحد من الرياييل عبر عن فرحه بطريقته .. اللي يلس شاق الحلج .. و اللي نقز من الفرحه .. و اللي حظن اللي يالس حذاله .. و اللي تنتهد من الارتياح .. يعني بصراحه .. كان خبر و لا أروع

>> في نفس اليوم العصر <<

عقب نجاح العمليه اليوم الصبح .. الكل رد البيت عقب ما تطمنوا على يدتهم .. و عقب صلاة العصر .. تيمعوا مره ثانيه عند اليده .. اللي قامت من الرقاد

شيخه تحضن يدتها و تحب راسها: الحمدالله على السلامه يدو
اليده: الله يسلمج فديتج
ام خليفه: شو تحسين بركبتج؟
اليده: مادري .. ماحسبها عدل
خليفه اللي داخل عليهم: ترى البنج ما خاز بعده .. و امكن تحسين بويع شوي
العنود: انزين .. شو قالك الدكتور؟
خليفه: و الله قال انها لازم ما تيلس على الأرض .. و بترقد في المستشفى يومين .. و بتستخدم عكاز حق اسبوع
حصه داخله عليهم ويا امها و ميثا بنت عمها
حصه: يدووووووووتي
اليده: وااااايه فديتج .. يعلني ماخلا منج يارب
حصه تحب راس يدتها: و لا منج يدوتي
ميثا تحط بوكيه الورد على الطاوله
ام سعيد: شحالج عمو؟
اليده: بخير الحمدالله

و يلسوا الكل يسولفون و مستانسين على سلامة اليده .. بس ما يدرون عن روضه و ناصر

-----------------------------
في بيت بوخليفه
-----------------------------

روضه يالسه ع الأرض و حاطه ايدينها ع ويهها و تصيح و تصيح .. تذرف دموعها بسرعه .. و صوتها يعور القلب .. الريم سارت تييب لها ماي عشان تهدى شوي .. مع انها تعرف انها ما بتهدى .. روضه يالسه تتذكر ذكرياتها الحلوه ويا ناصر .. تحاول تتذكر شكل ناصر .. بس غصبن عنها تتذكر انها كيف خانت ناصر .. و بدت تحب عبيد

الريم: روضه .. كليلج شي .. ما كلتي شي اليوم كله
روضه تاغم و تصيح: مــابــا مــابــا .. خــلــيــنــي بــروحــي
الريم: روضه ..
روضه: قــلــت خــلــيــنــي بــروحــي
الريم تتنهد و تسير: ان شاء الله

روضه في خاطرها "كيف خنت حب ناصر و حبيت عبيد؟ كــيــف؟ يــاربــي .. اللحين ناصر بيسافر و كله بسببي .. كــلــه بــســبــبــي .. عشت الويل بسبب عبيد .. ماعرف كيف بعيش حياتي من دون ناصر .. مــاعــرف .. هو اللي علمني معنى الحب .. هو اللي عيشني في أحلى لحظات حياتي .. و أنا كنت أعرف انه في يوم من الأيام .. بيطلب ايدي .. و كل أهلي يعرفون هالشي .. بس أنا خنته .. و سرت و حبيت عبيد .. مع اني كنت أعرف انه ما بيخطبني .. بس كان عندي أمل .. اللحين عبيد سبب كل هالمشاكل و سار عنا .. مــايــســتــوي .. لازم يحس بذنبه .. لازم !!"

روضه تسمع صوت ريال مألوف لديها: روضه ..
روضه تبتسم بسخريه: حتى بديت أسمع صوته؟!
نفس الصوت القبلي: روضه تغطي ..
روضه تقوم من مكانها و تعدل شيلتها: منو ها؟
يطلع لها الشخص من ورى باب الصاله: أنا .. أنا ..
روضه: نـــــــــاصـــــــر !!
ناصر: مابغيت أسافر من دون ما أودعج ..
روضه: هيه هيه .. بس كلهم في المطار يودعونــ
ناصر يقاطعها: في المستشفى عند اليده .. نسيتي انها سوت عمليه اليوم
روضه: بس بس ..
ناصر: روضه أنا أبا أقولج شي قبل لا أسافر
روضه: ناصر الله يخليك .. لا تسافر
ناصر: خلاص فات الفوت .. و قلتيها بنفسج "أنا ماحبك"
روضه: كانت لحظة غضب .. و الله ما قصدت
ناصر: بس خلاص، طيارتي بطير عقب ساعتين ..
روضه: الله يخليك .. أنا و الله أحبك
ناصر: و أنا كنت .. كنت أحبج
روضه تصيح: أنـــا أحــبـــك .. أحــبــك يــا نــاصــر .. أحــبـــك !!
ناصر بسخريه: خلاص .. ما ينفع هالكلام
روضه تتجدم و تيوده من جتوفه و تهزه و تصيح: نااااصر .. اسمعني .. أنا أحبك
ناصر يجوفها و يبتسم بسخريه
روضه: أنا غلطت .. و مافي انسان ما يغلط .. بس أنا كنت غبيه و سمعت كلام عبيد
ناصر يبتعد عنها متجزز: و أنا كنت أغبى منج يوم حبيتج
روضه: بس ناااااصر .. أنا و الله أحبك .. و الله .. بسوي أي شي عشانك .. أي شي .. بذبح عمري .. أبغي أموت إذا انت ماتحبني
ناصر بعفويه: بسم الله عليج
روضه تصيح: نااااااصر .. الله يخليك .. خلنا نبدا من أول .. و أوعدك اني مابخونك مره ثانيه .. ووووووعد
ناصر و عنده أمل: صدق؟
روضه: هيه صدق .. و الله
ناصر: يعني .. يعني .. لو خطبتج
روضه تقاطعه: بـ وافق .. و تسير تربع عنده و تحظنه .. و تيلس تصيح و تصيح .. و تمسح كل ذكرى في بالها ويا عبيد .. تبغي تعيش حياه يديده .. حياة يتملكها شخصين .. هيه و ناصر .. و بس ..

