مــاأحـب أشوفه بالكـــويت!!

[حلاتي بحركاتي..]

الســـلام عليـــكم ورحمـــة الله وبركــاته
مـــرحبــا بنات شلــونكم؟؟
هذا أول موضوع لي قررت إنــي أكتب بهالقسم لأن يخص ديرتي الغاليــــة...
الموضوع للنقاش وأتمنى ألقى تفاعل وماتفشلوووني:0bee2e8d89:

الموضوع نفس ماهو باين من العنوان
شنـــو الشــى أو الأشيـــاء اللي ماتحبين تشوفينها بالكويت ويضايقج أن هالشي بديرتج وودج تغيرينه أوتمحينه مره وحده سواء تصرفات أو أشكال أومناظر غلط ومزعجه يعني أي شي يزعجج و يضايقج
بلييز بنات أبي نتناقش بشكل جدي عشان نقدر نعرف شنو اللشي اللي يضايق بعضنا ممكن في منا نسوي شغلات تضايق وبجذي كل وحده تتحاشى الشغله اللي تضايق الناس وماتسويها...

أنــا عن نفسي ماأحب أشوف البويات والترووفه بالأماكن العامه وماخذين راحتهم والناس تعاملهم بشكل طبيعي أحتر أحس هالشي بعد جم سنه بيصير عادي بالكويت :eh_s(14):

للأمانه فكرة الموضوع منقوول

 

[أميرة]

عسى الله يحفظ ديرتنا من كل مكروه



لابد من وجود شغلات لكن الواحد موبيده يغير كثر مايقدر انه يطلب من ربه الهداية وزوال السوء



انا في بالي شغله :::



المتحجبة ليش طلع شعرها سواء قذلة او بف وغيره

انتي تحجبتي عشان تغطين شعرج والحجاب واجب علينا كمسلمات

ودي اللي اوصلة ليش ليش؟؟؟ شعرج يطلع شله الحجاب؟؟

 

[العلياء]

موضوعج حلو صراحه
اللي مااحب اشوفه جرئه البنات تلقينها تمشي بالمجمعات مع البوي فرند ولا راده على احد
وااااااااي اللبس وماادراك ماللبس هالايام
صراحه اكره اني اتمشى بالمجمعات والسبه وقاحه بعض البنات وبعض الشباب اقول هذيل الحين جذيه الله يستر على عيالنا عقب
على طاري التروفه لما كنت اجهز حق عرسي وقفنتي وحده واسالتني عن حواجبي وين مسويتهم جان اقول لها اسم الصالون وعقب رحت ريفا جان القاها واشوفها تشتري جان تقول لي الفلبينه انه تروفه
والله ثم الله اني ماعرفت هالشي لان بشرته انعم من بشرتي وجسمه ولا هيفا ونعومه اظافره ولا وصبغ شعره مو طبيعي
الله يستر من الايام الجايه

 

[_The DoLL_]

وانا ماحب اشوف الهنود والصعايده تارسين مستشفياتنا ,, قطيعه وصافين طابور كانهم عند خباز..واحنا ننطر

لا والامرُُُ من جذي لاحقينا للمستشفيات الخاصة بعد ,,

وين نروووووووووح يعني

 

[طالبه حلوه]

انا بقول بلاوي لو اتكلم
اول شي كثرة الوافدين الي عادين ديرتنا ديرتهم ومتسلطنين فيها صار ما لنا مكان تارسين كل الاماكن و الجامعات الخاصه معطينهم حقهم وزياده ومخلين البدون الي اهم عيال الديره صارو اكثر منا كل واحد ايي واييب عايلته معاه
و الي اكثر شي يقهر انهم مخلين العراقيين يدشون الكويت الحين من افتحو الحدود بينا وبينهم اكثر من 35الف عراقي يو الكويت
و اتمنى انا ما يعطون الجنسيه لاي عراقيه متزوجه كويتي او فلسطينيه وعض الجناسي الي ما تستحقها مثل الهنديه الفلبينيه الاجنبيه
و يحطون قوانين وشروط صعبه لاي واحد يبي يتزوج وحده مو كويتيه
و يحطون برامج توعيه وقوانيين للبويات و التروفه و الي يمارسون الجنس الشاذ مثل المحرمات و غيره وينبهون الاهل على هلاشياء
ويخلون الخير لاهل الديره لانهم اولى فلوسنا كلها طالعه برا انزين مدام زايده عليكم سوو اماكن سياحيه شوف الامارات شحلاتها احنا ديرتنا ما تشجع بسرعه الواحد يمل من الاماكن
وودي يقللون النسب للجامعه والكليات لانهم مو قاعدين ياخذن الي صج لازم يدشون وقاعدين يدخلون الاجانب فيها على ابو انه نسبهم عاليه وواسطه وما ادري شنو
واايد اشياء مو عاجبتني اتذكر و ارد اكتب لكم

