مع أو ضد الزفه ضروري رايكم ياعرااايس

[قصْر شآمخ~]

شكووووووووووو

ياااربي لـ هالدرجة ما فيه ثقة بـ الله

يعني ألحين عيون الناس صارت أقوى من كلام الله وأقوى من حمايته وحفظه ..

والله ما يصير هـ الكلام ..

صراحة أنا انصدمت ..

حبيبتي شوفي ..

تتوكل على الله وتقرى أذكارها .. وخلاص ..

أضيع فرحتي عشان الناس ؟؟

الحمدلله إن الله عطانا الأذكار تحمينا .. وخلاص دام إنتي بـ حفظ الله ..
ما راح يضرج أي شي ..

ترى كلامكم خطأ كبير .. أستغفر الله أدري إنكم ما تقصدون .. بس يدخل في الشك بـ قدرة الله
وفيه سوء ظن بـ الله تعالى >> لا تتفلسفون أدري إنه مو قصدكم ..
بس هذا الصج ..

الله عند حسن ظنكم احسنوا الظن فيه ..

وما راح يخيب ظنكم أبداً أبداً ..

تدخل وهي واثقة بـ الله ومحسنة الظن إنه ما راح يصيبها إلا الخير ..
وأبداً ربي ما راح يخيبها

وبلاش وسوسة وخوف من الناس ..

اللي ما راح يضرونج إلا إذا الله كاتب لج هـ الضرر ..

 

[فزًولــها]

قصر كفو عليج والله هذا الحجي 

 

[<<المها>>]

باختصار عروس وعرس بدون زفه ودخلت عروس ماله داعي
اذا ماراح تدش خلاص مالها داعي الخساير والتعب تسوي حفله عائليه بالبيت وتنزف عند اهلها بس

اما صاله او فندق وتالي بس المعازيم تيي بدون عروس ماله داعي العرس

انا اعرف قبايل عندهم بالعرف العروس عيب تدخل مو عشان العين

بس الحين خفوا وايد

يعني انا رفيجتي من هالنوعية اللي عيب عندهم البنت تنزف على الناس لبست بدله وطرحه وتسريحه ومكياج وخبه وتالي قاعده
بغرفة بالصاله بروحها ورفيجاتها بس دشوا سلمو عليها واهيا مسويه عرس كاااامل طق ورقص وتقديم وعشاء وبالاخير ماكو عروس
الصراحه ضيقة خلق جننا بعزيمة بيت

من وجهة نظري اذا مالبست الابيض والطرحه ومشت بزفه ماراح تحس باحساس العروس ابد ابد وبتقعد بنفسها كل العمر
وايد اعرفهم ماانزفوا او سوو عرس او استقبال ولهم 10 سنين وزود وجابوا عيال ولين الحين تتحسر انها ماانزفت او لبست الابيض

 

[[[ عيون جابر ]]]

مع الزفه اهي ليله بالعمر وتحصن نفسها وماكو الا العافيه

 

[دهورتني يازين]

اب اب اب

 

[Moi belle]

يعني اذا ماتبي تدخل الزفه ليش مسويا عرس مالا اساس كان سوت حفلة بين اهلها اذا لهدرجة خايفا من العين
وفي شغلا ترى فزت القلب ماتي على اي وحده يمكن وحده عاديه بالعرس كاشخه وحلوه يحسودنها اكثر من العروس

 

[كلي لكـ]

مع الزفه والتحصين والله الحافظ

 

[أحلام مؤجلةة]

وشلون عرس من غير زفه احلى شي للبنت في حياتها والذكرى الوحيده الي ماتنساها هي زفتها

خليها تتحصن حبيبتي وتتوكل ع الله

 

[جنتي تحت قدميها]

مسااااااء الخير حبيبتي
الزفه هي احلى حاجه في العرس وكمان هي اللي تعطي حلا للحفله وكمان الناس تكون متحمسه تشوف العروسه
انا بالنسبه لي احب الزفه والله حبيبتي حضرت زواج قريبتي وما انزفت بصراحه العرس كان بايخ ماحسيت انه زواج
بالعكس حبيبتي خليها تنزف والله هذا احلى شعور والله رووووووووووعه لانها ملكه الحفله
وبخصوص خوفها من العين والحسد اولا توكلي علي الله وكمان تحصن نفسها وتستودع نفسها لله عزوجل قبل لا تطلع للمعازيم
وتدعي ربي انه يبعد عنها كل مكروه
وبالتوفيق حبيبتي

