مــب إنتــه اللــي أعيـش الويـل بسبابك

[ضوى العيون]

-----------------------------
عند نوره ومها
-----------------------------

نوره :انزين متى ؟
مها :يوم خطوبه الريم..
نوره :هههههههه وبديتي تحبين يامها
مها:لا من قال مب حب مجرد اعجاب..
نوره :انزين
مها :سمعي هاي
جرحي القديم جرحي الاليم..
ياويلي من جرحي القديم
ليتك تبادلني الشعور
من دون صد ولا غرور ..
ليتك تبادلني الشعور
من دون صد وغرور
جرحي القديييييييم
جرحي الاليييييم
ياويلي من جرح القديم
ياويلي من جرحي الاليم

-----------------------------
عند المبزره
-----------------------------

محمد كان قاعد.. ..
في المبزره .. وهو يفكر وين يشتغل.. وهو يفكر في الدراسه لان هو يدرس طب .. فهو وايد يحب دراسته .. حط ريوله في الينبوع الحار .. تم يفكر لمح واحد من بعيد .. عرف ان ناصر ..
محمد:هلا والله علومك بو الشباب
ناصر : الحمدلله بخير.. اشقح وانطح بعد هههههه

..وتموا يسولفون شوي ..

-----------------------------
عند روضه وناصر و الريم وخالد
-----------------------------

روضه:خااااااااالد بليييييييييز ابي اركب الدراجه .. ..
خالد :قلتلج لا ..
الريم :خلوووود عاد بس مره وحده..
خالد يطالعها بنص عين ..:وانتي ورا من بتركبين ..
الريم قفطت : بزقر سعيد ..
خالد: اممممم اوكي .. روحي بسرعه زقريه..
وراحت ريم وزقرت سعيد بس ماطاع يركبها فراحت وقالت لاحمد ..
بعد ماركبت روضه ورا خالد .. و الريم ورا احمد .. وناصر محد وراه .. تموا يتسابقون ..
روضه وهي تصارخ:؛خلوووود شوي شوي..
خالد:ههههه محد قالج ركبي ..
الريم وهي تصارخ باعلى صوتها عشان روضه تسمعها: روضوووووووووووه..
روضه:وصمخ بطيتي طبلت اذني شتبين ..؟
ريم:هههههههه .. ماشي بس اقول كشخه صح ..؟
روضه:هيه .. ريمووه
ريم: ها.!
روضه: بعد مانخلص من الدراجات .. بنروح عند الخيول اوكي ..
الريم تفكر:لا ماابي..
روضه:بلييييييييييييز ..
الريم:اوكي ..
وتموا يلعبون في الدراجات واللي يستعرض وماادري شو ..
بعد ماخلصوا الريم وروضه .. ركضوا صوب الخيول ..
روضه:فديتـــــــــــــــــــه
خالد: منو ها؟
روضه اطالعه بنص عين :خيلي ..
الريم: عاشو خيلي وسيفي والقلم والقوافي..
روضه :خلج اللحين من الاغاني ..
الريم:هههههههههه اوكي..
سيف يا صوبهم وهو يركض: اقووووووولكم ..
الكل: شو؟
سيف: بيت بوهزاع بيون يعني هزاع وحمدان وغيث بيون .. تغطوا بنات والبسوا عباتكم ..
الريم وروضه:افففففففففففففففففففففففففف .انزين..
وراحوا يلبسون عباتهم ..
روضه وريم يتساسرون :اففففف ياربي لازم حمدان وغيث اييون ..
الريم:ههههههه اي والله .. الا اقول
روضه:ها ؟
الريم: شو ها انتي بعد قولي نعم ..
روضه:شو نعم فصحه ههههههههه ..
الريم:انزين قولي لبيه ..
روضه:يلا زين .. المهم شو تبين ؟
الريم:وين شويخ ؟
روضه:امممممم مااعرف اعتقد راحت على اللاب مال سواف ..
ريم :تعالي نسير عندها ..
روضه:اوكي يلا ..

-----------------------------
عند شيخه..
-----------------------------

شيخه : اففففففففف ياربي شو بلاه هالنت ..
بعدين تعدل النت .. وسجلت دخولها للمنتدى..

 

[ضوى العيون]

أهلا وسهلآ بعودتك دفشة&ملسونة.
آخر زيارة لك كانت بتاريخ : اليوم - الساعة 01:47am
الرسائل الخاصة : لديك 12 رسالة جديدة غير مقروءة ، من مجموع 466 رسالة .

ضحكت شيخه اول ماشافت اسمها :ههههههههه والله اني غبيه .. كل دقيقه اغير اسمي هع ..
بعدين قعدت وفجت عيونها يوم شافت عدد الرسايل اللي ماقارتهم للحين ..
فتحت الرسايل وقلبها يدق .. مثل الطبول.. شافت 4 رسايل من ربيعتها فراشة جميرا (حصوه ) و2 من برقع جينز منقع (ميثوه) يالسين يستهبلون عليها .. ولقت 3 رسايل من ناس يبون يتعرفون عليها .. و3 من ولد السويدي ((حمدان))
>>اممم ترا النكات من عندنا اوكي هع هع ..<<
شافت ولد المهيري مب موجود .. فتحت الرسالة ..
قعدت تقرا رسايل ميثوه وحصوه وتضحك عليهم .. اللي حاطه بس ؟ او ! هههههههه هبل ..
وقرت رسايل اللي يبون يتعرفون عليها ..
وكانت الثلاث رسايل متفرقه..
اول رسالة :
عنوانها :الســلام عليــكم ..
داخلها...
"السلام عليكم ..
شحالج اختي ..
عساج مرتاحه ؟
امممممم اختي اعرف اني ثقلت عليج ..
بس بغيت اسالج ..
قصتج ..
...............(حط اسم القصة)
متى بتحطين لنا فيها بارت ؟"
ضحكت شويخ ..
ردت عليه ..
"وعليكم السلام ورحمه الله وبركاته ..
والله انا الحمدلله رقيييييص .. هع هع ..
ومن صوبك اخويه ؟
لا اخويه لا ثقلت علي ولا شي ..
حياك الشيخ ..
اممم بعد اسبوع اسمحلي شيخي بس .. لان نحن اللحين في العزبه ومااقدر اكتب .. ..
^_^
واتمنى تعيبك القصه
اختك
دفوشة المنتدى .."
واول ماتبي تفتح الرسالة الثانيه دخلوا ريم وروضه .. على طول سكرت الصفحه ..
الريم :ها ها اعترفي شو تسوين .؟
شيخه :ماشي يالسة ادور في النت ..
روضه: اممممم شويخ عطيني اللاب شوي ..
الريم عطتها بنظره :لا لا خلينا نشوف شويخ ..
شيخه:تعالوا اللحين بكتب البارت في قصتي ..
روضه:اووه تكتبين قصه بعد ..
شيخه بفخر :هيه نعم ..
الريم:شو اسمها؟
شيخه:اسمها(---------)
روضه تمت سرحانه بس بعدين قالت :حلوو الاسم..
شيخه :انتي الاحلى ..
الريم:اوكي يلا كتبي..
وتمت شيخه تكتب .. وكل وحده فيهم صايره حمراااااااا.. لان شيخه تكتب عن روضه وريم .. وخالد وناصر.. خخخخخخخخخخخ
ريم:انتي شعرفج؟
شيخه:ههههههههههههههه مصادري السريه ..
روضه:هههههههههههه.. بس والله انتي فضيحه .. شو بتسوين نهاية القصة ؟
شيخه:امممم .. بفكر .. بس رويض اللي تسوينه غلط ..
روضه فجت عيونها :شو ؟
شيخه: لايكون على بالج انا غبيه .. انا اقدر اطلع كل المحادثات ..
الريم تمت ساكته وروضه فجت عيونها
شيخه:حرام تخونين ثقة ناصر اخوي فيج ..
روضه نزلت راسها :بس خلاص خلاص لاتذكريني ..
شيخه:وعبيييييييييد وعبدالله وناصر؟
روضه :عبيد مااعرفف عبدالله مابوافق وبقول لامي .. ناصر احبه
شيخه :رفعي راسج ياروضه .. لو بتخشين عنا بتقولين لمن ؟
روضه :مااعرف مااعرف..
شيخه :لا تعرفين وانا اعرف..
روضه:شو؟
شيخه :انتي شوي تفكرين في عبيد .. مابقول تحبينه بس مجرد اعجاب صح؟
روضه انصدمت وتقول في نفسها"شو هاي ينيه": امم صح
شيخه معصبه:خلاص ياروضه روحي صوب عبيد وابتعدي عن اخوي ..
روضه نزلت دموعها :لا ارجوج كل شي ولاناصر
شيخه:عيل ليش تخونينه..
الريم وهي تصارخ:انتوا انا اكبر وحده فيكم ومعيني اكبر طاف بس خلاص بسكم من هالمواضيع ..
شيخه وروضه نزلوا راسهم ..
وغيروا الموضوع وتموا يسولفون ..
بعدين طلعوا روضه وريم ..
وتمت شيخه تقرا الرسايل لين ماحد طق الباب..
شيخه :مــــــــــــــــــــــــــــــــــن؟
ميثا وحصه وشوق نقعوا من الضحك
حصه:اعصابج لايطيح نصج هههههههههههههه
ميثا:تغطي شويخ
شيخه:ليش؟
ميثا :بس ..
شيخه:اوكي

 

[ضوى العيون]

بعد فتره
شيخه :يلا تغطيت وقعدت عدل
وفتحوا الباب ودخلوا..
شوق :السلاااام عليكم ..
شيخه:وعليكم السلام..
شوق: خشمج خشمج..
وتوايهوا شوق وشيخه
الكل:هههههههههههههههههه
شيخه:ها شو تبون ..؟
حصه:نبي نسولف وياج..
شيخه:اوكي يلا ..
وتموا يسولفون عن المنتدى ..
وجي .. مره وحده وهي شيخه ادور في المنتدى..
وصلتلها رساله .. من.. ولد المهيري .. نقزت وعلى طول سجلت خروجها حصه صادتها ونقعت من الضحك هي تعرف ان ولد المهيري حمدان .. بس محد يعرف غير حصه وميثا وشوق ..
شيخه وهي مرتبكه:شفيييييج؟
حصه :لا ماشي .. ماشي..
شيخه :انجلعي
حصه:ههههههههههههههههههههههههههه
وتموا يسولفون .. سوالف عاديه ..

-----------------------------
عند الشواب و الشباب والبنات
-----------------------------

الكل كان مجتمعين هناك من اليده لين سلامه هع هع
روضه:ارجوج يما ..
ام خليفة:بتاخذييين عبدالله وريلج فوق راسج ..
روضه والدموع في عينها:بابا شوفها ..
بوخليفه: يابنتي شو يعيبه عبدالله ..
روضه:يبا ماابيه مااحبه ..
اليده:وابويه عليكم انا .. شو تغصبون البنت .. انا قلتلكم .. روضه لناصر وناصر لروضه
وخالد لـ الريم وريم لخالد ..
الريم وروضه نزلوا راسهم وماتوا من المستحى.. وقاموا اونهم بيتمشون وطبعا ناصر وخالد شاقين الحلج ..

