مع خبيره الاعشاب معلومات واساله واستفسارات حياكم

[ام عفاف الكويت]

هلا فيج ؟

جم صار لج والدة اول شي ؟ و شنو خذيتي بالنفاس ؟
والده صار لي سنه وشهر - اقص عليج ان قلت اخذت شي
وقسمن بالله ولااااااااااااااااشي حتى اكل ماكلت نزلت 40 كيلو من الجوع
حتى حليب مانزل حاشني اكتئاب لظروف

بالنسبة للرطوبة الزايدة اول شي انتي تاخذين حبوب مانع او لا ؟
وقفت الحمدلله صار لي 3 اشهر

يطلع هوا ؟ و لا بس البطن منتفخ ؟

هوا امبله ومنتفخ حيل جني بالسادس واطق عليه يطلع صوت طبله

 

[قلبي ابيض]

يعطيج العافية ام خالد وان شاء الله بميزان حسناتج بغيت اسأل عن بذور الجزر سمعت انه مطمث قوي فهل له مضار جانبية

 

[A7la-SmiLe]

يعطيج العافيه خبيرة اعشاب
ممكن اتفيديني انا اعاني من الهالات السودا تحت العين سواد موطبيعي وموحلوو
جربت كريمات مافاد عدلت نومي وارتحت مافاد ماني عارفه شسوي وشلون يروح ؟​

​

 

[معدن اصيل]

يعطيك العافيه على سعة صدرك وحبك للخير

انا عندي مشكله بظهري صار علي حادث وحدث عندي كسر انضغاطي في ثلاث فقرات وتمزق في العضلات

والان لي اربع سنوات وانا اشعر بألم في ظهري حوالين الفقرات المصابه وايضا في العصعص وحوالينه واتعب من الجلوس على العصعص الم متواصل كل يوم

سويت اشعه من قريب قالوا مافي شي سويت علاج طبيعي مارتحت وش الحل بالطب البديل والله تعبت حتى الحمل موقفته خايفه اتعب كثير

يقولون ان الدهان بخل التفاح للبطن يذيب الدهون هل هذا صحيح

ويش رايك ي خلطة الكركم الخاص بالبشره مع الفازلين ذكرها الدكتور جابر القحطاني هل تبيض البشره

هل في وصفه تشيل الكسرات اللي بالشعر

وياليت تنقذيني بوصفة البرود الجنسي لدى النساء بصراحه هذي مشكله اعاني منها كثير ومدري يمكن السبب يكون من حبوب الحمل لان لي خمس سنوات مواصله عليها

وايضا ماعندك حل للسليولايت

والعفو غثيتك بهالاسئله والله يجعل كل حرف وفايده تكتبينها لنا في ميزان حسناتك

 

[معدن اصيل]

اختي وش رايك في المره لو استخدمناها كتحاميل مهبليه انا مره جاتني التهابات واستخدمتها وراحت او استخدمناها كغسول خارجي

 

[ام كنعه]

مشكوره وخوش موضوع

 

[خبيرة اعشاب]

ام عفاف الكويت​

حبيبتي اجل انتي مو متنفسة عدل و الي فيج خراب بالرحم

المفروض الحين تستعملين برنامج لمدة اسبوعين خارج وقت الدورة

:tek:

طبعا خواتي البرنامج هذا خلاصة تجاربي و ابحاثي الخاصة و ما احلل اي وحدة تستعمله بغرض المتاجرة فيه او تنقله او تنسبه لنفسها اوووكي

السلام عليكم
اختي بالنسبة للي ما خذت اي ادوية خلال النفاس فيمكنها استعمال هذا البرنامج العلاجي لمدة اسبوعين بشكل متواصل بعد النفاس , و بعد الاسبوعين تستعمل ما تبقى من البرنامج خلال ايام الدورة

البرنامج يتكون من شاي اعشاب - خلطة سفوف - خلطة لهوم للتنظيف- خلطة قهوة - تمرة بالاعشاب - حسو و خلطة غسول
شاي الاعشاب :
تقريبا 100 غرام من كل نوع
لوف الاسد - ورق التوت - قشر قهوة - قشعة - اكليل جبل - مرقدوش - اذريون- فرسيون - ليوم
تخلط الاعشاب كلها و تطحن بشكل خشن ثم يضاف اليها 2 ملعقة كبيرة بذور ينسون + 1 ملعقة كبيرة حبة سودا + 1 ملعقة كبيرة حلبة
خلطة السفوف
50 غرام من كل نوع :
بزر بقدونس - بزر كرفس - محلب ناعم - دارسين ناعم - دباغ ناعم - زنجبيل ناعم- نخوة - كمون- حبة سودا
ملعقة كبيرة عنزروت مطحون
تطحن المكونات كلها بعد تنظيفها و تحميصها على نار خفيفة الى ان تصبح على شكل بودرة

خلطة التمر :
يعجن التمر بسمن الغنم _ حسب الرغبة _ مع اضافة الرشاد - الحبة السودا - الشومر - الحلبة - بزر الكتان === كمية الاعشاب حسب الرغبة
اللهوم :
فنجان حلبة - فنجان رشاد- فنجان حبة سودا - نص فنجان كمون - نص فنجان نونخة - نص فنجان ينسون - 2 عود كركم مجروش - ملعقة كبيرة زنجبيل - ملعقة كبيرة دارسين - فنجان ماش
تنظف الاعشاب ثم تسخن على نار خفيفة و تجرش
تحفظ في علبة محكمة الاغلاق
خلطة القهوة :
فنجان نخوة - فنجان مسمار مطحون- فنجان دارسين - فنجان زنجبيل - نص فنجان جوزة طيب - 2 فنجان رزنة و قبضة كبيرة من الشيبة
تطحن كل المكونات
خلطة الغسول :
100 غرام من كل نوع:
ارطا - ورد - خزامى - قشر رمان - قشر جوز - بابونج
تطحن الاعشاب و تخلط
الحسو : ذكرت مكوناته في اول الموضوع