 

[حلاتي بحركاتي..]

الأميــــرة والعليـــاء وذادوول وطــالبــه حلوه يعطييكم ألف عافيه عالردوود نورتوا الموضوع وكل اللي قلتووه أنا معاكم فيه والله شي يغث
خاصه هالوافدات اللي يلبسون لبس فاصخ ويتمشون بالمجمعات ويتكلمون كويتي عدل عدل جنهم صج كويتيات وأغلب هالسواح يشوفونهم وينقدون ويقولون بنات الكويت وبنات الكويت صج صج قهر

العليااء سالفتج تقريبا صارتلنا كلنا ياكثر ماشفت بنات عبالي صبيان والعكس استغفرالله الله يهديهم
بناااات بعد أبي تفاعل شدعوة المشاهدات أكثر من الردوود

 

[دندنه23]

ماحب اشوووووووووووف الدبابات والطيايير يذكرني بايام الغزووو الغاشم حسبي الله عليهم

 

[ام الوردة]

مااحب اشووف الجنوس ..

والبويات ..

مااحب اشوف ريال شايب وقبله فليينيه يعني زوجته ..

ومااحب اشوووف لبس بعض البنات العااااااااااااااااري من متى بالكويت نلبس حفر ولو ويست السليب (( سوري عالكلمه )) طالع..

من متى شباب الكويت يلبسوون تراجي وقلايد نفس الحريم لا ويحطون زبده مادري حمرة على شفايفهم ..

لييييييييييييييييش جذي لييييييييييييييييييش..؟؟

والشي اللي ودي يشيلونه من الكويت بس يعوضون الناااس اللي فيه لأن حرام هالمناطق معيشه اسر وعوايل وقبايل ..

يشيلون صليبيه والشعبيات

يعني على جية المسافرين من الحدود
شي يفشل والله ..

 

[حمام شاقني فنه]

الأجنآب زآيدين هاليومين
والديره كأنها ديرتهم
حتى الأمريكــآن مزودينها

مــآخذين رآحتهم على الأخر
الوآحد فيهم وده ينبطح بالشــآرع وابن أمه يكلمه !!!!

مــآحب أشوف الرويبضه يتكلم بأمر العموم ويقول هذا حــآل الكويت !!
وكأن الكويت المعذبين في الارض
شصاير !!

مــآحب أشوف الفوضى الي صايره بالشارع السيــآسي بحجه أن بلد ديمقراطيه وكلن يقول الي يجول بخاطره من ملافظ >سعد

وألفــآظ سـآفله
وبعدين يقول عشان مصلحه الديره >

باختصار ماحب اشوف الفوضه الي مداهمه لديره هالفتره

 

[حلاتي بحركاتي..]

يعطيـــكم ألف عافيــه عالتفاعل الحلوووو كله حب وغييره على ديرتنا الغاليه
دندنه23 نوريتي الموضوع بمشاركتج بس أنا أقول إن الدبابات احسها هالفترة خافه مونفس قبل جم سنه كن نشوفها على طول بالشوارع شوي شوي قاتخف لين تروح مره وحده انشاءالله
أم الوردة يعطيج ألف عافيه أنا معاج بكل كلمه قلتيها بس عالمناطق أنا أقول يعدلونها أحسن من أنهم يشيلونها صح؟
حمام شاقني فنه نورتي الموضوع ويسلموو عالتفاعل الحلوو بالموضوع وهم كلامج عدل بس الله يعدي هالفوضى اللي صايره بالديره على خييير
((الله يحفظ الكويت وأمير الكويت وحكامها وشعبها من كل مكــروووه))
قولو آميــــــــــــــن...

