معكرووووونه بالباشاميل,,,,,

[بحرينية@ماركة]

السلام...
ابي طريقة الباشميل ابيها مضبوطه علشان باسويها حق بيت ريلي اول مره اطبخ لهم علشان مايعيبون علي.....
واذا عندكم شي ثاني قولو لي حق عشا :gathering:

 

[غيـ الناس ـر]

توني اليوم مسويه معكرونيه بالباشاميل ..


بكتب لج طريقتي ..


اول شي تسلقين المعككرونيه نوع اسباغيتي مع مكعب ماجي وملح وزيت .


وتقصين بصل صغار .. تحمسينه بالزيت ليما يصير ذهبي .. وتحطين عليه لحم مفروم .. انا استخدم لحم المواشي بقر لان اقل زفره .. تحمسينه لين يستوي اللحم .. يعدين تحطين عليه نص علبة معجون طماط وقفشه وسط كاري ونص قفشه كمون وقفشه كزبرة بودره وقفشة لومي اسود وملح على رغبتج انا ما استخدم الملح ابد ..


وبعدين نتفيلج بقدونس او كزبره وقطعيهم صغار .. وحطيهم مع اللحم .. وعقب طحنيلج طماطتين مع ماي وحطيهم عاللحم وخليه يطبخ ليما تثقل الصلصه ..


وبالنسبه للباشاميل .. نسيت طريقته فاستعنت بالباشاميل الجاهز خلطة كنور اللي تحطين عليها حليب .. والله حلوه وتضبط ..

وييبي بايركس حطي نص المعكرونيه وعليها باشاميل شوي وجبن موزاريلا .. واللحم فوق وفوقهم الباقي من المعكرونيه وجبن الموزاريلا وباقي الباشاميل .. وبالفرررررررررررن واذ تحبين رشي عليه شوي اوريغانو وبالهنا والشفا ^_^

 

[غيـ الناس ـر]

نسيت اقولج انا احط صويا صوص مع اللحم يعطي نكهه حلوه ^_^

 

[بحرينية@ماركة]

تسلميييييييييييييين حبيبتي وبالعافيه بس شنو الكاري مالي بالطباخ كلش متفشله حتى من ريلي وكله يعايرني اني ماسويله شي يقول كلشي فيج اوكي الا ذي الشي ينكسر خاطري

 

[غيـ الناس ـر]

الكاري نوع من البهارات حبوبه .. اذا رحتي الجمعيه رف البهارات تحصلين كل شي مكتوب عليه بالاسم ..


الكاري والكزبره البودره والكمون واللومي الاسود كلها بهارات بودره ^_^


والله يسلمج .. واي شي تبينه بالخدمه ^_^

 

[بحرينية@ماركة]

مشكورررررررررررره حبيبتي

 

[أميرة الحلا]

غير الناس يعطيج العافية
طريقتج حدددها سهله
تسلم ايدج

 

[غيـ الناس ـر]

العفو ولووو ..


والله يعافيج حبيبتي ^_^

 

[لولو البحرين]

اذا تبغين تسوين بشاميل مميز وطعمه لذيذ
اول شي حطي شوية دهن او زبدة ومباشرة حطي 3 ملاعق اكل طحين واخلطيهم علشان يذوب الطحين ومباشرة حطي كاسين حليب او كاسين وربع واخلطي على ما تغلظ وبعدين شوية ملح وفلفل اسود وحطي بعد شوية جبن مشور او موزريلا بيطلع طعمه يهبل

 

[شندوخه]

في بشاميل الاخت خبيره اعشاب نزلته مره وجربته لذيذ وايد جنه مال مطاعم

علبه كريمه وقفشتين نشا وحطيهم بالخلاط عشان مايتكتلوون
وحطيهم عالنار ولم يثخنون حطي عليهم جبن كيري على حسب الرغبه انا حطيت جبن سلايس ثلاث شرايح وترس قبضه الايد موزاريلا وفلفل اسود

 

[لولو البحرين]

تذكرت بعد طريقة حلوة للمكرونة بس مو بشاميل ويطلع طعم المكرونة روعة وهو تاخذين علبة قيمر مع 4 ملاعق اكل جبن كاسات وشوية مايونيز وتخلطينهم وتحطينهم فوق المكرونة وبيصير طعمها عجيب

 

[جارة القمر]

مشكوووريييييييييين

 

[سميتڪ غـلآي ْ~}]

ثــآنكــسس .. ~ْ

 

[بحرينية@ماركة]

تذكرت بعد طريقة حلوة للمكرونة بس مو بشاميل ويطلع طعم المكرونة روعة وهو تاخذين علبة قيمر مع 4 ملاعق اكل جبن كاسات وشوية مايونيز وتخلطينهم وتحطينهم فوق المكرونة وبيصير طعمها عجيب

ممكن اتقولين لي الطريقه عدل مدل .....

 

[أحلى همبه كويتية]

طريقة ضيفة سعودية تهبل



تحمسين نص كاس طحين بربع كاس زيت لمن يبدي يطلع ريحته بس لا يتغير لونه وبعدين بالخلاط مع كاس ونص حليب على شان ما يفصص بالنار بالخلاط افضل وبعدين ترجعينه بالقدر وتحركينه متواصل لمن يثخن الخليط يثقل وترشين عليه جبنة موازريلا شوي ورشة ملح وبالعافيه حيل خطيره


تلاقينها بموضوع شنو كليتي اليوم صفحة 109
والصورة عذاااااااااب صفحة 106

 

[ضحكة الدنيا]

مشكورين