مــابي تقليدي لو شنو ايصير

[روعة ذاتي]

قــوه عــسولات :
بنــات انا اخطبوني ناس وايد بسس امي ارفضت لان توني صغيره
وصصج معاها حق عمري 17 وايد صغيره على الزواج
بسس مشكلتي مو هذي مشكلتي لون شنو ايصير مابي زواج تقليدي
ابي اشوف الريال قبل لا اخذه ابي احاجيه بالعربي ابي احبه بعدين
اتزوجه مابي اخذ واحد ما اعرف عنه شي بسس بأول ليله اشوفه
شعور مرعب اتخيل شكله وخصوصا ان احنا عندنا عيب البنت تشوف الريال او تحاجيه قبل العرس وانا مستحيل اقبل بهالشي انزين والحل مابي اسوي شي من غير علم اهلي لازم اهلي يدرون واهلي رافضيم هالفكره واذا بيتمون رافضين انا بتم من غير زواج ..

 

[ام دليار]

رد : مــابي تقليدي لو شنو ايصير

أنتي راح تزوجي تقليدي

كل يلي بقولو هيك بيتزوجو تقليدي
الدنيا قسمة ونصيب

 

[عطر الدوحه]

رد : مــابي تقليدي لو شنو ايصير

الله يعييين

استخيري ربج وبلا حب وبلا خرابيط توج صغيره :d

 

[BiiShOoO]

يعني لحظة شنو بايدج تسوينه؟؟

يا انج تحبين من وراهم و اهمه ما يدرون و ماتدرين شنو يطلع هالشخص يا تاخذين تقليدي

و انا افضل التقليدي

 

[G!RLooNa]

اول شي بليز غيري اللون يعني العيون :/

ثاني شي ١٧ توج صغيره لاحقه و ماتدرين الايام شخاشتلج لا تفكرين من الحين شلون بتزوج و ابي احب خليها على الله عندج اشياء اهم بهالعمر !

 

[رنيم q8]

اول شي توج صغيره
ليش تفكرين بالزواج
بدال لا تفكرين بدراستج
بعدين بقولج شغله الزواج قسمه ونصيب

 

[سمو النفس]

رد : مــابي تقليدي لو شنو ايصير

عادي كلنا تزوجنا من غير حب ولا كنا نعرفهم زواج تقليدي والحمدلله مشت حياتنا وحبينا ازواجنا ....

وحده من البنات اللي اعرفهم خذت واحد كان بينهم علاقه حب بس ماصار نصيب بينهم الدعوه قسمه ونصيب وانا اختج وانتي توج صغيره ومراهقه ولحد ياثر عليج​

 

[ام خدود ورديه]

وييه الله يعيينج
انا ما اقولج كلمي
لا
طلبي الشوفه الشرعه لا عيب ولا حرام
وقعدي معاه اكثر من مره وفهميه وخل يفهممج لاتسكتين عن حقج

 

[مناير ...!]

رد : مــابي تقليدي لو شنو ايصير

توج صغيره

 

[روعة ذاتي]

رد : مــابي تقليدي لو شنو ايصير

يسلموو على النصايح ما انحرم منكم يارب ,, كويتيات انا ما ركزت على الزواج ولا كنت افكر في بس المجتمع اللي حوولي اهو اللي مركز علي بما اني اكبر وحده ,, وثاني شي شخص ما اعرف اطباعه واهو شنو مستحيل اني اخذه ,, وعلى قولتكم الحياه قسسمه ونصيب ,, بس انا حبيت اطلع اللي بداخلي ,, وحده ماصار لها فتره تقوول مو مشكله تنطرني على ما اكبر لو بعد خمس سنين لييش منو اللي بياخذني انتي ولا ولدج واحمد ربي مليون مره ان ماصار نصيب مع هالمره ,, شي يرفع الضغط يااابخت اللي اصغر وحده بالبيت ونااسه مايكوون عليها تركيز ,, وصدقووني مو انا بسس اللي تعااني من هالشي لانهاا اكبر وحده كذااا بنت نفسي ..

 

[Sh0sho]

اي والله مو بس انتي
حتى انا نفس الحال
مع اني امي سكاتي ماتجيب طاري الزواج خير شر
وانا توني صغيره خليني اخلص من جامعه واتوظف ويصير خير
والله يرزقنا بولد الحلال الي يسعدنا

 

[لبوه حمودي]

رد : مــابي تقليدي لو شنو ايصير

اول شي توج صغيره وتو الناس على هالموضوع وثاني شي انصحج من اخت لاختها الصغيره مافي احسن من الزواج التقليدي لانه اهو الدايم بس الحب خرابيط وهذا الحجي مومن عندي من تجارب ناس شفتها وسمعت فيها يحبون يتزوجون بس مايستمرون تدرين ليش لان الحب قبل الزواج شي والحب بعد الزواج شي ثاني وبالنهايه كل شي قسمه ونصيب والوحده ماتدري نصيبها وين بس انتي ماعليج الا انج تدعين ربج يكتبلج الزوج الصالح الي يسعدج ويحافظ عليج

 

[۞ F A N T A S Y ۞]

رد : مــابي تقليدي لو شنو ايصير

يعني انتي الحين تضمنين اذا تزوجتي واحد تعرفينه قبل الزواج راح يضل كما هو بعد الزواج :bbbiu:

