معلومات مهمه للي بيعالجون في نيويورك

[كشموووشه]

مشكوره والله يفرجها عليج وعلى كل محروم حياتي

 

[OmhoSain]

ام الحسين بشري شنو صاار معااج؟؟؟

الحمدلله حبيبتي كل شي تمام العمليات باذن الله تبدأ بشهر 9 يعني احنا الحين بمرحلة الاستعداد والتجهيز والله كريم
مشكورة وااايد على السؤال​

 

[OmhoSain]

مشكوره والله يفرجها عليج وعلى كل محروم حياتي

العفو ياقلبي .. الله يسمع منج ويفرجها على الكل آآآآمين يارب العالمين​

 

[$غــ(ز)ــل$]

الله يسهل امورككم ان شااءالله
بس انتوا من زمان هناك غريبه ليش تأخرتوا بالعمليه؟؟؟
يعني مع شروط الحين بس لنا 4شهوور؟؟؟
شلوون جذي؟؟

وعفيه فيديناا بأحسن فندق نقعد فيه يومين على ماندور شقق
وشنو احسن الشقق هناك واذا ممكن تعطينا ارقام المؤجرين والاسعار

 

[om_jsoom]

اي والله ام حسين جان زين تقوليلنا الشقق واسعارها
وياليت تقوليلنا هناك شلون عن الكهرباا يعني شلون مع اجار الشقه والا بروحه ونقدر نييب معانا اجهزة كهرباائه مثل شسوااار
واشلون على الانترنت في اشترااك
امبي ادري قرقت بس عفيه فيدينا

 

[الغلا2003]

يارب ترزقج بالذريه الصالحة ..امين...
فيدينا ببعض التجيزات الي نجيبها ويانا من الكويت ,,ونحتاجها..

 

[OmhoSain]

الله يسهل امورككم ان شااءالله
بس انتوا من زمان هناك غريبه ليش تأخرتوا بالعمليه؟؟؟
يعني مع شروط الحين بس لنا 4شهوور؟؟؟
شلوون جذي؟؟

وعفيه فيديناا بأحسن فندق نقعد فيه يومين على ماندور شقق
وشنو احسن الشقق هناك واذا ممكن تعطينا ارقام المؤجرين والاسعار

حبيبتي احنا نعتبر بسايكل شهر 9 يعني بدينا المراجعات والتحاليل من اول شهر 7 وندخل العمليات ان شاء الله بشهر 9
ومدة السايكل مثل ماتعرفون 4 شهور

يعني انتوا بإذن الله راح تدخلون على سايكل شهر 12 ومراجعاتكم وتحاليلكم بتكون بشهر 10 و11
والعمليات تبدأ من 1/12 الى 16/12
ولما الله يرزقكم بالحمل تحسبين من يوم التحليل شهر حمل والحكومه تعطي شهرين من تاريخ التحليل الايجابي
معناه الحامل راح ترجع بالشهر الثالث من الحمل
الله يكتب للكل الذريه الصالحة السليمه

بالنسبه للشقق والايجارات المواقع الي حاطتها لكم بأول الموضوع لازم تدخلون عليها وتكتبون عناوين وارقام اصحاب الشقق إلي ممكن تعجبكم ولما توصلون تدقون عليهم واحد واحد وتشوفون الشقق وتتفقون عالشقه الي تبونها

اهم الأشياء الي لازم تكون متوفره بالشقه
- حرصي ان الشقه تتأجر من المالك مو من مكتب by owner
- وجود غسالات ملابس بنفس العماره laundry
- وجود حارس للعمارة doorman
- احيانا يشمل الايجار الكهربا والكيبل (التلفزيون والنت) وأحيانا لأ
طبعا ارجع وأأكد لا تأجرون غير بالمنطقه شرق منهاتن بين الشارع 40 الى 80 وهي اكثر منطقه امان
أسعار الشقق تبدأ من 2400 دولار بالشهر وفوق واصحاب الشقق دايما ياخذون شهر تأمين
كل هالمواصفات ممكن تدخلونها بالمواقع الي كتبتها لكم وراح تطلع لكم نتايج البحث حسب ما دخلتوا
انا من هالمواقع لقيت شقتي وأجرتها من صاحبها

بالنسبه للفنادق ان شاء الله بسأل وأعطيكم خبر

الله يوفق الكل يسهل اموركم ويرزقكم .. الهي آآآآمين​

 

[$غــ(ز)ــل$]

مشكووره حبيبتي مااقصرتي
وان شاااءالله نفرح فيج قريب

بس احنا راح تكون عمليتنا شهر 1
الدكتور فتح شهر 1 حق باجي الكويتيين لان خلاص اخردفعه بعد مامنعوا العلاج بامريكا واوربا
وشلون مدة السايكل 4شهور
يعني مايمدينا نسوي شي لان اساسا بس لنا مخصصات 4شهور وعقبها خلاص لازم نرررررررد

