مــب إنتــه اللــي أعيـش الويـل بسبابك

[ضوى العيون]

ღ مــب إنتــه اللــي أعيـش الويـل بسبابك ღ

قصةمشتركة بين الكاتبتين فراشة جميرا و ريانيـة ملسونـة

حب و حنان .. كراهية و غدر .. فرحة و ضحك .. ألم و حزن
هل تستطيع ان تجتمع مع بعضها البعض لتكون قصة واقعية موجودة في الحياة؟
ربما .. فقط عليكم محاولة قراءة القصة .. و سيكون كل شيء واضحاً لديكم
هل شعرتم مرة أن كل القصص بدأت تتشابه في أسلوب طرح الأحداث ..
و محتوى القصه .. و أبطالها؟ هل بدأتم تتساءلون أن كل هذه القصص كاتبها شخص واحد؟
ربما .. فـأحياناً أنا أفعل .. و لكن بعضها مميز جداً و مختلف و يجب
أن يتم وضعها في مكان مخصص للقصه المميزه .. و ليس مخبئاً مع القصص المتشابهه
أنا لا أتهم أحداً .. بل أقول أن هذا رأي الأغلبية .. فمعظكم يحب قراءة القصص
بل يعشقها .. و لكنكم تقرؤون أول جزء فقط .. و إن لم يعجبكم لا تكملونه
هذا ما يفعله الأغلبيه .. و لا أنكر أنني أحياناً أفعل مثلهم
و لكنني أحاول أن أغير هذا الطبع لدي .. فـ ربما كان الجزء الثاني أو الثالث
أحسن و أفضل من الجزء الأول .. و بعد هذه المقدمة الطويله و العريضه
أطلب منكم أعزائي القراء .. أن تتفضلوا علينا و تقرؤوا قصتنا
و ليس الجزء الأول فقط .. بل الثاني و الثالث .. و الرابع أيضاً
فربما تعجبكم .. و ربما لا .. و لكنني فقط أطلب منكم أنا تقرؤوها
و إن أعجبتكم .. ردوا عليها .. و تابعونا في الأجزاء القادمه
قصتنا لن تحلو إلا بردودكم و بتشجيعكم لنا .. و نعدكم أن القصه ستنال على حسن رضاكم

بسم الله الرحمن الرحيم

الشخصيات

حصة .. ام علي .. اليده

عايلة علي بن يمعه
بوخليفه & ام خليفه
خليفة .. بجر امه و ابوه .. عمره 25 .. معرس و ماخذ العنود .. عندهم بنت اسمها مي .. و عمرها 3 سنوات
خالد .. عمره 22
روضه .. عمرها 19 سنه
مطر .. عمره 14 سنه
سالم .. عمره 9 سنوات

عايلة محمد بن يمعه
بوسعيد & ام سعيد
موزه .. عمرها 21 سنه
الريم .. عمرها 19 سنه
سعيد .. عمره 17 سنه
زايد .. عمره 14 سنه
حصه .. عمرها 13 سنه
ظبيه .. عمرها 11 سنوات
علي .. عمره 9 سنوات
العاش .. عمرها 6 سنوات
راشد .. عمره 4 سنوات
أحمد .. عمره 17 سنه .. اخو ام سعيد

عايلة حمده بن يمعه
بوفهد & ام فهد
فهد .. عمره 20 سنه

عايلة مايد بن راشد
بوناصر & ام ناصر
ناصر .. عمره 21 سنه
نوره .. عمرها 15 سنه
ميثا .. عمرها 13 سنه
جاسم .. عمره 6 سنوات

عايلة هند بن راشد
ثاني & هند
هند .. تعاني من ثقب في القلب .. كانت ما تبغي تتزوج بس مع إصرار اخوانها وافقت على ثاني مع انه يعرف انها ما تقدر تييب عيال .. بس من قوة إيمانهم و كثرة دعواتهم الله راد إنها تحمل .. الدكاترة يقولون إن يمكن الياهل يكون معوق .. اللحين هيه حامل في الشهر الخامس و ماعندها عيال

عايلة جابر بن راشد
جابر .. عمره 27 .. معرس و ماخذ رفيعة
رفيعة .. عمرها 22 و حامل في الشهر الثاني

عايلة سلامة بنت بطي
بوسيف & ام سيف
عاشة .. 27 سنة .. معرسه.. عندها بنتين .. جميلة عمرها 5 سنوات و عذابة عمرها سنتين
كنة .. 26 سنة.. مطلقه .. عندها ولد اسمه تميم عمره 3
سيف .. عمره 18 سنه

عايلة عبدالله بن بطي
بوعبيد & ام عبيد
عبيد ..عمره 23 سنه
مريم .. عمرها 16 سنه
حميد .. عمره 15 سنه
عاشه .. عمرها 10 سنوات
عبدالعزيز .. عمره 5 سنوات

عايلة عمر بن بطي
بومنصور & ام منصور
اليازيه .. عمرها 18 سنه
منصور .. عمره 14 سنه
فاطمه .. عمرها 11 سنه
سهيل .. عمره 6 سنوات

 

[ضوى العيون]

الجــــزء الأول

بقلم : فراشة جميرا
------------------------------
يوم الاحد بيت بوسعيد
الساعه 8:30 الصبح
------------------------------

في حجرة حصة
حصة: خخخخخ شووووو خخخخخ شووووو
راشد يمشي على اصبوعه صوب حصة و الابتسامة شاقة ويهه و ييلس يقرص حصة
حصة: خوزوا لا .. اففففف
راشد يستمر في القرص لين ما تقوم حصة بسرعة بس راشد يلحق على عمره و يشرد قبل ما تفج حصة عيونها زين، تجوف الساعة
حصة: خييييييييبة، 9:30، ياويلي تأخرت
تركظ في الحجرة يمين و يسار عقب وقفت و استوعبت الوضع و سارت الحمام ركظ، فجأة
حصة: ااااااااااااااااااااااااااااااي
تيها اختها موزة بسرعة
موزة: شو فيج؟ شو مستوي؟
موزة تنقع من الظحك ع شكل حصة: تستاهلين
حصة: ليش تظحكين؟
موزة: جوفي شكلج .. و تسير عنها
تقوم حصة عند المنظرة و تجوف شكلها .. كله خرسان ماي و شعرها بعد .. تقوم تتسبح بسرعه و تتلبس و تركظ ركظ تحت .. كانت بتطلع من الباب بس سمعت صوت حد وراها
أحمد: وين سايره؟
حصة: بيت عمي علي
أحمد: جذيه عاد؟
حصة: ليش شو بلايه؟
أحمد: وين شيلتج؟
حصة: اووه، سوري، خخخخخ، نسيت
تييب شيلتها و تسير بيت عمها

أحمد يسير و يدخل المطبخ الداخلي
أحمد: خبلة هالبنية
موزة: منو؟
أحمد: حصة .. منو غيرها .. منو اللي تقوم من الصبح و تسير عند يدتها غيرها
موزة: طافك شكلها يوم خرسانه .. طاحت على الارض في الحمام اليوم
أحمد: هيه و الله طافني .. أقول .. شو تسوين إنت من صباح الله خير
موزة: شوفة عينك .. أسوي كيك عشان بيونا اليوم حريم ع الغدا
أحمد: هيه زين، يلا بسير أجوف التلفزيون
موزة: سعيد راقد؟
أحمد: كالعادة

موزة تكمل شغلها و أحمد يسير الصالة الصغيرة اللي تحت و يلقى راشد يتريق فيسير و يتريق

------------------------------
بيت بوخليفة
الساعه 9:00 الصبح
------------------------------

وصلت حصة و هيه تلهث، دخلت داخل البيت و لقت في الصالة يدتها و ولد عمها مطر
حصة: السلام عليكم
الكل: و عليكم السلام
حصة: شحال الحلوين؟
مطر: بخير الحمدالله يا الغالية
اليدة و اونها تغار: مسود الويه، ما كلمتك إنت
مطر: اوه اوه، العيوز تغار
حصة: عيوز في عينك، يدوه هاي مب أي حد
اليدة و ميتة من الفرح: هييييييه .. مطر، الساعه كم اللحين؟
مطر: تسع، ليش؟
اليدة: ويديييه، بنسير العزبة بنطالع حلالنا
مطر: حصووص، بتسيرين؟
حصة: هيه، شعنه يايه عيل، مب عشان سواد عيونك يا أخي
مطر: بل بل بل، كلتيني، ماقلت شي بس سألت، انزين يدو، أبى أسير وياكم
اليدة: انزين، يلا انقفضوا .. هبابنا لين ما نوصل
مطر: يلا سرنا
طلعوا الجماعة برع و تموا يتريون الدريول لين ما يطلع السيارة و يحرها، ركبوا السيارة بس ما تحركوا
مطر: سليم .. حرك حرك شو تتريا
سليم: لا بابا، هازا في ماما ميسا ايجي
مطر: شو نبابها هاي ميثوو بعد
حصة: يت يت ميثووه
تفج ميثا الباب
ميثا: السلام عليكو يا جماعة الخير (ع طريقة المصاروة)
الكل: و عليج السلام و الرحمة
مطر: وصلتي يا ست الحسن و الجمال .. جان بطيتي
ميثا: مطر باشا .. انت هينا؟
سليم: يلا ماما ميسو، مافي جرجر واجد، لازم روح عند بكري (هوش)
ميثا: انزين انزين
بدوا الجماعة طريجهم للعزبة
في السيارة .. مطر يعابل في الأغاني و كل ما يحط اغنية هندية يبدا سليم و ميثا بالغنا بس يوم يحط خليجية حصة تصفق و مطر يغني و ميثا تصارخ عشان يبدلون .. الحمدالله ان السيارة مخفي و لا اللي بيجوف داخل السيارة بيقول صدق ميانين لأنهم ما ييلسون مكان واحد و اليدة تظربهم بالعصا ع روسهم لين ما مطر يوم كان يغير السي دي، حط قرآن بالغلط فسكتوا عشان يسمعون، وصلوا العزبة و بدوا اليهال يتراكظون و قالت اليدة حق العمال مناك انهم يفرشون حصير و يحطون عليه الريوق اللي يابته اليدة من البيت عشان يتريقون
حصة: سوستي، قولي ماما قولي ماما
سوسة (عنزة): باااااااااااااع
مطر: وين تبين حصوص؟؟ عنبوه تبين عنزة تغير كلامها
حصة: اووووه، ما يخصني
جعفر: ماما هيسه، سوسه مافي اكل مافي نوم، امكن تأبان
حصة: شووووووووو؟؟ ودوها الدكتور
جعفر: هازر هازر ماما
مطر: تعالي حصيص، تعالي ناكل
حصة: يلا .. و ساروا و يلسوا على الحصير عند اليدة عشان يتريقون
حصة: يدو، شي حليب رينبو
اليدة: هيه، تعالي صبيلج
مطر: ايلسي ارتاحي حصيص، أنا بصب حقي و حقج .. صب حقه و حقها و بدوا ياكلون
ميثا: يا ناس يا عالم ... ساعدووووني .. هاي الناقة ماتطيع تنزلني
اليدة: تستاهلين، قلنالج خلي جعفر يركبج
ميثا: جعفر عاد ييلس يتفلسف و أنا عاد ماحب اللي يتفلسفون
حصة: أنا سايرة أنزلها .. و تركظ عند جنيد و تخليه ينزلها
ميثا (تتمشى كأنها دايخة): فيني دوخة
حصة: أحسن
ميثا: اففااااا، الحص زعلت مني، كيف أراضيها
حصة: أقول، اسكتي أحسن عشان ريحتج خايسة
ميثا: شسوي، كله من هاي الناقة
ساروا يتريقون عقب اليدة تمت تجوف الرجاب و الهوش و الدياي بس ما طاعت تكمل لأنها تعبت فردوا البيت و يوم كانوا بيسيرون بيت بوخليفة
ميثا: نزلوني في بيتي
مطر: انزلي في بيتنا و سيري مشي، بيتكم و بيت حصة عدالنا، مب بعيد
ميثا: مب متفيجة أمشي، تعبانة أبى أسير أرقد
وقفوا عند بيتهم و جافوا داخل البيت في الحوي و جافوا بوناصر، ام ناصر و جسووم يالسين، نزلت ميثا و سارت داخل و النعاس في عيونها مبين
بوناصر: ميثا وين سايرة، لا سلام و لا شي
ام ناصر: خلها في حالها، هاي إذا حد منعها من الرقاد تستوي أخس من الشيطان
دخلت حصة عشان تسلم ويا مطر و اليدة
حصة: السلام عليكم
الكل و عليكم السلام
اليدة: شحالكم؟ شخباركم؟
ام ناصر: بخير الحمدالله، شحالج و شحال العيال؟
اليدة: بخير الحمدالله
بوناصر: هلا مطر، من زمان ما شفناك، وينك؟
مطر: الدراسه يا عمي، واايد ماخذه من وقتي (خريط)
بوناصر: هييييه، إن شاء الله يوم بتفظي تعال زورنا
مطر: إن شاء الله عمي
اليدة: يلا عيل، بنسير البيت
بوناصر و ام ناصر: فمان الله
اليدة: فمان الكريم
جاسم: باااي حصة
حصة: بااي جسووومي
كل واحد سار بيته و يوم دخلت حصة البيت سارت تتسبح مرة ثانية عقب سارت الصالة

------------------------------
بيت بوسعيد
الساعه 11:15 الصبح
------------------------------

حصة: السلام عليكم
الكل: و عليكم السلام
الريم كانت تعدل ظفورها: وين سرتي؟
حصة: العزبة مع يدو و مطر و ميثوو
موزة: حصة، سيري وعي زييود، بيتعفن من الرقاد
أحمد: وعي سعيد في طريجج، أبغي أسولف ويا حد .. سارت حصة توعي اخوانها
يمعه و العاش و راشد كانوا يجوفون التلفزيون
أحمد: عيل وين الظبي؟
الريم: كالعادة، في حجرتها يا تذاكر يا تقرا
أحمد: ما تمل هالبنت أبداً
موزة: شو نسوي، إذا يت الصالة ما تتكلم واايد كأنها مب ويانا
أحمد: أنا بسير أتسبح لين ما يقوم سعيد

------------------------------
حجرة زايد
------------------------------

حصة: زيووود قوم
زايد: خليني، الساعه 12 وعيني
حصة: زايد بتقوم و لا
زايد: شوي بس شوي
حصة: ترا مطور قام قبل الساعه 9:00
زايد: وانت شدراج؟
حصة: سرت العزبة ويا يدو و مطوور و ميثو
زايد: يالخاينة، ما توعيني
حصة: شسوي إذا سرت و رديت و بعدك مب طايع تقوم
زايد: انزين انزين اللحين بقوم
قام زايد و سارت حصة حجرة سعيد
لقت أحمد يوعيه فسارت الصاله تجوف التلفزيون

------------------------------
بيت بوخليفة
الساعه 11:30 الصبح
------------------------------

روضة: مطوور يا الخايس، اطلع برع حجرتي
مطر: مابى، كيفج هو
روضة: إذا ما طلعت بخبر عليك يدو
مطر: خبري، عاد شو بتسوي يدو
روضة: ماعليه، اصبر بس، يالسه أكتب كل شي يالس تضايجني به و يوم بيرد أبوية برويه كل شي
مطر: ويييييييه، قولي و الله
روضة: شو تتحراني أقص عليك
مطر: بطلع بطلع، افففف
طلع مطر و قفلت روضة الباب و دخلت المسنجر بس ما لقت حد فطلعت و اتصلت بيت عمها
تررن تررن .. تررن تررن
راشد: آلووو
روضة: آلوو، منو معاية؟ رشوود؟
راشد: راشد يا الطفسه، شو آخر عيالج تسميني رشود
روضة: بل بل، انزين منو عندك؟
راشد: امممم، كل حد
روضة: انزين، عطني ريماني
راشد: غياظاً فيج ما بعطيج
روضة: يا ريال، عطني اياها عشان خاطري
راشد: ماعندج خاطر في قلبي
روضة: علي أخوك أحسن منك، يسمع الكلام
راشد: خليه يولي، انزين بعطيج بس ..
روضة: بس شو؟
راشد: بس تعطيني 5 كافي اليوم
روضة: انزين، على عيني و راسي، انت بس تدلل و آمر و نحن في الخدمة
راشد: هيه، جي أباج، ريييييييييييييموووووووه تلفون، اندوج الريم
روضة: خيبة، شو ها؟ الحمدالله ما عندي أخو جي
الريم: آلو، بيت السيد محمد جمعة المهيري، الريم معاك. من معي؟
روضة: ريماني، لا تستهبلين و قولي شو عندكم؟
الريم: اوه، رواضي! كيفك؟ أخبارك؟ إن شاء الله كويسة؟
روضة: كويسة و الحمدالله، بدي أوول، ايش عندكن؟
الريم: هيه، ما قلتلج؟ قبل يومين وصلوا أهل هزاع و اماية عزمتهم و عزمت حريم أهلنا و حريم الفريج
روضة: و ليش أنا آخر من يعلم؟
الريم: don’t know، المهم، متى بنسير الصالون؟
روضة: اتصلي حق الصالون و عطيني خبر
الريم: ok .. see ya
روضة: باااي
الريم: بااااي .. و سكروا عن بعض
زايد: hi guys
كل حد سواله طاف
زايد: شو بلاكم؟
حصة: يوم بتسلم مثل الناس .. هاذيج الساعة بنسلم عليك
زايد: انزين .. عنبوه الناس تطوروا و انتوا بعدكم ع حالكم
الريم: ماتبى تسلم كيفك .. خلك ع حالك
حصة: هيه و الله .. أقول زيوود .. أخوية .. حبيبي .. شحال بعض الناس؟
زايد: منو ... (استوعب) .. بخير ..يسلمون عليج ريمان
الريم: منو ها؟
حصة: حبيب القلب
الريم: قلبي و لا قلبج و لا قلب منو؟
زايد: اوووه، هاي ساعة لين ما تفهم .. نتكلم عن خلوود يا الهبلة
الريم: خلوودي .. شحاله؟ شخباره؟ شعلومه؟
حصة: هاي مافيها حيا .. عنبوج المخطوبة موااز ما قالت جي و إنت بس محيرة .. عنبوه
زايد: خلج منها .. مب عاقل .. المهم .. حق منو العزيمة؟
حصة: حق وصول أهل هزاع من لندن .. لأنهم ساروا يعالجون أبو هزاع .. و حليله
زايد: هيه .. الله يعافيه .. انزين .. عزيمة رياييل بعد؟
حصة: of course .. أصلاً العزيمة بكبرها حق هزاع و أبوه
زايد: انزين .. عيل بسير الحلاق مع مطوور

 

[ضوى العيون]