-----------------------------
عند الريم وروضه
-----------------------------

شو ها كل شي بالغصب
طلعت هالكلمات من روضه بعصبيه..
الريم :انزين خلاص لاتصيحين ..
روضه:شوفيهم اصلا هم مايحبوني محد يحبني .. شوفيهم يبون يفتكون مني ..
(ونزلت دموعها شلالات) وعلى طول اول واحد خطبني ياو وغصبوني ..
ماحست الا بيد ريال على جتفها ..
خالد بحنان:ومن قالج ان هو اول ريال ؟
روضه لفت وحطت راسها في حظن خالد وخالد بدوره لمها .. وتمت روضه تصييح .. وتموا خالد و الريم يهدونها ..
بعدين هدت شوي..
وتمت تتمشى ويا ريماني ..
روضه: ياحظج يوم بتاخذين خلود اخوي
استحتال ريم:-----
روضه:هههههههههههههههه تذكرين ايام كنتي ماتحبين حتى تسمعين اسم خلود .. وشلون انا ومطور كنا نغايضج .. ونقولج شوفي ريلج وصل ..
الريم :ههههههههههههه ايام اول ..
روضه :اول تحول ..
ريم :انزين وشو عن عبيد؟
روضه: الريم ... بديت اهتم فيه وايد
الريم فجت عيونها:ونااااصر؟
روضه:مااعرف مااعرف
ريم:امممم انتي شفتي عبيد؟
روضه ارتبكت :ها .. هيه ..قصدي لا .. مااعرف..
ريم :شفييج ؟
روضه:اففففف هيه شفته ف بيت ام سيف ..
ريم :اها هو احلى ولا ناصر..
روضه:طبعا ناصر
ريم :ههههههه مانقدر حبيب القلب ..
ناصر وخالد من وراهم وهم مب سامعين الا حبيب القلب((حظهم روضه وريم هههههههه))
ناصر :من ها حبيب القلب .. ها ؟ اعترفي يا رويض
روضه بغت تموت حست انها خلاص انتهت يا يوم موتها ..
روضه:ها .. مااعرف محد
خالد يطالعها بنص عين : يقولون ريلها في المستقبل ..
الريم:ههههههه اي والله ..
روضه:كيفي .. انتوا حدكم على ريلي عمكم وتاج راسكم
ناصر:احم احم
روضه :حد كلمك
الريم وخالد نقعوا من الضحك :هههههههههههههههههههههههههههههههههههه
ناصر قفط:جب جب يحصلج ..
روضه :ههههههههههههههههههههه قفط قفط ههههههههههه شوفوا ويهه هههههههههههههههههه
الريم :الحب ومايسوي ..
روضه قفطت:جب عاد انتي مب مقصره
الريم قفطت : جب
خالد:شفيكم كلكم قافطين .. مابقا الا انا ..
ناصر: عاد انت وخروا عنه .. العاشق الولهان
روضه وناصر:هههههههههههههههههههههه

 

[ضوى العيون]

روضه:هههههه خلاص كلنا قفطنا مالت عليكم .. محد يعرف يقفط غيري..
ناصر:من هالغبي االحمار اللي قاص عليج ..
روضه :هههههههه انت
الريم : ههههههههههههههههههههههههههههه حلووه
خالد:ههههههه رقميها ..
روضه:اقولكم انا تعبت امشوا نقعد على الصخره ونكمل سوالف..
خالد:يالله يالعيوز ..
روضه بدلع :خلوووووودي
خالد بصوت واطي : الله يستر هالخلودي وراها بلاوي ..(رفع صوته ) امري يا عيون خلودي ..
روضه:امممممممممم ابي اركب دراجات ..
خالد :تحلمييييين تروحين السما وتنزلين الارض..
الريم :خاااااااااااالد
خالد :لبيه ..
قفطت ريم :نبي نركب الدراجات ..
ناصر:روضوه انا بركبج ..
روضه :يلا زين .. عندي اخوي للحين حي مامات ..
الريم لا اراديا:بسم الله عليه لاتفاولين يالجلبه ..
ناصر:هههههههههههه روضوه تعلمي الكلام السنع منها .. شوفي شلون ماشالله عن الحشد ..
روضه:هههههههههههه حشد حشد ..
ناصر:جب بالغلط ..
روضه:لا عن الحشد ..
الريم:هههههههههههههههههه ..
خالد :امممممم اقولكم وين شويخ وحصوه وميثوه وشواقي..
الريم بنص عين : شو تبي فيهم ؟
خالد :ههههههههههههههههه ماشي بس اسال ..
ناصر :انا بروح ازقرهم ..
وزقرهم ناصر..
وتموا كلهم يسولفون ..

بعد مرور 3 ايام .. ردوا العرب لبيوتهم ..

-----------------------------
يوم الثلاثا
في المستشفى
-----------------------------

موزه وهي سايره راده سايره راده:ياربي هاي المره الثانيه اللي يطيح
احمد :ازيدج من الشعربيت .. المره الثالثه ..
موزه :استغفر الله شو اقول لـ امايه اللحين .. خايفه عليها ..
الريم:امايه فيها القلب .. اخاف يصير فيها شي لا سمح الله..
روضه: ريم موزه .. انتوا قعدوا وادعوا لين مايطلع الدكتور ..
هزاع :موزه حبيبتي هدي .. مب زين للبيبي..
موزه:هزاع .. مب وقته البيبي ..
هزاع اول مابغا يرمس .. طلع الدكتور .. وربعوا احمد وهزاع صوبه ..
الدكتور "مواطن":السلام عليكم
هزاع واحمد:وعليكم السلام ورحمة الله وبركاته..
هزاع:شو فيه سعيد ؟
الدكتور :انت شو تقرب له ؟
هزاع :انا ريل اخته ..
احمد:وانا خاله ..
الدكتور :تفضلوا وياي المكتب ..
احمد:اصبر بزقر البنات ..
وراح احمد زقر موزه وروضه و الريم ..
وراحوا كلهم صوب مكتب الدكتور ..
قعد الدكتور على مكتبه .. وقعد يقرا التقراير عن مرض سعيد ..
احمد :ها دكتور بشر؟
الدكتور :والله مااعرف شو اقولك .. بس ولد اختك .. عنده السل الرئوي .. او اللي يسمونه بالانجليزي .. Tuberculosis..
موزه و الريم :شووووووو سل ؟
الدكتور :هدوا خواتي ..
هزاع يطالعهم : خلاص خلوه يكمل ..كمل دكتور ..
الدكتور :ان شالله اخوي .. المرض يتركز عن الرئتين وهو يتكون من جرثومة.. وهالمرض معدي يمكن الشخص الواحد اذا ماتشافى في خلال سنه.. يعدي 10 الى 15 شخص .. وهالمرض يمكن ..ان يقتل الانسان ..اللي مصاب بهالمرض ..السل مرض معدي .. هو مثل الزجام..هو ينتشر خلال الهوا .. فانتوا انتبهوا للي ماعندهم مناعه قويه ..ولما يعطس او يكح او يتكلم .. الشخص المصاب .. يمكن ان تنتقل الجراثيم(وتم يطالع التقرير ويقرا ). يتم البدء بالعلاج الذي يجب أن يعتمد على أدوية مضادة للسل تعطى بطريقة معينة وجرعات محددة. مدة العلاج تستمر من 6 إلى 8 أشهر . أكثر الأدوية المستخدمة لعلاج السل هي أيزونيازايد ، ريفامبيسين ، بيرازيناميد ، سبتربتوميسين ، إثامبيوتول..
احمد:دكتور
الدكتور:هلا اخوي ..
احمد:نقدر نسفره للخارج ..
الدكتور:مافي فرق بين العين .. ولندن .. ترا دولتنا متطوره
احمد:بس انا افضل ان نسفره للخارج.
هزاع حط يده على جتف احمد:بنشوف عمي .. وبنقوله .. وبنشوف لو ننقله للخارج ..
احمد :ان شاء الله ..

-----------------------------
ف السياره ..
-----------------------------

هزاع:من بيقول لعمي وعمتي ؟
موزه:انا ..
الريم :لا انا
روضه :انا بقولها..
احمد:انا بقول ..
موزه:انا اكبركم وانا بقول..
هزاع : انا بقول
موزه:انا بقولها ..
روضه:اوكي موزه انتي قوليلها..
الريم :اوكي ..
احمد :برايج ..
هزاع: عاد مانوصيج .. حاولي تقولينلهم بهدوء اوكي.. عشان مايصير شي .. وبعد قوليلهم انه مب خطير ..
موزه:ان شاء الله

-----------------------------
في غرفه بوسعيد وام سعيد..
-----------------------------

موزه :امايه ابويه .. انا بقولكم شي .. لازم تعرفونه..
ام سعيد :خير بنتي؟
موزه :الخير بويهج امايه..
بو سعيد :قولي شو صاير ياموزه؟
موزه :امايه ابويه ..

 

[ضوى العيون]

الجزء السادس عشر

موزه: امايه ابويه .. أنا بقولكم شي لازم تعرفونه
ام سعيد: خير بنتي؟
موزه: الخير بـ ويهج يا اميه
بوسعيد: قولي شو مستوي يا موزه ..
موزه: اميه ابويه .. ماعرف شقايل أقولكم هالشي .. بس بقولكم و اوعدوني انكم تسمعون كل شي لين ماخلص
ام سعيد: موزه بنتيه .. طمني قلبي و قولي بسرعه
موزه: هالموضوع عن سعيد ..
ام سعيد ظربت صدرها بـ كفها: شو بلاه ولدي؟
موزه: فيه .. فيه .. السل الرئوي
ام سعيد تصيح و تباغم: لا حول الله يارب .. لــيـــش؟ لــيـــش لازم ولدي و لابد كل الناس .. لــيـــش؟؟
بوسعيد: استهدي بالله يا عفرا .. كل شي و له حل (يرفع راسه و يرمس موزه) شقايل عرفتي؟
موزه تبلع ريجها: طاح علينا كم من مره و وديناه المستشفى .. و قبل ساعه كلمنا الدكتور و قال لنا عن المرض
ام سعيد: يا ويل حالك يا ولدي .. شخباره اللحين؟
موزه: بخير الحمدالله .. اليوم الفليل بيطلعونه
بوسعيد ييلس ام سعيد ع الكرسي و ييلس حذالها
بوسعيد: يلسي يا بنتي .. و قوليلي كل شي قاله الدكتور
موزه: ان شاء الله ابويه (تيلس ع الكرسي) الدكتور قال انه لازم يتشافى في سنه و لا بيعدي الناس
بوسعيد يجوف موزه و يسمعها بس يبين على ويهه انه منزعج
بوسعيد: و ماشي علاج؟
موزه: لا امبلا في ..
بوسعيد: شو هو؟
موزه: لازم يعطونه أدوية مضادة للسل .. و العلاج يستمر من ست لـ ثمن أشهر
بوسعيد يقوم من مكانه: خلاص .. أنا بسفره
موزه: أحمد سأل الدكتور و قال تقدرون تسفرونه .. بس هزاع قالي انه اسألك عشان ينقلون أوراقه لـ أحسن المستشفيات في لندن
بوسعيد: وينه هزاع؟
موزه: في بيت عمي علي "بوخليفه"
بوسعيد: اتصليله قوليله اييني المستشفى تراني بسير له هناك
ام سعيد: ودني وياك يا محمد "بوسعيد"
موزه: اميه انتي تعبانه .. يلسي ارتاحي
ام سعيد: لا حشى .. مب يالسه في البيت لين ما يرد ولدي البيت ويايه .. ماقدر أخليه في المستشفى روحه .. قلبي مب مرتاح
بوسعيد: عيل البسي عباتج .. أترياج في السياره

.
.

بوسعيد: شحالك يا ولدي اللحين؟
سعيد يتجلب في الشبريه عشان يجوفهم: بخير الحمدالله
ام سعيد: كلت شي؟
أحمد: ما طاع يا عفرا .. يوم يابوا الغدا قالهم يردونه
ام سعيد تطلع موبايلها: ماشي .. لازم تتغدا
سعيد: اميه أنا مب يوعان
ام سعيد: ماعندي يوعان و مب يوعان (ترمس في التلفون) آلو ريماني .. حطي الغدا في طبق و طرشيه المستشفى ويا البشكاره .. يلا فداعة الرحمن
سعيد: اميه ..
أحمد: مب تدلع علينا .. يلا أنا ساير اييب ماي .. حد يبغي؟
ام سعيد: هيه ييب حق سعيد
سعيد: أنا أبا أعرف .. منو مخبر اميه اني طايح في المستشفى؟
أحمد يضحك: أنا مالي خص .. مب تتهمني

.
.

