معلمة وتعيين جديد..؟ تعالي وقوليلنا الأحداث والشعور اليومي

[بنات حواء2]

افا عليج انشالله بصور و بحط الاسعار اليوم بليل بفضالهم

 

[fri2010]

بنات مجمع النقرة الشمالي رفيجتي تقول منزلين وايد شغلات حلوه

وبالذات محل اسمه كلوديا

 

[:: سمر ::]

اخت خواتها الله يحييج بعدعمري وايد حلو موضوعج بعد شوي اكتب لج يوميات فحصي الطبي لوول عفيسه مغامرات هاليوم يبيلها رد بروحه


بنات حواء الله يحييج يالغاليه ماتقصرين الله من زمان ودي اروح السندس والنقرة ترا صج عندهم بدل وفناتق تونننس وبارده حق الدوام ,, ذكرتيني فيهم الله يذكرج بالشهادة عقب العيد بطق فرة عليهم عليج بالعافيه هالمشتريات حياتي تقطعينها بالهنا
الا صج من اي محل الي قمصانه على 7 و 8 ماعليج امر ؟


فراي مشكووورة حياتي سجلت اسمه بآيفوني عشان اتطمش عليه عقب العيد
وهم خالتي تمدح محل بالنقرا الجنوبي اتوقع اسمه (انطونيلا) تقول عندهم ليقنزات كل الالوان وقطن مريحين حيل وباردين ,, على دينارين مادري 3​

 

[:: سمر ::]

شوفي سلمج الله
انا تخصصي مومرغوب (ولاتسئلوني شنو تخصصج لانه في ناس من اهلي مسجلين بالمنتدى ومابيهم يعرفوني) المهم
قلت دام تخصصي مومرغوب خل اشوفلي واسطة بالتربية واصير ادارية منها اداوم بمكان نسائي ومنها اكسب العطل والاجازات
مني مناك لين لما ربي فرجها علي الحمدالله وطلع تعيني بشهر 7 وطبعا وقتها المدارس معطلة​

رحت الوزارة من صباح الله خير معاي اوراقي الرسمية ( صور الجنسية والبطاقة المدنية والجواز وعقد الزواج و 3 صور شخصية ) عطيتهم اوراقي ونطرت شوي 5 دقايق جذي جان يعطوني اوراق الفحص الطبي​

وبدا مشوار الفحص :ggdw:
طلعت من الوزارة ورحت المجلس الطبي بالصباح
علبو رايحه مبجر بلحق قبل الزحمة ! يالهوي من العالم والعمالة والهنود واااااااااااااي ضيم ضيم :eh_s(1):
المكان صغييييييييييير والممرات ضيجه الروح عالرووووح
رحت شباك 20 عطوني اوراق الاشعه وتحليل الدم وتحليل البوم وانتوا بكرامة
طلعت من المجلس الطبي ورحت قسم الجراحة بالصباح اقرب لي بدال لا اطق مشوار لين الاميري
فإلي ماتبي تروح المستشفى الي اهي تابعه له تقدر تروح قسم الجراحة بالصباح تسوي الاشعه وقسم الباطنية تسوي تحليل البول حشاكم
المهم بقسم الجراحه قلت لهم بسوي اشعه صدر للوظيفة
سويتها وخلصت جان اروح قسم الباطنية عشان اختصر وقت
سويت تحليل البول وانتوا بكرامه
ترى حمامهم وصخ وصخ وصخ وصخ شقولكم :eh_s(4):
والحريم صافين دور برة ويطقطقون عليج الباب !!! وماكو الا حمام واحد !! واي لأ لأ يومها كان مأساة صج :eh_s(14):
وديت شغلي للشباك جان يقولون لي تطلع نتيجة التحليل عقب ساعتين ! ووقتها كانت الساعه 11
يعني تحليل الدم بالمجلس الطبي سكر خلاص اهما عقب الساعه 11 مايستقبلون احد ,, وما اقدر اسوي تحليل دم لين لما اعطيهم كشف الصدر وتحليل البول
المهم قلت لهم خلاص بييكم باجر​

