مع miss sensitive استعيدي جمالك واطبخيه عل نااار هاااادئه

[AUK GirL]

يه يه يه شنو هاذاااااااا عجييييييب الموضوع xD

تسلم اناملج وويعطيج العافية ومشكوره من كل قلبي

بصراحه خفت لمن قريت موضوعج لوووووووووووووووووووووول

لانه قلت بقلبي اذا تزوجت مابي يصير فيني اانى مااهتم حق نفسي بس مااتوقع اسويها لووووووووووووووووووول

 

[الأمـــواج]

موضوعج اكثر من رائع

ناطرينج

 

[RoSe PeRFuM]

 

[RoSe PeRFuM]

أبشرج من الحيـــــــــــــــــــــــــــــــن موضوعج انشالله من المواضيع المثبتة...مثل موضوعج الحلووو إلي طاف....​

 

[Miss sensitive]

:ggdw: :ggdw: :ggdw:
اسعدتني الردود الطيبه وان شا الله تكونون متابعيني

والحين بنكمل

 

[Miss sensitive]

خامسا: الإنجذاب العاطفي





مثل ما قلنا كوني دايما بكامل زينتج بدون تكلف وبدون لا تتعبين روحج
.. مثلا ييتي من الدوام تعبانه لبسي شورت ناعم وبدي والوان هاديه وغلوس وعطر ناعم وهالشي بخليج اصلا ترتاحين نفسيا.. كل ما شفتي روحج أحلا كل ما زادت ثقتج بنفسج وحسيتي بالسعاده

لا تنطرين منه تعليق وإطراء

.. ردي مثل ما كنتي وتدللي وتدلعي وخلي ابتسامتج دايم على ويهج .. المرا المكتأبه ما تجذب الزوج لو مهما اهتمت بجمالها .. بتحس مع الايام ان زوجها ملها وقام يشوف غيرها ..
بنات معتزات بشخصيتهم وهمهم نفسهم قبل أي احد
اهتمي بنفسج وخليها اهم شخص عندج .. وحبي روحج مثل ما انت .. فإذا كنت ما تحبين نفسج !! شلون تبين ريلج يحبج؟؟
خففي الاهتمام فيه .. خلي الموضوع مقتصر على الضروريات مثل أكله وملابسه وحقه الشرعي .. لا تعرضين خدماتج عليه دامه ما طلب

لا تدللينه لان الريال بطبعه مايحب المرأه اللي تركض وراه
يبي المرأه اللي هو يركض وراها

اللي شايفه روحها عليه واللي تهتم بنفسها اكثر من اهتمامها فيه وتقدر ذاتها وتدللها
الريال انخلق عشان يركض وراج وانت تتغلين عليه مو العكس !!!
فلا تدللينه زياده عن الحد .. لان هذا دوره
وبعد لا تهملينه وتتجاهلينه
الريال لمن يرد من الدوام تعبان ومتضايق .. كل همه انه يوصل البيت ويشوفج بستقباله ويشوف عيونج العاشقه وبسمتج اللي بتريح قلبه وتزيل عنه كل التعب .. تذكري انه اول ما يدخل وما يلقاج اكيد بناديج ويدور عليج أو يسأل اليهال

.. وين ماما ؟؟

حتى لو تلقينه مكشر ,, صدقيني المهم شافح .. يحس براحه نفسيه يوم يشوفج تضحكيله وانت مرتبه وعطرج الناعم على جسمح .. طبعااا غير لمن يشوفج بدراعه ورافعه شعرج كبه وانت بعد زهقانه من الدوام ومالج خلق احد

أدري المسأله صعبه ويبيلها جهاد بس ترا والله كله اجر




علاقة الشكل بالانجذاب العاطفي

شلون تجذبينه وتخلينه دايم دايم يلتفتلج !!!
مثل ما قلنا من قبل انتقي استايلج حسب مزاجه