 

[OmhoSain]

ان شاء الله اكون افدتكم حبيبتي

بس والله اول مرة اسمع ان الدكتور راح يسوي عمليات بشهر 1 يمكن يكون استثناء لأنكم اخر دفعه مثل ماقلتي
معنى هذا ان سايكلكم يبدأ شهر 11 وينتهي بشهر 2
على العموم اختي 4 شهور تكفي لمحاوله وحده والله يسامحهم على هالقرارات الظالمه

 

[OmhoSain]

يارب ترزقج بالذريه الصالحة ..امين...
فيدينا ببعض التجيزات الي نجيبها ويانا من الكويت ,,ونحتاجها..

مشكوره حبيبتي .. الله يرزقنا ويرزق الكل ان شاء الله

كل شي تحتاجينه موجود ب Trade Fair وهي الجمعيه الي كتبتها باول الموضوع

اهم شي يكون موجود معاج وقت وصولج

بوصله الصلاة

اجلج ربي نعل وابريج للحمام

موزع كهربا - محول - يركب على بلاكات امريكا ( مثلا اللاب توب يجي معاه واير كهربا 3 روس 2منهم ضعاف جنهم خطوط والثالث مدور هذا تيبينه معاج احسن من الواير العادي )

اوتي ملابس

جدرين ومقله ومشخال للطبخ اذا في مجال اتييبينهم معاج احسن لأن المواعين غاليه اشوي

بهارت ( الجمعيه فيها كل انواع البهارات الخشن والمطحون بس مو مخلوطه مادري احنا تعودنا على بهاراتنا)

قهوة وتمر لأنج ماراح تلقينهم بمنهاتن

بخور للشقه

الأحسن ان ملابسج تكون مريحه وواسعه لأن وقت العلاج ماتبين شي يضايقج او يضغط عليج

ان شاء الله ما أكون نسيت شي​

 

[OmhoSain]

اي والله ام حسين جان زين تقوليلنا الشقق واسعارها
وياليت تقوليلنا هناك شلون عن الكهرباا يعني شلون مع اجار الشقه والا بروحه ونقدر نييب معانا اجهزة كهرباائه مثل شسوااار
واشلون على الانترنت في اشترااك
امبي ادري قرقت بس عفيه فيدينا

اختي الغاليه انا شرحت اسعار الشقق وغيره في ردي على الاخت غزل

بعض الشقق ايجارها يشمل الكهربا وبعضها لأ واحيانا يعطيج صاحب الشقه حد معين للكهربا مثلا 50 دولار بالشهر من ضمن الايجار واذا زاد صرفج عن ال50 تدفعين الزياده

الكهربا بأمريكا ضعيفه مو كل شي يشتغل انا يبت معاي سشوار باناسونك ما اشتغل عدل يعني مايصير حار فكلش ماستفدت منه​

 

[الغلا2003]

يعطيج العافيه ام حسين ..
شنو الكهرباء يعني خط110
وياليت بعد تفيدينا ببعض الاشياء المحمه الي نيبها من الكويت..وهل الجو بارد او حار .......؟؟

ارجووالرد

 

[OmhoSain]

يعطيج العافيه ام حسين ..
شنو الكهرباء يعني خط110
وياليت بعد تفيدينا ببعض الاشياء المحمه الي نيبها من الكويت..وهل الجو بارد او حار .......؟؟

ارجووالرد

الله يعافيج الغلا

اي حبيبتي الكهربا 110

كل شي تحتاجينه موجود ب Trade Fair وهي الجمعيه الي كتبتها باول الموضوع

اهم شي يكون موجود معاج وقت وصولج

بوصله الصلاة

اجلج ربي نعل وابريج للحمام

موزع كهربا - محول - يركب على بلاكات امريكا ( مثلا اللاب توب يجي معاه واير كهربا 3 روس 2منهم ضعاف جنهم خطوط والثالث مدور هذا تيبينه معاج احسن من الواير العادي )

اوتي ملابس

جدرين ومقله ومشخال للطبخ اذا في مجال اتييبينهم معاج احسن لأن المواعين غاليه اشوي

بهارت ( الجمعيه فيها كل انواع البهارات الخشن والمطحون بس مو مخلوطه مادري احنا تعودنا على بهاراتنا)

قهوة وتمر لأنج ماراح تلقينهم بمنهاتن

بخور للشقه

الجو اكيييد وقت الي توصلون راح يكون بارد ومن شهر 12 ينزل الثلج حرصي على الملابس الدافيه الثقيله​

 

[$غــ(ز)ــل$]

ام حسين بنتعبج معانا شوي
بس شنسوي مالنا الا الله ثم انتي

ابي اسأل عن احسن الشقق يعني عطينا اسامي العماير اذا ممكن
لان اكيد عندج خبره الحين ؟؟

