السلام عليكم ..
حبيبتي انا عندي شوية أسئله , مادري اذا من اختصاصج ولا لأ
بس أتوقع خبراء الأعشاب لهم علم في الي أبي أعرفه ..
1- الفازلين , استخدمه في تقشير شفايفي و ترطيبها بشكل دائم , انا شفايفي مليانه والحمدلله شكلهم حلوو..بس أحسهم باهتين و رونقهم موشي .. برايج الفازلين هو السبب؟ ولا في شي لازم اسويه انا هاملته؟
2-صارلي فتره أغلي (سنامكي,إكليل الجبل,ميرميه) يعني عشان أضعف , أبي رايج في الخلطه + نصايحج في طريقة الغلي.. لأني سمعت ان الاعشاب لازم مااخليها تغلي وايد, المهم اني اخليها تنقع في الماي الحار أحسن من اني اخليها تطول وهي تغلي على النار لأن الغلي الزايد يقلل من فعالية العشبه وفايدتها , ياريت توضحيلي!
3- لما أشيل الشعر الزايد عن طريق الشيره في المنطقه الحساسه أسنفر المنطقه بـ شوية سكر و ماي وأخليه لين يجف
الفكره عطتنياها صديقه لي من السعوديه وانا مرتاحه لأنها تنظف و مريحتني من مشكلة الشعر الي تحت الجلد
بس سمعت من احدى صديقاتي ان دكتور جلديه قايلها ان سنفرة السكر ثقيله على جلد المنطقه الحساسه وممكن يسبب سواد مع الاستمرار+ الليمون الي بالشيره يسود المنطقه الحساسه <<<< فـ شرايج بالكلام هذا؟
4- مااستخدم أي كريم جاهز حق بشرتي ولا أشتري مستحضرات غير كريم الحمايه من الشمس.. بشرتي ع الماسكات
والترطيب أٍستخدم زيت جونسون للأطفال ..<<<<برايج هذا صح ولا غلط؟!
5- ماماتي عمرها 43 سنه تعاني من بقع سمرا على بشرتها .. أعلى الخد تحت عينها بشوي, تظهر فتره وتختفي فتره وترجع مره ثانيه .. ياريت تعطيني خله لها أو أي نصيحه حلوه منج
وسامحيني ع الاطاله
بانتظار ردج
وربي يعطيج ألف عافيه
..
