معقوله في ناس جذي بالكويت ....

[UNICORNA]

لا حول ولا قوه الا بالله

الدنيا بها بلاوى والناس ولا داريه بشى

 

[Tom ♥ Jerry]

.


الله يرزقهم و يفرج همهم :*

 

[الرشوف]

بقولج شغله .....................بس لاتنصدمين .
ناس وااايد حالتهم أردى من اللي شفتيهم لكن لو تعرفين اشيملكون ماتصدقين وراح أعطيج مثل عن ناس أعرفهم نعم أعرفهم خوات عايشين عالصدقات تدرين شنو سووا !!!
جمعوا واشتروا عماره نعم جمعوا واشتروا عماره وكانت الناس تنقل الخير والتموين لهم من الكويت لي ديرتهم (ماراح أقول ديرتهم) بالأخير اشتروا عماره اللي كانوا يتصدقون عليهم مايقدرون يشترون شقه مو عماره ,فمو كل اللي تشوفينه تصدقينه .

صصصصصصصصصصصصصصصصصصصصصصصصصصصصصصصصصصصصصصح


:eh_s(4):


--------------------------------------------------------------------------------

الله يرزقهم
بس ليش مايشتغلون؟ اذا مو معاقين او كبار بالسن و حالتهم الصحيه زينه ترا مايصير يعيشون عالصدقات يقدرون يشتغلون اي شي
الريال يقدر يشتغل بمحل بكراج او يصير مندوب, المره تقدر تشتغل تحط لها بضاعه او تشتغل بشركه او حضانه
مايصير يعيشون طول عمرهم جذي....؟>>>>>>وهم مع هالكلام





والله يروقهم

:0bee2e8d89:
ويجزيج خير

 

[كليوبترا مطيريه]

رد : معقوله في ناس جذي بالكويت ....

السلام عليكم ورحمة الله وبركاته
أهل الكويت أهل الصدقات والخير
ما هي غريبة عليهم
والحمدالله كلنا نعرف أن الله خلصنا من محنتنا في 2 أغسطس 1990 بفضل منه سبحانه ثم من دفع البلاء بالصدقات من أهل الأيادي الكريمة
أهل الكويت
ربي يحفظ ديرتنا وحكومتنا ويجزاهم ألف خير
شيوخنا وأهل اللجان والصناديق الخيرية وغيره واجد لله الحمد أبد مو مقصرين
تعالوا شوفوا بيت الزكاة عساه في ميزان أعمالك يا راعي الطيب فاتح بابه للمحتاجين والله يا كثر الأسر الفقيره والمعاقين والأسر المتعففه وأهل الديوان العسره والقضاية المحكوم عليها كلهم عانهم وفرج لهم بيت الزكاة عليهم بالعافيه
وأصبح لهم دخل ماشي مستمر من بيت الزكاة لهم ملفات موجوده ويصرف لهم بشيكات تصرف من بيت التموين
بس أبي أعلق على كلام صاحبة الموضوع
نعم صحيح في مثل هذي الأسرة واجد الله يفرج لهم ويرزقهم
وعساه في ميزان أعمالج تلقينه عند رب العالمين وتأكدي كثر ما تفرجين على مسلم الله يفرج لج ويرزقج
لكن أحب اقول لما اي شخص ناوي يدفع البلاء عنه أو يتصدق لازم يتأكد إنها رايحه لإنسان فعلا محتاج يوصلهم بنفسه ويعرف معاناتهم ومدى ضيقتهم
أقصد ما أعطي إنسان سليم صاحي متعافي ما يسعي على رزقه
جذي إنساعده على الإتكال على الصدقات ويمكن يستخدهم هذي الصدقه بشي لا يرضي الله
أنا مثلج إنصدمت رحت للجنه في منطقة العمرية لدفع زكاة الفطر عسى الله يتقبل منا ومنكم والله والله لقيت تجمهر عجيب من الحريم يمنعونج إنج توصلين داخل اللجنه تدفعين الزكاة وفتحو باب سيارتي من غير ما أسمح لهم يتخاطفون العيش لا حول ولا قوة ال بالله
وكانوا يسبون بعض ويدزون بعض هجوم خوفني
سبحان الله مع إن بيت الزكاة يوزع اللحم والدجاج وماجلة البيت اقصد التموين ويستلمون عليهم بالعافيه
إختي لا تنخدعين بأي تشوفينه هذي الأسر ما عليهم قاصر رياجيلهم شريطيه ومندوبين وبياعين وأهل صنعه وحريمهم بياعات وفتحو مشاغل خياطه ودخلهم أقوى من دخل المواطن دبل اللهم لا حسد ويغني الجميع والله لا يحيجنا غلا لوجه
إن شاء الله ماني قطاعة أرزاق لأن الرزق عند مقسم الأرزاق
بالنهاية أقول عمار يا كويتنا

