معقولة مافي تجمع لطالبات الكويت في مصر !!!

[كلي-حلآ]

السلام عليكم

بنااات شلونكم وشخباااركم



ياعسااكم كلكم بخير وصحه وعاافيه








بنات انا استغربت مافي تجمع لطالبات الكويت اللي يدرسون بكالريوس بمصرر

انا وحده بحاول اسجل ابي اكمل دراستي بصراحه زهقققققققت من هالحاله :eh_s(11):

ابي اللي يدرسون في مصرر ابي معلومات ابي ااعرف شنو احسن الجامعات فيها

ابي ادرس حقوق باذن الله بسس بشوف شلون الوضع بمصر بليييز لحد يبخل


فديييييييييييييييييييييييييييييييتكم ادري فيكم كرماااااااااء :eh_s(7)::eh_s(7):​

 

[يويوو]

اب
اب
وان شاء الله تلقين احد يرد ع سؤالج 
انا ما اعرف بس حبيت ارفع لج الموضوع

 

[ام عيالي]

اشتبين اتعرفين حبيبتي
قبل فتره كان في تجمع دشيته من سنه تقريبا
عموما الي بتسجر اتروح بالبدايه التعليم العالي المنطقه الحره المبنا رقم١ الدور الثاني تسال البنات منو المسؤوله عن التسجيل بمصر وتعطيها اورقه بالطلبات وبالجامعات المعترفف فيها والتخصصات
انتي باكلريوس ولا ماستر
اتييبين الطلبات الي بالورقه وترا في اوقات معينه للتسجيل بالسنه الماستر علا ما اعتقد لي شهر ١١والباكلريوس اذا ما خاب ظني خلصو تسجيل او لي شهر١٠

 

[ام عيالي]

اييي انتي بتكملين باكلريوس توني انتبه حبيبتي روحي التعليم العلي وسوي الي قلتلج عليه ترا اهم كل سنه ايغيرون الطلبات والجامعات المعترف فيها
بس انتي عندج احد اهنا
انتي بتدرسين اتعيشين اهناك ولا بس بالامتحانات الوزاره لاتقولين لهم انتساب ابداااااا قولي لهم ابي ادرس اعيش اهناك لان الوزاره ماتعترف اهناك الا بالانتظام انتي سجلي انتظام وسجلي بجامعخ حكوميه احسنلج طبعا صار ماصار ما يوقفون الاعتراف فيها لانها حكوميه مو خاصه وبعدين اتحطين رغلاتج وباي منطقه تبين باي محافضه واذا يالج قبول اتروحين مصر السفاره واهم يقولون لج وين تروحين اوز شي اداره ابوافدين اتخلصين اوراقج وبعدين تتواصلين مع الجامعه ايكملون اوراقج وتباشرين ابدراسه والامتحانات تكون مرتين بالسنه الكورس الول شهر واحد والكورس الثاني شهر سته عل كورس خمس مواد بين كل ماده وماده خمس ايام

 

[ام عيالي]

طبعا سوري عالبدليات لاني قاعده اكتب من الايفون وبسرررعه
بعد شنو تبين اتعرفين قوليلي
انه هاذي لي اخر سنه حقوق
ترا الحين الاوضاع تغيرت عن سنه اولا وثانيه عقب الثوره انه مو بالعاصمه بحافظه وبامتحاناتي الي طافت بغو يخطفونا بالتكسي انه وزوجي واخوي بس الحمد لله زوجي ايعزف لهم والتكسي الثاني ايطلع سجينه يعند بيخوفنا عاد زوجي خمطها من ايده الوضا تسييييب والناس الي كانو يخهفون المالشرطع الحين الشرطي ايقرقع منهم
الي تبينه سالي عنه

 

[ام عيالي]

انتي جم عمرج ومتا تخرجتي
عادي لاتحاتين كنت نفسج ضايعه
بس اهم شي يكون احد معاج ضرووووري مو امان مثل قبل حطي هالشي بعين الاعتبار

 

[Angel_store]

اب اب اب

 

[كلي-حلآ]

