معلمات التربية والأوقاف حالفة عليكم تدخلون))))

[زبرجد الطيب]

السلام عليكم شلونكم بنات؟؟؟؟؟؟؟


موضوعي المأساوي وباختصار اني متخرجة من كلية التربية من سنة تقريبا،،،،،،بس الوضع ماعجبني كلش من تجربتي بالميداني
حدي ندمانة اني دشيت هالكلية وفوق هذا تخصصي عربي واسلامية بس موراضيين يوظفوني الا عربي

المهم قدمت عالأوقاف أبي دار القرآن واجتزت امتحان النحو التحريري ولله الحمد بعد عناااااء أما المقابلة سقطت فيها مرتين والمحاولة الأخيرة لي عالأسبوع الجاي

أبي رايكم يابنات تنصحوني اذا سقطت أقدم على السراج المنير لأنه امتحاناته حيل أسهل بس احتمال تطول السالفة شوي والا أجازف وأروح التربية مع انه ثنتين من رفيجاتي قدموا على الاستقالة.....

مادررررري حدي محتارة وزهقت من القعدة.:eh_s(2):....


انصحوني يا مدرسات التربية والأوقاف

 

[زبرجد الطيب]

بنات عفية شورو علي حدي محتارة

 

[مسالمة66]

رد : معلمات التربية والأوقاف حالفة عليكم تدخلون))))

شوفي حبيبتي .. اول خطأ سويتيه انك رحتي على طول دار القرآن لانهم اعلى وتدريس اعمق وللكبار ..

كنت من الاول سجلتي في االسراج المنير على اساس ان الفئة اصغير وما يحتاجون ذاك الزود معلومات دينية .. والمعروف ان الاولوية بدار القرآن حق بنات الشريعة ..

يعني اذا سجلتي مثلا السراج وخلصتي اختبار .. ممكن بعد سنة تحولين دار قرآن .. فهمتي يعني الواحد بالاول يضمن مكانه .

على العموم حاولي تجتازين الاختبار ادرسي عدل وروحي حلقات تحفيظ ..


-------------------------------------------------------------------------------------------------------------------------------------------------------------------------------

انا كلية تربية اساسية اسلامية .. طلع اسمي بالتربية ورحت اليوم للشؤون الادراية بالاوقاف .. وبعدين رحت السراج المنير وخذوا اوراقي .. وانطر يعقدون اجتماع علشان يت قبولي وبعدين الاختبار ..

اما التربية ما راح اروح لها الا لمن تنغلق كل الظروف .. وانا اساسا مو مفكرة اظل طول عمري بالسراج ما عليه الواحد يجرب كم سنة وبعدين يحول دار القران او الاترجة .. بس المهم اثبت مكاني .. واللى اعرفه ان السراج المنير اسهل في القبول .

ونطر عاد النتيجة ونسال الله التيسير ..

-----------------------------------------

بس اذا رسبتي في دار القرآن .. جربي السراج المنير .. خلي السالفه تطول يا امي ... ولازم تنطرين .. احسن من التربية والله .

المهم انت ما قدمتي على الديوان ؟ وين طلع اسمك في التربية او الاوقاف .؟
وليش المقابلة رسبت فيها .؟ شنوا كانوا يسالونك ؟ واشلونك مع امتحان التسميع ؟

 

[زبرجد الطيب]

رد: رد : معلمات التربية والأوقاف حالفة عليكم تدخلون))))

شوفي حبيبتي .. اول خطأ سويتيه انك رحتي على طول دار القرآن لانهم اعلى وتدريس اعمق وللكبار ..

كنت من الاول سجلتي في االسراج المنير على اساس ان الفئة اصغير وما يحتاجون ذاك الزود معلومات دينية .. والمعروف ان الاولوية بدار القرآن حق بنات الشريعة ..

يعني اذا سجلتي مثلا السراج وخلصتي اختبار .. ممكن بعد سنة تحولين دار قرآن .. فهمتي يعني الواحد بالاول يضمن مكانه .

على العموم حاولي تجتازين الاختبار ادرسي عدل وروحي حلقات تحفيظ ..


-------------------------------------------------------------------------------------------------------------------------------------------------------------------------------

انا كلية تربية اساسية اسلامية .. طلع اسمي بالتربية ورحت اليوم للشؤون الادراية بالاوقاف .. وبعدين رحت السراج المنير وخذوا اوراقي .. وانطر يعقدون اجتماع علشان يت قبولي وبعدين الاختبار ..

اما التربية ما راح اروح لها الا لمن تنغلق كل الظروف .. وانا اساسا مو مفكرة اظل طول عمري بالسراج ما عليه الواحد يجرب كم سنة وبعدين يحول دار القران او الاترجة .. بس المهم اثبت مكاني .. واللى اعرفه ان السراج المنير اسهل في القبول .

ونطر عاد النتيجة ونسال الله التيسير ..

-----------------------------------------

بس اذا رسبتي في دار القرآن .. جربي السراج المنير .. خلي السالفه تطول يا امي ... ولازم تنطرين .. احسن من التربية والله .

المهم انت ما قدمتي على الديوان ؟ وين طلع اسمك في التربية او الاوقاف .؟
وليش المقابلة رسبت فيها .؟ شنوا كانوا يسالونك ؟ واشلونك مع امتحان التسميع ؟

مشكورة على الافادة.....اذا سفطت الله لا يقوله بقدم عالسراج وأمري لله
امتحان التسميع نجحت فيه أما المقابلة شرحتلهم درس وبعدها اسألوني أسئلة عن النحو بعضها ما عرفت اجاوبها واللي سمعته انهم ما ينجحون من أول مرة لأنه صاير ضفط على دار القرآن.....

والله يوفقنا جميعا:yaaaaaarb:

 

[wjdan]

نصيحه لا تروحين التربيه

ابعدي عنها

 

[’ღآلشآيـخٌ‘ـہُღ‘]

عندي سؤالين ممكن؟؟

اول واحد شلون قدرتي تقدمين عالأوقاف؟
الثاني شنو يعني زبرجد؟ ههههههههه جد لفت انتباهي

والله يوفقج ويسهل دربج والله ترا حتى السراج المنير حلو اختي مدرسة هناك والحمدلله حيييييييل مرتاحة

 

[أميرة 22]

ابي الاوقاف مراكز السراج المنير اللي متوفرة بالمناطق
شلووووووووووووون اقدم لها
انا بتربية الحين وابي استقيل واروح الاوقاف .........!