بوسعيد: كلنا .. كلنا بنسير .. يلا سير بدل لبسك و قول حق مطور
زايد: ان شاء الله أبوية .. بس منو بيسير؟
بوسعيد: أنا و انت و مطوور و علاوي و رشوود
زايد: عيل سعيد و أحمد ما بيسيرون؟
بوسعيد: بيسيرون .. بس رواحهم
زايد: اوكي .. يلا بسير استعد
سار زايد و بدل لبسه و قال حق مطوور و ركب سيارة أبوه و لقى داخلها علاوي و رشوود .. عقب وقفوا عند بيت بوخليفة عشان يركب مطوور .. ساروا عشان يعدلون شعورهم .. اونه يكشخون حق أنسابهم
و في نفس الوقت .. دخلت رواضي بيت بوسعيد و تلاقت عند الباب مع ميثاني
ميثا: مرحبا الساع بـ بنت ولد عم أبوية >> اونه تتفلسف
روضة: مرحبا بج .. شحالج يا بنت مايد
ميثا: بخير الحمدالله يا اخت خليفة .. دخلوا البيت و ساروا الصالة و لقوا الريم و موزة و حصة لابسين شيلهن و عبيهن و يالسين يترين
ميثا: عيل وين الظبي و العاش؟
موزة: اللحين بيوون .. يالسين يتلبسن
الريم: تعالوا نركب السيارة لين ما يون .. كلهم ركبوا السيارة .. حصة و ميثا ورى .. العاش جدام مع البشكارة .. روضة و الريم و موزة في النص .. يتريون ظبية
ظبية: وينها ظباية؟ ساعة لين ما تتلبس
حصة: منو قال انها تتلبس .. يالسه ترتب كتبها و تختار شو بتاخذ معاها حق الصالون
ميثا: عنبوه .. هاي ما تمل .. أنا يالله يالله أقرا مال المدرسه .. تبوني أقرا مال البيت بعد .. متفيجة
موزة: هاذي .. وصلت
ظبية: آسفة تأخرت شوي
روضة: لا ما عليه .. يلا رشيد حرك .. سير الصالون
راشد: ان شاء الله ماما
ميثا: جوجو (تدلع جويرية .. بشكارة عمها محمد) .. حطي هذا اغنية مال هندي
جويرية: لا ماما .. مافي هالو
ميثا: اوه، هاي ما تفهم .. أقول رشيد .. انت مثلي .. حط أغنية هندية
رشيد: ان شاء الله ماما .. و يحط أغنية فيها دق و حلوة بس نسيت اسمها .. كل حد يرتبش و يصفق و يغني لين ما وصلوا الصالون
جين (الرسبشن مال الصالون) : سلام أليكم مادام موزة .. كيف هال انتي؟
موزة: بخير .. جين .. اليوم خطيب مال أنا ايجي .. سوي حق أنا شغل زين
جين: اوكي .. مادام ريم و روضه .. شو يريد؟
الريم: نبغي حلاوة و سشوار و ميكاب
جين: اوه، هااي هسة، انت موجود .. أنا سوي هق انتي سشوار زين .. اوكي؟
حصة: اوكي .. سوي حق ميثا سم سم .. و حق بجى سشوار بس
جين: اوكي .. leave it to me
العاش و ظبية سوولهم سشوار بسيط .. أما حصة و ميثا سوولهم تسريحة بسيطة: ماخذين خصل من شعورهم و مسوين ديزاينات .. واايد حلو عليهم .. أما الباقين .. فواايد شغل باقي حقهم
حصة: اففف .. نحن خلصنا .. مب لازم نتريا قوم موزة لين ما يخلصون .. اللحين الساعة 6:15
ميثا: ليش ما نسير البيت و يوم يخلصون نطرش الدريول و البشكارة حقهم
حصة: هيه حلوة .. جويرية يلا تعالوا نسير .. موزة و الريم و روضة بعدين بيون
جويرية: يلا سير .. ركبوا كلهم و وصلوا البيت الساعة 6:30 .. و أول ما دخلوا عقت حصة الشيلة
زايد: ايه دا .. ايه الحلاوة دي .. بص يا مرزوء (اونه مطر اسمه مرزوق) .. ازاي اختي جميلة
مطر: ااااه، و انت السادء .. حلاوة متلها ما شفتش في حياتي كلها
حصة: اعرف اعرف .. مافي داعي تقولون
بوسعيد: حصيص .. ما شاء الله .. بنتي تينن و تخبل و تهبل بعد .. عفرا .. تعالي
ام سعيد: شنعه تصارخ؟ حصة .. انت حصة؟ تعالي تعالي .. تعالي أقرا عليج عن الحسد
علي: اختي .. معروفة بجمالها .. طبعاً طالعة عليه .. احم احم ..
راشد: يمدح عمره .. يقول جذبة و يصدقها .. حصوص طالعة عليه .. مب عليك .. مالت
علي: عليك و على ميثوو .. قول آمين
ميثا: طاعوا .. ليش تدخلوني بالسالفة؟
سعيد: جب جب .. أقول حصة .. إذا انتي حلوة .. عيل كيف الريم و موزة؟
أحمد: أكيد ملكات جمال إذا أنا خالهم .. و عفرا أمهم و محمد أبوهم
مطر: و مطر ولد عمها
أحمد: اسكت اسكت .. داخل غلط علينا
راشد: وييييووو .. قفطوه .. القط ويهك يا ريال .. كون مثلي
مطر: جب جب
زايد: تعرفون .. اكرمونا بسكوتكم
أحمد: اسمعوا منو يتكلم
سعيد: احم احم .. أحمدان
أحمد: نعم .. شو تبغي
سعيد: خخخخخخخخ .. لا، بس أجرب صوتي
أحمد و هو يظربه ع راسه: سخيف
سعيد: طالع عليك

------------------------------
الصالون
الساعة 7:00المساء
------------------------------

روضة: افففف، موزة يلا بسرعة .. ما يرزا علينا .. كل هالتعديل حق هزاعوو
الريم: هيه و الله .. يلا بسرعة
موزة: و الله .. ع كيفكم هو .. هزاعوو .. حلفوا انتوا بس
روضة: جب جب
موزة: جب يجبج في ليلة عرسج انتي و ريلج
الريم: مال اول .. ههههههه
روضة: هههههههه
و يرن موبايل الريم
بوسعيد: مرحبا الساع
الريم: مرحبا بك يا الغالي .. شحالك؟
بوسعيد: بخير الحمدالله، وين انتوا؟
الريم: بعدنا في الصالون أبوية، نتريا مادام موزة تخلص
بوسعيد: ههههه .. عطيني اياها برمسها
الريم: اندوك اياها .. اهزبها هزاب ما تنساه
و تعطي الريم موبايلها حق موزة
موزة: هلا أبوية
بوسعيد: اهلين غناتي، بعدكم ما خلصتوا؟
موزة: أبوية، بس شوي و بنخلص
روضة: عمي، تقص عليك، إذا جفتها اللحين بتعرف ان واايد باقلها
بوسعيد: هيه .. ماعليه .. يوم بتخلصون اتصلوا بي عشان أمر عليكم، تراني في مكان جريب من الصالون
موزة: ان شاء الله أبوية
بوسعيد: انزين، سلمي ع الشيخة اللي وياج
موزة: ان شاء الله أبوية .. فمان الله
بوسعيد: الله وياج
موزة تسكر الموبايل و تعطيه الريم
موزة: رواضي، أبوية يسلم عليج
روضة: الله يسلمه، جين، جيـــــــن، يلا خلي يخلصون بسرعة
جين: ان شاء الله مادام .. بس سبر شوي .. only 15 minutes

------------------------------
بيت بوسيف
الساعة 7:10 المساء
------------------------------

ام سيف: كنـــــــــــــة .. كنــــــــــــــة
كنة: اماية، شو تبين؟
ام سيف: اتصلتي باختج؟ ما جوفها يت؟
كنة: هيه اتصلت قبل شوي، و قالت انها جريب و بتوصل
ام سيف: ريلها بيسير معانا؟
كنة: لا اماية، تقول عواش انه مشغول
ام سيف: هيه زين، خلصتي انتي؟
كنة: خلصت، بس البشكارة يالسة تلبس تمامي
ام سيف: ويدييه أنا، و شعنه ما تلبسينه بروحج؟
كنة: اماية، شو قالولج عني، بشكارة؟
ام سيف: زين زين، خلاص، اكرمينا بسكوتج .. عيل وين اخوج؟
سيف ينزل من الدري: خلصت خلصت .. يلا اركبوا السيارة
عاشة دخلت مع بناتها و البشكارة: السلام عليكم
الكل: و عليكم السلام
عاشة تبوس راس امها: شحالج اماية؟ شحالكم كلكم؟
ام سيف: بخير الحمدالله، عايشين
عاشة: عيل وين ابوية؟
ام سيف: داخل في الصالة، يتعشى و يجوف الاخبار كالعادة
عاشة سايرة الصالة: اركبوا السيارة، بسلم عليه و بييكم
ركب سيف السيارة و شغلها، و ركبت عداله امه، و وراه خواته و جميلة بنت عاشة، و ورى آخر شي بشكارة كل وحدة من خواته و عذابة بنت عاشة و تميم ولد كنة و انطلقوا في طريجهم

------------------------------
بيت بوسعيد
الساعة 7:30 المساء
------------------------------

عقب ما وصلوا روضة البيت عشان تييب لبسها و أغراضها، دخلوا موزة و الريم البيت و ركضوا حجرهم بسرعة عشان ما يبون حد يجوفهم، يبون الكل يتفاجؤون بشكلهم، دخلوا حجرهم و تضؤوا و صلوا، عقب يت عندهم روضة عشان يتجهزون و هم ناويين يدخلون ع الحريم بشكل حلو مع بعض بس متأخر شوي، يعني تقريباً ع الساعة 9

------------------------------
في حجرة حصة
------------------------------

حصة: يلا عطيني الدخون بتدخن
ميثا: انزين، اصبري شوي .. اندوج
حصة تتدخن: خلاص، خلصنا صح؟
ميثا: هيه، شو بقى؟ ... العطر و دهن العود
تعطروا و تدهنوا و أول شي سووه ساروا حجرة سعيد و أحمد عشان حصة تدخنهم

------------------------------
حجرة سعيد
------------------------------

طق طق طق
أحمد: تفظل
حصة: أحمد، شو رايك فيه؟
أحمد عافس ويهه: بصراحة و بدون مجاملات .. انتي ..
حصة متوترة، تتحرى شكلها مب حلو: شو؟ شو بلايه؟ قول .. ليش سكت؟
أحمد و هو يضحك: أقص عليج، انت غاوية و حلوة و فنانة بدون شي .. عيل شو إذا تعدلتي
حصة و خدودها استون طماطة: شكراً .. هذا من ذوقك، اوه نسيت .. تعال أدخنك
يوم حصة كانت تدخن أحمد، دخلت ميثا فجأة
ميثا و هيه تصارخ: Bonjur people
حصة نقزت و جان ما يطيح عنها الدخون بس مسكه أحمد
أحمد: شو بلاج داخلة جي بلا احم و لا دستور .. انت ما تستحين؟ اللحين لو طاح الفحم عليه و لا على حصة، شو بيستوي؟ ها؟ بلاج ساكتة؟ ارمسي .. و لا ما عندج ويه
كل هذا الكلام انقال لميثا و هيه كانت ساكتة، بدت تدمع لأنه أول مرة حد يقولها جي، فطلعت من الحجرة
حصة: حرام عليك، ما جفت شكلها
أحمد ندم على اللي قاله بس ما حب يبين: تستاهل
حصة سكتت لانها تعرف انه اللي سوته ميثا غلط بس ميثا ربيعتها الروح بالروح و بنت عمها و أقرب الناس الها
انفج باب الحمام و طلع منه سعيد
سعيد: حصووص، تعالي بسرعة دخنيني
حصة و هي مبوزة: انزين انزين ياية .. بدت تدخنه
سعيد مستغرب: شو بلاج حصيص؟ حد مزعلنج؟
حصة ساكتة
سعيد: افااا، أنا أخوج العود، منو اللي يظايج بـ الحص عشان اكسر ايده
حصة: منو غيري جدامك .. و طلعت برع الحجرة عشان تخدن باقي اخوانها
سعيد صد ع أحمد مستغرب: أحمد، شو سويت؟
أحمد سرحان
سعيد: أحمد .. أاااحـــــمــــــد .. Earth to Ahmad
أحمد: ها ها؟؟
سعيد: من ساعة يالس أرمسك .. شو بلاها الحص؟
أحمد: بعدين بعدين
سعيد: أمرنا لله .. تعال نسير الميلس عند اخواني و ابوية
أحمد: يلا نسير

نهاية الجزء الأول

ظنكم شو بيستوي في الحفلة؟
هل بيستوي شي بين أحمد و ميثا؟
وين سايرين هل بوسيف؟
هزاع و موزة و الخطبة .. هل بيحدث أي تطور؟

ترقبوا كل هالأحداث في الجزء الثاني مع الكاتبة ريانيـة ملسونـة

في انتظار تعليقاتكم و انتقاداتكم .. أي شي في خاطركم قولوه .. لا تترددون ..

 

[ضوى العيون]

الجزء الثاني



---------------
في الميلس
الساعة 8:45
-------------

الكل كان قاعد عايلة يمعه المهيري وراشد المهيري .. وبوهزاع وهزاع وعمام هزاع..
بوهزاع : والله يابو سعيد انا اليوم ياي وخاطري انه نملج على البنت الاسبوع الياي والولد حشرني يبى يملج ..
بوسعيد :والله ماادري شقولك .. بس انا بشاور الام والبنت .. وبنشوف..
بوهزاع: امممم والله يعني انا اقوول لو تسالهم اللحين لانه الولد من اسبوعين قالي انه يبا يملج
هزاع:هيه والله يا عمي انا خاطري املج على موزة ..
بوسعيد :والله ماادري شقولكم بس (ولف صوب سعيد وهو مبتسم ) سعيد قم سير واسال امك ..
سعيد:ان شاء الله ..
و سار سعيد ..
بوهزاع :شخبار مزرعتكم اللي في ليوا ..
بوخليفة : والله تمام .. كل فترة و فترة نسير هناك ..
وتموا يسولفون تقريبا ربع ساعة ودخل سعيد وهو شاق الحلج ..
سعيد:وافقوا ..
بوهزاع :مبرووك مبرووك ياولديي >>اللي يقول بيعرس خخ..
هزاع :الله يبارك فيك ..
ووايهوا الريايل هزاع وابوه وبوسعيد .. وباركوا لهم ..

---------------
في الصالة >>عند البنات <<
الساعة 9:15..
---------------

الريم وروضـة وموزة ونورة ورفيعه كانوا يالسين ..
رفيعه :موزو اللي ماخذ بالج يتهنا به ..
موزة سرحانه : -------------
الريم :اختي ينت و يلست ..
روضـة:ههههههههههههه المهم مادريتوا ..
كلهم : شوووو..؟؟
روضــه:سمعت نشيده واايد حلووه ..
الريم: استويتي مطوعه ..
روضة :شو بلاهم المطاوعه بس صدق اني لين اللحين اسمع اغاني بس هالنشيده عيبتني ..
رفيعه :انزين شو هي ..
روضة :فرشي التراب ..
رفيعة:هيه هاذي سمعتها .. ووااايد وااايد حلووه ..
الريم : المنشد شسمه ؟؟
روضة :اسمه مشاري العراده اعتقد >>مب متاكده
نوره : لهالدرجه حلووه ..
روضة : هيه .. واايد حلووه ..
موزة :اممم اقول شسالفة .. ؟؟
كلهم :ههههههههههه
روضة :انتي خلج مع احلامج ..
موزه :سبااله جب ..
روضة:محد سبال غير ريلج ..
موزه :ايه .. حدج على ريلي ..
الريم:سكتوا سكتوا انتوا بس ..
رفيعه:شوفوا انا متزوجة واستحي مالت عليكم ..
الريم :غصوون الجنه خخخخخخخخخخ..
رفيعه :ريمو يالسباله .. ههههههههههه
روضــة:سخاافه شو يضحك ..
الريم : انزين بقولكم نكته ..
كلهم : شووو ؟؟؟
الريم :في واحد مشى لقى مشمشه كلاها ومشى ..
رواضي و رفوع تموا يفلعونها بالمخدات ..

-----------------------
في سيارة سيف ..
الساعه 12 فليل
-------------

كانوا الجماعه رادين من عرس حد من معارفهم في عيمان
ام سيف : سيف يمه لا تسرع ..
سيف يضحك : يمه لاتخافين .. هههههههههه انا سيف مب اي واحد..
عاشه :سيف حبيبي غير القناة وحطلي قناه القرآن .. انا حاسه بشي ..
سيف : ههههههههههههه عوويش انزين انزين وغير القناه ..
كنه :سيفوو انا احب نفسي ماابي امووت .
سيف:كنووه انزين انزين انا ماامشي سريع ..
كنه :كيف مب سريع وانت تمشي على 150 ..
سيف:انزين انزين ..
ومرة وحده طلعتله شاحنه من جدامه وسيف ماعرف شسوي .. وفج السكان ..والتفت السيارة وانجلبت 4 جلبات ..
سيف هو اكثر واحد تضرر بس الام وكنه وعويش واليهال مافي الا رضات وكنه كسر في ايدها لانها يالسه جدام لان عويش ماتبى تيلس وامها ماتحب والبشكارتين مافيهم شي..

----------------
في المستشفى
3 الفير..
--------------

كنه وعويش والام والابو وبو عبيد وبومنصور .. كانوا قاعديين ينتظرون الدكتور يطلع عشان يسالونه عن سيف ...اول ماطلع الدكتور قام بوسيف وبومنصور وبوعبيد صوبه بسرررعة ..
بوسيف :دكتوور شلونه سيف شو فيه ؟؟
الدكتور وهو منزل راسه : انت شو تقرب له ..؟؟
بوسيف :دكتوور قول انا ابوه .. قول ولدي الوحيد شنو فيه ..
الدكتور بتردد :اممممممممم الولد تعووق.. وصار مشلول..
بو سيف :لا لا لا لا لا انت شنو تقول ولدي سيف معووق ..انا اليوم شفته كان يظحك .. لا انت تجذب علي انا ابى اشوفه لا لا لا ..
وقعد بوسيف يصيح شرات الياهل .. وام سيف اول ماعرفت بالخبر ياتها جلطه وودوها العنايــه .. وعويش وكنه .. حالتهم حاله مايعرفوون شو يسوون .. يتمون عند امهم ولا يتمون عند سيف..

-------------
يوم الاثنين ..
الساعة 10 الصبح
في حوي بيت بوخليفة
----------------

روضه: ريمو حصووه ميثوو ..
الكل : نعم خير شو تبين ؟؟
روضة :ههههههههه ماشاء الله تقرون افكار بعض ..خخخخخخخخ
حصة :لاتحسدينا ..
الريم:فديتها بنت عمي عيونها بارد ..
روضة :المهم احم احم احم خاطري نتسابق..
الريم:لا لا لا وين تبين عشان احمداني يهاوشنا ..
هني ميثا تذكرت امس بس سوت نفسها عادي ..
الريم : تدروون يوم الخميس خالد وناصر بيرجعون من السفر ..
حصوه: هع هع هع هع هع ..
روضة :شنو هالضحكة البليده ..
ميثا: امممم اقول روضوه رايي من رايج ؟؟
وقعدوا يربعون ويتسابقون لين ريمو وقفت لان حست ان في شي متعلق عليها .. ومره وحده صرخت ..
روضة : تعالواااااااااااااا .. عنكبوت عليه .. بسرررررررررعه ..
وتمت متيبسه وروضوه تموت من الخوف من العنكبوت ..
حصه:ههههههههههههههههه شوفوا الشكل انتوا بس..
ومره طلعت امهم وهي تصيح ..
روضوه : ماما ماما شو فيج ؟؟
ام خليفة ماردت ..
روضه :يمه شو استوى ..
ام خليفة : اه يابنتي ..سيف ولد اعز ربيعاتي تشلل ..تشلل امس في حادث.. وام سيف من سمعت بالخبر ياتها جلطه وهي اللحين في المستشفى ,,
روضوه دارت فيها الدنيا لا سيف اللي كانت تلعب معاه هي وريمو يوم كانوا صغار تعوق .. لا لا مستحيل نزلت دمعه من عينها..
الريم :انتي ليش تصيحين ؟؟
روضه : ريمو انتي تعرفين من هاي سيف.؟؟
الريم :لا مااتذكر ..
روضه :تذكرين هذاك اللي كنت انا وانتي نلعب معاه يوم احنا صغار.. هذاك اللي انا دعمته بالسيكل وطاح و انشق راسه وبعدين خيطوله .. ..
الريم انصدمت : شوووووووووووووووووو؟؟ هذاك اللي كان ايبلج حلاويات من الدكان وانا كنت اتضارب معاج بسبته ..
روضه ودموعها على خدها : هيه هو هو .. اللحين مايقدر يلعب ولا يقدر يركض.. حراااااااااااااااااااام..
الريم نزلت دمعه : مسكيييييييييييييين مايستااهل ..
حصه : انتوا شسالفة من ها سيف ؟؟
روضوه وريمو عطوها اكبر طاف وراحوا حجرة روضوه ..

