مـشـكـلـتـي لـحـد الآن مـولاقية لـهـا حـل

[ميس الورد والشوق]

الله يفرج عليج

انا اللي اعرفه العياال ابووهم مسؤوول عنهم شكوو انتي؟؟

والله يعز الكويت من يجي الولد او البنت والخير معااهم تمشي لهم 50دينار

وصرراحه

الله يعينج عليهم ناس غريبين وتفكيرهم اغرب!!

 

[بنت عطا]

الله يهديه زوجج يسمع كلام امه يمكن لوو تقول طلق عادي يطلق

يمكن امه ماترضا تطلعون شقه بروحكم فهني بيصير صعب عليج تقنعينه

ونصيحه لاتفكرين بالجاهل مدام تصرفاته جذي

 

[سر الأنوثه]

الله يهدي زوجج ويسخره لج انا انصحج تطلعين بشقه بروحج لأن المكان يأثر عالشخص واايد وخلكم بعاد عن امه ترتاحون والله يرزقج بالذريه الصالحه اللي تسعدج يااارب

 

[حرم_طيار]

رد : مـشـكـلـتـي لـحـد الآن مـولاقية لـهـا حـل

الله يعينج حبيبتي

 

[در الـبحـور]

السلام عليكم

الله يعينج و يفرج همج يا قلبي

بس سؤال اشكثر لج متزوجة ؟؟

و انتي الحين زعلانة في بيت أهلج ؟؟

و لا حظت شغلة تقولين فيها إنه زوجج يمد إيده عليج صح ؟

لا يا قلبي مو قبول انتي بنت وراج ظهر ما يصير يمد إيده عليج اسمحيلي بهذه وقفيه عند حده

و إذا عالعيال ربج الرزاق سبحانه فهميه و قوليله اشخانة الزواج إذا ما يبي عيال و شنو المانع ما يبيهم شوفي بشنو يفكر ؟

يعني ما يبي كلش و لا يفكر بعدين إن شاء الله تجيبين له ؟؟ و مدام بينكم هالكثر مشاكل ما أنصحج حبوبة تجيبين الحين عيال

و بالنسبة لخالتج الله يهديها و يصلحها ادعيلها عسى الله يهديها و تطخ عنج و طنشيها كثر ما تقدرين و عامليها بالحسنى

لازم تقعدين مع زوجج بروحكم و تتفاهمين على كل شي من مسكن ليمه العيال بعيد عن أهلج و أهله شوفي شنو تفكيره

و الله يصلح أحوالكم و يجمعج بزوجج بالمودة و الرحمة الله آمين

 

[i'm so happy]

مشكوررررين حبايبي على وقفتكم معاااااي وعلى نصايحكم ودعائكم

انا خذالي الحين سنتين كم شهر يعني عقب هل كم شهر ادخل ال3
مادري مادري احسها مو حلوة لي ماالحين ماعندي والله اموت على شي اسمه يهاااااال

بس والله ثم والله مااحب ادخل هلي بمشاكلي لكن اهو يجبرني لانه وايد افتن عند امه كأنة ياااااااااااهل
كل ادنات الدون قال لها حرام والله انقهر اهو يقول لمه وانا اتم ساكته لا افضفض احسن مااكتم بقلبي
والحين انا في بيت هلي ولا وده يردني تخيلو وشرطت عليه من بعد مالتقيت معاه اليوم اذا تبيني ارجع البيت لازم على الاقل انجيب واحد
مو 10 انا ابي الهي بحياتي تخيلو احر ماعندي ابرد ماعنده يابنات يقول خلاص تمي في بيت هلج لين افكر يقصد لين يستششير ست الحسن والدالال امه !!! هذي يبيلها تفكير كان فكرت قبل الزواج بسالفة العيال متضاااااااااااااايقة حدي حدي

 

[Ba$ko0oTa]

الله يكوون بعوونج حياتي
والله انج كاااسره خاطري حسبي الله ونعم الوكيل
الله يصبرج على ما بلاج وريح بالج ويطمنج ويرزقج باذريه الصااالحه
ويهدي زوووجج

 

[أم يزيد &سديم&]

أختي دزيت رسالة لج على الخاص اقريها

 

[الغاليه نونو]

الله سبحانه يقول بقرآنه الكريم............ولا تقتلوا اولادكم خشية املاق نحن نرزقهم وإياكم وفي السماء رزقكم وماتوعدون .........


يعني ...العيال رزق من الله لنا احنا البشر وربي لي قدر وكتب بالحمل حق الفقير والغني محد رازقهم وكاتب لقمتهم غير ربي سبحانه ومقدرها تقدير وبالمللي ومحد ياخذ اكثر من رزقه هذا بخصوص الحمال اذا ريلج خايف من الحمل بسبب المصاريف تفاهمي معاه بالطيب وباللتي هي احسن وهالشي لازم تعرفه خالتج ام ريلج
بس عن عسارتها معاج لازم تكون لاهلج كلمه بخصوص هالموضوع انا ماحب الخاله اللي تتدخل بخصوصيات ولدها ورمته
خلاص ياربي عرستييييه قوليله الله يهنيك يمه بمرتك وعسا الله يهنيج بوليدي والله يسعدكم وين ماتروحون

شسالفتهم هالخالات اللي مستقعدين عالوحده ونص حق بنات الناس والله عيب
انتي يمه كلمي اميمتج واهلج دامج عندهم يعني الموضوع صار عائلي بحت واهلج ادرا بمصلحتج والله يكتب اللي فيه الخير والصالح ويسهل امورج ياقادر ياكريم

 

[Bent Ameer]

الله يعينج ويسخر زوجج وييسر امورج حبيبتي ,,

 

[غير كل الناس]

00 عطني شي واحد يستاهل اقعد عشانه ؛؛

 

[Nokia N95]

الله يهدي زوجج و يحنن قلبه عليج ....

