معقووولة ... الي يصيرلي وانا بهالعُمـــــــر

[أعشقه]

اتمنى ان اسلوبي يرتقي بمثل اسلوبك .. ماشاء الله ..
اول شي حابه اقولك لا تعطين نفسك مجال تفكرين بها السلبيه في حياتك
الله انعم عليك بنعم كثيره استمتعي فيهااا وحاولي تنمينها وتقضين وقتك بدون ملل ..
الله عطاك نعم الزوج والعيال والاستقرار هذي بحد ذاتها نعم غيرك منحرم منهاا
وبعدين مو لازم تكون لك صداقات يكفي معارف زميلاات تقضين معهم البعض من وقتك ..
انا عندي زماله وكان عندي صداقه بس والله ماتدووووم مثل ماقلتي كل شي ينتهي من حاجته ويروح ..
فالاحسن مااتعشم بحد اخلي وقتي معهم معرفه وزماله بس
عندك زوجك اجلسي معه هو نصفك الثاني وقولي له الي بخاطرك ..
اختك او خالتك عمتك اي احد من اهلك ..
ع العموم يا اختي خلي شي في راسك التفاااائل والاستمتاع بكل لحظه في حياتك لانها لو راحت مابترجع ..
ربي ييسر امورك ويفتح عليك ابواب الراحه
بالتوفيق

 

[تحت ظلك]

دائما الأقلام المبدعه يكون خلفها أرواح متعبه

حطمي الألم كله بلااله الا الله

تنفسي الذكر مثل الأكسجين بترتاحين

أنا أعرف كيف أحيان يكون الحزن طاغي والألم سلطان ع الروح

كل هذا ماأجهله وشربت منه لحد ماأرتويت بس برايج لو نستسلم للألم وين يودينا ؟؟!!

أكيد مابيرحمنا

لكن خلينا نجذ الثقه بالله واليقين بالفرج وحسن الظن


وأنا متأكده القادم أحلى وأروع





دعواتي لج بالفرج والراحه

 

[قمةالرومانسيه]

مافي احد مرتااح والكل عنده مشاااكل اشكال والواان اكثري من الاستغفاااااااااااااااار نصيحه مني الله بيرزقك ويسعدك من حيث لاتعلميين واذا كان على الصديقات نفس الشي انا عندي صديقاات بس لاهين بهاالدنيا مانتواصل كثير وتذكري مافي شي كامل بهالدنيااا واحمدي ربك على كل حااال

 

[شهرزآد]

السعاده تٌصنع ولاتكتسب

الله اعطاك نعم كثيره حسي فيها زوج وابناء يشغلونك ....

لاتشوفين بس لاشياء اللي ناقصتك تتعبين!

 

[عادت ذكرياتي]

الله يكون بعونج حبيبتي


ذكر الله راحة للبال

 

[دنيا جديدة]

سبحانة الا نسان مايعش من غير صديق
كوني صديقة القران وهو خير جليس اقري ثلاثة اجزاء باليوم
ولا رراحة الا بالجنة
الله ينزل عليج الطمئنينة والسكينة والراحة
واسأل الله ان يعوضك ببناتك

 

[طموح لايتوقف]

بالعكس يأختي أن أشهد أن كلامك صحيح100% الزمن أصبح زمن المصالح

 

[علشان شو]

ربي يفررج همك ويووفقك وينوور درربك ياررررب

 

[زَهر تِشرينْ]

ياحياتي

طيب الصداقة شبتزيدك
وانت الحين ما عند صديقة شنو اللي ناقصك
تتصورين تلقين السعادة ولا راحة البال
هالاشياء ممكن انت تصنعينها بالتفاؤل وحب الحياة والخير
وبالاول حبي نفسك واسعديها لا تنتظرين هالشي من احد غريب
وترى صديقتك يمكن تكون حولك بس انت مو حاسه
ممكن تلقين الصداقة
في اخت
في بنت
في زوج
في ام
لا تطلبينها من غريب
صدقيني وعن تجربة

