معهد لتعليم اللغه الانجليزيه كمحادثه

[بسومه**]

بنات ممكن تفيدوني بمعهد لتعليم اللغه الانجليزيه كمحادثه و اسعارهم تكون معقوله ؟؟؟؟

 

[dream]

دورات مركز خدمة المجتمع اللي تبع الجامعة أسعار حلووووة وممتازة ..

لمدة 3 أشهر - محادثة باللغة الإنجليزية لا وفي لغات ثانية بعد ياباني وفرنسي وغيرهــاااا

السعر نوعا معقول - 60 دينار

***

 

[][^LoOoNdon^][]

حبيبتي انا صرت خبيرة بالمعاهد اللغة محادثة انجلش...
احسن المعاهد بالكويت .. اميدسيت الاول .. واكسبرشن .. بريتش كونسل

وانا الحين بجرب الدورات في الجامعة الامريكية...
وجربت انفو سنتر الصراحة استفدت حيل وكل المعاهد نفس السعر باستثناء اكسبرشن...
تتراوح مابين 189_171
وان شاء الله اني قدرت افيدج بشئ

 

[نيولوفر]

رفع لعيون صاحبة الموضوع

 

[over love]

أبتعدى عن أمديست ماعندهم غير القواعد

جربى أنفو سنتر الأفضل بوجهة نظرى بالكويت

 

[بسومه**]

مشكويين خواتي ما قصرتوا و جزاكم الله الف خير

 

[نيولوفر]

يمدحون بعد المعهد البريطاني

 

[فلونة احلى وردة]

وللتوفل شنو احسن مكان لتعليم التوفل
الامديست ولا شنو ابي تدريب مو امتحان

 

[][^LoOoNdon^][]

اممم ... اتوقع اكسبرشن....

 

[dream]

وينه معهد اميدست الكل يمدحه ...؟

بس يدرس انجليزي ما يدرس علوم الكمبيوتر ..؟

 

[فلونة احلى وردة]

اي بس انجليزي محادثة وتوفل وما ادري بعد شنو

 

[هوّن على قلبي]

بنات شنو افضل معهد لتعليم الانجليزي ؟؟

مجرب ومضنون

 

[باونتى]

وانا بعد ابى معهد وياريت يكون بالسالميه

 

[مون كويتي]

ممممممممممممممممممممممممممممممم
والله ماساه مع هاللغه
الله يكووووووون بالعووووووووون

 

[][^LoOoNdon^][]

انا مجربة .. انفوسنتر ( اهو حلووووووووووو و روووعة بس متعب لانه كل يوم ) وعن جد تستفيدين

والكل يمدح اميدست واذا عن القواعد ترى كل المعاهد طريقة دراستهم بالقواعد... بس اللي يساعد لغتج ويقوية المحادثة ..
وان شاء الله اذا جربت غيرهم بفيدكم...

 

[][^LoOoNdon^][]

المعاهد اللي بالكويت للغة الانجليزية.. (محاااادثة)
ببدي بأحسن واقوى المعاهد..
1_انفوسنتر
2_برتش كونسل
3_اكسبرشن
4_اميدست
5_بيرلتز
6_الجامعة الامريكية
7_بوليغلوت
8_اكاديمية سيمز ( بالسالمية)
9_اكسفورد
10_انلجو​

........................................... وان شاء الله اني قدرت افيدج......................................​

 

[سلايل*عبس]

مس لندن لمن شفت اسمج بالموضوع لازم اشااااااااااااااااااااارك ... بنات سمعوا مس لندن شتقول وطيعوها تراااااا خبرتها واااااااااااااااااااااااااسعه بالمعاهد الله يقدرها وتصير الماستر مالنا اهني ونفتحلها قسم تعطينه دورات مس لندن حبيبتي انا بشكرج نيابه عن البنات محركه الموضوع ماقصرتي يالغاليه

الله يوفقكم كلكوووووووووووم يارب وانا بعد معاكم

 

[ذبحـــة]

بصراحة اختي خذت دورة تبع جامعة الكويت حلوة بتستفيدين منها

 

[بسومه**]

مشكورين وايد على الردود

 

[dream]

بأحسن واقوى المعاهد..
1_انفوسنتر
2_برتش كونسل
3_اكسبرشن
4_اميدست

ليش امديست اخر واحد الكل يمدحه ..؟

انفوسنتر دشيت السايت مالهم مافهمت شي .. يقدمون شي عن التوفل ولا ..؟