مــب إنتــه اللــي أعيـش الويـل بسبابك

[ضوى العيون]

الصراحه انا من زمان اعرف انج انتي ملسونة&دفشة ..
بس انا حبيت اوصلج باي طريقة .. إني حمدان .. بس ماعرفت كيف ..
واليوم يوم سيف سألني .. خذتها فرصة إني اقول منو أنا ..
شيخه .. بكل صراحة ماريد ألف يمين و لا يسار شو رايج فيني ..
امممم .. اعرف انها قويه بس انا أريد أخطبج لأنج دخلتي خاطري ..
من اسلوبج في الرمسه و التعامل ويا الأعضاء .. بنت محترمه و ما عليها رمسه
أنا حبيت شخصيتج أكثر من ما حبيت شكلج .. أنا ما أنكر انج حلوه بس شخصيتج أحلى
شيخه اعرف انها قويه .. والله اني ما ألعب عليج ..انا أريدج .. و أحبج .. و الله ..
و بخطبج بس انتي ردي عليه بـ هيه أو لا ..
والسموحه منج يا الغلا
حمدان السويدي"

شيخه كانت فاجه عيونها ..
شيخه:يحبني (ابتسمت) فديته والله .. ايه أنا الخبله شو أقول .. ما صدقت حد يحبني .. أنا عندي وايد معجبين في المنتدى .. و صديتهم كلهم .. أعاملهم كـ اخوان .. بس مادري ليش أحس ان هذا غير .. حمدان غير .. غير عن كل المعجبين

ردت عليه

"وعليكم السلام و الرحمه
أهلين حمدان ..
أنا الحمدلله بخير ..
ومن صوبك يا الشيخ؟
امممم أنا اليوم انصدمت يوم عرفت .. و آسفة على طريقتي وياك قبل..
أنا كنت أتحراك من المعجبين .. فـ صديتك .. و عاملتك شرات الاخو ..
أنا ماقدر أقولك اللي في خاطري إلا يوم تكون محرم عليه ..
اممممم .. لو تريد تعرف رايي .. حياك الله البيت بيتك .. تعال أي وقت ..
>>اتمنى تفهم مب لازم اقول <<
مسموح الشيخ ..

والسموحه منك ..
شيخه"

وعلى طول طلعت من النت وقلبها يدق

-----------------------------
بيت بوفهد
-----------------------------

"أسير له .. لا لا .. ماريد .. شو بيقول عني .. بس أريد أقوله شي .. اووه ياربي .. كيف أقوله ياربي .. كــيـــــــف؟؟ اممممم .. أحسن شي أرقد اللحين .. و باجر بيحلها ألف حلال"

طق طق طق

انقطعت أفكار اليازيه على صوت دق الباب

اليازيه: منو؟
-----: أنا سهيل ..
اليازيه: ادخل

سهيل دخل و مشى شوي شوي صوب اليازيه، كان لابس بيجامه عليها صورة spider man و شعره الأسود الناعم كان خرسان .. و كان كم القميص وايد طويل .. لدرجة انه ايدينه ماتنبان .. و كان يجوف اليازيه بعيونه السوده اللي البراءة تنبعث منها .. يلس حذال اليازيه ع الشبريه

اليازيه: اللحين الساعه حدعش .. ليش ما رقدت فديتك؟
سهيل: قولي لي قصه ..
اليازيه مستغربه: ليش فهد ماقرالك قصه؟ أحيدك تحب قصصه اللي كلها عن سوالف عن السيايير و الشباب .. و المصارعه .. مب قصصي أنا اللي عن الحيوانات
سهيل حط راسه على صدر اليازيه: هيه بس فهد محد ..
اليازيه يلست تلعب بشعره و مستغربه: بعده ما رد؟
سهيل يحرك جتفه بـ حركه انه ما يعرف
اليازيه: انزين سير حجرتك و أنا بييك و بقولك قصه
سهيل: ليش ما أرقد عندج؟
اليازيه: الشبريه ما تسد إلا شخص واحد .. و بصراحه انته ترافس يوم ترقد ..
سهيل يضحك و يمط ايدين اليازيه: انزين تعالي يلا
اليازيه: اصبر شوي .. خلني ألبس شيلتيه

.
.

اليازيه طايحه حذال سهيل و تلعب في شعره و تقول ..

"كان يا مكان في قديم الزمان .. كان هناك قطوه صـغـيـره .. اسمها لولو"

سهيل يقاطعها: يععععععععع .. شو لولو .. ها مال البنات
اليازيه: انزين هالقصص اللي عندي .. شو تبغي يعني؟
سهيل: امممم .. قوليلي عن موتشا لوتشا اللي يحطونه في سبيستون
اليازيه تحاول تتذكر: أي واحد؟
سهيل: هذيلا اللي يتضاربون .. و يلبسون قناع
اليازيه تذكرت: هــــيـــــه .. قصدك المكسيكيين .. اللي يتصارعون
سهيل يهز راسه بـ هيه
اليازيه: انزين عاد أنا ما عرف شو يسوون؟
سهيل يقوم من الشبريه و يوقف عليها "الشبريه" و يناقز و يرافس .. و يعطي بوكسات حق اليازيه .. و يقول "موتشا لوتشا"
اليازيه تمثل: ايــه .. لا .. لا تقلتلني .. سوف أسوي لك أي شي .. أي شي .. فقط اتركني .. لا ترفسني و تشوتني

 

[ضوى العيون]

سهيل يضحك و يتم يرافس .. بس مب بالقو .. شوي شوي
اليازيه تضحك وياه و ترد ترمس بالفصحه المنقعه بالعاميه

في الصوب الثاني

فهد واقف ورى الباب و يسمع ضحكات .. ضحكات بنيه و ياهل
استغرب .. مايت في باله أبداً انها اليازيه .. و دخل عليهم

-----: شو تسووووون؟

اليازيه و سهيل سيده التفتوا صوب الصوت .. و اليازيه أول ماجافته عدلت شيلتها و غطت عيونها و ويهها كـ ردت فعل طبيعيه و عفويه للي جافته

فهد قفط و استوى ويهه شرات الفلفل الأحمر .. مب طماطه و لا كتشب .. أشد .. بغا يطلع برع بس شي منعاه .. صوت سهيل

سهيل تباغم: فــــهـــــد .. تعال قولي قصه حلوه .. هاي يزووي تقولي قصة القطوه السخيفه لولو

اليازيه يت بتهزبه بس اتذكرت انه فهد بعده واقف

فهد: لا لا .. بسير أول شي بتلبس
سهيل يمطه من ايده: يلا عاد .. بعدين .. أول شي قولي قصه
فهد: بس دقيقه .. خلني أتلبس

و طلع فهد عنهم بسرعه عشان ما تقفط اليازيه زياده

اليازيه: سهيل .. سار فهد؟
سهيل: هيه هيه

اليازيه تنهدت .. و سيده يا في بالها المنظر .. كان فهد لابس فوده بس و رابطنها حول خصره و شعره كله خرسان .. و حاط ايدينه على فص الليت لأنه فتحه .. أصلاً فهد متعود مرات ايي يقول حق سهيل قصه و هو لاف الفوده على خصره .. عشان اليازيه مرات تكون تحت في الصاله ويا امه و ابوه .. أو في حجرتها .. لأنها مب النوع اللي يحوط في البيت .. فـ هو تعود على هالحال .. و استغرب وجود اليازيه هالمره

اليازيه طلعت من الحجره عقب ما عدلت شيلتها عدل و سارت حجرتها

"ياربي .. شو هالمواقف السخيفه اللي تستويلي وياه .. بس أخس شي موقف اليوم .. افففففف .. اللحين كيف بقوله الكلام اللي كنت أفكر فيه؟؟"

و يلست تتجلت .. لــيــن ما رقدت

-----------------------------
ثالث يوم العيد
العصر
في غرفة روضه
-----------------------------

كل عام و انتوا بخير
وعلومج؟

الله يردك بالسلامه يا سعيد ..
الحمدلله بخير وانت شحالك ؟

كل عام و انتوا بخير
والله الحمدلله

الله يردك بالسلامه يا سعيد ..
اهااا

((وتموا ساكتين فتره روضه تبي تبتعد عن عبيد ملت منه .. وعبيد شراتها مل منها شرات مايمل من اي بنت يكلمها))

كل عام و انتوا بخير
انزين اقولج ..

الله يردك بالسلامه يا سعيد ..
هلا

كل عام و انتوا بخير
انا طالع مليت

الله يردك بالسلامه يا سعيد ..
اوكي وانا بعد ملاااااانه .. مافي شي اسويه >>اونه تقهره

كل عام و انتوا بخير
وانا

الله يردك بالسلامه يا سعيد ..
شفيك انت ؟

كل عام و انتوا بخير
يعني مليتي مني ..

الله يردك بالسلامه يا سعيد ..
منو قاااااااااااااال؟

 

[ضوى العيون]

كل عام و انتوا بخير
وانا بعد مليت..

الله يردك بالسلامه يا سعيد ..
مليت مني ؟

كل عام و انتوا بخير
هيه عادي ..تراج ماتسولفين هالايام ماادري شو فيج.. بس ترا انا احبج..

الله يردك بالسلامه يا سعيد ..
شو اسوي ماعندي سوالف .. وانا بعد .. احبك ..

كل عام و انتوا بخير
امس شو سويتوا ..؟

الله يردك بالسلامه يا سعيد ..
والله امس كاان كشخه

>>وتمت تقول عن شو صار يوم تموا ايولون<<

كل عام و انتوا بخير
هههههههههههه .. والله حمدان شكله مرتبش عدل ..

الله يردك بالسلامه يا سعيد ..
هيه حتى ناصر فديته وخلود اخوي فديتهم والله

كل عام و انتوا بخير
غريب حالج!!

الله يردك بالسلامه يا سعيد ..
واي؟

كل عام و انتوا بخير
بسالج؟

الله يردك بالسلامه يا سعيد ..
آمر

كل عام و انتوا بخير
امم لو خطبتج بتوافقين ؟

الله يردك بالسلامه يا سعيد ..
امممممم تعرف ردي ان لا بيكوز اني احب ناصر

كل عام و انتوا بخير
افففف مليت منج تراني توج قبل شوي تقولين لي احبك..

الله يردك بالسلامه يا سعيد ..
عببيييييييد شفيك..؟

كل عام و انتوا بخير
روضه فهميني اللحين لو انتي تحبين ناصر ليش تكلميني

الله يردك بالسلامه يا سعيد ..
انا طالعه تامر على شي؟

كل عام و انتوا بخير
روحي .. لا سلامتج

الله يردك بالسلامه يا سعيد ..
باي

كل عام و انتوا بخير
باي

>>وطلعت روضه من المسن <<

روضه"اففففف ياربي يقهر مليت منه .انا لازم اتخلص منه .. لوع بجبدي يملل"

-----------------------------
عقب يومين
-----------------------------

خلص العيد .. و خلصت أيامه و ساعات فرحه .. و ردت الأيام العاديه و الممله و الروتينيه

موزه: ويا منو خليتي اخوانج في البيت؟
الريم: لا تخافين عليهم .. أحمد وياهم .. و شيخه يت بيتنا بعد .. تقول بتستعرض مهاراتها و بتسوي كيكه
موزه تضحك: عاد ان شاء الله تطلع حلوه .. لأني مشتهيه كيكه
الريم تضحك عليها: عاد بدا شغل الوحام ..
اثنينتهم يضحكون .. و تقطع عليهم الممرضه ضحكهم
الممرضه:now Madam Moza, the Doctor will see you
(مادام موزه، الدكتوره بتجوفج اللحين)
الريم: يلا يا دورج .. عاد إذا بترويج الياهل في الجهاز ازقريني .. اوكي؟
موزه تضحك: هيه .. بس هذا اللي هامنج (تقوم من مكانها) يالله
الريم تضحك: غديتي عيوز ما ترومين تتحركين من أول ما حملتي
موزه: بسم الله عليه .. شعنه تفاولين عليه؟
الريم: مافاولت .. بس أقول اللي أجوفه بـ عيوني
موزه تدخل الحجره و الريم تاخذ لها مجله جدامها و تتصفحها

موزه كانت تبغي تسير العياده و تجيك على حملها .. و سارت العياده ويا الريم بس هزاع ما يدري .. هيه قالت له انها بتسير بيت أهلها .. هيه سارت بيت أهلها بس ما كملت دقايق إلا و سارت ويا الريم العياده

موزه: ها دكتوره .. بشري
الدكتوره تكتب في ملف موزه: كل خير ان شاء الله
موزه: انزين .. خبريني عن البيبي؟
الدكتور: تبغين تعرفين جنسه .. و إلا أخليها لج مفاجأه
موزه: لا لا .. أبغي أعرف اللحين
الدكتور تبند القلم و تسكر الملف و تحط ايد على ايد: عيل بتيج مفاجأه ثانيه
موزه مستغربه: شو هيه؟
الدكتوره: بصراحه يا موزه ..

 

[ضوى العيون]

الجزء الثامن عشر

وصل هزاع البيت من الشغل و دخل الصاله بس ما لقى حد، هو متعود انه يوم يرد من الدوام يلقى موزه تترياه في الصاله عشان تتغدى وياه، عكس غيث، اللي دوامه لين العصر .. و نوف تتغدا ويا بوغيث و بناتها و حمدان و شوق عشان غيث يتغدا في الشغل .. المهم .. استغرب هزاع الوضع .. فسار فوق عند حرمته يجوفها .. و هو يمشي في الممر فوق اللي يودي لـ حجرتهم .. سمع صوت حشره يايه من حجرة شوق .. و أول ما فتح الباب ..

شوق تباغم: هااااااااي هزاعييي

دخل هزاع بسرعه و سكر الباب .. و مشى صوب الراديو و سكراه

ساره و هند زعلانات: عـــــمـــــي ..
هزاع: شعنه مطولين على الراديو على أكثر شي؟
شوق: كنا نبغي نستانس و نلعب مثل التلفزيون
هزاع مستغرب: شو مثل التلفزيون؟
هند: كانوا حاطين رسوم يديد في سبيستون .. و كانوا بنات في حجرتهم و حاطين شريط أغاني و الصوت وايد عالي .. و يرقصون و يلعبون
هزاع: اخخخخ عليكم .. و شحقه تجوفون هالأشياء؟
شوق: شو يعني بتمنعنا من كل شي .. هذا رسووووووم
هزاع: حتى و لو .. جوفوا تأثيره عليكم .. يلستوا تقلدونهم .. انزين .. تخيلوا ابويه يقوم من الرقاد .. يعني انتوا تبون توعونه؟
البنات يهدون اللي في ايدينهم و يهزون راسهم متأسفين: لااااا
هزاع: عيل لا تعيدونها مره ثانيه .. انزين؟
البنات: اوكيييي
ساره تمط ايدين هزاع: أمي تآال الأب ويانا
(عمي تعال العب ويانا)
هزاع ينزل لمستواها و يحبها ع خدها: لا حبيبتي .. أنا بسير أجوف حرمتي .. ما جفتها اليوم
شوق تتذكر: و لا أنا ..
هزاع مستغرب: عيل امكن تعبانه و لا شي .. يلا بسير أنا .. لا تعلون على صوت الأغاني مره ثانيه
البنات: اوكيييي

سار هزاع يمشي لين ما وصل قسمه، دخل داخل و سار صوب الحجره .. يلس يدق الباب .. و يدق الباب بس محد فتح له .. فـ فتح الباب بنفسه و جاف الحجره باااااارده و مظلمه، سار و فتح ستاير الحجره شوي شوي عقب لف راسه صوب الشبريه و جاف حرمته راقده .. بس تحركت شوي يوم دخلت أشعة الشمس للحجره .. و شوي شوي يلست تفتح عيونها .. و هزاع سار و يلس حذالها على الشبريه

