معلمات شنو موقفكم لـــــــــو ........................ !!!!!!!!!!

[منال القلب]

مسا الخير معلمات..

أدري الموضوع مغبر ومتروس غبار..

مو ناقصين تراب حتى بالنت..... :eh_s(4)::eh_s(4):

معلمات

شنو موقفكم وشعوركم وأحاسيسكم

لو لا قدر الله باجر زاد الغبار...

وعلى إثره راح يأجلون الاختبار يوم زيادة!!!

أوكي احنا كلنا نبي نعطل ونبي يوم off بس مو بفترة الامتحانات

أعتقد لو صار جذي باجر راح تكون ردة فعلي......

أما النصف الآخر... المدرسين واعليا....

تأخير الامتحان يوم واحد يعتبر اعدام للمعلمين والمعلمات...

واااي أخاف أقبس وفعلا باجر يعطل الدوام بحجة ان الغبار قوي...

ان شالله لأ........ :yaaaaaarb:

يا الغبار خف علينا ترا طولت... من يوم الخميس مناشبنا

الأرصاد يقولون إن الجو يبدا يتعدل من ال 9 مساء اليوم وان شالله خير

وااااي ماكلة اليوم غبار عددددددل

اشوه ماعندي تصحيح جان اختنقت عدل...

الحمدلله على الجو لا اعتراض

مع تمنياتي لكم بقضاء أوقات ممتعة في هذه الاجواء الترابية :eh_s(11)::eh_s(16):


​

 

[Q 8 Y A t]

لا تطمني ماراح ياجلونه

 

[الزورق222]

الله يعينكم ..

 

[بنات حواء2]

انا عن نفسي اليوم كليت و تنفست غبار لين قلت بس
رديت البيت الله وكيلج بدلت غسلت ويهي قطيت عمري بصاله و اذا به انا نايمه لي 6
الكل يدش يضغطني
اخوي دش قال منو هلمقتوله
ولد اخوي داش يقول هذي الجامعيه عشان تصدقوني لمن اقولكم كل ما ارتفعت شهادتك زاد شقاك
اخوي الثاني يوم دش قال اوووووووووه شنو هذا قف للمعلم ووفه التبجيلا و المعلم بروحه مكروف
المهم قثوني لين قالو بس عاد قمت من النوم قلت لهم الشره مو عليكم الشره على الي غفت بصاله
ههههههههههههه
و اهمه يضحكون علي
ههههههههههههههههههههههههه
المهم بعدين شلخت عليهم قلت لهم اليوم مدلعه بالدوام انا ماشتغلت كلش عبالكم مثلكم كراف احنه يريحونه
مادروا اني من 7 ونص لي ال 2 ونص كراف قسم بالله قعده وحده على كرسي الكنترول لا و ما خلصنه
هههههههههههههههه
بنسبه للغبار اذا قالو ان اجازه
انا بصراحه راح اكون انسانه رياضيه و اقول اوكي اوكي الامور طيبه و احنه بخير
ههههههههههههههههه

 

[PuPa^^SWeeT]

عاادي صااار تاخير ولا لأ


لانه حولي عندهم يوووم راحة باجر


فا عادي







كانهم يدروون انه الغبار بيزيد


و على فكرة

عيسى رمضان يقوول ماراح يخف الا باجر بالليل

 

[بنات حواء2]

بغسل سيارتي مو عارفه شلون
يا جماعه ترى حسب دراستي ترى هذي من علامات التصحر

 

[منال القلب]

أم زنوب: هههههههههههههههههههههههههه الله يخليج اخوانج وعيال اخوانج يارب.. المدرسة جذي دايما ضايعة حقوقها وهي بين اهلها ونوم العوافي يااارب

بوبا سويت: صج والله؟ راحة؟ في مناسبة معينة او جذي بس؟ عيل العاصمة يا حظي ليش ما يسووون جذي يريحون الطالبات
مممممم اعتقد هالراحة مالت الحاسوب الي تكنسلت

 

[منال القلب]

وحياكم بنات نورتوا فديتكم..

 

[كويتيه cool]

لا ان شا الله ما يا أجلونه بالذات احنا إيلات الثانويه
انا اصلا حاجزة طيارتي ٢٨/٦
اذا اجلوه شسوي مع طيارتي

 

[منال القلب]

^
^
الحمدلله طيارتج بموعدها مافي تأجيل

 

[كويتيه cool]

اقصد اذا أجلو الاختبارات راح يأخرون دوامتنا فان شاء الله تعدي هال3 اسابيع على خير

 

[PuPa^^SWeeT]

لاا مو مالت الحاسوب


تفلسف زيادة عن اللزوم بس لا اكثر ولا اقل


ههههه

 

[قمرية الفيس]

تعبانة والله على موضوعج وهو مايسوى الصراحة

 

[قمرية الفيس]

سوري وجهه نظر

 

[منال القلب]

^
^
لا عادي حبيبتي لان هم بعد ردج ما يسوى الصراحة
سوري وجهة نظر..

 

[asma]

والسنه القادم في هذي الاجواء القاتله مارح تكون امتحان ولاتصحيح الان اعيالنا مايبدون امتحاناتهم الامنتصف

سته !! لازم يكون لاولياء الامور والمعلمات رد علي هالخبال الغير مدروس عيالنا كلهم متنكين يمتحنون ولاايقعدون

لاتفرحون بالاجازه وفكروا بعيالنا حرام تسكتون علي هالخبال

 

[* شوية أمل *]

^^^


أييييي والله ششنو هذا مايفكـرون بالطلبه كل واحد اللهم نفسي وراحتي !

 

[PuPa^^SWeeT]

احنا ان تحجينا

قالو حللو معاشكم



فا نسكت احسن

 

[كويتيه cool]

^
^
لا عادي حبيبتي لان هم بعد ردج ما يسوى الصراحة
سوري وجهة نظر..

:rerrerek:افحمتي منووولة:ggdw:

 

[PuPa^^SWeeT]

^^^^


ههههههههههههههههههههههه