معلمة نبي استعدادج للعام الجديد

[هيبة ملك]

بسم الله الرحمن الرحيم
كل عام وانتم بخير خواتي وعام دراسي موفق إنشاءالله
قربت الدراسه. نبي نشوف الاستعدادات






عن نفسي. برمضان خلصت الجواتي تكرمون وشريت بعض الملافع والدلاغات
ورحت الخبر وجبت اربع عبايات


وشريت كم جنطه


وخذيت لي ساعه حلوة من الرياض


وامس شريت دفتر تحضير مع الاقلام ومسطرة متر ومغناطيسات
وبطاقات مختلفه

 

[هيبة ملك]

مع كل هذا. مابغيت الدوامات تجياحس ماخذيت كفايتي مارتحت

 

[هيبة ملك]

ننطر مشترياتكم

 

[noni_q8]

ننطر مشترياتكم

عن نفسي اشتريت بطانيه ومخده علشان اشبع قبل الدوام :ch12:
ولانزل المعاش اشتري لان بح راح المعاش :eh_s(10):
تعرفين معلمه يديده لازم يكون حالها مثلي كل المعاش لعب ونقعد شهر بلافلس :eh_s(11):
وان شاء الله عالمعاشات ازهب :eh_s(7):
تحياتي :eh_s(22):

 

[نماين]

هههههه ضحكتيني نوني

ما اظن احد شبع من الاجازة

انا ما سويت شي بس احاول اعدل نومي

 

[ReD&FoSHia]

انا ما شبعت نوم صراحة .. و ابي اعطل بعد و ولادتي بعيدة شهر 1 اخر واحد .. بس ماشريت ولا شي لانه بطني للحين ماكبر وايد توني باخر الرابع انطر بعدين اتشرى

 

[حلوه بكيفي]

خووووش موضوع

طبعا وضعي نفس وضع نونا

باجر بروح السوق واخذلي عبايتين لان ولادتي اول ١١
وجواتي شاريه الحمدالله من البرنس كان عندهم عرض حلووو
جواتي طبيه عاليه

جنط عندي وااايد واخذت توني في العيد مايكل كورس مع ساعتها واكسسوارها

وطواقي ونقابات امي جابتهم لي اليوم

ابي اعرف من وين تشترون اكسسوار مكتب واغراض للشرح شنو احتاج؟؟؟

انا معلمه انجليزي ابتدائي

 

[حلوه بكيفي]

اي باخذ كريم حمايه وماسكرا ماكس فاكتور وكونسيلر هذول اللي ناقصين وكريمات ايد ورجل من بوتس
وبشوف سنتر بوينت واتش اند ام علشان اخذ منهم لقنزات قطن وتيشرتات قطن وملابس داخليه قطن لان دوام وحر واحسن شي القطن

عدسات طبيه

مو عارفه شاخذ بعد

 

[noni_q8]

هههههه ضحكتيني نوني

ما اظن احد شبع من الاجازة

انا ما سويت شي بس احاول اعدل نومي

ياعساها دوم الضحكه
انا الكورس اللي فات توظفت ومن شفت المدرسات صراحه مايشجعون
انا من داومت والكل يطالعني من معلمات وبنات يمدحون بلبسي وترتيبي قامو يقلدون المعلمات بهمج
والكورس هذا بشتري اغراضي عالمعاش لاني قحطت ( الرصيد المتوفر هو 7دينار كويتي ) خخخخخخ
بشتري بس اغراض استعملها للشرح لان اغراض مكتبي يدد ماستعملتهم الا كورس واحد وماراح اغيرهم الا السنه الجايه لاني ماقعد بمكتبي وايد
وعن الهدوم والملابس حبيت العملي من centerpoint & h&m & zara & anota & aldo & shobox وطبعا اماكن متفرقه مني ومناك وبفصل عباة طباقي البسها اذا لبست جنزات وبناطير بس
والمكياج حلاته ناعم عالصبح ( كريم اساس خفيف + حماية + شدو بيج فاتح + شدو حواجب + قلم صدفي داخل العين + مسكارا + حمره وردي فاتح او بيج + اضاءه + بلشر برونز او مشمشي فاتح ) ههههههههه احس بعضكم بطل حلجه بس ماعليكم الاغراض وايد بس المكياج حيل ناعم وسمبل دونت ووري xd
ابلاتي حبايبي لاتنسوووووون حماية لليدين ولبس دسوس لاطلعتي بالشمس حتى اذا ماتسوقين وخلي عندج كريم مرطب على مكتبج ..... تلرى موحلوه تتعاملين مع معلماتج وايدج ناشفه وتفشل والاظافر موتخلون اظفر طويل واظفر قصير وواحد ماكول هههه ياساتر حاولو تهتمون بالايد كثر ماتقدرون وحتى اظافر ريلج قصيهم اعدميهم ترى الريل بدون اظافر وايد احلى وشكلها نظيف وحلوه السنفره قبل لاتنامين وتدهنين ريلج بفازلين
تحياتي واذا نسيت شي بكتبه لكم