يالله أبي تفاعل موبس مشااهده شاركووا ولو بشي بسيط يمكن نقدر نعدل شي من الأشياء البسيطه والمزعجه اللي صايره بالديرة

 

[Om-Yassofy]

آنا ماحب اشوف الكتابات اللي عالطوف :\

 

[&الماس&]

مااحب اشوف المحلات اللي يبيعون فيها الفلسطن اموت قهر وخصوصا الجوهره لانه حق فلسطيني والمحلات اللي للكويتيين تلاقينها مهجوره والله قهر بديرتنا ومغلوب على امرنا

 

[&الماس&]

شرايكم نسوي حمله وطنيه مشتريات العيد والمدارس من محلات الكويتيين عيال ديرتنا اولى من هالحقودين مع انه نفس البضايع يعني الكويتي اولى

 

[cup cake's]

أشياء واجد

مثلا :

ما أحب أشوف اللي بسياراتهم و يبطلون الدريشه و يقطون وصخ أو زقاير

:eh_s(14):

حلاتي بحركاتي

يعطيج العافيه حبوبه على هيك موضوع

 

[سوآلف .. ْ}~]

انا ماحب اشوف

* الاحزآب بالكويت كلنآ عيال الديره

* انتشار القبيله والطائفيه

* التجاوزات الماليه اللي زادت عن حدها

* الهنود إوووف كلش ماحبهم

 

[العين الكحيله]

وانا ماحب اشوف الهنود والصعايده تارسين مستشفياتنا ,, قطيعه وصافين طابور كانهم عند خباز..واحنا ننطر

لا والامرُُُ من جذي لاحقينا للمستشفيات الخاصة بعد ,,

وين نروووووووووح يعني

صححححح كلامج

 

[q8-SoOoFi-q8]

واايد اشياء ما أحب اشوفها بالكويت والكويتين



ما أحب أشوف الحسد إللي منتشر بين أهل الكويت

ما احب أشوف القبلية والطائفية الطاغية على كل شي

ما أحب أشوف الوساطة إللي بكل مكان حتى بالعلاج من المرض

ما أحب تكبر بعض الكويتين وكأنه الله منزلهم من السما وينتقدون باقي الجنسيات "من تواضع لله رفعه"

ما أحب أشوف عدم احترام الرأي والرأي الآخر ورفع شعار إذا لم تكن معي فأنت ضدي

ما أحب أشوف بعض النواب إللي ما يحترمون هالديرة ولا يحترمون الناس إللي وصلتهم

ما أحب أشوف المداحر بين النواب والحكومة لا المجلس قاعد يشتغل عدل ولا الحكومة قادرة تشتغل عدل

ما أحب أشوف ديرتي الكويت تعبانه من إللي يسوونه فيها بعض الكويتين

سامحوني عالطوالهبس هذا رايي ولحد يزعل

ومشكوووورة وايد حلاتي بحركاتي على هالموضوع ​

 

[AL 3la]

ماحب اشوف الفصاخه والوصاخه
تشوفين وحده لابسه ومو لابسه اعوذ بالله
بالأضافه الى البويات والجنوس الله يقطعهم

 

[shaQshoQa]

ماحب اشوف المشاكل و الامراض و الفتن الي قاعده تصير .. و المسؤولين مو عارفين يسوون شي

الله يحفظ ديرتنا

و هم ماحب اشوف البويات الي زادوا هالايام

 

[[[ عيون جابر ]]]

ماحب أشوف بنات مراهقات لابسين لبس مايليق بعاداتنا وتقاليدنا بحكم ان ستايل وموضه
ماحب اشوف بنات مراهقات على 13 و14 و15 حاطتلها تلفون نقال ولازق بأذونها طول اليوم
ماحب اشوف هالمراهقات بالأسواق لي نصايف الليول بدون أهاليهم
ومشكوره على الموضوع روووووووعه تسلم ايدج