معلمة ميداني و متوهقه عندج استفسار حياكم الله افيدكم من تجربتي

[بنات حواء2]

رد: رد : معلمة ميداني و متوهقه عندج استفسار حياكم الله افيدكم من تجربتي

بنات اللي خذو ميداني عربي متوسط شلونه وياهم ممكن يفيدونا ؟؟
ومنو خذت مادة قراءات بالعربي وشنو المواد اللي مايصير تاخذينها ​

انا علوم اسره فحطوني بمتوسط
من خلال تجربتي
بنات المتوسط مريحين من ناحيت القرائه
و هذا شي يسهل عليج الوسائل و الانشطه
فممكن تحطين لهم بطاقات و يقرونها من غير ما تصلحين لهم الاخطاء
و اشوي فاهمين يعني ما تتعبين وياهم بالخز يمشي شغلج
و بعضهم راح يحبونج و يتقربون منج
انا عندي المتوسط افضل من الابتدائي
اما بالنسبه للمواد الي مايصير تاخذينها ما عندي فكره
و موفقه يالغاليه

 

[KOKO_284I]

رد : معلمة ميداني و متوهقه عندج استفسار حياكم الله افيدكم من تجربتي

جزاج الله خير والله يكثر من امثالج

 

[ملاك والنظره هلاك]

خوش موضوع حبوبه


ابي اسألج قلبوووو متى بلشتي تعطين حصص واول حصة لج كلمينا عنها شنو شعورج وكان في معلمات حاضرين حصتج

ممممم في سوالف كثيرة تقرقع

<<< بس شوي شوي

:eh_s(8):

 

[بنات حواء2]

بنات هذا ردي على العضوه مها في موضوعي المثبت في قسم المعلمات حبيت احطه مني عشان يفيد الكل

اقتباس:
المشاركة الأصلية كتبت بواسطة المـــــها


يعطيج العاااافيه بعد عمري
سيفت نص الصور و الأفكار
عسى ربي يوفقج و ين مارحتي
أنا ميداني رياضيات ابتدائي الحين و حدي خاااايفه كنت أبي علوم و أحس صعب الراضيات
و مو عارفه شلون أحضر و على أي أساس و شلون أبدا الدرس ؟ و شلون أنتقل من فكره لفكره و على أ
ي أساس أختار الأمثله اللي بشرحهم .. الله يستر و ييسر أمورنا جميعا و يوفقنا
و الحمدلله طحت على موضووووووعج و إن شاء الله بنزل شغلي و أفكاري و كل شي بالموضوع إذا تسمحين
حتى دفتر تحضيري ههههههه









هلا و الله حبيبتي المها و عليج بالف عافيه الي خذيتيه من الموضوع
الرياضيات تخصص حلو و حبيه عشان تنجزين فيه
وصج الرياضيات يختص بالارقام و الحسابات فمايعطيج مجال اكبر في استخدام صور و حركات
بس ماعليج اي شي تبينه حياج و انا ماراح اقصر معاج
اسئلتج واايد حلوه و عندي موضوع خاص لطرح تجاربي على بنات الميداني عشان يستفيدون فحابه انقل اسئلتج لانها وااايد مهمه
شوفي حبيبتي التحضير موضوع سهل و بسيط و لا تحاتينه نهائيا
التحضير هو عباره عن صياغة اهداف يعني شنو تبين تسوين في الحصه تسوينه على نقاط و على هيئة اهداف و مثل ماا حنه درسنه الاهداف ثلاثه معرفيه و هذي لازم تكون 6 اهداف و ممكن 7 اذا كان الدرس طويل و الوجدانيه و هي اثنين الحركيه هذي حق العملي و انتو بالرياضيات مافي عملي يعني ما تحتاجينها
و حق كل واحد منهم تسلسل راح تعطيجياه رئيسة القسم و راح تفهمج عليه عدل فلا تخافين بس العمليه يبيلها مخ نضيف و ملاحظه قويه و بالميداني مو عيب تغلطين بالعكس غلطي عشان تتعلمين و انتي عندج 6 اسابيع تتدربين يعني مافي تقييم عليهم فلاتخافين لا كن ال6 اسابيع الاخيره راح يكون عليها التقييم و تكونين خلاص استفدتي من اغلاطج و العمليه راح تصير سهله و سلسله