 

[ضوى العيون]

----------------
يوم الخميس ..
الساعة 7:45
بيت بو خليفة
----------

اليوم خالد وناصر بيرجعون من لندن ..والكل متيمع عشان يستقبولنهم .. ومره وحده انفتح الباب .. ودخل خليفة وخالد وناصر ..
ام خليفة :ولدي حبيبي ..
الكل سلم على خالد و ناصر.. الكل كان قاعد علي بن يمعه ومحمد بن يمعه وحمده بن يمعه ومايد بن راشد وهند بن راشد وجابر بن راشد ..وعيالهم ..
خالد وناصر كانوا واااااااااااااااااااااااااايد واااااااااااااااااايد مستانسين .......
خالد : روضوه محلووه ..
روضه اونها استحت :خخخخخخخخخخخخخخخ اخجلت تواضعي ..
خالد :هههههههههههههههههه بعد مغروره .. اممممم شخبار الـ الـ ..
روضوه :من الـ الـ الـ ..
خالد:اللي قلتلج اول مااوصل بسألج عنه ..(كان يقصد شعرها)
روضه:ههههههههههههههههههه هيه تذكرت .. احم احم احم اتكلم بطريقتنا الخاصة ..
خالد:ههههههههههههههه اوكيك ..
روضوه تتكلم بطريتهم الخاصة واللي هي انهم يقلبون اول حرفين من الكلمه :ههههههههه وطل صوار يلن هظري (هههههههههههههه طول وصار لين ظهري)
خالد:هههههههههههههه لحظة لحظة .. هيه هيه فهمت .. انزين شخبار ..؟؟؟
روضه فهمت انه يقصد الريم : يسلم عليك ..
ناصر:خلااص مللتونا ما تسوى عليك دلوعتك ..
روضه :هههههههههههههه نصور وطلع لك السان اخاف هاي كله من تحت راس خلوود..
ناصر:نصوور فعينج ..
روضه:جب جب جب كيفي نصووور نصوور ..
وسكتوا شوي..
ناصر:روضوووووووووه ..
روضه :نعم ..
ناصر:لا بس اجرب صوتي..
روضه فلعته بالمخده:سخيييييييييييييييييف..
ناصر :طالع عليج ..
طبعا مستغربين ليش الريم وخالد ساكتين الريم طبعا مستحيه وخالد تم يطالعها ..
حصه :اقوول انا ابي اتكلم معاكم ..
نصوور :اوكيك حياج الله حصووه من زمان ماسمعت سوالفج.. وبعد كبرتي وقمتي تتغطين ,
روضه انقهرت :افففففففففففف وانا يعني بنت البطه السوده ..
الكل :هههههههههههههههههههههههههههه
ناصر:ليش تغارين .. ؟؟
روضه:على شنو يا حظي ..
ناصر:ههههههههههههه انتي اصلا روضة البنات..
حصه غمزت له : اقوول نصوور ..
ناصر فهم حركتها ..: امري حصوصتي ..
حصه: شراايك انا وانت وميثوو وخلوود وسعيد واحمداني والريم نرووح المطعم ونخلي روضوه في البيت ..
ناصر ماحب يزعل روضه بس كمل التمثيلية : يلا قومي لبسي وانا بدق لسعيد واحمد وخالد بيقوم معاي..
روضة زعلت من خاطرها بس سكتت
خالد :يلا احنا بنستأذن من الشواب..
حصه:من صجكم؟؟
سعيد و خالد:والله
خالد:يلا قوموا ..
وقاموا كلهم الا روضوه ..
خالد قام وراح يبدل.. والريم راحت بيتهم مع حصوه وميثو عشان يقولون لسعيد واحمداني ومحد تم في الصالة غير روضة وناصر..
ناصر:انتي مابتسيرين؟؟
روضه لفت راسها لانه حز في خاطرها: مايخصك ..
ناصر:هههههههههههههههه روضوه انا سمعت انج دلوووعة وبزااايه بس عاد مب جذيه ..
روضه لفت راسها ومسكت الريمود الكنترول.. وبدلت القنوات وحطت الميدان .. وكانت الساعة 9 ونص ..
روضه :فديت الخاصووني انا فديت بوسنيده ..
ناصر على ويهه مليون علامة استفهام : انتي تحبين راشد .؟؟
روضه:هيه راشد وسهيـل .. هالاثنين ..
ناصر:انا بعد ومحمد بعد حركاته حلووه ..
روضه : اليوم اخر حلقة اللحين اعاده لانه هذاك الاسبوع كان مباشر و قالوا انه بيعيدونه على مدرا اسبوعين ..
ناصر: صدق .. خلاص انا بتم اطالعه ..
روضه:هههههههههههههههههههههههه ..
وتموا يطالعون الميدان وناصر خذ العصا وتم ايوول معاهم ..
و روضه تصفق وتصفر..
روضه:عااااااااشووووووووو عاشوووووووووووو..
ناصر: هع هع هع شرايج انا احلى ولاهم ..؟؟
روضه:الصراحه الصراحه هم .. لا لا لا كلكم نفس الشي..
ناصر:مالت عليج ..
روضه:غصون الجنه ..
ودخلوا كلهم وكانوا بيروحون بس..
سعيد :روااضي مابتين ..؟؟
روضه تمت تتلفت :اووه سعيد يسال عني شستوى فالدنيا..
سعيد :ماستوى شي.. خخخخخخخخخخخخخخخ..
روضه اونها تتغلى:هههههههههههههههه لا لا انا ماابى أسير..
خالد: يلا روضوه حبيبتي تعالي..
روضه ابتسمت: عشان خاطر اخوي حبيبي بيي..
خالد ابتسم ولوا عليها.:فديتج اناا ..
راحوا كلهم للمطعم .. وهم مستانسين ..

-----------
في المطعم
الساعة 9:30
----------

روضه :جب جب جب انزين سخيــف ..
سعيد :ههههههههههههه انتوا شوفوا الشكل لهالدرجة تكرهيني ..
روضه وهي حمراا : حماار والله اني احبك عادي بس والله تبطون الجبد .. افففففففففففف..
حصه:هههههههههههههههههههههههههههه سعيد والله انك ..
الريم: امممم انا ابى ماي..
حصه + ميثه : هع هع هع هع ..
روضه:شيضحك ..
حصه:بوالشباب اسكت ومايخصك ..
روضه فلعتهم بالمخده اللي متسنده عليها .:جب جب جب انتي يا بوشهاب ..
حصوه:هع هع هع وانتي بوسنيده ...
سعيد ونصور وخالد مره وحده:بناااااااات ,,
كلهم :ههههههههههههههههههههههههههههههههههههههههههههههههه هههه...
ناصر و شكله مصعب :روضوه خلاص اسكتي .. شوفي الناس كيف يطالعونج ..؟؟
روضه بوزت:انزين ليش بس انا .؟؟
ناصر:لان انتي الوحيده اللي من مساعه تتكلمين ..
روضه سكتت و حز في خاطرها .. وشوي وتصيــح اول مره تحتك في ناصر ويهزبها .....
الكل كــان مستغرب من تصرف ناصر .. وناصر تلوم فيها .. المهم الكل قعد يسولف ماعدا روضه لانها واايد حساسه .. وماكلت ..
خالد:روضوه ليش ماتاكلين ..؟؟
روضه بصوت واطي ..:ماابى شبعت ..
ناصر وهو معصب :اكلي عن البزا ...
روضوه حست انها خلااااااص بتصيح :ناصر انت شفيك علي من مساعــة قاعده تهزبني خلاااص شفيــك ..؟؟انا ماسويت شي غلط ..(وهني صاااحت ونزلت دموعها شلالات ) افففف تقههر اكرهــك,.
سارت على طول صوب الحمامات وقعدت تصيح وبعدين عدلت جحالها .. ورجعت لهم .. وكانت هي قاعده مجابلة ناصر وهي كانت قاعده عند الطوفه .. وجنبها الريم ومجابله خالد جنب الريم حصة وجنب حصة ميثا ومجابل حصة سعيد ومجابل ميثا احمد ..

خالد:احم احم شرايكم نرووح البحر ..
حصووه :لا وين تبا اللحين الساعه 11 وين تبا ومن العين لين بوظبي ساعة إلا ربع .. لين ما نسير و نرد بيستوي نص الليل
سعيد: عادي عادي .. شو رايكم نسير بحر جميرا في دبي أحسن؟
ميثا: هيه هيه .. و نبات في فندق .. بلييز عشان خاطري!!
خالد:انزين انا بستاذن من الشواب ..وبقولهم انه نحن بنرقد اليوم في جميرا بيتش ..
كلهم ماعدا روضوه السرحانه :قوول والله ..
خالد:هههههههههه والله..
ساروا البيت و استأذنوا من الشواب وكل واحد خذ اغراضه وخالد بالغصب حصل حجز في جميرا بيتش وتوجهوا لهناك .. وكلهم ساروا في سيارتين .. سيارة احمد وسعيد وميثا و حصة وسيارة ناصر وخالد والريم وروضه ..

---------------
في سياره ناصر..
الساعة 12.فليل
--------------

ناصر كان قاعد يسوق وقاعده وراه روضه وطبعا خالد جدام ووراه الريم وكلهم قاعدين يسولفون ماعدا روضه اللي لفت راسها صوب الشارع .. وحطت راسها على الباب وسرحت ..
خالد:روضــة..روضوه.. روااضي .. روويض . اووووووه رضرض ...
روضه سرحانه : ----------------..
خالد:روااااااااااااااااااااااضي..
روضه انتبهت :هلا نعم ..؟؟
خالد: حوووووووو وين سرتي ؟؟..
روضه وهي متغشيه: ولامكان موجوده ..
خالد: حبيبي لاتزعلين ترا ناصر مايقصد وهو بروحه عصبي وكل شي عنده منقوود وعييب..
ناصر بتردد: احم احم امممم روضه انا .. انا في حياتي ماتاسفت من حد غير امي وابوي طبعا.. وانا اللحين اقولج .. (بعد فترة صمت ) .. امممم رواضــي انا .. انا اسـف,,>>صيووو صوااريخ بلفيت انه ماتاسف من حد غير امي وابوي صيووو صوواااااااريخ ..<<
روضه دموعها شلالات على ويها وصوتها مبحوح من كثر الصياح : لا (وهني راح صوتها ) عادي (ورجع صوتها بس بصوت واطي قالت ) مسمــوح ..
ناصر تلوم فيها واااااااااايد .. مايدري ليش هي بالذات يهتم فيها هالكثر,,

----------
في فندقة جميرا بيتش
الساعة 3 فليل..
------------

عقب ما ساوروا البحر و يلسوا فيه و استانسوا .. ساروا الفندق
خالد:اففففففففف انا تعبااان واااااااااااايد متى نرووح الغرف
هم كانوا حاجزين سويتين .. سويت للشباب وسويت للبنات ..
ناصر وبصوته التعباان .. :يلا الريال يقول لنا تعالوا ..
وراحوا كلهم فوق..
--------------
يوم الجمعه..
الساعه 2 الظهر
في فندق جميرا بيتش ..
--------------

بعد مارجعوا الشباب من المسيد راحوا سويت البنات عشان هم يبون يطلعون .. فتحت الريم الباب وهي تضحك .
الريم:ههههههههههههههههههههه دشوا دشوا ..
خالد:ريموو شفيج تضحكين ..؟؟
الريم :انت روح وشوف اختك شلون شكلها .. هههههههههههه امس فليل بطووله قاعده تصيــح واللحين قاعده من النوم وعيونها منتفخه وحمر .. ههههههههههههه تخرع..
ناصر نزل راسه ماعرف شيقوول ..:--------------..
الريم : نصوور لاتتضايق تراه صج دفشه بس بعد بزاايه ..
ناصر:نصووور في عينج يالسباله ..
خالد: ايه ايه لا تسبها .. مالك خص فيها .. و انت ريماني ليش تدلعينه؟؟ منو خطيبج؟ أنا و لا هو؟؟
الريم احمرت و نزلت راسها: انزين حياكم تفضلوا ..
الريم ماكانت تعرف ان روضه قاعده في الصالة ودخلت الشباب بس سعيد واحمد قالوا انهم بيلحقونهم.. وخالد قال حق الريم انه يبى يروح الحمام ((الله يعزكم)) الريم راحت تيب الفواله .. دخل ناصر وشاف روضه قاعده وشيلتها على كتفها وكانت لابسه بنطلون سماوي وفوقه تنورة قصيره بيضة ومكتوب على جنب baby girl بالسماوي وقميص أبيض مكتوب عليه baby girl بالسمواي وشعرها يوصل لين نهاية ظهرها .. ناصر تخبل ماعرف شيقول وقلبه تم يدق بس تذكر شي انه هي مب محرم عليه ورجع بسرعة و دق الباب..
ناصر:هوووووووووووود هووووووووووووود..
روضه :ناااااااصر اصبــر اصبــر ..
ولبست عبايتها اللي كانت موجوده على الكرسي...ولفت الشيلة عدل ..
روضه:ادخل ..
ناصر دخل..وقعد ..وبعد صمت دام 5 دقايق..
ناصر:روااضي.
روضه:هلا..
ناصر:امم انا اسف ..
روضه نزلت راسه :لا لا لا عادي مسمووح ..
وتدخل عليهم حصه..
حصه :عيب عيب ليش قاعدين بروحكم ..
ناصر:كيفنا .. واصلا اخوج في الحمام الله يعزج وريمو راحت تيب الفواله ..
حصه:خخخخخخخخخخ شقلتوا ..
روضه:شايفتنا عشاق ..
حصه: كلشي جايز ..
ناصر + روضوه: سخيـــــــــــــــــــــــــــــــــــــــــــفة
حصه:هههههههههههههههه انزين لايطيح نصكم ..
روضه:جب جب جب ..
ناصر:انزين يلا قوموا لانه اللحين بنروح البحر ..
حصه برطمت :لحظة لحظة انتوا بتسبحون في البحر..
ناصر:اف كورس..
روضه وحصه في نفس الوقت :لاااااااااااااااا حرام
كلهم :هههههههههههههههههههههههههههههههههههههههههه..
حصه:نبى نسبح معاكم ..
ناصر: لا لا لا...
روضه:افففففففففففف انزين يعني شنو نسوي وحصوه يالهبله شلون نسبح بالشيلة ..
حصه:خخخخخخخخخخخخ هي والله..
روضه:نصووور ..
ناصر :هههههههههههههههههه نصوور في عينج . امري تدللي,,
روضه:نصوور الله يخليك انت لاتسبح وحوط فينا.. عااااااااااد..
ناصر:لا لا لا اصلا هم مابيرضون..
روضه برطمت :الله يخليك ..
ناصر:لالا يعني لا..
روضه بخبث:لو ماحوطت فينا بتم زعلانه عليك..
ناصر:هههههههههه انزين خلاص وانا بقول للشباب..
روضه:واخيرا واخيرا ...
حصه:فديت نصوري..
ناصر:هههههه وين تبين تتفديني..
حصه:يالغبي اعبر عن شعوري..
ناصر:هههههههههههههههههههههههههههههههههههههه..واالل ه انج تحفه ..
حصه:ههههههههههههههههههههاااااااااااي وليش ماحطوني في المتحف ..خخخخخخخخخخ
ناصر:سخيفة ..
حصووه:طالعه عليك ..
ميثه وهي تدخل ..
ميثه:هلاااااااااااااااااااااااا..
حصه :اهلييييييييين وسهليييييييييين ..
ميثه:اخبارك نصووور اخبارج روضووه..
ناصر:خخخخخخخخخخخخخخخخخخخ انا تماموو وانتي ...
روضه:انا الحمدلله وانتي ؟؟
ميثه:انا من شفتكم صرت مب زينه ..
ناصر:مالت عليج يحصلج اصلا ..

 

[ضوى العيون]

------------------
في بيت بوسيف ..
الساعة 6 المغرب
-----------------

سيف بعد الحادث صار مايقدر يتكلم عدل .. ومايقدر يحرك ااي شي من جسمه غير ويهه ويده .. الكل كان قاعد .. و يطالع سيف بحزن ..

سيف بطريقة غير مفهومه .:امايه ابى ماي ..
ام سيف:شنو يمه ..
سيف:امايه ماي ماي (ويسوي حركه بيده انه ماي((
ام سيف نزلت دمعتها:ان شالله يا وليدي..
كنه:سيف حبيبي تبى تروح ترقد..
سيف سوى حره لا بيده ..
كنه :سيف حبيبي لا تعب نفسك ورح ارقد لك كم من ساعه..
سيف بعصبيه:قلتلج ماابي افففف..
وحرك سيف الكرسي بيده .. وتحرك بعصبيه .. ودخل غرفته او ملجأه ..
بوسيف:يبه كنه ليش غصبتيه ..
كنه:يبه انت شوفه شلوون تعبان..
بوسيف: لاحول ولاقوة الا بالله ..

----------------
يوم السبت ..
الساعه..7 فليل
في بيت بوناصر..
------------------

نورة اللي محد يدري عنها واحد ظافها من يومين وهي بدون ماتقصد وافقت وهو وااحد خبيث وكلمته وعلبالها بنيه بس بعدين طلع ولد وقعد يقنعها واونه طيب ..
نوره >>مب فاظيه تكتب نكات ..<<
هلا والله شلونك راشد ..

راشد
هلا الغاليه شلونج ساره >>اونه مغيره اسمها ..

نوره
انا الحمدلله وانت ..

راشد
تمام دامني كلمتج..

نوره
عن الجذب..

راشد
والله صدقيني تراني قلتلج كل شي عني وقلت لج انه البنات يلحقوني بس انا مااعطيهم ويهه..

نوره
كل هذا عشاني..

راشد بخبث..
كل هذا عشانج وعشان شي ثاني..

نوره >>ماانتبهت على النص الثاني
هههههههههههههههههههههههههه ((وحطت ويهه خجول))

راشد
ساروو

نوره
احم احم هلا..

راشد
ابي اشوفج..

نوره
مستحيل..

راشد ..
الله يخليج ..

نورة
تبى اخوي ناصر يذبحني ..

راشد
اخوج شسمه الكامل .

نوره
ليش شيخصك انت؟؟

راشد
لان عند ربيع اسمه ناصر الـ ...

نوره
اخوي اسمه الكامل..ناصر بن مايد بن راشد الـ ....

راشد انصدم ..
قولي والله

نوره استغربت ..
والله ليش..

راشد
اوكيك نوره عن اذنج ..

نوره
لحظة شلون عرفت اسمي ..

راشد
نورو مب فايجلج بدش الفليل وبقولج كل شي...

 

[ضوى العيون]

الجــــزء الثالث

بقلم: فراشة جميرا

------------------------------
بيت بوخليفة
الساعه 8 المسا
------------------------------

ردوا الجماعة من دبي يوم الجمعة المسا، و كلهم متيمعين اليوم بيت بوخليفة عقب ما صلاة العشا، عايلة بوخليفة و بوسعيد و بوناصر، الكل إلا نورة بنت بوناصر و الشباب عقب ما صلوا ساروا ميلس واحد من الربع
ام خليفة تسولف مع ام ناصر و ام سعيد: حليلها سلامة .. الله يعينها
ام سعيد: آمين .. إلا شخبارها اللحين؟
ام خليفة: اتصلت اليوم و ردت عليه عاشه و قالتلي انها بخير
ام ناصر: الحمدالله .. شحال ولدها؟ سيف صح؟
ام خليفة: هيه .. ولدها الوحيد سيف .. شو رايكم نزورهم و نطمن عليهم مره وحده؟
ام سعيد: و الله انها فكرة .. تعالوا نسأل الشواب
ام خليفة: بوخليفة .. بغيتك في حاية
بوخليفة: سمي .. آمري .. و تدللي
روضة: اووه، الشواب يعرفون يغازلون .. و تصفر
ام خليفة تفرها بالمخده: اسكتي اسكتي أحسن لج .. بوخليفة .. بغينا نزور ربيعتية سلامة
بوخليفة: ام سيف؟ هذا اللي ولدها متعوق و مشلول؟
ام ناصر: هيه هذا هو .. تدري انه تعوق و (قالت له كل السالفه مع انه يعرف السالفه بس تراها تموت في الحش)
بوناصر: حليله .. زين جان تبون تزورونه .. بس متى تبون تسيرون؟
ام خليفة: باجر عقب الغدا .. شو الراي؟ موافقين؟
روضة: اماية .. نبغي نسير
اليدة دشت عليهم و سمعت آخر شي قالته روضه: وين تبن تسيرن؟
ام سعيد: نبغي نسير عند هل دبي .. ام سيف
اليدة: عيل خذوني معاكم .. و انتي رواضي شعنه تسيرين؟ قري .. قري في البيت
الريم: امييييييه، حرام عليج .. نبغي نسير و نزورهم .. ترى سيف مثل أخونا الصغير
ميثا: من زمان سألناكم منو سيف و ما تردون .. منو سيف هذا بعد؟
روضة: اوه، اسكتي لا .. امايه .. لا تردينا .. امكن نفرح سيف شوي
حصه و تتلزق في ابوها: ابويه .. باباتي .. قولي منو سيف؟
روضة: و انتي شدخلج؟
اليدة: وابويه أنا .. بنيه ترمس ابوها .. انتي اللي داشه غلط مب هيه
ميثا: وييوو .. قفطوها
اليدة: لحظه لحظه .. وين مواز؟؟
حصه: تشرف ع البشاكير في المطبخ .. تعرفينها يدو .. تموت في الطبخ و المعابل
اليدة: أكيد بتطلع حرمة غاوية و زينة .. و أهل ريلها بيتمدحون في أهلها و تربيتها .. مب مثل بعض الناس
روضه متشككه: منو تقصدين؟
اليدة تطالعها كأنها تقولها انتي: بنت .. ما تعرف للسنع طريج
روضه: ابويه .. جوف يدو .. يعني أنا ماعرف السنع
اليدة: طاعوا هاي .. تخبرين عليه عند ابوج .. صدق ما تستحين
ميثا: اليوم اليوم العالمي لتقفيط رواضي و لا شو؟
ام خليفه: روضه اتأدبي زين .. هاي يدتج
حصه: انزين ما قلتولي منو هذا سيف؟
الريم: سيف ولد أصغر عني بسنة .. اللحين لازم يكون 18 سنة .. قبل كانوا هله عايشين في العين .. بس ابوهم حصل شغله زينه في دبي فانتقلوا .. كانوا في فريجنا .. و كانت واايد معانا .. كأنهم من عايلتنا .. و هو مثل أخونا الصغير .. عنده اختين كبار .. عاشة و كنة .. عاشة واايد طيبة بس كنة تقهر و شايفه عمرها .. على شو مادري .. المهم .. كان سيف واايد مع روضة .. عكسي .. كنت أنا اللي أتظارب معاه .. و قبل كم من يوم سوى حادث و تعوق و استوى مشلول .. الدكتور يقول يقدر يتعالج .. (تنهدت) .. خلاص خلصت .. أبى ماي .. و ركضت المطبخ
ميثا: بل بل بل من بنية .. تتكلم بسرعه
اليدة: بسم الله عليها .. شعنه تدعين عليها
ميثا: ما سويت شوي .. تفو تفو عليها .. رظيتي يدو
حصه: و ليش نحن ما نتذكرهم؟
بو سعيد: لأنهم يوم انتقلوا كنتوا صغار .. كان عمركم أربع أو خمس
حصه: هيه .. انزين امايه .. نحن نبغي نزورهم
اليدة: بتين معانا .. بس روضه لا
روضه تصارخ: نعم نعم .. ليش يعني هيه و أنا لا؟ مالي خص بسير يعني بسير
دخلوا الشباب على صوت روضه
خالد: بسم الله شو بلاج رواضي؟
روضه مبوزه: كله من يدتك .. تخلي اليهال يسيرون و أنا ما أسير
ناصر: وين بتسيرون؟
حصه: يقولون بيت بوسيف
خالد: انزين شو يعني .. و سار المطبخ يشرب ماي
ميثا تصاصر حصه: خلود يدري ان الريم في المطبخ؟
حصه تهمس: لا .. ما ظن .. شو رايج نوايج عليهم؟
ميثا: يلا تعالي بسرعه .. و يسيرون شوي شوي المطبخ