الـــــنـــــهـــــايـــــه

 

[ضوى العيون]

(( عقب مرور أربع سنوات ))

موزه: يلا حبيبي .. قوم
هزاع يتجلب على الشبريه: هممممم
موزه: قوم فديتك ..
هزاع: بس خمس دقايق
موزه: و لا دقيقه
حمد يربع صوب ابوه: بابا .. بابا .. حمود يظربني
هزاع: خلوني أرقد شوي
موزه: تعال حمد فديتك .. هزاع يلا قوم .. وراك شغل
هزاع يقوم: انزين انزين ..

موزه & هزاع
موزه ربت و يابت ولدين توم .. محمد و حمد .. عمرهم 4 سنوات .. و اللحين هيه حامل بولد في الشهر السابع .. هيه و هزاع عايشين حياتهم على أحلى ما يكون

بوغيث: عيل وينه هزاع؟
موزه: يبدل لبسه .. اللحين ياي
ساره: اييييه حمود .. قوم عني
محمد: دبه دبه .. هاللبس وايد ظيج عليج
ساره: ابووووويه .. جوف ولد اخوك
هزاع: شو بلاه ولد اخوه .. تعال حمود .. تعال عند ابوك
شوق طالعه من المطبخ و في ايدها كوب حليب و تيلس على الكرسي: انتوا متأكدين انه هذيلا توأم .. و الله بس في الشكل يتشابهون .. لكن في الشخصيات .. 100% غير عن بعض
هند تيلس حذال شوق: هيه و الله .. حمد وايد هادي شرات امه .. بس حموووود
ساره: وعععععع .. شرات ابوه
هزاع: تعال تعال حمود .. خلك منهم .. هذيلا يغارون منك
مشى محمد صوب ابوه و طلع لسانه للبنات .. و يلس على ريول ابوه
هزاع: موزه حبيبتي .. لا تيلسين ترابعين ورى التوم .. انتي حامل .. خلي البشكاره تلبسهم
موزه: لا حشى .. البشكاره بس تنظف و تغسل .. أنا اللي بهتم في عيالي
أحمد ياي يربع من فوق: همووود .. اندي سوبرمان
محمد يربع صوبه: الله .. منو اشترالك؟
أحمد بفخر: بابا ..
محمد يربع صوب ابوه: بابا بابا .. اشتر لي سوبرمان مثل أحمد
نوف: أحمد حبيبي ليش قمت .. اللحين الساعه سبع و انته ما وراك شي
غيث: خليه على راحته .. إلا ياهل بوسنتين
ساره تباغم: آاااااااااي .. أحمد .. هد شعري
نوف تمشي صوبهم: نو نو أحمد .. لا تمط شعر اختك
ساره: و الله حاله .. ماما عقصي اخترب .. ردي سويلي
نوف: لا إله إلا الله .. تعالي تعالي هنيه
بوغيث يتريق و يجوف عياله و أحفاده مبتسم
حمدان ياي يربع من فوق و لابس بدلة الظابط
شيخه: حمدان .. تعال لا .. شل غلووي عني .. ببدل لبسي
حمدان طنشها و يلس يشرب شاي كرك و هو مبتسم
شيخه: حمدان عاااااد .. تعال
موزه تقوم: أنا .. أنا بييج شيخه
هزاع يمسكها: لا لا .. يلسي مكانج حياتي (يأشر لشوق بعيونه)
شوق: خلاص .. أنا بسير
غيث يرمس حمدان: و انته شعنه ما تسير تساعد حرمتك و تشل بنتك؟
حمدان يجوفهم و يضحك
شوق نازله تحت و تشل الغاليه بنت حمدان اللي تصيح: لا تصيحين .. لا تصيحين فديتج .. شو فيج .. شو بلاج (تيلس على الغنفه) قولي عمو شوق .. عمو شوق
بس الغاليه تطنشها و تصيح بصوت أعلى
شوق: oh my god .. حفاظها ثجيل (تفتح عيونها على الآخر) ليكون .. هييييييييه .. و أنا أقول ليش ما تبغي تشلها .. لا انت و لا شيخه .. عنبوه .. بنتكم .. غيروا الـ pampers مالها .. تعالي تعالي حبيبتي الغاليه .. تعالي أنا بغير حفاظج
هند تضحك على شكل ويهه شوق المعتفس
شيخه تنزل تحت: السلام عليكم
الكل: و عليكم السلام
شيخه تجوف حمدان بنظرات .. و حمدان نقع من الظحك
غيث: شو بلاك تضحك؟
حمدان: لا .. و لا شي
شيخه تيلس حذال حمدان و تهمس له: ماعليه .. حسابك معايه بعدين .. عنبوك .. خليتها تزوع (ترجع) على بدلتي اللي مجهزتنها و مدخنتها .. قلتلك اني بطلع و بسير ويا بنات عمي اليوم
حمدان يبتسم و في خاطره يضحك .. بس ماسك ضحكته .. يوم كان يلاعب بنته اليوم فوق في الحجره .. بغت تزوع فسيده حطاها على بدلة شيخه

حمدان & شيخه
شيخه وافقت على حمدان و ملجوا بسرعه .. بس ما عرسوا إلا يوم تخرجت شيخه من الجامعه (تحت طلب شيخه) و اللحين عندهم بنت صغيرونه عمرها سنه و اسمها الغاليه .. و هيه صدق غاليه على قلوب الكل

 

[ضوى العيون]

