البارت التاسع
فرح : ها ملوك شصار عاللي بتسوينه
ملاك : فرح ييبي لابتوبج بشوف شغلة
فرح : اوكي
""ملاك بطلت اللابتوب وقاعده تدور وتدور""
ملاك : واخيييرا لقيته
فرح : شنو
ملاك : لقيت اللي ابيه
فرح : أي شنوووو
ملاك : نطري ((ملاك قاعده تنقل رقم من اللابتوب))
فرح : شنو نقلتي اشووف
ملاك : ولا شي وخري بعدين أقول لج
((ملاك راحت الغرفة الثانية ودقت على رقم واحد))
ملاك : ألو السلام عليكم
الريال : هلا والله وعليكم السلام
ملاك : قبل لا ابدى موضوعي بس ممكن اتأكد منو انتا؟
الريال : معاج خالد هلا اختي آمري بغيتي شي؟
ملاك : امممممم متردده حدي مادري اقول ولا ما اقول
خالد : لو سمحتي اختي سوري يعني بس اذا ماعندج سالفة خل اصكره
ملاك : لا لا عندييييي .. اول شي اسمي ملاك .. بس بسالك.. انتا خالد الــــــ((مايصير اذكر اسم العايلة))؟؟
خالد : أي نعم آنا
ملاك : انتا تشتغل بالمباحث الجنائية صح؟
ملاك : أي صح ,, عندج شي بتقولينه ولا داقه تسألين بس
ملاك : ((عيونها غورقت بالدموع)) لو سمحت والله آنا مادري شقول آنا اصلا ياهل اخاف اقول لك مشكلتي وبعدين اقول لك جم عمري تروح وتدق على اهلي وتقول لهم كل اللي قلت لك اياه
خالد : اختي تفضلي قولي وآنا عارف انج مو داقه الا لأنج وااثقة وسامعه من قبل انه المشكلة اللي عندج ماراح تطلع حق احد حتى لو تبينها بيني وبينج بس آنا حااضر
ملاك : أي آنا سامعه بس ويييه من زماان واليوم لما صارتلي مشكلة رديت تذكرت اللي سمعته
خالد : وين سامعه؟
ملاك : بموقع .. ورقمك كان محطوط ودشيت اليوم واخذته
خالد : امممم ممكن تبدين مشكلتج؟
ملاك : ((قــالت له المشكلة كلها))
خالد : امممممم اوكي واللي تبينه بالظبط شنو؟
ملاك : ماادري والله ماادري ((قامت تبجي))
خالد : لو سمحتي اخت ملاك لا تبجين هدي شوي كل مشكلة ولها حل
ملاك : بس آنا صغيره توه عمري 15 وهالسالفة اكبر من عمري بواايد
خالد : اخت ملاك .. خل اقول لج هالشغلة يمكن تريحج .. ترى يت لنا مشاكل من بنات وشباب اعمارهم 11 و 12 لا تخافين يعني آنا ماني مستغرب انه عمرج 15 .. واصلا آنا استانست باللي انتي سويتيه لو وحده بمكانج ومثل عمرج جان استسلمت حق الصبي وربعه
ملاك : انزين آنا شبسوي الحين؟ راح تساعدني ولا شنو؟
خالد : شوفي اخت ملاك .. أول شي لو سمحتي عطيني رقم الصبي واسمه واسم عايلته
ملاك : رقمه 66****** واسمه احمد بس عايلته ماعرفها !!
خالد : ملاك .. آنا الحين بصكره لكن راح اكون على اتصال معاج
ملاك : لو سمحت
خالد : ماعليه ناديني خالد
ملاك : اوكي خالد السالفة بيني وبينك ولا راح تطلع حق اهلي؟
خالد : شقلت لج؟ مو قلت لج انتي مادقيتي الا لأنج واثقة انه المشكلة ماراح تطلع حق احد؟ أي خلاص كملي جميلج وخلج واثقة اوكي؟
ملاك : اووكي بس انتا شراح تسوي؟
خالد : خليها مفاجئة .. وآنا عارف انج حيييل مخترعه آنا من الحين اقول لج ارتاااحي ماكو الا الخير انشااء الله
ملاك : مشكووور بس هم حدي خايفة
خالد : ((واايد جذبه صوت ملاك مع انها يااهل واهوا عمره 23 سنه لكن حس انه هالبنية بريئة حيل واللي خلاها بهالمشكلة اهيا لحظة ضعف وبس)) .... لاحول ولا قوة الا بالله قلت لج لا تخافين وخلاص راح نكون على اتصال .. يلا مع السلامه
...................................................
((ملاك سكرته وهم ما كانت متطمنة وخايفة حييييل وماتدري اذا اللي سوته صح ولا غلط))
فرح : ملووك وين رحتي ادورج آنا آخر شي قاعدتلي اهني
ملاك : أي كاني موجوده شدعوه
فرح : أدري مو وقت غشمره بس يلا بنسوي لجنة تفكير
ملاك : ههههه .. لجنة تفكير شنو؟
فرح : حق الصخام اللي سويتيه بعد شنو ههههههه
ملاك : امممم اوكي يلا خل نقعد نفكر ((ملاك ما حبت تقول لها عن اللي سوته لانه ماتدري اذا خالد راح يساعدها ولا لأ))
أدري البارت قصييير بس وعد البارت اللي بعده راح يكون حده طويل خخخخخخخخخ
حدي نحيسة آنا لوووول:eh_s(3):