------------------------------
في المطبخ
------------------------------

قبل ما تسير الريم المطبخ سارت الحمام (الله يعزكم) و فدخل خالد المطبخ قبلها
الريم تدخل المطبخ و تغني أغنية نانسي طب طب بس ما كانت منتبهه على خالد لأنه كان في طرف ما ينجاف عدال الثلاجه
خالد يصد عليها: ريماني .. ما شاء الله صوتج حلو
الريم احمر ويهها و بغت تشرد بس خالد زقرها
خالد: بغيتي شي من المطبخ؟
الريم: هيـ .. هيــــه .. أبغي .. أبغي ماي
خالد صبلها ماي و صباله في نفس الوقت: اندوج .. تفظلي
الريم و بعدها مستحيه: دام فظلك يا الغـ ...
خالد بخبث: يا شو؟ ما سمعت
الريم: ماشي ماشي (شربت الماي بسرعه و شردت)
خالد: فديتها أنا .. محد يسواها
حصه و ميثا يدخلون المطبخ فجأة
حصه: ولد عمي .. منو تتفدى؟ المطبخ خالي؟ ليكون الجنون؟
خالد: مالج خص .. شو يابج المطبخ أصلاً؟
ميثا: لا تحاول .. جفناكم .. بنخبر عليك يدو
خالد: خبروا خبروا .. بس هذا ويهي جان عطيتكم هداياكم
حصه: لا لا .. فديت ولد عمي أنا .. طيب و يسامح بسرعه .. صح؟
خالد: بسامحكم بس ..
ميثا: بس شو؟
خالد: بس إذا خليتوني مع الريم اليوم الفليل بروحنا

 

[ضوى العيون]

ميثا: الخلوة حرام
خالد: عيل ماشي هدايا
حصه: انزين انزين .. اتفقنا

------------------------------
بيت بوسعيد
الساعة 10:30
------------------------------

حصة و ميثا خططوا كل شي .. و لأن ميثا بترقد عند حصه .. بيكون هالشي أسهل عليهم فساروا حجرة الريم
طق طق طق
الريم: منو؟
حصة: نحن
الريم: انتوا منو؟
حصه: ريماني اختي حبيبتي فجي الباب
الريم تفتح الباب: حصه .. انت محمومه و لا شي؟
ميثا تدخل بدفاشه: عدنا مشكله و نبغيج تساعدينا
الريم: انزين شوي شوي .. شو هالمشكله اللي انتوا .. ميثو و حصوص .. ما قدرتوا تحلونها؟
حصه: البسي شيلتج و تعالي معانا الميلس، نخاف نطلع برع في الظلام
الريم: انتوا .. انتوا تخافون من الظلام؟ مستحيل .. ماصدق
ميثا: تصدقين و لا ما تصدقين .. يلا ودينا .. نبغي ناخذ شي من الميلس
الريم: انزين يلا
نزلوا تحت و طلعوا برع لين ما وصلوا الميلس بس ما دخلوا
الريم: شو بلاكم؟ يلا دخلوا .. أنا بترايكم برع
حصه: نخاف .. عادي تفجين الليت عقب بندخل؟
الريم: شي بلاكم اليوم .. يلا أمرنا لله .. تدخل داخل الميلس و تفج الليت بس ميثا و حصه صكوا الباب بسرعه و قفلوه بالمفتاح
الريم انتبهت ان حد موجود ورى الغنفه
الريم ميته خوف: منو .. منو مني؟؟ (بس محد رد عليها)
الريم تصارخ: ميثو .. حصوه .. فجوا الباب .. ما عليه .. فجوا الباب (بدت تصيح) بلييز فجوا الباب .. حرام عليكم .. ما سويتلكم شي، فجوووه .. ما بسويبكم شي .. بس فجوا الباب
حصه و ميثا خافن عليها بس قدرن يستحملن شوي
خالد ظهر من ورى الغنفه و سوى عمره توه ناش من الرقاد: ريماني .. انت مني؟
الريم خف صياحها بس بعدها تصيح: سو .. سووري .. ما كنت أعرف .. انك .. انك منييييه
خالد: شو بلاج ريماني؟ ليش تصيحين؟
الريم هدت شوي: ميثا و .. ميثا و حصه قفلوا عليه البااااااب
خالد: ما عليه .. بهزبهم بعدين .. تعالي يلسي عدالي
الريم يلست بس مب عداله: خالد .. انت ليش راقد مني؟
خالد توتر: ااه .. ااه .. بس فجأة ميثا الباب بدفاشة كالعادة
ميثا: خلاص خلصتوا .. يلا برع .. يلا
الريم: ميثو .. و انت بعد حصوص .. أنا ما كلمكم
حصه: كنا نمزح بس .. ما نقصد
خالد اونه يهزبهم: هذي مزحه تمزحونها .. عاد أنا أرظى ع الكل إلا ريماني
الريم تلونت بس لازم ميثا تعلق
ميثا: بسكم .. ما شبعتوا تغازلون بعض .. خليناكم في الحجرة 10 دقايق و ما شبعتوا >> فظحت عمرها الحبيبه
حصه تنغزها: اسكتي اسكتي .. يلا .. يلا بااي .. تمط ميثا و تشرد
الريم: يلا أخليك .. أزعجتك
خالد: لا إزعاج و لا شي .. تعالي بوصلج
وصلها و سار بيته

------------------------------
بيت بوناصر
حجرة نورة
الساعة 2 الفليل
------------------------------

نورة كانت تتريا راشد من الساعه 10 بس ما دخل فقالت أرقد أحسن لي

------------------------------
بيت بوخليفة
يوم الاحد
عقب الغدا الساعه 3:30
------------------------------

اتصلت ام خليفة بـ ام سيف و قالتها انهم بيزورونهم اليوم العصر عقب اتيمعوا اللي بيسيرون عشان يركبون السيايير، ام خليفه و ام ناصر و ام سعيد و موزة و خليفة و حرمته في سيارة خليفة، اليدة و روضه و الريم و حصه و ميثا في سيارة الدريول

------------------------------
في سيارة الدريول
------------------------------

اليدة و حصه و الريم يالسات في النص أما روضه و ميثا معفوصات في الدبه
روضه: يدووو .. ميثو تقرصني
اليدة: تستاهلين .. ليش تين معانا؟
ميثا: يدو مري ع الايبكو
اليدة: ويدييه .. سايرين عند عرب و انت تفكرين في الاكل .. عوذ بالله من بنيه
ميثا و روضه يتضاربن و اليده تهزبهن كل دقيقه، أما عن حصه و الدريول ناقعين من الظحك، الله سلمهم و لا جان الدريول سوابهم حادث من كثر ما يظحك يهتز و عيونه تدمع، أما الريم سرحانه بحبيب القلب
روضه: يدوو .. ظحكتي علينا اللي يسوى و اللي ما يسوى
اليدة: اسكتي اسكتي .. ما تقدرين تسكتين؟
روضه: اففففففففف
اليدة تظربها بالعصا ع راسها بس يت بالغلط على ميثا
ميثا: ااااااااااي، يدو انتي عميه و لا شو؟
اليدة: أنا عميه مسودة الويه .. و ترد تظربها بس اهتزت السياره و العصا طارت ع راس الريم
الريم نقزت: شو مستوي؟
حصه: تو الناس .. كل هذا الصريخ و الظحك و انت سرحانه .. الحمدالله على نعمة العقل
الريم: اففف، و ترد تسرح
عقب طريج خذ ساعه و نص .. وصلوا الجماعه بيت بوسيف

 

[ضوى العيون]

------------------------------
بيت بوسيف
الساعه 5 العصر
------------------------------

ام سيف: مرحبا بكم .. هلا فيكم .. هلا بـ هل العين هلا .. دبي منوره بوجودكم
اليدة: مرحبا بج .. دبي منوره باهلها .. شحالج؟ شخبارج؟
ام سيف: يعلني ماخلا من هالشوف .. اليدة عدنا في البيت .. يعلها دايمه
ام خليفه: سلامي .. نسيتينا .. نحن هنيه بعد
ام سيف: لا طبعاً .. ما نسيتكم .. انتوا الخير و البركه .. بس طبعاً هذي ام علي .. و ام علي غير
ام سعيد: هيه و الله .. يلا بتوقفونا عند الباب
ام سيف منحرجه لأنها مب واايد مع ام سعيد و ام ناصر: سمحوليه .. نسيت .. تفظلوا تفظلوا .. حياكم .. اقربوا
اليدة: جريب ان شاء الله .. يلا .. آمنه .. وين البنات؟
ام ناصر: بعدهن في السياره .. بزقرهن .. ميثوو .. حصووه .. يلا تعالوا
الريم: يايين .. يايين خالوو .. و دخلوا داخل البيت
ام سيف: كنـــووو ..عــــواش .. انزلوا تحت
دخلن البنات و ثواني و نزلت عــــاشة و سلمت عليهم
ام خليفه: عيل وين كنة؟
عاشة: عند سيف ورى البيت .. تقول بتدخل يوم بيدخل سيف
ام سيف: جربوا فديتكم .. عاشة سيري ييبي الغسول و القهوة
عاشة: ان شاء الله اماية
ام سعيد: حصيص .. سيري وياها
ام سيف: مافي داعي .. خلها تتفاول
ميثا: أنا بسير وياها
اليدة تهمس لـ ميثا: قري .. قري مكانج .. عن تخربين مطبخهم
سارن عاشة و حصة المطبخ .. الحريم طبعاً يسولفون و يتخبرون عن بعض

------------------------------
في المطبخ
------------------------------

عاشة: حصه .. تقدرين تيلسين .. أنا بجهز كل شي
حصه: لا عمو .. أنا يايه أساعدج .. مب أخليج تعابلين بروحج
عاشه: لا عباله و لا شي .. انتوا ظيوفنا .. و بلاها هاي عموه .. لا تكبروني
حصه: خخخخ .. ان شاء الله عمـ .. ااه .. شسمج؟
عاشة تضحك: عاشه .. تقدرين تسميني عواش أو العاش
حصه: اممم .. لا العاش واايد رسمي .. عواش أحلى .. يلا عواش .. شو أسوي؟
عاشه: إذا من صدقج تبين تساعديني .. اغسلي الفناييل و الاستكانات (اللي يشربون فيه الجاهي) و الغسول
حصه: ان شــــــاء الله .. و بدت تغسل
عقب شوي يسعون صوت حد يصارخ
.......: سيفوو .. حرام عليك .. اشرب
سيف كان كلامه مب مفهوم بس اتحسن شوي: مابى .. مــــــابــــــى
كنة: اففففف، انزين، تعال نسير المطبخ .. و يدخلون الطبخ
كنة: سيفاني، تبغي شي قبل لا ندخل داخل
سيف يهز راسه .. كانوا بس يجوفون عاشة لأن حصة عند الثلاجة .. و الثلاجة على طرف و اللي يفج الثلاجة ما ينبان
كنة: عواشي .. منو يا عدنا ويا ام خليفه؟
عاشة: ام علي و ام سعيد و ام ناصر و بناتهم الكبار
كنة: عندهم بنيات كبرنا؟
عاشة: أكبرهم العنود حرمة خليفة ولد ام خليفة .. و موزة بنت ام سعيد
كنة: بسير عندهم عيل .. سيف بتي معايه؟
سيف يهز راسه
كنة: عاشة .. ييبيه وياج يوم بتين انزين؟
عاشة: اوكي .. و تطلع كنة و طبعاً حصة سمعت كل شي بس نست ان سيف ريال عود و تحرته ياهل لأنها ما سمعته يتكلم
حصة: عواش .. كم من برتقاله تبين؟ (ترفع راسها و تنصدم .. هيه لابسه الشيلة بس خصل من شعرها طالعات)
عاشة: حصيص .. إذا اخوويه سيف
حصه من كثر الهبل اللي فيها تغشت اونها عوده: السلام عليك اخويه؟ شحالك؟ (تصد على عاشه) كم برتقاله قلتي؟
عاشة: طلعي 16 حبه .. حصوص .. ليش تغشيتي؟
حصة: هذا ريال .. عود .. كبير .. اووه .. يعني حرام أطلع جدامه
عاشة: انتي ياهل .. و هو بعد .. يلا عاد .. لا تستهبلين
حصة تفج الغشوه و تكمل شغلها .. كانوا يعصرون عصير برتقال .. و يسوون قهوه و جاهي
بس حصه الهبله يالسه تحاول تعصر .. تحاول .. و كل مره شي يستوي .. يا تطير البرتقالة أو تنطر و سيف كان يالس يجوفها و في خاطره ناقع من الظحك
حصه: اففف، هالبرتقال مب راظي ينعصر .. أظني نقلي .. ما عندكم أصلي >> خخخخخ، وين تبى
عاشة و سيف نقعوا من الظحك .. و عاشة استغربت لأن سيف ما ظحك من أول ما استوى الحادث .. بس حصه و لا على بالها .. حتى ما لاحظت .. بس تبغي تكمل شغلها و تنجزه على أحسن شكل
عاشة: واااااي فديتك أنا .. حصوص .. سيف ظحك .. سيف ظحك
حصه تطالع و على ويهها نظرات تبين انها مافهمت شو السالفه
عاشه: حصه .. سيف من اول ما استوى الحادث و ما ظحك .. و انت ظحكتيه
حصه: قولي و الله .. يعني بيحطوني في كتاب الأرقام القياسية؟؟
عاشة: شكلج ما فهمتي، يلا خلصنا، تعالوا ندخل داخل

------------------------------
في الميلس
------------------------------

دخلوا داخل البيت و يابوا وياهم القهوه و الجاهي و العصير و ناولوا اليالسين
ميثا تكلم حصة: وينج تأخرتي .. خست و أنا أترياج .. ملل
حصة: عشان تعرفين غلاتي عندج
ميثا: جب جب .. انـــ
قاطعتها ام سيف تقول: هذا سيفاني ولدي .. سيف سلم على خالاتك
عقب ما سلم عليهم .. الريم و روضة سارن و يلسن عداله
روضة: سيف .. تتذكرنا؟
سيف يطالعهم و يحاول يتذكرهم
روضة: أنا روضة و هذي الريم .. يرانكم اللي في دبي
سيف: هيـــه .. اوكي (سيف بدت كلامته تقل و كل شي يقوله بسيط)
تمن روضة و الريم يسولفن وياه و سيف يرد عليهم بـ هيه و لا أو اوكي
العنود و عاشة و كنة و موزة يسولفون رواحهن و أيام الحريم يشاركونهم في الحوار
أما حصه و ميثا .. ما ظني يلسوا في مكان واحد .. حتى و هم يالسين .. يناقزون

عند قوم روضة .. سيف كان يطالع حصه و ميثا .. و روضة لاحظت عليه فقالتله: سيف؟ شو بلاك؟
سيف: منو هذيلا؟
الريم: اللي تشبهني شوي اختي حصه .. و الثانيه بنت عمي ميثا

 

[ضوى العيون]

سيف: كم عمارهم؟
روضه: 13 .. و اللي يجوف تصرفاتهن يتحراهن 9 و لا 10 .. مب 13
الريم و روضه استغربن تصرف سيف .. يسأل عن حصه و ميثا بس و عن الباقين لا
تعالوا نسير عند البنات المخطوبات و المعرسات
كنة: موزة .. انت مخطوبة لا؟ شو اسم خطيبج و ولد منو؟ متى ملجتج؟ و أكيد خطيبج حلو؟ و ...
عاشة: بس بس .. شو ها .. صبري شوي .. خليها تجاوب
موزة مستحية فـ العنود كانت تجاوب عنها .. و أصلاً موزة و العنود علاقتهم واايد قوية لأنهم متقاربين في العمر
العنود: خطيبها الغاوي اسمه هزاع بن .......... و ملجتهم بعدهم ما حددوها
عاشة: هيه ما شاء الله
كنة: انزين، عطونا أرقام تليفوناتكم عشان نسولف .. و عطوهم
عاشة: أكيد بتعزمونا، صح؟
كنة: أصلاً لازم تعزمنا .. غصباً عنها
عاشة: لا مب لازم .. إذا هيه حبت .. أصلاً ماظنتي ني الملجة .. امكن العرس بس الملجة ما أظن
موزة بدا حماسها: لا تعالوا .. تراني حبيتكم .. لازم تون و لا بزعل عليكم تراني
عاشة: كلا و لا زعلج .. خلاص بحاول
و تموا يسولفون و عقب ما صلوا المغرب طلعوا يردون العين

------------------------------
بيت بوفهد
الاربعاء
الساعه 5:30 العصر
------------------------------

.............: ام فهد .. يووو ام فهد
ام فهد: عونك
بوفهد: حد غريب داخل الصاله
ام فهد: لا .. محد غير خواتك و عيالهم
بوفهد: عيل بدخل أسلم عليهم .. السلام عليكم
الكل: و عليكم السلام
بوفهد يوايه خواته ميره و شمه: شحالكن؟ شعلومكن؟ شخبار رياييلكن؟
شمه و ميره: بخير الحمدالله .. يسلمون عليك
شمه: مفتقدينك يا أخي
ميره: ليش ما تزورنا و تسلم علينا
بوفهد: تعرفيني يا شمه اني مشغول .. و انتي ميره في بوظبي .. وين أروملج
ميره: انزين عاذرينك
بوفهد: وينهم الحلوين؟
اليازية: نحن هنا .. بس خواتك ماخذينك عنا
بوفهد: افاا .. محد يقدر ياخذني عن يزووي الحلوه؟ (يصد على نوره) شحالج مريومه؟
مريم مشغوله بـ موبايلها: ها .. بخير بخير
بوفهد: هيه زين (و يصد على الجماعة اللي يالسين تحت يجوفون تلفزيون) تعالوا سلموا على خالكم (بس محد رد عليه) يلا تعالوا (محد رد) اللي بيسلم عليه بيحصل 10 دراهم عشان يشتري من الدكان (يقومون كلهم يسلمون عليه عشان يحصلون بيزات) عواشي اندوج عشر .. و انت بعد عزوز .. فطامي خذي .. و آخر واحد سهيل (يردون ينسدحون عند التلفزيون، شكل الرسوم واايد حلو و بوفهد يظحك عليهم) عيل وين الشباب حميد و منصور؟
شمة: في الميلس .. يقولون مستحين من ام فهد
بوفهد: ويدييييه، من شو يستحون، هاي مثل امهم
ميره: قلنالهم بس ما يطيعون
ام فهد: بوفهد .. متى قال بيرجع فهد من دبي؟
بو فهد: يوم السبت المسا
ام فهد: عيل وصه يسلم على عمته هند
بوفهد: موصنه من قبل
ميره: ليش ساير فهد دبي؟
ام فهد: ساير ويا ربعه، تعرفين الشباب يوم يتواعدون
شمه: لا تقولين، منصور عمره 14 و واايد يسير ويا ربعه، يوم بيكبر الله يعلم شو بتكون حالته
بوفهد: حمدة .. ازقري الشباب
ام فهد: ان شاء الله .. و تسير تزقرهم و يدخلون مع بعض
بوفهد: هلا بالرياييل .. شعنه يالسين في الميلس .. تستحون من امكم حمده؟
منصور مستحي شوي: لا .. بس قلنا امكن البنات و ام فهد يبغون ياخذون راحتهم
اليازية: لا عادي .. تفظلوا .. اليلسه من دونكم ما تسوى
حميد: احم احم .. تسلمين بنت عمي
ام فهد: جربوا .. الفواله ميلسه و محد تجرب منها
بوفهد: هيه و الله .. يلا تعالوا
كلهم هبشوا و سولفوا و تعشوا و سهروا مع بعض لأنهم بيرقدون مناك

------------------------------
في دبي .. دار الحي
ميركاتو مول
الساعة 8 المغرب
------------------------------

...............: جسوم، جوف هذيج اللي لابسه عباه ملونه .. خييبه من حلاة الجسم اللي عندها
جاسم: بسك، حسدت يميع البنات في المول
.........: شسوي؟ كل وحده أحلى عن الثانيه؟
جاسم: فهد، بترد ويايه الفندق عقب العشا و لا ....
فهد: لا، ساير أسلم على عمتية هند
جاسم: ما حيدك من النوع اللي يسلم .. لحظه انت ما عندك عمه؟
فهد: امايه و ابويه موصيني، و عمتيه هند بنت عم امايه بس اختها في الرضاعه، يعني يدو مرضعه عمو هند
جاسم: هييه، انزين تعال شوي نتشرا عقب نتعشا عشان أنا يوعان
فهد: يلا انزين

------------------------------
بيت بوسعيد
يوم الخميس
الساعة 4 العصر
------------------------------

الكل متيمع عقب الغدا و طبعاً ميثا و مطر وياهم .. و اليدة بعد
بوسعيد: عيالي .. اسمعوني شوي
الريم: تكلم ابويه .. نسمعك
الكل فيه فظول و مستغرب من كلام بوسعيد
بوسعيد: تيمعنا أنا و عمامكم و هزاع و ابوه و عمامه و حددنا موعد الملجة
الكل صد صوب موزة و موزة تقول صابغة ويهها بـ كاتشب
بوسعيد: الملجة .. اذا الله راد .. عقب اسبوعين .. يعني مب الخميس الياي .. اللي عقبه

 

[ضوى العيون]