الريم: أحلى شي يوم نظهر ويا بعض
روضه تشرب الكابتشينو: هممممم .. أدري
الريم تجوف ساعتها: إلا وينها هاي شيخوو .. تأخرت
روضه: مادريبها .. اتصليلها أجوف
الريم تتصل حق شيخه: آلو .. وينج؟
شيخه: اللحين بطلع من البيت
الريم: شووووو؟
شيخه: سوري .. و الله سوري تأخرت (تعلي صوتها) بس كنت لازم أطلع بدله ثانيه عشان السيد حمدان خيس بدلتي الأولى
الريم سمعت ضحكة حمدان العاليه و ضحكت هي بعد
شيخه: عيل وين عيالج؟
الريم: في بيت ابويه .. وديهم هناك .. البنات متيمعات هناك
شيخه مستغربه: ليش عاد؟
الريم: مادريبهم .. شكلهم ناوين على شي
و في هالأثناء .. روضه استقبلت رساله من ناصر

((أخذت حبي وودي وكل أحاسيسي الرقيقة
ترى قلبي على قدي وأنت دليت طريقـــه
تبي جوابي وردي ومشاعري عالحقيقــة
لو هي ظروفي بيدي مأغيب عنك دقيقـة))

ابتسمت روضه و على طول اتصلت له: هلا حبيبي
ناصر: هلا بـ غناتي و عمري و حياتي كلها
روضه شاقه الحلج: فديتك و الله
ناصر: انتوا اللحين في العين مول؟
روضه: هيه .. أنا و الريم .. و شيخه بتوصل عقب شوي
ناصر: أبا أعرف .. انتوا شو تسوون كل أربعاء في العين مول الصبح؟
روضه: نتريق في الكافيه و نشرب قهوه و نتسوق
ناصر: اهااا .. يلا عيل .. ما بطول عليج .. بس سلميلي على البيبي

روضه & ناصر
عرفتوا انهم تراضوا بس سيده رمس عمه علي انه يخطب روضه و عقب سافر و درس ثلاث سنوات و نص و يرد البلاد في كل إجازه عشان يجوف خطيبته و آخر شي عرسوا .. و اللحين روضه حامل ببنت في الشهر الرابع

روضه يلست تمسح على بطنها: يوصل فديتك .. دير بالك على نفسك
ناصر: ان شاء الله .. تامرين أمر يا الغاليه
روضه تستهبل: أنا مب الغاليه .. أنا روضه .. ليكون سرت تغازل من ورايه؟
ناصر بحب: و أنا أقدر .. يلا حبي .. فداعة الله
روضه شاقه الحلج: فمان الله
عقب ما سكرت روضه تمت سرحانه و يلست الريم تزقرها "روضه .. روضه"
روضه مبتسمه: هاا ..
الريم مبتسمه: وين سرحتي؟
روضه: لا و الله شي .. اكيه شيخه وصلت
شيخه: هاي بنات
روضه و الريم: هايين ..
الريم: يلا شيخه .. اطلبي بسرعه عشان نتريق و نسير نسوي شوبنق

--------------

الاستاذ: the class is over .. you may leave now
(الحصه خلصت .. تقدرون تطلعون اللحين)
الكل الطلاب قاموا من كراسيهم و بدوا يطلعون من الكلاس
فيصل: أحمد .. يلا تعال بنسير الكافتيريا
أحمد: اللحين ياي .. اصبر شوي
نزل أحمد و سار عند الاستاذ
أحمد: Hello Ser
الاستاذ: Hi Ahmad, how are you today?
أحمد: I’m quite fine thank you, but I want to ask you something
(أنا الحمدالله بخير .. بس أبغي اسألك شي)
الاستاذ: About what?
(عن شو؟)
أحمد: Well ser, after I finish this year .. I want to continue to study in my country
(بصراحه .. عقب ما أخلص هالسنه .. أبغي أكمل دراسه في بلادي)
الاستاذ: But why, you have excellent grades .. and all of the teachers and the students love you
(بس ليش .. علاماتك وايد ممتازه .. و كل الأساتذه و الطلاب يحبونك)
أحمد: Yes but I have my reasons
(هيه بس عندي أسبابي الخاصه)
الاستاذ يتنهد: As you wish .. I’ll talk to the head principle
(كما تتمنى .. بكلم المدير بموضوعك)
أحمد بامتنان: Thank you very much ser
(مشكور وايد استاذ)
فيصل: أحمد .. يلا بسرعه
الاستاذ بابتسامه حنونه: You’re welcome .. now yalla go to your friends
(العفو .. اللحين يلا سير صوب ربعك)

فـ الكافتيريا

مشى أحمد ويا ربيعه و زميله في الدراسه فيصل صوب الكافتيريا .. و تلاقى ويا حارب و ربعه منصور و فواز (كويتي)

أحمد: أنا خلاص .. بكمل السنه الرابعه هنيه و برد بكمل دراستي في البلاد
حارب منصدم: شووو؟
أحمد: صدق برد .. مليت هنيه
فيصل: إذا بترد .. برد وياك
أحمد: و الله؟
فيصل: هيه و الله .. شسوي هيه من دونك
حارب: بصراحه إذا تبون تردون ردوا .. أنا بتم هنيه لين ما أخلص دراستي
منصور: أنا بسير بييب لي بيبسي
فيصل: على الريج .. لا بصراحه .. أنا ماريد
فواز يضحك عليه
حارب يضحك: طنش الله يخليك و ييب لي وياك .. لا تسمع كلام الدكتور
فواز: ييب لي أنا سفن آب
أحمد: احم احم .. نحن دكاتره .. صحيين .. مب شراتكم
حارب يضحك: سير لا يا الخقاق
و الكل يضحك على سوالفهم

 

[ضوى العيون]

أحمد & حارب
عقب ما تخرج أحمد من الثانويه قرر انه يدرس طب في امريكا .. يتمنى لو يرجع الزمن لورى و يكون فاهم كل شي في شغل الدكاتره و يعالج سعيد .. بس خلاص .. سعيد راح عنهم .. و حارب عقب ما تخرج (عقب أحمد بسنه) لحق أحمد و سافر امريكا وياه بس يدرس تخصص مختلف

