معقووله ماصار بالكويت لبس حلوو!!!!

[miss_whitemocha]

صاجة والله..
نفانيف العروس صايرة جنها نفانيف حفلة تنكرية..تفشل..
عندج المحل اللي بمجمع 360 عنده فساتين ستايل أوروبي حلوة و ناعمة.. وعندج بعد مجمع زهرة هم عنده فساتين حلوة و ستايل اوروبي..بس لازم تدشين المحلات و تنبشين عدل..
و اذا تبين أجار فيه محلين انا شفتهم بحولي قبال مصافط مجمع النقرة الجنوبي..فيهم أجار و فساتينهم حلوة و ناعمة..
فيه محل انا مأجرة منه حق استقبالي بدلة عروس سكرية وااااايد ناعمة و سمبل..فيها شغل صوب الصدر وبعدين كلوش تور و عليه ورود ناعمة زري خفيف.. المحل اسمه أجوان صاحبته رومانية..
في يمه على طول محل اسمه الطرحة..هم عنده أشياء وااااايد حلوة و كنت مأجرة منه بس بعدين كنسلت لأن عرسي تكنسل..
المحلين تشوفين شكلهم من برة كحيان بس دشي شوفي عندهم أشياء وايد وايد حلوة و ذربة..طبعا مالج شغل باللي يعرضونه بالفاترينة..داخل فيه أشياء حلوة و إذا تبين هم يفصلونلج على مزاجج و شغلهم مضبوط و رخيص.
هذي أرقامهم..
خياط الطرحة 99284539
أجوان 66575709
وإنشالله تلاقين اللي في بالج.​

 

[beren saat]

للحيـن ما وصلت للبـدله ولا دورتها

الله يستر عآد ذووقي صعب

 

[أخت الكل]

اول شي مبروك والله يتمم عليج يارب
اذا حابه عندي نفونف عرسي من بره مو من الكويت والله.... وايد حلو وغريب والكل سال عنه وتكلم وللحين يتكلمون فيه والله للامانه مو للمدح بس اذا حابه راسليني وان شاء الله ماراح اقصر معاج والله يوفقج يارب

 

[سويت فانيلا]

الاسعار جهنم الحمره خاتم 18 عادي 18 شاريه ذهب بس ياكافي

 

[قلبهـ 86]

الله يعين

 

[الهامه2]

اب اب

 

[noorq8]

والله توني جايه من الدزه عندها 4 بدل واااااااااااااااااااو والأسعار ماتتوقعينها جربي مريهم وراح تدعين لي , محلهم بالسالميه بالاس نفس شارع مركز سلطان السالميه .

 

[noorq8]

تبين تصميم وتفصال ولا بالأحلام ...................الدزه اللي بالسالميه بالاس بالسرداب تختارين الموديل أو تصممينه وتعدل لج على كيف كيفج بصراحه شغل راقي واسعار معقوله.

أقصد السالميه بلازا ورقمهم 25712119

 

[Dadoosh]

السلام عليكم حبيبتي انا توني دازه ردي لوحده ثانيه كانت اتدور تجهيز و عرايس. شوفي في اتيليه طايحين فيه تجهيز و عرايس انا اول ما رحت ماشفت بدل عرايس بس جهزت بدل استقبال و بدل سهره المهم سالت اذا ايسوون عرايس قالتلي انسوي المهم صممتلي و الحلو ان انتي مع الفستان مرحله مرحله والي تبين اتسوي يعني سويت حول 7 بروفات و وروني النماين او كل شي . كانت القطعه ولا اروع لونها بلاتيني و التجهيز كام حيل فخم. المهم لي يومك يسالوني عن البدله رقمهم 99188790 انشالله مو مغيرينا في وحده اتقول مقطوع. بيد ستايل

 

[علا العلياء]

حبيبتي انا اختي نفسج بالضبط
تحب الشغلات الكلاس والراااقيه حيل
بعرسها الكل قال ان استايلها راقي مو
مثل خبة العرايس والاوفر
وبدلتها تهبل ماشاء الله
واهيا تبي اتأجرها
اذا تبين كلميني عالخاص

 

[شذى الحب]

الله يوفقنا يارب روحي الخبر احسن وارخص ان شاءالله يارب اروح هناك يارب

 

[عـ عبدالله ـروس]

روحي الخبر اسعارهم معقوله وناعمه