اليدة: هذي الساعة المباركة
اصوات الفرح بدت تعلى لكن بوسعيد رد يتكلم
بوسعيد بويه يدل على الحزن: عندي بعد شي أقوله ..
مرت فترة صمت .. و حبت ام سعيد تقطع هالصمت
ام سعيد: خير يا بوسعيد .. شو مستوي؟
بو سعيد: بقولكم شي .. محد يدريبه غيري أنا و عمامكم .. و انتي بعد تعرفينه يا عفرا
اليدة: شي ماعرفه؟
بوسعيد: هيه يا امايه .. شي استوى من 21 سنة و ما قلنالج عنه
الكل كان يفكر و الفظول بيذبحه
موزة بـ خوف و تردد لأنها تحس ان الموضوع عنها: ابـ .. ابويه .. (بوسعيد رفع راسه و صد صوبها و نظرات الحزن مبينه) عن منو الموضوع؟
ام سعيد: محمد .. ليكون الـ .. الـ
بوسعيد: هيه يا ام سعيد ( و يصد على الكل) الموضوع عن اختكم موزة
كل واحد عيونه على موزة .. شو هالخبر اللي مزعل بوسعيد و يخص موزة؟ شو؟
بوسعيد: قبل 21 سنة .. امكم كانت حامل بـ بنية .. و يوم ولدتها قالولها ان البنيه مريضة و بتموت قبل ما تكمل اسبوع .. و في نفس الوقت، كان عندي ربيع، ربيع ماله مثيل، ربيعي الروح بالروح، بالاخص أقدر أقول ولد خالتيه، أو أخويه بالرضاعة، عرس قبلي بـ كم من شهر بس حرمته ولدت قبل عفرا باسبوع، حرمته عقب ما ربت توفت، الله يرحمها يابت بنيه، فقرر ربيعي انه يسافر و يترك كل شي وراه لأن محد بقى له، امه و ابوه و حرمته توفوا، محد باقي له غير بنته، بس ما حب انه ياخذ بنته عشان كان يبغيها تعيش عند هلها و ناسها اللي تبقولها (يتنهد)
الكل ساكت .. يبغون بوسعيد يكمل
بوسعيد: حصيص .. ييبيلي قلاس ماي، نشف ريجي
حصه: ان شاء الله .. عقب ما يابت الماي، شربه بوسعيد و كمل
بوسعيد: قبل ما يسافر بـ كم من يوم، توفت بنتي قبل ما تكمل اسبوع مثل ما قال الدكتور، فيوم زارنا ربيعي قرر انه يخلي بنته عدنا، أول شي فرحنا و وافقنا بس قلنا امكن هو شفق علينا و لا شي، بس لا، هو كان صدق محتاج حد يربي بنته، فخذناها و هو سافر، امكم رضعتها و استوت مثل بنتي و أكثر، ماشي فرق بينها و بين وحده ثانيه من بناتي، معزتها و غلاتها في قلبي و مستحيل تخوز .. أكيد عرفتوا منو أقصد (و سكت)
عقب صمت طويل ... موزة: ابويه ... شسمه؟
كل حد انصدم من تقبل موزة .. بس بوسعيد فرح لهشي
بوسعيد: سالم .. ابوج .. بس أنا بظل ابوج و عفرا امج
اليدة: شعنه ما خبرتني يا ولدي؟
بوسعيد: امايه، ما كنت أقدر، خفت تعاملينها غير عنهم
اليدة و بدت تدمع: أنا حصه بنت سعيد أعاملها غير .. ياولدي .. هاي بنتي أكثر من ماهي حفيدتي
موزة سارت و حظنتها و بدت تصيح .. بعدين كلهم دمعوا بس حصه و الريم و ميثا سوو مناحه
مطر باستهبال: خلاص .. بصيح .. لا تجتلوني .. لااااا
علي: اسكت لا .. اونه يستهبل و يخف دمه علينا .. خفة الدم في صوب و مطوور في صوب
مطر يفره بالمخده: ماعليه .. اللحين قول منو بيدويني الدكان
علي: برايه .. هاي جوجو بتوديني ( و يطلع لسانه)
سعيد: خلاص .. اسكتوا شوي (يصد على ابوه) ابويه .. ليش تقولنا هالخبر اللحين؟
بوسعيد: أنا كنت ناوي أقوله حق موزة عقب ما تملج بس ابوها اتصـ
موزة بحماس: يعني انت على اتصال به
بوسعيد: هيه .. هو يتصل عليه مره أو مرتين في الشهر و يستخبر عنج
موزة: انزين شو بلاه ابويه سالم؟
بوسعيد: قال انه بيي عدنا و بيوصل باجر الظهر على الغدا و هو عايش في الشارجة و
موزة: يعني بجوف ابويه
بوسعيد: هيــه يا بنتي .. بس شي بقولج .. يوم سافر سار كندا بس بعدين رد البلاد و خذله وحده من هل ابوه ... و
موزة: و شو؟
بوسعيد: و عنده ولد 19 اسمه محمد .. سماه عليه
موزة: يعني أنا عندي اخو زياده و ام زياده .. بعد ابو زياده .. ابويه أحس اني أسعد بنت في الدنيا
بوسعيد: تعالي .. تعالي انزين حبيني .. ركظت موزة عنده تحبه و الكل سار يتجهز نفسياً و جسدياً حق هاي اللحظة .. خصوصاً موزة

------------------------------
حجرة راشد
الساعة 11:45 الفليل
------------------------------

راشد يقول في خاطره: اللحين محد يعرف اني أكلم اخت ناصر، يعني إذا كلمتها شو بيستوي .. اففففف .. لا .. لازم أقطع علاقتي بها .. بس شو أقولها .. شو أقولها .. امممممم .. هيه لقيتها .. و يدخل المسنجر و يلقى نورة اون لاين
ولد المزاريع .. مالي مثيل .. منو قدي >> راشد
السلام عليج
الوحده و الانعزال رفجة عمري >> نورة
و عليكم السلام
ولد المزاريع .. مالي مثيل .. منو قدي : شحالج؟
الوحده و الانعزال رفجة عمري: بخير
ولد المزاريع .. مالي مثيل .. منو قدي : ............
الوحده و الانعزال رفجة عمري: امممم .. راشد؟
ولد المزاريع .. مالي مثيل .. منو قدي : عونج
الوحده و الانعزال رفجة عمري: عانك الله .. بس بغيت أعرف .. اممم .. كيف عرفت اسمي؟
ولد المزاريع .. مالي مثيل .. منو قدي : أنا داخل عشان هالشي .. يا نوره .. انتي اخت ربيعي ناصر .. ناصر اخوج
نورة انصدمت شوي بس ما ردت
ولد المزاريع .. مالي مثيل .. منو قدي : فـ عشان جي ما أبى أخونه فـ بقطع علاقتي بج بس بشرط
الوحده و الانعزال رفجة عمري: و أنا بعد عندي شرط .. بس انت قول اول
ولد المزاريع .. مالي مثيل .. منو قدي يتنهد: انزين، ما تكلمين واحد من الشباب لا على المسنجر و لا على شي عقبي لين ما تعرسين
الوحده و الانعزال رفجة عمري: ليش جي تنصحني؟ لو كان واحد غيرك جان لعب بي لعب و ماهتم لو كنت اخت ربيعه و لا غيره
ولد المزاريع .. مالي مثيل .. منو قدي : أنا كنت ناوي أكمل سوالف وياج .. بس ماقدرت .. مادري ليش .. المهم .. شو شرطج
الوحده و الانعزال رفجة عمري: انك ما تخبر حد اني في يوم من الايام كلمتك
ولد المزاريع .. مالي مثيل .. منو قدي : ان شاء الله .. تامرين على شي
الوحده و الانعزال رفجة عمري: لا سلامتك .. يلا فمان الله
ولد المزاريع .. مالي مثيل .. منو قدي : فمان الكريم ... و طلع

------------------------------
يوم الجمعه
بيت بوسعيد
الساعه 1:00 الظهر
------------------------------

الكل كان متيمع مناك .. عايلة بوسعيد و بوخليفة و بوناصر و بوفهد يايين يزورونهم .. و اليدة طبعاً .. كانوا يتريون بومحمد و عايلته ايون .. الرياييل في ميلس الرياييل، و الحريم في ميلس الحريم، كان كل واحد على أعصابه و خصوصاً بوسعيد و موزة .. و فجأة يسمعون حد يدق الجرس كان موزة بتنقز بس استهدت بالله و يلست مكانها

 

[ضوى العيون]

عقب خمس دقايق يدخل بوسعيد و عياله الصالة اللي عدال الميلس مع عايلة بومحمد و يطرش علاوي عشان يزقر امه و يدته و خواته .. الكل يدخلون .. و آخر وحدة موزة
بوسعيد: تعالي مواز .. تعالي سلمي على ابوج و اخوج و حرمة ابوج
موزة تمشي شوي شوي صوبهم و تمد ايدها بس ابوها سالم ياخذها في حظنه و يصيح مثل اليهال و طبعاً موزة بعد
الكل كان يجوف .. اللي يدمع و اللي يصيح و اللي قدر يستحمل .. تخيلوا الموقف .. ابو ما جاف بنته 21 سنة .. تخيلوا عماركم مكان موزة .. شو بتسوون؟
عقب فترة .. هدوا بعض و سارت تسلم على أخوها و امها الثانيه .. بس بنقول امها
و ابوها سالم سار يسلم على بوسعيد و عفرا اخته بالرضاعه و عيالها و اليدة .. عقب يلس عدال بنته و موزة ساكتة
ام سعيد و ام محمد و بنات ام سعيد ساروا عند الحريم إلا حصه .. و أولاد بوسعيد ساروا عند الرياييل، محد تم في الصالة إلا بومحمد و بوسعيد و محمد و موزة و حصة
بوسعيد: يلا .. أنا استأذن عشان تاخذون راحتكم .. تعالي حصيص
حصه: ابويه .. أبى أتم ويا اختي و خالي .. اشتقت لـ خالي .. ماجفته من زمان
بومحمد: خلها يا محمد .. تراها مثل بنتي .. خلها عدنا شوي
بوسعيد: انزين .. حصه اعقلي شوي
حصه: ان شاء الله ابويه .. و طلع عنهم بوسعيد
حصه تصد على خالها: خالي سالم (الكل يصد صوبها) يعني بصراحه .. أول مره يكون عندي خال .. يعني ما تعودت عليك .. يعني .. يعني .. عادي تطلع برع و ترد عشان أسلم عليك مره ثانيه و ابدأ اسألك سيده عشان أعرف شو سويت طول هالعشرين سنه .. عادي؟
موزة نقعت من الظحك لأنها تعودت على حصه بس بومحمد و محمد بعدهم ما استوعبوا
حصه: خالي .. خالي سالم .. (تصد على موزة) موازي .. متأكده انه خالي .. ماجوفه يتصرف مثل أي خال
عقب ما بومحمد و محمد استوعبوا .. نقعوا من الظحك
حصه: هــــــــــــــا؟؟ شو بلاهم هذيلا؟
بومحمد: تعالي تعالي .. صدق انج انتيكة
حصه: قلتلهم يحطوني في المتحف بس ما طاعوا .. شو أسوي يعني؟
بومحمد: موزة مثلج و لا لا؟
حصه: موزة .. موزة عكسي 100% درجة .. هيه عاقله و أنا خبله .. هيه حلوه و أنا قبيحه .. هيه ذكيه و أنا غبيه .. هيـــ
بومحمد: بس بس .. لا .. انت بنت محمد .. حلوه و ذكيه و سوالفج حلوه بعد
موزة: يعني تعترفين انج خبله؟
حصه: شو أسوي؟ الله خالقني جي؟ (ترفع ايدينها في السما) يــــا رب .. عادي تبدل مخ موزة بـ مخي؟
كلهم يظحكون و كملوا سوالفهم عقب زقروهم حق الغدا .. تغدوا و استانسوا .. بعدين كل حد سار بيته .. بوفهد و ام فهد ساروا بيت بوخليفة ويا اليدة .. محد بقى في البيت غير عايلة بوسعيد و عايلة بومحمد .. فتيمعوا في الصالة
بومحمد: أقولك يا بوسعيد .. تراني باخذ حصة بعد .. مب بس موزة
كل حد انصدم و أكثرهم موزة .. وين بياخذ موزة و ليش؟؟
موزة منصدمه : ابوية سالم .. وين بسير؟
بومحمد: ويانا الشارجه .. بنرد بيتنا
موزة: بس .. بس أنا مابغي .. مابغي أسير بعيد عن هلي و ناسي .. حرام عليكم .. مابغي
بوسعيد: موازي .. هدي شوي (يصد على بومحمد) سالم .. أنا فكرت في الموضوع و قررت اني أشتري البيت اللي عدال بيتنا و بخليك تشاركني في شغلي في الشركة بس موزة ما تبعد عنا
موزة: أنا أقول جي بعد
بومحمد: عن موضوع البيت .. اوكي موافق بس أنا بشتريه .. و عن الشغل .. مابغي أشاركك .. عشان بنقل شغلي من الشارجه لين العين .. شو رايك؟
بوسعيد: خلاص .. موافقين .. و كملوا سوالفهم لين آذان العصر .. ساروا يصلون .. عقب سار بومحمد ويا بوسعيد يشترون البيت اللي عدال بيت بوسعيد .. اشتروه بسعر مناسب .. كان بيت بسيط .. بس جاهز و مأثث و واايد حلو .. فيه 3 حجر فوق و صالة .. حجرة لـ بومحمد و أم محمد .. حجرة لـ محمد .. و حجرة لـ موزة .. أما تحت فكان فيه مطبخ تحضيري و صالة عودة و حجرة صغيرة شوي حق البشكارة .. و برع في الحوي حجرة للدريول و مطبخ عود .. كان منزلي عائلي بسيط .. بس واايد حلو .. ردوا بيت بوسعيد و تعشوا كلهم و عقب ردوا بومحمد و ام محمد و محمد بيتهم في دبي عشان يرتبون أغراضهم و ينتقلون .. بينتقلون يوم الاحد

------------------------------
يوم الاحد
بيت هند و ثاني
الساعة 3 العصر
------------------------------

هند تتكلم في التلفون: انزين .. انزين .. والله .. اوكي يلا مع السلامه
ثاني يدخل: منو كنت تكلمين؟
هند: ام خليفه .. (تقولهم سالفة موزة)
ثاني: هيه زين .. يلا عيل اتجهزي .. أنا بطلع السياره
هند: انزين .. بس أول شي بتصل في جابر اخويه
ثاني: اوكي .. أترياج برع
هند تتصل: آلو .. السلام عليكم
رفيعه: و عليكم السلام
هند: شحالج رفيعه؟
هند: بخير الحمدالله .. و انت؟
هند: بخير و سهالة .. جابر عندج؟
رفيعه: هيه .. تبينه؟
هند: هيه بغيت أقوله شي
رفيعه: انزين اصبري شوي (تكلم جابر) جـــابر .. جابر
جابر: نعم؟
رفيعه: اختك هند على التلفون
جابر: قالت شو تبغي؟
رفيعه: لا .. تعال كلمها
جابر يكلم هند: السلام عليج هنوده .. شحالج؟ شخبارج؟
هند: بخير .. جابر .. تعال انت و حرمتك بيت بوسعيد
جابر: ليش؟ شو عندهم؟
هند: ماشي وقت أقولك .. يوم بتوصل بيخبرونك
جابر: انزين .. يلا فمان الله
هند: الله معاك .. يسكرون عن بعض و يتجهزون عشان يسيرون

------------------------------
بيت بوسعيد
الساعه 3:30 العصر
------------------------------

عايلة بوسعيد و بوخليفة و بوناصر كانوا مناك يتريون هلهم اللي في بوظبي و دبي يوصلون .. البنات ع صوب، الشباب ع صوب، اليهال ع صوب، الحريم و الشواب و اليدة ع صوب، كل حد مسوي مجموعه
سعيد يكلم أحمد: بسير الحمام و بيي
أحمد: انزين .. و يسير سعيد عنهم
و عند البنات .. نورة تقوم و تسير عشان تشرب ماي .. أصلاً صح انها منعزلة بس غصبوها أهلها انها تي اليوم

------------------------------
في المطبخ
------------------------------

تدخل نورة المطبخ التحضيري داخل البيت و تجوف حد يالس على ركبته و يكح .. و كل كحة تطلع دم
نورة: سعيــــــــــــــــــــــــــــد!!!!

 

[ضوى العيون]

الجزء الرابع



سعيـــــد : نــــــــــــــــــــــــــــــــــــــــــور ة ..
نوره : سعيـــــــــــــــــــــــد شو فيــــــــــك ؟؟
سعيــد: نوووورة ارجوج لا تقولين لحد ..
وقعد سعيــد يكح .. ويكح .. وااااااااايد .. والدم يطلع مع كل كحــه .. ومع كل كحه يحس روحه بتطلع ..
نوره والدمووع في عينها :سعيــد برووح ازقر لك حد بروح اقول لناصــر او خالد .. ارجووك ..
سعيد وهو يوقف وبتعب : لا لا وغلاتي عندج (( وقعد يكح )) نوااري ارجوج ..
نوره صاحت ماقدرت تتحمل الموقف : ارجووك انزين قولي حد ازقره..
سعيد قعد يفكر : انزين ((وقعد ييكح )) ازقري كح ..كح..كح.. ازقري لي احمــد ..
نوره : خالك احمد ..
سعيد : هيــه وقولي له بصوت وااطي.. والله يخليج يبيلي ماي ..
نوره ربعت ويابت له ماي وركضت صوب الصاله ..
نوره وبصوت وااطي : أحمـــد ..
احمد لف صوبها : هلا..
نوره بتعب ومبين عليها تصيــح : سعيد يقولك روح صوب المطبخ ..
احمد قام وربع صوب المطبخ بس محد انتبه على اللي صار ..
في المطبخ ..
احمد ربع صوب سعيد : سعيد سعيد رد علي سعيد شو فيك ؟؟
نوره وهي تصيح : احمد الله يخليك شوفه بيمووت .. الله يخليك ..
احمد :نوره بسرعة روحي ازقري ناصر وخالد بصوت واطي سعيد مغمى عليه .
نورة ربعت صوب اخوها ..
نوره وهي تشهق : نااصر الحقني بسرعة رووح صوب المطبخ ..
خالد وناصر ربعوا صوب المطبخ ..
اول ماشافوا سعيد مغمى عليه واحمد دموعه حايره وسط عيونه .. خافوا
ناصر: احمد احمد رد علي شفيك شفيه سعيد ..
احمد : بسرعه نشله مغمى عليه ماادري ليش؟؟
نوره :انا اعرف.. كان قاعد يكح دم وقالي ازقر احمد .. وبس..
احمد و ناصر وخالد :شوووووووووووووووووو؟؟
احمد منصدم : يكح دم ..
نوره : هيه يكح دم ..
احمد :انزين يلا بسررعه نشله للمستشفى..
ناصر:نوااري لاتخبرين حد اوكي ..
نوره :اوكي .
طبعا الكل مستغرب من أحمد انه سكت ماتوقع في يوم سعيد الفكاهي والطيب يصير فيه كل هاذا بغا يمووت .. بس تحمل ..
-----------------------
في المستشفى .
الساعه 4 ..
---------------------
الدكتوور طلع وهو منزل راسه ..
احمد على طول راح لعنده..
الدكتوور :انت شو بتأربلوا ..
احمد :ااففففففففففففففففف خاله .. قولي لي شنو فيه دكتوور ارجووك بسرعه ..

الدكتور :امممممممممممم مبعرفش ااولك ايه بس هو ..

هني ناصر وخالد ربعوا عندهم ..
ناصر:ها دكتور طمنا .
الدكتور:اممممممم هو في التهاب في الأصبه الهوائية ((القصبة الهوائية )) ..
كلهم :شووووووووووووووووووووووو؟؟
..

الدكتور خلاهم ورااح عنهم ..

ناصر لحق الدكتور :دكتتووور
الدكتور:نعم اخووي..
ناصر:نقدر نطلعه اللحين ..
الدكتوور:ايوا بتأدروا..
ناصر:مشكوور دكتوور.