--------------

حصه ترمس في التيلفون: شووو .. نسيتوا البالونات .. لا ما يستوي .. ردوا مره ثانيه .. اففففف شو ها .. اوكي خلاص .. بااااي
ميثا: شو استوى؟
حصه: نواري و مهاوي نسوا يشترون البالونات .. و اللحين بيردون
ميثا: لااااا .. هذا من الأشياء المهمه
علي داخل عليهم ويا سالم: ليش تصارخون .. صوتكم واصل لين آخر الفريج
حصه: علاوي .. بلييز سير انته و سلووم و اشتروا بالونات من الجمعيه .. بلييييز
سالم: لحظه شوي .. لازم تعطونا بيزات زياده عشان نشتري حلويات حقنا
حصه: افففف .. انزين انزين (تعطيهم بيزات) يلا سيروا ويا الدريول .. بس لا تبطون
سعيد: خالو حثه .. تآالي لتوف تثيح
)خالو حصه .. تعالي لطوف تصيح)
حصه: وين البشكاره عنها؟
سعيد: ما ألف .. أليد أثوف الـ tv
(ماعرف .. أريد أشوف الـ تي ڤي)
حصه: ان شاء الله سعودي .. تعال نسير
عقب ما روحت حصه
سونيا: ماما ميسا .. تعالي خودي قاليه .. هيه في وايد سوي cry .. أنا لازم سوي نديف مجلس مال حريم
ميثا: انزين عطاني الغاليه الصحايه (عقب ما شلتها) امففف عليج .. انتي كل دقيقه يبالج حد يغير حفاظج

حصه & ميثا
تخرجوا من الثانويه و بعدهم على نفس الاستهبال و التنكيت و الضحك و السوالف .. لكنهم كبروا و استووا أحلى و شخصيتهم استوت جديه شوي أكثر

في الصاله اللي فوق

حصه: لطافي يا لطافي .. فديتج أنا يا لطافي
ام سعيد تركب الدري بعباتها و شيلتها: ما شاء الله .. الشيخ سعيد عدنا
سعيد يقوم و يلوي على يدتي: يدوتي
حصه: شمعنه تدلعين سعيد أكثر عن لطيفه .. ترى كلهم عيال الريم
ام سعيد بابتسامه: بس سعيد غير .. مسماي على الشيخ السعيد
حصه عرفت قصد امها و غيرت الموضوع: رشوود و جسووم .. يلا سكروا البلاي ستيشن .. اللحين دور سعوود و علوو يجوفون تلفزيون
علي (ولد خليفه): حطي ام بي سي 3 .. بيحطون توم اند جيري
العاش تربع من حجرتها: ماماتي .. وين سرتي من الصبح؟
ام سعيد: سرت ويا عمتج لطيفه (ام خليفه) و سرنا عزى وحده من معارفنا
العاش تجوف حصه: أقولها ..
حصه تهز راسها بمعنى "لا لا .. لا تقولين"
ام سعيد مستغربه: شو تقول؟
حصه: هاا .. لا .. و لا شي امايه فديتج
ام سعيد تمسح على شعر بنتها و تجوفها بفخر: و كبرتي يا حصه .. و تخرجتي من الثانويه
حصه تبتسم و تكشخ بظروسها
العاش: ماما ماما .. أنا بعد .. امسحي على شعري
ميثا يايه تربع فوق: حصووص فجي باب حجرتج .. بسرعه .. بغير حفاظ غلووي
حصه: اوب اوب .. مره ثانيه (تربع و تفتح باب حجرتها)
و يلقون ظبيه يالسه على النت
ظبيه تجوف الغاليه: مره ثانيه؟
حصه تهز راسها: هيه (تتجدم صوب ظبيه) انتي شو تسوين؟
ظبيه: يالسه على المنتدى ..
حصه تجوف نكها .. عقب تجوف ظبيه تظغط على وحده من مواضيعها و تلقى انه نك ظبيه تحته مكتوب "مراقب عام"
حصه: ظبووي انتي مراقبه عامه .. من متى؟
ظبيه تبتسم: من زمااااااان
ميثا عقب ما غيرت حفاظ الغاليه تجدمت صوبهم: أجوف ..
حصه تدح ظبيه على جتفها: و طلعتي مب هينه يا ظبوووي
ميثا: ما شاء الله عليج ظبيه
حصه تجوف الساعه اللي على اليدار و ربعت سيده صوب الجامه
ميثا: حصووص .. هدي هالسوالف عنج
حصه: خليني أجوفه ..
ظبيه طنشتهم و ردت حق النت
حصه: اكوه اكوه .. وصل بطي
ميثا: بصراحه .. سيارته عجيبه
حصه: قلتلج .. يالله اللحين بينزل (حطت ايدينها على صدرها) ميثوو .. رفع راسه فوق
ميثا تسكر الستاره: يابوج .. هاللي ناقص .. مانبغي فظايح
حصه: خلااااص .. بمووت .. رفع راسه ميثووو .. رفع راسه
نوره و مها داخلين عليهم و ميودين أكياس جمعيه في ايدينهم
نوره: منو رفع راسه؟
حصه توترت: هاا .. و لا حد .. بس جي
نوره طنشت: انزين .. نحن يبنا الأغراض .. طرشتوا حد اييب البالونات؟
ميثا: هيه .. طرشنا سلووم و علوو
حصه: الكيك متى بيوصل؟
مها: يقول العامل في المحل .. بيوصلون الكيك الساعه خمس
نوره تفر عمرها على الشبريه: تقريباً خلصنا كل شي
علي و سالم دخلوا عليهم و في ايدينهم كيسة بالون مال الجمعيه
علي يفر عليهم الكيسه: اندوكم ..
سالم يصد صوب نوره و مها: انتوا متى رديتوا؟
مها: قبل شوي
علي مستغرب: ما عندكم جامعه؟
نوره: لا اليوم دوامنا يخلص الساعه 12 الظهر
مها: انزين .. متى بنبدا نجهز كل شي؟
حصه: عقب صلاة العصر .. بنسير ميلس الحريم و بنقفل علينا الباب و بنيلس نزين المكان

