معقوله زوج يبي زوجته تكون جذيه :(

["اسطورة العشق"]

اهو صج اسلوبه وقح
بس ترى الطلب من حقه يبي وحده شكلها سكسي و جريئه .. بس شكله كام معصب و خانه التعبير
ترى اهما الرياييل لسانهم وسخ .. بالعكس ترى اهو ما يدور الحرام كل الموضوع ان يبي مرته بالجسم مثل عارضات الازياء و بالفراش جريئه عشان اهو يبي الحلال و ماتزوج الا يدور الحلال ما يبي يخربط و يروح للحرام عيل ليش تزوج




انا اقول خليها تتجاوب معاه و اذا يحب لضعيفه حيل خل تضعف بعد .. 17 كيلو اذا كانت اهيا اصلا متينه شويه مو وايد يمكن يبيلها بعد 17 ثانين

اذا اهيا وزنها 80 مثلا و اهو يبي 50 لازم تنزل 30 كيلو

انا اقول اهو غلطته الوحيده ان اسلوبه وقح .. غير جذي ترى ما طلب الا حقه و تحمد ربها ما يدور الحرام
في رياييل زوجاتهم يهبلون و هم يخونونهم و يدورون الحرام

 

[RowTow]

رد : معقوله زوج يبي زوجته تكون جذيه

يا ربي أكره هالتسميه!
مادري ليش ماخذين فكره إن العاهره بس اللي تستمتع!
حتى البنات هني بالمنتدى يقولون صيري عاهره حق زوجج!
زين ليش عاهره؟ خلصت الألقاب؟
يعني المرا الشغوفه الشهوانيه المتجاوبه مع زوجها و اللي تمتع نفسها لازم اسمها عاهره؟
و الله العظيم يخلون البنت تكره الجنس و الرجل و الزواج فوقه!

يعني ما يعرف يقول الأخ أبيج شهوانيه, متجاوبه ...... إلخ من الأوصاف اللي ما تخلص؟ ما لقى إلا قـ.....؟
و الله لو زوجي يقولها لي آنا مادري شراح أرد. أستغفر الله.
آنا زوجي إذا قال, قال لي صيري جريئه, عبري عن مشاعرج. مو صيري قـ.......!

و الله الله يعينها إختج على غثا هالرجل.
أستغفر الله العظيم و أتوب إليه.
الرياجيل فعلا استخفوا.
​

 

[ام سليمان 2008]

والله هالرياييل مليعجبهم العجب لو تشعل اصابعها شمع
الله يهديه شنو نقول بس

 

[nwir72]

رد: رد : معقوله زوج يبي زوجته تكون جذيه

تسوي اللي تقدر عليه بحدود مقدرتها
لا يكلف الله نفسا الا وسعها
واحس بعض الرجاجييل ما ينعطون وجه
وزوج اختج واحد منهم مع احترامي لج ولها

 

[بنت احلام]

رد : معقوله زوج يبي زوجته تكون جذيه

امبي ماتوصل للطلاق
عادي مافيها شي خليهالا ترضي زوجها بالشي الي تبيه
الحين يعني زعلت عشان قالها ابيج جذي؟ بالعكس مفروض تستانس انها عرفت شنو الي يبيه ويونسه
وتحاول تسويه هالبنات هذيل مو احسن منها بالحركات


عسا الله يهديهم بس

 

[لمى...]

مو مهم الريجيم اهم شي الرياضة وانا فهمت شيبي يبي جسم مشدود

 

[بسوين]

رد : معقوله زوج يبي زوجته تكون جذيه

الله يهديه لها صراحه المفروض يكون سند لها مو ضدها

 

[Laidy n3ooma]

رد : معقوله زوج يبي زوجته تكون جذيه

دام يبيها بشكل معين لييييييييش ماقال قبل مايملجوون

توه متكلم ..

واتوقع اللي يبه جراه اكثر من ضعف

 

[عشق ريلها]

امبيييه شفيه هذاا على أختج اكوو زوجه مثلها
وحتى لو كانت متيينه المهم قلبها يكون ابيض
خليها تصبر وماتتسرع وتطلب الطلاق منه
بس صج قليل ادب ومااعنده ذووق استغفر الله

 

[نونه المنكوشه]

مشاءالله تبارك الله انجاز انها نزلت 17 كيلو وترى يفرق ويبين وخل اتقوله ترى موسهل انى انزل هالوزن انا والله جم كيلو واحس زهقت واطلعت روحى من الرجيم الله يعينها الله ياخذ الغرب اللى خربوا عيشتنا كل هالمفاهيم والاشياء الغريبه من الافلام لانه المدمن على هالاشياء مع مر السنين يسير ذوقه ومزاجه جذى خل اتقوله انا بسوى اللى على وماقدر احمل نفسى فوق طاقتها وخل اتقوله انا احب الريال اللى جسمه رياضى انا ابى بعد موبس انت خل يلهى عنها شوى وعلشان يحس شلون هالحجى يجرح

 