يويوو مشكووه حبيبتي عالرررفع
انجل ستوور حبيبتي مشكووره عالررفع عساني مانحرررم منكمم

ام عيالي والله جنج تدرين حدي حايسسسسسسسه انا عمري 22 سنه ودي بجامعة المنصورة لاني سويت عنها سيرج وارتحتلها وحكوميه يعني من ناحية الاعتراف ماراح احاتي الحمدلله وخذيت الاوراق من التعليم العالي والمطلوب بس يبون مني يا اجازه دراسية او استقاله من دوامي وهقققققققققققه

انتي باي جامعه تدرسين ؟؟ وشلون الوضع هناك يعني حييل خوف لاني بروح مع امي وخالتي وبنات خالتي بيدروسون هناك كلنا حريم
وبغيت اسالج عن الرسوم الدراسية بالكورس تكلف جم تقريبا ؟ واذا كنت رايحه انتساب يعني على الامتحانات اشلون على المذاكره والمذكرات اقدر اخذهم من هناك والا لازم اجيب مدرسين خصوصيين

وشلون تخصص الحقوق معاج سهالات والا حسيتي يستغلون الكويتين ؟

ادري ثقلت عليج حبيبتي بس اعذريني والله حدي حايسه ومابي اسوي شي واندم عليه

 

[ام عيالي]

هلا حبيبتي
جامعة المنصوره زينه انه كنت حاطه بالرغبات المنصوره من ضمن الرغبات بس ماقبلوني فيها الكل يحط ثلاث رغبات والاغلب المنصوره والزقازيق وطنطا انه اقبلوني للاسف في بلد الاونطه اهم اسمونها جذي طنطا بلد الاونطه يعني بلد الكلك والاستغلال والتمثيل وكل شي انه اصلا بخلص علشان اودع مصر وهاذا ويهي اذا قلت بروح بعد لا وزوجي يقول كملي الماستر لا والله مابي الماستر الي يذل.
اكيد في استغلال اصلا حتا لو رايحه سياحه هم بيستغلونج عادي اهم جذي وحتا الدكتور اذا بيساعدج لازم ياخذ فلوس بس مو بطريق مباسر عند البعض يدزون لج ناس موضفين هناك او مراقبين ياخذون منج وبالامتحان عملي حسابس مادام انتي كويتيه يعني يفتشونج يمكن ثلاث اربع مرات واييبون وحده اتفتش اذونج اذا انتي متحجبه وطبعا الكل يبون كروت زياره لازم تمشين واتعشمين
بالنسبه لروحتج بروحج وكلكم حريم الصراحه بهالوضع وا انصحج الي مع زوجها يستغلونها الرياييل يستغلونهم اشلون حريم بروحهم وبعدين اكيد امفكرين تسكنون بشقت ارخص لكم انسييييييييي يكسرونها ويدشون عليج انه سكنت والله زوجي طلع اييب فواكه من نفس الشارع طق الباب وغطا ويها اقول منو وانه مخترعه يقول عنتر مايزون من سوالفهم احنا قمنا نسكن بفنادق مو مشكله مو لازم كشخه المهم اأمن صج بالفندق ماتقدرون تطبخون بس اخذو الغالايه معاكم حق الجاي والنسكفيه وهالشغلات
اي اناي تشتغلين انه ما اشتغل انه تزوجت وكملت الثنويه مساآي ورحت لبنان درست لي ثالثه حقوق وصارت الحري ورديت وقفونا من الدراسه وسجلت مصر وانصدمت لما رحت اهناك قالو مانعترف بالي درستيه اهناك عيدي من الاول وعدت من يديد واطلعت روووووحي قضيت من عمري عشر سنين من تزوجت بالدراسه من ثنويه لي جامعه لاااااعت جبدي
طبعا الدفع بالاسترليني سنه اولا الفين استرليني كان حزتها ٨٠٠دينار وثانيه وثالثه ورابعه الف استرليني يعني ٤٠٠كويتي وحطيلج للسكن بالفندق تقريبا بمده الامتحانات للكورس الواحد ٤٠٠تقريبا مصروف اكلج نفس الشي ٤٠٠وتذاكرج هاذا بيكون مصروفجاهناك عملي حسابج وترا بعد الثوره كل شي غلووووه لان مافي رقابه عليهم كللللش ولو تقولين ليش جذي غالي يمكن يطقونج او يطردونج ويسمعونج كلمتين بالعظم هههههههه
بالنسبه للدراسه اكيد صعبه بس اولا كنت احسخا حلوه جريبه من رابعه ثنوي النظام الي قيل بس المشكله الكميه والدسامه واشلون تدرسين انتي لما ينزل قبولج بالتعليم العالي تروحين اسبوع اتنظمين مع الجامعه والملحق الثقافي مالنا اهنا واهم ايقولون لج اشراح اتسوين ولما اتخلصين كل شي اكيد في مراجعات اهناك يعني قبل الامتحانات الدكتور اينزل امراجعات النهاءيه عقب مايحذف تقريبا ربع المنهج انتي اتشوفين وتسالين هالمراجعات عند منو وتروحيلهم وتاخذين رقمهم وتتفقين معاهم ايدزونهم لج كيفج عاد بابفاكس ولا البريد عاد انتي شوفي وطبعا فيكذا جهه ايسوون المراجعات احسن واظمن شي تسالين اي احد من الطالبات اهناك شنو او من الي تشترون منهم المذكرات المضمونه الي انتو متعودين ييبون الاساله الي بالامتحان عرفتي واتفقذ معاهم
تقدرين بالفتره الي فيها اهناك تسالينلم عن دكتورت او معيده اتييلم الفندق وتعطيج دروس
وطبعا دراسه الحقوق اكيد دسسسسمه والي ايطلع الروح الصراحه الشريعه موجوده كل سنه الاساله دايمه مو مباشرا يعني جنج اتفججين لغز عشلن اتعرفين الدكتور اشيبي بس يلا سهالات
بالتوفيج ان شالله
لاثقلتي علي ولا شي الناس للناس وانه لما كنت بسجل كنت ابي الي يساعدني ويدليني

