معقووولة ... الي يصيرلي وانا بهالعُمـــــــر

[زَهر تِشرينْ]

على حسب نوع الوحدة ..
أنا مثلاً أعاني من وحدة او عُزلة بمعنى أدق!
بسببْ تطرّفي وشُعوري بإن الطيبة بالناس انعدمت !
وإن اي علاقه .. لها غايه ومن وراها مصلحه وماردها للفناء !
لما مثلاً أقعد مع زميله من زميلاتي وأشوف تفكيرها القاه مختلف كُليا عن تفكيري
فأحس بيأس وإني مستحيل القى إنسانه تتماشى مع افكاري ومبادئي بالحياة
فيزيد انطوائي وانغلاقي على نفسي !!!
انا ما ادري ليش قاعد يصير لي هالشيء والله
بس مر العمر .. وصار عمري 21 سنة .. وماعندي صديقات كلش . .
وأحس بالوحدة الرهيبة .. والفراغ ايضاً .. وقاعدة احاول اطوّر من نفسي و ألقى شيء يملأ فراغي ! ..
لإن الفراغ مثل ما انتي عارفه مدخل من مداخل الشيطان والله يكفينا الشر .. وإياكم .. :eh_s(7):


,


أختي الغالية ..
حسب ما فهمت من كلامج انج حيل حساسة .. وتعانين بصمت !
لدرجة هالشيء صار هاجس تخشينه بشددده ..
صدقيني انا لو عندي حل كان ساعدتج وساعدت نفسي بعد
لكن هذي الايام تمشي وحنا نحاول نطور من أنفسنا ما لنا الا الصبر ..
وين بنلقى ناس نفصّلهم على مزاجنا ؟
مستحيل طبعاً ..

إممم أحس كلامي مخربط
بس اعتبريه ايضاً فضفضه و الله يعين المسلمين اجمعين يارب

◈|❀|◈

اختي الغالية ,,
توك صغيرة حيل ع كل هالالم الي تعيشينه والوحدة والمعاناة ,,
..
للاسف فعلاً ان بعض البشر الي تكون مشاعرهم مُرهفة ورقيقة
والي ينظرون للحياة بمنظار وردي وينتظرون من الي حولهم
سواء من اقاربهم او اصدقائهم الاحتواء والكلمة الطيبة والاحساس الصادق ,,
هالبشر نادر هالايام وبالمقابل لايصلح للحياة الي نعيشها بكل
تَطرُفها وماديتها والي للاسف اضفت ع الكثير من البشر الي متعايشين معاهم نفس الصفات المادية والنظرة بمنظار المصلحة لا اكثر ,, واصبحت الكلمة الطيبة الصادقة والاخوة العَميقة والمحبة في الله مُنعدمة فالكل يركض وراء مصلحته الشخصية وبس ,,
..
حاولي تطلعين يالغالية من هالحالة واهتمي بنفسك وتنمية شخصيتك وابحثي عن هواياتك المُفضلة وحاولي تنمية هالقدرات الي ربي وهبها لك ولا توقفين عند نقطة معينة ممكن تدمر نفسيتك وتعذبك ,,
,,
تقديري العظيم لمرورك :eh_s(7):​

 

[فجرر]

الله يستر على كل بنات المسلمين
ويرزقهم الأزواج الصالحين والذريه الصالحه
ويهديهم إلى الطريق الصحيح
آمين

 

[زَهر تِشرينْ]

بالفعل الصداقه شي اساسي في الحياه ومن وجهة نظري بالنسبه لي شي مايستغنى عنه الانسان..
مهما كان لا بد لك من صديق نفضفضين له انا معك في هالنقطه واللي يقولون مافي صداقه باهالزمن وشدعوى لو خليت خربت...
وان مالقيتي من يكون معك كصديق باهالعمر بوكرا بناتك يكبرون ويكونون صديقاتك ان شاءالله..
انا امي صديقتي الله يخليها لي لما تتضايق تسولف لي اللي بخاطرها واذا قدرت ساعدتها وانا نفس الشي...
وعندي صديقات والله خوات دنيا ماشاءالله عليهم...
من كلامي هذا احب اقولك ان الدنيا لسى بخير وبتلقين من تكون صديقه صدوقه لك بااذن الله...
وربي يسعدك يالغلا...على فكرة تراني معجبه بأسلوبك في مواضيعك وحتى ردودك ماشاءالله عليك مبدعه...