نوره & مها
كبرن و دخلن الجامعه مع بعض و اجتهدن في دراستهن و راشد (اللي كلم نوره سابقاً) خطب نوره بس هيه رفظت .. تبغي تخلص دراستها و ماتبغي تعرس من شخص كلمها .. تبغي تبني حياتها من يديد

 

[ضوى العيون]

خليفه يدخل قسمه و يعق غترته و عقاله على الغنفه: السلام عليكم
مي اللي منسدحه على بطنها على الأرض تجوف التلفزيون: هاي دادي
خليفه: تعالي ميوتي .. حبيني
مي: I don’t feel like it .. I wanna watch tv
(مب متفيجه .. أبا أجوف تلفزيون)
خليفه: طاعوا هاي بعد ..
العنود طالعه من الحجره: روحك مدلعنها
خليفه: مرحبا مرحبا الساع .. هلا و الله بحرمتي الغاليه
العنود تشل عقاله و غترته و توديها الحجره
خليفه: تعالي حياتي .. وين سايره؟
العنود: دقيقه و برد
علي فتح باب القسم و يوم جاف ابوه ربع صوبه: بابا ..
خليفه يشله و يلوي عليه: هلا بولدي الغالي و الله
العنود: تعال علاوي حبيبي .. ببدل لبسك
علي: بننزل تحت؟
خليفه يلس و يلس علي فوقه: هيه حبيبي .. بننزل نتغدى تحت كلنا
مي: I don’t wanna go daddy
(أنا مابا أسير بابا)
خليفه: أنا متأكد انه و لا أنا .. و لا انتي من الانجليز .. و لا نرمس انجليزي وايد .. عيل هاي شقايل ترطن انجليزي؟
العنود تضحك: تأثير المدارس الخاصه حبيبي
خليفه: لا ميوتي .. بتنزلين يعني بتنزلين
مي: دادي ..
خليفه: و لا كلمه .. يلا تعالوا ننزل
العنود: اسبقونا .. ببدل لبس علي أول
خليفه: لا عيل .. بنترياكم

خليفه & العنود
مي كبرت و استوى عمرها سبع سنوات و عندها اخو عمره 4 سنوات اسمه علي .. عايشين حياة سعيده ويا ظرايب مي و علي

--------------

بوراشد: يلا يا عيال .. تعالوا تغدوا
راشد: يايين ابويه .. تعالي شمسه حبيبتي
شمسه تقوم و تمسك ايد راشد: تعالي هدى
هدى ماسكه موبايلها: لا لا .. بتريا سيف
راشد: اتصليله .. اتأكدي وينه
هدى: هيه اوكي (تتصل) مغلق
بوراشد: تعالي يا بنتي و تغدي
ناصر يفتح الباب و يدخل و ماسك ايد روضه: السلام عليكم
الكل: و عليكم السلام
ناصر: رواضي فديتج .. اندوج عقالي و غترتي
روضه: انزين .. أنا بسير فوق ببدل لبسي و برد .. عن اذنكم
الكل: اذنج معاج
نوره نازله تحت و شاله عليا
بو راشد: هلا و الله بشيخة البنات
نوره: احم احم ..
راشد: و منو قال انه يرمسج .. قصده بنتي علايه
بوراشد: لا .. أنا قصدي اثنينتهم
نوره: ها ها ها .. قفطه في الويهه
راشد: no problem .. شو يعني
شمسه تبتسم: نواري .. عطيني علايه عشان تتغدين
نوره: لا فديتج .. تغدي ويا ريلج عقب تعالي و خذي بنتج
راشد: و لأول مره في التاريخ أقول "طيعي شور نواري"
نوره: ها ها ها .. بايخ

راشد & شمسه
تصدقون انه شمسه بعدها تستحي شوي من راشد .. امكن شخصيتها جي .. بس حياتهم مع ذلك وايد حلوه .. و عندهم ولد اسمه مايد و عمره 3 سنوات .. و بنت صغيره اسمها عليا عمرها سنه

هدى: أنا بعدني مب مطمنه على سيف
نوره تيلس حذالها: لا تخافين .. اللحين بيوصل سيف
هدى: لا .. هو مبند موبايله .. أكيد فيه شي .. مــ
سيف يقاطعها و يدخل عليهم: هاااي
الكل إلا هدى: أهلين
راشد: سير يا ريال عند حرمتك .. كانت بتموت عليك من الزيغه
سيف: اوووبس .. سوري حبي تأخرت
هدى مجتفه ايدينها: و ليش مبند موبايلك
سيف يطلع موبايله من مخباه: الجرج خلص .. و علقت في الزحمة في الشارع
هدى: يلا عيل نسير نتغدى
سيف: بس وين توأمي الحبيب؟
مها تربع من المطبخ الداخلي: هدووووني .. سيروا عني .. لا تدقوووووووني

كانت مها تربع و كندورتها خايسه ألوان .. و يربعون وراها التوم حمده و حميد .. و مايد ولد راشد .. و ايدينهم خايسه ألوان (صبغ .. paint) خيسوا مها و حليلها .. و يبون يخيسونها زياده

 

[ضوى العيون]

ناصر يشل مايد: اوب اوب اوب .. تعال انت .. وين ساير .. تعال سلم على عمي
شمسه: بيخيسك ..
ناصر: لا عادي
روضه نازله من الدري: تعالي حمده حبيبتي
حمده: عموه .. عندج حلاوه؟
روضه: هيه حبيبتي .. بس أول شي تعالي تغدي
سيف: تعالوا يا التوم .. سلموا على ابوكم

سيف & هدى
حياتهم كلها استهبال و ضحك و سوالف .. لأنهم بصراحه يناسبون بعض وايد .. و عندهم توم ولد و بنت .. حمد و حمده .. عمرهم سنتين