 

[ام عيالي]

هلا حبيبتي
جامعة المنصوره زينه انه كنت حاطه بالرغبات المنصوره من ضمن الرغبات بس ماقبلوني فيها الكل يحط ثلاث رغبات والاغلب المنصوره والزقازيق وطنطا انه اقبلوني للاسف في بلد الاونطه اهم اسمونها جذي طنطا بلد الاونطه يعني بلد الكلك والاستغلال والتمثيل وكل شي انه اصلا بخلص علشان اودع مصر وهاذا ويهي اذا قلت بروح بعد لا وزوجي يقول كملي الماستر لا والله مابي الماستر الي يذل.
اكيد في استغلال اصلا حتا لو رايحه سياحه هم بيستغلونج عادي اهم جذي وحتا الدكتور اذا بيساعدج لازم ياخذ فلوس بس مو بطريق مباسر عند البعض يدزون لج ناس موضفين هناك او مراقبين ياخذون منج وبالامتحان عملي حسابس مادام انتي كويتيه يعني يفتشونج يمكن ثلاث اربع مرات واييبون وحده اتفتش اذونج اذا انتي متحجبه وطبعا الكل يبون كروت زياره لازم تمشين واتعشمين
بالنسبه لروحتج بروحج وكلكم حريم الصراحه بهالوضع وا انصحج الي مع زوجها يستغلونها الرياييل يستغلونهم اشلون حريم بروحهم وبعدين اكيد امفكرين تسكنون بشقت ارخص لكم انسييييييييي يكسرونها ويدشون عليج انه سكنت والله زوجي طلع اييب فواكه من نفس الشارع طق الباب وغطا ويها اقول منو وانه مخترعه يقول عنتر مايزون من سوالفهم احنا قمنا نسكن بفنادق مو مشكله مو لازم كشخه المهم اأمن صج بالفندق ماتقدرون تطبخون بس اخذو الغالايه معاكم حق الجاي والنسكفيه وهالشغلات
اي اناي تشتغلين انه ما اشتغل انه تزوجت وكملت الثنويه مساآي ورحت لبنان درست لي ثالثه حقوق وصارت الحري ورديت وقفونا من الدراسه وسجلت مصر وانصدمت لما رحت اهناك قالو مانعترف بالي درستيه اهناك عيدي من الاول وعدت من يديد واطلعت روووووحي قضيت من عمري عشر سنين من تزوجت بالدراسه من ثنويه لي جامعه لاااااعت جبدي
طبعا الدفع بالاسترليني سنه اولا الفين استرليني كان حزتها 800دينار وثانيه وثالثه ورابعه الف استرليني يعني 400كويتي وحطيلج للسكن بالفندق تقريبا بمده الامتحانات للكورس الواحد 400تقريبا مصروف اكلج نفس الشي 400وتذاكرج هاذا بيكون مصروفجاهناك عملي حسابج وترا بعد الثوره كل شي غلووووه لان مافي رقابه عليهم كللللش ولو تقولين ليش جذي غالي يمكن يطقونج او يطردونج ويسمعونج كلمتين بالعظم هههههههه