إذا شفتيه تعبان ومتضايق





خلي شعرج ستريت
ولبسي اللون الازرق السماوي من غير إغراء
ميك آب خفيف جدااا جداااا يعني غلوس ومسكره
عطر نااااعم مثل المسك والافندر ونكهه الكاكاو
خلي صوتج نااااعم وهااااادي وكله حنان
ساعديه بلبسه ودلكي ريوله وزهبيله عشا خفيف ساندوج وعصير فرش



وإذا حسيتي فيه وده بممارسه الجنس





دللي نفسج ولبسي قمصان مثيره والوان زاهيه وحطي شوي ميك أب وعطر بنكهه حامضه وكعب واكسسوارات
وشعرج استشوريه لي برا لأن الشعر بهالطريقه يفهم الرجل منج انج تدعينه للجنس
تدللي وخليج دلوعه بزيااااااده وترقصي بحركات خفيفه وهزي بوروكج واكتافج وتمايلي زياده بالمشي
وشعرج وانت تتكلمين رديه لي ورا وييبيه جدام بس طبعااا بنعومه



وإذا اليوم يايج فرفوش ومستانس
(من الناااااااااااااادر)





خليج نفسه :eh_s(6):
استهبلي شوي
خلي لبسج شوي طفولي
يعني بجايم شورتات وعلاليق
والشعر كيرلي مثل ميريام فارس لان شكل الشعر بهالطريقه طفولي لكن بعد يعطي احساس بأنج جنسيه .. ولعبي معاه جنجفه كسري راسه .. دومنه وبلي ستيشن
شوفي معاه فلم وحطي بوب كورن وببسي
خلي صوتج وحركاتج كلهاااا دلع وانوثه وضحكاااات خفيفه وناعمه من القلب
يعني بالنهايه خليج فنـــــــي



خليج انيقه وجميله ورقيقه كل يوم وعلى مدى الساااعاااات
بتاخذين قلبه ويحب قعدتج وبيتج
والله يهنيكم

:tek:

 

[Miss sensitive]

المعامله والانجذاب العاطفي





خليج ذكيه ولازم تعرفين ان عند الرياااييل (كل ممنوع مرغووووب)


يعني لا تعاندين واللي يبي يسويه قوليله ok عليك بالعافيه وبتليقنه من كيفه يغير رايه ويسوي اللي تبين بكيفه وانتي مستانسه
خليه يحب قعده بيته بكل حالاته ويلجألج بوناسته وزعله
هذي أول الطبخه
بذكائج وخيالج تطبخين ريلج شوي شوي ولا تخلينه يبرد أو يشوفج وجنج طبق بايت
خليج دايمااا طبق حاااااار وحلو ياخذ منج شوي وما يتأكد متى بضوق هالطعم مره ثانيه
لان الاطمأنان بداية نهايه العشق مو الحب !!

لاتخلينه ينام مرتاح

خليه دايمااا يفكر ومشغول فيج ويفكر شلون يقدر يسيطر عليج وشلون يفكك اسرار الانثى
يفكر ومشغول ومرتبك
عطيه من الحب الحصه اللي يحتاجها ليومه بس مو حق اليوم اللي بعده
بهالحاله ماراح يستسلم ولا راح يرضى يكون خسران وبتلقينه دايم يراقب تصرفج ضحكتج مشيتج وتلقين كل حواسه معاج وافكاره بتودي راسه يمين وشمال
لاتتضايقين لو تلقينه ينبش بتلفونج
أو يحكرج بمواعيد الدخله والطلعه
هذا دليل الاهتمام بعضنا يحس انه يتحكم أو مجرد حكاره لا .. اهو ببين اهتمامه وانشغاله فيج وبنفس الوقت تلقينه مع نفسه الحريه بالمواعيد والربع وبكل شي ..
بس انت تصرفي بطريقه صح