شهر رمضان ما بقى عليه شي .... استغلي الفرصة ورجعي حق ريلج ...
قولي انج مليتي وتبين تشتغلين ..... وحاولي تتوظفين
منها تشغلين نفسج .... و يكون عندج معاش خاص فيج ...
وساعتها ريلج ماراح يكون عنده اي عذر ...

والاكثر من هذا .... تقدرين تقنعينه انكم تطلعون في شقه .. لان الوضع المادي بيكون احسن ان شاء الله

وعلى سالفة الحمال ....
شنو المشكلة ؟
انتي تاخذين حبوب منع الحمل ؟ والا في مشكلة معينه تعانين منها ؟

نصيحتي لج ...
1- رجعي حق ريلج ...
2- اشتغلي ... واذا مالقيتي شغل حاولي تستغلين اي هواية عندج ( خياطة - تصميم - حياكة - شغل القرقيعان .. وغيره من هالشغلات ) واشتركي بالمعارض ...
3- خليج واثقة من نفسج .... ولاتفتحين معاه موضوع اليهال ... واذا اي احد سألج عن اليهال و الحمال قولي لهم ( ريلي يقول تو الناس .. يبي يكون نفسه بالاول .. وبعدين تونا صغار .. ومن هالكلام )

والله يهدي النفوس ..

 

[ام القمرالمطيري]

يعني انتي مستخدمه حبوب منع ..؟ دام انتي تبين الحمل كنتي قصيتي عليه قولي اخذهم وانتي لاتقربين صوبهم

بس لو انه عندج طفل وهذا زوجج بطبعه واخلاقه وتسلط امه تهقين بيحب الطفل ولا بيعذبه ويهمله ..؟

وتهقين بيتغير ويصير طيب ويقدرج اكثر وبيطلع برا البيت ..؟

حبيبتي امه الي مسيطره عليه وهو بدون عقل ولا ضمير ولا يعرف يفكر لان منطقيا كل الي يسويه غلط ويرفضه المنطق والعقل والشرع

طق واهاانات وكل اصغيره وكبيره يقولها لامه هذا وين الوحده اتحمله ووتحبه اصلن

انتي لو تطلعين برا البيت اهم شي ويمكن كثير اشيا اتغير يمكن لي ابتعد عن امه يعقل يهتم اكثر مايلقى امه توجه غلط وتخليه يسئ لج

خلي اهلج يكلمونه يطلبونه هو بنفسه يجي بدون امه واحد من اهلج اسلوبه منطقي يناقشه ان الرجال عيب يدخل امه انت مانرضا احنا ندخل اشلون امك اتدخل وانت رجال مو ناقصك شي عشان امك تدخل ع كل شي

وانت لو موحاب تجيب عيال ليش متزوج

وبنتا اخذتها مو موظفه وهي براحتها مو تجبرها الخ

صج بلشه غصب اتوظفين ولاتجيبين عيال ويع شنو هالاهل وربي انا لو مكانج اطلب الطلاق لانه شي يتعب صج بس انتي شكلج تحبينه وعطيه فرصه يمكن امه الي مخربته لكن اهم شي تطلعين برا

واذا ماديا مايقدر اهم شي يضمن ان امه ماتدخل وان صار وقالت شي قولي خلاص مافي الا الطلاق خلج قويه

وربي يهديه ويفرج همج ويرزقج بالولد الصالح

 

[روحي ابوي]

الله يعينج ويصبرقلبج.. والله اقولهاا من كل قبي..المهم.. رياال خاايف من المسؤليه وام مسيطرة عليه..

حبيبتي دخلي اهلج شسالفه؟؟ مايبي عياال ايطول ايدة وامه .سليطة لسااان.. بعرف على شنوو صاابرة ؟؟

عزالله انج بنت ايااويد..ولااا هذا منو يصبر عليه.. خلي امج تكلم عيوز الناار وتفهمهاا انج صاابرة على اشياء

وااايد.. وانج ماراح تردين الا بشروطج ..يبون اهلا وسهلاٌ مايبون فرقااهم عيد

والله حيييل معورة قبلي سالفتج..

 

[om_dodo]

الله يعين

 

[غلا عيوني]

رد : مـشـكـلـتـي لـحـد الآن مـولاقية لـهـا حـل

اول شي انت كنت تبين ترتاحين من حجي الناس طلعي بيت بروحج وعن مساله العيال قوليله قال الله تعالى <المال والبنون زينه الحياه الدنيا<< فهميه ان المراه كل ماكبرت ضعفت قدرتها للانجاب وانت ماتدري هل انا الحين احمل ولالا؟؟العلم عند الله عزوجل وان شالله الله يسخر قلبه لج ويرزقج الولد الصالح <<<<<اتمنى اني نفعتج بشي

 

["اسطورة العشق"]

وااااااااااااااي الله يعينج حبيبتي ..

ان شاء الله يسخره لج ..

 

[cat^q8]

ياحياتي الله يصبرج ان شالله


اول شي افتكي من خالتج افففف انقهرت

 

[FiOnKa]

الله يعينج بس ضرووري تطلعين بشقة بروح احسن من هالمصايب و البلاوي

 

[ديانا سبنسر]

الله يهديه ويسخره