بالنسبه للدراسه اكيد صعبه بس اولا كنت احسخا حلوه جريبه من رابعه ثنوي النظام الي قيل بس المشكله الكميه والدسامه واشلون تدرسين انتي لما ينزل قبولج بالتعليم العالي تروحين اسبوع اتنظمين مع الجامعه والملحق الثقافي مالنا اهنا واهم ايقولون لج اشراح اتسوين ولما اتخلصين كل شي اكيد في مراجعات اهناك يعني قبل الامتحانات الدكتور اينزل امراجعات النهاءيه عقب مايحذف تقريبا ربع المنهج انتي اتشوفين وتسالين هالمراجعات عند منو وتروحيلهم وتاخذين رقمهم وتتفقين معاهم ايدزونهم لج كيفج عاد بابفاكس ولا البريد عاد انتي شوفي وطبعا فيكذا جهه ايسوون المراجعات احسن واظمن شي تسالين اي احد من الطالبات اهناك شنو او من الي تشترون منهم المذكرات المضمونه الي انتو متعودين ييبون الاساله الي بالامتحان عرفتي واتفقذ معاهم
تقدرين بالفتره الي فيها اهناك تسالينلم عن دكتورت او معيده اتييلم الفندق وتعطيج دروس
وطبعا دراسه الحقوق اكيد دسسسسمه والي ايطلع الروح الصراحه الشريعه موجوده كل سنه الاساله دايمه مو مباشرا يعني جنج اتفججين لغز عشلن اتعرفين الدكتور اشيبي بس يلا سهالات
بالتوفيج ان شالله
لاثقلتي علي ولا شي الناس للناس وانه لما كنت بسجل كنت ابي الي يساعدني ويدليني

 

[كلي-حلآ]

حبيبتي ماقصرررتي ياعمري عسى الله يوفقج ويفتحلج ابواب الخير ويرزقج يااارب باللي تمننينه

انا بشوف وان شاءالله يكتب الله اللي فيه الخير ادعولي ربي يسهل علي ولكم بالمثل

 

[ام عيالي]

الله يسهل عليج واوصيج بالاستخاره ولاتنسين الحين بساعة استجابه
عسى الله يوفقج لما فيه الخير والصالح لج وللمره المليون الاستخاره ثم الاستخاره ثم الاستخاره واذا بغيتي شي دزيلي عالخاص لان يمكن ما اشوف موضوعج

 

[كلي-حلآ]

مشكووووره ياحياتي عساني مانحرم منج والله يسهل عليج ويوفقج دنيا واخره ماقصرتي

 

[همس العيون]

هلا حبيبتى تونى شفت موضوعج ترا الدراسة بمصرسهلة حيل والتعامل مع الناس بعد سهلة ومافى شىءاسمه يكسرون الباب ولا شىء انا صارلى 27 سنة بمصروما قابلت هالسوالف واذا تبين شىء حبيبتى ولا يهمج بس تامرين امر

 

[كلي-حلآ]

حياتي همس العيووون وام عيااالي والله اخجلتوني ماقصرتووا معاي عسااه بميززان اعمالكم