يا الله الحين خلونا نتكلم من ناحيه تصرفات الزوج اليومية

مثال : اليوم بيطلع بروح قهوه .. وانت ماتبينه يروح قهاوي خصوصااا قهاوي هالوقت والسوالف اللي قاعدين نسمع فيها
التصرف الصحيح:



إذا كلمتيه قوليله
-هلا حبيبي .. شلونك .. انشا الله مستانس
-اي اي ومشغول اكلمج بعدين
-بالعافيه على قلبك استانس حبيبي يا الله حبيبي اخليك دامك مشغول
بشتااااااااااقلك ( طبعاااا بدلع وهمس)
افففف بفكر .. شفيهااا المرا اليوم ؟؟؟؟ أكيد عندها شي !!!!
برد البيت بسرعه ويلقاج نايمه واول مايدخل سوي روحج توج قاعده وقوليلهااا هلا حمد لله على سلامتك يا الله تعال نام يمي فقدك
شرااايكم ؟؟
Ok
إذا قالج بسافر



هم لا تبدين أي إعتراض ( الفال لي اطبق .. لوووووووول )
-ok قلب متى السفره؟؟
-السبوع الياي
-أااهاااا ناااايس عشان عندي جم شغله اسويهاااا دامك مو هني
-ليش يعني شعندج !!!!
قوليله wooooommmmaaaan secret وبتسمي وطالعيه بنظره إغراء وهزي كتفج لي فوق



وخليه إمشي
(صج صج الفال لي)
-وإذا سافر لا تدقين كككككككلش نطريه هو اللي يدق
وموكل مره تردين عليه
ودااااايماااا بينيله انج مشغوله
قوليله سوري حبيبي كنت بــ spa
أوبــ nail bar أسوي أضافيري
ككككككككك
وإذا رد رحبي فيه وهللي وبينيله انج فرحانه فيه ومشتاقتله .. وبنفس الوقت واهو بعيد أنت مرتاحه
يعني خلييه يحس بتناااااااقض ويننننن

تصرفاتج انت اليوميه سويهااا وشوفي النتيجه



-لا تتكلمين وايد وإذا اسألج أبتسمي وردي بالاقصاااااااد وجنج قاعده تنقين كلماااتج وقوليله ماكو شي اسولف فيه .. وخليه وروحي غرفه ثانيه ..ولا تكشفين اي اسرار ماله داعي يعرفها
-تحاشي السوالف والحش بفلانه وعلتانه من غير داعي
تكلمي عن نفسج ونفسج فقط
لا تخلين نفسج ثرثاره يبيج بس تسكتين .. سوالف بمعنى وبدون معنى
المرا اللي تسولف من غير داعي .. تفقد اهتمام ريلها فيها
-اذا كنت تبين شي معين منه
حددي الوقت المناسب .. ووفري الاجواء المناسبه
طبعااا .. بكون وقت مرتاح ولا حنه يهال ولا لاهي ومشغول بشي

واذا كان من النوع اللي كلمه لأ دايمااا على لسانه
غيري اسلوب طلبج في كل مره
أول مره تقربي منه وابتسمي وقوليله
( انا أحترم رايك لكني محتاجه أسوي الشغله الفلانيه .. فياريت تعطيني حل يريحني ويريحك) ..
وسكتي بعدها .. واذا غير الموضوع لا ترديله خليه يكمل موضوعه .. وبعدها تقربي اكثر وشبكي اصابع ايدج بإيده وقوليله
(أحبك واتمنى انك بس توافق على طلبي)
واذا رد ورفض
لا تعصبين وتبينيله ضيقج .. لانه بهالطريقه بعاند ويمشي اللي براسه لو مهما حاولتي
خليج طبيعيه .. ولا تخلين بسمتج تفارقج
-انسي الصرااااخ وخلي صوت ناعم وخففي الكلامات اللي تقولينهااا وخليج مثل البيبي وانسي العصبية

الصبر يا بنااااااات ويا أمهااات

 

[أو عبوش]

خوووووووووش موضوع صراحه يهبل وحلوووو يعطيج العافيه.............