على العصر الساعه خمس، الكل تيمع عند سعيد .. و بوسعيد يوم وصل هزاع الظهر سيده سار وياه عشان ينقلون سعيد من حجرة عاديه لـ حجرة فخمه و عوده فيها صالة .. عشان يستقبلون الناس

سعيد: هالكافي حقي و لا حقج؟
حصه تاكل الكاكاو: حقك .. أنا مب طايحه في المستشفى .. بس تدري أنا وايد يوعانه
سعيد يرمس موزه: مره ثانيه لا تشترين كاكاو من باتشي .. هاي ما تخلي شي .. جان بتشترين عطيني بـ الدس
موزه تضحك: ماشي .. هاي آخر مره أشتريلك .. عشان هاي آخر مره بتطيح في المستشفى
حصه: يا الدب .. مالي خص .. ليش أنا ماطيح كل أسبوع في المستشفى عشان يستوي عندي وايد كافي؟
ام سعيد: ايه .. لا تفاولين على عمرج .. واحد يكفي
اليده داخله عليهم ويا ام خليفه و روضه و مطر: السلام عليكم
الكل: و عليكم السلام
اليده تجرب صوبه و يحبها سعيد ع راسها
اليده: سلامات سلامات يا ولدي .. ما تجوف شر
اليده: الشر ماييج يا يدو
اليده تيلس حذال ام سعيد
اليده: شو بلاه سعيد؟
ام سعيد تهمس لها: بعدين بعدين
اليده من رمسة عفرا "ام سعيد" و نظرتها .. عرفته انه شي جايد
روضه تمشي جدا سعيد و في ايدها باقة ورد
زايد يشل الباقه عنها: مشكووره يا بنت عمي .. هاي أكيد حقي .. تسلمين
روضه تشل الباقه عنه معصبه: مب حقك .. حق اخوك الغاوي و العود سعيد
أحمد: اوه اوه .. يتمدحون فيك .. ياحظك ياخوي
سعيد: عنبوكم .. حاسديني على كل شي .. حتى على طيحتي في المستشفى

 

[ضوى العيون]

الريم تضحك: عيل وين بنات عمي مايد؟
حصه تمص صبعها من الكاكاو: قالوا بيوون عقب ساعه .. محد في البيت يوصلهم
روضه: و الدريول؟
حصه: ساير الجمعيه يشتري ويا شيخه و البشكاره .. يتشرون حق البيت
ام خليفه: طرشيلهم دريولنا .. خله اييبهم .. بس جاسم ودوه بيتنا عند اليهال
روضه: ان شاء الله اميه

..

كانت الساعه أربع العصر و هيه يالسه تصلي في حجرتها

السلام عليكم و رحمة الله .. السلام عليكم و رحمة الله

حصه يايه تربع في حجرتها: امــيـــه ..
ام سعيد: لا إله إلا الله .. شو بلاج تباغمين .. ابوج و اخوانج رقود
حصه تيلس حذالها و تحظن جتفها بـ ايدها: سوري سوري .. إلا أقول .. مــامــاتــي؟
ام سعيد تتنهد: نــعـــم؟
حصه: نبغي نسير القريه العالميه
ام سعيد: و متى ان شاء الله تبغين تسيرين؟
حصه مبتسمه و ظروسها مبينه: اليوم!!
ام سعيد: شو؟ منو هالخبل اللي بياخذج و ايوديج القريه العالميه و ياخذ خط لين دبي؟
حصه: بصراحه الدريول .. بس انتي بتكونين ويانا
ام سعيد: و منو ياحظي بيسير بعد؟
حصه تعد في صبوعها: أنا و انتي و ميثوو و مهوو و ريموو و روضوو .. و نوروو و شيخوو .. (تتذكر) و زيوود و مطوور .. (تبدا تعد بصبوع ريولها) و سلووم و علوو .. و عاشوو و رشوود .. و خالو لطيفه "ام خليفه" .. و جسووم و ظبووي .. و حروووب .. و العنوود و ميووو .. وووو بس
ام سعيد تجوفها: بس .. بس (تقوم من مكانها) قومي عني خليني أصلي
حصه: تراج توج مخلصه صلاه
ام سعيد: توني خلصت صلاة السنه .. مب صلاة العصر
حصه تستوعب: اوووووه .. لحظه شوي .. صلاة السنه مال العصر .. قبل و لا عقب صلاة العصر؟
ام سعيد: لا ما شي صلاة سنه .. بس أنا أحب أصليها .. و إذا صليتيها تصلينها قبل
حصه تباغم: oh my god .. أنا عيل يوم أصلي صلاة السنه مال السنه .. أصليها عقب
ام سعيد: لا حول .. بتخليني أصلي و لا شو؟
حصه: أول شي قوليلي .. بتفكرين بالموضوع؟
ام سعيد: موضوع شو؟
حصه: موضوع القريه ياميه
ام سعيد: بفكر بفكر .. إذا ما سرنا اليوم .. بنسير باجر
حصه تباغم: لــــيــــــش؟؟
ام سعيد: ويديه .. هاي البنت ناويه توعي الكل .. أقول سيري وعي اخوانج حق صلاة المغرب
حصه: انزين بس ليش؟
ام سعيد: عشان إذا سرنا اللحين .. بناخذ وقت لين ما نوصل .. و إذا سرنا باجر من الساعه ثلاث و لا هنتين و نص .. بنوصل بسرعه
حصه تلوي على امها: فديتج أنا (تحبها ع خدها) أموت فيج واااااااااااااايد
ام سعيد تبتسم: انزين انزين يا المصلحجيه .. سيري وعي اخوانج حق الصلاه .. اللحين بتقيم الصلاة
حصه بدلع: و باباتي؟
ام سعيد: شو بلاه ابوج؟
حصه: منو بيوعيه؟
ام سعيد: أنا .. منو يعني
حصه: ليش انتي .. ليش مب أنا؟
ام سعيد: يالله بالستر .. يلا سيري وعي اخوانج .. انقفظي
حصه شاقه الحلج: ان شاء الله ان شاء الله

..

مي: ماما .. نبا نثبح في الحود
(ماما .. نبا نسبح في الحوض)
العنود: يلا يلا .. ماشي
مي بوزت: بث أن أبا
(بس أنا أبا)
العنود: يلا عاد .. كوني شاطره شرات عواشي .. جوفيها .. يوم قلت ماشي سبوح قالت اوكي
مي عصبت: بخبل بابا أليت
(بخبر بابا عليج)
العنود: خبري .. شو بيقول ابوج
ثلاثتهم يدخلون داخل .. العنود و مي و العاش .. و يسيرون فوق في قسم خليفه و العنود
مي أول ما دخلت داخل جافت ابوها و سارت تربع له
مي: بابا .. بابا
خليفه يشلها و يحبها ع خدها: فديتج أنا .. شو تبغين؟
مي: ماما ما تخليني أثبح في الحود
(ماما ما تخليني أسبح في الحوض)
خليفه يجوف العنود بنظره يقولها "ليش؟"
العنود: شقايل أخليهم يتسبحون اللحين .. براد .. شتا
خليفه يلوي ع مي: فديتج حبيبتي .. إذا اتسبحتي بتمرضين
مي تهز راسها: لا لا .. ما بملد
(لا لا .. ما بمرض)
خليفه: انزين .. شو رايج تتسبحين ويا عواشي في حوض الحمام
مي تسمع ابوها و تجوفه جنها تقوله "اوكي .. كمل"
خليفه: و تلبسون مايوهاتكم و تلعبون بالصابون و الألعاب
مي سيده تنقز من حضن ابوها و تسير و تمسك ايدين العاش: تآلي تآلي بنثير نثبح
(تعالي تعالي .. بنسير نتبسح)
العاش: انزين اصبري شوي .. خليفه؟
خليفه يجوفها بنظره ابويه: عيونه ..
العاش: نحن باجر بنسير القريه العالميه .. عادي العنود و مي ايوون؟

 

[ضوى العيون]

خليفه: بفكر و بجوف
العاش تلوي عليه و تحبه ع خده: شكراً
خليفه يضحك علينا: عفواً حبيبتي
مي تباغم عليها من داخل الحمام: يلا تآلي
(يلا تعالي)

-----------------------------
في مطعم صحن الدار..
-----------------------------

راشد: حبيبتي..
شمسه: هلا
راشد: انا كم مره قلتلج قوليلي لبيه يوم ازقرج
شمسه: لبيه
راشد: لبيتي حايه .. اممم شو تبين تاكلين ..
شمسه: اللي انت بتاكله
راشد يضحك: هههههه اوكي ..
وزقر الجرسون ..
وطلب ..
راشد :شو تبين تشربين ..
شمسه نقزت: ديوو ..
راشد نقع من الضحك :ههههههههههههه (لف صوب الجرسون)
الجرسون: what do you want to drink?
(شو تبون تشربون؟)
راشد: two mountain dew please
(اثنينه ماونتين ديو لو سمحت)
الجرسون: anything else?
(تبون شي بعد؟)
راشد قاطعه: no thank you
(لا شكراً)
الجرسون: you’re welcome
(عفواً)
وراح الجرسون ..
راشد: حبيبتي..
شمسه كانت تعدل شيلتها بعد ماعدلت شيلتها رفعت راسها: لبييه ..
راشد: لبيتي حايه .. اليوم شرايج نروح القرية العالميه ؟
شمسه: صج ؟
راشد: لا اجذب عليج انا اجذب اجذب ههههههههههههه اي صج
شمسه: كشخه بقول لمواز وهزاع يسيرون هناك بعد
راشد فتح عيونه: شو ؟ لا حبيبتي ريال وحرمته بيروحون هم شدخلهم ..
شمسه: راشد فديتك بلييييز ..
راشد: ها شو ماسمعت .. شو قلتي ..
شمسه: انا قلت .. راشد بلييييز
راشد: لا في كلمه ناقصة ..
شمسه: بس عاااااد
راشد: لو قلتيها بقول لهزاع وموزة يسيرون ويانا..
شمسه: احم احم فديتك ..
راشد فديييييييييتج والله .. (طالعها بنص عين) مصلحجية ..
شمسه تضحك: هههههههههههههههههه ..
راشد: فديتج .. يعلني مااخلى منج ولا من هالضحكه..
شمسه: ولامنك ..
راشد ابتسم: تحبيني ..؟
شمسه نزلت راسها وبعد صمت: هيه ..
راشد: هيه شو ؟
شمسه: بس عاد
راشد: لاتستحين مني انا ريلج ..
شمسه :امممممم..
راشد: يلااااا..
شمسه: احبــــــــــك..
راشد: اموووووووت فيج ..
شمسه بحيا: بس عااااااااااااااد ..
راشد: ههههههههه عاد ولا ثمود ..
شمسه: سخيف..
راشد: صج وانا اقول ليش يقولون لي تشبهه حرمتك ..
شمسه :اففففففففف تقهر..
راشد: من زمان..
شمسه: راشد
راشد: عيووووووونه
شمسه :عيونه ولا خشمه
وطلعت لسانها
راشد :هههههههههه سخيف
شمسه: شو شايفني ريال..
راشديقولون
شمسه: حمار
راشد: لو انا حمار انتي حماره
شمسه :اففففف طفرتني ..
راشد هني انقلب رومانسي: حبيبتي..
شمسه: ها..
راشد: مع الويه .. قولي لبيه .. نعم .. هلا .. شو ها انتي بعد دفشه..
شمسه: حرااام عليك انا دفشه ..
راشد: من هالغبي اللي قال دفشه .
شمسه: انت
راشد: شوووو .. انا غبي..
شمسه: ههههههههههه هيه قصدي لا انا الغبيه اللي تزوجتك ..
راشد :حماااره .. هع هع صبري صبري اقلبي الموجه وخلينا رومانسين ..
شمسه احمرت: كيفك ..
وهالوقت يابو الاكل >>يلا عاد ريال وحرمته انتوا شو تبون هع هع

 

[ضوى العيون]

-----------------------------
في المستشفى ..
-----------------------------

الممرظة: الف الف مبروك .. يابت ولد ..
اليده: فديته سلطوون ..
ام سعيد: بتسمونه سلطان ..
اليده: هيه .. جابر يقولي بيسمونه على اسم ابوها..
ام خليفة: زين ما اختارت ..
اليده: هيه والله ..
جابر: امايه ابا ادخل عندها ..
اليده: مايصيير الغالي ..

