مع او ضد التغير الـ.....!؟

[@ام ضاري@]

امم لا كللش ماله داعي , خطها و فونها اهمه اهمه شـ ماله تغيرهم ,,

اذا اهو من نفسه بـييب لها هديه فون عادي , بس الخط ما يتغير

معاج انا

 

[@ام ضاري@]

بالبدايه اساسا ريلي كان رافض فكره التلفون فخليت جهازي وخطي عند امي وتميت يمكن 4 شهور ورا الزواج من غير تلفون الي يبيني يدق عالببيت ولا على تلفون ريلي .
فأهو بنفسه ياب لي تلفون سامسونج مال اصاله اذا تذكرونه ههههههههه وخط يديد ولي الحين خطي ما تغير بس الجهاز واهو الي ايبلي اياه بعد ,

اما رااي بموضوع الي تملج وتغير خطهاا عادي جداا ,
اصلا يفضل يتغير الخط , وتحط خط يديد وتحدد الي تبيهم من خطها القديم وتدز لهم رقمهاا اليديد ,,

انا كان رافض بلوتوث يقول مافي انسى ومع الوقت اهو جابه من كيفه

وانا معاج
اللي تملج مو اللي يدرون الكل واهل المعرس في خطها ويعرفون رقمها وقبل ليلة عرسها تغيره او تقول ماعندي خط
اهني وجهة النظر غير
معاج الوحده تملج تغيره مافي مشكله وتحدد اللي تبيه من رفيجاتها عادي
بس ماحب اللي يكون معاها خط وتجي لبيت رجلها تقول ماعندي

 

[عروس شمالية]

رد : مع او ضد التغير الـ.....!؟

اولا فكرة ان ابي زوجي يشتري لي من اولها عيب انا بالنسبة لي ما طلبته الا عقب وين ومو شيء مادي .. واول طلب اذكر اني اراجع بالخاص علشان حملت عقب شهرين من عرسي .. اما طلبات مادية لا والله كل شيء شاريته وغالي وجيلت كأني بهاجر بصحراء هههههه شي من مهري وشي من معاشي والحمدلله حتى التلفون شريته جديد وخطي ماغيرته ورفيجاتي تموا يدقون ويسلمون وشيء طبيعي ليش اغيره !!
,,,,
اكيد في اسباب تخلي الوحده تغير رقمها ..................!! والا شكو هالتغيير؟؟

وفي بنات من يتزوجون ينسون رفيجاتهم عشرة عمر بينهم !! .. بس ليش ماني عارفه !!


مشكورة ام ضاري !!

 

[So0oKaRa]

انا شخصيا ماغيرت رقمي اهو نفسه من اول ما حطيتلي خط ولا افكر اغيره
بس اخوي لما تزوج ياب خط لمرته عاد استغربت قلت شكو خاصه انه رقمها القديم حلو ومافيه شي
وطبعا اهي ماطلبت اخوي اهو اللي غير رقمها
وبرايي اللي يغيرون ارقامهم يا ازواجهم ايبون لهم خط هديه
او يبون يودعون الماضي باللي فيه ومايبون اشخاص معينين يدقون عليهم
او رقمها مو عاجبها وحابه تييب رقم حلو

 

[mash mash]

هلا والله ام ضاري
اكيد جتك الكحه من شفتي نكي بسبت الغبار لوووول
من زمااااان مادخلت المنتدى

صار لي 5سنوات من تزوجت كل سنه رقم
علشان اجي زياره شهر لديرتي واضطر اطلع خط ولما اسافر الغيه
واذا رديت طلعت خط ثاني وهكذااااا

 

[ماركة انثى]

رد : مع او ضد التغير الـ.....!؟

انا مع تغير الخط والفون عشان تعود الريال على مصاريفها من اول شي مو تعتمد على اهلها_03ba:_03ba:

 

[moon abha]

هو طلبني افصله وجابلي هديه ليلة عرسنا وبعدين نزلني السوق وقالي اختاري جهاز الحمدلله وكان ارقم مميز وللحين معي

 

[Mazyoona]

اممممم أم ضاري ربي يستر لا تطرديني تراي من
حزب آلطمآشه و يايه برد هووون :$

تخيلت روحي بالموقف حسيييت كلش ماله داعي
أولا: الريال بيشك بيقول شاللي عندهآ مآ تبيه ؟
ثانياً: وايد معارفي يعرفون رقمي و ما أبي أمر بمرحلة
تغيير خط و وزعي الرقم !
ثالثاً: الحركة مو حلوة لأنه البنت تدش عالناس
بشغلها و أغراضها و دلالها مو تنطر يعطونها !