--------------

سعيد: ماما .. ماما
الريم: ها حبيبي؟
سعيد: قومي قومي .. لتيفه تثيح
(لطيفه تصيح)
الريم: انزين اللحين يايه
سعيد: ماما .. قووووومي
بس الريم ردت ترقد .. فسار سعيد عند ابوه
سعيد يهز ابوه: بابا بابا .. لتيفه
خالد فز زايغ: شو .. شو استوى حق لطافي؟
سعيد: تصييييييح .. ما تخليني أجوف تلفزيون
خالد يجوف الساعه .. 3:45 العصر
سعيد: بابا .. تعال سكتها
خالد يصد صوب حرمته: حبيبتي ريماني
الريم: هممممم ..
خالد: لطافي تصيح
الريم: اللحين اللحين بقوم
خالد: و أنا بسير أتيدد حق صلاة العصر
تقوم الريم و تمشي صوب بنتها و تيلس ترضعها
و عقب ما رضعتها .. و رقدت لطيفه .. قامت الريم و شلتها و حطتها في المنز

(المنز .. شبرية البيبي)

و غطت بنتها و لحفتها عدل و يلست تمسح على ويهها شوي شوي
و أول ما بغت توقف حط خالد ايدينها على جتفها و جان تباغم الريم: هيييييييييييييييييييييييء
خالد يضحك: عنبوه .. مب جني .. إلا أنا .. خالد
الريم زايغه و حاطه ايدينها على صدرها: بسم الله .. زيغتني
و جان تقوم لطيفه مره ثانيه و تصيح
الريم: الله يهديك يا خالد .. اللحين قامت البنيه
خالد يلس يتذكر شكل الريم يوم كانت زايغه و يضحك عليها
و يلست الريم ترقد بنتها .. و خالد يالس حذالها
و ولدهم سعيد يالس على الأرض يجوف التلفزيون

خالد & الريم
طبعاً عرسوا .. و كل واحد فيهم فرحان بالثاني .. و عندهم ولد اسمه سعيد عمره 3 سنوات .. و بنوته صغيره اسمها لطيفه بتكمل سنه

--------------

ام سيف: تفظل ..
سيف يشل فنيال القهوه: مشكوره اميه
ام عبيد: مياري .. مياري .. فديت ميره أنا .. محلات هالغزوز ياربي
حميد: وايد تشبه مريم .. حتى نفس الخشم
عاشه "اخت مريم" تمط خشمها على الخفيف: وااااي .. خشمها صغيرون .. و كيوووووووت
سيف: عطوني .. عطوني بنتي
ام سيف تشرب قهوه: إلا وينها مريم؟
عاشه "الصغيره": ويا كنه ..
سيف: شو يسوون؟
عاشه "الصغيره" تهز جتوفها: و شدراني أنا
عاشه "اخت سيف العوده" دخلت عليهم ويا عيالها: السلام عليكم
الكل: و عليكم السلام
جميله يايه تربع من برع: عزووووز .. عزووووز
عبدالعزيز: هااا ..
جميله: ابويه اشترالي شريط جيم بوي يديد
عبدالعزيز: أي واحد؟
جميله: اسمه cars .. كشششششخه
عبدالعزيز: اميه اميه .. اشتريلي واحد
ام عبيد: شو ها بعد؟
حميد: تعال تعال عزوووز .. أنا بشتريلك .. بس أول شي خلوني ألعبها شوي
جميله: انزين .. بس ما تخربها
عذابه: ماما .. أبا موز
ام سيف: تعالي عند يدتج حبيبتي .. أنا بعطيج
عاشه "العوده": سيري عند يدتج .. بس مب تخيسين لبسج
عذابه: اوكي ..
تميم: تعالووا .. حاطين كونان في سبيستون

و فجأه .. كل اليهال يترابعون صوب التلفزيون و ينسدحون على المخدات و لا على الأرض

كنه تمشي و في ايدها صحن كيك: احم احم .. سوينالكم كيك
سيف: لا تقصين علينا .. أكيد مريامي حبيبتي سوته و انتي بس واقفه تجوفينها
كنه عقب ما حطت الصحن على الطاوله .. حطت ايدها على خصرها: نعم نعم؟
مريم يايه ورى كنه و في ايدها صينية فيها صحون و خواشيق: حرام عليك سيفاني .. كنه سوته و أنا بس ساعدتها
سيف: عيل أكيد مب حلو
حميد: قعطعولي قطعه .. شكلها يشهي
كنه: هذا التشجيع و لا بلاش
سيف: أبغي حرمتي تأكلني ..
مريم ماتت من القفطه .. و الكل ضحك على سيف

سيف & مريم
عرسوا بسرعه عقب ما تخرجت مريم من الثانويه .. بس تأخرت مريم في الحمل بس اللحين عندهم بنوته صغيره عمرها سنتين و اسمها ميره

عبيد: هود هود ..
ام سيف: اهداا يا ولدي
عبيد دخل و سلم عليهم و ردوا السلام عليه .. و سار صوب الدري
ام عبيد: وين ساير فديتك؟
عبيد: بسير فوق أتسبح
ام سيف: هيه .. بس عقبها تعال اجرب و تفاول
عبيد: جريب ان شاء الله
مريم: عبيد .. حد قالك تشتغل في الانترنت سيتي .. و تتعب عمرك
عبيد رافع وحده من حياته: كيفي .. و سار فوق
سيف مستغرب: شو بلاه اخوج؟
مريم حركت جتوفها: مادري
سيف: انزين لا تغيرين الموضوع .. تعالي أكليني
مريم استحت و ضحكت عليه

