معقوله فى يهال بهالاخلاق وين اهلهم !!

[*أم*خالد*]

المفروض الأهالي اللي جذي مايربون عيالهم مايعطونهم الخمسين .. عشان يتأدبون قطيعه تاخذهم
عسى الله يستر علينا بس

 

[معكرونه أسبكتى يم يم]

الله يستر على عيالنا لاحول ولاقوة الا بالله

 

[بوران]

امبييه بنات خرعتوني الصراحة ولدي السنة الياية اولى ابتدائي و من الحين خايفة عليه من هالاشياء

 

[msmshasnsn]

واااااااي الله يعينا على الجيل الياي
بس والله من اهمال الاهل الله يهديهم

الله يستر علينا وعلى عيالنا

 

[طير الحب]

ايه فى ناس عبالهم زين يعنى ريال الريال باخلاقه مو قلت ادبه

مره منت واقفه بالمشاتل ويمى ولد يعنى 12 -13 سنه ( نخم ) حشاكم وبطريقه ززززززززززفت مثل الخدم قويه يعنى وتفل حشاكم

جان ترد عليه المره اللى معاه تقول اه اه رجاااااااااااااااااااااال

قطيعه تقطعج انت وياه هذا ريال الا وصاخه استغربت

والحريم اللى مستانسين عيالهم كبروا على قله الادرب وقله الحيا

باجر شنو بتقول الا استدعوها المخفر ولدها محمل وحده بتقول ريال بعد ولا اذا صايدينه بشقه بتقول ريال

كفوها اذا هذه تربيتها

والله حتى مواقف الجمعيه تسمعين ينادون بعض بياولد وياولد ..................... شنو هذا حتى غاريه ما عندهم

الله يستر على عيالنا

 

[لميــاء]

يامعوديييييييييين هذا جيل تعبان الله يستر على عيالنا وعيال المسلمين

 

[طير الحب]

الله يستر على عيالنا

 

[*أم*خالد*]

والله العيب مو بالجيل

من اللي ربى الجيل

 

[طير الحب]

ام مناف مو انت تربين غيرج يخرب الشكوى لله

مو مدارس احداث

 

[حور الحلوة]

اي والله شي غريييييييييييب حيييييييييييييل ياكثر سوالف لصبيان ولا البنات صارو العن وحده تقول حق الثانيه شسم رفيجج
واهمه بخامس وهذا قالي جذي وهذا وهذا واااااااااااااااااااااااي والله انا رفاجات بنتي مع انها بثانيه ابتدائي بس والله لمه تكون وياهم بالهده اطالعهم وكلمهم وحاول التقرب منهم وفوق هذا ذاك اليوم بنتي يايه تقولي يمه رفيجتي قالت لي هذي النكته بس كلامها وصخ
قلت عفيه والله ونعم التربيه وصرخت على بنتي وقلت لها لا تحاجينها خليها تولي والله يعينه على هالاشكال

 

[طير الحب]

حور عندنا وعندج خير الله يعينا عليهم

 

[ReeMaN]

لا والضيم لا رحتى تشكين على ياهل بالمدرسه يعلم اليهال حجي وصخ او حتى برا المدرسه اتقولج امه او الابلات ميخالف عادي اسمه جاهل
مرده بيكبر وبيتعلم الصح من الغلط صج مالت عليهم من تربيه << عصبت

 

[نووووونا]

استغفر الله

الله يحفظ عيالنا يارب

 

[AnaMASHYA]

امبيه هذا اللي كنت احاتيه لاني عارفة ولدي من النوع الي يتاثر وفعلا الحين بثاني ابتدائي يقول حق صبي شافه من الدريشة العن امك<< سوري عالكلمة<<مع اني ادري انها من المدرسة بس
انا ما اتحملت قمت هاوشته ومسكت نفسي لا اطقه وقلت لابوه يكلمه

 

[ابلة رسم كتكوته]

انا ادرس بنات وشايفه بلالالالالالالالالاوي
شلون الصبيان عيل
الله يعين
قاعده احاتي بنتي السنه اليايه باولى ابتدائي

 

[كل الأسامي مأخوذة ليش؟]

شتقولين انا كان عندي ياهل بالروضة بالميداني يقول نفس الكلام اللي قلتيه ونفس حركة الصبع ..وفوق هذا كلمة ق... وخ...
بس والله الياهل يهبل وماله شغل الشره على الام و الابو او الاهل بشكل عام اللي ما اعرفوا يربون

 

[طير الحب]

يعنى شنو الموضه الحين الاهل ما يربون خلاص

يخلون العيال بدون حسيب ولا رقيب

شى مو قادره اتخيله

 

[الفاتنة]

الله يهديهم اليهال مرآة للمجتمع الي اهم يعيشون فيه

 

[أبلة لولوة]

والله انا لما اشوفهم جذي اقول الله يهديك ويصلحك

ودايم اذكرهم ان احلى ولد الي يكون لسانه نظيف وخلوق واعطيهم هدية على هالشي

عندي ولدين نفس الحالات الي ذكرتوها والحمدلله واحد بمتابعه الاهل معاي بشكل اسبوعي تقريبا تعدل 90%
والثاني هم تعدل

والله يصلحهم ويبارك فيهم جميعا .. هذول عيالنا
واهم شي نربيهم بعدين نعلمهم !

كله اقول لطلبتي مو مهم عندي الشطارة كثر الاخلاق والادب ..

والله الهادي

 

[طير الحب]

ايه والله عسى الله يهديهم