[الأمل لحظه]

انا اشوف ان الشغله هذي لصالحها لانه لو مايحبها ومايخاف على مشاعرها ماقال لها شنو الي يحبه وشنو الي يبيه والدليل انه قالها انا ابيج تصيرين مثل الي ببالي وهذا الشي يتمنونه كل الحريم ان الزوج يفصح عن الي بقلبه ويقول شنو يحب !!!!! لا تتسرع اختج وتندم على شي له حل الي هو انها تصير مثل مايبي وترى سالفه العاهره عند الرجال تساوي مثيره وجذابه بقاموسنا احنا يالحريم !!!! والله يوفقها بكل قرار تتخذه بالنهايه

 

[حورية الجنه]

استغفر الله

الله يهديه

 

[ROYAL]

مشكورين عالردود الله يعزكم يارب
كلامكم كله علي راسي
خليتها تقرا ردودكم ودعت لكم من قلبها واستفادت منكم وايد بس اصدمتني
تشجعت وقامت تقول اشياء اول مره تقولها
الاخ طلع قبل لا يتزوجها من اهل سفرات سوريا متعود علي رقص البنات الرخاص
احنا شدرانا قبل لا يتزوجها انه كانت هذي سوالفه ابوي ريال كبير واخذ الموضوع ثقه وزوجها له
وبعدين تزوجها وهي متينه ليش بعد الزواج قال لها ضعفي شكو يغير رايه ليش تزوجها بالاساس
انت رضيت فيها متينه احمد ربك ضعفت لك 17 كيلو مو شويه
عاد تكفون لو تشوفون ويهه اختي احلي منه الف مره كلنا متحسفينها عليه
صج الجيكر دايما يتشرط وشايف نفسه علي شنو مادري فيه عقدة نقص
انا قلت لها تقعد جم يوم عندنا تغير نفسيتها شوي لانها كشت منه ما تبي احد يذكر اسمه مادري شنو اسلوبه معاها خلاها تكره نفسها لانها تزوجته ونشوف شنو يصير معاهم ويمكن اوديها شيخ يقرا عليها بجيها طول اليوم احس عين ولا صلت عالنبي

 

[mysterious sea]

رد : معقوله زوج يبي زوجته تكون جذيه

مااقول الا , الله يهديه ... !

 

[pure.pearl]

الله يهديهم هالرجاااااااااااااااااااااااااال ااذا ضعيفة يقووولها امتني واذا دبة يقووووووووووووووووولها اضعفي واذا وسط بعد مو عااايبة شوووووووووووووووووووووووووووووووو هذا هذا كله من التلفزيززززززززززززززززززززززززن والبناات الي فيه حسبي الله ونعم الوكيل والله الوحدة في بيت ابوها ما تعرف شي ويوم تزوج تعرف اشوي ومستحييييل بعد تكون جريئة وااااايد مثل الق....... لان مستحيل ماتربينا على هالشي ما قول الا لاحول ولا قوة الا بالله العلي العظيم والله يهديه ويهديه الشببببببببببااااااااااااااااااااااااااااب كلهم
الي مو عااااجبهم العجب ولا صيااام في رجب من اكثر ما اسمع هالاشيااااااء اقول شو له لزواااج بكرة الله يعطينة خيرة ويكفينا شره

 

[دلوووعة بابا]

اوكي ماافي اعتراض ان اسلوبه غلط واختياره للمفردات غلط بعد بسسسس
ليش ماتطالعون الجانب الايجااابي بالسالفه ان طلب منهااا وقالها ابي جذي يبي بالحلال يعني تبووونه يسكت ويداري خاطرهااا ويخون ؟؟؟؟ من حقه يقول لزوجته ابيج تلبسين اللبس الفلاني شفيهااا؟؟؟؟
لا تطلق خليهااا تفااعل معااه وتجررب ستايل جديد وتحااول ترضيه

 

[منار البربرية]

رد : معقوله زوج يبي زوجته تكون جذيه

الله لايبلانا يبي يطفرها هذا متملل ويدور عليه اي شي عرفتي واضح

الشبعان يسوي جذي

الله يهديه بس​

 

[al-musk]

الحل انها تنحت جسمها وتشده بمساج التخسيس وتشوف مركز متخصص ومضمون

 

[eman12]

استغفرالله
والله هذه رايح فيها
شلون يتجرا بهالصورة
هذه اللفظ اشلون تجرا عليها فيه
الله يعينها

 

[بنت.المطيري]

بغض النظر عن اسلوبه الوصخ

عالاقل قاعد يجبرها تسوي رجيم احسن لها وربي في حريم يقولها احبج جذي واحبج وانتي متينه عادي وتقعد تاكل وتنتفخ وتصير مدوره ويسكت ويبلع بعمره ويتحسر واما يغازل واما مايحبها اووو اذا اهو عاجبه اهي بتاكل بعمرها ماتقدر تلبس اللي تبي

يمكن اهو ماعنده اسلوب وقاعد يهددها عباله بيشجعها