مره وحده شافوا 7 بنات سايرين صوبهم ..
روضه: هلا (و طرت الحلج)
اليده: وابويه عليكم انا شو يايبنكم انتوا ..
نوره: فديييييتج يدوه وينج مانشوفج .. من زماااااان ..
اليده: والله انتوا اللي ماتسألون ..
شيخه :امسحيها فـ ويهي يدوه ماعليج منهم مخبل
الريم: جب جب عاد اسمع من تكلم
ميثا :فديتها اختي شيخه الحريم .. الشيخه شيخه ..
حصه: عاشت محامي الدفاع ..
ام سعيد: انتوا يهال شو يايبنكم هني .. يلا اشوف بتصل فـ خالد وناصر ايون ياخذونكم ..
حصه: لااااااااااااااااااااااااا ..
ام خليفة: وابويه عليج انتي .. شفيج تباغمين ..
حصه: وع مااحبهم باردين هالاثنين ..
هني روضه و الريم في نفس الوقت ظربوها ..
روضه تساسرها: ان مانطميتي بصكج بكف ..
الريم: وانا بقعد عليج بكفخج ..
اليده: شو تقولون لسميتي ..
الريم: امحق يدوه .. ماعرفتوا من تسمون حصه ..
حصه: جــب يا......
الريم دحتها على ظهرها: كيفي ام حمد .. ليش محتره ..
حصه طالعتها بنص عين: واضح ..
روضه تساسرها: بس عاد جب ..
حصه طرت الحلج :هع هع انزين ..
شيخه: افففففففف ماابا..
نوره :شو ماتبين .؟
شيخه :ابا اشوف سلطون ماابا ارد البيت ..
اليده :يالغبيه ..>> بيني وبينكم يده متطوره هع هع <<
شيخه: ها
اليده انتي يتي وقت الولاده تعالي العصر يالخبله ..
الكل ناقع من الضحك ..
ميثا: ههههههههههه يدوه انتي عيوز متطوره ..
اليده: عيز حالج انتي وريلج .. انا عيوز .. شوفيني .. انا احسن من هاي تاستي .. عبرم ..
روضه مستغربه: أي تاستي؟؟
الريم ناقعه من الضحك: نانسي .. نانسي عجرم
اليده: شو من مذهب عندها هاي .. نانسيو ..
ريم: متطوره يدوه ادلعينها بعد ..
مها: عمو لطيفه "ام خليفه" .. ماشي ماي؟
ام خليفه: شي فديتج .. سيري اسألي هيرمن "البشكاره" .. شارين ماي بارد من المحطه
مره وحده
خالد: سلااااام عليكم ..
الريم فز قلبها ..
الكل: وعليكم السلام ..
خالد: شحالكم بنات .. شحالج الريم ؟
ريم: الحمدلله بخير ..ومن صوبك .؟
خالد: الحمدلله ..
روضه: بس ريم ونحن مالنا رب ..
خالد: انتي فديتج .. محد يسواج ..
روضه: احم احم .. وخروا عني دلعوني .. خخخخخخخخ
خالد: مالت عليج..
روضه: ماابا دلعك ريلي فديته بيدلعني
قالت هالجمله بدخلت ناصر بس هي مانتبهت ..
ناصر: السلام عليكم
الكل: وعليكم السلام
روضه قفطت
ناصر: اشوفكم تتكلمون عن ريايلكم ..
شيخه: هيه عندك مانع .. فديته ريلي..
روضه: بس جب ..
الريم: ههههههههه قفطت قفطت ..
ناصر: يدوه ..
اليده: ها ابويه شتبي ؟
ناصر: يدوه انا ابا اعرس..
الكل فتح عيونه ولفوا صوب روضه ..
اليده: مبرووك ومن هاذي سعيدة الحظ ..
حصه: يدوه قصدج تعيسة الحظ .. هع هع
ناصر: مالت عليج .. يحصلج انتي بس هذي شيخه الحريم..
حصه بعفويه :منو غيرها روضوه مالت عليها..
روضه قفطت .. وقامت تبي تظهر.. مسكتها الريم وقعدتها..
ناصر: وانتي من قالج ..
حصه: مالك خص..
ناصر: انزين انجبي شوي ..
اليده: ها ابويه من هاذي ..
ناصر..:اممم.. امممم .. الشيخة روضه ..
روضه من قلب قفطت .. وطلعت برع الغرفة اللي كانوا يالسين فيها ينتظرون يطلعون رفيعه..

 

[ضوى العيون]

ميثا: يعني ما بيسيرون
حصه تهز راسها بـ لا: لا ما بيسيرون
ميثا: انزين يلا تعالي نسير نركب السياره .. كلهم ركبوا
حصه: في كم من سياره بنسير؟
ميثا: ثلاث .. عشان نحن وايدين
حصه تذكر شي و تضحك: أحسن شي .. انه نصوور و خلوود .. و سيفوو و سعوود و أحمدوو ما بيسيرون
ميثا تضحك وياها: هيه و الله .. فكه منهم .. الحمدالله انهم بيسيرون عرس اليوم
حصه: اونه قالوا بنسير دبي و بنرد المغرب .. بس عمي علي "بوخليفه" هزبهم .. قال ماشي سيره .. بنسير العرس يعني بنسير العرس

بــــــــــيــــــــــب بــــــــــيــــــــــب

حصه تربع برع عند السياره: يلا بسرعه .. يالسين يهرنون برع
ميثا تربع وياها: أكيد معصبين علينا

-----------------------------
بيت بوخليفه
-----------------------------

عقب صلاة العصر، تيمعوا الشواب .. و الشبيبه في ميلس بوخليفه ويا اليدة

اليده: يعني خلاص، شريتوا التذاكر؟
بوسعيد: هيه اميه، خليفه بارك الله فيه خلص كل إجراءات السفر
بوخليفه: و وين نويتوا تسيرون ياخويه؟
بوسعيد: لندن .. بوفهد يمدح مستفشى عندهم .. تعالجت هند فيه من العقم
بوخليفه: هيه ما شاء الله
اليده: و متى بتسافرون؟
بوسعيد: عقب ثلاث تيام ان شاء الله
اليده: عيل ييبوا العيال عدنا
بوسعيد: لا لا عادي .. بنخلي أحمد عندهم
خليفه: ليش منو بيسير عمي؟
بوسعيد: أنا و عفرا "ام سعيد" .. و سعيد
بوخليفه: و كم بتغيبون عنا يا محمد؟
بوسعيد يتنهد: يعتمد .. على حسب مدة العلاج
اليده: تسيرون و تردون بالسلامه ياولدي
بوسعيد: لا تنسين ياميه .. ادعي لـ سعيد
اليده: و كيف انساه .. هذا حفيدي .. ولد ولدي .. ما بقصر في الأدعيه و بدعيله من كل قلبي
.
.
أحمد: يعني خلاص بتودرنا؟
سعيد: شسوي .. ابويه يقول لازم أسير أتعالج برع .. مع انه ودي أتعالج في البلاد
سيف: ايه انتوا .. لا تتكلمون في هالسوالف .. ورانا عرس .. خلكم مستانسين أحسلكم
خالد: يعني كان ودي انه نسير القريه أحسن ..
ناصر بهمس: اشششش .. تبغي ابوك يقصبنا
خليفه: ايه انتوا .. شو بلاكم تتهامسون؟
ناصر: و لا شي .. بس يقول انه يوعان
خالد يمثل ويا ناصر: هيه هيه يوعان .. في خاطري آكل أي شي حذالي
ناصر يفز و يقوم من حذاله بسرعه: بسم الله .. وحش وحش
خليفه يضحك عليهم: ههههههههههه .. و الله انكم سوالف

-----------------------------
في القرية العالمية
-----------------------------

ام خليفه: اللحين انتوا بتون ويانا و لا بتسيرون تلعبون؟
حصه: لا لا .. كلنا بنسير نلعب
ام سعيد: منو كلكم؟
حصه: أنا و ميثوو و مهوو .. و زيوود و مطوور و حرووب .. و علوو و سلووم و رشوود و جسوم
روضه: لا أنا أبغي أسير ألعب ..
الريم: و أنا بعد
ام خليفه: لا انتن حريم .. تعالن ويانا نتمشى في القرية و نتسوق
شيخه: و أنا و نواري نبغي نسير ويا قوم زيوود
ام سعيد: لا انتن ويانا .. ظبيه فديتج .. ما بتسيرين تلعبين وياهم
ظبيه مستحيه عشان كل حد يجوفها: لا .. أخاف
ام سعيد: هاي البنت السنعه .. مب شراتكن >> حصه و ميثا و مها
العنود: جويريه .. انتي سيري وياهم عند الألعاب .. و هيرمن تعالي ويانا .. جوفي عواشي و ميووتي
زايد: ليش هذيلا ما بيوون ويانا؟
العنود: لا ما بيوون .. نخاف نخليهم في الألعاب .. تراها خطره
حصه: اووو، يلا عاد تعالوا نسير نلعب
.
.
مها: أنا راسي دار ..
ميثا: وين سايره؟
مها: باخذ موبايل حرووب و بتصل على قوم شيخوو .. بسير عندهم
ميثا: انزين .. باي
مها صدق دايخه و ما تمشي عدل: باي
حصه نازله من لعبه ويا علي و سالم: حلوه حلوه ..
ميثا: خلاص، أنا مليت
حصه: لا لا .. شو مليتي .. تعالي نلعب بعد .. لحظه .. وينها مهوو؟
ميثا: داخت .. و سارت عند الحريم
علي: حصووص .. أنا بسير نلعب ألعاب اليهال ويا جسووم و رشوود .. و بناكل آيسكريم .. جويريه يالسه تشتريلهم
حصه: انزين .. سير عندهم
زايد: يلا خلاص ..
حصه: لا لا .. بعدها الساعه سبع و نص
مطر: أنا بصراحه في خاطري ألعب آخر مره

 

[ضوى العيون]

حصه: انزين أنا بلعب وياك
مطر: بتلعبين المشخله؟
حصه: هيه اوكي .. منو بيلعب بعد؟
زايد: أنا بلعب وياكم .. بس آخر لعبه
حصه: اوكي اوكي .. و انته حرووب؟
حارب: اوكي .. ميثوو بتين؟
ميثا: لا لا .. زياغ
حصه: يلا عاد ميثوو
ميثا: بس هالمره تيودينا .. مب تخلينا أطيح شرات المره اللي طافت
زايد: أي مره؟
حصه تضحك: كنا في دور بنات .. و ميثا كانت تقول "يوديني .. يوديني" بس أنا طنشتها فطاحت على بنات
حارب يضحك: و الله؟
حصه: هيه .. انزين ميثوو .. هالمره بيودج
ميثا: بنجوف .. بس إذا ما يودتيني .. ما برمسج اسبوع كامل
حصه: افااا .. افاااا .. اسبوع كامل .. أهون عليج؟
ميثا: لا ما تهونين .. بس هالكلام لزوم التهديد
زايد: يلا تعالوا .. دور مكس
ميثا زايغه: لا لا .. مابغي دور مكس
مطر: ليش .. يلا عاد
ميثا: أخاف صدق محد ايودني و أطيح على شباب
حصه تضحك: لا لا .. هالمره صدق بيودج
ميثا: بنجوف ..
.
.
روضه: ريموو .. تعالي شوي
الريم: شو؟
روضه: هاي الميداليه حلوه؟ أبغي أشتريها حق موبايلي
الريم: هيه بس خذي العنابيه أحلى .. خليج عيناويه
روضه: هيه اوكي (ترمس العامل) كم سعره؟
العامل: 110 درهم ..
روضه: بل بل .. شو ها .. أنا تحريتها خمسين
العامل: لا مادام ..
روضه: جوف .. إذا ما قللت السعر مب ماخذتنها
العامل يفكر: حاضر .. شو رأيك بـ تسعين درهم؟
روضه: لا لا .. خمسين
العامل: ثمانين؟
روضه: سبعين ..
العامل: خمس و سبعين .. و خلاص
روضه تتنهد و تطلع البيزات من بوكها: اندوك .. خمس و سبعين درهم .. عنبوه .. ما يرزا
الريم: يلا تعالي .. قوم امايه و امج و البنات طلعوا من القريه
روضه: برايهم .. ما بيسيرون بعيد .. بعدين بنتصلهم .. تعالي نكمل و ندور
الريم: تعالي تعالي روضوو .. هالخاتم حلو .. يخبل
روضه: حشى .. مايا صوب الحلا .. عنبوج .. يلوع الجبد
الريم: حرام عليج .. وايد حلو
روضه: تعالي تعالي لا .. نكمل دورتنا في هالقريه .. لحظه نحن في أي قريه؟
الريم: اللبنانيه
روضه: تعالي نطلع من القريه .. يوعانه
الريم: انزين بنتعشى عقب شوي
روضه: لا لا .. اممم .. شو رايج نشتري من هالكشك
الريم: شو يبيع؟
روضه: فواكه من تايلند
الريم: امممم .. أنا أبغي همبا
روضه: one box of mango please
(واحد كرتون همبا "مانجا" لو سمحتي)
البياعه: do you want carry and salt too?
(تبون كاري و ملح بعد؟)
الريم: شو ها بعد؟
روضه: هذا يحطونه فوق الفواكه .. و ياكلونه
الريم: هيه .. اوكي ييبي ثنينتهم
روضه: we want both
(نبغي ثنينتهم)
البياعه: one minute ma’am
(دقيقه وحده مدام)