عسى الله يفرج كربتك وهمك ويفتح لك ابواب السعادة ​

◈|❀|◈

الغَالية أم الدُرر ,,
أول شئ شَرفتي مَوضوعي وشَرفتيني بتواجدك العَطر ,,
بالنسبة للصداقة يالغالية أكيد نحتاجها لما يكون أقرب الناس لنا موحاسين فينا .. لما يكون الواحد غريب حتى عن اهله
واحب الناس له ,,
مولازم افصل اكثر بس هذي فعلاً حياتي وانا وربي ما انكر
نِعم ربي العَظيمة ولا ادور شئ يتعبني وانا عندي كل شئ ,,
بس كل انسان ربي خلقه وعطاه ابتلاء معين عشان ينظرله اذا بيتحمل ويصبر وبيحتسب والا بيجزع ,,
وانا ابتلائي مشاعري واحاسيسي ورقة شعوري مع كل شئ حولي ..ورب البيت يمكن كثير يعتقدون ان هالشئ تافه بس الي مثلي ومثل شخصيتي اكيد بيعرف وش نوع المُعاناة بالضبط الي اعيشها ,,
..
دُعائك الغَالي كان مِثل نَفحات مِن رَحمة نزلت ع قلبي ,,
الله يبارك فيكِ ويعطيكِ من الخير مالاتحتسبين :eh_s(17):
​

 

[زَهر تِشرينْ]

لاتكونين بصف الناس الي اذا واجهتهم اي مشكله يكبرووونهااا
لان لو النااس وقفت على مشاكلها جان ماشفتي احد فرحاان الذكي الي يعرف شلووون يقلب طاقه الاحباط طاقة سعاده حتى لو ماكو شي يستحق الونااسه حلو الواحد يكون ربيعه بقلبه حتى لو هو بزنزانه

◈|❀|◈

مشكورة يالغلا ع ردك وبحاول اسوي الي قلتي عليه ,,
لكِ تقديري :eh_s(17):​

 

[ماني من الناس]

يعني باختصار تبين صديقه قريبه منك مثل توأمك تفضفضين لها صح ؟

تبينها مثل صفاتك عشان تفهمك تبينها روحانيه وعميقه وحساسه وانثئ رقيقه لانها راح تفهم رقه شعورك

انا عرفت شخصيتك الحين

انتي غير الناس حالمه وعايشه بعالم القيم والمثل العليا العالم الابيض المدينه الفاضله الموجوده بالكتب واللي تحبين تنتمين لها


انا فاهمه شعور ان الواحد يعيش بمكان مايشبهه وحول ناس ماتشبهه

الروحانيين يحبون يتواجدون حول الطبيعه حول المخلوقات الاماكن اللي فيها زرع وخضار وماي ويحتاجون كائنات روحانيه تشبههم لان حتا الجنه بدون ناس ماتنداس

نحن لسنا كائنات جسديه تمر بتجربه روحانيه نحن كائنات روحانيه تمر بتجربه جسديه


انا مثلج بالضبط وكانوا الناس مايشبهوني ختا رفيجتي بالجامعه كانت شخصيه سطحيه جدا وماديه جدا جدا ولانها كانت تحبني وتقعد وياي ع طول استفزتها شخصيتي المختلفه وصارت روحانيه وعميقه وصارت تقرا كتاباتي وتقلدني بالكتابه لين ماصارت تعرف تترجم شعورها كلمات

فاللي ابي اوصله لج اذا الناس اللي حوالينج مايشبهونج لكن يحبونج ادخليهم لعالمك لانهم اصلا محتاجين لهالعالم النظيف

وشوي شوي بيفهمونج ويشبهونج وبيعيدون اكتشاف نفسهم عن طريقج

 

[دلع العتبان]

بعد قلبي واضح انج مجروحه موتعانين من قله الاصدقاء

الانسان بهدنيا كلن على تحمله الله يبليه بلاج اهون من بلاوي ثانيه كثير


ادعي وكرري هالدعاء اللهم انسني بقربك

صدقيني كل انسان عباله مشكلته اكبر مشكله وبعدين يكتشف انه مشكلته ولاشي من مشاكل كثيره حواليهم


ربي يوفقج ويشيل عنج كل هم

 

[@شمس الضحى@]