بداية الدرس اسمه التقويم المبدئي و يكون باستخدام اساليب كثيره مثل اللعب و انا اعتقد انه انسب شي و اقرب شي لعقل و قلب طلاب الابتدائي هي طريقة اللعب و القص و غيرهها و يعتمد على ابداعج و افكارج الحلوه و ديري بالج ترا بداية الدرس او التقويم المبدئي هو مفتاح الدرس و هو الي يعمل على نجاح الدرس كله على بعضه

اما بنسبه للانتقال بلافكار يعتمد على ربط فكره بفكره و استنتاج الطالبات معاج اعطيج مثال من تخصصي مثلن درسي اليوم عن حوادث المرور ابدي درسي بفيديو يستنتجون من خلاله عنوان الدرس و اعرض لهم مجموعه من الحوادث في البداي اتكلم عن اسباب الحوادث و بنتقل الى اضرار الحوادث ممكن انتقل من الاسباب الى الاضرار عبر سؤال و مناقشة الطالبات مثلن اسألهم هل تعتقدين ان الحوادث لها اضرار مثل شنو و جذي

الامثله الي تحتارينهم بشرح تختارينهم من الواقع و على حسب الشغلات الي تجذب المرحله العمريه الي تدرسينها مثل الابتدائي يجذبهم الالعاب و اشكال الكيك الي يصيرون على سفنج و الله يعافي سوق بو اميه



و بالتأكيد يالغاليه اصلن انا ابي البنات ينزلون افكارهم و انتساعد و نبدع و لا ايد وحده ما تصفق
و من زمان كنت حابه اتعاون معاج و انا متابعه جيده لمواضيعج
و الحمدلله انه الشعور متبادل لانج طلعتي متابعه جيده لمواضيعي
و يالله ناطرين افكارج و اذا في اي سؤال حياج الله يالغاليه

 

[غرور وايل]

رد: رد : معلمة ميداني و متوهقه عندج استفسار حياكم الله افيدكم من تجربتي

وعليكم السسلآم ..

بالتوووفيق يآآآرب ..

 

[بنات حواء2]

خوش موضوع حبوبه


ابي اسألج قلبوووو متى بلشتي تعطين حصص واول حصة لج كلمينا عنها شنو شعورج وكان في معلمات حاضرين حصتج

ممممم في سوالف كثيرة تقرقع

<<< بس شوي شوي

:eh_s(8):

هلا و الله يالغاليه الي في قلبج قوليه و لا يردج الا لسانج اول اسبوع ما تدرسين بس تدخلين على الابلات الي موجودين معاج بالقسم و معاج رئيسة قسمج تعلمج و هذي الفتره فيها ملل لانج قاعده و و مشاهدات بس
بس من ثاني اسبوع تدخلين و تدرسين
الشعور انا كان بالنسبه لي عادي لاني احب التدريس بس لابد من الربكه في البدايه و بعدين راح يصير الموضوع حلو و عادي و راح تتمكنين بسهول
بس في البدايه يابنات ديروا بالكم انتو فترة ميداني و هي فتره حرجه و الموجه و رئيسة القسم على طول يدشون عليكم و البنات بذات اذا متوسط ديري بالج ترا ممكن يحرجونج فمن البدايه خلي شخصيتج قويه من اول مر تدخلين عليهم عرفيهم على نفسج و فهميمهم الشغلات الي ماتبينها بالحصه مثل العلج و الاكل و الاحاديث الجانبيه و الضحك من غير سبب
و اذا شفتي اي وحده تسولف زفيها بقوه بس من غير ما تغلطين بس فهميمم من البدايه انه شخصيتج قويه لانهم بالبدايه تقدرين تتحكمين فيهم بس بعدين ماراح تقدرين تسيطرين عليهم فمن البدايه فرضي شخصيتج

