معقوله هالاعراض من حبوب ال Imedeen؟؟

[سبائك]

السلام عليكم

شلونكم بنات

أنا كتبت من فتره عن اعراض دوخه غريبه صارت لي كذا مره ما كنت عارفه سببها!!!!


الي تعرف تفسير هالحاله الي صارت فيني تقولي لي لاني بديت أحاتي

أقوم من مكاني تفتر الدنيا فيني( مو دوخه عاديه لا تفتر فيني الدنيا بمعنى الكلمه فعلا)

وراسي اسمع فيه صفير قوي

أرد أقعد بمكاني لأني ماني قادره أثبت بوقفتي

أنطر لما تخف الدوره

أذا خفت تبدي جبدي تقلب وراسي يعورني واسمع بأذوي خشخشه قويه تخف تدريجيا

طبعا اكثركم نصحتوني أروح الطبيب وكان ودي أروح بس انتوا عارفين يومنا عن سنه والتاجيل ماله والي

المهم بالصدفه أنا كنت بذيك الفتره استخدم حبوب الأيميدين للبشره

وبصراحه بديت احس بنتيجه حلوه بس شهر ووقفت مليت وبديت انسى آخذهم

خلال الفتره الي وقفت الحبوب فيهم ما يتني هالحاله

عقبها رديت أقرا عن تجارب البنات مع الحبوب ونتايجها الحلوه فرديت آخذهم مره ثانيه

وردت الدوخه يتني مره ثانيه وبقوه

فوقفتهم الحين

تهقون هالاعراض ممكن تكون من هالحبوب؟؟؟؟؟؟

 

[زيـنـه]

والله سبوجه دام ارتبطت الحاله بالحبوب يجوز منها .. تركيها عنج
و اللي يمشي على غيرج ما يمشي عليج .
و استشيري طبيب افضل
ما تشوفين شر .. و اهم شي الصحه العامه..خلى البوشره عنج الحين

 

[NoWay2know]

استشري دكتور مختص أحسن عشان تطمنين بدون آراء متفاوته

 

[سبائك]

الشر ما اييج زوزو ما قصرتي

ياختج عدينا ال30 لازم نعابل بعمرنا ههههههه

NoWay2know انا قلت اذا وحده مرت بهالحاله استفيد من تجربتها

 

[ريمه الكويت]

سبائك يمكن انتي فيج حساسيه من الاسماك لان مكتوب على العلبه فيه ناس يتحسسون منها الي مايقدرون على اكل السمج انتي اخذيهم وروحي للمستوصف واسالي الدكتوره احسن

 

[MELANO]

سبائك ياحياتى انا صارلى نفس الموقف

بس انا خذيتهم وخذيت معاهم بنادول نايت ونمت


والله وانا نايمه احس راسى يلللللللللللللللللللف بحياتى ما حسيت بالخوف كثر هاللحظه يعنى تخيلى وانا نايمه بسابع نومه حاسه ان راسى تدووووووور فتحت عيونى والا الغرفه تدووووووووووووووور بسرعه ياريت شوى شوى لا بسرعه عجيبه

رفعت راسى ليتنى مارفعت زادت السرعه وزادت دقات قلبى بشكل غريب

رجعت راسى للمخده وماتحركت وظلت الغرفه تدور لما خفت الدوران تحاملت على نفسى وقمت رجع الدوران اكثر

رجعت السرير وشربت ماى وايد وايد وعصير مع سكر قلت يمكن هبوط او شى بس مافى فايده

واكلت اكل اشكثر علشان الهبوط مافى فايده

بس هم بليل رجعت اخذت حبه منهم ماراجعت الحاله يعنى ماكان فى بالى الاميدين كل تفكيرى كان انه من باندول نايت

لما قريت كلامج خفت


بس والله للحين استخدمهم مافى شى عادى

ما ادرى

بس صراحه انا مو محتاجتهم لكن صيدليه بوتس قلتلها جسمى جاف وايد مهما احط مرطبات او اى شى كريمات ماينفع جاف من داخل قالتلى اخذيهم وصراحه راح كل الجفاف خلصت علبه وباديه بالثانيه



ماتشوفين الشر ان شاء الله سبائك

 

[سبائك]

ريمة الكويت لا انا آكل سمج عادي ما يصير فيني شي!!!!