موزه تصد صوب ريلها: هــزااااع ..
هزاع: هيه فديتج، شو بلاج حبيبتي .. تعبانه؟
موزه تتذكر كل شي استوى اليوم: ها .. لا لا .. بس رقدت شوي
هزاع: هــيـــه .. زين عيل (يتذكر) إلا سرتي بيت أهلج؟
موزه: هيه سرتلهم الصبح ..
هزاع يعق عقاله و غترته على الشبريه: و شخبارهم؟
موزه تركز بنظراتها على هزاع: بخير الحمدالله ..
هزاع: انزين تعالي نسير نتغدى، بموت من اليوع
موزه شهقت: لا ان شاء الله، يومي قبل يومج
هزاع يضحك: أتمصخر أتمصخر (يقوم من الشبريه) انزين يلا قومي
موزه: هزاع ..
هزاع يصد صوب موزه و يجوف نظراتها .. فييلس حذالها مره ثانيه على الشبريه
هزاع: عونج فديتج
موزه: عانك الله .. بس
هزاع مستغرب: بس شو ..
موزه مب عارفه كيف تبدا في الموضوع: اليوم سرت عند الدكتوره
هزاع حرك حواجبه على طريقه تقول انه مستغرب: أي دكتوره؟
موزه: دكتورة النساء ..
هزاع: بس انتي ما سرتي بيت أهلج اليوم؟
موزه: هيه سرت .. بس عقب سرت ويا الريم العياده
هزاع: انزين ليش ما قلتيلي؟
موزه: حبيتها تكون مفاجأه ..
هزاع ينزل راسه: عيل أكيد طاح الياهل ..
موزه بعفويه: لا لا .. ما طاح
هزاع يرد و يرفع راسه: عيل شو السالفه؟
موزه: بصراحه .. قالت لي الدكتوره اني .. اني
هزاع: انج شو؟
موزه و الابتسامه شاقه الحلج: اني حامل بـ توم
هزاع: شووووووووووو؟
موزه مستانسه: هزاع .. أنا حامل بـ توم .. ولدين
هزاع يجوف موزه بـ نظرات تسؤال "أكيد تقصين عليه .. موزه قولي الصدق"
موزه تسير صوب التواليت "الكوميدينه" و تشل شنطتها و تفتحها و تاخذ ورقه و تييبها صوب هزاع
موزه: و هاي ورقة التحاليل ..
هزاع ياخذ الورقه مب مصدق و ييلس يقراها شوي شوي و رد و قراها مره ثانيه .. و بدت ملامح الفرحه تنرسم على ويهه
هزاع يباغم: صــــدق؟؟؟؟
موزه: اميه بـ الاميه
هزاع لا شعورياً يطيح على ريول موزه: توم .. و ولدين بعد (يضحك) اااااه ياربي .. امنيتي تحققت
موزه مستغربه: أي امنيه؟
هزاع: كنت أتمنى اني أييب توم و أسمي واحد محمد على ابوج .. و الثاني حمد على ابويه
موزه تضحك: فكره حلوه (تتذكر) بس أنا ابويه اسمه سالم ..
هزاع: هيه أدري .. عشان جي إذا يانا ولد ثاني بـ نسميه سالم .. اوكي غناتي؟
موزه تضحك: اوكي ..
هزاع يقوم: انزين يلا تعالي حبيبتي .. أنا يوعان واااااايد
موزه تقوم وراه: ان شاء الله حبيبي
هزاع: إلا بسألج .. ليش يوم كنتي تقولين الموضوع .. كان شكلج زعلان .. عشان جي تحريت انه الياهل طاح
موزه تضحك: كانت فكرة ريموو .. حلوه صح؟
هزاع يضحك وياها: لا مب حلوه، عنبوووه .. طيحتوا قلبي
و اثنينتهم يضحكون و هم ينزلون من الدري

 

[ضوى العيون]

-----------------------------
في حجرة حصه
الساعه سبع إلا ربع المغرب
-----------------------------

جويريه: يلا هيسا قومي مدراسا
حصه: اففففف سيري لا، أريد أرقد
جويريه: أنا سوي قول حق بابا يوم هو ايجي من لندن انتي مافي قوم .. انتي كل يوم سوي جنجال (و تهز راسها)
حصه تقوم و تتحرطم: من تسعطشر سنه عدنا و ما تعرفين ترمسين عدل (قبل لا تدخل الحمام وقفت و تذكرت شي و فتحت عيونها كأنه الـ energy meter استوى عندها full) اليوم أول يوم مدرسه عقب إجازة الربيع .. oh my god

دخلت الحمام بسرعه "الله يعزكم" و برشت ظروسها و خذت شاور سريع بس ما غسلت شعرها و طلعت من الحمام و لبست لبس المدرسه .. تنوره كحليه و قميص أبيض .. و بسرعه بسرعه لبست دلاغها و البوت الأسود مال المدرسه .. و يتها جويريه تربط شعرها و تسويلها ذيل حصان .. و يلست تربع تحت عشان تتريق .. كانت تربع بسرعه .. زين ما تخرطفت بتنورتها و طاحت

الريم: يلا كلي بسرعه تراني أريد أروح الجمعيه ويا جويريه عشان بنتشري قشار حق البيت لأنه قوم امايه و ابويه و سعيد اليوم بيردون من السفر .. لازم تاخذين ظبيه و عواشي و مروا على ميثا و نوره و مها .. و أحمد بيسير وياكم .. بس زايد بيسير ويا مطر و حارب و راشد و سالم و علي و جاسم .. و قولي حق الدريول يرد بسرعه عشان ما اتأخر في الجمعيه .. عشان أنا و روضه و شيخه عندنا كلاس الساعه 10 .. اوكي؟
حصه: بل بل بل .. شو ها .. وين سايرين نحن إلا المدرسه .. مب البر .. لا تخافين الدريول بيرد البيت بسرعه .. مب من بعد المدرسه

و خذت لها خبز صمون مدهون بالجبن عشان تاكله في الطريج .. و خذت رشفه من عصير البرتقال .. و لبست شيلتها و طلعت برع البيت عشان تركب السياره

-----------------------------
في البريك "الفصحه"
-----------------------------

حصه تباغم: ميثوو ..
ميثا: ها؟؟
حصه: وينها عايشه؟
ميثا: سارت تمشي ويا شلة ميروو ..
حصه مستغربه: أي شلة؟
ميثا: شلة ميروو و فطووم .. تعرفين هذيلا .. اللي
حصه تقاطعها: هيه هيه .. مافي داعي تكملين .. بس يقهروني اونه أحبج .. و تعالي امشي ويانا .. و مادري شو .. اففففف
ميثا تضحك: سكتي سكتي .. مس خالده يايه صوبنا
مس خالده: يا بنات .. انتوا عاملين ايه .. ليه ما ترموش الكيسه دي في الزباله
حصه: مس خالده عاد .. في عاملات تنظيف موجودات .. شو شغلتهن هنيه .. إذا نحن مافرينا الزباله على الأرظ .. هم بيحصلون معاش على الفاظي
مس خالده تمط حصه من اذنها: تعالي تعالي يابت .. بتؤولي ايه؟
حصه في خاطرها تضحك بس مستحمله: ها .. لا لا .. ماشي .. بس قلت لازم نحافظ على البيئه و ما نعق الوصخ على الأرظ
مس خالده تهد اذن حصه و تقول بفرح: ايواا يا بت .. هوا دا الكلام .. اومال ليه ما تشتركوش في مجموعة البيئة؟
حصه: ها .. لا بس ..
ميثا تهمس حق حصه: ورطتينا يا حصوو .. دخلتينا في شي نحن مالنا خص فيه
حصه تمثل و تسوي عمرها اونها جافت ربيعتها: شيما .. شيما (و تربع عنهم)
ميثا تلحق حصه: باي مس .. بنسير عند شيما
مس خالده تحاول تعلي صوتها: على العموم .. حنتكلم في الموضوع دا بعدين

فـ الصوب الثاني

حصه وقفت عند الشيره (الشجره) و تلهث: زين ما كملت الموضوع ..
ميثا تكمل جملة حصه: و لا آخر شي بتخلينا نشترك في كل المجموعات في المدرسه
حصه تضحك: عنبوه .. حد يخليها مديرة النشاطات في المدرسه؟
ميثا عافسه ويهها: جوفي جوفي هناك .. شلة ميروو و فطوم يايين صوبنا
حصه منقهره: افففففف .. يقهروون
ميره بدلعها المصطنع: هلا و الله بـ حصه و ميثا .. شحالكم حبايبي؟
حصه و ميثا بدون نفس: بـخـيـر ..
ميره: تعالوا تعالوا سلموا عليه .. و لا ما تبون تسلمون عليه عقب هالإجازه الطويله؟
حصه سايره صوبها و تسايرها: بالعكس .. اشتقنالج واااااااايد
ميره تحبها على خدها بالقو: اشتاقلت لج العافيه حبيبتي (تلوي على خصر حصه) تدرين غناتي .. يوم ما أجوف ويهج الحلو .. أحس انه يومي مب حلو
حصه تجوفها بـ استهزاء و رافعه وحده من حياتها: و الله؟
ميره تحظنها بالقو: و الله حبيبتي .. تدرين .. أنا أحبج و أموت فيج بعد
حصه في خاطرها "بختنق .. ايه .. هديني .. بسم الله .. عفصتيني .. خوزي عني .. خنقتيني بريحة عطرج القويه .. اخخخخ .. أحس راسي مصدع من هالريحه"

صوت من بعيد خلا ميره تهد حصه: حصووه .. ميثوو .. تعالوا شوي
كانت نوره .. انقذتهم من شلة الخياس
ميثا: مشكووره مشكووره sis (عفست ويهها) افتكينا من هالشله
حصه تحس عمرها دايخه: ميثا .. تعالي نسير عند الممرضه .. أحس انه راسي مصدع
ميثا: يلا باااي نواري ..
نوره و ربعها: بـــاي

 

[ضوى العيون]

في مطار بوظبي
-----------------------------

سعيد: اااه عليج يادار بو خليفة .. محلى ريحتج
ام سعيد: هيه و الله اشتقنالها .. واشتقنا لأهلها
بو سعيد: إلا وينهم خليفة و خالد و ناصر و سيف؟
سعيد: ابويه موجودين هناك ..
و ساروا سعيد و بوسعيد و ام سعيد صوبهم
خليفة: هلا والله توها نورت البلاد
بوسعيد: منوره بوجود أهلها ..
خليفة يظرب سعيد بالخفيف على جتفه: ها سعيد .. أجوفك شرات الحصان مافيك شي
بوسعيد يضحك: و الله ام سعيد ماتهد الولد كل يوم ماسكتنه .. ماتخليه يطلع
ام سعيد: شو تريد الولد يطلع .. و انتوا يلا نسير البيت .. واقفين في نص المطار
الكل يضحك
خليفة: يلا توكلنا .. شنطكم .. خالد وناصر وسيف بيشلونها .. وانا بوصلكم البيت.. يدوه يالسه في بيتكم تترياكم هي و الريم المسكينه
وهم سايرين صوب الباب و يسولفون
ناصر: كاسره خاطري هالبنت
سيف: هيه والله وايد ضعفت
خالد: هيه هيه انتوا .. يالسين ترمسون عن حرمتي يلا أجوف انطبوا
سيف: عاش اللي مايرظى على حرمته
ناصر: ياربي انا متى اخطب بس .. مايحسوبي
سيف اعتفس ويهه .. بس مابين لحد
سيف: مستعيل الريال ..
خليفة: اقول يلا امشوا امشوا..
وركبوا السيايير .. وطبعاً خالد وناصر وسيف ويا الشنط .. و خليفة وياه بو سعيد جدام و ام سعيد و سعيد ورى

-----------------------------
الساعه هنتين الظهر
بيت بو سعيد
-----------------------------

الكل متيمع هناك .. بيت بو خليفة و بو سعيد طبعاً بو سلامه و بو ناصر و جابر و رفيعه .. و اليده و الكل
انفتح الباب و الكل قام ..
دخلوا خالد وناصر وسيف
اليده: وينهم أهل لندن؟
خالد نقع من الضحك: شو اهل لندن يدوه .. اللحين بيوون تعرفينه خليفة ما يسوق بسرعه
وبعد دقايق وصلوا بو سعيد و ام سعيد و سعيد
الريم على طول طاحت في حضن امها و تمت تصيح
ام سعيد: بس يابنتي قطعتي قلبي (رفعت راسها) وابوي عليج شو صاير فيج .. ليش جي ظعفانه .. شو مايأكلونج انا اعرفهم اخوانج أحمد و زايد .. ياكلون كل اللي في البيت بس مايمتنون
احمد: لا والله عفرا .. هذا زيوود هب أنا
زايد يهمس حق أحمد: يالدب
و بعدين فجت الريم امها و سلمت على ابوها و اخوها
الريم: شحالك سعيد؟
سعيد: الحمدلله بخير
الريم: اشتقنالكم .. وينك ماتتصل شو بس كل 3 ايام مره .. تخاف على رصيدك يا الزطي
سعيد: شوي شوي كلتيني ..
طبعاً الكل سلم عليهم .. وتموا يسولفون شوي
بوخليفة: ها يا سعيد مستعد حق العلاج في الامارات؟
سعييد بتعب: هيه عمي .. مستعد مافي فرق بين هناك ودار بو خليفة .. لو الله كاتب شي في أي مكان بيصير و أموت بين اهلي احسن من ما أموت في بلاد الانجليز
الكل: و النعم بالله ..
ام سعيد: و انت لا تفاول على عمرك
سعيد: امايه كل واحد وله يومه ..
بوسعيد: بس خلاص غيروا الموضوع
سيف كان يطالع روضه بطريقة غريبه وروضه حست بهالشي .. قلبها نقز .. حست انها انكشفت وان سيف يعرف .. ماقدرت تسوي شي
روضه: بسير أشرب ماي
سيف: يبيلي وياج ..
روضه: اوكي
ناصر: رواض انا أريد ماي يبيلي وياج
روضه تضحك: اوكي .. منو يريد بعد
حصه: أنا أنا ..
روضه: أعصابج .. انتي أخاف يطيح الماي على سلامه .. و سلطان
حصه: شو ياهل انا؟
روضه: هيه عيل

-----------------------------
بيت بوخليفه
الساعه خمس العصر
-----------------------------

ام سعيد: يعني متى بتكون الملجه؟
ام خليفه: و الله خالد مستعيل شوي .. يعني نخليها في أقل من شهر
ام سعيد: حلو .. بس في أي يوم؟
ام خليفه: بما انه اليوم 7 من شهر اثنين (فبراير) .. نخلي الملجه تاريخ 27؟
ام سعيد بتفكير: هيه .. زين جي
ام خليفه: بس ما يمديلها تصمم فستان ..
ام سعيد: مب لازم تصمم .. بنشتريلها جاهز .. و بنسويله تعديلات إذا احتاي
ام خليفه توافقها الراي: هيه .. و العرس؟
ام سعيد: تقول الريم في الصيف أحسن .. تبغي تخلص هالسنه من الجامعه عشان تفظى حق العرس
"خمسطعشر سته" اليده قالت و هيه داخله عليهم الصاله
ام خليفه و ام سعيد يبتسمون و يوقفون احتراماً لها .. و يوايهونها
ام خليفه: عيل خلاص .. أقول حق خالد يحجز القاعه تاريخ 15 من شهر سته؟
اليده: هيه قوليله .. هالتاريخ غاوي و يناسب الكل
ام سعيد: هيه نعم .. حلو التاريخ و الكل بيعيبه
ام خليفه: خلاص عيل .. توكلنا على الله

 

[ضوى العيون]

اليده يالسه في الصاله روحها و تدهن ركبها بـ فكس و تقرى عليهم: بسم الله الرحمن الرحيم .. الحمدالله رب العالمين .. الرحمن الرحيم .. مالك يوم الدين .. إياك نعبده و إياك نستعين .. اهدنا الصراط المستقيم .. صراط الذين أنعمت عليهم غير المغضوب عليهم و لا الضالين