ورجعوا كلهم البيت وطبعا نوره ماقالت لحد عن السالفة

-------------------------

في بيت بيت بو سعيد
الساعه 6
-----------------------
الكل كان موجود .. بيت بوسعيد و بوخليفة وبوناصر .. وهند وريلها ورفيعه وجاابر وبو هزاع وهزاع وام هزاع واليهاال كلهم .. بيت بومحمد بعد كانوا موجودين ..
بو سعيد :والله محد يعرف بالخبر هاذي غيري انا وام سعيد وعيالي وامايه وبوخليفه وحرمته وعياله .. وطبعا بومحمد اللي محد تعرف عليه هو وحرمته وولده اللي هو بمثابة ولدي
بوناصر:خير يابوسعيد عسى ماشر ..
بو خليفة: والله ..يا بوناصر ويالعايله الكريمة بنقولكم خبر يمكن يصدمكم من كبيركم لين صغيركم ..
الكل:شوووووووووووو؟؟
جابر:شوو هو الخبر يابو سعيد ,,
بوسعيد تنهد :والله مااعرف شقولكم .. بس يعني بالمختصر .. انه مووزة (( اهني موزة نزلت راسها )) اللي ربيتها سنين .. ملجتها بعد اسبوعين اعتقد الكل يعرف ..
اهني مووزة صااحت ..
بوسعيد :موزه حبيبتي تعالي عندي ..
قامت موزه ورااحت عند ابوها او بالاخص اللي رباها .. طاحت في حظنه وقعدت تصيــح وتصيـــح.. هزاااع ماعرف شنو يسووي .. كان خاطره يرووح ويخفف عنها بس بس هو مايقدر ..
بوسعيد :خلااص حبيبتي .
موزة:----------
بوسعيد :اممممممممممم في شي ثاني هو الشي المهم .. انه .. انه .. ا..ا..مووزه ((ونزل رااسه )) هب بنتي ..
الكل ماعدا اللي يعرفون : شووووووووووو؟؟
هزااع : شوو يعني مب بنتك ..
بوسعيد:يعني بومحمد هو ابوها .. بس .بس((وقالهم السالفة كلها ))
بوناصر:انزين واللحين شلوون .؟؟
بوسعيد :امممممممممممم بومحمد بيشتري البيت اللي عدالنا وبيسكن فيها ..
جابر:انزين انا عندي سؤاال ؟؟
بومحمد :امر اخوي اسال ..
جابر:ليش ؟؟ ليش ماييت وخذت البنت من زمان ..
بومحمد :والله مااعرف شقوولك .. بس بس انا كنت اكلم اخوي بوسعيد من فتره لفتره ..ويوم عرفت انه ملجتها قربت .. حبيت حبيت اكوون موجود ..
اليده : والله ياوليدي نحن ماعندنا مانع .. بس تحط عيونك على البنت ..
بومحمد:ان شالله امايه ..
محمد وناصر وخالد وسعيد واحمد وفهد قاعدين على ينب ..
وتيهم حصووه وروضوه ..
روضوه:حموود واخيرا في حد كبري مب هذيلا يا يهال او شيااب ..
الاولاد ماعدا محمد :شوووووووووو..
حصووه :صح صح صح .. يعني يعني محمد .. اممممممممممم .. مااعرف .. يصير اخوي ..
سعيد :ههههههههههه لا مب اخوج .. موزه اختج بس محمد لا..
حصوه بوزت :خسااااااااااره ,,
احمد :حصيص..
حصوه:نعم ..
احمد :روضوه ..
روضوه:هلا ..
احمد :وين طبجاتكم ..؟؟
حصوه :خخخخخخخخخخخخ اللحين بيوون ..
ويوا الريم وميثوو ..
سعيد :ماشالله عمركم طوويل..
الريم:ههههههههههه فديت اخوي انا ..
روضوه :اقوول سعيد ..
سعيد حس بنغزه في قلبه :هلا..
روضوه:وين كنت قبل شوي ..
كل الاولاد ماعدا فهد اللي كان لاهي ..ومحمد اللي مايعرف:شووووو ..؟؟
احمد:انتي شعرفج ..؟؟
روضوه:انا وحصووه كنا نتجسس وسمعنا كل شي وعرفنا شفيك ..؟؟
حصوه:سعيد .. ليش سويت في نفسك جذي..
سعيد:ارجووكم لاتخبروون حد ..
محمد :شسالفه ..؟؟
وقالوا لميثا والريم وفهد ومحمد السالفة ..
الريم قعدت تصيح :سعييد .. حبيبي ليش تسوي في نفسك جذي..
عقب ماهدت ريماني ..قعدوا يسولفون وفهد قال في خاطره" يا انا ويا ميثوو ان ماخليتها تكلمني مايكون اسمي فهد "
محمد :فهد وينك .؟؟وين رحت ؟؟وين وصلت .؟؟
فهد:هههههه ولامكاان .. بس اتذكر ..في غزالة خذت بالي ..
خالد عصب : فهد اسكت مب يداام البنات ..
فهد :شفييك عادي ؟؟
خالد:فهــــــــــــد..
فهد:انزين انزين ..بسكت ..
روضة :اممممممممممم بنات ..
البنات:هلا والله ..
روضة صاصرت البنات وعلى طوول حصة نقزت من مكانها
حصة :هيـــــــــــه هيــــــــــه ...اواااااااااااافق..
رووضه :ههههههههه انزين يلا نقوولهم ..
البنات:اوكيك ..
روضة بدلع >>مايناسب<<:خلوودي ..
خالد:عيوونه ..
روضة :اممممممم حبيبي انت حيااتي ..شراايك باجر نرووح المزرعه .. اللي في ليوا ..
ناصر:والله فكره ..
روضه :خخخخخخخخخخ ما شالله علينا امهات الافكار ..
حصة:اصلا ريلي فديته من يتزوجني لازم يبوس يده من يداام ووراه ..
روضه بتكبر:وانا بعد اصلا منو مايبى بنات المهيري .. يحصلهم اصلا ..
محمد وناصر: ونحن نشهد ..
روضه وحصة تلونوا وصار ويهم كاتشب..
روضه :انتوا شتبوون ..؟؟
حصة: هيه والله ..
محمد:هههههههههه توج تمام ..
الريم :انت ماتعرف روضوه اونه تسوي نفسها عاادي بس هي من داخلها منحررجه عدل .. وشوف هي ماتكلمك واايد ولا تكلم فهد لانها مب متعووده عليهم ..
محمد حس باحراج :انزين لازم تقولين فشلتيني قفطت ..
روضه :هههههههههه انزين اصبر علي شووي وبصير مثل حصووه ..
محمد:الله يعين ,,
فهد :انا استاذن ..
الكل :الله وياك ..
بعد ماطلع فهد ..
حصوه وروضوه مره وحده :مابغا يطلع ..
روضوه:خشب خشب..
حصوه :هههههههههههههه عن الخباال مالي خلق احس نفسي تعباانه ..
احمد وسعيد وخالد وناصر كانوا يشوفون الخبال وبدون تعليق وميثا و الريم يضحكوون ..
الكل كان مستغرب من روضوه اونه ماتعودت وهي اللحين تتناقر ويااه ..
محمد كان مستانس واااااااايد ..
روضه :انزين اللحين عن الاقتراح يوم بنرووح لاتخبروون فهد ..
خالد:ليــش؟؟
حصة :هيه والله لا تخبروونه يقهههر مغازلجي ..
الاولاد كلهم :ههههههههههههههههههههههههههههههههههههههههههه..
خالد :هههههههه صج انكم ..((وسوا حركه اوكيه بيده))
مر هالاسبووع بدون احدااث وقربت ملجة موزة .. ومابقى غير يوم .. طبعاً تجهزوا و اشتروا فساتينهم و اللي ناقصنهم .. و الشواب يابوا الذبايح من العزبه .. مع انهم بييبون اكل من المطعم .. بس ما يقدرون يستغنون عنه ((اعرف واايد شقحنا بس شنو نسووي مشتطين للملجة ))..

--------------
يوم الاربعا
الساعه 1 فليل
في بيت بوسعيد في حجرة موزة
---------------

تقرر انه موزة ترووح بيت بومحمد بعد الملجة باسبووع ..
موزه كانت تفكر..
" يعني ..شوو انا باجر بكوون حلال لهزااع يعني هزااع ريلي وانا حرمته يعني انا حرم السيد هزااع .. اففففففف صج هبله للحين الملجة مب العرس ..لالا بس انا بعد الملجة باسبووع برووح بيــت .. ((وسكتت شوي)) بيت ابووي .. هيه بيتي الثاني ..وبعد مااتزوج بيكون عندي بيت ثالث .. ((نزلت دموعها )) لش انا جذي منحووسه .. استغفر الله .. شنو منحووسه كل هاذي قضااء وقدر .. الحمدلله الناس ماعندهم لا ام ولا ابو انا عندي امين وابوين .. آآآه الحمدلله على كل شي.. افففففففففف انا خاايفة قلبي بيطلع من مكاانه .. خلوني انام احسن لي.. عشان باجر نعمه بتيي وتسوي لي المكياج و لانا الشعر وانا بتعب لو مانمت .. شفيني انا جني ياهل .."
ونامت مزه على هاذي الحال ..

----------------
يوم الخميس
الساعه 3 العصر
بيت بوسعيد
-------------

يات الكوافيره ومالت المكياج ..الكل كان موجود..بيت بوسعيد وبوخليفة وبوناصر وبومحمد وبوهزاع وهند وريلها وجابر ورفيعه وبوفهد
الشباب قاعدين صوب الخيمه اللي مجابلة البيت وبيسون فيها الملجه .. ويتابعون العمال ..والشيااب برع في الحوي يشرفون على الذبايح والحريم يشرفون على التجهيزات داخل البيت .. والبنات فوق يتعدلوون ..

 

[ضوى العيون]

------------------
فوق عند البنات
الساعه 3 ونص
----------

البنات تحنن البارحه .. و اللحين يتجهزن .. موزه يالسه مع رفيعه و روضه و الريم في حجرتها و يعدلونها مال الصالون، أما حصه و ميثا و ظبيه و نورة في حجرة حصه و ظبيه، على الساعه 6 خلصن البنات اللي في حجرة حصه و قالن بيعدلن العاش و مي، يبن يطلعنهن كيووت واايد، و الكل خلص على الساعه 7، بس موزه شوي و بتخلص، سارن يلبسن فساتينهن، و يتجهزن
ميثا كانــت آية من الجمال .. كانت هي وحصة مطقمين ولابسين فستان وري واايد حلوو وغاوي مثل شي يلتف حولين الرقبه ونازل من اشياء وبدون يد و الفستان من تحت مثل قصة على شكل رقم 8 بالعربي و عليه قطع .. وااااااااااااايد حلوو وحاطين مكيااج مثل بعض وخفيــف .. يعني بس جحال وقلووس وكريم اساس .. وشعرهم رافعينه بطريقه واايد حلووه وبالفير مسوينه من تحت .. طاالعين نجمات الحفلة كانت حصــة احلى بواايد منهم كلهم .. تقريبا احلى من مووزة .. كانت طاالعه نااعمه عكس دائما .. كانت وااااااااااايد حلووه اللي يشوفها .. يتينن ..
كانت الريم لابسة فستان بني وااااااايد حلوو طالع عليها لانها وايد بيظة .. كانت فاتحة نص شعرها والنص الثاني مسويه في حركة .. والميك اب كاان رووعه كان لونين متداخلين في بعض البني الحلوو والذهبي وحاطه قلووس .. وفستانها بني وعليه حركات وشوي قصير من يدام على جنب .. واااااااااايد حلووه كانت بس هب احلى عن حصـه .. لأن حصه طالعه على ابوها
نوره كانت بسيطه .. لابسه فستان عنابي حلووه يبين مدا الوحده اللي تعيشها .. كانت رووعه .. بس الحزن وااضح .. و حاطه ميك اب رووعه ..
ظبيه .. كانت حلووه طالعه كيووت وياهل لابسه فستان بيج واايد حلوو وشعرها كانت حاطه شريطه بيج ومسويه فيه حركه ..
رووضة .. رووضه كانت فناااااااانه وغاااويه وحلووه بطريقه .. يعني ماشالله واايد حلووه هي وحصة كانوا يسكتوون .. كانت لابسة فستان اسود وفي الوسط فاظي بس في الوسط عليه مثل كرستالات .. واايد حلوو كان وحاطه ميك اب رووووعة ورافعه شعرها .. وطاالعه نااعمه عكس دائما ..
رفيعه .. كانت بسيطه وكانت لابسة فستان حمل .. وحلووه وناعمة
موزة وماادراكم ماموزة غااية في الرووعة .. حلووه بشكل غريب طالعه كيووت واايد حلووه .. الحنا كانت روووعة كان فستانها لونه مثل لون فستان حصوه وميثو .. بس كانت رووعه كان فستانها كل شك ودانتيل وكريستالات .. والميك اب وردي واايد رووعه وكانت حاطه قلووس .. مطلعها روعة وكانت لابسه شبكتها .. اللي كان واااااايد رووعه .. وشعرها كان كان واااااااايد حلوو واايد وايد كانت رافعته وبس يعني نازل ((مااعرف اشرح)) مسويه حركه يعني رافعته ووااااااايد .. حلوو ..
اقري هاي اللي كتبته ..
مي وعشوه كانوا كيووت مطقمين لابسين فستان برتقالي واااااااااايد حلوو وحاطين على شعرهم ربطات حلووه ومطلعتهم تماموو

-----------------
بيت بوسعيد
غرفة موزة
الساعه 8 ونص
--------------------

موزة ترتجف ناطره حصوه تيب لها الدفتر..
دخلت حصة ..
حصة :موزو اختي حبيبتي يقولج احمد .. يلا وقعي ..
موزة وهي ترتجف:ان شالله ..
خذت موزة الدفتر الكل كان يطالعها ام موزة وام محمد وحصة وروضة والريم وميثا و نورة اللي صارت مع ميثا وحصة وظبيه ..ثبتت موزة القلم ..
اول ماوقعت موزة ام موزة وام محمد يببوا ..
ام محمد وام موزه :كللللللللللللووووووووووووووووووووووووش ..
ام موزة والدموع في عينها :مبروووووووك مبرووك غناتي ..
وتموا يباركون لها .. عقب ساعه .. ام موزة زقرت ريم وقالتلها تقول لموزة انها تنزل ..
نزلت موزة وقالت لسعيد يوصلهم ..
موزة كانت معاها .. الريم وروضة وحصة وميثا ..
سعيد :يلا موااز حبيبتي .. ركبي ,,
ركبوا موزة ورا والريم يدام وورا عند موزة روضة وحصة وميثا .. وصلهم صوب الغرفة الصغيره المحطوطه عند الخيمه ..وصلهم سعيد وروح عنهم ونزلوا هم ..

-------------
في الخيمة
الساعه 9 ونص ..
--------------

بدت زفة العرووس موزة كانت وااقفة عند باب الخيمة تسكرت الليتات وليت واحد متوجه صوب موزة تقولون عرس مب ملجه بو موزة ماقصر عليها .. مشت .. موزة .. وهي ميته من الخوف وترتجف .. كانت رفيعه تاشر لها انها تبتسم .. ميثا وحصة وروضة والريم .. واقفين عند الكرسي اللي فوق الكوشه .. راحت موزة صوب الكرسي وهي ترتجف .. بعدين وقفت راحت صوبها امها .. ومدت لها يدها .. تقول لها تعالي جنها ياهل .. وقفت ام موزة وتقربت منها موزة .. ولمتها كل اللي كانوا موجودين صاحوا .. موزة ماقدرت لمت امها وصااحت .. دموعها خانتها .. من يتوقع موزة .. تطلع هب بنتهم ..وتعرف هالخبر قبل اسبوعين من ملجتها يكون عندها امين وابوين .. سبحاان الله .. موزة صاحت .. صااحت وامها اللي هي ام سعيد .. الكل تاثر بهالخبر.. وخصوصا موزة .. وكل الناس اللي كانوا يعرفونها ..
موزة :امايه الله يخليج .. لاتنسيني ..
ام سعيد :شوو تقولين انتي توج ملجه .. ماعرستي ..
موزة :امايه انا بعد اسبووع برووح عنكم ..
ام سعيد :-----------------
وبعدين يوا كلهم صوبها وسلموا عليها .. الكل كان يتوقع انه الريم بتصيح وحصة لا .. بس صار العكس .. حصة قلبتها منااحه وقعدت تصيح من الخاطر محد كان يعرف معزة موزة عندها .. كانت تفتخر فيها يدام كل الناس اي مكان تروحه موزة وموزة .. وكانت تقول اختي واختي ..
اللحين تطلع موزة هب اختها .. وبعد اسبوع بتروح عنها .. دموعها كانت حايره وسط عينها .. بس شتسوي حصة من داخلها حساسه واايد بس في الخارج . قويه محد يعرف هالشي حتى ميثا الكل كان يعتبرها انها القويه .. بس اللي داخل حصة انسانه رقيقه وحساسه .. دموعها دائما تخذلها بس مب يدام حد بينها وبين نفسها داخل حجرتها .. وهي لامه مخدتها .. خلونا من حصة .. موزة استغربت .. من تصرف حصة بس قالت بتسال ميثا بعدين .. حصة حست انه جحالها اخترب فقالت بترجع البيت بتعدله وبترجع ..
راحت بيتهم اللي ماكان بعيد لانه الخيمة مجابلته على طول راحت حصة بيتهم

-------
بيت بوسعيد
الساعه 10 ونص
--------

دخلت حصوه حجرتها وفصخت العباه والشيله وعدلت الجحال..
طلعت من الحجرة عشان تشرب ماي راحت صوب المطبخ .. بس في حد كان في الصالة وهي ماكانت تعرف انه في حد ومحمد بعد ماكان يعرف.. راحت حصووه وشربت ماي.. ودخلت الصالة وقطت نفسها على الكنب بس يوم لفت راسها شافت محمد قاعد ويطالعها .. شهقت وتصنمت مكانها ..
محمد :حــ.حــصووه ..
حصــه على طوول شردت وراحت ففوووق كانت ميته من الخووف ماتوقعت ابدا .. اما عن محمد هههههههههههه مسكين حاله هالريال من شاف حصة تخبل وماعرف شو يسوي ..
حصه ماتت من الخووف .. وعلى طول راحت الخيمه ..

--------------
في الخيمه
الساعه 12
----------

كل المعازيم روحوا الا الاهل القرااب ..
ام سعيد :موازي حبيبي روحي الميلس هزاع يبغي يشوفج ..
موزة ماتت من الخووف :لالالالالا مابي..
ام سعيد هههههههههههه شفيج هو ريلج اللحين ..
راحت موزة الميلس بعد ماوصلها سعيد وكان في الميلس هزاع واحمد وسعيد وموزة توهم داخلين ..
سعيد :يلا احمدو قوم خلنا نروح عند قوم خالد وناصر وانت هزاعو شوف عندك بس نص ساعه .
هزاع:يا سلام يلا يلا اقلب ويهك ..
سعيد واحمد:هههههههههههههه..
سعيد :يلا نحن طالعين بس نص ساعه ((وغمزله ))
بعد ماطلعوا سعيد واحمد هزاع قام من مكانه وراح صوب موزة وقعد عندها ..
هزاع :مواازي ..
موزة اللي ميته من المستحى :نعــم ..
هزااع : امممممممممممممم .. مبرووووك ..
موزة :الله يبارك فيك ..
هزاع مسك يدها وباسها وبعدين تم ماسك يدها ..
هزاع بهدوء:موزة ..
موزة :لبيــه ..
هزاع :لباج قلبي ..
موزة : ----------
هزاع :بغيت اقولج يا موزة انتي في قلبي قبل عيني وانتي كل شي عندي انا اعطيج عهد ووعد مني اني مااراح اخليج تزعلين مني يوم ان شالله وراح احاول اسعدج قد مااقدر وصدقيني اني بعوضج كل اللي مريتي فيه الفتره الاخيره اعرف انج تقولين انج منحوسه تراني اقرا افكارج بس شوفي في ناس ماعندهم لا ام ولا ابو ولا اخو متغربين .. عن اهلهم تشوفين في وايد يهال ناس يتبنونهم .. موازي انتي عندج ابوين وامين و 5 اخوان وخال يعتبر اخوج واختين قمر .. وعندج عندج ريل .. شوتبين اكثر وعايلة ماشالله ما شالله كبييره واهل وربع شوتبين اكثر..
موزة نزلت دموعها ..وبهمس:بس ..بس .. ليش ابوي ماكان يبيني ليش عشت بعيد عن ابوي وامي انا ماشفتها اني الصجيه انا امي الثانيه هي مرت ابوي وانا اعتبرها مثل امي.. بس ..
هزاع حط يده على حلجها : اوووووووووووش .. خلاص حبيبي لاتزعلين .. ولاتصيحين .وخلينا نسولف ..
..
موزة ماقدرت قعدت تصيــح من الخاطر :هــ..هــز ..هــزا ...هــــزاع انا انا بعد اسبوع بروح من بيتنا ..بروح بيت ثاني ..
هزاع ماقدر لمها وهي قعدت تصيح في حظنه هاي عند موزة الرقيقة الحساسه كارثة مصيبة ماتوقعت في يوم يصير فيها جذي ..
موزة وهي تشهق : هزااع انت انت هزيتني وهزيت فيني وايد اشياء اقومتني من غفلتي وخليتني اصحا ... انا انا اشكرك .. على كل هالكلام كنت انتظر حد يخفف عني((وابتسمت )) بس بس مالقيت غيرك ..
هزاع : ههههههههههههههههههههههههههههههههههه ..
موزة :شفيك تضحك ؟؟!!
هزاع: هههههههههههههههههه تخرعيـــــــــــــــــــن
موزه اونها حرجت : هزااعوو ..
هززااع:بااااااااال مرررررررره وحده هزاااااااعوو..
موزه انحرجت :هزاااااااااااااااع .. غير السالفة ..
هزاع:هههههههه انزين انزين . اممممم (بعد فترة صمت ) شخباار الدراسة ؟؟
موزة :هههههههههههههه الدراسة تسلم عليك....
هزاع:الله يسلمها,,
موزة:اهااااااااااااا

 

[ضوى العيون]

الجــزء الخامس

------------------------------
بيت بومنصور
الساعه 5 العصر
------------------------------

