ضوى العيون
New member
- إنضم
- 7 أغسطس 2006
- المشاركات
- 5,999
- مستوى التفاعل
- 0
- النقاط
- 0
الجزء التاسع
روضه و الريم و رغد يتمشن في العرس عشان يسلمن على الحريم، و الحريم حاظرين، كل حرمه عيونها على وحده من هالبنات و تسأل عنها، و في هالوقت، اهتز موبايل روضه، كانت حاطتنه على الهزاز بدال الرنه عشان ما بتنسمع الرنه، فـ استأذنت من البنات و قالت انها بتطلع برع شوي عشان تجوف من مسويلها تلفون
روضه: آلـــو
ماشي رد
روضه ركزت على الرقم، و طلع انه نفس الرقم اللي دوم يتصل عليها
روضه: ياربي، بترد و لا شو
ماشي رد
روضه: خلاص بسكر، بــ
- قاطعها: آلو، السلام عليكم
روضه مستغربه: و عليكم السلام، منو انت؟
ماشي رد
روضه: ارمس لو سمحت
- أنا .. أنا عبيد
روضه: منو؟
عبيد: عبيد ..
روضه مستغربه: منو عبيد ؟ أنا ماعرف حد بـ اسم عبيد، فـ لو سمحت، شكلك مغلط، أنا بسكر
عبيد بـ اندفاع: لا لا لا لا لا، أنا عبيد، ولد عم اليازيه
روضه: لو سمحت، مابغي أعيد و أكرر، أنا ماعرفك
عبيد: تحيدين يوم كنتوا في لندن، و واحد ريال يا و سلم على اليازيه و سولف وياها شوي
روضه: هيه، هذا ولد عمها عبــ (تستوعب) يعني انت ولد عم اليازيه؟
عبيد: عليج نور
روضه: انزين، بغيت شي اخويه؟
عبيد بـ عفويه: هيه بغيت اتعرف عليج
روضه بـ عصبيه: عن الغلط لو سمحت
عبيد: قصدي أتعرف عليج و أسولف وياج كـ اخت
روضه: السموحه اخويه، ماقدر، هلي ماربوني على الغلط
عبيد: و أنا مب قصدي انج تسولفين ويايه في التلفون
روضه مستغربه: يعني وين؟
عبيد: في المسنجر ..
روضه: اخويه، اسمحلي، ماقدر
عبيد: و الله بـ سولف وياج كـ اخت، أقولج همومي و اللي في بالي
روضه: بس ...
عبيد: لو سمحت، بس جربي تسولفين ويايه مره، لو ماقدرتي مره ثانيه، أقدر أتفهم وضعج
روضه تتنهد: ان شاء الله
عبيد: انزين عطيني ايميلج
روضه: تفضل ...............
عبيد: تسلمين اختي، و ان شاء الله أكون عند حسن ظنج
روضه: استأذن اللحين اخويه، لأني في عرس اللحين
عبيد: عيل استسمح منج ختيه، و بس سؤال، متى بـ تدخلين النت؟
روضه: عقب العرس، تقدر تقول عقب الساعه هنتين
عبيد: أترياج عيل، فمان الله
روضه: فمان الكريم
.
.
.
ام خليفه: الريم بنتي؟
الريم: آمري خالو
ام خليفه: ردينا ويا كلمة خالو، قوليلي عمو فديتج جريب و بـ تستوين حرمة ولدي
الريم محمره: ان شاء الله خالو
ام خليفه: شو قلنا؟
الريم بتنفجر من الاحمرار: ان شاء الله عموه
ام خليفه: إلا وين روضه؟
الريم: قبل خمس دقايق رن موبايلها و سارت تجوف منو متصل
ام خليفه: عادي تسيرين تجوفينها؟
الريم: ان شاء الله خــ (تستوعب) عموه
ام خليفه: ما قصرتي يا بنت محمد
روضه: هلا اميه، متى بتي العروس؟
ام خليفه: يقولون عقب ما يشلون العشا
روضه: عيل وين ريماني؟
ام خليفه: مب هيه اللي زقرتج؟
روضه: لا ما جفتها عقب ما طلعت برع
ام خليفه: مادريبها، أنا قلتلها قبل شوي تسير تجوفج
الريم: انتي هنيه و أنا أدورج؟
روضه: سوري ريماني، مادريت انج تدوريني
الريم: لا عادي، بس لا تعيدينها
روضه تيلس عدال امها: ان شاء الله يدو ريماني
الريم تيلس عدالها: سخيفه، المهم، منو كان مسويلج تلفون؟
روضه متوتره: ها؟ لا محد .. بس .. امم .. هيه ربيعتي عليا تسلم عليه
الريم مستغربه: عليا؟ ماحيد عندج ربيعه اسمها عليا
روضه متوتره وايد و تبغي تغير الموضوع: عندي عندي، المهم، اللحين بتي العروس، صح؟
الريم ما صدقت روضه بس ما اهتمت للموضوع: هيه، عقب دقيقتين أو ثلاث بيبندون الليتات
روضه: هيــــــــــه
روضه و الريم و رغد يتمشن في العرس عشان يسلمن على الحريم، و الحريم حاظرين، كل حرمه عيونها على وحده من هالبنات و تسأل عنها، و في هالوقت، اهتز موبايل روضه، كانت حاطتنه على الهزاز بدال الرنه عشان ما بتنسمع الرنه، فـ استأذنت من البنات و قالت انها بتطلع برع شوي عشان تجوف من مسويلها تلفون
روضه: آلـــو
ماشي رد
روضه ركزت على الرقم، و طلع انه نفس الرقم اللي دوم يتصل عليها
روضه: ياربي، بترد و لا شو
ماشي رد
روضه: خلاص بسكر، بــ
- قاطعها: آلو، السلام عليكم
روضه مستغربه: و عليكم السلام، منو انت؟
ماشي رد
روضه: ارمس لو سمحت
- أنا .. أنا عبيد
روضه: منو؟
عبيد: عبيد ..