 

[بنات حواء2]

رد: رد : معلمة ميداني و متوهقه عندج استفسار حياكم الله افيدكم من تجربتي

جزاج الله خير والله يكثر من امثالج

مشكووووووووووووووووووووره يالغاليه و حياج الله في اي وقت

 

[بنات حواء2]

رد: رد : معلمة ميداني و متوهقه عندج استفسار حياكم الله افيدكم من تجربتي

وعليكم السسلآم ..

بالتوووفيق يآآآرب ..

مشكوره يالغاليه على الدعوه الحلوه و حياج الله

 

[بنات حواء2]

للرفع عن قريب راح انزل لكم اساسيات التحضير

 

[ميس الورد والشوق]

يعطيــــــج الف الف الف عااافيه

موضوع ممهم وجا بوقته

عساج عالقوه

انا قريت موضوعج المثبت

ماشاءالله كامل وتوووب صراحه


تسلم انااملج على هالتميز والافكار الحلووه وطرح لهالمواضيبع اللي تفيدناا


وانا ان شاءالله اذا صار عندي شغل وجهزت دفتر التحضير بحطها اهني ونتبادل الافكار ونفيد بعض بتخصصات بعض


بالتوفيــــــــق للكل

 

[بنات حواء2]

يعطيــــــج الف الف الف عااافيه

موضوع ممهم وجا بوقته

عساج عالقوه

انا قريت موضوعج المثبت

ماشاءالله كامل وتوووب صراحه


تسلم انااملج على هالتميز والافكار الحلووه وطرح لهالمواضيبع اللي تفيدناا


وانا ان شاءالله اذا صار عندي شغل وجهزت دفتر التحضير بحطها اهني ونتبادل الافكار ونفيد بعض بتخصصات بعض


بالتوفيــــــــق للكل

تسلمين يالغاليه و اكيد عيونج الحلوه و هلكلام الحلو يعطيني الدافع في اني اقدم لكم الافضل و بشكل متجدد و هذي الورود لكم جميعن

 

[ميس الورد والشوق]

:eh_s(7):



لحد الحين ماشريت شغلي

برووح اليوم اشتري ملف تحضير

شفت شغل المدرسات حلووو ماشاءالله وابدااع

وبعضهم مسويه في اول صفحات التحضير

السيره الذاتيه

اسمها :
المسى الوظيفي :
مركز العمل:
المؤهل الدراسي :
تاريخ التعيين:

الرقم المدني :
رقم الملف :
سنوات الخبره:


حلوووه فكرتهاا

بسويها ان شاءالله لما اتوظف

 

[المسك22]

رد: رد : معلمة ميداني و متوهقه عندج استفسار حياكم الله افيدكم من تجربتي

انا انشالله الكورس الجاي الاول تربيه عمليه تخصص عربي كليه التربيه الاساسيه الميداني يصير بمدرسه متوسط ارجو الرد ؟​

 

[بنات حواء2]

:eh_s(7):



لحد الحين ماشريت شغلي

برووح اليوم اشتري ملف تحضير

شفت شغل المدرسات حلووو ماشاءالله وابدااع

وبعضهم مسويه في اول صفحات التحضير

السيره الذاتيه

اسمها :
المسى الوظيفي :
مركز العمل:
المؤهل الدراسي :
تاريخ التعيين:

الرقم المدني :
رقم الملف :
سنوات الخبره:


حلوووه فكرتهاا

بسويها ان شاءالله لما اتوظف

حلوه الفكره للموظفات الي لهم خبره بس لو انتي عندج شهادات ثانيه غير التربيه ممكن تسوينها
او دورات
الملف نصيحه اخذيه اكبر حجم لانه راح تحطين فيه مرحلتين وي بعض
احنه موجهتنه كانت طالبه ملف واحد حق المرحلتين
لاكن لو طالبه منج لكل مرحله ملف سوي مثل ماهي تبي
في طرقه حلوه انا كنت اسوبها بتحضيري
انه كل فصل ابلش فيه احط صور عن مضمونه و يكون مثل فاصل بين الفصول و طريقته حلوه
اهم شي سوق بو اميه بفلتره طيحي فيه