محمد ولدها كان بيدخل بس من سمع صوتها تقرا قرآن يلس يترياها تخلص و يوم خلصت

محمد: هود هود ..
اليده من العيله تسكر جرار (الـ zipper) صروالها .. و تغطي قوطي الفكس
اليده: هدا يا ولدي
محمد "بوسعيد" يتقرب منها و يحب راسها: السلام عليج يا اميه
اليده: و عليكم السلام .. حيا الله من يانا .. شحالك يا ولدي؟
محمد ييلس حذالها: بخير الحمدالله ..
اليده: عيل وين اخوانك عنك؟
محمد: عقب ما صلينا صلاة المغرب .. علي سار الشركه يوقع شوية أوراق مهمه .. و مايد سار ويا نسيبه بوبطي يسلمون على بومصبح
اليده: هيه .. و ليش ما سرت وياهم؟
محمد: تراني سرتله البارحه ويا علي ..
اليده: زين يا ولدي .. شحاله اللحين؟
محمد: تحسنت حالته شوي .. بس الدكتور يقول انه لازم يداوم في الأدويه و ما يقطعها شرات المره اللي طافت
اليده: انزين اجرب يا ولدي .. كل لك شويه من الفواله اللي جدامك
محمد: جريب يا اميه (خذ له موزه و يلس ياكلها)
اليده تفتح التلفزيون بالريموت على قناة الجزيره
محمد يجوف الفكس: اميه .. شخبار ركبج؟
اليده: زوينه .. بس تعورني شوي
محمد: انزين اميه .. عندي اقتراح
اليده: قول اللي عندك يا ولدي ..
محمد: شو رايج نوديج تايلاند و نسوي لج فحوصات عشان ركبج .. ربعي يمدحون مستشفى هناك
اليده: لا يا ولدي .. خلني في البلاد أحسن لي
محمد: بس ياميه .. انتي طيعيني في هالشور .. و ان شاء الله بنعالج ركبج في أسرع وقت
اليده: هزرك .. يعني أسافر؟
محمد: هيه ياميه .. عشان تجوفين شو فيها ركبج .. و نعالجها .. و تريحينا
اليده: بس منو بيسفرني؟
محمد يفكر للحظه عقب يقول: أنا باخذ إجازه و بسير وياج
اليده: لا يا محمد .. توك ياي من سفر و تعبان
محمد: أنا بتشاور يا علي و مايد .. و بعطيج خبر

محمد يقوم و يحب راس امه

محمد: يلا استأذن يا اميه ..
اليده: وين ساير .. ما كلت شي
محمد: بسير عند الرياييل في الميلس
اليده: هيه زين عيل ..
محمد: فداعة الله
اليده: فداعة الرحمن ياوليدي

-----------------------------
بيت بوفهد
الساعه وحده و نص الظهر
-----------------------------

"مب لازم أقول هالكلام حقه هو .. مب لازم .. بقوله حق امه .. و لا ابوه .. بس لازم اللحين أقوله لأن أحسن وقت .. هو مب موجود سار اييب سهيل من المدرسه .. و خالي عبيد بعده في الشغل .. خلاص .. أحسن حل .. بقول حق خالو حمده .. هيه حرمه عاقله و متفهمه .. و ما بتعارض الكلام اللي بقوله .. بالعكس .. هيه بتوقف في صفي .. و بتقول حق خالي عبيد الموضوع بطريقتها (تتنهد) يالله .. خلني أقوم و أقولها اللحين قبل لا خالي عبيد .. و لا فهد يردون"

قامت اليازيه من الشبريه اللي كانت منسدحه عليها على ظهرها و لاويه على مخدتها و تفكر .. سحت شعرها و ربطته .. و لبست شيلتها عشان امكن يدخل فهد عليهم و هيه مب لابسه شيلتها .. و نزلت تحت عند خالتها حمده

كانت حمده في المطبخ تشرف على البشكاره اللي تطبخ الغدا

حمده: no no فاطيمه .. لا تحطين هالكثر ملح
فاطيمه: ان ساء الله ماما
حمده: و عقب ما تخلصين العيش .. خليه على نار هاديه و سوي عصير
فاطيمه: أسير ايش ماما؟
حمده: شو عدنا موجود من الفواكه؟
فاطيمه تتذكر: في برتكال .. موز .. بتيك .. تفاه
حمده: سوي عصير يح ..
فاطيمه مستغربه: ايش ماما؟
حمده: بطيخ بطيخ
فاطيمه تستوعب: ااااه .. اوكي ماما
اليازيه: خالو حمده .. خالو حمده
حمده توايج من جامة المطبخ: ها فديتج؟
اليازيه: أبا أقولج شي (كانت اليازيه بتدخل المطبخ بس حمده قاطعتها)
حمده: لا حبيبتي .. لا تدخلين .. ريحتج بتخيس من ريحة المطبخ

اليازيه تريت حمده لين ما طلعت من المطبخ و دخلوا مع بعض داخل الصاله .. و يلسوا على الغنفه حذال بعض

حمده: شو بغيتي فديتج؟
اليازيه متردده: بغيت أقولج شي .. بس مستحيه شوي
حمده بحنيه: لا تستحين فديتج .. أنا شرات خالتج .. و لا عمتج (بمزح) إلا أقول .. اعتبريني اختج العوده

اثنينتهم يضحكون و حمده استانست انها خلت اليازيه ترتاح و تتطمن و تثق فيها عشان تقولها كل شي و هيه مرتاحه

اليازيه: و الله خالو .. أنا كنت أبغي أقول هالرمسه من زمان بس ما قدرت .. و استحيت .. خــ

قاطعها صوت سهيل "السلام عليكم"
حمده و اليازيه: و عليكم السلام
حمده: يلا حبيبي .. سير بدل لبسك عشان تتغدا
سهيل متعجب و مستغرب: اليازيه .. انتي ليش ما سرتي الجامعه؟
اليازيه: رديت من وقت .. ما كان عندي كلاس
سهيل: اووه .. اوكي (يربع فوق لين حجرته)

نست اليازيه انه فهد اللي ياب سهيل .. و كملت كلامها .. و اللي ما تعرفه انه أول ما بدت كلام كان فهد واقف برع الباب .. كان بيدخل و يسلم بس أول ما سمع صوت اليازيه قال بيتم برع عند الباب عشان يسمع شو بتقول .. لأنه الصاله وايد قريبه من الباب .. يعني أول ما تفتحين الباب .. بس لفي يمين و بتلقين الصاله

اليازيه: خالو .. أنا مب مرتاحه في هالبيت
بانت الصدمه على ويهه حمده .. و خصوصاً على ويهه فهد اللي واقف برع .. بس حمده ردت ملامحها طبيعيه عشان تخلي اليازيه تكمل
اليازيه: خالو .. أنا مب مرتاحه حق شيئين .. أولاً .. يوم كنت في بيتنا (بغت تدمع و هيه تتذكر) ويا اميه و ابويه .. و اخواني .. منصور و فطامي .. و سهيل .. كنت ماخذه راحتي .. شيلتي ما ألبسها إلا يوم أطلع برع البيت .. حتى في الحوي ما ألبسها .. ألبس اللي أبغيه .. أتصرف التصرف اللي أبغيه من دون ما أستحي من حد (عشان توضح) أنا مب مستحيه منكم .. و لا أبغي ألبس مفصخ و أرابع في الحوي .. أنا قصدي غير

اليازيه تتنهد: و ثانياً .. عشان فهد .. أنا ما أحس انه فهد ماخذ راحته في البيت بعد .. هذا البيت بيته .. مب بيتي .. يعني هو كل ما يدخل لازم ينبهنا انه بيدخل عشان إذا أنا مب متغطيه أتغطى .. و كل حجره لازم يدخلها يدق الباب و يقول "أنا فهد" عشان أتغطى عدل .. ماحس انه هالشي مريح لا حقي و لا حقه .. يعني أنا لو كنت مكانه بمل من هالشي بسرعه .. فـ أبغي أسير بيت عمو سلامه .. هيه مرضعتني .. و ريلها مثل ابويه .. و ولدها مثل اخويه .. و محد غريب هناك .. أقدر آخذ راحتي و أسوي اللي أباه

كانت اليازيه طول الوقت منزله راسها و هيه ترمس .. عقب ما خلصت رفعت راسها تتريا الجواب من حرمة خالها

حمده مبتسمه: حبيبتي اليازيه .. نحن وايد مرتاحين بوجودج .. و تغيرت حياتنا من ييتي عدنا .. أنا دوم كنت أيلس روحي في البيت .. محد ويايه .. ولدي كل يوم في مكان .. و عبيد مشغول بـ شغله .. محد كان ملهيني في هالبيت غير البشكاره و اليران "الجيران" .. بس من أول ما ييتي و حياتنا تغيرت .. من أول ما ييتي استوى ولدي و ريلي يكثرون من يلساتهم في البيت عشان ما ينقص عليج شي و يعيشونج جو الأسره اللي كنتي تعيشينه ويا أهلج .. خالج كان يحاول يمثل دور الأب .. يحن عليكم .. و يحبكم .. و ايدلعكم .. و أنا كنت أحاول أكون و لو شويه مثل امج .. كنت أهتم فيكم و في أكلكم و دراستكم .. و صحتكم .. كنت أحاول أسوي جزء من اللي كانت تسويه امج لكم .. أدري انه ما قدرت أعطيكم حقكم بالكامل .. بس سويت اللي أقدر عليه .. و فهد كان مثل الاخ بالنسبه لكم .. ما تجوفين كيف علاقته بـ سهيل استوت قويه وايد .. فهد كان ما يعرف انه حتى عنده ولد خاله اسمه سهيل .. بس اللحين استوى جزء من حياته اليومي .. من أول ما ييتوا و فهد بدا يذاكر عدل و يسوي عمره مجتهد عشان يخلص و يفتك من التقنيه .. كل هذا و أكثر استوى من ييتوا و تقولين انه نحن مب مرتاحين بوجودكم .. بالعكس .. نحن أكثر ناس مستانسين .. فكري عدل يا اليازيه حبيبتي .. و عقب قوليلي رايج .. اللحين سيري جوفي اخوج و تعالوا عشان نتريا خالكم و فهد و نتغدى

اليازيه بـ هالكلام استانست .. و ابتسمت حق خالتها .. و سارت فوق تجوف اخوها

فـ الصوب الثاني

عقب ما تأكد فهد انه اليازيه سارت فوق .. دخل داخل و سلم على امه و حب راسها و يلس حذالها

فهد: اميه ..
حمده: آمر فديتك
فهد: ما يامر عليج حايه .. بس بغيت أقولج اني .. اني
حمده تجوفه و تترياه يكمل .. ها طبع حمده .. تحب يخلص الشخص كلامه عشان تقول اللي تباه عقب
فهد: اني سمعت كل شي قالته اليازيه
حمده ابتسمت: عيل زين .. قصرت عليه الطريج
فهد: عيل بقولج شي بهالخصوص ..
حمده: و أنا بعد بقولك شي
فهد: عيل ابدي انتي اميه
حمده مبتسمه: لا فديتك .. انته أول
فهد بتردد: أنا قررت أخطب اليازيه (يجوف ملامح امه) و أملج عليها عشان اثنينتنا نرتاح .. بس العرس أول ما تخلص دراسه
حمده: ليش انته ظامن موافقتها؟
فهد قافط: لا بس .. بس
حمده تضحك: لا تخاف .. بس أتمصخر وياك .. المهم .. أنا بقولها هالكلام بس كل شي في وقته حلو
فهد مبتسم و مستانس: انزين اميه .. شو كنتي تبغين تقولين؟
حمده مستانسه و قامت عشان تسير حجرتها: نفس اللي قلته بالظبط ..

 

[ضوى العيون]

بيت بوخليفه
الساعه سبع المغرب
-----------------------------

اليوم بتسافر اليده تايلاند عشان تسوي فحوصات .. و بتسير ويا سيف و ناصر .. بوخليفه كان بيطرش خالد وياهم بس هو ما طاع لأنه يبغي يجهز حق الملجه

حصه تمثل: اااااه ياربي .. لماذا .. لماذا .. لماذا تذهبين يا جدتي .. لماذا الكل يسافر و يتركني (تسوي عمرها تصيح) هل رائحتي خايسه لهذه الدرجه؟
كل اللي حواليها ضحكوا عليها .. و على سوالفها
اونه اليهال كانوا يشلون تراب من الزرع لأنهم كانوا في الحوي و يفرونه على حصه و يقولون "بووووو .. بووووووو"
حصه: أنا أحيد الناس اللي ما يحبون تمثيليه يفرون عليهم طماط .. ولا خضروات .. مب ترااااااااااب
بوراشد: سيف و ناصر .. ديروا بالكم على يدتكم .. و عن الاستهبال
سيف يسوي عمره ملاك: أنـــا .. أنا استهبل .. حشى يابوي .. أنا في حياتي كلها ماستهبلت
بوراشد يضحك: هيه واضح ..
ناصر: يلا .. لازم نطلع من اللحين .. عشان امكن يكون طريج بوظبي زحمه
خليفه: متى طيارتكم؟
بوسعيد يجوف التذاكر اللي في ايده و يعطيها حق ناصر: الساعه عشر إلا ربع
سيف يسوي عمره ذكي: عيل باقي 4 ساعات و 45 دقيقه .. زين
راشد يضحك و يدح سيف ع جتفه: شو 2 ساعات .. يالغبي .. ساعتين و 45 دقيقه
سيف يستهبل: اوه اوه .. سوري .. غلط مطبعي
ناصر: انزين (يجوف صوب البنات و يلقى اللي يبغي يجوفها .. و يبتسم لها .. و ترد له الابتسامه) أنا بسير بشغل السياره عشان تحر
اليده: زين عيل .. و تيلس اليده تسلم على عيالها .. و أحفادها
بوخليفه: خمس تيام و بتردون يا اميه .. ماله داعي كل هالسلام
اليده: كم بتم في الطياره؟
بوسعيد: سبع ساعات بس .. و بنحطج في الدرجه الأولى
سيف سار صوب البنات و يتخقق عليهم: احم احم .. بـنـات .. أنا بسير في الـ first class (يطلع لسانه لهم) امممممم
روضه تضحك عليه: ولد فقر .. و لا مره ركبت الدرجه الأولى
شيخه تضحك: بدال ما يتخقق علينا .. فظحتوه ..
سيف: اوه سيروا لا .. أنا متعود أركب الدرجه الأولى
البنات (روضه و الريم و شيخه) يضحكون: اونه ..

 

[ضوى العيون]

في بوظبي مول
-----------------------------

روضه: ريموو يلا خلصينا .. لازم نسير نجوف الفساتين و النعل وكل شي .. بسرعه .. يبالنا وقت .. لازم انا و حصه و ميثا و مها و نوره و شيخه نخلص اليوم .. و اليهال ويا العنود و شمسه و خليفه و راشد بيخلصون
الريم: بصيح .. انزين انزين اصبري شوي .. وينهم حصه و ميثا و مها و نوره؟
شيخه: ساروا ويا زايد و مطر ..
سعيد: انزين يلا بسرعه خلصونا
روضه تفكر: لازم نخلص اليوم الفساتين و النعول .. بسرعه بسرعه .. و بنفظى بعدين حق باقي الأشياء
أحمد: اوكي يلا

دخلوا محل فساتين

الريم: رواضي .. شواخي .. جوفوا هالفستان يخبل ..
روضه: مالت عليج و على ذوقج اسود يوم ملجتج يلا زين .. امشي جدامي أجوف و تنقي فستان مناسب
الريم: افففففففف انزين
شيخه: أنا هالفستان عيبني ..
شيخه: هيه واااايد غاوي
الريم: حلو ما شاء الله .. شواخي .. ذوقج وااااايد حلو
شيخه: احم احم .. ثانكيوو

الفستان لونه ماروني وفيه فوق على الصدر شك وعليه كرستالات ..و من الخصر لين تحت مخيوط بقطعة ناعمة على ديزاين جلد النمر .. و من آخر الفستان مثل الـ lace حواليه و فيه ذيل طويل بس بسيط .. وطالع ويد حلو .. الكريستالات متركزه فوق عند منطقة الصدر .. وايد راقي .. و عقب ما جربته طلعها شرات الملكه .. هو فخم وايد ..قررت تقول للي بيصمم الكوشه يخلي اللون شرات لون الكوشه شرات فساتنها ويفرشون زوليه حمرا على الارض تمشي عليه .. شرات الاميره

شيخه: ما شاء الله طلع يخبل عليج .. و على شكل جسمج .. طالع وايد حلو
روضه: صدقها شيخه .. أنا بسير أدورلي فستان .. و انتي ريماني اتناقشي ويا الحرمه إذا تبين أي تعديل
الريم: اوكي ..

