مـحـلات تـبيـع شبكـات عروس أسعار مـعـقوله ؟

[Miss-Madry]

روحي الفنار كشك جبال محل كوتون

شبكات مطليه ذهب على ماعتقد دقة المآس 100 وفوق اتوقع اذا شيء حلوو حيل ب 300

ويبرق برق حلوو شرينه منه طقمين

 

[احترت اعبر]

بعد عمري يعطيـج العافيه وانشالله اشوفه بس وين صاير أي منطقه ؟
> ترى ما عندي فكره اول مرة انشالله بروح هالمحلات :cxxxp:

هلا حبيبتي المحل على مااعتقد بليلى جاليري اذا انا مو غلطانه كانوا مسوين عرض قبل جم يوم هذا رقمهم 25751022 اتصلي وتاكدي

 

[زهره الجلنار]

اخذيلج اطقم فضه اللي نفس قصه الالماس واتحصلينها بالدبوس وبعد بالمباركيه واسعارهم ماتتعدى 400 دينار

الله يهنيج ويتمم عليج يارب

 

[NaturaL.GurL]

بعد عمري كلكم ماااا قصرتوا والله يزاكم الله خير

 

[princess89]

رد : مـحـلات تـبيـع شبكـات عروس أسعار مـعـقوله ؟

آآآآآآآآآآآآآآآآآآآخ

الود ودي ماا شتري ذهب بس الوالده الله يهداهاا لازم الذهب

انا بشتري بس طقمين

 

[أحلى روان]

شوفي ديبيرز اسعاره حلوة تلقين الفين ونص بس اهو الماس بلجيكي بس يعني مو صافي حيل بس والله نفس الشي شكليا

انا ماخده منه شبكتين احسن من شبكة وحده بخمسة

 

[أم علاوي 14]

عندج العضوة التاجرة أحب الكاكاو عندها شغلات واااايد رووعة وزوغة
وأسعارها أحلى ... شبكات ترز وعلى الموضة ... وفصوصها درجة أولى ..
شوفي وتقدرين اتمرين بيتها في بيان كاتبة عنوانها بتوقيعها
والتعامل معاها ولا أروع ، اتصلي فيها وشوفي شغلها

والله يبارك لج في الزواج

 

[واثقة الخطوة]

بنات ترى لازوردي بتحصلون أرخص
يعني من 400 وفوق أنا شفت بالفروانية عند العربيد
وفي أطقم ذهب أبيض
والله حلوين وهم ذهب ماتروح فلوسج خسارة

 

[بوغاتي88]

والله الذهب طول عمرة ذخر ويعتبر كنز يعني لوتشترين بنص المهر ذهب عادي موخسارة بس اذا انتي ماتلبسين عندج مجوهرات العوضي عندهم اطقم الماس ناعمة حيل وبعدين انتي عروس اشلون بتلبسين اكسسوار فشلة جدام المعازيم واذا ماتلبسين الماس عندج فضة بس مادري حلات العروس لي دشت شبكتها تلمع وياحلاتها لو كانت الماس حر

 

[غمزه وإبتسامه]

اااااب

 

[sammoora]

رد : مـحـلات تـبيـع شبكـات عروس أسعار مـعـقوله ؟

سوي مثلي انا بعد استخسرت اقط هالمبلغ على شبكه بروحه الدنيا كلها نار وين يكفي اشتري اغراضي

عاد قررت اشتريلي جم قطعة ذهب بس مو شبكه ( اسمي اني شريت ذهب عشان الناس لا تاكل ويهي )

اما الشبكه باخذ شبكة الماس سويسري جنه المهم ان مو بلجيكي يعني مو النوع الغالي و شفت اشكال وايد حلوه

اهني بالمنتدى على 200 تخيلي !!!

عاد قلت والله ماكو الا اشتري هالشبكه الماس كلها بس يوم العرس وبتنقط بالتجوري .. و الذهب قلتلج اشتري جم قطعه وصليهم بـ1000 وخلاص

 

[مدام زيزو]

رد : مـحـلات تـبيـع شبكـات عروس أسعار مـعـقوله ؟

اخذي لج طقم الماس بالف ترى دايما تقدرين لبسينه وكشخه وحلو وسعر مناسب اعتقد

 

[كنووووور]

اخذيلج الماس امريكي مايتعدى الالف من مجوهرات الاربش مو مثل الالماس البجليكي
بس مااايفرق كلش

 

[cheese cake 84]