 

[بنات حواء2]

رد: رد : معلمة ميداني و متوهقه عندج استفسار حياكم الله افيدكم من تجربتي

انا انشالله الكورس الجاي الاول تربيه عمليه تخصص عربي كليه التربيه الاساسيه الميداني يصير بمدرسه متوسط ارجو الرد ؟​

هلا و الله يالغاليه
اعتقد يحطونكم ابتدائي مو متوسط
و موفقه

 

[بنات حواء2]

هذي رساله خاصه من العضوه * أوفى الخلق * احب افيدكم بالافكار



المشاركة الأصلية كتبت بواسطة * أوفى الخلق *
مرحبا ام زنوب شلونج حبيبتي ؟

تكفين اختي انا حدي متوهقه ومحتاجه مساعدتج

عندي درس نموذجي الاحد الجاي وماسويت شي

ابي افكار حق توزيعات (هديه رمزيه) حق الابلات واذا عندج اناشيد اقدر اشغلها لما يحلون ورقة العمل
واذا عندج بعد افكار حق مسابقه للمجموعات انا درسي عن طرح الاعداد الصف الاول

الله يخليلج زنوب وتفرحين فيها عروس ان شاءالله الله يوفقج لا تتاخرين علي

هلا و الله حبيبتي يشرفني اني اساعدج و يشرفني كذلك ثقتج فيني
شوفي حبيبتي
المدرسات لا تسوين لهم هديه رمزي اكتفي بتوزيع مطويات او ملفوفات
اما الموجهة و رئيسة القسم و الناظره و الوكيله سويلهم شي حلو و فنتق
حتى لو ماحظروا كلهم وديلهم على مكتبهم
بس انا تخصصكم ما اعرف عنه واايد شغلات لاكن بعطيج فكرتي
انا تخصصي اقتصاد منزلي و سويت درس نموذجي عن الفيتاميناتو الاملاح و وزعت حق الابلات ملفوفات و ربطتهم بشريطه كان يحتوي على معلومات عامه و وزعت عليهم سيدي عن اهميه الماء و العلاج فيه
اما الموجه و الناظره و رئيسة القسم و الوكيله
يبت علب شفافه حطيت لههم سله صغيره و حطيت فيها غش و عليهم تفاحه و برتقال فلين مو صجي
و حطيت يمه كتيب سويته انا بنفسي عن الاملاح و المعادن و سيدي
اما المسابقات في افكار وايد
بس انا برايي
قسميهم مجموعات و سميهم اسماء معينه
او رقميهم
و حطي على كل مجموعه رقم 1 و 2 و 3 و4 و جذي
وسوي لعبه
حطي سله فيها 5 تفاحات و طلبي من كل مجموعه تشيل تفاح على رقم المجموعه مثل مجموعه رقم واحد تشيل تفاحه و تسالينهم كم عدد التفاح الي بسله
و تطلبين من المجموعه رقم 2 يشيلون تفاحتين و تسالينهم جم بقى بالسله

 

[خشف الرعآبيب]

رد: رد : معلمة ميداني و متوهقه عندج استفسار حياكم الله افيدكم من تجربتي

جزآآج الله خير حبيبتي ​

 

[بنات حواء2]

رد: رد : معلمة ميداني و متوهقه عندج استفسار حياكم الله افيدكم من تجربتي

جزآآج الله خير حبيبتي ​

حياج الله يالغاليه

 

[ميس الورد والشوق]

ام زنووب

حلو فكرتج ان قبل كل فصل احط صور عنه ويكون فاصل بين الفصول

في وحده من المدرسات مسوية جذي حلوووه الطريقه