تررن تررن .. تررن تررن

الريم: روضوو .. شلي موبايلج
روضه ترمس في الموبايل: آلوو
العنود: السلام عليكم
روضه: و عليكم السلام .. هلا العنود
العنود: وينكم؟
روضه: نشتري همبا .. ناكل يواعه
العنود: انزين اللحين بنتعشى
روضه: برايه ..
العنود: المهم .. تعالوا اللحين وين المطاعم
روضه: اللحين اللحين بنتعشى؟
العنود: هيه اللحين .. تعالوا المطعم الشامي
روضه: نسير صوب قوم حرووب و نزقرهم؟
العنود: لا خلاص .. هم ساروا المطعم قبلنا و لصقوا كم من طاوله حذال بعض .. و اتصلوبنا عشان نسير عندهم
روضه: هيه اوكي .. اللحين يايين
العنود: يلا فداعة الله
روضه: فداعة الرحمن

 

[ضوى العيون]

الريم تاكل الهمبا: ها .. شو السالفه؟
روضه: يلا غطي الهمبا .. لازم نسير صوب المطاعم .. كلهم هناك
الريم: يلا عيل
.
.
روضه: اففففف، عرقت أنا .. بعق الغشوه
الريم: شو تعقينها، تبينهم يذبحونج
روضه: انزين انزين (يرن موبايلها و تشله) آلوو .. هلا العنود .. شوو .. تونا واصلين (تتنهد) انزين انزين .. يلا باي
الريم: شو بلاها متصله؟
روضه: لازم نسير صوب المصلى ..
الريم: لاااا .. شوو .. تونا واصلين صوب المطاعم و مشينا واااايد
روضه: تراه أذن العشى .. لازم نسير نصلي
الريم: اففففف ياربي
روضه: ايه لا تتأففين عن الصلاه
الريم: استغفر الله استغفر الله
.
.
حصه: ايه اميه .. شو ها .. نحن مانبغي كله مشاوي دياي و لحم .. نبغي french fries بعد
زايد: هيه .. و مانبغي عصاير فرش .. نبغي سفن آب .. و لا كولا
الريم: هيه هيه .. و اطلبي مناقيش بالجبن و الزعتز بعد ..
ام سعيد: لا حول .. انزين شوي شوي عليه
مي: ماما .. أبا بالونه .. اثتليلي بالونه
(اشتريلي بالونه)
العاش: و أنا بعد أبا ..
العنود: أول شي كلوا .. ماشي بالونه لين ما تاكلون
مي: لا لا .. مابا مابا .. مايثتوي .. أبا بالونه
(ما يستوي)
العنود تطلع من بوكها عشرين درهم و تعطي روضه: رواضي بليز اشتريلهم بالونتين صغار حقهم
مي: لا لا .. مابا .. أبا تبيل .. أبا وايد تبيل
(لا لا .. مابا .. أبا كبير .. أبا وايد كبير)
العنود تتنهد و تطلع من بوكها عشرين زياده: اندوج .. اشتريلهم العود .. بوعشرين
روضه تقوم من مكانها: ان شاء الله .. يلا ميوتي و عواشي .. تعالوا اختاروا بسرعه
مي تلحق روضه: تآلي أواثي بثلعه .. بنثتلي بالونه تبيـــله
(تعالي عواشي بسرعه .. بنشتري بالونه كبيـــره)
العاش: اوكي

-----------------------------
اليوم الثاني
-----------------------------

- امممممم .. اللحين بنزل الجزء السادس عشر .. بس خليني أجوف لوحة التحكم أول شي

كانت شيخه يالسه ع النت

دخلت قصة بــــــــاقي فـــــــرح

- حرام .. بعدها أمووره ما نزلت جزء يديد في قصتها .. طاف اسبوع و يومين على آخر مره نزلت جزء

عقب سوت back و سارت قصة وسمــانا أظــلمت بـعـد التــماعي

- اليوم .. أكيد اليوم بترد وردة من السفر .. و أكيد انها بتنزل جزء يديد .. ياربي .. متى بتنزل

و ردت سوت back و سارت قصة خـل العـذول موطـٌي الـراس منكـوس

- وينها معوونه .. حرام عليها .. عودتنا في كل ثلاث تيام و لا أربع تيام تنزل جزء .. بس اللحين من اسبوع و هيه مسافره

فجأة طلعلها بوكس ..

تلقيت رسالة خاصة جديدة.

من المرسل: ولد السويدي
بعنوان: السلام عليج اختي

- اففففف .. شو بلاه هذا .. كل يومين و الثلاث يطرشلي رساله .. عنبوه

ظغطت على ok

"السلام عليج اختي
شحالج؟ عساج بخير؟؟
اممممم .. بس بغيت اسألج
تعرفين العضوات .. فراشة جميرا .. و برقع جينز منقع؟؟"

- هيييييييييييء (تشهق) هذيلا من وين يعرف حصوه و ميثوه .. و الله حاله

طرشت له رساله

"و عليكم السلام اخويه
أنا الحمدالله بخير و بعافيه .. و انت؟
هيه نعم أعرفهم .. بس انته كيف تعرفهم؟"

رد لها رساله

"الحمدالله يوم انج بخير
أنا عرفتهم من ميلس الألعاب و المسابقات ..
ما شاء الله عليهم .. كل وحده مشاركاتها أكثر من 5,000 .. وايد يلعبون و يسولفون"

 

[ضوى العيون]

عصبت شيخه .. و طرشت له ..

"اخويه .. لو سمحت ..
خلهم في حالهم .. و لا تي صوبهم .. لو سمحت"

ولد السويدي طرش لها ..

"أنا ما جد سولفت وياهم .. بس مرات ألعب وياهم في نفس المواضيع
بس بغيت أنبهج .. انه في وايد شباب هناك .. فانتي ابعديهم شوي عن هالقسم
عشانهم كله يفظحون عمارهم .. يقولون اسمهم .. و أعمارهم .. فـ بس بغيت أنبهج"

ارتاحت شيخه .. و ما صدقت انه في ناس بعدها في الدنيا مثل هالشخص ..

"تسلم اخويه ع التنبيه .. و ان شاء الله بحاول أبعدهم شوي عن القسم
فداعة الله اخويه"

و سيده سارت تنزل الجزء اليديد في قصتها ..

-----------------------------
عقب يومين
-----------------------------

حصه تحضن سعيد و تصيح: حرام عليك .. بتسير و بتخلينا ويا زيوود الشرير و المتحوش
سعيد يضحك عليها و في خاطره يصيح وياها: لا تخافين .. أحمد بيكون وياكم
ام سعيد: بنتي الريم .. انتبهي على اخوانج و خواتج
الريم: ان شاء الله
ام سعيد: و أي شي يبونه سويلهم .. و اشتريلهم
الريم تبغي تصيح: ان شاء الله
ام سعيد: و حافظي على عمرج ..
الريم تسير صوبها امها و تحب راسها: ان شاء الله ياميه .. تامرين على شي بعد؟
ام سعيد تبغي تصيح ويا عيالها: خلاص يا بنتي ..
بوسعيد: يلا .. هبابنا لين ما نوصل دبي
اليده: ولدي محمد .. كل يوم تتصلون و تمطنونا عليكم
بوسعيد: فالج طيب فديتج ..
بوخليفه: و ان شاء الله أنا كل يوم بمر صوب بيتك بجوف شو ناقصنهم و شو يحتايون
بوسعيد: ما تقصر ياخوي .. هذا العشم فيك ..
أحمد: يلا خلاص حصووص .. هدي سعيد .. خليه يسير
حصه ترص على سعيد بالقو: مابا .. مابا
زايد يمطها: لا تكونين دلوعه .. يلا تعالي
العاش تدمع و تمسح دموعها: بابا .. متى بتردون؟
بوسعيد ايي صوبها و يشلها و يحضنها: ان شاء الله في أقرب فرصه
ام سعيد: علي وينها الظبي؟
الريم: فوق زعلانه .. و شيخه عندها تراضيها
سعيد: خلاص .. عندي كل صوركم؟
الكل: هيه ..
سعيد: كل يوم بجوف صورة كل واحد فيكم .. و بتذكركم .. إذا استوى بي شي لا تنسوني
اليده في خاطرها صيحه: لا تفاول على عمرك يا سعيد
سعيد: انزين .. يلا .. أجوفكم على خير
بوسعيد: لا تنسون تدعون حق سعيد ..
ام خليفه: فالكم طيبه .. ما بنقصر في الأدعيه ..
ام سعيد و سعيد يركبون السياره
بوسعيد: يلا فمان الله
الكل: فمان الكريم

 

[ضوى العيون]

الجزء السابع عشر

لا لا لااااااء .. هههههههه .. الله يخليك .. هدنــــــي .. ههههههههه .. قوم عني .. و الله يـ .. هههههههههه .. بلييييز .. هههههههههه

.
.

الريم تقوم من شبريتها اللي كانت راقده فيها و تجوف الساعه في ايدينها "اللحين الساعه ست .. يلا خلني أقوم بسرعه .. أتجهز" طلعت برع حجرتها و سارت الصاله

الريم: شو مستوي؟ شو بلاكم؟
ظبيه: ريماني، بليييز .. خلي أحمد يقوم عني
الريم: ليش شو سوى؟

ما وحالها إلا تسمع صوت ظحكة ظبيه مره ثانيه: ههههههههه

ظبيه: يالس يقـ .. هههههه .. يقرقطني "يدغدغني"
أحمد يمثل: يا الجذابه .. متى قرقطتج؟ .. و يرد يقرقطها
ظبيه: هههههههههه .. قوم عني
الريم تبتسم و تجوفهم .. أول مره تجوف ظبيه ع طبيعتها .. مب ظبيه الهاديه و الخجوله
الريم: انزين يلا قوموا عن الأرض .. و سيروا تسبحوا .. أحمد تراه بيأذن عقب شوي
أحمد يقوم من ع الأرض و يمد ايده لـ ظبيه عشان تقوم
ظبيه تقوم من مكانها و ترتب بجامة النوم مالتها اللي واصله لين ركبها
الريم: أصلاً انتوا شو موعنكم من اللحين؟
أحمد: مادري .. قمت قبل عشر دقايق و لقيت ظبيه تطالع التلفزيون
و بعفويه .. الكل صد صوب التلفزيون .. كانت حاطه على سبيستون .. بس كان صوته واطي عشان ما يقومون اخوانها
تقوم الريم و تشل الريموت و تبدل و تحط على قناة دبي و تسمع الصوت اللي يهدي النفوس

"لبيك اللهم لبيك .. لبيك لا شريك لك لبيك .. إن الحمد .. و النعمة .. لك و الملك .. لا شريك لك"

أحلى الكلمات اللي يسمعونها في أحسن الأيام .. يوم عيد الأضحى

الريم تتنهد و تبتسم: عيدكم مبارك
ظبيه و أحمد: عساج من عواده
الريم: يلا قوموا تسبحوا ..
ظبيه: أغسل شعري؟
الريم: لا لا .. ترى البارحه كلنا سرنا الصالون و سشورنا شعورنا .. بس اغسلي جسمج .. و انته بعد أحمد .. تراكم سرتوا الحلاق البارحه
أحمد يهز راسه بـ اوكي: ان شاء الله .. يلا تعالي ظبيوو
الريم: أحمد أنا اللحين بسير و بقولهم يلبقون الظو حقك و حق زايد
ظبيه تسير عنهم و تدخل حجرتها .. أو بالأصح .. حجرتها المشتركه ويا حصه
أحمد: ريم، هالمره علي بيي ويانا؟
الريم: هيه بوعيه عشان يسير وياكم .. خلاص استوى عمره 10 سنوات .. لازم كل صلواته تكون في المسيد
أحمد: زين عيل ..

