معهد لحفظ القران

[لمسة حنان]

السلام عليكم ورحمه الله

الله يعافيكم ابي مكان يحفظ القران الكريم للاطفال--وبنفس الوقت ترفييهي ..

ولكم الاجر ان شاءاللة​

 

[حلم الطفولة]

لمسة حنان , وعليكم السلام ورحمة الله وبركاته ...

اللي جربتهم .. احياء التراث .. قرطبه .. بالصيف كان عندهم نادي .. صحافه وطبخ و أشغال فنيه ورحلات ودين وقرآن ..

اللي بالصيف .. يدرسونهم منهج الدين والقرآن المدرسي اللي بياخذونه الصف القادم بعد العطله ..

وأعتقد عندهم طول السنه بعد برامج حلوه ,, وأنشطه .. وتحفيظ قرآن على حسب القدره والمستوى اللي واصلينه..
يعني خلال السنه الدراسيه ,, تحفيظ قرآن وأجزاء , وأنشطه .. وبالصيف أنشطه وقرآن الحكومه .

عندج بعد لجنة بر الوالدين في حطين , جربتهم ,, ماسكتهم وحده روعه ماشالله ,, وهم تابعين بعد احياء التراث .

بيت القرآن في مشرف ... وفي كيفان .. يمدحونهم .. بس مادري شلون خلال السنه فيه أنشطه أو لأ ..

سنايا .. بالشاميه .. يهبلون ترفيه ومعلومات لشخصيه البنت .. بس ماشفت قرآنا كلش !!!

التلفونات ؟؟؟ مو عندي للأسف ,, بس أي بداله وتسئلين : رقم احياء التراث .. أ و بيت القرآن ..

وحياج الله ........ هذا اللي عندي وان شالله أفدتج .

 

[وسع صدرك]

حبيبتي لمسة حنان ... فيه حاليا بحضانة درر ثنائية اللغة نادي كل خميس العصر ... وفيه تحفيظ قران

 

[on line]

في بعد عندج عالمي الممتع بالروضه خبري فيه من 3 سنين

 

[لمسة حنان]

مشكورين حبايبي--بس ابي مكان احفظ فيه ولدي القران-اون لاين اي صوب عالمي الممتع-؟

 

[CHOCOLATE.GIRL]

أكو بجنوب السرة بالشهداء مال نبيل العوضي على ما أعتقد
أخوي بالصف الثامن مشترك فيه ووايد مستانس منه وودونهم رحلات

 

[on line]

هلا اختي اي صوب بالضبط ماادل بس علي مااعتقد شفتي الشارع اللي فيه الجمعيه خلي الجمعيه علي يسارج دخلي من الشارع اللي يصير مجمع النقره بظهرج وكملي سيده لي قبل اخر لفه بحاول ادورلج رقمهم اهي علي حد علمي مالت المطوع واعتقد راح تحصلين عنوانها عن طريق مجله ولدي المكان صراحه حلو حتي مسوين نزلت الطابق الثاني مثل الزحلاقيه