MELANO نفففففففففففففس الي صار معاي بالضبط الغرفه كلها تفتر حولي وراسي ثقييييييييييييل

انا شكيت بالفلدركس بس آخر مره صارت معاي الدوخه ما كنت ماخذه فلدركس فشكيت بالأيميدين

عاد والله مثل ما قلتي نتايجها حلوه حتى ما قمت أحط كريم حق ايدي ما كنت احس اني محتاجه كريم

 

[ii DareeN ii]

انا استخدمهم سبوج ماسولي شي بس يمكن ياثرون بالرشيقات الي يلبسون سترش :dddds:

 

[ام--صالح]

حبيبتي تري أسباب الدوخه كثيره و يمكن فعلا عندش حساسيه من أحد المكونات الموجوده بالحبوب. و يمكن انه عندش نقص بالحديد أو أحد الفيتامينات أحسن شي تروحين المستوصف وتسوين التحليل الشامل مال الدم عشان تتأكدين.

و سلامات و ماتشوفين شر.

 

[مريوما الحلوه]

انا 5 اشهر اخذهم ما صار شي - يمكن جسمج ما تقبلهم

 

[bambena]

عاد انا قايليينلي اعطيهم حق امي

لانهم بعد يعدلون البشره ويزيدون النشاط

بس انا متردده وخايفه عليها

ورحت باشتريهم مالقيتهم عفيه سبوج اذا عرفتي شي قوليلي

 

[سبائك]

ii DareeN ii يوزي عني لوووووول تلبس سترش ومسويه تمليس لا تنسين هههههههه
انزين ما سوولج شي من اي ناحيه ؟؟ تقصدين ما حسنوا بشرتج ولا ما سببوا لج دوخه؟؟


ام--صالح الشر ما أييج بعد قلبي والله يبيلي تحليل شامل ان شاءالله


مريوما الحلوه الله يتمم عليج يارب...انا شاكه أنهم اذا تفاعلوا مع مركبات ثانيه يسببون لي هالدوخه


بمبون ليش ما تاخذون راي الطبيب قبل لا تعطينهم الوالده أحسن أخاف يسببون لها دوخه ولا شي لا سمح الله

 

[بنت باباتي]

اقري موانع الاستعمال انا أمي واختي الكبيره ياخذونهم بس انا ماينفع اذكر ان كان في مانع لما قريت اللورقه مالتتهم

 

[شندوخه]

بقولح تجربتي انا اخذت مضاد حيوي ومكتوب عليه انه ينشرب مع كميه كبيره من الماي وانا عمك اصمخ
صارت فيني دوخه نفس وصخج جنج تتكلمين عني اللي بس متكوده بمكاني مو قادره احس جني بلعبه ورحت طبيب انف واذن وحنجره قالي اذنج مافيها شي وقطعت الحبوب راحت الدوووخه

 

[مريوما الحلوه]

انا اكلهم مع حبوب زيت السمك حق شعري قالتلي ايميدين بعد الفطور والثاني عقب الغدا قالت عادي مافيها خطوره

 

[bambena]

سبكبك ماكو الا جذي

انا حسبالي اصلا انهم بس لكبار السن مادري ان احنا بعد ممكن ناخذهم

 

[سبانيوليتا]

استشري دكتور مختص أحسن

 

[جوك احلى جو]

انا هذي الحبوب اكرهها علي كثر مامدحوها البنات مانفعتني كلش خررررررررطي بس قطيت فلوسي علي الفاضي ماكو اي تحسن بالبشره لا نضاره وترطيب والله خرررررررررررررررطي