مع ولا بدون ؟ وليش

[Emanii]

حبيباتي عندي استفسااار
ايهو الافضل انه الرضيع ينام على مخده ولا بدونها؟؟ يعني بعمر الاربع شهور بالتحديد
و يليت كل وحده تقولنا شنو كانت تسوي مع عيالها بهالموضوع و ثكرا :eh_s(7)::eh_s(17):

 

[Emanii]

شدعوه ٤٨ مشاهده ولا رد!!!

 

[ReD&FoSHia]

في مخاد صغيرة تنباع مع الفراش

 

[بقلبي انت]

انا حتي بالاربعين انوم عيالي علي مخده خاصه للاطفال احس اريح لهم وعشان يتعودون عليها وبعد الاربعين مخده
عاديه لكن صغيره إلي تجي مع الديباج
والاهم اذا شرب حليب ورجع الباقي يكون راسه مرتفع شوي عن جسمه

 

[كتكوته حبيبي]

انا من عمر شهرين نومته على مخده والحين سمالله عليه 6 شهور وينام على مخده مثل مخدتنه احس اريح لو يشرق او شي لاسمح الله

 

[أملي بعد الله]

المخدة الخاصة بالمواليد اللي تيي فيها حفرة بالنص حق الراس وايد مريحة لهم وبنتي من يبتها وهي ماشا الله تنام عليها ولا تضايقت منها

 

[الكريستال]

عن نفسي كان عندي مخاد يونسون جنهم ملوت العاب
بس بالاربعين ما نومتهم عليهم كنت اصفط المهاد واخلي تحت راسهم اوطى من المخدة

 

[زين ودلال]

مخده يكون مرتفع راسه شوي عن جسمه عشان النسم وعشان اذا رجع مايختنق

 

[M!SS.LOBY]

احسن شئ للطفل الرضيع المخده الصغير حقت الياهل افضل

 

[Emanii]

يعطيكم العافيه

 

[نبرمان]

انا مااااااا انومه ع مخدددده

كلششششش

والسبب عشان عموده الفقري ما يتقوس ويسبب له مشاكل الظهر مستقبلا

لازم بنام جسمه سيييده حبيبتي عظامه رقيق وقابل للتشكيل
وختن فراشه تحت مو تخلينه وايد خفيف حاولي يكون مايل للصلابه مو وايد عاد
بس اقصد لايكون الفراش لين حيل

هي وجهت نظري وطريقتنا كلنا بالعايله

 

[eshraqaaa]

لازم مخده ترفعه شوي عقب الحليب و اذا شرق الطفل لا سمح الله لازم مخده لازم عموما انا من اول ما ولدت و استخدم المخده مره سدحت البيبي من غير مخده و سبحان الله قدر ان يرجع و يدخل بخشم البيبي و من يومها قمت اكبر المخاد موقف ما انساه و بعدين الرفعه زينه المخاد اشتريتها من لاند مارك اللي تصير فيها حفره بالنص​

 

[Aloe Vera]

دكتورة قالتلي مايصير مخدة الت بعد عمر معين بس نسيت اي عمر

 

[شادن33]

المخدة الخاصة بالمواليد اللي تيي فيها حفرة بالنص حق الراس وايد مريحة لهم وبنتي من يبتها وهي ماشا الله تنام عليها ولا تضايقت منها

معاها

وحاولي تنومين بنتج على جنب مؤ كله على ظهرها افضل

 

[شانيل نمبر 5]

لحد عمر سنه ماينام علي المخده
علشان ظهره ولما يقلب مايختنق من المخده

 

[Um Tuki]

بنتي من يبتها احطها على مخدة تحت فراشها لأن عندها صعوبة بالتنفس و زكام مزمن
فـ لما ارقدها سيدة تتعب

فآخذ مخدة شوي كبيرة بس لينة واااااااااااايد .. و آحط فراشها عليه و ابطحها

جددددددددددا مريحة الطريقة

بس لما آرقدها على صوب آخذ مخدة مالت اليهال لضعيفة

 

[مولاي الفرج]

مخده بس مو مرتفعه حيل

 

[فل و جوري]

مع مخده افضل عشان الجمجوم يدخل ههههه

 

[عطاء أنثى]

لازم مخدة



بس مالت مواليد

 

[طيبة83]

انا قريت ان ممنوع انحط اي شي ع سرير البيبي لا العاب ولا مخدات ولا بطانيات

بس مجرد نمهده ونومه ع ظهره

والسبب ان هذي الاشياء تزيد من نسبه الاختناق وقت النوم
متلازمة موت المهد SIDS - بيبي سنتر آرابيا