معلمات رياض الاطفال ابي حل

[همس الشعر]

السلام عليكم حبوبات
كيفكم بدش بالموضوع على طول عندي ولدين يدرسون الاثنين روضه وعلي بداية النصف الثاني ابي اهدي مدرساتهم هداياء من الاولاد بس ماعندي اي فكره زوجي يقولي اهديهم ورد ونا اقول لا يكثر الاطفال الي يهدونهم ورد ابي شي مختلف
ابي ارئكم وافكاركم الحلوه

 

[عهود الحب]

شحقه تعطينهم هدايا
< نحيسة وقطاعة رزق ههههههههههههه


لا والله اتغشمر
جزاج الله خير
ويارب يطرح فيهم البركة ويخليهم لج وتفرحين فيهم معاريس اثنينهم




عطيهم هدية بسيطة مولازم تكلفين على عمرج
الهدية بقيمتها المعنوية وفرحتها مو بقيمتها المادية


في ممكن تسويين سلة مغلفة حجمها مناسب وتترسينها كاكاوات غريبة للمعلمتين وفيها كرت اهداء
وممكن يكون معاها سلة اكبر شوي وفيها كاكاوات مارس وباونتي وشغلات جذي الي تجي حجمها صغيرون
وغلفيها وخل يوزعونها للاطفال



انا عني انا
لو الطفل يجيب لي كرتون كلينكس ابو ست حبات
الله
جنه جايب لي طقم ألماس



موفقة

 

[همس الشعر]

يعطيج العافيه حبيبتي على الرد وعلى الفكره الحلوه الي ممكن اسويها في اوقات الاحتفال عندهم بالروضه
بس الهدايا الي ابيها الحين ابيها مثل مايقولون ذكرا من الطفل لمعلمته

 

[amna_83]

العيد الوطني قرب
ليش ما تكون الهديه عبارة عن باجه علم الكويت بشوارفسكي
أو تقدرين طقم مبخر مع مرش اللي ييون ست

 

[المستغفرة 74]

بالنسبة لي اطفالي يهدوني بالمناسبات حلويات فاخرة- مجموعه عطورات -
وبصراحة اغلى هدية ما انساها كانت عبارة عن علبة وفيها مصحف مع عطر
وبعد تقدرين تسوين لهم دروع شكر باسامي عيالج.هم فكرة حلوة.

 

[الحياة]

هدايا الابلات وايد ومشالله اولياء الامور يتفننون
بس وين اللي تركز ببالهسوالف
ترى مو بيقمتها وعلى حسب ذوق الابلة ترى لو اتيبين شاده تقدير بتعجبها لانها تحب تجمع هالسوالف وغيرها ما يهمها

انا الهدايا اللي وصلتنا ( عطور - شيلة حلوة - جنطة اذكر من فالنتينوو - ميدالية حق السيارة - كاكاو - ورورد - )
يبي لها ثوب صلاة حلو وراقي مع سيادته وقرانه بيظل عندها على طووووول

والله يخليلج عيالج وتهدينهم بزواجهم يارب

 

[nero]

انصحج لاتهدين القران .. لان وايد يهدونا قران وللاسف ماينقرى لاني ماقدر اقرا من كل المصاحف الي عندي وحرام ينهجر
كل سنه اوزع شكثر ..

ولو تبين هدية حلوه .. حتى لو بطاقة شكر كاتبها الولد بيده "طبعا بمساعدتج" ومزينها بيده احلى هدية

 

[همس الشعر]

للرفع

 

[دلع الشيخة]

انا مرة واحد من اطفالي عطاني هدية وايد حلوة ولها قيمتها

ستاند صغير مال القران ومزين بالخام المخمل والكلف البسيطة وعليه اهداء وصورته ومعاه قران صغير

كان رووووووووووووعه

 

[^زفاف^]

درع تكتبين عليه اسم الطفل ويشكر معلمته

 

[Ťђё Ĕηđ]

احسن شي درع اهداء من الطفل لمعلمته اوثوب صلاه وسجاده لان هالهديتين بتظل عندها طوووول العمر

والبنات ماقصروا بالافكار الله يعطيهم العافيه

وعسى الله يحقظ لج اعيالج ويخليهم لج وتشوفينهم معاريس يارب