 

[كليوبترا مطيريه]

رد : معقوله في ناس جذي بالكويت ....

بنات أحب أقول عن شي صاير يمكن مو منتبهين له أهل القلوب الرحيمه أهل الديره الطيبه المعطاء
لله الحمد حكومتنا الله يغنيها وفرة لنا كلنا بطاقة تموين نصرفها شهريا من عيش وسكر وزيت وحليب ومعجون طماط ودجاج وأجبان وعدس
بسعر أقل من السوق
هالناس الطيبه من باب الرحمه تعطي بطاقتها لبعض الأشخاص اللي يتفقرون بحاجتهم للتموين لأنه اقل سعر وياخذون البطاقه ويشترون برخيص لكن ؟
والله والله يبيعونه بأغلا من سعره يطلعون فايده ويتربحون وغيرهم يدزه برا الديرة ترس شاحنات كميات للتجارة مو للصدقه ومختوم بشعار المطاحن الكويتية واضح اشوفه بعيني
من أشهر راحت إكتبوا عن منفذين بالحدود البريه مانعين هذي الشاحنات ومرجعينها الديره
واللي أعرفه ومتأكده منه ألحين أي مواد غذائية من التموين ممنوع تطلع برا الكويت
بس أساليب الحياله قاموا يفرغون أكياس التموين اللي عليها ختم المطاحن الكويتية في أكياس ثانيه وهذا للتمويه والتحايل
يشحذون من أهل الديره مستقلين رحمتهم ويتاجرون بخيرهم
وعلى فكره بعضهم رصيده من الشحذه فل لأن له عمر ماشي على هالحال وجدام الناس فقير مبهذل نفسه وعياله وبيته عشان الناس تصدق عليه
لا حول ولا قوة إلا بالله

 

[كلهآ ملح ..}]

رد : معقوله في ناس جذي بالكويت ....

لاحول ولا قوه الا بالله
الله يرزقهم يارب ويرزق كل محتااج

 

[جروح خالده]

رد : معقوله في ناس جذي بالكويت ....

لاحول ولاقوته الا بالله

يمكن مولاقين وظايف عشان مو كويتين الهندي يقدر يصير سايق او اي شي اما اللي محدد الجنسيه ماااااافي

الله يرزقهم ان شااءلله

 

[كليوبترا مطيريه]

رد : معقوله في ناس جذي بالكويت ....