الله يهونهاا عليج يحبيبتي
واحمدي الله واشكريه ع الصحه والعاافيه والامن والامان
واشغلي وقتج بالاستغفااااار ما اوصيج بالاستغفااار
انا كنت مثلج حساسه وحاسه اني بروحي ومحديفهمني واني اختلف عن العالم وووووو
لحد ماربي رزقني باسوووم وغيرت لي حياتي وغيرت شخصيتي يعني تغيرت180درجه للاحسن اللهم لك الحمد
للعلم انا ام لطفله مثل القمر من ذوي الاحتياجات الخاصه تخيلي جحم الصبر والمعاناااااااااااااااااااااااةا لي مريت فيهاا
والحمدلله على كل حال
اسمحي لناا صار موضوعج للفضفضه

 

[زَهر تِشرينْ]

مااافي احد مرتاح .. الرااااحه بذكر الله والتعبد واللجوء له (فقط) فهو المنجي سبحااااااااانه

◈|❀|◈​

والنعِم بالله .. الله يرحمنا برحمته ويغفر لنا ويتوب علينا
انه هو التواب الرحيم ,,
لك تقديري عزيزتي ع المرور​

 

[بنت البحراني]

حبيبتي يمكن انتي في سبب تعيشين عشانه (عيالج )
انا توني مادشين ال20 واحس اني جسد بدون روح

 

[زوجة عزيز]

الله يعينج نفس الحاله انا والله

 

[زَهر تِشرينْ]

خوفتيني لاني دايم افكر بلمستقبل انا 34 وماعندي عيال واحاتي الوحده بعدين

والصداقه والله مافي صداقه الكل مصالح وبس

◈|❀|◈​

عسى الله يرزقك بالذرية الصَالحة ويبارك لك في حياتك
وصدقيني يالغالية برغم كل الصدمات والجروح الي شفتها مازال عندي امل
لأن أمة محمدصلى الله عليه وسلم لاتخلو أبد من الخيررر وبيظل فيها الخير وفأهلها ليووم الدين
كُل التقدير لكِ :eh_s(7):​

 

[زَهر تِشرينْ]

قولي الحمد الله يااختي وتذكري الدنيا سجن المؤمن

◈|❀|◈​

الحمدلله رب العَالمين على كِل نعمة وفضل ,,
شاكرة لكِ غاليتي ع المرور ​

 

[* ليــــدي *]

يــــآهـ جآ بوقته الموضوع ..


حبيبتي زهرة تشرين ..

الوحدهـ إحسآس صعب جدآ ..
و إذآ كانت الوحدهـ مقترنه بجرح هنآ يكون جرح آعظم ..

دآئما آلعلاقات تكون قآئمه على المصآلح مثآل ..
انتي مركز اتقرب لج
انتي غنيه اتقرب لج
انتي محبوبه اتقرب لج
انتي عندج وعندج وعندج اتقرب لج لـ غرض معين و آبعد ..
آو اكون متضآيقه آتقرب لج افضفض ارتاح و آتركج وامشي حتى لو احتجيتيني في يوم آبعد لاني خلصت غرضي

هذآ حآل آغلب الصدآقات هالوقت ..
للمصالح فقط ~

كآنت عندي صديقه آعتبرتها روحي كآنت 7 سنين معآي ع الحلوهـ والمرهـ ..
لكن تزوجت و تركتني غيرت رقمهآ وكل شي
كآنها كانت تتسلى مآقدرت الصداقه ولآ العشرهـ اللي كآنت بينا للاسف ..

في بدآية الموضوع تعبت حيل حيل و لي موآضيع سآبقه في هذا القسم عن الفرآق و الوحدهـ ..

ومع مرور الزمن الحمدلله خفت الصدمه لكن انعدمت ثقتي في كل الصدآقات الحين اللي تجي واللي تروح نفس الشي
مآعندي صديقه قريبه لي افضفض او احاتيها او يهمني امرهآ
لان الله يكشفهم سبحآن الله ..

حآسه بـ الوحدهـ بشكل كبير لكن آحيانا الوحدهـ تكون خير مهما كانت صعوبتها ومرها ..

الا انها تكون آفضل من صديقه استغلاليه جآحدهـ آو تتخلى عنج من اول موقف ضيق لج مآتتحمل وتصد


آتمنى لج كل خير ..
والله يبعد عنج وعنآ الوحدهـ يآرب


:aha:

 

[&&&&&&&&]

والله الوحده ياحياتي اصرف بعض الاوقات مليون مره
لا وكمان احسن من صديق يصدمك
بصراحه انا صرت اكره الصداقه احيان
لاني بصراحه اكره اني انصدم من شخص اعزه

​