فاهمة شعورج ان مو قادرة تتزوجين واحد مو عارفه عنه شي بس صدقيني كل شي قسمة و نصيب و الي كاتبه الله بيصير فحاافظي على مشاعرج قدر الامكان الى ان يجي وقت نصيبج عشان ترتاحين

ممكن تتزوجين زواج تقليدي لكن بتعيشين حياتج سعيدة شنو المانع كل شي ما يبين الا بعد الزواج و العشرة صدقيني وومكن تتزوجين واحد تعرفينه عدل تنصدمين فيه بعد فترة

نصيحة حاافظي على مشاعرج الا ان يجي الخطيب الي ترضين فيه مو لازم تكلمينه كافي راي الناس و الي تسمعينه عنه

و لو نروح من ناحية الشرع ما يجوز تكلمينه الا بالنظرة الشرعية و بعده لا الا بعد الملكة فاهم شي حاولي ترضين ربج عشان ترضين عن حياتج بعدها


و الله يوفقج ان شاء الله :eh_s(7):

 

[ShaGRa NoiSya]

حبيبتي الزواج قسمه ونصيب

انتي شدرااج ان الي راح تكلمينه وتحبينه راح يتزوجج؟؟

رفيجتي كانت تحب واحد وقايله ما اتزوج إلا اهوو ويا خطبها واحد ثاني ووافقت وقبل الملجه هدت حبيبها وكاهي عايشه مرتاحه تقول ريلي يسوى فلان وطوايفه

وخل اقولج دام اهلج من النوع الي متشددين شوي انتي لي يا خطبج واحد طلبي الشوفه الشرعيه قولي حق اهلج ان هالشي من حقج وروحي لهم من ناحيه الدين
المشكله ان المره لي انصدمت بالريال بترضضى بواقعها بس الريال مايعجبه العجب ويظلم المره

وانتي ادعي ان يكون من نصيبج ريال زين يخاف الله فيج

 

[iLLuMinaTion]

قسمه ونصيب

 

[opera]

رد : مــابي تقليدي لو شنو ايصير

دام عندكم عيب البنت تكلم الريال وتشوفه قبل العرس شلون بتتزوجين غير هالزواج ؟؟


مو معقوله بتسوين شي من ورا اهلج


وحتى لو سويتيها فرضي انه اهلج طاحو عليج وذيج الحزه اذبحوج طق وزوجوج غصبن عليج .. ماتسوى عليج صراحه



ذكرتيني بنفسي كنت اقول نفس الكلمه لا وجدام اهلي بعد لوووووووول والله عيني قويه :krkrkr:

لا وكبرت وانا لاهيه بالدراسه لين اشتغلت واهم يقولون لي وينه فارس احلامج واقولهم بعده ماطلع من بطن امه ههههههه

بس الحمدلله تزوجت زواج تقليدي وكل يوم احمد ربي على هالزواج وانه تم بموافقتي وموافقه اهلي


يا حلو البنت لي انزفت بعرسها واهلها مفتخرين فيها وببالنسب اللي خذته

 

[هاديهـ&مطيعهـ]

من كثر ما اسمع تجارب بنات وايد بالزواج
الزواج التقليدي اللي فيه نظرة شرعية وقبول من الطرفين بدون كلام تلفون ولا طلعات مجرد نظرة شرعية اهو أنجح زواج وأقل نسبة طلاق تكون فيه لأن هالنظرة فيها الراحة من كلا الطرفين والرسول عليه السلام وصى بالنظرة الشرعية
ولا تسوين شي من ورى أهلج خلي أهلج بعيونج صج فعلا حلو تعيشين قصة حب قبل الزواج بس الأهل أهم وأولى من هالحب حرام تكسرين ظهرهم وتجرحينهم

 

[نجمة فجر]

حبيبتي انا اصغر وحده

وكان التركيز علي لحد الجنون

جنى مافي البلاد الا انا

العالم اتحن اتحن اتحن على امي
كل يوم لنا قصه وسالفه مع الخطاب
كل هاي مو وناسه ولا حسن حظ هاذي تعاسه

اخرتها انملج علي وبعد شهر توفت امي قسمة ونصيب ..,,’
الله يرحمها يارب

الشاهد من الكلام خلي اخر همج الزواج
عيشي دنيتج بالعرض والطول في اطارة الحلال والحرام
ولاتتخيلين ان الزواج حب وبس


خذيت شخص ماكنت مقتنعه فيه حتى 20%
والحمدلله الحين مابي غيره مع ان توني متزوجة بس اقتنعت فيه

توج صغيره كملي جامعتج وعقب ايصير خير

 

[زوجة عزيز]

رد : رد: مــابي تقليدي لو شنو ايصير

وييه الله يعيينج
انا ما اقولج كلمي
لا
طلبي الشوفه الشرعه لا عيب ولا حرام
وقعدي معاه اكثر من مره وفهميه وخل يفهممج لاتسكتين عن حقج

معاها

 

[احنا عشقناها]

شي طبيعي يكون هذا


تفكيرج بحكم سنج والفترة اللي تمرين فيها


باجر لما تكبرين وتعدين هالمرحلة بتعرفين الصح وبتختارين على هالاساس