روضه مستغربه: منو عبيد ؟ أنا ماعرف حد بـ اسم عبيد، فـ لو سمحت، شكلك مغلط، أنا بسكر
عبيد بـ اندفاع: لا لا لا لا لا، أنا عبيد، ولد عم اليازيه
روضه: لو سمحت، مابغي أعيد و أكرر، أنا ماعرفك
عبيد: تحيدين يوم كنتوا في لندن، و واحد ريال يا و سلم على اليازيه و سولف وياها شوي
روضه: هيه، هذا ولد عمها عبــ (تستوعب) يعني انت ولد عم اليازيه؟
عبيد: عليج نور
روضه: انزين، بغيت شي اخويه؟
عبيد بـ عفويه: هيه بغيت اتعرف عليج
روضه بـ عصبيه: عن الغلط لو سمحت
عبيد: قصدي أتعرف عليج و أسولف وياج كـ اخت
روضه: السموحه اخويه، ماقدر، هلي ماربوني على الغلط
عبيد: و أنا مب قصدي انج تسولفين ويايه في التلفون
روضه مستغربه: يعني وين؟
عبيد: في المسنجر ..
روضه: اخويه، اسمحلي، ماقدر
عبيد: و الله بـ سولف وياج كـ اخت، أقولج همومي و اللي في بالي
روضه: بس ...
عبيد: لو سمحت، بس جربي تسولفين ويايه مره، لو ماقدرتي مره ثانيه، أقدر أتفهم وضعج
روضه تتنهد: ان شاء الله
عبيد: انزين عطيني ايميلج
روضه: تفضل ...............
عبيد: تسلمين اختي، و ان شاء الله أكون عند حسن ظنج
روضه: استأذن اللحين اخويه، لأني في عرس اللحين
عبيد: عيل استسمح منج ختيه، و بس سؤال، متى بـ تدخلين النت؟
روضه: عقب العرس، تقدر تقول عقب الساعه هنتين
عبيد: أترياج عيل، فمان الله
روضه: فمان الكريم
.
.
.
ام خليفه: الريم بنتي؟
الريم: آمري خالو
ام خليفه: ردينا ويا كلمة خالو، قوليلي عمو فديتج جريب و بـ تستوين حرمة ولدي
الريم محمره: ان شاء الله خالو
ام خليفه: شو قلنا؟
الريم بتنفجر من الاحمرار: ان شاء الله عموه
ام خليفه: إلا وين روضه؟
الريم: قبل خمس دقايق رن موبايلها و سارت تجوف منو متصل
ام خليفه: عادي تسيرين تجوفينها؟
الريم: ان شاء الله خــ (تستوعب) عموه
ام خليفه: ما قصرتي يا بنت محمد
روضه: هلا اميه، متى بتي العروس؟
ام خليفه: يقولون عقب ما يشلون العشا
روضه: عيل وين ريماني؟
ام خليفه: مب هيه اللي زقرتج؟
روضه: لا ما جفتها عقب ما طلعت برع
ام خليفه: مادريبها، أنا قلتلها قبل شوي تسير تجوفج
الريم: انتي هنيه و أنا أدورج؟
روضه: سوري ريماني، مادريت انج تدوريني
الريم: لا عادي، بس لا تعيدينها
روضه تيلس عدال امها: ان شاء الله يدو ريماني
الريم تيلس عدالها: سخيفه، المهم، منو كان مسويلج تلفون؟
روضه متوتره: ها؟ لا محد .. بس .. امم .. هيه ربيعتي عليا تسلم عليه
الريم مستغربه: عليا؟ ماحيد عندج ربيعه اسمها عليا
روضه متوتره وايد و تبغي تغير الموضوع: عندي عندي، المهم، اللحين بتي العروس، صح؟
الريم ما صدقت روضه بس ما اهتمت للموضوع: هيه، عقب دقيقتين أو ثلاث بيبندون الليتات
روضه: هيــــــــــه
_@..