 

[#الخشف#]

انا للحين ماشريي للدوام شي اللهم جنطة قوتشي فقطط

باذن الله اروح اشتريلي عباية بس احنا وين نقضي والنووم معتفس

 

[حلوه بكيفي]

اليوم رحت وشريت عبايتين من حراير وعندي عبيي توني فصلتهم لبستهم بس شهر وانا وراي ولاده
وشريت كريمات وكونسيلر وماسكرا من بوتس عندهم عرض حلوو اشتري منتجات من نمبر ٧ بقيمه ٣٠ ويعطونج هديه مو شرط كل مشترياتج منهم انا شريت بس ٣ اشاء منهم
وشريت تيشيرت وملابس داخليه وبجامه ولقنزات وجنز من قسم الحوامل بمذركير

الباجي بس عدسات طبيه واغراض التدريس اللي مو عارفه شنو اهما واكسسوار مكتبي

جواتي الحمدالله شريت طبيه عاليه من البرنس كان عندهم عرض
وجنط عندي واكسسوارات عندي

سهالات ان شاء الله ويارب تكون سنه خير لي لانها اول سنه ادرس فيها

 

[#الخشف#]

واخيرااا تحرركت ورحت للسوق بس النتيجه شريت عبايه وحده


واللي يدورون اكسسوارات مكتبيه طحت على محل بالافنيوز يبيع اكسسوارات مكتب بس للامانه ماشريت منهم ولااعرف اسعارهم مجرد شفت حسابهم بالانستقرام وحبيت افيدكم

حسابهم عالانستقرام

Campokw

 

[#الخشف#]

كنت منزله صورهم غريبه ماطلعوا

 

[ReD&FoSHia]

انا كا جناط .. شريت من dkny ومن bimba and lola و من prada بس اللبس ودي اروح افصل شغلات نعومة و فيها موديلات عالموضة

 

[غلا غدير]

وااااي ياحلو العطله ماشبعت والله منها

انا عن نفسي شريت عبايات 4 وشريت شخاطات من الدوا وميلانو
وشريت جنطتين
اما اغراض المكتب عندي انا توظفت الكورس الي طاف اغراضي جدد ونظاف
اما الاقلام ودفاتر التحضير مو الحين لما اداوم واعرف شنو اخذ منهج
بعدين ازهب اغراض الدراسه

 

[3houd86]

ههه و الله ما شريت و لا عود بروح باجر إن شاء الله بمجهودي هههه
اللهم شريت قميص طويل و 3 بنطرونات من ديستينيشن متيرنتي عشان إذا كبر إن شاء الله بطني أكون مرتاحه بالدوام.

 

[noni_q8]

اب
اب
لا استعداد ولانوم وباجر الدوام
خوش ابلات هههههه
فديتهم

 

[shamal]

لازم الوحدة تكون مستعدة للدوام

 

[هيبة ملك]

اهلين. يا ابلات وكل عام. وانتم بخير

تهنووون ياقلبي. وعليكم بالعافيه

 

[fri2010]

كل عام وانتم بخير

اول يوم ما قدرت ادوام وقعدت الصبح

على قروب المدرسات

يسألون عني وخرعوني بسالفة النقل الاجباري وانا قاعدة اوسوس

المهم ما خليت شي ما شريته من سفرتي سواء كان ميك اب عطور ملابس جناط شيلات ساعة ونظارة واكيد الملابس العملية وايضا منتجات طبية للبشرة والايد والقدم

بس اللي ما خلصت مستلزمات ادوات التدريس انا يعجبني شغل مكتبة السنافر بصراحة وبأمرهم بالويك اند