ماصدقت خبر ركبت السيارة وطرت البيت واخذت اقدعها شور :eh_s(1):
وقتها كان حرررررررررر وخييييييييييسة وقمته
مادري شلون عدى هاليوم لووووووول ,, المهم ثاني يوم رحت اخذت نتيجة تحليل البول وانتوا بكرامة ورحت المجلس الطبي
كل شغلي خلصته بالصباح
عطيتهم نتايج فحوصاتي وعطوني ورقة طويلة عريضة فيها مليون سؤال عن تاريخي الطبي
شنو العمليات الي سويتها وهل فيني حساسية من اشياء معينه وهيك يعني
جاوبت كل الاسئلة وعقب دشيت على فحص الدم
فوووووووضى
الي يحللون الدم هنود فيخلون ربعهم الهنود قبلنا يجدمونهم علينا واحنا حاطين ايدنا على خدنا وننطر ! :eh_s(14):
المهم حللت دم وعقب دشيت على طبيبة فحصت نظري ووقعتني على اوراق وكشفت عالنبض والضغط والذي منو
وسلامة عمركم نطرت جم يوم لين طلعت نتايج فحص الدم وطرت الوزارة​

وديت كل نتايج فحوصاتي وقالوا تعالي وقعي مباشرة العمل عقب العيد :ggdw:
عاد قلت لهم بسافر انا بالعيد فشلون عالمباشرة؟ قالوا عادي دامج ما وقعتي عالمباشرة تقدرين تيين من السفر وتوقعينها اي وقت منتي ملزومه توقعينها بيوم معين
فإحتمال اوقع مباشرتي على تاريخ 15-9 شي جذي​

والله يسهل ان شاء الله وايي اكتب لكم مغامرات اول يوم دوام حدي متشووووقة ​

وبالنسبة للتسوق انا استعيلت وشريت وايد بدل والحمد الله مستانسة مو متحسفة
كنت بدبي من جم شهر وجييلت وايد من هناك
غير الي شريته من الافنيوز والمرينا بالايام الي طافت
وان شاء الله بشريلي مجموعه لما اسافر بالعيد ولما ارجع اروح مجمعات حولي ( المهلب والنقرا والسندس ) لووول مستانسة مو مصدقة اني بفتك من البطالة ​

وسوري عالهذرة شطولها عورت راسكم
الله يعطيج العافية اخت خواتها صج موضوعج يونس :rerrerek:​

 

[fri2010]

سمر اي احسن تمرينهم ورا العيد لان تقول اسعار هالمحل ما بين 40-60 دينار بس وايد ذربين

 

[بنات حواء2]

بنات حواء الله يحييج يالغاليه ماتقصرين الله من زمان ودي اروح السندس والنقرة ترا صج عندهم بدل وفناتق تونننس وبارده حق الدوام ,, ذكرتيني فيهم الله يذكرج بالشهادة عقب العيد بطق فرة عليهم عليج بالعافيه هالمشتريات حياتي تقطعينها بالهنا
الا صج من اي محل الي قمصانه على 7 و 8 ماعليج امر ؟

الله يعافيج حبيبتي سمر
المحل والله مادري شسمه بس اول مادشين من الباب الي يم المسافط مالت البراحه مو تروحين سيده لا تلفين عليمين المحلات الي عليمين كلها حلوه
عمومن ترى كل المحلات حلوه والله كل محل دشيته في سوالف حلوه
يعني اخذيلج فره عدله انا باقل من 50 خذيتلي 3 بدلات لا وبنطرون حق بدله رابعه
وباجر بمر باخذ منهم بنطرون حق دراعة القرقيعان



الشمالي اليوم مريته عسريع بس احس مو ذاك الزود يبيله روحه بعد العيد انشالله
و فعلن المحل الي قلتوا اسمه في شغلات حلوه بس غالي و بدلاته كبار وايد مقاساته كبار مادري انا احس جذي
عنده موديلات واااااااااااسعه حلوه بس للاسف احسها من كثر وسعها تصير مبهذله
بخاطري منه قميص ابيض لانه قمصانه حلوه بس بخلي يضبطلي المقاس لانهم كباااااااااار

 

[اخت اخوانها]

عليكم بالعاااافية جميعا وملبوس الهنا ان شاء الله
انا بإذن الله اليوم بروح المغاتير بشوف عبي والافنيو ابي شالات من بريشكا حدددددددددها واااو

آخر مرة رحت للافنيو مريت بريشكا عجبني قمصانهم بس ماحصلت قياسي >>> ابي )s(
وعجبتني شالاتهم جان اقول من الذكاء الخارق خل آخذ البدل وبعدين اركب عليها الشالات بس لما خلصت من الفرفرة ماااافيني طاقه ارد للمحل