وجم الاجارات تقريبا

وابي اسألج اللي يعالجون عند الدكتور
ساكنين بنفس العماره ولا كل واحد بصوب

وشلون على طلعاتكم السياحيه
انا بحثت عن الاماكن وعرفت
بس بعرف هل تطلعون قروبات عشان ماتضيق خلوقكم وتونسوو بعض

ياليت تفيديني:tek:

 

[$غــ(ز)ــل$]

ان شاء الله اكون افدتكم حبيبتي

بس والله اول مرة اسمع ان الدكتور راح يسوي عمليات بشهر 1 يمكن يكون استثناء لأنكم اخر دفعه مثل ماقلتي
معنى هذا ان سايكلكم يبدأ شهر 11 وينتهي بشهر 2
على العموم اختي 4 شهور تكفي لمحاوله وحده والله يسامحهم على هالقرارات الظالمه

يبدأ شهر 11 وينتهي شهر 3
اربع شهور بالضبط

 

[om_jsoom]

ام حسيين الله لايهينج عندي جم سؤاال خفييف ان شاء الله

بسال شنو هذا البلاك الي قلتي عنه مافهمت اشلون صااير ؟؟
وثاني شي واهوة المهم الشقق الي بناجرها تكون مفرووشه والا عالبلاط

وبسالج الريايل عندهم مكان تيمعون فييه يعني مثل ديوانيه والا كل واحد بروحه ومحد يدري عن الثاني

وسلاامتج والله يرزقج الذريه الصااالحه يااااااااارب ويعطيج الي ببالج قولي اميييييييين

 

[OmhoSain]

ام حسين بنتعبج معانا شوي
بس شنسوي مالنا الا الله ثم انتي

ابي اسأل عن احسن الشقق يعني عطينا اسامي العماير اذا ممكن
لان اكيد عندج خبره الحين ؟؟

وجم الاجارات تقريبا

وابي اسألج اللي يعالجون عند الدكتور
ساكنين بنفس العماره ولا كل واحد بصوب

وشلون على طلعاتكم السياحيه
انا بحثت عن الاماكن وعرفت
بس بعرف هل تطلعون قروبات عشان ماتضيق خلوقكم وتونسوو بعض

ياليت تفيديني:tek:

لا يا قلبي مافي تعب ولا شي

بالنسبه للعماير مافيها اسامي وكل عايله ساكنه بصوب واغلب الموجودين ساكنين شرق منهاتن متوزعين على الخمسينات والسيتينات والسبعينات ==> هذي ارقام الشوارع

وفي بعضنا ساكنين بنفس الشارع او بينهم شارع او اثنين يعني قراب من بعض بس هذا طبعا كله بالصدفه

حبيبتي لازم تدخلون على مواقع الشقق وتشوفون ترى التأجير بمنهاتن وايد صعب وموبسرعه تلقين شقه مناسبه وسعرها زين

الايجارات تبدأ من 2400 دولار بالشهر يعني تقريبا 700 دينار وفوق واحيانا تشمل الكهربا والكيبل واحيانا لأ ترجع لقرار صاحب الشقه (الكيبل = التلفزيون والنت )

اما السياحه في بعضهم يطلعون مع بعض وفي إلي يطلعون ابروحهم تدرين على حسب المواعيد ..​

 

[om_jsoom]

ام حسييين مو المشكله موعارفه حق المواقع كله انجليزي وظعت
ياليت تعلمينا الطريقه او اذا عندج موقع سهل

 

[OmhoSain]

ام حسيين الله لايهينج عندي جم سؤاال خفييف ان شاء الله

بسال شنو هذا البلاك الي قلتي عنه مافهمت اشلون صااير ؟؟
وثاني شي واهوة المهم الشقق الي بناجرها تكون مفرووشه والا عالبلاط

وبسالج الريايل عندهم مكان تيمعون فييه يعني مثل ديوانيه والا كل واحد بروحه ومحد يدري عن الثاني

وسلاامتج والله يرزقج الذريه الصااالحه يااااااااارب ويعطيج الي ببالج قولي اميييييييين

اهم شي تكتبونه وانتوا تدورون بالمواقع ان الشقه تكون مفروشه furnished

وإلي اقصده بلاكات الكهربا امريكا مو مثلنا يعني لازم يكون عندج محول يحول من الراس العادي لهالشكل

على العموم المحول هذا موجود بمنهاتن وتلقونه بسهوله

مافي مكان معين يتجمعون فيه الرياييل بس دايما يدقون على بعض ويتفقون وين يتلاقون​

 

[om_jsoom]

يعطييييييييييج الف عاافيه يام حسيين والله يرزقج الذريه الصاااااااالحه يااااااااارب وتردين مجبورة الخاطر قولي اميييييييين