 

[جيرازksa]

بصراحه انا ضد الكل كيف عرس بدون زفه عروس

بعدين هيا ليله وحده بحياتها مارح تتكرر وبتظل طول عمرها تقول ليتني سويت زفه

بعدين شنو عين ونفس وحسد ليش اول مره يشوفون وحده كاشخه وعروس تحصن نفسها وتتوكل على الله وتنزف<<< مدري هذي وجهه نظري

 

[شهد المحمد]

الف شكر لكل العرايس اللي شاركوا بالموضوع

بنااااااااات قريبتي تموووووووت في الزفه ونفسها تسوووويها حنا في العاده عندنا الاكثريه مافيه زفه البنات اللي انزفوا عندنا ينعدون على

الاصابع ثنتين بس وهي ودها تعيش هالفرحه لكن اللي مانعها ومخوفها كلام الناس اللي حولها أنه ممكن تجيها نظره من الحريم

وان الحريم ما يعطون خير يمكن يحسدونها وساعتها ما تنفعها الزفه ,, هي شافت ردودكم وأحسها تشجعت على الزفه بعد كلامك

الله يوفقكم ويوفقنا وياكم ويبعد عنا شر كل نفس وعين




​

 

[عـروسة محمد :$]

انا الود ودي ماسوي زفة ع بيته ع طول وماله داعي المخااسير والطوالة

بس بالنسبة لعايلتي ومجتمعي ضرورية الزفة >>>>> ولا بيكون فيها بلا العروس!!!!!!!!!!!!!!!!!!

 

[غرور الريم]

ضد الزفه من تجربتي انا دشيت الصاله والي انحسد زوجي سابقا و انا كنت محصنه نفسي
بس الزفه شي كمالي وانصحها انها ماتدش الصاله تروح لبيت زوجها دايركت الله يوفقها

 

[شهد المحمد]

عروسه محمد

و غرور الريم

الله يسعدكم على المرور والله يبعد عنا وعنكم الحسد



​

 

[سندس 90]

مممممم انا عن نفسي عاادي اكنسل العرس بس بالمقابل نسافر ولا مو معقوله لا عرس ولا سفر يكون الزوج كلللش مو دافع شي الاحسسن انها تلبس نفنوف حلو مو فخم ملكي لأ حلو ناعم ذرب وتحط ميك اب ومسكه وتدش ببيت اهل زوجها وامه واهله موجوديين وامها واهلها ورفيجاتها وزفه عاديه ويسافرووون وكان الله غفور رحيييم وتسافرلها سفرره سنعه وتونس اما الطقطقه ماراح تستفيد شي وبالله شنو الشي المميز بالاعراس ولا شي يبا خل تساافر اتونس بلياا الزفه وعوار الراس

 

[شهد المحمد]

مممممم انا عن نفسي عاادي اكنسل العرس بس بالمقابل نسافر ولا مو معقوله لا عرس ولا سفر يكون الزوج كلللش مو دافع شي الاحسسن انها تلبس نفنوف حلو مو فخم ملكي لأ حلو ناعم ذرب وتحط ميك اب ومسكه وتدش ببيت اهل زوجها وامه واهله موجوديين وامها واهلها ورفيجاتها وزفه عاديه ويسافرووون وكان الله غفور رحيييم وتسافرلها سفرره سنعه وتونس اما الطقطقه ماراح تستفيد شي وبالله شنو الشي المميز بالاعراس ولا شي يبا خل تساافر اتونس بلياا الزفه وعوار الراس

الله يسعدك ويجعل حياتك كلها تمام

شكرا لمرورك سندس

 

[شهد المحمد]

ضد الزفه من تجربتي انا دشيت الصاله والي انحسد زوجي سابقا و انا كنت محصنه نفسي
بس الزفه شي كمالي وانصحها انها ماتدش الصاله تروح لبيت زوجها دايركت الله يوفقها

كلامك يخوووف أختي

الله يوفقك مع زوجك ويبعد عنكم العين