روضه و شيخه تموا يدورون في المحل .. يمين يسار .. كل مكان .. لين ماحصلت روضه فستان لونه شوي بني و فيه لون سماوي وااااايد كشخه ..و شيخه اختارت فستان لونه زيتوني حلو صوب الخصر فيه فيونكه ..و وايد بسيط و ناعم .. طالع عليها يخبل و بروحه جسمها وايد حلو

أحمد: ها خلصتوا؟
روضه: هيه بس بقن النعله
سعيد: انزين استعيلوا

و تموا يدخلون في محل النعول .. ما خلوا محل ما دخلوه .. و كل وحده خذت لها نعال اقتنعت فيه 100% .. و كالعاده روضه آخر وحده خلصت .. بعدين اتصلوا في زايد و مطر و الجماعه الباقين و قالوا انهم بيتلاقون صوب الكافيه

حصه: جوفوا فستاني (تطلعه من الكيسه و تعرضه جدامهم)
روضه: عنبوه، عورتي عيوني .. هذا لون تشترينه اللحين
شيخه: لا، وايد كشخه .. جي حلو .. فوشي و عليه مثل جاكيت خفيف و قصير و شفافي باللون الوردي الفاتح .. واصل لين صدرها
أحمد: و انتي ميثا .. شو اشتريتي؟
بينما ميثا كانت تطلع فستانها تكلمت نوره
نوره: بصراحه هاي وطنيه زياده عن اللزوم ..
سعيد يضحك: هيه و الله .. عيناوي مره وحده
ميثا ترد الفستان: كيفي ..
نوره: عاد أنا مالي برويكم في البيت
روضه: انزين شو لونه؟
نوره: برتقالي (طولت في الكلمه) غاااااااااااااامج
الريم تضحك: عنبوه شوي شوي ..
شيخه باهتمام: و انتي مهاوي؟
مها بصوت واطي: أنا مالي فستقي (بوزت) حلو؟
شيخه: إلا يجنن
و جان تستانس مها
شيخه تسأل: اشتريتوا نعله؟
حصه: هيه خلصنا كل شي.. عاد أنا اللحين يوعاااااانه ..
شيخه: و أنا بعد
و كلهم كانوا يوعانين .. و يوم وصلوا الجماعه الباقين تيمعوا كلهم و ساروا صوب ماكدونلدز و تعشوا بسرعه و ردوا البيت .. و وصلوا البيت الساعه عشر و نص الفليل

-----------------------------
في سيارة راشد
الساعه 8 المسا
-----------------------------

كانوا راشد و شمسه سايرين صوب أهل شمسه .. عشان يتعشون عندهم

راشد: تدرين حبيبتي .. هاي ثاني مره أسير عند أهلج
شمسه: هيه و الله .. مب شراتي .. كل يوم طايحه بيت عمك وياك
راشد: لازم .. لأنه نحن متعودين على جيه .. كل يوم نتيمع بيت عمي علي
شمسه: زين حبيبي .. البيت مب وايد بعيد .. ليش نركب في السياره؟
راشد: و أخلي كل رياييل الفريج .. العرب منهم و الهنود يجوفونج .. no way
شمسه تضحك عليه: اونه .. يا الانجليزي
راشد: خليني شوي أبين للناس اني متعلم .. مب جاهل شرات بعض الناس
شمسه حطت ايدها على خصرها: شو تقصد؟
راشد يضحك عليها: و لا شي غناتي .. و لا شي .. يلا انزلي وصلنا

شمسه و راشد ينزلون مع بعض .. و راشد ايود ايدها و يدخلون داخل .. راشد سار صوب ميلس الرياييل .. و شمسه دخلت الصاله

في الصاله

بوبطي: يا حيا الله من يانا .. هلا و الله فديتج
شمسه توايه ابوها: هلا فيك ابويه .. شحالك؟
بوبطي: أنا بخير من جفت ويهج الحلو
شمسه تعق عباتها و شنطتها على الغنفه: الله يخليك لي ابويه .. عيل وين امايه و هدى؟
بوبطي: بطي سار مودنهم بيت عمتج من العصر .. و بيردون عقب شوي
شمسه تيلس حذاله: هيه (تتذكر) ابويه .. راشد في الميلس
بوبطي يمشي صوب الميلس: و شعنه ما قلتي من أول يا بنتي .. قولي حق البشكاره تطرش الفواله و الجاهي و القهوه صوبنا
شمسه تسير صوب حجرة البشكاره: ان شاء الله ابويه

في الميلس

أول ما دخل بوبطي ميلس الرياييل .. لقى اخوه بوعتيج .. و عياله عتيج و عبدالعزيز .. يسولفون ويا راشد

بوبطي: السلام عليكم
الكل: و عليكم السلام

و وقفوا الكل يوايهون بوبطي .. و يلس بوبطي حذال اخوه بوعتيج يرمسون ويا بعض .. و الشبيبه عتيج و عبدالعزيز و راشد يسولفون ويا بعض

و عقب دقايق .. دخلت عليهم البشكاره و في ايدها صينيه فيها دلال القهوه و الجاهي .. و فناييل و استكانات .. عقب سارت و ردت بـ صينية فيها سلة فواكه .. و صحن فيه كيكة بسبوسه مقطعه بـ ترتيب

 

[ضوى العيون]

في الصاله

عقب ما ردوا بطي .. و ام بطي و هدى من بيت عمتهم .. دخلوا داخل الصاله و جافوا شمسه تاكل قطعة بسبوسه و تشرب جاهي .. و تجوف مسلسل في التلفزيون .. سلمت على أهلها .. و قالت لهم انه ريلها راشد و ابوها و عمها و عيال عمها في الميلس "عرفت هالشي من البشكاره" .. و سار بطي و بدل لبسه و تكشخ و سار الميلس عندهم

ام بطي: أنا بسير المطبخ .. أجوف شو مسوين عشى حق الرياييل .. اللحين الساعه ثمن و نص .. لازم نحط العشى

هدى ترمس ويا شمسه على راحتها عقب ما فظى لها الجو

هدى تحط ايدها على بطن شمسه و تمسح عليها و بخبث: ماشي شي ياي في الطريج؟
شمسه قفطت باندفاع: خافي ربج .. توني معرسه
هدى ترفع وحده من حياتها و تقول: توج .. بنجوف .. بنجوف متى بتولدين عقب قولي توج .. ها
شمسه تقوم من مكانها: بسير أساعد اميه بدال مجابلة ويهج
هدى: و المسلسل؟
شمسه: جوفيه روحج .. مب متفيجه

يلست هدى تجوف المسلسل و تاكل من البسبوسه اللي سوتها العصر .. سوت صينيتين .. صينية حقهم و صينية حق عمتها .. لين ما حطوا العشا

-----------------------------
في بيت بو سيف
-----------------------------

سيف: هلا والله هلا وغلا بخالتي هلا شحالج خالوه؟
ام عبيد :هلا والله شحالك سيف؟
سيف: الحمدلله خالوه
ام عبيد: ها اشوفك تركض شرات الحصان
سيف: هيه خالوه خلاص تعالجت
ام عبيد: زين زين ..
سيف:شحالج مريوم؟
مريم بحيا: الحمدلله و من صوبك؟
سيف: أنا و الله تمام
مريم: دوم ان شاء الله
سيف: أقول يا جماعه
الكل يتريونه يكمل ..
سيف: أنا اليوم عازمنكم في مطعم على شرف عيد ميلاد بعض الناس
مريم تفاجأت: انت منو قالك؟
سيف يضحك: ماشاء لله عليه .. تراني جني
مريم نزلت راسها: مشكور ماله داعي تكلف على عمرك وبعدين تعال شو عيد ميلاد بدخل الـ 17 و عيد ميلاد
سيف: تدرين عيد ميلادي بعد شهر .. بستوي 19 سنه
مريم: كل عام و انت بخير
سيف يضحك: كل عام و انتي بخير مب انا .. انا بعد شهر
كنه: ياخي بسكم انتوا الاثنين .. سولفوا سوالف عدله و لا سكتوا
سيف: ياسلام .. بس بس سكتي اخت كنه .. إلا وينه تميم ولدج؟
كنه: اففف أعمى انته .. ماتجوف .. وهاللي جدامك شو؟
سيف قفط: جب جب ماشفته (لف صوب تميم) تعال تميم تعال خالي
تميم ركض صوبه: عمي عمي .. أبا أروح الدكان
سيف: أنا مب عمي .. أنا خالي
تميم: انت خالي صح؟
سيف: شو تبا في عمامك .. قول خالي خالي
تميم: أنا أحب عمي سلطان .. طيب يعطيني حلاوه
كنه: هيه و الله احسنهم سلطان
مريم: أنا بروح فوق دايخه شوي
سيف بعفويه: عسى ما شر؟
مريم: ها .. ماشي
عاشه تضرب سيف وتساسره: اثقل اثقل
سيف: شسوي .. أحبها
عاشه تضحك: تطور تطور .. سيفوو يحب .. أنا اللي أعرفه انك تحب النت و بس سيف تذكر شي: ذكرتيني .. ماخلصت الفورمات .. من سمعت ان عرباني وصلوا طرت تحت
سيف يعلي صوته: أقول أنا ساير فوق عندي شغل على اللاب توب .. بكمل الفورمات .. لأن في هكر داخل كمبيوتري بنزل عقب ساعتين
كنه: يالغبي .. نزل اللاب توب تحت
سيف: هيه والله .. اوكيك دقايق بييبه وبرد .. لاحد يتكلم
الكل يضحك على سوالفه
عاشه: يصير خير يصير خير انته بس روح
مريم: سيف
سيف: لبيه ..
مريم قفطت: كمبيوتري خربان مادري شو فيه .. امممم .. تقدر تصلحه؟
سيف: من عيوني
مريم و هي منزله راسها: تسلم لي عيونك
سيف: وينه؟
مريم: في ثيارة امايه
سيف يضحك: شو ثيارة انتي بعد .. سيارة سياره
مريم مستحيه: يعني الواحد ما يغلط .. أنا بسير اييبه
سيف: اوكي .. و أنا بعد بييب لاب توبي
ام عبيد و ام سيف على ينب يسولفون بعدين تموا يسولفون وياهم

و عقب دقيقتين

ام عبيد: أنا ماعرف هالآله شو تسوون فيها .. اجوفها مريوم 24 ساعه مجابلتنها
سيف وهو نازل من فوق: خالوه شو هالآله .. هاي ولدي .. مارظى عليها .. كل شي و لا كمبيوتري .. فديته والله
كنه باستهبال: شو حرمتك؟
سيف: يقولون ..
الكل يضحك على سيف

و تم سيف يعدل كمبيوتر مريم .. وهو يعدله لاحظ ملف مكتوب فيه سجل محادثاتي .. يلس يقراه .. و جاف ان كله ربيعاتها .. ضحك .. وقال في خاطره"و الله و تعدلتي يا مريامي و تركتي عنج السوالف البايخه" يلس يدور حصل ملف باسم "حيــ روح ــاتي" شده الفضول دخله .. و لقى داخله ملفات وايد بعناوين مختلفه .. مثل "صور سيف" .. "مواقفي ويا سيف" .. "خواطري عن سيف" .. "امنياتي عن سيف"

جاف الصور و يلس يضحك و استغرب من وين يابتهم بس بعدين ماهتم .. جاف المواقف .. بالضبط شرات اللي صار .. ابتسم .. قرا الخواطر .. لين ما وصل عند ملف "امنياتي عن سيف" قعد يقرا وقفط .. وتم يطالعها

ركز على فقره "والله اني احبه .. شو اسوي في عمري .. هو ماهتم فيني .. عشان جي وصلت هالطريج .. اتمنى يكون لي .. بس اكيد في اشياء ثانيه .. بسوي أي شي عشان يحبني .. تعدلت و ماصار شي .. هيه صح انا غبيه شو اتعدل نحن لازم نستر نفسنا مب شراتي صدق اني هبله .. والله احبه والله "

سيف: خالو ..
ام عبيد: هلا فديتك
سيف: شو رايج فيني كـ ريل لبنتج؟
ام عبيد: و الله ريال و النعم فيك .. بس شو قصدك كـ ريل لبنتي؟
سيف: احم احم .. انا قررت اخطب مريوم ..
ام سيف وام عبيد يلسوا ايببون: كلللللللللللللوووووووووووووووش

 

[ضوى العيون]

بيت بوخليفه
الساعه أربع و نص العصر
-----------------------------

ام خليفه: رويـض .. تعالي شلي المدخن و سيري لبقي ظو
روضه تشل المدخن: انزين .. وينه العود؟
ام خليفه: بتلقينه في مكانه .. في الكبت الزجاجي في الصاله

روضه تسير تربع صوب المطبخ الداخلي و تلبق الظو .. و بينما ام خليفه ترتب الصاله دخلت عليها ام سعيد و وراها بشكارتها جويريه شاله دبات عصير شارينه من الكافتيريا .. و عقب السلام ..

ام سعيد: جويريه .. شلي العصير و سيري المطبخ و اغسلي جلاسات حق العصير
ام خليفه: بتلقين كرتون فيه جلاسات يديده .. اسألي روضه بدلج عليه
جويريه: اوكي ماما .. و تسير عنهم
ام سعيد: عيل وين الحلويات؟
ام خليفه: خالد سار يمر على المحلات و اللحين بييبهن
ام سعيد: هيه زين عيل ..

و تيلس تساعد ام خليفه في الترتيب .. و عقب دقايق تيهم روضه شاله المدخن في ايدها و سارت تفتح الكبت الزجاجي و شلت كم من حبة عود من الغرشه و حطته على الفحم .. و سارت تدخن الصاله و تسمع سوالف امها و عمتها ام سعيد

ام خليفه: اميه روضه .. يوم بتخلصين سيري دخني الميلس
روضه: ان شاء الله امايه ..

و تسير روضه و تشل شيلتها و تلبسها و تسير الميلس .. و عقب ما تطلع روضه بدقيقه .. وصلت الريم لابسه عباتها و شيلتها و وراها شيخه و لايكا بشكارة عايلة بوراشد .. و الدريول .. كل واحد منهم شال سلة ورد .. إلا الدريول و البشكاره .. شالين سلتين .. و دخلوا داخل و حطوا السلال في الصاله

شيخه: لايكا .. سيري البيت جوفي إذا خلصوا كلهم و تلبسوا
لايكا: ماما سيكه .. انتي مافي سوي dress؟
شيخه: لا أنا خلاص تلبست .. بس بعق العباه و بتعطر و بتدخن عند روضه
لايكا: اللهين أنا روه ماما
ام خليفه: بنات .. ودوا ثلاث سلال ورود الميلس
روضه دخلت عليهم عقب ما دخنت الميلس: اوه وصلتوا ..
الريم: هيه تعبنا لين ما تنقينا الورود .. و هذا راعي المحل بطيء هو و عماله .. ساعه لين ما يرتبون الورود في السله .. حشى
روضه تضحك عليها: انزين شوي شوي
شيخه: أقول روضه أنا بسير حجرتج بعق عباتي و بتكشخ
الريم: أنا بلحقج عقب شوي .. بسير المطبخ بشرب ماي أول
شيخه: عيل ييبي لي وياج
الريم: اوكي .. و سارت المطبخ

روضه سارت صوب الطاوله اللي حذال الباب الرئيسي .. و فوق الطاوله منظره عوده .. يعني أي حد قبل لا يطلع من الباب يجوف عمره و يتكشخ .. كانت ترتب عمرها زين عشان ما ترتب عمرها بعدين .. هيه already متكشخه .. و دخل خالد و سلم على الموجودين و سار صوب المطبخ يزقر البشاكير يشلون صواني الحلاويات اللي اشتراها .. و أول ما بغى يدخل المطبخ ..

