معقووووله الدنيا جذي معقوووووووله الصداقه جذي لالامصدومه حيل

[nono93]

فديتكمممم
>>انا خلاص اقتنعت مو اي احد يصير رفيجتي<<

 

[منار البربرية]

افا عليج انا ختج وصديقتج وحبيبتج اخذيها من منوره اللي شافت وعافت وزاعت هههه عفوا على عالكلمه صج كثر ماشفت زعت

الصداقه الحقيقية هي الزماله ؟؟؟؟
يعني شنو ضحكي مع فلانه وطلعي مع فلانه أدي واجب لي مرضت لي تعبت وفرحهم وبنفس الوقت خلج حذره منهم مافي شي اسمه اقول اللي بقلبي كله للبنات وخاصه انج مثلا تحبين فلان وتبين فلان وهالسوالف اللي تثير الغيره للبنات حتى لو صديقتج ؟؟؟ بقلبها تقول شي ثاني حتى لو تسوي نفسها عادي وبعدين في حديث مايحضرني عن المرأة بلحظة زعل تنسى كل معروف سواه الرجال لها فمابالك مع البنت ؟؟؟
انا الحين بالجامعه واقضي طول يومي بروحي صج ضيقة خلق وابي صديقة حتى لو تقزيره ههه زميله بس مافي يا اغلبهم مصلحه ويسحبون حجي ولي قعدوا بالكافتيريا استلموج بالحش وهذي ايه ساكنه بالمنطقه الفلانية ولا كانت كيت وكيت وع مادري شنو واخذي وقيسي من هالحجي

انا بصراحه صار المنتدى صديقي ههههه وصديقتي وزوجي وولدي هههه اتغشمر بس عندي اي موضوع ابي اكتبه احطه اهني وافش خلقي واتعرف عالخاص بنات صج ما اشوفهم ولا شي بس صرت اعز كذا وحده هني اكثر من اللي اشوفهم بره

الحين الناس لاهيه بمصالحها بس لو خليت خربت انتي ديري بالج على روحج

وبسألج الصورة الرمزية هذي من صورته ؟؟ صورتج لا تقولين شيليها احسن ؟؟؟ اغار عليج ههه اتغشمر اختي موفقه واحنا كلنا خواتج

 

[vogue grl]

مافي صداقه انا كنت نفسج بس الحين خواتي اهما صديقاتي ولو برافج تكون علاقه سطحيه"

 

[blue ocean]

خيتي لا تثقين بأحد وخلي حدود بينج وبين رفيجتج مهما كانت غاليه

ووقتها راح ترتاحين صادقي اختج وقربي من امج محد بيخاف عليج وبيحبج كثرهم ..

والله يحفظج ان شالله ويبعد عنج اهل الشر ..​

 

[Tutti-Frutti]

واااااااي بعد عمري عورتي قلبي
<< ما اتخيل الدنيا بدون رفيجاتي الله يخليهم لي ولا يغيرهم

الله يعوضج باللي احسن منهم
وتااااااااكدي انه العشره ما تهون الا على ولد الحرام << هالجمله 100% صح
والله اللي متربي ما تهون عليه العشره

اللي باعج بيعيه .. صح الشي صعب علينا خصوصا اذا كانت بينا عشره

الله يعووضج يارب .. وترى الدنيا ليلحين بخير
خلي نيتج دايما صافيه لا تقولين كل الناس مافيهم خير بسبب موقف صارلج من بنت ولا بنتين
وعلى نياتكم ترزقون