انزين جان ماخذه الوان اساسيه ( حصلت عندهم رمادي وبيج ومشمشي وكركمي ( غراااامي هاللون))

بس يلا خيرة ان شاء الله اروح اليوم واشتري


شعوري : الحمدلله متحمسه بس احس اغراضي اكثر من ميزانيتي بس داااايما ادعُ الله يبارك لنا بفلوسنا وان شاء الله يكفي ويزيد

ونصيييببحة اشتروا بس الضروووري لاتكثرون من الكماليات اكثر من اللازم
لأن يقولون 40 يوم وبعدين تنزل رواتبنا وخلال هالفترة يمكن تحتاجين شئ من المكتبة ولا بتقطين قطيه مع القسم فتكونين مستعده للظروف الطارئة



سمر : كلج ذوووووق حبيبتي ،، وشرحج حلوووو ويونس ووجودج معانا احلى من العسل


فراي : يعطيج العافية ومجمع سندس يبيله نمر نشوف اذا عندهم شئ جديد وحلوووو

 

[اخت اخوانها]

اب اب اب

 

[fri2010]

ايه صح بنت حواء قالت مقاساتهم كبار هالمحل

ولاني متينه شوي فرفيجتي قالت لي يمكن يناسبي هالمحل

اي مجمع سندس فيه شغلات حلوه

 

[ذكريات عشاق]

تدرون من زمان مو رايحه النقرة شخباري
والله من افتحوا هالمجمعات اليديدة وانا كل اروح لان القى كل شي ابيه
بس شكلي بروح النقرة وبشوف

 

[fri2010]

عيل انا ذكريات عكسج ما احب جو المجمعات

بسبت الزحمه والشباب ولويه ما تقدرين تاخذين راحتج

بس مجمع النقره قام ينزل شغلات حلوه وعمليه بعد

 

[ذكريات عشاق]

اي اي بروح له انشالله
بنات امس امي ودت عبايتي مع اختي

وانشالله الالسبوع الياي تخلص

 

[fri2010]

ان شاء الله تضبط عليج هالمره

 

[ذكريات عشاق]

انشالله

توني كلمت امي وقلت لها انج رحتي اليوم وخلصتي قالت خلاص انشالله اذا هاليومين مادقوا
نروح الاحد

 

[fri2010]

اي والله احسن لكم تخلصون بسرعه

وان شاء الله يدقون عليكم خلال هاليومين

الاحد ثقيل شوي

 

[ذكريات عشاق]

شنسوي والله يعين ياـآـآـآـآرب
ونخــــلص ونرتاـآـآـآـآح

 

[fri2010]

ان شاء الله يارب

 

[:: سمر ::]

اخت خواتها انتي العسل ياعمري مشكورة عالكلام الحلو :eh_s(7):
اذا حصلتي شيلات ببرشكا بشرينا :eh_s(15): ترا شيلات جمعية الفيحا والخالدية بعد حلوين طلي عليهم اذا عندج وقت ,, ولاتحاتين الفلوس ان شاءالله انها مباركة وتكفي شغلج
واذا انتي ضعيفه يصلح لج بيرشكا وكويز الي يم مطعم اشاز بالدور الاول مقاساتهم صغيرة و بيتيت
انا قياسي ميديوم فدايما اشتري من جويس وريفا ​

بنات حواء حبتج العافية ياقلبي وان شاء الله نلتقي بالفردوس حبيبة قلبي :eh_s(7)::eh_s(17):
والله شوقتيني عالسندس بس ماني رايحه الحين خخخ مفلسه بروح ان شاء الله عقب العيد
هالمحلات تعجبني الخامات الي يستخدمونها باردة ومرييحه ,, موشيفون واي اكره الشيفون مع انه حلو عاللبس بس موعملي بالمرة​

فراي اي ميخالف حتى لو قياساته كبيرة اتوقع عندهم خياط يضبط القياس او يمكن عندهم مقاسات ميديوم
اي والله بنطر عقب العيد وموبكيفي بعد ههههه الجيب خالي وانا اختج ​

 

[بنات حواء2]

سمر اي انا وياج صج خاماتهم اقطان بارده صج روحي بعد العيد راح تتلقين كلشي عليه تنزيلات
و الله يسمع منج على هدعوه الحلوى

 

[:: سمر ::]

اي والله بنات حواء الحين كل المحلات مستخفين كلمن رافع اسعاره بالسما ! ماردهم يطخون عقب العيد على قولتج احنا نستغلهم مو اهما يستغلونا لووول ​