--------------

اليازيه: 7 ضرب 3 يساوي
سهيل: 21
اليازيه: انزين .. 7 ضرب 4 يساوي
سهيل يتنهد: 28 .. خلاص يزووزي .. مليت
اليازيه: يلا عاد .. عشان خاطري .. خلص واجباتك
سهيل: خلاص خلصتها .. انتي يالسه تراجعين لي للمره المليون .. ملل
اليازيه تسكر الكتاب: انزين .. عندك بريك ساعه .. عقب برد أكمل المراجعه
سهيل ينقز مستانس و يقول "yes" و يسير يربع صوب البلاي ستيشن
فاطيمه: ماما يازيه ..
اليازيه اللي كانت سرحانه: هممممم
فاطيمه: أنا خلاص سوي حليب حق شما .. فين هيا؟
اليازيه: عند ماما حمده .. عطيني غرشة الحليب .. و سيري ييبي شما برضعها
فاطيمه: زين ماما ..
فهد دخل عليها و هيه سرحانه مره ثانيه: القمر شو يسوي روحه هنيه
اليازيه ابتسمت: ماشي .. بس كنت أراجع حق سهيل واجباته
فهد يلس حذالها: انزين .. شو رايج نطلع اليوم نتعشى برع؟
اليازيه استانست: و الله (بعدين بوزت) بس بنخلي شما روحها هنيه
فهد: اميه وياها .. و البشكاره بعد .. ماعليها شر
اليازيه: انزين .. اتفقنا .. الساعه كم بنسير؟
فهد يفكر: امممممم .. شو رايج الساعه تسع
اليازيه: بس وايد متأخر ..
فهد: عادي .. حلو
اليازيه: انزين .. خلاص
بوفهد داخل عليهم: السلام عليكم
اليازيه و فهد: و عليكم السلام
فهد يقوم و يحب راس ابوه .. و اليازيه تقوم وراه و تحب راس خالها
بوفهد يحط أوراق الشغل على الطاوله: عيل وينها شمامي شيخة البنات؟
فهد: طاعوا .. توك ياي و تسأل عن شما .. يعني نحن مب تارسين عيونك؟
بوفهد يضحك: بس هاي غير .. هاي شما .. شيخة البنات .. مسمايه على المرحومه
اليازيه تهندت: الله يرحمها
فهد: آمين
فاطيمه يايه صوبهم: ماما يازيه .. ماما حمده قول هيا سوي نوم حق شما
اليازيه: زين عيل .. عطيها غرشة الحليب
فاطيمه تهز راسها: زين ماما
بوفهد: عيل فاطيمه .. شو العشا؟
فاطيمه: باشاميل دجاج .. و فطاير
فهد: لا تحسبين حسابنا .. نحن بنطلع
بوفهد: وين ما شاء الله؟
فهد يجوف اليازيه و هو شاق الحلج: بنتعشى برع
ام فهد: لا حشى .. اليوم نحن معزومين
فهد مستغرب: وين؟
ام فهد: بيت اخواني .. البنات مسوين حفله
فهد: قلتيها بنفسج .. البنات .. و أنا ريال
ام فهد: انزين .. البنات مسوين حفله .. و الكل معزوم
بوفهد: و العشى اللي مسوينه؟
ام فهد: بنشله ويانا ..

فهد & اليازيه
فهد تريا اليازيه لين ما تخلص دراسه و تزوجها و يابوا بنوته صغيره قبل كم من شهر اسمها شما (على ام اليازيه) و طبعاً كلهم عايشين في بيت واحد .. ويا بوفهد و ام فهد و سهيل

 

[ضوى العيون]

في السيارة

جابر: يعني لازم هاي (يهمس) الحفله؟
رفيعه: البنات يبون يسوون حفله و يستانسون
جابر بخبث: أنا متأكد انج زعيمة العصابه
رفيعه مستحمله عشان ما تضحك بس ابتسمت: أي عصابه؟
جابر: يعني انتي اللي مخططه حق الحفله .. و هم اللي ينفذون .. صح؟
رفيعه نقعت من الضحك
سلطان مستغرب: شو بلاها ماما؟
جابر: ماشي ماشي .. ايلس عدل و اتساند على السيت
سيف: باباااااااااااا ..
جابر: نعم؟
سيف: أبغي أسير الحمام
رفيعه اللي وقفت ضحك شويه: يعني لازم اللحين تسير؟
سيف يحرك ريوله بعصبيه: أبا أسير .. أبا أسير
رفيعه حطت ايدينها على ايد جابر: جابر حبيبي .. وقف عند محطة الشيشه
جابر بعناد: مب موقف ..
رفيعه: ليش عاد؟
جابر: أنا أعرف شو يبغي هالياهل .. يبغي يتشرى من المحطه .. شيطان هالياهل
رفيعه: حبيبي هذا إلا ياهل .. مايعرف
سيف يتصنع البراءه: هيه ماعرف
جابر: انزين بوقف .. بس بنجوف

عقب ما وقف .. نزلت رفيعه و فتحت الباب حق سيف عشان ينزل .. و عاد سيف ربع سيده صوب المحطه .. مب عند الحمامات

سيف: أبغي كاكاو ..
جابر فاتح جامة السياره و يباغم: جفتي حياتي .. جفتي هالشيطان
رفيعه: تعال حبيبي .. ما تبا تسير الحمام
سيف: لا مابا
رفيعه: عيل تعال نركب السياره .. بنتأخر على قوم يدو
سيف يباغم: لااااااااا ماباااااااااااا
رفيعه: اوهووو علينا .. جابر تعال جوف ولدك
جابر: أنا قلتلج قبل .. و انتي تحملي المسؤوليه .. لحظه لحظه .. اللحين استوى ولدي؟
رفيعه: جابر عاد ..
جابر: مب نازل

رفيعه تمت تمط سيف و عاد سيف شيطان و اللي في راسه يسويه و محد يقدر يمنعه .. فآخر شي اشتروله اللي يباه و اشتروا حق سلطان و ردوا ركبوا السياره

جابر يضحك: جفتي ..
رفيعه: لا ترمسني .. ولدك عورلي راسي بصياحه
جابر يضحك: أنا مالي خص .. قلتلج
رفيعه: افففففف .. بس ماقدرت تستحمل .. و يلست تضحك