.
.

الريم: تعالي عواشي .. بحطلج هالشباصه الحلوه
ظبيه يايه صوبها و تيلس حذالها
ظبيه: ساروا قوم أحمد؟
الريم: من ربع ساعه .. ساروا ويا قوم عمي و الشباب يسلمون ع أهلنا و معارفنا
ظبيه: هــيـــه .. اوكي
العاش تشل الريموت و تبدل
الريم: لا لا .. خلي على دبي
العاش: لا مابغي .. بيحطون همتاروا
الريم تتنهد: آمري لله .. تقوم عن العاش عقب ما عدلت شعرها
و ظبيه يلست و اتساندت ع الغنف حذال العاش و اندمجت في التلفزيون

راشد يباغم من تحت: هديني .. هديني يا الحماره
الريم تربع له تحت: شو مستوي؟
راشد: هاي جوريوو الخبله .. تبغي تلبسني كندورتي
الريم: انزين شو فيها؟
راشد: شو شو فيها .. أنا ريال
الريم تبتسم له: تباني ألبسك كندورتك؟
راشد: لاااع .. أنا بتلبس بروحي
الريم: و منو بيعصمك؟
راشد بوز
الريم: انزين .. تلبس و يوم بتخلص تعال صوبي و أنا بعصمك و بدخنك .. اوكي؟
راشد بفرح: اوكي
الريم: خلاص جويريه .. سيري اكوي لبسي و لبس البنات .. كلهم تريقوا؟ >> قصدها اليهال .. العاش و راشد و علي و ظبيه و حصه
جويريه: ايواا ماما .. كلوا .. بس ماما حصه مافي قوم
الريم منصدمه: شووو؟
جويريه: هيا في نوم ..
الريم تتنهد: انزين انتي سيري كملي الكواي .. و أنا بسير أوعي حصه

في خاطرها "لا إله إلا الله .. مادري كيف أقدر أسوي كل شي من دون امايه .. و خصوصاً في العيد"

الريم: يلا حصه قومي ..
حصه تتجلب ع الشبريه: همممممم
الريم: يلا عاد .. اليوم العيد

 

[ضوى العيون]

حصه: أدري أدري .. بس خمس دقايق
الريم: و لا نص دقيقه .. يلا عاد .. قومي
حصه تيلس و تفتح عيونها بس ترد تصكها عشان أشعة الشمس قويه: الساعه كم اللحين؟
الريم: ثمان و ربع .. يلا قومي .. بنسير عند قوم يدو
حصه تقوم و تمشي صوب الحمام .. جنها سكرانه و تسولف لا شعورياً: انزين انزين .. ميثوو قولي حق اخوانج نبغي نسير العين مول اللحين .. اوكي؟ لا لا .. مانبغي من هارديز .. نبغي من ماكدونلدز
الريم تضحك عليها

.
.

اليده: فديته أنا هالصبي .. عطيني .. عطيني اياه يا رفيعه
رفيعه: اندوج عموه .. روحه معذبني .. كل دقيقه يبغي حد يشله
اليده حاطه سلطان في حظنها: وايه فديتك .. علني ماخلا منك يارب

http://www.alamuae.com/up/Folder-003...3_sal6oony.jpg

هند: افاااا ياميه .. يعني سلطان خذ كل الغلا اللي في قلبج؟
حمده تضحك: تغار البنيه .. يا اختي .. خلاص .. زمن بنتج ول .. ويا دور سلطان
شيخه: لا حشى .. سلامي بعدها غاليه ع قلبي و بتظل غاليه .. انتوا بس عطوني اياها
حمده: اندوج هندوو .. لقيتي معجبه حق بنتج .. بس عقب شوي بتمل
هند بسخريه: هاهاها .. بنتي أحلى مليون مره من سلطان
رفيعه بمزح: بديتي تغلطين ع ولدي .. عاد ما أسمح لج
الريم: السلام عليكم
الكل: و عليكم السلام
كانت الريم واقفه و وراها حصه و ظبيه و العاش
حصه تباغم و تربع صوب يدتها: ســلــطانــــي ..
روضه: بسم الله .. شو بلاها؟
الريم تسلم ع الكل و تيلس حذال روضه: مادريبها .. من الصبح و الخبال ياينها
روضه: بيوون قوم هدى اليوم؟
الريم تهز راسها بـ لا: اتصلت لي .. و قالت امكن اييون ورى باجر .. لأنهم بيباتون في بوظبي عند يدتهم
روضه: اهاااا

العنود: هند .. بنتج كم بتكمل؟
هند: عقب كم من يوم بتكمل خمس شهور
العنود كانت ميوده سلامه و تلاعبها: فديتها أنا .. و فديت هاي الغمازات ياربي
شيخه: أنا لاحظت شي .. عيونها وايد كبار .. ما شاء الله عليها
هند تضحك: هاي ماركه مسجله في عايلة ثاني .. عيونهم وساع و كبار

الريم ترمس في موبايلها: هلا موزه ..
موزه: هلا فيج فديتج .. عيدج مبارك
الريم: و انتي من العايدين و السالمين
موزه: سويتي كل اللي قلتلج عليه ..
الريم: هيه .. بس حسيت بصعوبه .. يالسه أكشخ اخواني و خواتي بدون امايه .. و لا ابويه
موزه تتنهد: ماعليه .. بيردون بالسلامه ان شاء الله
الريم: آمين .. الله يسمع منج يارب
موزه: انزين .. منو حذالج؟
الريم: كلهم .. يدوتي .. عماتي لطيفه "ام خليفه" و حمده و هند و شيخه "ام محمد" .. و العنود و رفيعه .. و روضه .. و شيخه .. و اليهال كلهم
موزه: ما يوا قوم شمسه؟
الريم: لا لا .. بعدهم .. مادري شو حيرهم
موزه: هيه .. زين زين .. سلمي عليهم كلهم
الريم: يوصل ان شاء الله .. ما بتين
موزه: هيه باي .. بس امكن المسا .. مب اللحين
الريم: هيه اوكي .. يلا فداعة الله
موزه: فداعة الرحمن
الريم تصك التلفون: موزه تسلم عليكم
الكل: الله يسلمها

.
.

بوخليفه: يلا قوموا .. الغدا جاهز
الكل قام و يلس يتغدا .. طبعاً بس الرياييل و الشباب .. لأنهم يلوس في ميلس الرياييل
خليفه: ابويه .. اتصلوا قوم عمي محمد "بوسعيد"؟
بوخليفه: لا بعدهم .. ان شاء الله اليوم العصر بتصلهم
جابر: يقولون البارحه بدا العلاج، صح؟؟
بوخليفه: هيه نعم، قايليلنا قبل مايبدون العلاج بـ يوم
راشد: السلام عليكم
الكل: و عليكم السلام
سيف: توك ياي؟
راشد: هيه توني، وصلت حرمتيه داخل، و سلمت على الحريم .. و ييتكم
خالد: تعال بسرعه .. لا يفوتك .. برياني لحم
ناصر: و يايبيين رويد و غاف فريش من المزرعه
راشد: اللحين ياينكم .. بس بسير أغسل ايديني

>> عقب ثلث ساعه <<

خليفه يقوم من مكانه: الحمدالله ..
بوناصر: ما كلت يا خليفه
خليفه: لا كلت عمي، و شبعت

يسير خليفه يتغسل و يطلع من باب ميلس الرياييل

خالد يزقره: خليفه .. خليفه

 

[ضوى العيون]

خليفه يوقف عند باب الميلس: نعم؟
خالد: وين ساير؟
خليفه: داخل .. عند الحريم
سيف يفتح عيونه على آخر شي: لــيـــش؟ شعنه يوم أنا بغيت أسير يابولي الأمن العام مال الدوله عشان يمنعوني .. و يوم انته تبغي تسير يرحبوبك و يظيفونك؟
ناصر يضحك: متعقد الأخ ..
راشد يضحك: سير خليفه، و أنا بلحقك عقب شوي
سيف: طاعوا طاعوا هذيلا ماخذين راحتهم في السيره و الييه، عمي ليش ما تقولهم شي
بوخليفه: خلهم ع راحتهم، حريمهم داخل
سيف: عيل عادي أنا أسير يوم أخلص غدا؟
بوناصر: لا حشى يا ولدي، شو تسوي هناك .. عنبوك
سيف: طاعوا .. و الله حاله

>> و حليلك يا سيف .. و الله رحمتك <<

..

عند الحريم

رفيعه: أنا بسير الحجره برتاح شوي
شمسه: و أنا بسير البيت .. قولوا حق راشد
العنود: ان شاء الله .. الله معاكم ..
شيخه يايه من داخل البيت: وين ساروا كلهم؟
العنود: ساروا يرتاحون .. بس اليهال ساروا بيت عمي محمد "بوسعيد"
شيخه: و انتوا شو بلاكم تتهامسون؟
الريم: ماشي .. بس جي ملانين
روضه: هالعيد أحسه غير ..
الريم: هيه .. وايد غير
شيخه: يعني محد بيي هنيه؟
العنود: لا ماظني ..
شيخه: عيل بعق شيلتيه .. بموت من الحر
الريم: عقيها .. أنا من زمان عاقتنها
العنود: عموه تبغين جاهي؟
ام خليفه: لا بنتي .. مابغي ..
شيخه: وينها يدو؟
ام خليفه: ركبها تعورها شوي .. فدخلت داخل ترتاح
شيخه في خاطرها "الله يشفيها يارب"
خليفه: هود هود ..
الريم و شيخه فزوا بسرعه و لبسوا شيلهم عشانهم جافوا خليفه من ورى باب ميلس الحريم
ام خليفه عقب ماتغطوا البنات: اهداا يا ولدي .. اهداا
خليفه: السلام عليكم
الكل: و عليكم السلام
خليفه يسير و يحب راس امه .. عقب ايي و يحب راس حرمته .. عقب سار و يلس بين امه و حرمته
خليفه: شحالج اليوم اميه؟
ام خليفه: بخير يعلك الخير يا ولدي .. تغديت عدل؟
خليفه: هيه ياميه .. تسلم الأيادي ع البرياني الغاوي
روضه: شو تسلم الأيادي .. اميه ما سوته .. عبدالرحمن "الطباخ" سواه .. هيه بس أشرفت عليه شوي
خليفه بفخر: حتى لو .. إشراف اميه يسوى الكثير .. البرياني ما بيطلع حلو بدون اشراف امايه
روضه تتمصخر: اونه ..
خليفه يتقرب من العنود و يهمسلها: و شحالج غناتي؟
العنود استحت: دومي بخير من أجوفك
خليفه ايود ايدها: فديتج أنا
مي يايه تربع و وراها العاش: يدو .. يدو
ام خليفه: عونج ..
مي: ثالم يهذبني و يقول أنا دبه
(سالم يهزبني و يقول أنا دبه)
ام خليفه: لا فديتج .. انتي رشيقه .. و هو الدب
العنود: عمو، لا تقوين راسها علينا
مي: اثثثثثثث، اثكتي اثكتي .. مالث خث
(اششششش، اسكتي اسكتي .. مالج خص)
شيخه: تعالي ميوتي بلعب بشعرج
مي: ماليد .. ماليد
(ماريد ماريد)
شيخه: عيل تعالي عواشي .. انتي الشاطره
العاش بفرح: و الله؟
شيخه: هيه و الله
العاش سارت و يلست ع الأرض بس جدام شيخه عشان تلعب بشعرها
و مي يابت لها مخده طويله و حطتها ع الأرض و اتفيرزت و حطت راسها عليها

http://www.alamuae.com/up/Folder-003...upidpicz23.jpg

روضه: طاعوا .. جنها شيخه
مي: اثثثثث، اثكتي .. أليد أنام
(اششششش، اسكتي .. أريد أنام)
خليفه شل الريموت و بدل القنوات .. من قناة الجزيره .. للـ discovery channel
و جان يحطون برنامج عن القرود
ام خليفه: تدرون .. قبل كانوا يقولون انه لازم الحرمه الحامل ما تجوف السبلان .. و لا الياهل اللي في بطنها بيطلع سبال
روضه تضحك: اونه ..
خليفه يباغم و يحط ايده ع عيون العنود: لا تجوفين .. لا تجوفين
كل الموجودين يصدون صوبهم .. شو بلاه خليفه .. ليش جي يقول؟
ام خليفه: شو بلاك يا ولدي؟ و شعنه ما تجوف؟

 

[ضوى العيون]

الريم تتمصخر: امكن حامل ..
عم الهدوء .. و الكل صد صوب العنود
الريم استوعبت اللي قالته: شو؟ صدق حامل؟
العنود بخجل تهز راسها بـ هيه
خليفه: و أبشركم في الشهر الخامس بعد ..
ام خليفه بفرح كبير: مبروك .. مبروك يا ولدي .. مبروك عليج يا العنود
العنود: الله يبارك فيج عموه ..
روضه: صدق في الشهر الخامس؟
الريم: و الله ما يبين ..
ام خليفه: قولوا ما شاء الله عن تصكونها بعين
الكل: ما شاء الله
شيخه: ميوتي .. بيستوي عندج اخت ..
خليفه بعفويه حط راسه ع صدر العنود و قال: لا اخو
ام خليفه: ما شاء الله .. ما شاء الله
خليفه: و ان شاء الله بنسميه علي على ابويه
العنود كل دقيقه تحمر زياده من المستحى فـ قامت: عن اذنكم
ام خليفه: اذنج معاج فديتج
خليفه ساير وراها: مابتين ميوتي؟
مي: لا لا (تأشر ايدينها لهم اونه سيروا .. بلا اهتمام) لوحوا .. ماليدكم
(لا لا .. روحوا .. ماريدكم)
روضه: متأكدين انه هاي مب بنت حد من الشيوخ .. عنبوها .. خقاقه !!
الريم و شيخه يضحكون على قهر روضه من مي

.
.