!! SPLAAAAAASH !!

>> أدري انه هذا صوت اللي ينقز في الحوظ .. بس برايه .. هههههه <<

انجب جلاس الماي اللي كان في ايد الريم على كندورة خالد .. خالد ما جاف اللي جب عليه الماي .. بس جاف عباه .. و تم ينفظ الماي اللي على كندورته و يحاول ينشفها و هو معصب

خالد معصب: اووووه .. شو ها .. قبل لا أسير بدلت لبسي
الريم بخوف و الدمعه في عينها: و الله سوري .. و الله ما قصدت .. و الله (ربعت فوق و خلت الجلاس المكسور على الأرض)
خالد انتبه انها الريم و جافها و هيه تربع على الأرض و تندم و زقر البشكاره تنظف الجلاس المكسور

>> عقب ربع ساعه <<

سيف يدخل عليهم كاشخ بنظارته الشمسيه: hi everyone

الكل متيمع في صالة بيت بوخليفه .. من حريم و بنات و يهال .. و الشواب و الشبيبه في ميلس الرياييل

و يدخلون وراه ناصر و اليده: السلام عليكم
الكل: و عليكم السلام

الكل يلس يسلم و يوايه اليده و يحبها ع راسها و سيف طنش الكل حتى خواته و سار صوب الحلويات و يلس ياكل

روضه: ايه يا الدب .. هذا مب حقكم .. مال الرياييل في ميلس الرياييل
سيف: سيري لا .. و يلس ياكل و يخيس المكان
شيخه يايه صوبه و تمطه من شعره: مسود الويه .. برع .. يلا برع
سيف: ايه .. آي آي .. بس حبه .. حبه
ناصر يضحك عليه و يطلع قبل لا يطردونه
شيخه تمثل و تسوي عمرها تشوت سيف و تسوي عمرها معصبه: and stay out
(و تم برع)

اليوم وصلت اليده .. و الكل فرحان .. هاي ام علي .. مب أي حد .. كانوا يجهزون جنه عندهم ملجه .. و الكل فرحان و مستانس .. و الظيوف داخلين و طالعين .. و آخر اليوم دخلوا الشواب و الشبيبه عشان يسلمون على ام علي .. اليده

 

[ضوى العيون]

بيت بو سعيد
حجرة الريم
-----------------------------

دق زايد الباب ..
روضه سارت و خذت منه الدفتر .. كان ياي من بيت بوخليفة لأن ملجة الرياييل هناك .. و ملجه الحريم في بيت بوسعيد .. دخلت روضه الحجره و عطت الدفتر لـ الريم

روضه: يلا وقعي
الريم متوتره: اخاف
شيخه: ريموو يلا وقعي
الريم: والله خايفة .. حرام عليكم .. اخاف
روضه: ريموه .. خلصينا وقعي
الريم وهي ترتجف: اخاف اغلط
شيخه: يلا عاد بسرعه .. العرب تحت كلهم يتريونا
الريم: زايغة .. حاسه بشي
روضه: اوهوووو علينا .. خلصينا الريم بسرعه
وقعت الريم .. و في هاللحظه استوت حرم خالد بن علي
روضه تحظن الريم: مبروووك مبروووك الف الف مبروك غناتي
الريم والدمعة في عينها: الله يبارك فيج حبيبتي
روضه: لا تصيحين ..
الريم وهي تمسح الدمعة: ان شاء الله
شيخه: مبروووووك فديتج منه المال ومنج العيال
الريم تضحك: الله يبارك فيج
دخلت عليهم العنود
العنود: يلا ريماني امج تقول انزلج اللحين
روضه: انزين أي شريط بتحطون يوم بتنزل؟
العنود: بتنزل على اغنية هب السعد
روضه: هيه وايد حلوه

نزلت الريم من على الدري .. و سارت صوب الباب عشان كانوا حاطين الكوشه والكراسي والبوفيه برع .. الريم وقفت عند الباب .. بدا اللحن مال الاغنية و بدت الكلمات .. كانت الكوشه شرات لون فستانها .. مشت على زوليه حمرا مفروشه على الارض .. مشت على الزوليه صوب الكوشه .. الكل كان يطالعها جنها ملكه تمشي برقتها ونعومتها والمصوره من كل صوب تصورها صور فوتوغرافيه و فيديو .. كانت تمشي و هيه مستحيه و الابتسامه على ويهها .. الميك اب كان وايد حلو .. و طالعه شرات الملاك .. وصلت صوب الكوشه بعدين وقفت و لفت صوبهم و ردت وقفت في نص الكوشه .. و بدوا الناس ايوون صوبها و يسلمون عليها .. أول وحده يت صوبها امها .. محد كان عندها إلا امها .. وقفت امها و مدت ايدها لها و الريم بخطواتها و عيونها اللي تدمع راحت صوبها و حظنتها امها

ام سعيد: الف الف الف مبروك غناتي عقبال العرس ان شاء الله .. مبروك غناتي .. فديتج و الله شرات الملاك فديتج أنا
الريم و الدموع في عينها: مشكوره امايه و الله يبارك فيج
و يت ام خليفة صوبها و سلمت عليها .. و بدوا الناس يسلمون عليها و يباركون لها .. و بعدين سارت صوب الكوشه و يلست .. و تموا البنات يرقصون رقص .. و ماخلوا اغنية إلا و رقصوا عليها .. و يوم حطوا اغنية ياحي لحربي العامري صح انها مب وايد يديده إلا ان كل البنات تقريبا قاموا يرقصون .. روضه سارت صوب الريم

روضه: اففففففففف كليتي تعورني
و يلست تكح شوي
الريم هني يا في بالها سعيد حست ان قلبها ينغزها

-----------------------------
عند الرياييل
بيت بوخليفة
-----------------------------

خالد: و أخيراً مابغيت
ناصر: بس بس جب اسكت فظحتنا .. ياحظك مب انا
خالد: ايه انت .. هاي اختي ..
ناصر: انا بسير صوب الشواب و سعيد أجوفه عندهم
خالد: هيه سعيد شكله ميهود اليوم
ناصر: هيه و الله

عند الشبيبه

سعيد يالس يكح: كح كح كح احــ كح كح ــمــد كح كح
احمد بخوف واضح: شو فيك سعيد؟
سعيد: أريد كح كح كح ماي
احمد: ان شاء الله
سعيد كان يالس يكح زاد عليه المرض .. بتعب كان يريد يقوم ياخذ له فاين .. الا و مره وحده يطيح عليهم
بو سعيد بخوف: سعييييييييييد
خالد قام من مكانه
خالد: عمي خلني اوديه المستشفى
بوسعيد: رايتك بيظا ياولدي بس أنا و ابوك و احمد بنسير
و على طول طلعوا بسيارة بوخليفة و ساروا المستشفى
و بسرعة البرق وصل الخبر عند الحريم و الكل زايغ و وقفوا الاغاني
الريم: روضوه بصيح ليش كل ها يستوي في ملجتي
روضه: ذكري الله و ادعي لـ سعيد
الريم: يارب يارب الله يشفيه
روضه: آمين ..
شيخه يتهم تركض: ريموو روضوه لحقوا يقولون حالته خطيره وااايد و ..
روضه عطتها نظره يعني "انطبي"
الريم: و شو ..
شيخه: ها .. هيه يقولون يمكن باجر يطلعونه
الريم: لاتجذبين
روضه: شيخه جوفي تعالي نسير عند عمو
روضه مسكت ايد شيخه و ساروا على ينب
شيخه بتردد: ماعرف بس اللي قالوه ان ..

-----------------------------
في مستشفى توام
-----------------------------

في نفس اليوم .. طاح عليهم سعيد مره ثانيه .. بس هالمره كانت طيحته قويه و شديده .. و ابوه و أحمد ودوه المستشفى

الدكتور: والله يا بوسعيد .. لازم يترقد .. ما يستوي يرد البيت .. الولد في مرحلة خطر
بوسعيد: دكتور كم نسبة الشفا عنده؟
الدكتور (مواطن): ماقدر أقص عليك .. 40 %
احمد: انزين دكتور لا تخبرون حد .. حتى سعيد .. خلوه متفائل
النرس دخلت حجرة الدكتور بخوف: دكتور المريض سعيد في حالة خطر
الدكتور: شو .. اللحين بسير عنده ..
طلع الدكتور على طول و دخل غرفة سعيد .. نقلوه على طول للعناية المركزه ..
و دكتور طالع و دكتور داخل .. و بوسعيد و بوخليفة و احمد قاعدين على نار
طلعت ممرظة و الخوف على ويهها ..
احمد: Excuse me, what happened?
(لو سمحتي، شو استوى؟)
الممرظه عطته اكبر طاف .. و سارت زقرت دكتور ثاني
و عقب تقريباً ثلاث ساعات طلعوا الدكاتره عقب ماستقرت حالته ..
احمد: طمنا دكتور ..
الدكتور: الحمدلله سيطرنا على الوضع .. بس هو كان في مرحله خطر و الرئتين عنده ظاقوا وزاد المرض وايد
بوسعيد: تعدا مرحله الخطر ؟
الدكتور: تقدرون تقولون هيه .. بس نحن بنخليه 24 ساعه تحت الملاحظه
بوسعيد: تسلم دكتور وماقصرت

 

[ضوى العيون]

الجزء التاسع عشر

في اليوم الثاني من الصبح الكل تيمع عند حجرة سعيد .. الحريم في حجرة الانتظار .. و الرياييل في الردهه يتريون أي حد يطلع و يقولهم انه سعيد قام .. حي .. كل حد يتريا الثواني تمر .. عشان تكمل 24 ساعه .. يتمنون انه سعيد يقوم قبل لا يكمل الأربع و عشرين ساعه

ام سعيد: محمد .. أنا أبغي أدخل أجوف سعيد
بوسعيد: تعالي شوي على طرف، كلهم رياييل هنيه
أحمد: أنا أبغي أدخل بعد ..
بوسعيد: بس الدكتور مانع أي زياره لين ما يقوم سعيد
ام سعيد بترجي: محمد .. عشان خاطري .. الله يخليك .. بس حاول

من نظرة ام سعيد .. سار بوسعيد حجرة الدكتور عشان يكلمه

الدكتور فيصل: بصراحه .. أنا قلتلكم .. ما يستوي حد يدخل عليه
بوسعيد: و أنا قلت هاي الرمسه حق الحرمه .. بس في خاطرها تجوف ولدها
سكت الدكتور شويه عقب شل التليفون و ظغط على ثلاث أرقام: آلو ممرضه سمر .. تعالي شوي عند حجرتي

دقايق .. و دخلت عليهم الممرضه كان شكلها مصريه و لابسه شيله بيضه

الممرضه: ايواا يا دكتور ..
الدكتور فيصل: خلي مادام هالسيد (يأشر على بوسعيد) تدخل و تجوف ولدها
الممرضه: حاضر .. أوامر تانيه؟
بوسعيد: هيه .. أنا و أحمد نبغي ندخل بعد
الدكتور فيصل: بس ..
بوسعيد: و اللي يسلم والديك .. هذا ولدنا .. نبغي نجوفه
الدكتور فيصل تنهد: اوكي .. بس محد زياده
بوسعيد: على أمرك يا دكتور
الممرضه: تعالا معايا يا حج .. حدخلكوا غرفة سي سعيد

عقب عشر دقايق .. طلع بوسعيد من الحجره .. كان ثاني واحد يدخل .. دخلت قبله ام سعيد .. و كل واحد تم في الحجره خمس دقايق

الممرضه تزقر: سي أحمد؟
أحمد اللي كان يالس على الكرسي في الردهه و مربع ايدينه و لاوي عليهن و منزل راسه .. رفع راسه يوم زقروه: نعم ..
الممرضه تأشر له على الباب و تجوفه بنظره "اللحين دورك"
اتجه أحمد صوب الباب و كان يمشي شوي شوي .. كان شوي زايغ انه يجوف سعيد و هو بهالشكل .. مع انه مب متشهوه و لا شي .. يعني مب مسوي حادث .. بس طاح عليهم .. بس ما يحب يجوف سعيد جي شكله .. مريض .. تعبان .. مرهق .. ما يحس باللي حواليه .. ما يحب هالشي .. متعود من هم الصغار يجوفه قوي .. سعيد كان دومه الأجرأ ما بينهم .. مع انه شوي يستحي بس كان اللي يحبه و يحب شخصيته و سوالفه .. و اللحين يا اليوم اللي بيجوفه طايح على الشبريه .. و امكن ما يقوم نهائياً .. دخل الحجره البارده و ريحة المستشفى متعلقه في خشمه .. و كل شي أبيض حواليه .. اللحاف .. اليدار .. الأرض .. الأجهزه .. الباب .. الستاره .. كل شي .. اتجه شوي شوي صوب الدريشه و فتح الستاره .. يبغي يخلي شوية حياة في هالحجره .. مايبغي يكون كل شي حواليه ميت .. عقب سار و يلس على الكرسي اللي عدال شبرية سعيد .. كان جهاز التنفس على حلج سعيد .. و ابرة المغذي على ايده .. بلع أحمد ريجه و حرك ايده بنعومه على ويهه سعيد .. خنقته العبره .. تذكر كل اللحظات اللي كان ويا سعيد .. كان يعرف كل أسراره .. كان رفيق دربه .. كان صندوق أسراره .. كان كل شي بالنسبه له "ليش .. ليش لازم سعيد .. ليش لازم هو اللي يمرض بـ هالمرض الخبيث .. آااه ياربي .. الله يشفيك يا اخويه" مايدري ليش .. بس في لحظه ركز كل حواسه على جهاز دقات القلب "ماعرف شو اسمه" كان يجوف الخطوط المموجه اللي تدل على دقات قلبه .. و يسمع صوت الجهاز اللي مالي الحجره .. و يشم ريحة المستشفى و الأبر اللي تسد النفس .. و حاط ايده على ايد سعيد .. في لحظه .. حس انه صوت الآله بدا يعلى ..

توت توت توت توت توت .. توووووووووووووووووووووووووت

"ها .. شو استوى .. شو هالصوت .. ليكون .. ليكون بس؟!" كان متوتر وايد و هو يجوف الجهاز .. على هالجهاز بس يجوف خط واحد و يسمع صوت واحد .. اختفت الخطوط المموجه و الأصوات المتكرره .. بدا يصرخ و يباغم بدون حاسيه "ســعــيــد .. دكــتــور .. أي حــد .. تــعــالوا بــســرعــه !!"

و فجأه .. امتزرت الحجره بالدكاتره و الممرضات .. و وحده من الممرضات طلبت من أحمد انه يطلع .. طلع أحمد برع الحجره و هو فاتح عينه على الآخر و تم واقف حق أكثر من دقيقه من دون حركه .. ما يسمع أي شي .. بوسعيد يا صوبه و بدا يزقره "أحمد .. أحمد" .. بس ماشي رد .. بوسعيد مسك أحمد من جتفه و يلس يهزه "أحمد .. رد عليه يا أحمد .. أحمد .. أنا أرمسك .. شو بلاه سعيد .. شو مستوي؟"

و كأنه روحه ردت له .. رد أحمد للواقع .. رد أحمد و جاف بوسعيد و أعمامه و عيال عمه حواليه .. سمع صوت بوسعيد .. سمع الكلمه اللي ردت للواقع "سعيد" .. سعيد داخل في الحجره و بين كل الدكاتره و الممرضات .. بين الحياه و الموت .. و بين يد الرحمان .. محد يقدر يشافيه من مرضه .. لا دكاتره و لا علاج .. و لا حتى أدويه .. بس الله اللي يقدر يشفيه .. و اللحين سعيد في لحظه امكن يقوم فيها .. أو تنتهي حياته

و عقب دقايق .. طلعوا الدكاتره .. و آخرهم كان الدكتور فيصل .. و بويهه حزين و يجوف الكل بنظرة شفقه و يقول: البقيه في حياتكم ..