بس همس العيون انتي شنو تخصصج ووباي جامعه ؟

انا قاعده اسوي اوراقي الحين وربي يسههل

 

[قرنفله 99]

مرحبا بنات ادري داشه عرض بس حبيت اسألكم انا عندي دبلوم اداره بريد وموظفه صارلي ٦ سنوات ودي اخذ بكالريوس بمصر الدراسه سهله هناك ولا لأ والتخصص اقدر اختار الي ابي مثلا اذا ابي حقوق ولا تخصصات معينه

 

[ام عيالي]

اختي انه ما كنت ابي اخرعها بس انه قلت الوضع الي عايشته وشفته حاااااليا لا غير كنت لازم اكون امينه معاها لي ابعد الحدود بس صج المواقف الي قلتها صج صارت معاي وعسا الله ايوفق الجميع وبعدين خلينا صريحين الدراسه بمصر سهله لان في ناس ايسهلونها وطبعا لازم هالشي بمصر يعني مافي واحد كويتي يدرس اهناك الا اتشوفينه امضببببط مع واحد بالجامعه والصراحه الوضع اهناك جذي والي يقول غير جذي غلطان لازم احد ايساعدج اصلا اول ما يعرفون انج كويتيه بيطلعولج من كل صوب حتا الي ما قدمولج اي خدمه ايقطولج نغزات يبون تعطينهم بس من البدايه مو اي مراقب ولا مراقبه تعطينه قلوس اذا قالولج قولي ويييي يايه مو يايبه معي افلوس ان شالله المره اليايه انه اسوي جذي الصراحه علا اي اساس بعطيهم واهم اساسا لاعنين خيري تفتيش ايفتسون ومايلاقون شي وما يصدقون يروحون اييبون وحده ثانيه وتفتش وكذالك ايعيدون هالسالفه ثلاث لي اربع مرات بالامتحان ومو بس انه كل امتحان ايشرشحون الكويتيين وكل امتحان علا فكره ايصيدون واحد ايغش بسماعه اهو الغبي ابروحك ريال امطول شعرك وحاط سماعه مكشوفه يعني اكيد في سماعه يعاي اشحقه امسوي شعرك كارييي
حتا وانه في سنه اولا واحد عنده سماعه تناشب مع الدكتور الي يفتر علا القاعات وتحداه حسباله بيخاف منه هلا ابو انه كويتي بالعكس الدكتور استفزه بالكلام واهو بعد وصارت هوووشه وطق واسجنو الكويتي بسجن طنطا المركزي ١٥ يوم ليمن تدخلت السفاره بالموضوع يعني هالمواقف اتصير ويقولون ان طنطا بالذااااات شاذين حيلهم علا الكويتيين لان كل الكويتيين يبونها لانها سهله مع اني مو شايفه ذيج السهوله الي يدرس بينجح والي ما يدرس ويغش اكيد بيعرض نفسه للمشاكل
علشان جذي اذا كملتي ورحتي ان شالله سوي نفسي واخذي المراجعات النهاءيه مثز ماقلت لج واخر الايام ذبحي نفسج بالدراسه وييبي دكتور يشرحلج ترا بالشرح والله يصير سههههل لان بيدش عقلج احسنلج ولا تستسهلين الموضوع لما ايقولون لج دخلي سماعه حبيبتي لاتدخلين نفسج بمشاكل انتي بغنا عنهاواذا بغيتي اذ شي اقولج مره ثانيه راسليني عالخاص

 

[عادت ذكرياتي]

أب


أب

 

[q6aiwa]

انا قبل جم يوم نزلت موضوع استفسر فيه بس نرفزوني الاداره

http://www.q8yat.com/t954875.html

المهم بنات انا سالت بالاردن قالوا لي مافي انتساب

باقي لنا نسال بمصر وبالبحرين عن الانتساب

مصر شايلتها من بالي بسبب الاوضاع لان فوق الي اسمعه هم رئيس النقابه عندنا بالدوام امه مصريه مانصحني بحكم ان يروح بالشهراكثر من مره وعندهم سكن هناك واهل ديره وعارف الاوضاع عدل يعني ماينقص عليه مانصحني بالمره