يوم العيد المسا .. الكل كالعاده متيمع في بيت بوخليفه .. كل اللي متيعمين الصبح مع إظافات .. عايلة بوغيث .. موزه و هزاع .. و اليازيه و سهيل .. طبعاً الرياييل في ميلس الرياييل .. و الحريم في ميلس الحريم

حصه تشل شنطتها مالت العيد و تفتحها و تطلع البيزات و تعد: اميه .. ميتين .. ميتين و خمسين .. ميتين و ثمانين .. ثلاثمية و ثلاثين .. أربعميه و ثلاثين .. أربعميه و خمسين .. خمـــ
موزه تقاطعها: حصووص شو تسوين؟
حصه: أعد بيزاتي مال العيد
موزه: لا تعدين بيزاتج جدام الناس .. و لا بينقصن
حصه: انزين انزين .. و ترد بيزاتها داخل
شمسه: وينهم عنج ربعج؟ >> قصدها ميثا و شوق
حصه: ساروا المطبخ اييبون ماي ..
تقوم حصه من مكانها و تيلس حذال موزه و تحط راسها ع بطن موزه
حصه: مايتحرك
رفيعه: موزه .. أنا ألاحظ انه بطنج كبير زياده عن اللزوم
العنود تشرب عصير: هيه .. نفس ملاحظتي
موزه: مادري .. بسير أسوي تحاليل عقب العيد
العنود: بشرينا ها .. امكن يطلعون توم
شمسه: هيه و الله .. تخيلي تييبين توم
رفيعه: و لا حتى ثلاث مره وحده
حصه بفرح: لا لا .. سبع
الكل سكت و نقع فجأه من الظحك
حصه: شو بلاكم؟ قلت شي غلط؟
شمسه: لا لا فديتج ..
حصه: تدرون .. أنا سمعت انه حرمه يابت سبع توائم .. أربع بنات و ثلاث أولاد
موزه تضحك و تاكل صنطره: فال الله و لا فالج .. عنبوه .. أنا ما أتمنى أييب أكثر عن ثلاث عيال .. تبيني أييب 7 توم .. و مره وحده بعد

.
.

شوق و ميثا ساروا فوق اييبون شيلة روضه اللي مطرزتنها من نفس قطعة كندورتها عشان يناسبون بعض حق العيد .. طبعاً روضه قالتلهم .. و مروا صوب حجرة مطر و سمعوا حشره و شوق سوت هجوم

شوق: شو تسووووون؟
حمدان: شوقوو .. شو تسوين هنيه .. اطلعي برع
شوق: انزين شو تسون؟
مطر: نلعب بلاي ستيشن .. عميه انتي .. ماتجوفين
شوق: انزين عادي ألعب وياكم؟
زايد: لا لا .. ممنوع البنات يلعبون
بطي: منو بيلعب؟
شوق: أنا و ميثوو و حصوو
بطي بخبث: موافق .. بس لازم ننقسم فريقين
كل الشباب و الأولاد الموجودين (أحمد – زايد – مطر – سالم – علي – بطي – حمدان – جاسم – حارب – محمد – راشد "الصغيرون") رفضوا
بطي: يلا عاد .. أكيد بنغلبهم
محمد: انزين انزين .. موافق .. بس بشرط
محمد و حمدان يتشاورون
حمدان: الفريق الخاسر بيشتري حق الفريق الفايز بـ عيديته أكل من المطعم
شوق تباغم و تناقز و سارت ويا ميثا يزقرون حصه .. و عقب دقيقه وصلوا
بطي: جوفوا .. بنلعب كورة قدم .. و بننقسم فريقين
محمد: هيه بس نحن 13 ..
مطر: عيل ازقروا ظبووي
شوق: لا ما رظت .. سألناها قبل شوي
حمدان: عيل واحد منا لازم يكون الحكم ..
أحمد: خلاص، أنا الحكم
بطي: مطوور، عطني أوراق و قلمين

 

[ضوى العيون]

يلس بطي يقطع الأوراق حق 12 قطعه .. و شخبط ع الخفيف بالأحمر على ست قطع و سكراهن .. و بالبنفسجي على آخر ست قطع و سكراهن .. و شل ورقه و سواها مثل الجدول .. كتب Team A و Team B .. و عطا أحمد الورقه و قلم .. عشان يكتب النتايج

بطي: جوفوا .. كل واحد منكم لازم يشل ورقه (و خذ ورقه) يلا خذوا
كل واحد خذ ورقه و فتحها
بطي: اللي حصل شخابيط بالأحمر يعني هو في الفريق الأول .. و اللي حصل شخابيط بالبنفسجي يعني هو في الفريق الثاني .. و عيناوي بعد
حصه حطت ايدينها ع خصرها: لا و الله ..
ميثا: حصووص، انتي في الفريق الأحمر؟
حصه: هيه، ليش؟
ميثا مبوزه: أنا في البنفسجي
حصه: و انتي شوقوو ..
شوق: في البنفسجي بعد
حصه: عيل منو ويايه؟
حمدان: أنا في الأحمر ..
حارب: و أنا بعد
زايد: لا تنسوي وياكم
راشد يناقز: أنا أنا بعد
علي: أنا و سلووم في البنفسجي ..
مطر يتنهد: و أنا بعد
محمد: أنا ورقتيه فاظيه
بطي: لحظه لحظه .. منو في البنفسجي .. أنا و ميثوو و شوقوو .. و مطوور و علوو و سلووم
حمدان: اوه اوه حمود .. انته عيل ويانا لأنه نحن خمسه
زايد: ع الأقل نحن عدنا بنيه وحده .. و ياهل واحد .. مب شراتكم يا الفريق العيناوي
بطي باستهزاء: هاهاها .. شو يعني؟
محمد مبتسم: و لا شي .. يلا .. بنخليه ست أدوار .. كل اثنينه مع بعض
حمدان: انزين منو مع منو؟
حارب يفكر: شو رايكم نكتب في 12 ورقه أرقام من 1 لين 6 .. و نكرر كل رقم في ورقتين .. و الاثنينه اللي بيسحبون نفس الرقم بيلعبون ضد بعض
مطر: هيه حلوه الفكره
بطي: يلا انزين

>> عقب خمس دقايق <<

(( الدور الأول ))

محمد vs. شوق

شوق متنرفزه: اووووه، حرام عليكم شو ها .. ليش لازم ألعب ويا أكبر واحد في فريقكم، افففففففف
محمد: محد قالج .. يلا عاد العبي
بطي: جان ما فزتي .. بفلعج بنعالي
حمدان: ايه ايه .. كل شي و لا اختي
شوق تفر الجهاز ع الأرض: لااااااااااااااااا
محمد: هاهاها .. 14 ضد صفر

(( الدور الثاني ))

راشد vs. مطر

مطر: أقول شقايل هذا الصغيرون بوخمس سنين يتعادل ويايه
راشد: صغيرون في عينك .. أنا ريال
مطر: هاهاها .. اونه
مطر: جوووووووووول
أحمد: 4 ضد 3 لصالح مطر

(( الدور الثالث ))

حارب vs. علي

حارب: بفوز بفوز ..
علي: مستحيل .. أنا محترف في هاللعبه
حارب: حتى لو .. بفوز
علي: في الأحلام
حصه تشجع: حرووب .. حرووب
حارب: ثانكيوو حصووص
حصه: ولكموو
علي: ايه أنا اخوج، ليش ما تشجعيني؟
حصه: عشان انته مب في فريقي (تطلع له لسانها) امممممم
علي: و فزت ..

>> تعالوا نختصر الطريج .. في الدور الرابع فاز زايد على سالم .. و في الدور الخامس فاز حمدان على ميثا <<

(( الدور السادس و الأخير ))

حصه vs. بطي

أحمد: النتايج لين اللحين 3 ضد 2 لصالح الفريق الأحمر .. إذا فاز بطي بيتعادلون الفريقين .. و إذا فازت حصه بيفوز الفريق الأحمر
حصه: أنا مستحيل أخسر عيديتيه على أكل غيري .. فبفوز
بطي: هاها .. مستحيل تفوزين عليه .. أنا ولد مب بنت
حصه: انزين و شو يعني .. الأولاد أحسن من البنات؟
بطي: هيه نعم ..
حصه عصبت و تمت ناويه تفوز .. و كانت النتيجه لين اللحين تعادل .. و فجأة واحد منهم حصل جوول و قام يناقز في مكانه

 

[ضوى العيون]

حصه: كنت متأكده اني مابخسر عيديتيه ..
الفريق الأحمر يلسوا يناقزون فرحانين .. شكلهم بيخسرون الفريق العيناوي وايد .. هههههههههه

>>ثاني يوم من العيد <<

-----------------------------
الساعه 10 الصبح
-----------------------------

حصة :انزين متى قالوا بيتصلون ؟
الريم: مادري قالوا الساعه 10 بتوقيت الامارات. .
ظبية: انزين اللحين الساعه 10 ..
حصة: انتي اتصلي فيهم ..
راشد: ريم ..
الريم: هلا حبيبي..
راشد: ماما متى بتتصل ..؟
الريم: مادري ..
زايد: خليهم يتصلون انا أريد اطلع .. مب فاظي انتظر..
حصة فجت عيونها: شو هالكلام زيود..
زايد: ترا بطوي و احمدو و مطور يتريوني برع
الريم: ليش وين تبون تروحون؟
زايد: بنروح ميلس عمي علي .. الكل هناك ..

-----------------------------
في لندن
-----------------------------

سعيد منزل راسه ..
بو سعيد معصب: شلون يعني دكتور ؟
الدكتور "سعودي": اسمحلي الشيخ .. نحن بنحاول نسوي اللي نقدر عليه ..
ام سعيد تصيح: بس بس .. حرام عليك .. ياسعيد من 8 شهور وانت فيك هالمرض وماتقول .. حرام عليك ..
سعيد: امايه
ام سعيد: عيونها
سعيد: امايه انا اكتشفت هالمرض قبل 4 شهور بس
بوسعيد: تقص علينا ..
سعيد: والله يابويه والله..
الدكتور: اسمحولي بس نسبة ان يشفى ظعيفة جدا جدا
بو سعيد: دكتور بنسوي اي شي بنوديه اي مكان .. انت بس قولنا .. شو الحل
الدكتور: لازم يواظب على المستشفى .. وان حس بأي تعب او ارهاق لازم يروح المستشفى ..
ام سعيد: ان شاء لله و بعد
الدكتور طلع ورقه وكتب فيها بعض الادويه: وهذي الادوية .. لازم يتناولها كل يوم .. الصبح و الفليل..
سعيد يتنهد: ان شاء لله دكتور ..
الدكتور: الصراحة اقامتك هني في لندن مابتفيد .. الامارات لها مستشفياتها .. وكل شي متوفر خلاص بدا التقدم يشمل كل الدول
بوسعيد: يعني انت تنصح نرد
الدكتور: مب اللحين بعد مانتطمن بعد اسبوعين ..
بوسعيد: مشكور دكتور ..
الدكتور: العفو الشيخ ..