◈|❀|◈

أختى الغَالية برستيجي ماركة ,,
أول شئ شَرف كبير لي يالغالية كلماتك الطيبة الي وصفتيني فيها وهذا من طيب اصلك وكرم أخلاقك ,,
..
شَاكرة لك هالقَطرات العذبة الي نثرتيها بوسط أحزاني وكنتِ
بكلماتك الصادقة من صميم قلبك بَلسم يهدهد جروحي وآلامي ,,
عسى الله لايغير عليكِ ويحفظلك أحبابكِ وصديقاتك
ويبارك في علاقتكم وتبقى للَأبد ,,
لكِ وردة لرُوحك { :eh_s(17):
​

 

[زَهر تِشرينْ]

قلبي اسفه الرد طلع غلط علي موضوع ثاني
بخصوص الوحده صدقيني الوحده هي احساس قبل لاتكون واقع
لاتكونين مع الزمن علي نفسج
لاتجرحينها وتضايقينها
لمي نفسج ولململي ذاتج
شوفي الجانب الايجابي
مريت بتجربه مؤلمه بحياتي
فقدت فيها ايماني بكل شي جميل
كرهت حياتي والفراغ والانتظار
كنت اتالم لوحدي
مجرد روح ضايعه
لين ربي هداني
واهتديت له
رفيق روحي
مناجاه ربي
وذكر الله
وخليت وقتي لربي
وقرائتي
ودراستي
وابحاثي
شغلت نفسي باي شي الا الفراغ والوحده
ماقولج عندي صديقات
وايد
انا بطبعي اجتماعيه
لكن كل ماكبرنا بالعمر
نميل الي الوحده واختيار عدد محدود من المعارف
طبعا الحياه عطتني دروس
وعلمتني اهميه اني اكون صديقه نفسي
والاهم اني اكون صادقه مع نفسي
الاختبار الكبير كان شلون اوقف من جديد
وماترك الانكسار يعشعش في قلبي
ضيعت سنين في الحزن
خلاص كل شي ورا ظهري
وابتديت من جديد
نصيحه لاتتركين الفراغ ينهش قلبج
لان الالم ما ينقسم علي اثنين

◈|❀|◈

تَدرين يالغالية أول ماقريت ردك وش كانت ردة فعلي
إنرسمت إبتسامة إعجـــاب :wqedqw:
..
الرَائعة والمُذهلة بِحق ,,
مَاشاء الله تَبارك الرَحمن ياغالية أنا بالفعل بقمة إعجابي
فيكِ ..,
أتمنى من الله عزوجل أن يعطيني القوة ويضع لي الطَريق الصحيح الي أمشي عليه وأترك كل هالعذاب وأخترق كل الألم وأمحيه من حياتي وأتعايش مع واقعي بشكل عَملي أكثر وبنظرة مُختلفة لنفسي ولكل شئ حُولي ,,
..
{ لاتكونين مع الزمن علي نفسج
لاتجرحينها وتضايقينها
لمي نفسج ولململي ذاتج }
..
هالجملة الي كتبتيها نزلت دموعي بدون ما أحس ,,
انا فعلاً تعبت نفسي حيل حييييل فوق ما تتصورين وعذبتها
وانتقمت منها يمكن كنت انتقم من كل الناس الي تعبوني ودمروا نفسيتي وكل الي حبيتهم وأهملوني وصرت عندهم كأني قطعة أثاث او جَماد مالي وجود ,,إنتقمت منهم فـــذاتي أنا ,,
كنت اعذب نفسي وادمرها اكثر واكثر لين وصلت لمرحلة اكتئاب موطبيعية ,,
..
جَميل جداً ياغالية ان الانسان يتعلم من أخطائه وما يكررها وياخذ دروس من الحَياة ويتعلم كيف يتعامل مع الصدمات ويواجهها بكل قوة وجبروت ,,
..
والأروع والأجمل هو التغير الجَذري ورسم طريق الإبداع والموهبة والارتقاء بالنفس الغَالية الي تدمرت ,,
..
أنتى مُبهــــرة بارك الله فيكِ وزادك مِن فضله
وعسى الله يبعد عنك العين والحَسد ويتمم عليكِ من نعمته وكرمه .,
..
جُل تقديري وإحترامي { :eh_s(17):


​

 

[زَهر تِشرينْ]

هالآيام صععبه تلقين رفيجه نفس ميولج ..