اختي هذا البرنامج يستعمل لمدة اسبوعين بشكل متواصل
يفضل البدء بالبرنامج خارج وقت الدورة الشهرية لمراقبة شكل الافرازات .. و في حالات استعملوه و ما كان رحمهم نظيف و نزلت معهم قطع دم متجمدة و هذا شئ عادي ايضا
الاسبوع الاول
صباحا على الريق : ملعقة متوسطة من خلطة اللهوم مع كوب حليب دافي
كوب من شاي الاعشاب : ( ملعقة متوسطة لكل كوب )
و بعده تفطرين بشكل عادي
خلطة التمرة تاكلينها في اي وقت
خلطة القهوة : تضاف ملعقة صغيرة الى دلة القهوة العربية او يمكن وضعها بفنجانك فقط ( نصف ملعقة صغيرة للفنجان ) و في حالة اذا كنتي ما تشربين قهوة حطي ملعقة صغيرة لى كوب حليب و اغليه شوي ثم اشربيه قبل النوم

الحسو : يضاف الى الشوربة او الاكل عموما او العصيدة طبعا الاستعمال بشكل يومي

شاي الاعشاب يؤخذ كوب آخر في المساء
الغسول : تغلى ملعقة كبيرة من الاعشاب في لتر ماء , تطفا النار حال البدء بالغليان , يصفى و يخفف بالقليل من الماء ثم يضاف 2 ملعقة كبيرة ملح طعام عادي
و يستعمل كغسول او دش مهبلي
في حال نزلت الدورة خلال فترة العلاج فقط لا تستعملي الغسول الا آخر يومين من الدورة اما باقي الاعشاب فتستعمل بشكل عادي )

الاسبوع الثاني :
ملعقة متوسطة من خلطة السفوف يوميا على الريق + كوب من شاي الاعشاب
خلطة الحسو : مرة كل يومين
خلطة القهوة : حسب الرغبة
التمر : حسب الرغبة ايضا
الغسول : بشكل يومي
الشاي مرتين في اليوم مرة الصبح على الريق و اخرى قبل النوم
و تحياتي

 

[ام عفاف الكويت]

حياتي والله بسوي برنت وادعيلج بس ماقدر اجربه الحين لانه انطر الدوره تنزل متأخره 4 ايام ويارب ياكريم اني اكون حامل

 

[قلبي ابيض]

ام خالد يعطيج العافية بنتي حيل ضعيفة وشهيتها مو ذاك بغيت شي يمتنها وطعمه مقبول ومشكورة

 

[خبيرة اعشاب]

قلبي ابيض​

يعطيج العافية ام خالد وان شاء الله بميزان حسناتج بغيت اسأل عن بذور الجزر سمعت انه مطمث قوي فهل له مضار جانبية

السلام عليكم

اختي بالنسبة لبذور الجزر البري فهي مطمثة و مقوية من الناحية الجنسية للرجال و النساء , كما انها تفيد الهضم و مدرة للبول

يمكن استعمالها بشكل آمن في اطار جرعات معقولة ... كما انها لا تصلح للحامل

و تحياتي

 

[قلبي ابيض]

وبالنسبة لهزال وضعف الاطفال امانة ردي علي وياريت اذا عندج شي يمتن بنتي عمرها 7 ووزنها 19 كيلو وجزاج الله خير

 

[معدن اصيل]

اختي خبيرة اعشاب مارديتي علي

 

[عهد الليل]

خبيرة أعشاااب بغيت أأسألج شنوو أأحسن بخووور أستخدمه للدوره عشااان الهوا ؟ ومتى أستخدمه بأي يوووم للدوره ؟ وعاادي أأأستخدم معاااه تحااميل البوثيل ؟ مع العلم أن صارلي سنه و8 شهووور متزوجه وما حملت ؟ ويعطيج العااافيه


ومن أأي عطااار زيين يكوون ثقه أأقدر أشتري البخووور؟

 

[خبيرة اعشاب]

قلبي ابيض​

هلا

بخصوص حالة بنتج جاوبتج على الخاص

 

[قلبي ابيض]

مشكووووورة عالادوية اوصلتني والرد بعد والاهم اسلوبج الراقي ام خالد

 

[قليلة العذاريب]

أأأم خااالد مارديتي على عهد الليل ؟؟

 

[وسامي]

واللي يعافيكم يابنات ابي علاج التهاب الصدر لطفل عمرة شهرين لانه بهالعمر ومن الحين نحط له كمام علشان يرتاح أو اعشاب تريح او طريقة مساج معينه تكفون لاتخلوني

 

[manalmal]

السلام عليكم اختي العزيزة ابي استخدم خل التفاح حق التنحيف بس مادري متى آخده؟ و كم مرة؟ و اشكثر كميته؟

 

[بنت المناعير]

السلام عليكم ياخبيرة الاعشاب

اشكرك على مجهودك وجعله الله في ميزان حسناتك


لـــــــــوسمحتي انا زواجي بعد ثلاث شهور وابي حاجه تنحف بسرعه وعندي اسمرار بالمناطق الحساسه

افيديني جزاءك الله الف عااااااااااااااافيه


اختك من المملكه العربيه السعوديه


ادعي لك بالتوفيق

 

[ام فجر]

يا خبيره

الله يعطيج العافيه ويرزقج ما تتمنين
وفي ميزالن حسناتنج
انا اعاني من خشونة الرقبه مع ظهور بعض الاصوات في راسي
بالله عليج اذا تعرفين شي يفيدني لا تبخلين علي

وجزاج ربي كل خير