>>بعد ماطلعوا من مكتب الدكتور ..<<

ام سعيد: عيالي فديتهم ماتصلت فيهم ..
بوسعيد: اتصلي يلا..
ام سعيد: ان شاء لله
واتصلت فيهم .. وعلى طول الريم ردت ..
الريم: هلا امايه..
ام سعيد: شحالج فديتج وشحالهم اخوانج..؟
الريم: امايه نحن واخواني والفريج كلنا بخير .. انتوا اللي شحالكم وشحاله سعيد؟
ام سعيد: الحمدلله فديتج .. تونا رادين من عند الدختر..
الريم: وشو قال؟
بوسعيد: عطيني ارمسها يا عفرا..
ام سعيد: اندوك يا بوسعيد ..
ورمسها بو سعيد وقالها شو قال الدكتور .. بس قالها ماتخبر حد ..
الريم بخوف: انزين ابويه عطني ارمس سعيد..
بوسعيد يعطي التلفون لسعيد: اندوك يبون يرمسونك..
سعيد: هلا والله..
الريم: اهلين شحالك فديتك؟
سعيد: من قدي فديتك بعد..
الريم: تستاهل اكثر..
سعيد: ههه بس عشان اني مريض..
الريم انصدمت: من قال يا سعيد انت اخويه ..
سعيد: استهبل يالدبه .. وشحالج وشحال الاخوان وشحالها حصوه تولهت على حشرتها..
الريم تضحك: ههههههههه كلنا بخير .. وحصوه عدالي حاشرتني تبي ترمسني..
سعيد: عطيني اياها..
وعطت الريم التلفون لحصه وهي تباغم: هلا واللله..
الريم ترمسها: شو بلاج تباغمين ..؟
حصه: مكالمه خارجيه امكن مايسمعني ..
الريم:هههههههه هبله..
حصه: شحالك سعيد ؟
سعيد: بخير غناتي .. انتي شحالج؟
حصة: والله تمام نشقح وننطح ونرفس لوتريد بعد..
سعيد :هههههه الحمدلله والشكر.. طول عمرج بتمين خبله
حصة: هههههه عادي عادي .. تيك ات ايزي..
سعيد: وشحالها الظبي .. وزيود وكلهم ؟

 

[ضوى العيون]

حصة: يسلموووون عليك والله ..
سعيد :عطيني أرمسهم ..
وتم سعيد يرمس اخوانه .. واحد واحد.. ومحد عرف غير الريم عن اللي قاله الدكتور.. وطبعا هي على طول بتقول لروضه ..

>>شو نسوي وكالة الانباء الجزيرة ماشالله عليها هع هع <<

-----------------------------
العصر
في بيت بو غيث
-----------------------------

يفكر "مايخصني انا لازم اشوفها شو ها مايصير بس في النت .. ودايماً بالصدفة .. ((وابتسم بخبث)) أنا اليوم بشوفها وبقولها منو أنا .. مايخصني .. الصراحة حبيتها .. هيه أحبها .. خلاص بس تعرف منو أنا .. وأنا بطرقي بحاول اعرف لو هي تحبني ولا لا ولو كانت ماتحبني بخليها تحبني .. كشخه هههه .. وبخطبها .. بس .. بس مايليق هع .. بس فديتها .. شفيني انا بس و بس .. أنا أريدها .. هيه هيه أريد شيخه وما أريد غيرها .. "
قام من مكانه .. وشل تلفونه ..
حمدان: مرحباااا الساع..
سيف: مرحبا بااجي شحال الشيوخ..؟
حمدان: والله يسلمون عليك.. شحالك انت ؟
سيف: والله الحمدلله ..
حمدان: اليوم وين قاعدين..
سيف: اللحين ف بيت عمي علي "بو خليفة" وبعد شوي بنروح صوب بيتنا..
حمدان طار من الوناسه: صدق .. اوكي عيل .. انا اللحين ياينكم..
سيف: حياك الله ..
قام حمدان بعد ماسكر من سيف.. حمدان وايد خقاق .. بس ماشالله عليه .. حلوو .. غاوي .. شوي ابيض .. وعيونه وساع وعسليه .. وخشمه سيفي .. وحلجه مرسوم .. ورموشه طوال.. وحياته دقيقه وحلوه .. وشعره شوي طويل جسمه حلو رياضي.. لبس كندوره بيضا .. واعتصم بسفره حمرا.. ولبس نظاراته الشمسيه وحط السماعات مالت التلفون ف اذنه .. وطلع من غرفته..
شوق: الله .. حمدانييي فديتك تخببببببل..
حمدان: احم احم اعرف..
شوق: ياحظها حرمتك..
حمدان قفط: ههههه يحصلها .. اوكي يلا انا طالع بروح للشباب..
شوق: اوكي.. باي ..تعال بقولك شي..
حمدان: شو..
وقرب راسه وباسته على خده ..
شوق: انا احبببك واايد..
حمدان: هههه فديتج والله .. وانا بعد ..
وطلع وراح ركب سيارته الرنج روفر اليديده .. >>السبورتيه <<طبعا هو + السياره = خبااااااااال..

http://www.alamuae.com/up/Folder-003...249_1865-3.jpg

بس السيارة كانت لون ابيض ومركب عليها استكرات للسباقات .. وطبعا باقي الاشياء للسبااق خبااااااال سيارته .. راح بيت بوخليفة .. اول مانزل من السيارة .. على طول دخل الميلس..

حمدان يفصخ نظارته: الســــــلام علــيــــكم
الشباب: و علــيــــكم الســــــلام
حمدان: شحالكم ؟
سيف: الحمدلله وانت حالك..
حمدان: والله رقيص .. تمام الحمدلله..
خالد: وليش كل هالكشخه ..
حمدان بخقه: احم احم .. لازم اف كورس .. هع ..
ناصر: حتى انت هههههه .. شو هالضحكه ؟
حمدان: هع ليش من يضحكها..؟
ناصر: شيخوه الخبله ..
حمدان فز قلبه: هههههه عادي عادي هاي فـ النت دوم يضحكونها ..
ناصر: هههههههههه..
زايد و مطر و علي و سالم و راشد "الصغيرون" و جاسم و حارب و سهيل قاعدين على صوب
و أحمد و بطي و ناصر و خالد و سيف و خليفة و راشد "العود
و حمدان و محمد و هزاع قاعدين على صوب..
سيف: يلا قوموا بنروح بيتنا..
الكل: يلا ..
وراحو الكل لصوب بيت بوناصر..
ودخلوا على طول الميلس..
حمدان: شباااااب
الشباب: هلا..
حمدان: فيكم طرب..
الشباب:فينا..
حمدان: فيكم وناسه.
الشباب:فينا..
حمدان: عيل قوموا انا فيه طرب .. و أريد ايول..
سيف: هههه انزين كمل لاتقطع..
حمدان: أنا بروح اشغل الاغاني في سيارتي..
ناصر: يلا شباب قوموا كل واحد يشيل سلاحه وانتوا قوم زيود خذوا العصي ..
الكل : اوكي يلا..
حمدان حط اغنية "ياناعم العود"





حمدان: عاشوو ياناعم العود مزحك يذبح وجدك..
وتم ايول فوق سيارته >> أول مره في حياته يسويها ((بيني وبينكم مرتبش وعشان شواخ)) <<
سيف ركب فوق سيارته: يذبح وانا كل ماجا منك يحلالي..

 

[ضوى العيون]

خالد :عاشو ((وتم ايول وهو على الارض))
ناصر وهو ايول ويلتف صوب الدريشة: هههه انتوا شوفوا البنات ..
أحمد: ههههه ..
سيف: بروح أزقرهم ..
ناصر: ههههههه بعدين ..
وتموا ايولون .. وطبعا قوم زيود قاعدين يستعرضون بالعصا .. ومسوين شرات المربع بس ناقصنه ضلع يدام الدريشة وبينهم قاعدين الشباب ايولون في وسطهم يدام البنات .. نزل حمدان من السيارة ..
حمدان تم ايول من قلب وهو مرتبش حده ..
سيف: أعصابك حمدانوه..
حمدان: جب بطلع حرتي ..

>>عند البنات<<

البنات متخبلين عليهم كلهم واكثر واحد حمدان
شيخه: منو هالغاوي..
حصة: عيب هذا حمدان .. اخو شوق..
شيخه: ماشاء الله خبال .. اذكر اني شفته قبل يوم رحنا السوق كلنا .. ومره يا بيتنا
ميثا: ماشالله عجيب ياحظها اللي بتظويه..
شيخه: هيه والله..
دخل عليهم سيف ..
سيف: بنات ..
البنات ((روضه و الريم و شيخه و مها و نوره و ميثا و حصه)):هلا..
طبعا كانوا متغطين من قبل..
سيف: لو تبون تعالوا برع شوفونا ..
شيخه طارت: صج اوكي اللحين بنيي..
حصه: مشكوور سواف..
سيف: العفو هههههه..
و طلعوا البنات برع
و تموا يشوفون الشباب وهم ايولون..
و عيون شيخه مول مانشالت من على حمدان ..
و حمدان شراتها .. كانوا يسرقون النظرات ..
و ناصر طبعا يطالع روضه ..
و خالد و الريم ..

و بعد ماخلصت الاغنية ..
حصه تباغم: لااااااا ..
سيف: ههههه شفيج؟
ميثا: خسااره ..
شيخه: عيدوا الاغنية ..
سيف: لا لا مب كل يوم عيد ..
الريم: يالغبي اليوم عيد ..
حمدان: بس بس ..
حصه: حمدانيي ماشالله عليك غاوي .. يولتك حلوه .. حتى البنات ريمو و روضوه و مها و نوروه و شيخوه على راسهم ميتين عليك .. وكل دقيقة يمدحونك
كل وحده من البنات قفطت و في خاطرها تكفخ حصه عشان تسكت
حمدان بخقه: احم احم ثانكيو الغلا..
حصه: العفو العفو .. بس صدق ..
ميثا: هيه والله شكلك مرتبش اليوم ..
حمدان: ههههه صح ..
ومع السوالف الكل دخل الصالة وهم يسولفون وقعدوا يسولفون .. مره وحده
سيف : حمدانوه
حمدان: هلا ..
سيف: انا اسمعك تسولف عن المنتدى في أي منتدى انت مشارك ..
حمدان"فديتك والله ياسيفوه حاس فيني" ابتسم بخبث: منتدى .......
شيخه فجت عيونها ..
أما حصة وميثا يدرون من زمان ..
سيف: اها حلو ..
حمدان:إلا غاوي ..
سيف :شو اسمك فيه؟
حمدان: اسمي (وسكت شوي) اسمي .. ولد السويدي ..
شيخه بغت تصيح :شوووو؟
حمدان: ولد السويدي..
شيخه تمت منزله راسها وساكته..
سيف: شفيج..؟
شيخه: ها لا ماشي..
حمدان: تعرفينها ملسونـة&دفشـة..
شيخه: هيه اعرفها ..
حصة وميثا هالوقت طلعوا .. راحوا يشربون ماي .
حمدان: اها بس أريد اسألج عنها ..
شيخه: شو؟
حمدان: امم خلاص ماشي ..
شيخه:على راحتك ..
حمدان حس بالراحه .. بعد اللي سمعه .. وقال "انا بقولها كل شي يوم اطرش لها رسالة وبقولها اني بخطبها "

-----------------------------
المغرب
في غرفة شيخه
-----------------------------

شيخه"ياربي طلع حمدان ماغيره .. حلو .. غاوي .. اسلوبه مادري ..شيخوه شو لا لاتحبينه ..بس ليش انزين .. اففففف حظرتي اتكلم بالالغاز "
وهي ادور في المنتدى وصلتلها رسالة من ولد السويدي فز قلبها ..

"هلا والله
شحالج شيخه ..
عساج إلا بخير ..