احلى صوره الكااريكاتير اللي فيه شعرها كشه وطابخه له الغدااااا مادري مت من الضحك لووووووووووووووووووووووووووووووووووووووووووووووووووووول

 

[Miss sensitive]

-وانت تتكلمين بالتلفون خلي كلامج همس تكلمي بالتلفون وروحي غرفتج واذا الحقج أو خذا منج التلفون شالمشكله !!! ابتسمي واخذي منه التلفون مره ثانيه وكملي مكالمتج
-الريال يلفت انتباهه البعيد ويركز عليه .. وكل اللي عليج قعدي بعيد عنه وتمشي رايحه وراده جدامه طبعاااا بدلع وحركات
-خليج انثى رقيقه بكل تصرفاتج
مثال : استعيني فيه بأبسط الامور مثل فتح كيس الشبس قوليله يعور ايدي
-خليج واثقه من نفسج ودايمااا مدحي نفسج جدامه
-تعلمي فن الاسترخااااء والتأمل
عودي نفسج على جلسات الـــ spa بالشهر مره مثل ما قلتج من قبل
ترسي الجاكوزي ورد ورغوه وشموع معطره ودللي نفسج
روحي البحر وتأملي فيه شوفي روعه السمااااا تأملي بتراب البحر دوري الجمال وين ماكان وقولي

لا إله إلا الله وما أعظم خلق الله



شغلي نفسج عنه وخليه يشتاقلج كل ما قللتي انتباهج له كل ما زاد في الاهتمام فيج
واهو بالصاله حوسي بدارج رتبي أو اقري المهم انشغلي عنه

بعد مده بتلقين نفسج مستانسه من داخلج وبتكون نفسيتج مرتاحه
يعني بتكون مشاعرج حب وارتباح وشوق وحنان وهذي اهيا (الطاقه الايجابيه)
يا الله الحين نقليهااا لزوجج حبيبج

وبتكون باللمس طبعاااا
شلوووووووون ؟؟؟؟
بالمساج
باحتضان كف اليد إخذي ايده وحطيهاا على قلبج وطالعيه بعينه وقولي اللي تبين
بالبوسه بين عيونه بوسه ناعمه كلها احساس

بجذي بتلقين راحتج ووناستج بتنتقله وبحس فيها من لمساتج .. هذا غير النضرااات
والله يخليكم لبعض


أنتقاد الزوج الزايد عن الحد للزوجه





إذا صار ينتقدج ويطلع فيج عيوب على الداخله والطاله .. تجاهليه بكمالياته والتزمي بعد الصمت وقومي بواجبج فقط لا غير .. إذا بدا في انتقادج فهذا يعني انه قل انبهاره واعجابه فيج
وعشان تردين اهتمامه فيج تجاهليه لكن باحترام .. حولي اهتمامج فيه الى الاهتمام بنفسج
مارسي هواياتج اللي تركتيها من سنين
دقي على رفيجاتج اللي قطعتيهم من كثر ما تقولين ماكو وقت عيالي .. بيتي .. ريلي
اشتركي بنادي أو دورات تفيدج
خليلج بصمه بكل مكان تدخليله .. برزي نفسج وخليه يسأل شلي غيرج ؟؟؟ خليه يفكر فيج شوي
بس انت اللي ذابحه روحج .. ريلي .. ريلي
ريلج يوم خذاج .. ماكان يحبج ( زواج تقليدي طبعا ) ريلج كان منبهر فيج في البدايه
جمال
ثقافه
عايله .. الــــــــخ
الحب يا بعدين .. انت بيدج تخلينه يحبج وانت بيدج تبعدينه عنج
في بنات عندهم تزوجني .. لازم يحبني !!
الحب احساس يفرض نفسه .. شي مو بالايد ايي من غير ما تحسين .. بس بعد انت السبب
خليج غاليه وعزيزه .. وتمسكي باللي كنت فيه من قبل الزواج
الاشياء اللي كان يشوفها منج في بدايه زواجكم هي الاشياء اللي حبها فيج وحبج من اجلها
لا تتنازلين وتتخلين عن طموحج واهتماماتج ..
تذكري ان الريال يحب يفرض شخصيته ورجولته على المرا .. ويبيها تقاوم وتصر على رايهااا بس
بؤنوثه ودلع
عطيه من الحب والعشق بس
بالقطاره
لا تعطينه كل حبج لو مهما كنت تحبينه
لا تكشفين كل أوراقج له
خليه يسأل ويبحث وراج
عشان ما تفقدين رونقج وجاذبيتج بعينه
لو حتى تميتي تتجملين وتكشخين