سكوت .. هدوء .. سكون .. كل حد جامد و واقف في مكانه مب مصدق الخبر .. سعيد .. سعيد .. خلاص راح .. راح عن الدنيا .. يعني خلاص .. ما بيجوفونه .. خلاااص .. للأبد .. عقب دقيقه .. طلعوا الممرضات يدزون الشبريه اللي طايح عليها سعيد .. و مغطينه بشرشف .. شرشف أبيض مال المستشفى .. هالشرشف تعود عليه سعيد .. انولد سعيد و حطوه في شرشف .. و توفى سعيد و غطوه بشرشف .. بدا حياته و أنهاها بشرشف .. و مب أي شرشف .. شرشف المستشفى .. و ما حد تحرك من مكانه لين ما سمعوا صوت الريم تباغم من بعيد "امــيــه .. امــيــه .. واعليه عليج يامــيــه" .. ربع صوبها بوسعيد و جافها مغمي عليها .. و سيده يوا الممرضات و حطوها في حجرة خاصه لين ما تقوم

الريم و روضه و ام خليفه يالسات في حجرة ام سعيد .. و بوخليفه و بوسعيد يالسين برع الحجره

الريم تصيح و ميوده ايد امها: يامــيــه .. لا تــخــلــيــنا .. سعيد سار عنا و خلانا .. لا تحلقينه ياميه .. لا تــلــحــقــيــنــه
ام خليفه: استهدي بالله يالريم .. شوي شوي على عمرج .. اللحين بتقوم امج
الريم تمسح دموعها بالكلينكس اللي عطتها اياه روضه: و النعم بالله ..
بوسعيد: هود هود ..
ام خليفه تعدل شيلتها: اهدا يا محمد
بوسعيد و ملامح الحزن واضحه على ويهه و الهموم مثجله على جتفه: جفتوا أحمد؟
روضه اللي حاطه ايدينها حول جتف الريم هزت راسها بـ لا
ام خليفه: لا يا محمد .. ما جفناه من أول ما طاحت علينا عفرا
بوسعيد طالع من الحجره: عيل بسير أدوره .. مادري وينه

مشى بوسعيد في ردهات المستشفى .. و يصد راسه يمين و يسار لعله يلقى أحمد .. و جافه في متساند على اليدار اللي حذال باب حجرة سعيد (اللي كان طايح فيها) و في ايده غتره و موبايل و ساعه .. كان حاط الغتره ويهه و يشمها .. يشم ريحة سعيد .. يتذكر كل شي عن سعيد .. نظرات سعيد .. ابتسامة سعيد .. "وينك يا سعيد .. ويــن .. سرت و خليتني في الدنيا .. كنت ربيعي الوحيد .. كنت تشاركني في كل الشي .. وينك يا سعيد .. سرت عني و خليتني .. خليتني وحيد .. جسد بليا روح .. ماعرف شو بسوي بدونك يا سعيد .. مـاعـرف"

>> كانت هاي الأشياء أغراض سعيد .. اللي كان لابسنهن في الملجه .. متعصم بالغتره .. و لابس ساعته .. و موبايله في مخباته "جيبه" <<

-----------------------------
عقب ثلاث أيام
-----------------------------

مرن أيام العزى بطيئه .. محد له نفس ياكل .. محد متفيج يسوي شي .. الريم ما تسير الجامعه .. و اليهال ما يسيرون المدرسه .. خصوصاً أحمد .. اللي كان ما يطلع من حجرته أبداً .. بس يصلي و يرد حجرته .. الكل كان زعلان و مفتقد سعيد .. و خصوصاً عايلة بوسعيد .. طبعاً تراها عايلته .. اللي كانت كل يوم تجوف ابتسامة سعيد .. و تسمع ضحكة سعيد .. و تاكل و تسولف ويا سعيد .. و تجوف استهبال سعيد و يوم يغايظ خواته و اخوانه .. ام سعيد ما كملت يوم في المستشفى و طلعت .. في كل أيام العزى كانت ترقد في شبرية سعيد حذال أحمد

روضه: الريم يلا عاد .. ريماني .. حبيبتي انتي .. كلي صحن هالشوربه بس .. ماطلب زياده .. لا تاكلين العيش .. بس صحن الشوربه .. عشان خاطري .. و اشربي عصير الليمون .. عصيرج المفضل .. سويته بنفسي .. يلا عاد .. ريماني

بس لا حياة لمن تنادي .. الريم يالسه على شبريتها و متلحفه و لاويه على مخدتها .. ماتبغي شي .. مب مشتهيه شي .. دخلت عليهم شيخه شاله في ايدها جلاس ماي

شيخه: كلت شي؟
روضه تهز راسها بلا و هيه مبوزه
شيخه تتنهد و تيلس حذالهم على الشبريه: انزين .. خليها تشرب جلاس الماي
روضه: مب طايعه تاكل شي .. و لا حتى تشرب شي
شيخه: لا إله إلا الله .. مب زين جي .. مب ماكله شي من ثلاث تيام إلا جلاسين ماي .. مايستوي .. هالشي يأثر على صحتها و شكلها .. وراها عرس
روضه: جان زين لو تسمع الكلام و تطيع شورنا و تاكل لها شي
شيخه تمد ملة الشوربه صوب الريم: ريماني .. لو كان لنا خاطر عندج اشربي هالشوربه

يلست شيخه تطالعها بنظرة ترجي .. الريم أول شي ما بغت .. بس من جافت شكل ربيعتها الروح بالروح روضه .. كسرت خاطرها .. تقول في نفسها "ليش أنا جي .. يعني ليش لازم أتعب بنات عمي ويايه .. أدري انه الغالي سار عنا .. بس مب لازم أتعب و أزعل كل اللي حواليه" .. و لا إرادياً .. شلت صحن الشوربه من ايد شيخه .. و يلست تاكل شوي شوي .. و روضه و شيخه يلسوا يجوفون بعض بنظرات فرح .. و أخيراً .. قدرنا نخليها تاكل شي .. و يلسوا يجوفون الريم تخلص الشوربه و مبتسمين و مستانسين وايد

فـ ميلس الرياييل

الرياييل كلهم متيمعين في الميلس .. الأهل و النسايب و المعارف و اليران "الجيران" .. كلهم .. كلهم يقومون بالواجب .. و يعزون أهل الميت .. تجدم مطوع المسيد "السوري" صوب بوسعيد و بوخليفه عشان يطلع

المطوع: عظم الله أجركم و أحسن ثوابكم و غفر لميتكم
بوسعيد: أجرنا و أجركم ان شاء الله
المطوع: إن لله ما أخذ .. و له ما أعطى .. و كل شيئ عنده بأجل مسمى فتصبر و لتحتسب

و عقب طلع عنهم .. و ما كملوا خمس دقايق إلا و أذن المغرب .. الرياييل يقومون .. واحد ورى الثاني .. بالدور .. يتيددون في حمام الميلس "الله يعزكم" عقب طلعوا صوب المسيد عشان يصلون

بوخليفه: يلا ما بتقوم؟
بوسعيد: اللحين ياينكم .. دقيقه
بوراشد طالع متيدد و ينشف ايده الخرسانه بالكلينكس: يلا تعالوا .. بطوف عنا الصلاه
بوخليفه: انته سير عنا .. و نحن بنلحقك
بوراشد طلع عنهم .. و يلس بوخليفه حذال بوسعيد و حط ايده على جتف اخوه و يبتسم له: يا محمد .. هونها و تهون .. اللحين وقت الصلاه .. تعال نسير و ندعي له أحسن من اليلسه
بوسعيد يتنهد و يقوم يلحق اخوه

 

[ضوى العيون]

فـ الصاله داخل البيت

عقب ما صلن الحريم .. بعضهن ردن بيوتهم .. و بعضهن بعدهن يالسات في الصاله .. كانت ام سعيد يالسه و تعبانه و حيلها منهد .. لا تتحرون انها كبيره في السن .. لا .. توها مكمله الـ 42 .. و هذا مب سن كبير .. توها صغيره .. بس العيال كبروها .. و يوم تجوفينها .. تحسين انج تبغين تصيحين وياها .. دموعها تطيح على ويهها كل فتره و فتره .. تحسين انها تغيرت اميه و ثمانين درجه للاسوأ .. قبل كانت مرحه و بشوشه .. و تسولف و الابتسامه ما تفارق ويهها .. بس اللحين كل شي تغير .. و من شكل الكل .. تحسين انه كل شي تغير للاسوأ

المسا عقب صلاة العشا

سار بوسعيد فوق يتمطن على عياله .. عقب ما تطمن على حرمته تحت .. و سار حجرة بناته حصه و ظبيه .. فتح الباب شوي شوي عشان ما يسمع صوت .. كانت الحجره مثلجه و مظلمه .. بس نور اللمبه الصغيره اللي على الطاوله مفتوحه .. و لفت انتباهه الشخص اللي طايح و متلحف على الشبريه .. ماعرف منو هاي البنيه من بناته .. و فاجأه الليت القادم من باب الحمام "الله يعزكم" .. عشان ظبيه كانت طالعه منه و شكلها متوظيه .. سكرت الباب يوم طلعت منه و يوم جافت ابوها .. ابتسمت له .. شكلها كان يبين انها متيدده .. أشر لها سعيد بعيونه و همس لها "راقده؟" .. هزت ظبيه راسها بـ لا و الابتسامه ما فارقت ويهها .. سارت و فرشت سياده على الأرض و لبست شيلة الصلاة و يلست تصلي .. و بوسعيد تجدم صوب الشبريه و يلس عليها و أول ما كان بيشل اللحاف عن بنته .. شدت حصه اللحاف عشان تمنعه من انه يطالعها .. بس بوسعيد كان أقوى .. و بحركه بسيطه شل عنها اللحاف .. و شاف منظرها .. مخدتها كانت خرسانه .. جنه حد جب عليها جلاس ماي .. و ويهه حصه الأحمر و عيونها المتورمه .. و شعرها المعقص اللي ياي فوق ويهها .. يلس بوسعيد يمسح على ويهه بنته بنعومه .. و بدون سابق انذار .. لقى بوسعيد بنته حصه في حظنه .. تصيح .. كان شكلها مرهق و تعبان .. بس طبعاً مب مثل حالة امها .. اللي أخس عن حالة الكل بمليون مره .. بس صعب انه واحد من اخوانج يروح عن الدنيا .. صعب .. هالشي مب سهل أبداً .. و عقب ما خلصت ظبيه صلاة .. و عقت الشيله من على راسها .. و سارت تحظن ابوها و تصيح ويا اختها .. كانوا يفتقدون اخوهم بشكل فظيع

-----------------------------
شوي بعيد عن العزى
بيت بوبطي
-----------------------------

هدى:اميه .. أنا استخرت ماريده .. ماريد عتيج
ام بطي: بس يا بنتي مايستوي كل من ياج رفظتيه .. هذا ولد عمج
هدى: امايــه .. و الله عتيج ما يناسبني .. عتيج أصلاً أكبر مغازلجي في الامارات
ام بطي: عيب عليج يا هدى .. شو اكبر مغازلجي بعد .. لازم يعني لازم .. قلتلج ترى عتيج خطبج و هو يحبج و شاريج و انتي ما بتعرسين إلا يوم عيال عمج يرخصونج
هدى: اماااااايه شو هالعادات و التقاليد الجديييييييمه .. وين يالسين نحن ماابااااااااه
ومره وحده ..
بو بطي: و ليش ماتبينه؟
هدى: هلا ابويه
تقوم و تحبه على راسه و ايده
بوبطي: تسلمين فديتج
هدى: الله يسلمك ابويه
بوبطي: إلا ما قلتيلي ليش ماتبين عتيج .. ريال و النعم فيه و شاريج بفلوسه .. و فوق كل هذا ولد عمج
هدى: ابويه عتيج و عمي على عيني و راسي .. لكن الريال ما يناسبني و أنا استخرت ربي و مارتحت يمكن يكون لي نصيب ويا واحد ثاني .. وبعدين يابويه .. لو عتيج مفكر في موت سعيد الله يرحمه.. انت تعرفه اللي يريده يسويه و لا انت تريد بنتك ترد مطلقه لبيت ابوها
بوبطي: لا فديتج بسم الله عليج لاتييبين طاري الطلاق .. و بعدين شو لهم اهل سعيد .. الله يرحمه؟
هدى: يابويه .. لو سمعوا العرب اني انخطبت و ما طافن إلا خمس أيام على وفاة سعيد الله يرحمه .. شو بيقولون و نحن مناسبينهم .. عيل كيف لو مب مناسبينهم
بوبطي اقتنع في الكلام
بوبطي: عيل بقولهم يأجلون الموضوع
هني هدى بغت تموت هي ادور اعذار بس ابوها جاهز
هدى: ابويه فديييييت قلبك قول تم
بوبطي: لا هب تم .. أعرف شو تريدين .. عتيج لازم تاخذينه
هدى: ابووووووويه .. الله يخلييييك .. أنا عتيج ماحبه
بوبطي: عيل منو في بالج .. ها قوليلي
هدى: ابويه و الله محد في بالي .. بس انا عتيج ماحبه .. وايد اسمع عنه بين البنات .. يابويه ماريده .. و والله ان خذته لأرجع يوم العرس للبيت .. ولو ماتبوني بروح عند شمسه
بوبطي يتنهد: على راحتج بنتي بس صدقيني مافي احسن عن عتيج
هدى: عسا ان تكرهوا شيئاً وهو خيراً لكم .. و عسا ان تحبوا شيئاً وهو شراً لكم .. و الله يعلم و انتم لاتعلمون
بوبطي: والنعم بالله .. ان شاء الله بنتي .. على راحتج فديتج
ام بطي: بس يا بوبطي
قاطعها بو بطي: لا بس و لا شياته .. خلاص البنت مب موافقه
هدى: وبعدين يامايه و ابويه .. هاذي حياتي انا اللي بعيش ويا عتيج هب انتوا يعني انا اللي بذوق العذاب مب انتوا خلاص خلوني اختار بروحي .. ما تعودت تغصبوني على شي
و طاحت دمعه على خدودها .. و سار ابوها صوبها و مسح دمعته و حظنها

 

[ضوى العيون]

في الصالة تحت

اتصل بوعتيج و بوبطي ارتبك وماعرف شو يسوي بس اخر شي رد
بو عتيج: هلا وغلا .. شحالك اخويه؟
بوبطي: مرحبا الساع .. الحمدلله بخير و من صوبك الشيخ؟
بوعتيج: والله الحمدلله .. إلا ما قلتلي .. شو راي هدى؟
بوبطي ارتبك: والله ماعرف شو أقولك ياخوي .. الزواج قسمه و نصيب والبنت رافظتنه ومب راظية تاخذه
بوعتيج تضايج: بس يا بوبطي .. هاذي ياهل و ما تعرف مصلحتها .. انتوا ادرابها و هو ولد عمها و بيحطها في عيونها
بوبطي: اسمحلي يا اخويه .. ماقدر اغصب بناتي على اي شي .. حتى لو على الاكل
بوعتيج: برايك عيل من رخصتك .. انا بسكر تآمر على شي؟
بوبطي: لا تحط في خاطرك مني ياخوي .. بس هاذيلا اليهال مانعرف شو نسوي فيهم
بو عتيج ابتسم: لا ياخويه .. ماحط خاطري من اخوي وولد اميه و ابويه .. بس تعرف الحرمه ظايجه ولازم اقعد وياها
بوبطي: ماتشوف شر ام عتيج .. على خير ان شاء الله
بوعتيج: فمان الله
بوبطي: فمان الكريم
سكر بوبطي عن بوعتيج و هو ضايج
بوبطي: يهال اليوم يسوون لنا مشاكل
ام بطي تتنهد: شو نسوي يا بوبطي .. كل ها قسمه و نصيب
بوبطي: عيل حطيلي العشا .. و زقري هدى تتعشى ويانا
ام بطي: ان شالله فديتك .. يلا يا كريم
و تقوم من على الكرسي و تسير تحط العشا و تزقر هدى .. و يتمون يسولفون

-----------------------------
عقب خمس أيام
-----------------------------

تقريباً بدت حالة أهل سعيد تخف .. و ترد مثل الأول .. بس بعضهم تموا على حالتهم .. و أولهم كانت الريم .. اللي متغيره بشكل فظيع