تأكدوااااا
اللي عايش على هالارض الطيبة ما يموت من الجوع الحمدالله اهل الخير واجد كرماء
بنات اللي ما لها مراجعات أو تخليص معاملات أو إحتكاك بالوزارات والشركات ما تشوف شلون كلن لاقي له رزق الله يرزقهم
ما شاء الله يطلعون خير ونعمه عليهم بالعافيه
ولا تنسون شيوخنا الله يحفظهم ولا قصور في الباقين مثال الشيخ سالم العلي شلون يوزع الخير على المواطنيين وعليهم بدون تفرقه ولحد الأن عساه في ميزان أعماله يستقبل الطلبات عند بيته في قرطبة حاط له مندوبين يستقبلون الطلبات من الأسر المحتاجه والفقيرة وعلى فكره حتى مندوبينه من نفس الاسر الفقيرة رايته بيضه ما قصر
روحوا شوفوهم يستلمون بالعافيه عليهم مئات الدنانير طوابير طول أيام الاسبوع
والساير جزاه الله خير وبارك الله له في ماله روحوا شوفوه في كل سنه في شهر رمضان يوزع زكاة ماله وشوفوا بعينكم الذبحه عنده طوابير وبالذات لهذي الإسر الفقيره يقدمون هوياتهم وينادونهم بالمكرفون اسم اسم ويعطيهم مئات الدنانير ترى ما أتكلم عن 10 دنانير أو 20 دينار
هذا وغير هويات المعاقين الله يرحم حالهم بروح يعطيهم
على ارض الكويت بحيل الله محد ميت من الجوع
شوفوا عيالهم بكل محلات الاجهزه النقاله مطلعين رزقهم
روحوا الشركات الخاصه مثال أعيان موظفين عيالهم اللي معاهم شهادات ويستلمون رواتب جيده
عندكم الجمعيات التعاونية مو مقصرين معاهم موظفين اللي من غير شهادة
ومكاتب المحامين شكثر عندهم مندوبين من عيال هالاسر
تصدقوا على المستحقين فعلا للصدقه ماني قطاعة ارزاق
وشقول غير
هذي الكويت صل على النبي

 

[Q8.Bee]

لا حول ولاقوة الا بالله

الله يرزق كل محتاج يارب وأنا أيد راي العضوه كليوبترا مطيريه

الرزق على موزع الارزاق سبحانه

 

[nony moon]

رد : معقوله في ناس جذي بالكويت ....

اللهــ ارزقهمـــ يا خيتووـــ ويوسع عليهمـــ الرزق ياربـــــــــــــــ......يسلموو يا غلا

 

[الاميره]

الوافدين شايلين عمرهم يرسلون فلوسهم حق ديرتهم ويبنون عماير هناك
بس البدون اللي ما يعرفون غير ديرتهم الكويت وعايشين عالصدقات
الله يفرج كربتهم يارب .. آمين

 

[نـ(المطيري)ـازكـ]

الله يكون بعونهم ..

 

[om deaj]

الله يوسع عليهم يارب

بس بعرف شي اهم مو قادرين يصرفون علي نفسهم ليش يكثرون العيال

دايما اشوف العوايل اللي جذي عيالهم واااجد

هذا الي يبط الجبد
تنقهرين عليهم واهمه اخر همهم والمصيبة يتشكون

 

[مشتاقه لك يبا]

رد : معقوله في ناس جذي بالكويت ....

لا حول ولا قوة الا بالله

 

[درة أهل الطولات]

رد : معقوله في ناس جذي بالكويت ....

كله بأأجره

 

[كليوبترا مطيريه]

رد : معقوله في ناس جذي بالكويت ....

الحمدالله رب العالمين والشكر لله على نعمه علينا نعجز أن نحصيها
نحمده على نعمة الاسلام حمدا كثيرا
ونحمده على نعمة الأمن والأمان حمدا كثيرا
ونحمده على نعمة الصحه والعافيه حمدا كثيرا
الله لا يغير علينا
اللهم إرزقنا وأرزق منا
ربي يفرجها على الجميع الله يقدركم على فعل الخير يا أهل الخير
واجب علينا نساعد المحتاج ونفرج له
كله في ميزان أعمالكم

 

[عطـر الليل]

رد : معقوله في ناس جذي بالكويت ....

الله يوسع عليهم
وجزاك الله خير

 

[بنت.المطيري]

الوافدين شايلين عمرهم يرسلون فلوسهم حق ديرتهم ويبنون عماير هناك
بس البدون اللي ما يعرفون غير ديرتهم الكويت وعايشين عالصدقات
الله يفرج كربتهم يارب .. آمين

اميييييييين
:33_1185028183:

 

[توته بالعسل]

رد : معقوله في ناس جذي بالكويت ....

الله يرزقهم انشاء الله ..,,,​

 

[shmoo5 2ntha]

رد : معقوله في ناس جذي بالكويت ....

الله يرزقهم ياااااااااااارب ويفج ضيقتهم

ماقصرتي حبوبه عسى الله يعطيج على قد نيتج يارب