حبيبتي شنو ماتبين شبكه انتي عرووووس الكل عينه عليج لازم شبكتج تكسر عيونهم انا عن نفسي واايد اهتم بالشبكه ومنو قالج بس ليله انا من تزوجت وانا ارتز فيها بعروس حمولتي واستقبالاتهم بالعكس هيبه خصوصا اذا كانت الماس هذا شي الشي الثاني اذا ماتبين الماس اخذي ذهب ابيض واذا ماتبين انا سمعت عن محلات تبيع شبكات مستعمله ورخيصه روحي وشوفي والله شفت وحده بعرسها لابستها بس طبعا محد يدري بس امهما رفيجتي وقايلتلي والله تينن تلق لق وبعدين الذهب مايكون مستهلك بالاستعمال نفس اللبس يعني حتى لو مستعمل بيضل نظيف مافي شي وبعدي عن الذهب الاصفر لان قديم صار معنه قيمته تبقى فيه ومبرووووووك مقدما:aha:

 

[كيـف أسيـبكـ]

رد : مـحـلات تـبيـع شبكـات عروس أسعار مـعـقوله ؟

تبون الصج بنات

احس الذهب الابيض نفس شكل الاكسسوارات يعني ماكوو فرق والله يقهر


>>> لاعت جبدي ماادري شاسوي
ذهب ماراح اشتري وفلوسه خليتها عند ابوي من او مااستلمت المهر
لان الاسعاار نار

بس الشبكه محتاره فيها
لازم البس شيء يوم العرس

 

[NaturaL.GurL]

تسلمون يا قلبي ما قصرتوا يزاكم الله خير ،، و لا حده مو هامتني الشبكه انها تكون ذهب ،، عروس ما قلنا شي الحمدلله نقدر نتكشخ بشغلات ثانيه و نطلع احلى عرايس مو شرط ذهب على قولتهم انتي تحلين لبسج مو اهوه يحليييييج ،، و خصوصا اهله شويه و ماكو عندهم حفلات ولا عروس وايد ،، يعني ما اتوقع بتصادفني مناسبات وايد صوبهم ،،، وبعدين لو المهر يكفي ما قلنا شي اخذنا زيادة الخير خيرين بس ما يكفي فليش اضيّقها على نفسي وانا بالاساس مو مهتمه للذهب هذا إسراف

 

[حلم الطفولة]

مجوهرات الفارس خصوماته حلوه
وعنده شغلات عباره عن قالب فضه ملبس قالب ذهب مو قشره ولا مطلي بس إنه القالب الداخلي فضه
يصير أرخص من غيره : هذا إذا حابه تاخذين شغلات فيها أحجار وألماس
بعد الأربش اللي بالمهلب يسوون خصومات حلوه وشبكاتهم تهبل تهبل ..
أما الذهب فأحسن وأحسن بعد لأن الذهب ذخر وسعره فيه ولو إن الحين واايد مرتفع

 

[حلم الطفولة]

تسلمون يا قلبي ما قصرتوا يزاكم الله خير ،، و لا حده مو هامتني الشبكه انها تكون ذهب ،، عروس ما قلنا شي الحمدلله نقدر نتكشخ بشغلات ثانيه و نطلع احلى عرايس مو شرط ذهب على قولتهم انتي تحلين لبسج مو اهوه يحليييييج ،، و خصوصا اهله شويه و ماكو عندهم حفلات ولا عروس وايد ،، يعني ما اتوقع بتصادفني مناسبات وايد صوبهم ،،، وبعدين لو المهر يكفي ما قلنا شي اخذنا زيادة الخير خيرين بس ما يكفي فليش اضيّقها على نفسي وانا بالاساس مو مهتمه للذهب هذا إسراف

انزين شوفي مجوهرات الفراوله عيل !
أرخص وإسمها شي ثمين ومجوهرات مو اكسسوار ولا كرستال
وشغلهم نظيف .. الله يسهل لج ويوفقج

 

[ام شعيع]

رد : مـحـلات تـبيـع شبكـات عروس أسعار مـعـقوله ؟

انا شريت عقدالطقم كامل من الفحيحيل 2000 دينار وما يسوي حيل غالي

 

[نور النـور]

والله انا عندي اقط فلووسي كلها علا الذهب
ولا اقطها علا الخلاجين
علا بدله ولا علا بجايم
شدعووه
الذهب ذخرررررررررر
والبدله اخذيها اجار
والبجايم شدعووه ماراح تكلفج مهرج كله والدراريع والجنااط ترا ماتكلفففففففففف

انا عندي الذهب والشبكه شي اساااااااااااااااااااااااااااااسي

والباجي عادي من معاشج اذا تشتغلين او معاش امج ولا ابووج

والفضة افضلها تكون حق خلخال للرجل او سلسله ناعمه تنلبس كل يوم
بس الذهب اكيييييييييييييد احسن لأنه رزززززه ^-^

وانتي كييفــج ^-^

موفقه حبيبتي ^-^