خالد: انزين أبغي أجوفها
روضه: ياربي .. أقولك حالتها ماتسر .. و ماتبغي تجوف حد
خالد: أنا ريلها .. و مالج عليها من عشر أيام .. ما جفتها حتى يوم الملجه
روضه: اوهووووو .. ياخي انته ماتفهم
خالد يقوم: ماعليه منج .. بسير أقول حق عمي
روضه: خالد .. خالد

بس خالد ما رد عليها .. و سار بيت عمه محمد

بوخليفه: خالد .. هذا مب وقته
خالد: بس يابويه .. أنا ريلها .. و ما جفتها من ملجت عليها .. و أبغي أقولها شي
بوخليفه: خالد ..
بوسعيد يقاطعه: خله يا علي .. هذا من حقه (يتنهد و يقوم) اللحين بسير أقولهم عشان يقولوها تطلع لك .. سير ميلس الحريم .. بخليها تيك هناك

بالغصب .. طاعت الريم تسير عند خالد .. لبست شيلتها و كانت بتظهر من حجرتها .. بس مسكوها شيخه و روضه (يت عقب خالد بدقيقه) و تموا يعدلونها .. خلوها تغسل ويهها عدل .. و جحلوها .. و حطولها جلوس .. و شي يخفف من السواد اللي تحت عيونها .. سحوا شعرها و رتبوه .. و خلوها تلبس شيلتها عدل .. خلوها تتعطر بأحلى العطور .. و نزلت تحت بالغصب عشان تيلس ويا ريلها .. خالد

عند باب ميلس الحريم

الريم كانت متردده تدخل "أدخل و لا لا .. مابدخل .. مب لازم .. بس فظيحه .. أصلاً ليش خليتهم يعدلوني كل هالتعديل .. اوه شو أقول أنا .. يعني أخليه يجوفني بشكلي اللي يلوع الجبد .. خلاص خلاص .. بدخل"

الريم تدخل من الباب و منزله راسها: السلام عليكم
خالد أول ما جافها قام: و عليكم السلام و الرحمه

مشت الريم شوي شوي صوب الكراسي .. و يلست .. بس بعيد عن خالد

خالد يتقرب منها و ييلس حذالها على نفس الكرسي
الريم في خاطرها "أنا ليش ما يلست في كرسي بوشخص واحد .. ليش يلست في كرسي طويل .. أنا خبله .. دوم خبله"
خالد: احم احم ..
الريم اللي كانت ترمس عمرها: ها؟
خالد: لا .. و لا شي .. بس جفتج سرحانه .. قلت أنبهج اني هنيه
الريم احمرت و استحت و نزلت راسها
خالد: أول شي .. قبل ما أبدا في الموضوع اللي أبغي أرمسج فيه .. بقولج اني آسف يوم عصبت عليج قبل
الريم مستغربه: متى؟
خالد: قبل .. يوم جبيتي عليه ماي (شدد على هالكلمه) بـالـغـلـط
الريم: ها .. هيه .. لا عادي .. ماستوى شي
خالد: لا استوى .. أنا عصبت عليج .. و انتي زغتي مني و شردتي
الريم قفطت و هيه تتذكر: لا ما زغت ..
خالد يبتسم: على العموم .. هذا مب الموضوع اللي أبغي أرمسج فيه
الريم رفعت راسها و حطت عيونها في عيونه و نظرة الاستفسار مبينه من عيونها تبغيه يكمل
خالد: عمي جابر .. اقترح علينا انج تسافرين
الريم: شووو؟
خالد يستهبل: تسافرين .. يعني تركبين طياره .. و الطياره تطير و توديج بلاد ثانيه
الريم ابتسمت: أعرف شو يعني تسافرين .. بس مابغي أسافر
خالد: بس أنا أبغيج تسافرين ..
الريم: و أنا مابغي .. و محد بيغصبني
خالد: و أنا أبغي .. و لازم تطيعين شوري .. لأني ريلج
الريم قفطت مره ثانيه و نزلت راسها
خالد: عمي جابر و حرمته رفيعه و ولدهم سلطان بيسافرون فرنسا اسبوع عشان تجهزين حق العرس
الريم: العرس مب مهم (بلعت ريجها) اخويه توفه متوفي .. ماقدر أسافر
خالد: و هذا أول سبب عشان تسافرين .. أبغيج تغيرين جو
الريم: بس ..
خالد يقاطعها: ريماني حبيبتي .. أدري انه اخوج متوفي .. بس مرن عشر تيام .. هاي فتره طويله .. اللي كان ميت من الصياح استوى أحسن .. مثلاً خواتج .. أيام العزى ماجفتهم أبداً .. ما سمعت حشرتهم و سوالفهم أبداً .. بس اللحين شوي ردوا نفس قبل .. و هالشي زين .. حتى امج تغيرت شوي للأحسن .. إلا انتي .. الريم غناتي .. اخوج توفى و كلنا زعلنا .. بس مب يعني إنه هاي نهاية العالم .. لازم نكمل حياتنا .. بس مب قصدي انه ننساه .. لا .. نتذكره و نتذكر اللحظات الحلوه .. و ندعيله بالرحمه .. بس مب نتم زعلانين طول عمرنا

 

[ضوى العيون]

الريم تمت ساكته .. حتى عقب ما خلص خالد كلامه
خالد: اللحين شو رايج .. بتسافرين و لا لا؟
الريم: ماعرف ..
خالد يستهبل: عنبوه .. حد يفوت سفرة لـ فرنسا
الريم: بفكر
خالد: خذي راحتج حياتي .. بس أنا بشتري لج تذكره حقج و حق عمج و حرمته و سلطان (بويه يضحك) و طبعاً روضه .. عقب ما حنت و زنت على راسي
الريم ضحكت .. و بدت تفتح صفحه يديده من حياتها .. و تتغير نحو الأفضل

-----------------------------
في فرنسا
-----------------------------

سافروا جابر و رفيعه و سلطان (البيبي) و روضه و الريم (عقب إقناع) صوب فرنسا .. عشان يخلون الريم تتجهز حق عرسها .. و كان جابر بس محرم وياهم .. يعني مب يايين يتكشتون .. بس ياي وياهم كـ محرم .. و هذا اليوم الثالث بالنسبه لهم في فرنسا .. باقي أربع أيام و بيردون البلاد

رفيعه: ريماني .. لازم اليوم نسير محل فساتين الأعراس
روضه: هيه و الله .. لازم نجهز و نصمم بسرعه .. ماشي باقي وقت و بنرد البلاد
الريم: انزين انزين .. أي محل بنسير؟
رفيعه: قبل ما نسافر .. رمست محل معين في التلفون .. و قلتلهم انه نحن بني .. هالمحل وايد مشهور عالمياً .. و وايد ناس أعرفهم صمموا فساتينهم هنيه
روضه: اووولااالااا ..
الريم تضحك: شو ها بعد؟
روضه: هاي كلمة فرنسيه .. جفتها في فيلم Rugrats in Paris
رفيعه: انزين .. شو تعرفين بعد من كلمات؟
روضه تتذكر: وييي يعني yes .. بونجور يعني مرحبا .. و اورفوار يعني مع السلامه
الريم تضحك: اوه اوه .. طلعتي مثقفه

فـ محل الفساتين

رفيعه و الريم و روضه يسيرون محل الفساتين .. بينما جابر يشل ولده و يسيرون الحديقه اللي عدالهم

رفيعه: Yes, I talked to you on the phone
(هيه، كلمتج في التليفون)
الحرمه: Oh yes, about madmozel Reem
(هيه نعم، عن الآنسه ريم)
الحرمه: Have a seat please .. my assistant will bring some appetizers and tea .. and I’ll go bring the latest catalogues
(تفضلوا استريحوا لو سمحتوا .. بخلي مساعدتي تييب لكم بعض المقبلات و الشاي .. و أنا بييب أحدث الكاتلوجات)

كان محل كبير .. فيه طابقين .. راقي .. شكله مال الأغنياء .. و فيه كل أنواع الفساتين .. يعني بصراحه كان شكل المحل وايد حلو .. يلسوا البنات يتنقون الفساتين .. و يتناقشون ويا الحرمه عن الفساتين .. و عقب ما خلصوا .. و اختاروا فستان معين

الحرمه: So, when it’s brova time, I’ll send the gown with some of my agents in UAE and they will make it perfect for you
(إذاً، يوم بيي وقت البروفا، بطرش الفستان ويا بعض عملائي في الإمارت و بيخلونه مميز حقج)
رفيعه: Great .. now it’s our turn
(زين .. اللحين دورنا)
الحرمه: Okay .. what have you chose till now?
(اوكي .. شو اخترتوا لين اللحين؟)

-----------------------------
عقب 4 أيام
-----------------------------

الريم: I’ll take this one please .. with it’s wallet
(باخذ هذي لو سمحت .. ويا بوكه)
الريال: May you come to the cashier to pay
(عادي تسيريون صوب الكاشير عشان تدفعون)

كانوا الريم و روضه و رفيعه كالعاده يتسوقون .. و هالمره هم في محل شانيل .. و اشترت الريم قبل شوي شنطه ويا بوكها (محفظتها)

روضه تشاور رفيعه: حلوه هاي النظاره و لا لأ؟ (تلبس النظاره و تصد صوب رفيعه)
رفيعه: لا لا .. هاي وايد فاتحه .. و انتي ما يناسبج الفاتح .. خذيلج شي غامج أحسن لج
روضه تشل نظارتين غامجات: انزين .. هاي و لا هاي؟
رفيعه تفكر: امممممم .. أنا أقول الثانيه .. و انتي ريماني ..
الريم: أنا بعد عيبتني الثانيه أكثر .. و تناسبج أكثر
روضه: اوكي .. عيل باخذها (تتجدم صوب الكاشير) I’ll take this sunglass
(باخذ هاي النظاره الشمسيه)

عقب ما دفعوا و شلوا أكياسهم .. يت في روضه نوبة هبل .. يلست تهز راسها شرات الهنود و تقول حق البياعيين "ميرسي ميرسي" .. و جان يمطونها البنات و يطلعونها برع المحل .. فظحتهم فظيحه .. هههههه .. عقب تموا يتمشون و ساروا صوب مطعم إيطالي و تلاقوا ويا جابر و سلطان (فديته أنا .. ^_^) هناك .. و عقب ما طلبوا الأكل

جابر يسأل: خلصتوا كل شي؟
رفيعه: تقريباً تقدر تقول الأشياء الأساسيه خلصناها و باقي أشياء بسيطه
جابر: انزين .. عيل لو تقدرون تخلصون كل شي اليوم عشان باجر الصبح طيارتنا
الريم: عمي .. أصلاً أنا ما باخذ كل شي من هنيه .. بس في أشياء و ماركات معينه خذيتها من هنيه .. و طبعاً باقي لي وايد أشياء في البلاد لازم أخلصها
روضه تشرب البيبسي اللي يابوه قبل شوي: و العرس عقب ثلاث شهور .. أحلى شي
الريم قفطت و بغت تغير الموضوع: واااي فديتك سلطاني .. من زمان ما جفته
روضه رافعه حاجب: تونا قبل ما ندخل محل لوي فيتون جفتيه .. عن الجذب
و الكل ضحك عليهم

 

[ضوى العيون]

بيت بوفهد
-----------------------------

بوفهد: والله هاذي الساعه المباركه .. زين ماخترت يا فهد
فهد: مشكور ابويه الله يطولي بعمرك
بوفهد: عيل خلاص .. انا ساير اكلم البنيه
فهد: اللحين ابويه؟
بوفهد: هيه و لا تبا تأجل
فهد: لالالالا .. يلا اللحين اللحين
بوفهد و ام فهد ضحكوا عليه

طق طق طق

اليازيه: منووووو؟
بوفهد: أنا خالج ..
اليازيه تعتدل في يلستها: تفضل خالي .. تفضل فديتك
بوفهد: دام فضلج حبيبتي
اليازيه: خير خالي .. شي مستوي .. سهيل فيه شي .. خالتي .. فهد؟
بوفهد يضحك: الخير بويهج غناتي .. والله فهد فيه شي
اليازيه بخوف: شو فيه؟
بوفهد يستهبل عليها: مريض
اليازيه: مريض شو فيه؟
بوفهد: بمرض اسمه الحب
اليازيه حست بغصه: و منو هاي البنت اللي يحبها؟
بوفهد ضحك عليها: استهبل عليج .. لا لا صدق صدق (و اعتدل في يلسته بوفهد شوي فيه روح طفوله صدق انه طاف الأربعين بس بعده) ابويه فهد ولد خالج سمع الكلام اللي قلتيه حق خالتج .. و هو قال بدال مانتي تتغطين 24 ساعه في البيت .. و هو ما ياخذ راحته و جي .. هو عرض على امه .. انه ..
اليازيه بخوف: شوووووو؟؟
بوفهد: انه يبا يخطبج و طبعاً كلفوني عشان أقول حق بنت اختي المصون عشان ترظى
اليازيه قفطت من الخاطر
بوفهد: يا بنتي فكري الزواج مب لعبه .. لو انتي تبينه من الوقت اللي توافقين عليه الملجه .. و لو مب موافقه ترانا ما بنزعل و لا بنتغير بس نحن كل املنا انج توافقين
اليازيه بمستحى: والله يا خالي فهد ريال و ما عليه كلام و فوق كل شي ولد خالي و افتحر .. ووو .. انا .. بفكر و بستخير و بعدين برد عليكم خبر
بوفهد: بارك الله فيج يا بنتي .. زين مايابت امج .. الله يجعلج من نصيب فهد ولدي و نفرح في عيالكم ان شاء الله
اليازيه في خاطرها "آميييييين": ان شاء الله خالي ..
بوفهد: عيل يلا انا ساير .. تآمريني على شي فديتج؟
اليازيه: لا خالي .. ما يآمر عليك عدو
بوفهد: عيل يلا .. تصبحين على خير
اليازيه: و انته من أهله
طلع بوفهد و خلا اليازيه في بحر أفكارها
"فهد و اليازيه .. فهد خطبني .. هيه .. فهد اللي .. اللي حبيته .. هيه احبه .. والله احبه .. خطبني .. و بستوي حليلته .. أحلى أحلامي تحققت .. بس أنا بقوم و بصلي استخاره .. و يصير خير"

-----------------------------
في سيارة راشد
-----------------------------

شمسه: بس عاد راشد .. استحي
راشد: يلا عاد .. كل الناس حملوا إلا انتي .. و شو تستحين .. نحن من متى معرسين
شمسه نزلت راسها: سوري فديتك بس و الله انت تقول بطريقة تخلي الواحد يستحي
راشد: فدييييت اللي يستحون انا
شمسه: انزين يلا وين بتوديني؟
راشد: آآآآآآه بوديج مكان مافيه إلا انا وانتي
شمسه قفطت: بس عاد
راشد: نسير المبزره؟
شمسه: اوكي يلا ..
راشد: دريول ابوج .. لا دريول دريول .. شو يلا .. قولي يلا فديت روحك انا .. نسير هناك
شمسه تضحك: بس عاد ..
راشد يضحك وياها: انتي وين و الرومانسيه وين
شمسه: رشوووووودي
راشد: حتى رشودي غلط .. لازم تقولين رشودي حبيبي بعد قلبي
و تم يسوق للكورنيش و هو يغايظ شمسه لين ما وصلوا
راشد: يلا يا حرم راشد بن مايد .. وصلنا
شمسه: اوكي يلا
و نزلوا من السيارة بعد مابركنها راشد في الباركنات
مشا راشد صوبها و مسك ايدها
شمسه: راشد!!
راشد: لبيييييه
شمسه: لباك قلبي .. اممممممم .. خاطري في ذره
راشد: اوكي .. و انا بعد خاطري في ذره .. بس مايبيعون هنيه
شمسه: اوكي عيل خلاص ماريد
راشد: لا لا عادي بشتري لج
شمسه: فديتك راشد مب لازم .. يلا نرد البيت
راشد: خير فديتج شو فيج حياتي؟
شمسه: حبيبي تعبانه شوي .. تعال نرد البيت