جابر & رفيعه
عقب سلطان .. يابوا بعد ولد اسمه سيف .. و عمره سنتين .. عاد سلطان هادي و كيووت .. عكس سيف المشاغب الشيطان .. بس مع ذلك كلهم فرحانين و عايشين حياة عايلة بسيطه و سعيده

--------------

ميثا: يلا حصه .. كل حد تحت .. الرياييل في ميلس الرياييل .. و الحريم في ميلس الحريم
حصه: انزين .. دقيقه بس بعدل جحالي
مها يت عندهم: لو تجوفون كم الهدايا الموجوده تحت .. و الله بتزيغون
ميثا: عاد وين يلستوا اليهال؟
مها: تطمنوا .. كلهم في الصاله ويا البشاكير .. عقب شوي يوم بننزل .. بنيمعهم كلهم ويا الحريم
حصه عقب ما تجحلت: و الرياييل؟
مها: عقب ما نقطع الكيك بنطرشه صوبهم .. و العشى عقب نص ساعه .. مسوين وايد و كل الأنواع
ميثا تضحك: عاد هذا عشى مشكل .. خليجي على شامي على هندي
ظبيه تربع صوبهم: حصه .. نواري تسألج .. وين الشموع؟
حصه: دوريها في الكيسه ..

تمت ظبيه تدور .. و آخر شي قالت "ماشي"

حصه: شووو .. مستحيل .. أنا حطيتها في الكيسه
علي و سالم ياو عندهم .. و قال علي: أقول حصووص .. ليش تعطين لطافي الشموع؟
حصه: هااا؟
سالم يناول الشموع حق حصه: لقيناه في ايدها يوم سرنا المطبخ
حصه: أكيد يوم يت حجرتي قبل شوي يبدلون حفاظها .. شلت الشموع
مها: انزين يلا ننزل .. تأخرنا .. اللحين الساعه ثمن
حصه: اوكي اوكي ..

نزلوا كلهم تحت .. علي و سالم ردوا يشرفون على اليهال عشان محد منهم يطلع برع و يكتشف سالفة الحفله .. و البنات ساروا عند الحريم في ميلس الحريم .. كانوا كلهم متيمعين .. عايلة بوخليفه .. عايلة بوسعيد .. عايلة بوراشد .. عايلة بوفهد .. عايلة بوسلامه .. عايلة بوسلطان (جابر) .. عايلة بوغيث .. و عايلة بوبطي

ميثا: كلكم تدرون ليش نحن مسوين هاي الحفله
حصه شاقه الحلج: اليوم يوم ميلاد سلطان ولد عمي جابر
مها: و بنحتفل بهالشي اللحين .. بس أول شي بندخل اليهال

اتصلت مها على الصاله و شله علي و قالتله يدخل كل اليهال .. و عقب ساروا البشاكير اللي كانوا ويا اليهال المطبخ يكملون شغلهم .. و علي و سالم ساروا عند الرياييل

نوره: اليوم حفلة يوم ميلاد سلطان .. استوى عمره 4 سنوات
اليهال: yaaaaaaaaaaay
مها: انزين يلا تعالوا كلكم عند الطاوله

و التموا كلهم حوالي الطاوله .. و سكرت مها الليتات .. و لبقت نوره الشموع و بدوا يغنون

Happy Birthday to you .. Happy Birthday to you .. Happy Birthday to Sultan .. Happy Birthday to you

سنه حلوه يا جميل .. سنه حلوه يا جميل .. سنه حلوه يا سلطان .. سنه حلوه يا جميل

عقب سلطان نفخ الشموع .. و الكل صفق .. و مها ربعت و فتحت الليتات

الكل كان مستانس .. اللي يضحك .. و اللي شاق الحلج .. و اللي مسوي مجموعه و يالس يسولف .. اليهال يرابعون يمين و يسار و يلعبون بالبالونات .. و نوره و مها و حصه و ميثا ساروا يقطعون الكيك .. و يحطونه في صحون .. و يوزعونه على المعازيم .. عقب .. سارت نوره و شغلت الـ stereo .. و طولت على صوت اغنية حسين الجسمي .. يا خفيف الروح





يا خفيف الروح كيف انتوا
ياشفى قلبي من اعواقه
ارحموني لو تكومتوا
بالوصل وانا من اشفاقه
مرّ وقت لي ولابنتوا
انتظر من طول فراقه
ارحموا ذا الروح لاهنتوا
لي لكم بالشوق تواقه
مازهى لي الوقت لو ما انتوا
انت سعد القلب واشراقه
انتوا ياللي بي تملكتوا
بالرضا والطّيب واخلاقه
ارحموا من به تحكمتوا
من جفاه النوم ماذاقه
في سويدا القلب شيدتوا
منزل ٍ ماحد قد فاقه
بخفي امّا بي اذا عدتوا
لايشيع السد واشواقه
الصواب لي بيه صبتوا
عالجوها النفس معتاقه
غاية منايه اذا جدتوا
بعدكم لي نار حراقه
ياخفيف الروح كيف انتوا
ياشفى قلبي من اعواقه

البنات بدوا يرتبشون و يستانسون .. و يلسوا ينعشون و يرقصون .. و الحريم يصفقون و يجوفونهم .. يعني بصراحه .. حفلة غاويه .. و عقب نص ساعه .. حطوا العشى .. حق الرياييل و الحريم .. و كل واحد فيهم فرحان و شاق الحلج .. و هاي النهايه السعيد .. اللي الكل يبغيها

 

[بنوته كيوت]

تسلمين حبيبتي ع القصه
الرررروعه
انا وصلت الصحفه الثانيه شكلها وااايد حلوه

 

[ضوى العيون]

الله يسلمج ان شاء الله

 

[* تيكت ايزي *]

شكلهااا القصة حلوووووووة


ربي يعطييج العافية


خذيتها بأقراهاااااا