------: اميــــــه .. اميـــــــــــــــــــه
ام منصور: يايه يايه .. ها شو تبين؟
-------: اميـــه أبى أسير وياكم
ام منصور: لا لا .. ماشي .. أنا و أبوج بنسير نودي فطامي الدختر و بنبات عندها.. و بننزل منصور بيت ربيعه بيبات وياه .. ما يقدر يغيب .. عنده امتحان باجر
-------: انزين .. وين بسير أنا؟ و منو بيتم عند سهيل؟
ام منصور: يزوووي .. ويديــــه .. ترانا بنزلج بيت خالج .. و سهيل وياج
اليازيه بـ ملل: انزيــن .. بس ليش ما تدوني بيت عمي عبدالله .. على الاقل بيلس و بسولف ويا كنه و لا سيف
ام منصور: لا ماشي .. تبيـنا ناخذ درب لين دبي؟؟ يلا سيري تجهزي
اليازيه: ان شاء اميـه .. و تسير تتجهز و تقول حق اختها و اخوانها يتجهزون .. و عقب عشر دقايق يسيرون .. بس أول شي نزلوا اليازيه و سهيل عند خالهم .. و ساروا ينزلون منصور عند ربيعه

------------------------------
في المستشفى
عقب صلاة المغرب
------------------------------

الكل تيمع عند نوره .. كل أهلها في العين .. الكل زعلان عشانها .. ابوها ما درى لأنه سافر اليوم الفجر حق شغل .. و امها بيت ربيعتها .. ربيعتها مسويه عزيمه و ام ناصر غالقة الموبايل .. خبروا بوناصر و قالهم بيحاول يوصل عند أقرب طياره .. و ناصر مغيظ على امه .. ليش غالقه موبايلها .. و ليش هيــه برع البيت .. كل حريم عمومته في بيوتهم .. عند رياييلهم و عيالهم .. ليش امايه غير عنهم .. ليش؟ .. كل هذا كان يدور في خاطر ناصر
كانت اليده و ام سعيد داخل عند نوره .. يتريونها تقوم .. محد كان يدري انها تكلم راشد غير الشباب و البنات .. يخافون يسوون سالفه .. فـ سكتوا عن الموضوع .. ام خليفه كانت برع تحاول تسكت ميثا .. و حصه تساعدها .. جاسم صاح يوم جاف اخته تصيح .. و سار عند اخوه .. يبغيه يشله .. بس ناصر في عالم بروحه .. متساند على اليدار .. و يدمع .. كل شوي يدمع و يمسحها بسرعه.. و محد منتبه له غير شخص واحد

------------------------------
داخل الحجره عند نوره
------------------------------

اليده كانت دموعها تنزل وحده ورى الثانيه .. على حفيدتها .. صح ان نوره مب واايد وياهم .. و دوم بروحها .. بس اليده حاسه فيها .. حاسه ان فيها شي .. لأنها يدتها .. و اليده تكون الشخص الحنون و المتفهم
نوره تفتح عيونها شوي .. بس الليت واايد قوي .. فـ تسكرهن و ترد تفتحهن: ويـ .. وين أنا؟؟
ام سعيد: عمووه .. عمووه .. نوره قامت .. و من صريخها الكل دخل
ناصر زايغ: عموه عفرا .. شو .. شو بلاها نواري؟
اليده و ابتسامه عوده مرسومه على ويهها و دموع تتساقط وحده ورى الثانيه: نواري فديـــتج
ميثا تسير و تحظن اختها: نوروو يا الخايسه .. كنت ميته من الخوف عليج .. لا تسوين جيه مره ثانيه
ناصر يسير و يحب اخته على راسها: نوره .. فديــــتج .. لا تزيغينا مره ثانيه .. فاهمه؟
نوره تهز راسها شوي شوي .. و راسها عورها: آآآآي
في شخص محد كان منبته له .. سار و هو ميت من الفرح يزقز الدكتور
الدكتور يحدر الحجره ويا سعيد: السلام عليكم
الكل: و عليكم السلام
الدكتور: ها نوره؟ شحالج؟ شي يعورج؟
نوره بمستحى: هيــه .. راسي يعورني شوي
الدكتور: هذا شي عادي .. من آثار الانهيار العصبي
بوسعيد: دكتور متى نقدر نطلعها؟
الدكتور: انت ابوها؟
بوسعيد: لا عمها، ابوها مسافر حق شغل
الدكتور: عيل منو منكم امها؟
اليده بصوت شوي عالي: امها ما عندها شغله غير الهياته .. عنلاتها الزاد
ناصر و نوره حزت في خاطرهم .. بس سكتوا احتراماً لـ يدتهم
الدكتور قافط: هيــه .. انزين .. ما عندها اخو و لا شي؟
ناصر: أنا .. أنا اخوها
الدكتور: تفظل معايه شوي
بوخليفه: عادي أنا و عمها نسير وياكم؟
الدكتور: انت عمها؟
بوخليفه: هيــه نعم
الدكتور: عيل تفظلوا معايه .. و سار ناصر و بوخليفه و بوسعيد ويا الدكتور .. أما الباقين تيمعوا صوب نواري .. بس سعيد خاف على نوره .. قال أكيد شي فيها

------------------------------
في شارع من شوارع بوظبي
الساعه 8:30 الفليل
------------------------------

------: حاسب .. لااااااااااا

------------------------------
بيت بوفهد
الساعه 9:00 الفليل
------------------------------

-----: خالي .. خالي تعال .. خالو تقول العشا جاهز
بوفهد يشل ولد اخته سهيل و يمشي صوب حجرة الطعام: ياي ياي فديـــتك أنا سهولي .. يارب تكبر و نجوفك غادي ريال .. و تاخذلك ذيج الحرمه الغاويه .. قول آمين
سهيل مايدري شو يقول: آمين .. و يدخلون و يبدؤون ياكلون .. فهد يدخل عليهم
فهد: السلام عليكم .. و يحب راس امه و ابوه
الكل: و عليكم السلام
فهد: شمسوين عشا؟؟
ام فهد: هيــه .. هذا اللي يهمك .. بطنك و بس .. ما تسأل امك و ابوك عن حالهم .. حتى عيال عمتك عندك .. و لا تسلم عليهم .. شو من ولد انت؟
فهد: بل بل بل .. كلتيني يا اميه .. ها .. شحالج؟ عساج بخير؟
ام فهد عافسه ويهها و تشرب الشوربه: بخيــــــــــــــــر
بوفهد و اليازيه و فهد يظحكون عليها .. إلا سهيل .. اللي مندمج في عشاه و لا يدري باللي حواليه
فهد: اميــــه .. عيال عماتي مب ظيوف .. هم أهل البيت .. و (كان بيكمل بس ام فهد قاطعته)

 

[ضوى العيون]

ام فهد: بس بس .. فكنا من حشرتك .. و ايلس تعشى (عقب تطالعه بنقمه بس بطريقه تظحك و مب مقصوده) إلا أقول فهود .. اليوم وين كنت .. اتصلت حقك مليون مره .. دايماً يقول busy
فهد يغير الموضوع: اوه اوه .. طلعت الوالده تعرف انجليزي
بوفهد: لا تغير الموضوع
فهد بـ توتر باين: اممم .. هيــــه .. وحده من بنات خالي طاحت عليهم في المستشفى >> يخرط بس مايدري انه صدق
ام فهد قامت زايغه: منووووو؟؟
فهد: مادري .. أنا .. أنا (و يرن تلفونه) آلو .. هلا بـ خالد .. شخبارك؟ .. أنا بخير و سهاله .. هيــــه .. انزين انزين .. بـ قول حق الوالده .. يلا فمان الله ( و يسكر)
ام فهد: شو يبا خالد منك؟
فهد: ماشي .. بس يذكرني أقولج ان نوره بعدها في المستشفى جان تبين تزورينها (يجذب عليها .. أصلاً خالد متصل يقول حق فهد انه هو و عيال عمه ما بيسيرون ميلس ربيعهم لأنه نوره طاحت عليهم اليوم)
ام فهد: فديـــــتها بنت اخويه .. شحالها اللحين؟
فهد ياكل و مب مهتم: بخير بخير
ام فهد: بو فهد .. بغيت أزورها باجر .. بتخاوينا؟
بوفهد: هيـــه .. أصلاً باجر عندي شغله في العين .. بسير أقظيها .. و بسلم على اخوانج
ام فهد: سويت خير (تصد على سهيل) حبيبي خلصت عشا؟
سهيل يهز راسه .. فـ تزقر البشكاره عشان تنظفه
اليازيه بـ صوت خفيف: خالو .. منو نوره؟
الكل يصد عليها
ام فهد: نوره بنت ولد عمي .. بس بيت ولد عمي عدال بيت اخواني .. فاعتبرها مثل بنت اخويه
اليازيه: كم عمرها؟
ام فهد: امممم .. على ما أذكر هيــه في أول ثانوي .. يعني تقريباً 15 (تصد على فهد) إلا شو فيها نوره؟
فهد قاصد يزيغ امه: أظن جلطه في الراس
ام فهد تصارخ: يا حليلها بنت اخويه
فهد: لا لا .. خربطت .. انهيار عصبي
ام فهد تفلع فهد بالخاشوقه: اسكت اسكت .. و كمل عشاك
الكل يظحك .. و يكملون عشاهم

------------------------------
بيت بوناصر
الساعه 10:00 الفليل
------------------------------

ام ناصر وصلت من بيت ربيعتها .. سارت تدور عيالها بس ما لقتهم، طلعت برع تسأل البشكاره بس جافت بوسعيد واقف عند الباب عند ميثا و جاسم، سارت عندهم
ام ناصر: هلا بوسعيد .. ميثا و جاسم .. شو تسوون برع؟
ميثا مطت جاسم و مشت مغيظه
ام ناصر مستغربه: بوسعيد .. شو بلاهم؟
بوسعيد مغيظ على ام ناصر .. وينها هايته عن عيالها .. بس ما بين على ويهه: و الله يا ام ناصر .. بنتج نوره ..
ام ناصر تقاطعه: شو؟ شو بلاها نوره؟ و وينها؟
بوسعيد: استهدي بالله
ام ناصر: لا إله إلا الله .. تكلم يا بوسعيد
بوسعيد: نوره .. طاحت علينا اليوم الفجر و وديناها الدختر .. و .. و ياها
ام ناصر: شو ياها؟
بوسعيد: انهيار عصبي .. و اللحين هيــه بخير في المستشفى ويا اخوها ناصر و ام خليفه
ام ناصر تصيح و تصارخ: ودني عند بنتي .. ودني عند بنتي
بوسعيد: ان شاء الله .. ان شاء الله .. البسي عباتج و تعالي السياره
تسير ام ناصر و تلبس عباتها و شيلتها و يوديها بوسعيد المستشفى و يرد البيت

------------------------------
حجرة ميثا
الساعه 10:45 الفليل
------------------------------

عقب ما تطمنت ميثا على اخوها .. و جافت البشكاره تعشيه و تلبسه بجامته و ترقده .. سارت تتصل حق حصه
-------: آلو
ميثا: آلو .. هلا سعيد .. عادي تعطيني حصه شوي
-------: أنا مب سعيد
ميثا: سوري سوري .. رقم غلط .. و ترد تتصل بيت بوسعيد
------: آلو
ميثا: متأكد انه هذا مب بيت بوسعيد و لا غيروا رقمهم؟
-------: لا بيتهم بيتهم
ميثا: عيل انت منو؟
------: أنا أحمد
ميثا انصدمت .. كانت تتحاشاها من خطبة موزه .. و اللحين يالسه تكلمه على التلفون
أحمد: آلو .. آلو ميثا .. بعدج على الخط
ميثا ردت للواقع: ها؟ هلا أحمد .. وين حصه؟
أحمد: في حجرتها .. صبري بزقرها .. و يزقر حصه
حصه: آلو .. عرفتج ما تقدرين تفارقيني
أحمد عيونه على التلفزيون .. بس يسمع كل كلمه تقولها حصه
ميثا: عن المصاخه .. تدرين أميه توها راده .. كأنها ما عندها لا بيت و لا عيال تهتم فيهم .. ماحبها
حصه: ميثوو .. عن هالرمسه .. بتظل امج و لازم تحطينها فوق راسج .. و تحترمينها
ميثا: خلاص خلاص .. خلنا من هالسالفه .. وين بتسافرون هالصيف؟ ( و يكملون سوالفهم)
أحمد في خاطره: ما يستوي .. لازم أستسمح من ميثا .. قبل كانت هيــه الخريش اللي ويا حصه .. بس شخصيتها تغيرت .. استوت عاقله .. و بصراحه ما يناسبها و يظحك (زايد يستغرب منه بس يصد يتابع المسلسل)

------------------------------
بيت بوفهد
حجرة بوفهد
------------------------------

يرن موبايل بوفهد .. ترن ترن .. ترن ترن
بوفهد بنعاس: آلــــو
-------: لو سمحت .. انت الاخ عبيد؟
بوفهد: هيـــه نعم .. بوفهد وياك
------: اعذرني يا بوفهد اني أكون الشخص اللي يزف لك هالخبر بس ....
بوفهد بخوف: بس شو؟
--------: بس اختك و ريلها و عيالهم توفوا في حادث
بوفهد: كيـــــــــــــــــــــــف؟ و منو انت؟
-------: أنا العميد عبدالرحمن .. كنا مارين و جفنا حادث، نزلنا من السياره و اتصلنا بالطوارئ، و يوم تفحصهم الدكتور قال انهم كلهم ماتوا لأن الحادث كان قوي .. و دورنا موبايل ريل اختك بس كان مكسور، فـ فتحنا موبايل اختك و لقينا رقمك من الأرقام الصادره

 

[ضوى العيون]

بوفهد: لاااااا .. ختيه .. أي مستشفى انتوا؟
عبدالرحمن: مستشفى .................
بوفهد: اللحين ياينكم .. لا تسون شي
عبدالرحمن: نترياك .. يلا فمان الله
بوفهد: فمان الكريم .. و سكروا عن بعض

------------------------------
اليوم الثاني
حجرة نورة في المستشفى
الساعه 11:00 الصبح
------------------------------

ناصر و ام ناصر و اليده و ميثا و جاسم عند نورة في المستشفى، اللحين بيردون البيت، كانت اليده و جاسم يالسين حول نوره، و ميثا تساعد امها و ترتيب أغراض نوره، ناصر كان يخلص أوراق نوره عشان يطلعها، يوم كان راد الحجره، كان يتذكر كلام الدكتور البارحه
الدكتور: و الله يا اخ ناصر .. مادري شو أقول ..
بوخليفه: شو بلاها نوره؟
الدكتور: نوره ظغطها مرتفع بطريقه غير طبيعيه و هذا الشي مب مناسب حق بنت في مثل سنها، و هذا يعد خطر عليها و أنـ
ناصر بخوف: يعني بتموت؟؟
بوسعيد: اهدا شوي يا ناصر، خل الدكتور يكمل كلامه
الدكتور: ان شاء الله ما بتموت، أنا بكتبلها أدويه بسيطه، بس بإذن الله بتخفف المرض، و شي بعد ..
بوسعيد: شو هو يا دكتور؟
الدكتور: أي انفعال عصبي يقدر يؤدي إلى موتها بسرعه
ناصر: يعني شو نسوي؟
الدكتور: حاولوا تخلونها دايماً جدام عينكم، لا تتركونها بروحها، لا تزعجونها أو تهزبونها، شي بسيط يقدر يذبحها
بوخليفه: ان شاء الله دكتور .. و مشكوور
الدكتور: العفو .. ما سويت شي
بوخليفه: يلا محمد .. يلا ناصر .. تعالوا نرد عند نوره
ناصر كان يتذكر كلام الدكتور بالحرف الواحد، الله يعينج يا اختي، بس اللي سوته مب شويه، بس بسامحها هالمره و بسكت عن غلطتها بس مره ثانيه، أنا بذبحها بـ ايديني

------------------------------
في نفس الوقت
بيت بوفهد
------------------------------

--------: سهيـــــــــــل، سهيــــــــــل
فهد يرمس في التلفون: هيــه راشد، لا ماقدر اليوم .. همممم، لا بسير العين .. لا تخاف مب ناوي أطيح غراشيب هالمره بس وحده من الاهل مريضه و ساير ازورها ويا الاهل .. لا لا مب خطيبتي .. لــ
-------: فهد .. جفت سهيل؟
فهد يصد عليها: لا يزوي .. ما جفته (و يرد يتكلم في التلفون) لا .. يزوي مب ربيعتي .. هاي بنت عمتيه .. هممم .. لا لا
اليازيه تنزل تحت و تدور عليه و تلقاه في الصاله ويا خالتها: سهيل .. أخيراً لقيتك .. شو تسوي؟
سهيل: أجوف تلفزيون .. حاطين سبونج بوب .. حلو .. تعالي جوفيه
اليازيه تحب راس خالتها: السلام عليج خالو .. شحالج اليوم؟
ام فهد: بخير يعلج الخير .. هبشي طشونه من البلاليط .. توني مسوتنه
اليازيه تتطعم: همممم .. لذيذ .. تسلم ايدج خالو
ام فهد: الله يسلمج
اليازيه: إلا وين خالي عبيد؟
ام فهد: مادريبه .. يوم قمت حق صلاة الفجر .. ما لقيته
اليازيه: هيــــه .. اتصلوا قوم امايه؟
ام فهد: لا بعدهم .. أكيد بيتصلون جريب .. و يدخل عليهم بو فهد
بو فهد: السلام عليكم
الكل: و عليكم السلام
اليازيه كانت بتقوم تحب خالها على راسه بس بوفهد تكلم و قال
بوفهد: ام فهد .. تعالي فوق .. أبى أقولج شي
ام فهد سارت فوق .. و اليازيه ياها الفظول .. تدري انه عيب انها تتجسس على كلام غيرها .. بس ما قدرت .. ركبت فوق شوي شوي .. و اتساندت على باب الحجره .. تتصوخ رمستهم
بوفهد يحط راسه على جتف ام فهد: مادري شو أسوي في حياتي عقبها يا حمده .. مادري
ام فهد: عبيد .. شو مستوي؟ شو السالفه؟
بوفهد يتنهد: شمه يا حمده .. شمـــه
ام فهد: شمه ختك؟ (بوفهد يهز راسه) شو بلاها؟
بوفهد و الدموع تطيح من عينه: الله يرحمها .. تـ .. تـ .. توفت هيــه و ريلها في حادث
ام فهد: شوووووو؟؟ شو قلت؟ شمه ختك ما غيرها؟
بوفهد: أدري .. البارحه جفته جدامي ويا ريلها و عيالها .. و سلمت عليها و حبيت راسها
ام فهد: و عيالها (تبلع ريجها) منصور و حمده؟
بوفهد بدى يصيح: خــــــلاص يا حمده .. خـــــلاص .. راحوا عن الدنيا .. و خلوني بروحي .. (بدى يصيح في حظن ام فهد)
اليازيه .. محد يدري عنها .. فهد كان طالع من حجرته .. و يجوف حد طايح عند باب حجره امه و ابوه
فهد يربع عندها و هو زايغ: يزوووووووي

------------------------------
بيت بوناصر
الساعه 2:00 الظهر
------------------------------

قبل شوي وصل بوناصر من السفر على أقرب طياره، و سلم على بنته و عقب على أهله، و يلسوا كلهم يتغدون و كلهم فرحانين عشان نوره .. بينما الكل ياكل
ظبيه: ابويه .. الكل يصد صوبها .. و ظبيه تحمر لأنها مب متعوده على هالشي
بوسعيد: آمري بنيتي
ظبيه و ويهها محمر و مغمظه عيونها: ابويه .. نبغي نسافر هالسنه .. عقب تفتح عيونها و الكل بعدهم يجوفونها عقب ينقعون من الظحك
بوسعيد يظحك: هذا اللي تبينه؟ بس؟ .. خلاص .. ان شاء الله بنسافر هالسنه
ظبيه تبتسم ابتسامة خجل و ترد تاكل
حصه: باباتي .. ويـ
مطر: تكلمت العنز (ينفلع بالموسده) اااااي (يقوم و يركظ ورى حصه اللي فلعته .. و حصه تقوم و تركظ برع في الحوي .. و مطر بعده وراها .. فـ تركظ برع في الشارع
مطر بصوت كل الفريج يسمعه: تعالي يا الحماره .. لا تراكظين في الشارع
حصه ترد عليه بنفس الصوت: أول شي خليتني عنز .. عقب حماره .. ماعليه .. أول شي قول سوري
مطر: ما بقول ...
حصه و بعدهم يربعون: قــــول .. و لا تراني بركض لين الفريج الثاني

 

[ضوى العيون]