 

[ضوى العيون]

بيت بوفهد
-----------------------------

بوفهد: والله هاذي الساعه المباركه .. زين ماخترت يا فهد
فهد: مشكور ابويه الله يطولي بعمرك
بوفهد: عيل خلاص .. انا ساير اكلم البنيه
فهد: اللحين ابويه؟
بوفهد: هيه و لا تبا تأجل
فهد: لالالالا .. يلا اللحين اللحين
بوفهد و ام فهد ضحكوا عليه

طق طق طق

اليازيه: منووووو؟
بوفهد: أنا خالج ..
اليازيه تعتدل في يلستها: تفضل خالي .. تفضل فديتك
بوفهد: دام فضلج حبيبتي
اليازيه: خير خالي .. شي مستوي .. سهيل فيه شي .. خالتي .. فهد؟
بوفهد يضحك: الخير بويهج غناتي .. والله فهد فيه شي
اليازيه بخوف: شو فيه؟
بوفهد يستهبل عليها: مريض
اليازيه: مريض شو فيه؟
بوفهد: بمرض اسمه الحب
اليازيه حست بغصه: و منو هاي البنت اللي يحبها؟
بوفهد ضحك عليها: استهبل عليج .. لا لا صدق صدق (و اعتدل في يلسته بوفهد شوي فيه روح طفوله صدق انه طاف الأربعين بس بعده) ابويه فهد ولد خالج سمع الكلام اللي قلتيه حق خالتج .. و هو قال بدال مانتي تتغطين 24 ساعه في البيت .. و هو ما ياخذ راحته و جي .. هو عرض على امه .. انه ..
اليازيه بخوف: شوووووو؟؟
بوفهد: انه يبا يخطبج و طبعاً كلفوني عشان أقول حق بنت اختي المصون عشان ترظى
اليازيه قفطت من الخاطر
بوفهد: يا بنتي فكري الزواج مب لعبه .. لو انتي تبينه من الوقت اللي توافقين عليه الملجه .. و لو مب موافقه ترانا ما بنزعل و لا بنتغير بس نحن كل املنا انج توافقين
اليازيه بمستحى: والله يا خالي فهد ريال و ما عليه كلام و فوق كل شي ولد خالي و افتحر .. ووو .. انا .. بفكر و بستخير و بعدين برد عليكم خبر
بوفهد: بارك الله فيج يا بنتي .. زين مايابت امج .. الله يجعلج من نصيب فهد ولدي و نفرح في عيالكم ان شاء الله
اليازيه في خاطرها "آميييييين": ان شاء الله خالي ..
بوفهد: عيل يلا انا ساير .. تآمريني على شي فديتج؟
اليازيه: لا خالي .. ما يآمر عليك عدو
بوفهد: عيل يلا .. تصبحين على خير
اليازيه: و انته من أهله
طلع بوفهد و خلا اليازيه في بحر أفكارها
"فهد و اليازيه .. فهد خطبني .. هيه .. فهد اللي .. اللي حبيته .. هيه احبه .. والله احبه .. خطبني .. و بستوي حليلته .. أحلى أحلامي تحققت .. بس أنا بقوم و بصلي استخاره .. و يصير خير"

-----------------------------
في سيارة راشد
-----------------------------

شمسه: بس عاد راشد .. استحي
راشد: يلا عاد .. كل الناس حملوا إلا انتي .. و شو تستحين .. نحن من متى معرسين
شمسه نزلت راسها: سوري فديتك بس و الله انت تقول بطريقة تخلي الواحد يستحي
راشد: فدييييت اللي يستحون انا
شمسه: انزين يلا وين بتوديني؟
راشد: آآآآآآه بوديج مكان مافيه إلا انا وانتي
شمسه قفطت: بس عاد
راشد: نسير المبزره؟
شمسه: اوكي يلا ..
راشد: دريول ابوج .. لا دريول دريول .. شو يلا .. قولي يلا فديت روحك انا .. نسير هناك
شمسه تضحك: بس عاد ..
راشد يضحك وياها: انتي وين و الرومانسيه وين
شمسه: رشوووووودي
راشد: حتى رشودي غلط .. لازم تقولين رشودي حبيبي بعد قلبي
و تم يسوق للكورنيش و هو يغايظ شمسه لين ما وصلوا
راشد: يلا يا حرم راشد بن مايد .. وصلنا
شمسه: اوكي يلا
و نزلوا من السيارة بعد مابركنها راشد في الباركنات
مشا راشد صوبها و مسك ايدها
شمسه: راشد!!
راشد: لبيييييه
شمسه: لباك قلبي .. اممممممم .. خاطري في ذره
راشد: اوكي .. و انا بعد خاطري في ذره .. بس مايبيعون هنيه
شمسه: اوكي عيل خلاص ماريد
راشد: لا لا عادي بشتري لج
شمسه: فديتك راشد مب لازم .. يلا نرد البيت
راشد: خير فديتج شو فيج حياتي؟
شمسه: حبيبي تعبانه شوي .. تعال نرد البيت

 

[ضوى العيون]

راشد: شو فيج؟
شمسه: بس خلنا نرد البيت .. بطني يعورني
راشد: خير غناتي .. شو فيج؟
شمسه: مادري .. حاسه بدوخه
راشد: سلامتج حبيبتي .. امشي نرد البيت
شمسه: اوكي فديتك يلا .. إلا ما قلتلي
راشد مسك ايدها .. و ساروا صوب السياره
راشد: شو؟
شمسه: شو حالهم قوم عمك محمد .. عساهم إلا بخير؟
راشد يتنهد: يالله يا سعيد كيف مفتقدينه .. الله يرحمه و يصبر هله
شمسه: هيه والله .. كان حبوب و راعي سوالف
راشد: الله يرحمك برحمته ياسعيد
شمسه: آمين ..
و ردوا البيت و هم على نفس الحركات .. شوي سوالف .. و شوي ظرابه .. و شوي غياظ

-----------------------------
يوم الخميس
-----------------------------

اليوم تاريخ 14 – 3 .. كالعاده .. من كل سنه في هالفتره .. يسوون طلاب المدارس يوم الخميس .. يوم اسمه الـ Fun Fair .. كل طالبه أو طالب يشارك في هالاحتفال .. يا بتأجير محل و يخلوونه يبيع أشيائه في المدرسه .. أو مطاعم .. أو يسوون أشياء من نفسهم

حصه: شيما .. جيكي على الـ schedule .. متى بريكنا نحن الثلاث؟
شيما تجوف الأوراق المطبوعه بترتيب و معلقه على اليدار: عقب نص الساعه
حصه: أنا تعبت .. ايديني تكسرت
ميثا شاله صينيه فيها صحون فيها بقايا طعام: تعالوا بسرعه .. أجوف ناس يايين

كانوا بنات صف حصه و ميثا مسويين مطعم بروحهم .. شاريين يميع الأكل الجاهز من مختلف المطاعم .. و يبيعونه .. يعني مثلاً الظهر مطرشين الدريول اييب الطلبيه اللي من مطعم (........) و يكون هالأكل منوع .. مثلاً أنواع العيش و الصالونه .. المحاشي و السلطات .. و كل شي .. يعني جنه مطعم .. و يكون كل شي مرتب في جدور .. و حاطينه في قسم و بنات لابسين مثل الـ cook يحطون الأكل في صحون حسب الطلبيه .. و ايوون باقي البنات و يجوفون طلبيات الناس .. طبعاً يكون فيه طاولات و كراسي .. و وحده مسؤوله عن النظافه .. و وحده عن الأغاني .. و هم حاجزين صف عود فيه حجرتين .. خلوا حجره مكان فيه بعض البنات يحطون الأكل و يجهزونه .. و فيه مايكرويف .. و خلاط عصير .. يسوون عصاير جاهزه .. و فيه عصاير مصنعه .. و حجره ثانيه حق الصلاه .. حق أي حد ايي يصلي هنيه .. و هالشي يخلي الناس اييون أكثر هنيه .. و في الحجره العوده الرئيسيه .. البنات يتمشون بين الطاولات يجوفون طلبيات الناس و يقدمون الأكل لهم .. و عند الباب طاوله فيها بنتين .. وحده مسؤوله عن الأغاني .. و الثانيه مسؤوله عن البيزات .. يعني بصراحه شي حلو .. و مسمين المطعم .. Tooty Fruity

>> لوول .. امكن بعضكم يعرف هالشي .. لأنه صدق مستوي .. نفس المطعم و نفس الحركات .. فامكن إذا تتذكرون شي مثل هذا .. يعني تعرفوني .. فطرشولي رساله <<

ميثا شاله الـ notepad و القلم مالها و سايره صوب طاوله فيها حرمتين منقبات و ثلاث أولاد صغار و بنوته صغيره

ميثا: السلام عليكم .. قررتوا تطلبون؟ (تراها قدمت الـ menu حقهم)
وحده من الحريم شوي متينه: نبغي عصيرين ليمون .. و ثلاث فراوله .. و واحد همبا (مانجا) طبعاً كلهم fresh
ميثا تكتب في النوتباد: هيه نعم .. كلهم فريش
تكمل الحرمه: و نبغي كيكة شوكوليت وحده .. و اثنينه كرواسون جبن .. و واحد كرواسون شوكوليت .. و سلطة فواكه
ميثا: بس؟
الحرمه: عندكم روب فواكه .. لأنها صغيره و ما تآكل أي شي
ميثا تتذكر: هممممم .. أظن عندها .. لحظه شوي

>> تسير و ترد <<

ميثا: هيه نعم عدنا .. عدنا بنكهة الفراوله و الموز .. و عقب ساعه بيوصولن نكهات زياده
الحرمه تسأل البنوته الصغيره: حبيبتي شو تبين؟
البنت: أريد .. أريد .. banana
ميثا: ان شاء الله .. تبون شي زياده؟
الحرمه الثانيه: لا شكراً
ميثا: انزين .. تدفعون اللحين و لا بعدين؟
الحرمه الأولى: لا اللحين أحسن
ميثا تطلع الحاسبه من مخباها اللي في الـ apron اللي لابستنه و تحسب: لحظه شوي (عقب دقيقتين) 52 درهم لو سمحتوا

>> عقب نص ساعه <<

حصه تعق الأبرون و كل شي لابستنه مال الشغل: يلا تعالوا .. اللحين الساعه ست
شيما: سوري بنات .. خواتي بيوون و بسير وياهم .. امكن نتلاقى بعدين
ميثا: اوكي .. no problem

و يطلعون حصه و ميثا و يحوطون في الفان فير

حصه: تعالي تعالي .. أنا في خاطري أركب الـ helicopter
ميثا: لا .. أنا مابركب .. أخاف
حصه بترجي: يلا عاد .. مب راكبه روحي
ميثا: اركبي ويا حد غيري
حصه: محد غيرج ويايه .. يلا ميثوو
ميثا: اكيه مهوو هناك (تباغم) مهاااا .. مهووووو
يت مها صوبهم و هيه تاكل آيسكريم
حصه: تعالي اركبي ويايه .. ميثا مب طايعه
مها: أنا ركبتها قبل ويا ربعي .. كشخه
حصه: انزين يلا تعالي
مها: اوكي ..
و تريووا دورهم و ركبوا الهيليكوبتر .. و طارت بهم فوق المدرسه و المنطقه كلها عقب ردت
حصه: الله .. كشخه
مها: قلتلج .. بس خساره .. آيسكريم طاح
ميثا: وين طاح؟
مها حايسه بوزها: يوم كنا نطير طاح عني من فوق
ميثا تضحك: انزين تعالوا نسير نلعب لعبه ثانيه
مها: إلا متى بيوون الرزيفه؟
حصه تطالع ساعتها: الساعه ست و نص .. و الساعه سبع بيوون أبطال الميدان
ميثا متفاجأه: و الله؟
حصه: هيه .. و قالوا قوم ريموو بيوون قبل الساعه سبع و بنتلاقى وياهم الساعه سبع في القريه التراثيه (مسوين منطقه عوده في حوي المدرسه مثل القريه التراثيه)
مها: تعالوا نسير الـ Jungle Zone
حصه مستغربه: شو ها بعد؟
مها: بنات صف التاسع مسوين في واحد من الصفوف مثل المتاهه .. و مخلينها خضره .. جنهم في الأدغال
ميثا: عيل يلا أنسير .. أبغي ألعبه
حصه: طاعوا .. هاي تيها هفات .. مره تزيغ و مره لا .. و الله حاله

 

[ضوى العيون]

>> عقب ما لعبوا في ألعاب وايده <<

حصه: أنا أبغي ألعب في الألعاب المائيه
ميثا: بس باقي خمس دقايق و بيبدون الرزف
حصه: برايه برايه .. يلا تعالوا

كان فيه في قسم الأولاد .. ألعاب مائيه بمتخلف أنواعها .. بعضها تحتاي تبدلين لبسج عقبها لأنج بتخترسين على الكامل .. بس بناتنا ما لعبوها لأنهم مب يايبين لبس extra

مها: تعالوا نلعب في هاي الـ water slide
ميثا: لا أنا مب لاعبه
حصه: ياربي .. ميثووو عاد .. شو ها .. مره تقولين بلعب .. و مره ما بلعب
مها: حصه .. يلا move it .. بسرعه نلعبها قبل لا يبدون الرزف

و عقب ما لعبوها .. تموا يربعون لين ما وصلوا القريه التراثيه .. بس اللي استوى انه الفرقه الحربيه تأخرت 10 دقايق عن موعدها .. لأنه الساعه اللحين 6:40 .. فالبنات ساروا صوب الأكل .. وين الحريم العيايز يسوون يميع الأكل الغاوي .. مثل الخمير و المحلى .. و الجباب .. و القيمات .. و وااايد أشياء .. و يلسوا البنات يشترون الأكل حقهم و حق البنات الباقين (خواتهم و بنات عمهم) يوم بيوون .. و عقب ساروا صوب الكراسي و كانوا شوي زحمه .. بس هم حجزوا كم من كرسي و يلسوا .. و عقب خمس دقايق وصلوا البنات .. الريم و روضه .. و شيخه و موزه .. و شمسه و العنود .. و العاش و مي .. و ام خليفه و ام سعيد .. و يت عندهم نوره و ربيعتها أسماء .. و كلهم يلسوا تقريباً حذال بعض .. و انقسموا في مكانين .. و الساعه سبعه وصولوا الحربيه .. و على السبع و نص وصلوا أبطال الميدان .. شكلهم غيروا المواعيد .. و أجلوها نص ساعه .. و يلسوا ياكلون و يجوفون الرزف و اليوله و مرتبشين .. اللي يصور .. اللي يصفق .. و شوية شباب ساروا ايولون ويا اليويله .. و كان بصراحه وايد حلو .. يوم استانسوا فيه .. طبعاً كانوا حريم يتمشون في القريه .. و يصبون حق الناس شاي .. و قهوه .. و شاي كرك .. كان يوم عجيب و من أحلى الأيام عقب أيام العزى

-----------------------------
حجرة روضه
-----------------------------

روضه كانت يالسة تكلم عبيد على المسنجر

روضه
بس يا عبيد زايغه حد يعرف

عبيد
حبيبتي بس عاد قلتلج قفلي الباب ومحد بيدري

روضه
انزين عبيد فديتك ماقدر و الله

عبيد
روضه لو ماتبين تكلميني يعني هذا دليل انج ما تحبيني

روضه
منو قاااااال؟

عبيد
تصرفاتج أشد دليل .. و رفظج انج تكلميني

روضه
عبيد فديتك لو مثلاً حد من اخواني سمعني .. شو بسوي؟

عبيد
يخسون يسوون شي و أنا حي .. انتي لي أنا .. أنا و بس

روضه
عبيييد استحي .. انزين يدوه قالت انه انا لناصر .. شو اسوي؟

عبيد
لو انتي تحبيني .. جان رفضتي .. و وافقتي اني اكلمج و اعبر عن اللي بخاطري .. انزين أصلاً أنا أبغي أقولج شي مهم

روضه
قوله انزين ..