يالله الله يرزقناا رفيجات ..^

◈|❀|◈

مشكورة يالغلا ع مرورك الاكثر من رائع
لكِ تقديري



​

 

[زَهر تِشرينْ]

اتمنى ان اسلوبي يرتقي بمثل اسلوبك .. ماشاء الله ..
اول شي حابه اقولك لا تعطين نفسك مجال تفكرين بها السلبيه في حياتك
الله انعم عليك بنعم كثيره استمتعي فيهااا وحاولي تنمينها وتقضين وقتك بدون ملل ..
الله عطاك نعم الزوج والعيال والاستقرار هذي بحد ذاتها نعم غيرك منحرم منهاا
وبعدين مو لازم تكون لك صداقات يكفي معارف زميلاات تقضين معهم البعض من وقتك ..
انا عندي زماله وكان عندي صداقه بس والله ماتدووووم مثل ماقلتي كل شي ينتهي من حاجته ويروح ..
فالاحسن مااتعشم بحد اخلي وقتي معهم معرفه وزماله بس
عندك زوجك اجلسي معه هو نصفك الثاني وقولي له الي بخاطرك ..
اختك او خالتك عمتك اي احد من اهلك ..
ع العموم يا اختي خلي شي في راسك التفاااائل والاستمتاع بكل لحظه في حياتك لانها لو راحت مابترجع ..
ربي ييسر امورك ويفتح عليك ابواب الراحه
بالتوفيق

◈|❀|◈

الغَالية { أعشقة ,,
تسلمين ع ذوقك وكلامك الطيب بارك الله فيكِ حبيبتي ,,
..
وشاكرة لك ع نصايحك الثَمينة وباذن الله راح اسويها
لكِ كل تقديري وإحترامي :eh_s(17):

​

 

[زَهر تِشرينْ]

◈|❀|◈

 

[جنون العاطفه]

احزنتني فضفضتك لكن الحمدلله على كل حال
لا املك لقلبك سوى الدعاء وتاكدي ان هنا جميعا اصدقائك

 

[قمرية الفيس]

حبيبتي احنا الحين في زمن عرف انه الصداقة شي نادر وصفقة وجيزة الفكل الحين استطاع انه يكيف نفسة بدون مايكون عنده لاصديق ولاونيس والكل عايش على تلبية رغباته الذاتية وممارسة هواياته واعماله الوظيفية فيمر فيه العمر وهو مو محتاج لاحد
فاتتي ياحبيبتي منتي محتاجة لاحد ومارسي عملج وهواياتج وراحتج النفسية ودلعي نفسج مابين النوادي والاسبا والسفرا والاهم من هذا كله تقربي الى الله قضي وقتج بحفظ القران والعبادة تجدين نفسج اصلا موفاضية للناس ومشاكلهم وبلاويهم
الله يفقج حبيبتي

 

[بيرلا ستور]

كلامج لمسني من الداخل
حبيبتي انا جذيه كنت بس حاولت اغير حياتي ورغم اي شي اونس نفسي
مع انه هذة الدنيا عيال ولهو وشغل وتنسين نفسسج احيانا
بس حلو انه الوحده فينا يكون لها يوم خاص فيها انا مخصصة يوم اسوي فيه اللي احتاجه

حاولي لا تكتئبين حتى ما تحسين بالشي اللي حاسستيه الحين اكثر بكثير

ربي يهدي بالج ويصلح كل امورك ويقدملج كل خير

تقبلي مروري

 

[!! دلوعته !!]

اب اب

 

[الاماني الحالمه]

تبغين السعادة هي القرب من الله فقطط

 

[PuPa^^SWeeT]

ماراح اقوولج انه الصداقة ماراح اتريح بالج و اتحقق اللي تبينه


فعلا الانسان يحتاج لمن يمد يده له و يعينه على مواجهة العقبات و المشاكل بالحياة


من صديق او اخ او ام


انتي تعيشين بغربة حبيبتي



لذلك تجديين الوجوه امامك اما غريبة او مختلفة


وانتي تبحثين عن الجوهر النقي في هذه الغربة لمساعدتك على التغلب على الحنين



بس ياقلبي انتي فكري انه لج صديقات كثيرات


منهم عضوات المنتدى



ولنا الشرف انه تكون لنا صديقة عطووفة و حنوونة و معطاءة مثلج


و ايضا احب اضيف نقطة


انه الام بالفطرة تلغي حاجاتها من اجل تلبية متطلبات بيتها و ابنائها


لذلك تصل لمرحلة عمرية اوائل الثلاثينات او اخرها و تقووول انا افنيت نفسي لخدمتهم و نسيت نفسي



حبي نفسج و دللي نفسج باوقات استجمام خاص بك



و لا تنسين

people love people who take care of them selves


فا اهتمي بنفسج و نفسيتج


وعندها ستجديين الصدييقة


ولو اني استبعد انه ماعندج وحدة تتمنى صداقت


لعظييم اخلاقج و اسلووبج

 

[قلبي وينك]

اختي يا اما انج انسانه حساسه وذو شفافيه عاليه أو انج تدورين على المعدن الذهب بزمن النحاس
كلنا اندور بالدنيا هذاااا على صداقه تشابهنا بأفكارنا وميولنا واخلاصنا ووفائنا لكن للأسف الوقت ضاع واحنا ندور
لكن اقدر اقولج احمد ربج عالاقل انتي عندج عيال تلتهين فيهم وتسلينهم ويسلونج الله يخليهم لج شو الحال بالي مو متزوجه ولا عندها عيال وخايفه من الناس والايام يجرون عليها .......