تحياتي المعطرة لج

 

[sweet dashttya]

رد : مع او ضد التغير الـ.....!؟

ماله داعي تشتري خط وفون يديد حق شنو استغرب

 

[نـعـومـه]

رد : مع او ضد التغير الـ.....!؟

كل وحدها وكيفها

اللي تبي تغيره اللي ماتبي تغيره

بس وجهه نظري مافي داعي زوجها يعرف انها تبي تغيره او غيرته لما تزوجت راح يشك

 

[Gourges]

عن نفسي تلفوني اول ماتزوجت ماصارله وايد وعاجبني ... بس كان اي فون وخطي تعبئه مو فواتير فا ما استخدم النت الا بالبيت بالوايرلس << اقدر احول خطي فواتير بس كنت توني قاعده اتعلم على الجهاز يعني مو محترفه فيه ... وانا وايد كنت اقعد بالبيت فا مو مهتمه عقب ماتزوجت اهوا عنده نفس تلفوني وقالي تكفيييييين خطج من متى عندج؟؟ قلت له من اولى متوسط @@ ليش
جان يقول مبين لان خطج خط هنادوه ويلوع الجبد وارقامه مطشره ومايستاهل ان الواحد يحوله فواتير هههههههههههههههههه << صريح ...

قلت له احببببببببببببببببببببببببببببببببببببببببببببببببببببببببببببببببببببببببببببه

قال ماعندج سالفه شوي ولا يايبلي خط يديد ذهبي ههه وفيه خدمة النت حق الاي فون .. وبعدها توه قبل جم يوم شرالي الاي فون اليديد ...

بس انا لمن تزوجت معاي خطي وتلفوني واستحي ان اييبلي شي @@


وفكرة اني مع او ضد التغيير

انا قبل جم يوم تكلمت بهلموضوع مع امي وخالاتي

واكتشفنا كل بنات اهلنا يوم تزوجوا رياييلهم غيروا خطوطهم @@

لاتسالوني ليش لان مالقينا جواب شافي ...

انا

اختي

وكل بنات اهلنا تغير خطنا

 

[Gourges]

اي وخطي القديم العزيز الحبيب البنغالي عطيته خدامتنا ههههه

 

[@ام ضاري@]

حلووووووو لي باك مع الردود

منورين

 

[ديانا سبنسر]

وشرايج من اول ماملجت قال ماكو تيلفون وماحطيت تلفونه الا السنة اللي طافت مع رابع ياهل

 

[الجفا برد]

رد : مع او ضد التغير الـ.....!؟

بصراحة انا تلفوني ماغيرتة وكل رفيجاتي يعرفون خطي وبعدين اهو غير خطي عقب الزواج بفترة بس وبرايي مالة داعي اغير خطي عشان تزوجت

 

[ملك الحب]

رد : مع او ضد التغير الـ.....!؟

ماله داعي ابدا ضد طبعا

 

[Ice Princess]

كلش ماله داعي التغيير

شنو البنت ليما تنطر تلفون يعني مو شايفه خير

اذا ياب من طيبه تلفون يعطيه العافيه

لكن تطلب منه خط وتلفون

ما ادري اشوفها مو حلوه كلش

 

[اسوووره]

مادري ما اشوف انه له داعي كلللللللش ... تروح بخطها و جهازها ولا تخلي الريال يحس انه كان عليها قاصر في بيت اهلها ...

 

[هوازن العتيبي]

رد : مع او ضد التغير الـ.....!؟

انا ضد التغير

 

[ام متلق]

رد : مع او ضد التغير الـ.....!؟

بوم اتزوج اصلا ماعندي لافون ولا خط اطلع مع امي وارد مع امي يوم تزوجت جابلي تلفون وخط