وفي وحده توها تخرجت كانت تدرس هناك تبهدلت لوما انها دقت دخلته بالموضوع وطلع لهم لسانه وعرفو ان مصري يالله سلمت من النصب ولالاستغلال

وكان اهو يروح ايييب لها المذكرات والامتحانات .... متحسفه قد شعر راسي

كنا مجموعه كبيره بالدوام شباب وبنات بنروح ندرس انتساب مع بعض ونساعد بعض ونغطي على بعض بالدوام وفي منا بالشؤون الاداريه يعني اوراقنا تمشي وتخلص سهالات ورئيس النقابه معانا بيدرس يعني موافقة الاداره العليا بالجيب ....كلهم سجلوا الا انا ماكنت متزوجه واهلي مايرضون اروح بروحي ومو حبابين سفر بالمره يعني راح اتوهق حزت الامتحانات من بيروح معاي وكنسلت الحين كلهم تخرجوا ورفعوا اوراقهم وقاعدين يطالبون بزياده ودرجه


نبي حل انا عندي ناس بالاردن سالوا لي وتاكدت ان مافي انتساب موقف من 2001 على كلام الملحق الثقافي هناك

ماعندي احد بالبحرين او مصر الي تعرف او تقدر تروح تسال تقولنا

جني قريت مره ان الامارات فيها انتساب بس مومتاكده

احتمال الانتساب موقف من الكويت الله يسامحها موضي الحمود كان بيدها تده

مومعقوله صاكين علينا بالديره طالما موظفين مالنا حق وظيفه ثانيه
ولا لنا حق نكمل دراستنا الا حاطين عدد مقاعد محدد للموظفين وغيره كله الخريجين اليدد
ولا نقدر ندرس بعثه عالدوام (ييلها واسطه ماتخرش الميه)
ولا نقدر ندرس على حسابنا بالجامعات الخاصه الماده الوحده عندهم عن كورس ادرسه بره
​

 

[ام عيالي]

حبيبتي لا تروحين تسإلين في انتساب ولا مافي اساسا نظام الاننتساب مو معترف فيه بالتعليم العالي انتي اتسجلين واذا اسالوج تقولين انتظام الكلللللل جذي كلنا مسجلين انتظام واحنا نروح انتساب وبكل الدول العربيه حتا احنا باوراقنا بمصر امسجلين اناظام واهم يدرون انا اهنيه امسجلين انتظام بس عندهم احنا انتساب نجي بس وقت الامتحان
شوفي لو بتقارنين الدراه بين هالدول تطلع مصر اهي الاسهل رغم صعوبه ودسامة المواد بس الاوضاع والله العظيم ما تطمن اانه كنت اهناك والله ما تطمن والي تسمع كلامي اتفكر اني انحش البنات بس والله غيييير عن قبل انه بسنه رابعه علشان جذي بستحمل بس الي توها بتسجل وراها اربع سنين اشلون اشبيصير ماتدرين الاوضاع موووو مستقره يكفي تنقلاتي بالقطار من والا الامتحان لاني عقب ماصار مواقف اتخرع بالشقه الي بطنطا حلفت ما اقعد اهناك
السوالف وااايد بس بالنسبه لموضوعج طبعا محد يروح الوزاره يقولهم ابي انتساب اشلون رايحه اتعلمين علا روحج قولي انتظام ونصيييحه لا تسجلون الا بجامعه حكوميه وبسسسس ترا السنه الي فاتت صكرو كذا جامعه خاصه اكتشفو فيها غش وشري شهايد ومن هالسوالف
انه كنت امفكره اخلص رابغه واظبط اوراقي الماستر نفس الجامعه بس الحين مااالج امل خصوصا وان هالسنه لازم اخذ عيالي معاي لان اهلي بيكونون مع امي علاج بالخارج اهي سنتين ياحرام تخلص معاملتها واتأجلها عشاني واهي اتعبت حرام تنطر علشاني والله متوهقه فيهم الله يستر علينا وعبا عيالي حبايبي