 

[زَهر تِشرينْ]

دائما الأقلام المبدعه يكون خلفها أرواح متعبه

حطمي الألم كله بلااله الا الله

تنفسي الذكر مثل الأكسجين بترتاحين

أنا أعرف كيف أحيان يكون الحزن طاغي والألم سلطان ع الروح

كل هذا ماأجهله وشربت منه لحد ماأرتويت بس برايج لو نستسلم للألم وين يودينا ؟؟!!

أكيد مابيرحمنا

لكن خلينا نجذ الثقه بالله واليقين بالفرج وحسن الظن


وأنا متأكده القادم أحلى وأروع





دعواتي لج بالفرج والراحه

◈|❀|◈

إيه يَاصَديقة الحَرف ,,
أردنَا فَقط وأراد القَدر مَا أراد ,,
الفَرح مَا كان مِهنتي لِذلك لَم يَجرحني الجَرح ولَاخَيبة الرَجاء
أكثَر مِما جَرحتني الَأحلام البَسيطَة ,,
..
غَاليتي { كُن غَريباً ..,
..
مُرورك كَغيمة مَاطِرة بالأمَل جَعلت المَاء المُوحل يَصفى ,,
فَقررتُ أن أدع كُل أمنياتِ الطُفولة البَريئة وكُل الَأحلام الضَائعة
وأحيَا كَما يَجب أن أحيا وكَكُل البَشر ,,
فَلقَد أعياني الإبحَار عَكس التَيار فَدعينَا نُغلق الأبواب عَلى الأشواق والحَكايات والقَصائد المَبتورة الجَناح ولُنُطلق أرواحنا للسَحاب .. للمَطر ..ونَتنفس الحَياة ,,
..
بُورك مُروركِ الغَالي وبُوركتي ووقَاكِ الله شَر
كُل ألمٍ وعذاب { :eh_s(17):
​

 

[زَهر تِشرينْ]

مافي احد مرتااح والكل عنده مشاااكل اشكال والواان اكثري من الاستغفاااااااااااااااار نصيحه مني الله بيرزقك ويسعدك من حيث لاتعلميين واذا كان على الصديقات نفس الشي انا عندي صديقاات بس لاهين بهاالدنيا مانتواصل كثير وتذكري مافي شي كامل بهالدنيااا واحمدي ربك على كل حااال

◈|❀|◈

معاكِ حق محد مرتاح في هالدنيا واكيد الواحد دوووم يحمد
ربه ع كل النِعم العَظيمة الي اعطاها لنا ووهبها لنا ,,
بس أحياناً الإنسان يشعر بالألم يعتصره ويصارعه وما يقدر عليه ويحب يفضفض عن الي فداخله لا اكثر ولا اقل ,,
وهذا الي صار معاي برغم ايماني العَميق اني بنعمة وفضل من رب العالمين وراضية بقضاء ربي فيني ,,
..
شَاكرة لك مرورك الي أسعدني
كُل التقدير :eh_s(17):
​

 

[Beautiful soul]

الله يشرح صدرج ويسعدج ويرزقج باللي تتمنينه ..
ترى محد مرتاح والله ..
الله المستعان ..

 

[زَهر تِشرينْ]

QUOTE=شهرزآد;29462909]السعاده تٌصنع ولاتكتسب

الله اعطاك نعم كثيره حسي فيها زوج وابناء يشغلونك ....

لاتشوفين بس لاشياء اللي ناقصتك تتعبين![/QUOTE]

◈|❀|◈




بارك الله في نصايحك ومرورك
كل التقدير :eh_s(17):
​

 

[زَهر تِشرينْ]

الله يكون بعونج حبيبتي


ذكر الله راحة للبال

◈|❀|◈


والنِعم بالله ,, ولاغنى لنا عن ذكر الله عز وجل والتقرب
اليه فهو الراحة الوحيدة والطمأنينة للنفس الإنسانية المُتعبة ,,
صدقيني كل الي كتبته فضفضة مويأس ولا قنوط ,,
بورك مُروركِ غاليتي :eh_s(17):​

 

[بندووشه المطيري]

آلله يكون بعونج حبيبتي

وآلله يفرج عليج

ويعطيج على قد نيتج يآرب