الجوهر مهم مثل المنظر

لا تقوليله انا بدونك أمووووت وما اقدر اعيش .. وانت كل حياتي وانا بدونك ولا شي !!

لا تزعجينه بالاسئلة تحبني؟؟ اشتقت لي؟؟ اشرايك فيني؟؟؟ مرتاح معاي ؟؟
بتلقينه بتم العمر كله منبهر فيج ويركض وراج
لا تقولين ما يستاهل .. لا تقولين مو كفو
تذكري


انت الاهم

وكل شي تسوينه لج انت بالاول والاخير قبل لا يكون له

 

[Miss sensitive]

:klhfl:


استعدني التواصل معاكم اليوم

واتعسني عدم تواجدكم .. 0k اليوم عطله طلعات وزواير

خلااااااص معذورين

:eh_s(6):


اتمنى القى تعليقات وردود أكثر منكم لمن ارد أكمل الموضوع

وبرد على كل اللي شاركوني بس لمن أخلص كل الموضوع

إنتضروني فالقادم


الدلع ولغه الجسد


فالقادم أروع


:bye22:

 

[طعزة]

صراحة يعطيج العافية على هالموضوع الحلوو تسلم ايدينج والله يجعله في ميزان أعمالج.....احس صحيتيني شوي.. من زمان مو مسوية تغيير الروتين ذبحنا..

 

[ألماس وردي]

يعطيج لعافية حبيبتي ماقصرتي خوش كلام وحجي درر حبيبتي درر

 

[Miss sensitive]

بس ؟؟

ردين من الصبح

شكله ما عجب الباجي

إهي إهي إهي

صج ضاق خلقي



على العموم بكمل لعيون اللي قدروني وشجعوني ان شا الله باجر

 

[AUK GirL]

من صجججججججججججججج ماعجبناا !!!!

ايين حداااااااااااااا عجييييب الموضوع مو صج

صج استفدت منا وااااااااااااايد وان شاء الله ما انساهم على مااي زواجي لووووووووووووووووووووووووووووووول

بس صج ذكرتيني بنقاظ كنت غافله عنهم وموضوعج عجيييييييييييييييب كملي كملي

صج صج صج مفيد عطيني خدج اهوووووووووو موااااح xD

 

[• قلبه نصيبي •]

وييييه مشاءالله وايد عجبني الموضوووع كملي كملي :$:$ !

 

[miss-sponga]

يهببببل الموضوووع
كملي كملي :ggdw::ggdw:

 

[:: نـــورهـ ::]

ماشاء الله الموضوع روووعه

عساج عالقووه ^^

 

[sara999]

وااااي شي يشفي الغليييييييييييييييييييييييييييييييييييييييييل يعني جدجد يهبل موضوعج وااايد استفدنت منه ونبي بعد نبعد
لا توقفين
:ggdw: :ggdw: :ggdw: :ggdw: :ggdw: :ggdw: :ggdw: :ggdw: :ggdw: :ggdw:
يسلمووووووووووووووووووووووووووووووووووووووووووو

 

[" أضـــــوى "]

موضوووووووووووعج زوووغه ياقلبي


متابعيييييييينج

 

[غاية مرامي]

نااااااااااااطرينج........ياقلبي

موضوووووووووع روعة