معقوله راح يصير شي فيه بنات موقادره :(

[احساسي غريب]

اول مره اسمع ان فيه ناس تروح اليابان سياحه !!

 

[farawlaa1]

بغض البنات ردودة تلوع الجبد .. يا ماما قالتلكم البنت اللي ما يعرف يرد رد سنع يسكت احسنله و انتوا استلمتوها.. بسكم عاد.. انا وحده اول ما يت امه تخطبني شرط علي الا يكلمني بالتلفون فترة شهر وهذا من حقي و حقه على القل اعرفه و اذا في عيب يا دار ما دخلك شر و الحمدلله متزوجه و امعيله منه و صارلنا 10 سنين.. ليش دايم تسيئون الظن انتوا

 

[مستغانميـة]

بالنسبه لـ فجورته : حبيبتي كان المفروض تعطين ايضاح من البدايه انه " خطيبج " .. ماعليه حبيبتي على تخلف وهمجية بعض البنات .. بس من الغيره الزايده وخوفهم على بنات الديره ترا طلع معاهم هالرياكشنات السلبيه ماعليه قلب ..

بالنسبه للبنات ذوات الرد الهمجي: صفو النيه .. وحرام اللي قاعدين تسوونه الواحد يكون بضروف مايتحمل يسمع فيها كلمه هالدور مو حجيكم السم !!

بالنسبه لـ ترانيم : تحياتي يالراقيه مشالله عليج ربي يحفظج ويكثر من امثالج ..

 

[شاربة بيبسي ومدلعة نفسي]

ترانيييم اسلووووووووووووووبج حده راقي ماشالله عليج

 

[مس تسذآ]

الله لا يبلانا لا حيا و لا مستحى

 

[بدوية بملامح كشميرية 86]

الله يطمنج عليه ،،،

 

[moon-14]

ترانيم القصيم
ربي يجزاج اعلى مراتب الجنه على هالكلام الرائع والراقي اللي تقولينه
ما شاء الله عليج ربي يزيدج في طاعته
ويهدينا اجمعين الى طريق الحق
ويغفر لكل من استهزئ من كلامج ووصفج بالتخلف ..
الله لا يواخذهم بما يقولون ويصلحهم ويهديهم لجادة الطريق
ويكونون نفسج واحسن منج يااااااااااارب
غاليتي تقبلي فائق احترامي
ودعائي لك بظهر الغيب
بان يسعدك الملك بالدارين الدنيا والاخرة
وان يبني لك عنده قصرا فالجنه
ويرزقك بالزوج الصالح اللي يعينج على الطاااعه
ربي ينفع فيك

اختي والله اني لاحبك فيــــــــه
جمعنا الله في ظل عرشه

 

[عسل سل]

الله يرده لج

 

[مــ_ــا مــ_ــي]

الله يعينج على البنات كلهم بيصيرون شريفات مكه
واللي يقول مايحاجون بعد بس شغلهم من تحت لي تحت الحمدالله وشكر
والله يعينج عليهم كلهم بيصيرون مطاوعه فووق رااسج

اول شي كل البنات شريفات والحمد لله الا فئه بسيطه ومو انتي اللي تتكلمين عن شرف البنات وتعممين عليهن الا اذا شايفه نفسج جذي هذا شي ثاني ..
ومكه ما تنقال جذي .. اما تقولين مكه المكرمه او الكعبه شرفها الله ... وجان زين نصير مطوعات ولا مجاهرات بالمعاصي .. الوحده غصب عايشه دور عبله والا جوليت .. عيب استحي على وجهج ردي مثل المحترمات .. << خلصنا منج

اشوف صايره موضه الحين كلمن حطت موضوع انا اكلم وانا عندي حبيبي .. انتو ما تستحون..؟ منتم مسلمات.. ماعندكم كرامه .. والا تربية شوارع ..!!؟
ما تدرون ان الشباب اللي تكلمونهم مخلينكم مثل العلج يتباهون فيكم قدام ربعه وكل واحد يعدد جم مغفله تكلمه ويقولها بالاسم بنت فلان وعلان ..

ليش ترخصين بشرفج لواحد رخيص قط عليج رقم وقاطه على الف مثلج .. لا تقولون حب .. هذا خيانه .. ومستحيل اي شخص مهما مثل دور العاشق الولهان انه يرتبط بوحده رضت انها تخون اهلها وتكلمه .. اكيد راح تخونه هو وتكلم غيره ...

اتقو الله يا بنات .. واللي مو عاجبها كلام المطاوعه لا تقرا وخل تمشي ورا وساوس الشيطان

 

[أحبه موت]

حبيبتي الزلزال صار وخلص اخاف بسوي فيج مقلب ولا جذبه ابريل

الله يرجعه بالسلامة ان شاءالله​

 

[أم سليمان دشتي]

الله يستر علينا وعليهم يارب شاكرة للبنات اسلوب الذرب
واتمنى الهداية للبنات ذوات الاسلوب الغير ذرب ​

 

[اربعينية وصغيرة]

جزاك الله خير يا ترانيم القصيم واني احبك في الله

 

[حوريه عسل]

اما ام اول كومنت فطستني من الضحك ومسكت الضحكه لاني في لاب الكليه حخخخخخخخخخخخخخخخخ

 

[ام جوري22]

ترانيم الله يحشر كل واحد مع من يحب وانشاء الله وياج بالجنة واهيا ويا حبيبها ..........الله العالم

 

[أجمل إنسإنة]

الله يرده لج بسلامه يارب ويرد كل المفقودين ونصيحة من اختج اذا متضايقه من شي يخصج وعلى بالج ان الكل بيتفهمج لا تقولينه لان الناس ماترحم وطمنينا​

 

[مستغانميـة]

واي بنات حرام عليكم خافو ربكم ماتوقعت ان بكويتيات في جذي .. مايجوز حراااااااااااام صفو النيه

تقولكم خطيبها مو من صجكم هالشر اللي بقلوبكم

 

[فوشية]

الله يهديج ويهديه

 

[YA B3DHUM]

اول شي بنات هدوو

والسالفه ترى كانت صج ما جذبت ولا كلمه والله الشاهد
والولد كلم امي و يدتي وابوي وكل العايله ان يبيني


ثانيا انا اسفه ع الكلام بس كنت منهاره والله وصج شب قولوني علي
والله لا يسامح كل وحده ضحكت علي وعساه قلبها يعورها على شخص غالي عليها
وتحس بلي حسيتها وقته


والله والله والله انا كنت ابي منكم كلمه حلوه
بس كلمه حلوه وحتى ماقلت لاحد على طول حطيت الموضوع مني

قلت حبيبي من غلاته مافيها عيب ترى انتي ماتنادين ريلج حبيبي الغالي ؟ !!!!
الله لا يسامحكم انشالله جرحتوني وربي

ترانيم فديت كلامج والله :*

والي قالت تربيه شوارع عسى الله لا يوفقج دنيا واخره
والحمد الله ترى امي معاي بالمنتدى !!
يعني لو في شي غلط ماحطيت موضوع ولا قلت بس بغيت دعوه منكم
ان يرجع لي بالسلامه


والي دعولي عسى الله يحقق لكم الي ابالكم :*

 

[!الجادل الصعب!]

والله ياقلبي المكتوب عـ الجبين لآزم تشوفه العين ..
بس عيآر مآعليج مآفي شي بالاخبآر عن اليابان ..
يبي يشوف غلآته وبس ..!

 

[♥ SWeeRa ♥]

الحمدلله مافيه الا العافيه


الله يوفقكم