مطر: لا لا .. خلاص بقول .. أنــــ
حصه تصارخ: مطووور الحقني، تعال مطوور
مطر زايغ: شو .. شو بلاج؟ (و يوصل عندها)
مطر ناقع من الظحك: بس .. هذا اللي مزيغنج؟
حصه: إذا ما جتلته جدامي اللحين .. بخبر عليك زيود
مطر: خبريه .. يعني بتخبرينه على شي سخيف مثل هذا؟
حصه بخبث: لااااا، مب هذا .. قصدي يوم صرقت الكافي ماله
مطر متوتر: ها .. عن شو تتكلمين؟ أي كافي؟
حصه: عليه .. عليه .. مب الاسبوع اللي طاف سرتوا الجمعيه و خذتوا واايد كافي و حلويات .. و
مطر: و .. و شو؟؟
حصه: و صرقت نص اللي أشتراه .. تتذكر؟
مطر: و انت كيف عرفتي؟
حصه: ماشي يطوف عليه .. و خصوصاً في بيتنا .. و طبعاً يوم زيود سألك منو شلاه .. قلت ان علاوي شلاه .. و زيود واجع علاوي .. لازم يهزبك انت .. مب علاوي البريء
مطر: انزين انزين .. خوزي عني (يشل نعاله و يفره على الطيطار .. و يطلع صوت يلوع الجبد)
حصه: يعععععععع
مطر: ها .. ذبحته .. يلا نرد البيت .. و لا بيهزبونا
حصه: يلا (و هم يمشون رادين البيت و يسولفون) ااااي
مطر: تعالي تعالي .. اتساندي عليه (يردون البيت مشي و حصه كانت تعري و يدخلون البيت)
بوسعيد: بسم الله عليج الحص .. شو استوالج؟
حصه تيلس على الكرسي: ماشي بس تخرطفت و نحن رادين
ام سعيد: ريمو .. اركضي هاتي ثلج
الريم: ان شاء الله اميــه .. و تييب الثلج و تحطه ام سعيد على ريل حصه المتعوره
اليده: هذي الخرابيط ما تنفع .. الكركم أحسن .. بسير أسويلها
روضه: لا يدو .. قري مكانج .. أنا بسويه
اليده: أنا تقوليلي قري .. عنلاتج زاد (مسكت خيزرانتها و بغت تظرب روضه .. بس روضه شردت المطبخ)

------------------------------
في الحوي
------------------------------

خالد و ناصر توهم واصلين
خالد: يلا ناصر .. استعيل .. أكيد الأهل يتريونا .. و أحس انهم مغيظين
ناصر: انزين ادخل داخل .. و أنا بسير أييب لي ماي و بييكم داخل
خالد: انزين أترياك

------------------------------
في المستشفى
------------------------------

بوفهد: كله مني .. أنا السبب .. لو ما تكلمت جان ما سمعتنا و صار اللي صار
ام فهد: استهد بالله يا عبيد .. أنا مطمنه .. البنت بخير مافيها شي .. قوي ايمانك بالله
الدكتور يطلع: انتوا أهلها؟
بوفهد: هيــه .. دكتور بشرنا .. شو بلاها؟
الدكتور مصري: ما فيهاش حاقه .. هيه في غيبوبه .. امكن تطول .. لكن مش كتير .. الله العالم .. ايه اللي حصل؟
بوفهد يدمع: امها و ابوها توفوا .. الله يرحمهم
الدكتور: الله يرحمهم .. ايه دا؟ انتوا مش أهلها؟
بوفهد: لا .. مب أهلها .. أنا خالها (يأشر على ام فهد) و هذي خالتها
الدكتور: هيه كويسه الحمدالله .. بس يعتمد إمتى حتؤوم
بوفهد: مشكوور .. يزاك الله ألف خير
الدكتور: العفو يا حج .. ما عملتش حاقه .. كل شيء بإراده الله
بوفهد: و النعم بالله .. نقدر ندخل داخل و نتطمن عليها؟
الدكتور: ايوا .. تأدروا .. بس ما تطولوش .. و يسير عنهم
يدخلون بوفهد و ام فهد الحجره: اااه يا اليازيه .. انتي اللي بقيتي لي من ريحة المرحومه شمه .. لا تخليني بروحي .. لا تخليني .. يو يبدا يصيح
ام فهد: يا عبيد .. البنت بخير .. لا تصيح .. انت ريال .. خلك قوي
بوفهد يصيح و ما يقدر يوقف: يعني الريال ما عنده مشاعر .. ما عنده أحاسيس .. في لحظة فقدت شمه و ريلها .. و عيالها منصور و فاطمه .. مابغي أفقد بنتها الغاليه .. كل ما أجوفها أتذكر شمه .. نسخه منها .. و هالشي بيذكرني بشمه طول حياتي .. شو أسوي يا حمده؟ شو أسوي؟ (و يرد يصيح)
ام فهد كانت بترمس لكن فهد قاطعها و هو داخل الحجره: ابويه .. ما تخيلت انك في يوم من الايام بيستوي حالك جذي .. عمتي شمه ماتت .. ادعالها بالرحمه .. كمل حياتك بشكل طبيعي .. لا تخلي شي يأثر عليك .. انت بوفهد .. تذلل من عمرك لموت حد .. صح انا فقدنا ناس غالين على قلوبنا .. بس استمر في حياتك و كمل طريجك .. وراك حرمه و عيال تربيهم .. و لا تنسى عيال شمه .. خلك قوي جدامهم .. لا تضعف جدامهم .. عشان ما يضعفون
بوفهد و ام فهد استغربوا .. لأنهم أول مره يجوفون فهد بهذي الحاله .. و يقول هذا الكلام

------------------------------
بيت بوناصر
المطبخ
------------------------------

روضه في المطبخ تسوي الكركم حق حصه و تغني اغنية نانسي عجرم اليديده (يا طب طب)
ناصر: احم احم (روضه تعدل شيلتها) السلام عليكم
روضه: و عليكم السلام
ناصر يطنش وجودها و يسير يصبله ماي و يشربه
روضه متوتره شوي: إلا شـ .. شخبارك ناصر؟
ناصر بـ برود: بخيــــــــــر
روضه مستغربه: ليش ترد عليه جيه؟
ناصر: يعيني كيف تبيني أرد على وحده اهانتني ,, الريال مهما شو سوى .. ما يستحمل الاهانه و لازم يدافع عن عمره .. بس أنا حشمت أهلج
روضه: انزين .. أنا ما سويت شي غلط .. كنـ .. كنت في لحظة غضب
ناصر: أنا ما طلبت تفسير
روضه بـ برائة: الله يخليك سامحني .. ما كنت أقصد
ناصر: خلاص خلاص
روضه: و الله يوم جفتك تصيح في المستشفى يوم نوره طاحت علينا .. ندمت على كل شي
ناصر مستغرب انها جافته: جفتيني أصيح؟؟
روضه: هيــ
ناصر يبى يغير الموضوع: لحظه رواضي (من دون قصد لكن روضه ابتسمت) ما تشمين ريحة حريجه؟
روضه: اويـــــــه .. الكركم
ناصر: حق منو الكركم؟
روضه: حق حصوه .. طاحت يوم كانت ترابع في الـ (كانت بتقول الفريج بس تذكرت ان ناصر يمكن يعصب) في الحوي ويا مطوور .. و طاحت و ريولها تعورها
ناصر: هيــه .. يلا سكري الغاز و تعالي داخل

 

[ضوى العيون]

روضه مبتسمه و في ايدها الكركم: ان شاء الله

------------------------------
داخل البيت
------------------------------

دخلت روضه و وراها ناصر .. عشان محد يعرف انهم مع بعض
اليدة: هالكثر تسوين كركم؟
روضه تخرط: لا يدو .. سرت أجوف اليهال في الصاله فوق .. بعدين احترق عليه الكركم .. و رديت أسويه مره ثانيه
الريم ابتسمت لأنها عرفت من عيون روضه انها كانت ويا ناصر
ام سعيد: عطيني اياه روضه (و تحط ام سعيد الكركم على ريل حصه)
حصه: اااااي .. اميــــه .. يحرق .. حار
ام سعيد: شو أسويلج .. استحملي شوي .. و تربط ريل حصه اللي عليها كركم بـ شيلة بيت جديمة يابتها ام ناصر من عندها
عقب يتغدون الجماعه .. و يوم يخلصون .. ييلسون في الصاله و يتقهويون و هم يسولفون
---------: هود هود
بوناصر: اهدا
-------: السلام عليكم
بوخليفة: مرحبا .. هلا و الله بـ بومحمد
بومحمد: بالمهلي .. شحالكم يا هل البيت؟
اليدة: بخير الحمدالله .. و انت شخباركم؟
بومحمد: بخير يعلكم الخير
اليده: جربوا
ام محمد: جريب ان شاء الله
الريم: تراني ما أقصد أروغكم يا الرياييل .. بس اظهروا برع لو سمحت .. و سيروا الميلس عشان ناخذ راحتنا
زايد: و طلع للآنسة ريمان لسان
الريم تطالعه بنظرة: قلت شي يا أخي
زايد: لا لا .. و لا شي .. كنت أكلم عمري
الريم: تحريت عيل
ام خليفه: صدقها ريماني .. طلعوا برع عشان نسولف و ناخذ راحتنا
مطر: اوه .. الحرمه تدافع عن حرمة ولدها (الريم تحمر و تنزل راسها) إلا قولوا نطلع عشان تحشون فينا و في جمالنا
ام خليفه: من حلاتك عاد
الكل ميت من الظحك
زايد: ويييووو .. قفطوه
ام سعيد: اسكت اسكت .. يعني انت اللي حلو؟؟
بوسعيد: افااا .. يعني أنا مب حلو .. تراه الولد طالع عليه
زايد: هيه اميــه .. إذا قلتي شي عني .. كأنج تقولينه عن ابويه
بوسعيد: منو قال اني أدافع عنك أصلاً .. يالس اسأل إذا أنا حلو أو لا
ميثا: القط ويهك اللحين
ام سعيد: انت يا بوسعيد خذت الحلا كله و لا خليت شي لـ عيالك
حصه: شو بلاكم .. سويتوها يلست مغازل (ام سعيد تفلعها بنعالها) العيوز معصبه .. الشــــرده
و تشرد حصه بس ترد تتخرطف و تعورها ريولها: ااااااي
سعيد و أحمد يربعون عند حصه .. و سعيد يتهيس ريل حصه
حصه: اااااي .. سعيد و الله يعور .. لا تدقه
أحمد: سعووود .. خوز خوز لا .. ما تعرف شي انت (يخوز سعيد) اويــه .. شكل ريولج ملتويه
حصه: لااااااااا ... مابى .. أبى أسافر .. أبى أسافر
بومحمد: سلامتج غناتي .. ما تجوفين الشر
حصه: الشر ما ييك خالي
بومحمد: يلا تعالي نسير الدختر
بوسعيد: لا لا .. و الله انك ما تطلع من بيتنا إلا و انت هابش لك من الفواله
بومحمد: خلاف ان شاء الله .. بسير اودي حصيص الدختر
بوسعيد: حلفت عليك .. حصه بيودونها اخوانها (يصد صوب سعيد و أحمد) ودوها الدختر جان ما عندكم شغله
سعيد: لا ابويه .. ما عدنا شي .. سيـــــتا .. سيــــــــــــــــتا
سيتا: ها .. ها بابا سأيد .. ايش يريد؟؟
سعيد: سيري ييبي عباة حصه و شيلتها
سيتا: هازر بابا .. و تييب عباتها و شيلتها
محمد: أنا بوديكم بـ سيارتيه
أحمد: لا لا .. مافي داعي تكلف على عمرك
محمد: لا كلافه و لا شي .. يلا .. أترياكم .. بسير أحر السياره
ميثا: سعيــــــــــد .. سعيــــــــــد
سعيد يصد صوب ميثا: ها ميثوه؟؟
ميثا: اممم، عادي أسير وياكم؟؟ أبى أيلس ويا حصه؟؟
سعيد: انزين، بس البسي عباتج و شيلتج و تعالي بسرعه
تسير ميثا تلبس عباتها و شيلتها و تربع برع عند السياره و تركبها .. و يسيرون الدختر

------------------------------
في الصاله عند اليهال
------------------------------

الرياييل و الشباب ساروا الميلس .. أما الحريم فـ تمن في الصاله .. لكن عند اليهال
سالم: عوشه .. تعالي نلعب باربي بروحنا .. هذيلا الأولاد يخربون علينا
راشد: يعني انت مب ولد .. و الله
العاش: اسكتــــــوا .. أبى أجوف كارتون نتورك
جاسم: شو هذا .. هاي اللعبه صعبه .. سلووم تعرف تقيم هالدور؟
راشد: عطني أنا جسوم .. هذا سالم مال البنات .. حبيب البنات .. دلووووع
سالم يصيح: اسكت يا الولد .. بخبر عليك اخويه خلوفي
راشد: هيــه .. خبر خبر عليه .. و أنا أصلاً ولد .. و شو هاي خلوفي بعد؟؟ خليفه ريال مب ياهل
سالم: انت ما يخصك .. هذا اخويه مب اخوك .. خلاص بسميك رشوودي
راشد: جان سميتني بـ هالاسم مره ثانيه لأفلعك بـ جيم بوي مالت جسووم
جاسم: ايـــه .. مالكم خص في مالتيه .. ناصر شرالي اياها من بلاد العنجليز اللي سارلها
سالم يضحك باستهزاء: شو عنجليز؟ ما تعرف ترمس زين؟ الناس يقولون انجليز .. مب عنجليـــــز
جاسم: اسكت اسكت .. أصلاً سمعت أنا هالرمسه من يدو .. تراني بخبر عليها
راشد: هيه خبر
سالم: إذا خبرت يا ويلك مني .. تراني بخبر عليك سيـــــتا عشان تواجعك
راشد: هيـــه .. تخبر البشاكير .. حبيب البشاكير (و يطلع له لسانه)
سالم: اطلع برع .. اطــــ
العاش: اسكتـــــــــــــــــوا .. و تركظ تحت تصيح
جاسم: جفتوا كله منكم .. و يربع وراها

 

[ضوى العيون]

عند الحريم
------------------------------

العاش تصيح: اميــــــــــه .. اميـــــــــــــــــــــــــــه
ام سعيد: فديــــــــتج أنا .. شو بلاج؟ ليش تصيحين؟
جاسم يدخل ربع: عوشه .. عواشي .. لا تخافين .. أنا بواجعهم
ام ناصر: جاسم .. شو بلاها العاش
جاسم: هذيلا سلووم و رشوود يتظاربون فوق و حاشرينا
روضه: ما عليه .. تراني سايره اللحين أهزبهم
جاسم: عواشي حبيبتي .. تبين كاكاو؟ .. عندي كاكاو .. ناصر اشترالي البارحه
العاش تهز راسها
جاسم: اللحين بييبه و بناكله أنا و انت .. اوكي؟
العاش: اوكي .. (و يربع جسوم لين حجرته) .. العنود .. وين مي؟؟
العنود: مي راقده فديـــتج .. يوم بتقوم بطرشها عندج .. يلا سيري العبي عند جاسم
العاش: ان شاء الله .. و تسير
اليده: شو ها؟ يهال اللحين ما عندهم غير حبيبي و حبيبتي .. نحن قبل كنا ننخش من الرياييل .. حتى لو كانوا صغار
الريم: و الله يا يدو .. التلفزيون يسوي البلاوي .. خرب اليهال .. و امكن يخربج انتي .. امكن تلبسين مرصص
اليده تضرب الريم على راسها بالخيزرانه
الريم: اااااي
اليده: تستاهلين .. أنا اللحين ألبس مرصص .. امف عليج و على رمستج
و الكل يظحك على سوالف يدتهم

------------------------------
في الميلس عند الرياييل
الساعه 8:30 المساء عقب صلاة العشا
------------------------------

يوم ساروا الرياييل يصلون، تلاقوا ويا هزاع و ابوه، فعزمهم بوناصر على العشا
بوهزاع: و الله يا جماعه .. و بما اننا متيمعين .. بغيت نحدد وقت العرس
بوسعيد: فالك طيب يا بوهزاع .. بس اللحين بومحمد مستلمنها .. مب أنا
بوهزاع: ها .. شو تقول يا بومحمد؟
بومحمد: انتوا حددوا الوقت و نحن بنشاور البنيه
هزاع: و يا ريت اليوم يا عمي
بوهزاع يهمس لـ هزاع: اسكت اسكت .. فظحتنا
بومحمد يظحك: لا .. صدقه هزاع .. كل ما استعيلنا كل ما كان أحسن
بوهزاع: انزين .. شو رايكم عقب شهر.. مب أحسن
بومحمد: زيــــن و الله .. اللحين بسير اسأل موزه .. عن اذنكم .. تعال ويايه يا بوسعيد
بوسعيد: يلا .. سرنا .. دخلوا داخل و سألوا موزه .. أول شي موزه كانت مب مواقفه .. عقب رظت بالامر الواقع
و ردوا عند الرياييل .. و خبروهم .. و اتقفوا على المهر .. و باجر بيوصل المهر عند موزه عشان تبدا تتشرى و تتجهز

------------------------------
في المستشفى
------------------------------

مرن اسبوعين .. واايد أشياء استوت .. موزة انتقلت بيت ابوها سالم .. و بدت مشترواتها ويا خواتها و بنات عمها حق العرس، و هزاع يبغي يكلمها في الموبايل .. بس موزه مب راضيه .. تقول اونه عيب و منقود .. و اليده وياها .. بس ابوها و اخوانها يحنون عليها .. يقولون لها ان الريال بـ يتخبل إذا ما كلمتيه، هيـه تبغي تكلمه بس تقول أحسن شي لا .. بكلمه يوم العرس .. استوى العزى .. الناس يايين من كل مكان يعزون بوفهد .. لأنه أقرب واحد لاخته .. الكل زعلان لـ وفاة بومنصور و ام منصور .. و خصوصاً بوفهد .. ما يطلع مكان .. من البيت لين المسيد .. و من المسيد لين البيت .. استوى ما ياكل زين .. فقد ناس غالين على قلبه .. و بنت اخته بعدها في المستشفى في الغيبوبه .. ام فهد كل يوم عندها .. و سهيل و لا داري بـ شي .. اللحين آخر شهر سته .. يعني باقي شهرين و بتبدا الدوامات
-------: ااااه .. اميـــــه .. اميـــــــــــــه
محد رد عليها
-------: اميــــــــــه .. ابـــــــــــــويه .. وينكم؟
عقب تتذكر آخر شي استوى
--------: لا لاااااااااا .. ما يستوي .. اميــه .. امـــــــــايه .. لا لا .. ما خلتني .. اكيــه .. اللحين بتي .. سارت شوي بس .. و بترد عليه .. و بيي وياها ابويه و منصور و فاطمه .. بيون يسلمون عليه .. بيون (تصيح) بيون عندي .. هم يحبوني .. ما بيخلوني بروحي (تدخل ام فهد) أنا أحبهم .. هم يعرفون هالشي .. ما ماتوا .. ما بيسيرون عني .. يحبوني واايد .. صـــ .. صح خالو؟؟
ام فهد تقطع قلبها: هيــه اميــه .. هيــــــه
اليازيه بتموت من الصياح: اللحين بيون .. ازقري خالي .. خليه يكشخ عشان امايه بتي و بتاخذنا البيت .. عقب بتودينا المول نتشرى .. و بنسير نلعب في الالعاب .. و بناكل آيس كريم و عشا .. و بنسير السينما .. بنسوي كـــ .. كل شي
ام فهد: ان شاء الله .. ان شاء الله (تطلع و تتصل حق بوفهد)
بوفهد: آلــــــــو
ام فهد: عبيد .. الحق عليه .. الحق .. اليازيه قامت .. قــــــــامت
بوفهد: شووووووو؟؟ متأكده انتي و لا تتمصخرين؟؟
ام فهد: هاي سالفه أتمصخر فيها .. صدق قامت .. اكيه جدامي
بوفهد: اللحين أنا ياي .. (يطلع بوفهد و يسير المستشفى عند اليازيه)
ام فهد تدخل الحجره: اللحين بيي خالج
اليازيه: هيــه .. عشان نستقبل قوم اميــــه .. شكلهم تأخروا شوي
ام فهد مستهمه عليها: ها؟ هيـــه .. هيـــه
يدخل عليهم بوفهد
بوفهد: اليازيه .. فديــــــــــــتج .. الحمدالله على السلامه
اليازيه: الله يسلمك .. بس ليش؟ شو بلاني؟
بوفهد يطالع ام فهد مستغرب .. و ام فهد تهز راسها بـ معنى لا .. ما قلتلها
اليازيه: خالي .. خــــــــــــالي
بوفهد: ها؟ .. هيـــه .. ماشي بس يتج الحمى و وديناج الدختر و اللحين انتي بخير
اليازيه: هيه اوكي .. خالي .. متى قالوا قوم اميــــه بيردون
بوفهد: اليازيه .. اسمعيني زيــــن .. لازم تفهمين ان امج و ابوج توفوا .. تــــوفوا يا اليازيه .. توفوا (و بدا يصيح)
اليازيه: لا لا .. انت تجذب عليه .. اميــــه اللحين بتي .. و وياها ابويه و منصوروو و فطامي .. اللحين بيون
بوفهد: اليازيه .. هذا قدر ربج .. أنا يالس أقول الصدق .. خلاص .. امج و ابوج و اخوانج راحوا عن الدنيا و خلونا بروحنا
اليازيه: لااااا .. ليـــــش؟؟ أنا شو سويت لهم .. ما سويت شي .. ليش يسيرون عني؟ ليــــــــــش؟
بدت اليازيه تصيح في حظن خالها اللين ما هدت
اليازيه: خــ .. خالي؟
بوفهد: ها فديــــــتج؟
اليازيه: ويــــن سهيل؟؟
بوفهد يبتسم لها عشان يطمنها: في البيت يجوف هذا الخرابيط ماله على التلفزيون .. اونه أبطال النينجا .. صدقنا انه في باتمان و سبايدر مان .. بس بعد سلاحف تقاتل الأشرار .. هاي أول مره أسمعها
اليازيه و ام فهد يظحكون على سوالف بوفهد
بوفهد: يلا يا اليازيه .. يقول الدكتور باجر بنطلعج