معقولة ماعندي رفيجة الروح بالروح :((((

[حسناوات]

أنا مثلك عندي كثير من الزميلات ولكن ماعندي صديقة التي تسمى صديقة العمر يلي تلتجأي لها لما تكوني متضايقة كان يضايقني بس الحين خلاص انتهت مشكلتي أنا أمي حبيبة عمري بس ماتصلح تكون صديقتي المقربة لاني لا احب تحمل مشاكلي اهية مرة حساسة وحبوبة تحبنا وايد وتحمل همنا للعظم لهذا الحين لما اتضايق الجأ لربي وابكي بالصلاة والحمد لله يفرج همي وانسى الدنيا
​

 

[بارعة محمد]

الله يفرج كربتك

في هذا الزمن صعب تثقين بأحد.

الله يسهل يااااارب.​

 

[احلى بنوته11]

والله مدري شقولك
بس جد الصداقة نادره في هالوقت
ولو يبون يكونون صديقات يكونو تبع مصحله
وهذ الشيء انا شايفته بنفسي
صديقات وقت المصلحة
ما اقول غير ان شاءالله تلقين صديقة مخلصة

 

[Q8tiyah]

السلام عليكم أنا ايد كلام الأخوات :eh_s(7):

و اقول لج بعد صديقاتي شويه ليش ؟ لان اختار ارافج ناس ناجحة صالحة مثقفة :gathering:
انت لازم يكون هذه المبادئ ترافجين أحسن الناس
صديقتي أمريكية مرة قلت لها نفس الكلام اللي ذكرتيه ،، ما استغربت و قالت هذه ثقافتكم علاقتكم بأهلكم أكبر من صداقات و يملون حياتكم و عندكم مناسبات .. إحنا الأصدقاء يصيرون أهل لنا لان أهلنا مو مثل اهلكم ..

هذا الشيء في ثقافتنا يحسدونا عليه !

:eh_s(17)::eh_s(17): أنا أكون رفجتج و لايهمج هلا فيج ...

 

[(حكاية قلب )]

,’
رفيجتي معآي من 6 سنين صج هي من دولة غيير بس عايشة عندنا
نحب بعض وايد اكثر من الخوات الحمدلله ,بس انا لو كنت مكانج اخلي امج او اختي افضفض لهم وبالاول اشكي همي لله سبحانة عشان يفرج علي
والله يوفقج حبيبتي

..​

 

[الزيـــــ^^ـــــن]

الاخت والام اهمااا الرفيجااات وبسسسسس نصيييحه

 

[قآنون كيفكـ!!]

ترى الدنيا بخير
والحمد لله عندي صديقتين اقولهم كل شيء بحسبة خواتي عسى الله لايفرقنا ..
وامي وخواتي الله يخليهم لي كل شيءنقولة حق بعض ونفهم بعض من نظره واللي بخاطرج ...

 

[؛؛حلاوه؛؛]

انا ارحب فيج وبأي وحدة تقرا ردي

والدنيا بخير ومافي احلى من ااصديقات

 

[Lily]

فضفضي حق امج وخواتج وبس , بهالزمن حتا بنات الخال والعم مو على قلب واحد

 

[زوجة عزيز]

وانا مثلج

 

[Nonono83]

انا كانت عندي رفيجة وعبالي انها اكثر من اخت بس للاسف اكتشفها متاخر والحمدلله على كل حال الحين كلش ماعندي ولارفيجة لاني مو موظفة فماكو مكان اعقد منه صداقات الا الاهل بس ودي بصديقة افضفض لها اطلع معاها نتشارك الفرح والله يبعد عنا الحزن اذا يه بس وين ماكو الحين واذا تبين يشرفني اتتعرف عليج مبين عليج طيوبه

 

[ام هيا العلي]

والله يااختي .. خلج بعيد عن الصديقات صدقيني ماوراهم الا المشاكل والفتنه .. طبعا مهب الكل ..

لكن من واقع تجربتي مع بعض الصديقات.. اذا انتي طيبه معاهم وعلى نيتج يلعبون فيج لعب .. لانه بها الزمن

مافي صديقه صادقه ومخلصه ووفيه.. الكل صار يمشي ورى مصالحه..

والله يسهل امورج ويبعد عنج الضيق والكدر ..

 

[O+L=love]

والله انا نفسج وساعات او موساعات دايم اتمنى يكون عندي صديقة حسبت اختي بس ماكو وين ولما اتضايق ابجي بروحي ليما اسكت واخش بقلبي والله كريم

 

[ام القمرات]

لاتنتظري ابدا يكون في قلب احن عليك من امك وتنصحلك مثل امك والله حتى الصديقه هي اصلا صارت بهالزمن من المستحيلات الخل الوفي لالا لاتقولون تشاؤم والله وعن تجربه تقرب منك وتعرف سوالفك وتروح تكتها عند رفيجه لها غيرك اجل شلون بتلاقي سوالف الا على حسابك هذا اذا ماخذت اسرارك ووجهتها لمصلحتها واذا كانت سوالفك عن زوجك يااااقلبي عليكي ودعيه من الحين ان كانت بسن كبير وماتزوجت ومااعمم اقول الا ما رحم الله بس وين تلاقينها هذه؟؟؟؟؟؟ ويبقى السؤال

 

[blue ocean]

حبيبتي مر هالاحساس ادري والله سأليني انا عنه بس ماعليه ان شالله تحصلينها بيوم

حاولي تقربين من اختج محد نفس الاخت تكون صج سترج وغطاج غير جذي نادرين والله

انا نفسج وعمري 29 وماعندي رفيجه توأم روح بصراحه كان عندي وآخرتها ضروني حيل

بس ساعات احس احسنلي الرفيجه لا قربت حيل لازم بالاخير يصير موقف معاها وتنكر العشره متى مابغت

وصراحه بعض البنات اللحين مزاجيين ودلوعين على شوية تفاهه بالتفكير عشان جذي انا بديت اسكر هالباب

واللي الله يكتبه لي راضيه فيه

 

[كويتيه سبيشل]

خليج دائماً مع ربج
اهوا الباااقي
أحسن من كل هالناااس

في ناااس وايد من يزعلون
يقلبون ويطلعون كل اسراااراج

 

[هدوووشه]

خليج دائماً مع ربج
اهوا الباااقي
أحسن من كل هالناااس

في ناااس وايد من يزعلون
يقلبون ويطلعون كل اسراااراج

اي والله صادقة معاها 100% :eh_s(15):