معقولة ماعندي رفيجة الروح بالروح :((((

[احلى ديما]

مرحبا كويتيات شلونكم
بنات بصراحة فجاة ياتني الضيقة صارلي موقف مع.اختي وتضايقت منه حسيت ان ودي اشكي لوحدة تسمعني تخفف.عني قعدت افكر لين استوعبت ان انا ماعندي رفيجة عمر او مثل مايسمونها اخت دنيا عندي رفيجات من الثنوية وعندي رفيجات.بالكلية بس كلهم علاقتي معاهم ماتتعدى الواتس اب والانستاجرام والا الزوارات والطلعات.ماكو وحدة قريبة مني الجأ لها وتلجأ لي اثق فيها وتثق فيني كل اللي حوالييني غاليات علي وكلامي معاهم تقريبا يوميا سوالف وضحك بالواتس اب بس ماعمري طورت علاقتي مع.وحده فيهم وصرنا انتيم مثل مايقولون (
بصراحة ما اخش عليكم هالشي ضايقني حييييل يعني معقولة عمري 25 سنة وماعندي اخت اشد فيها الظهر احبها وتحبني
منو منكم مثلي بنات ؟؟ واذا حسيتو انكم محتاجين احد يسمعكم من حقه تشكون وتسولفون ؟؟

 

[fatma A]

ليش ما تكونين صديقه امج ترا الام اهي افضل صديقه

 

[شــــــــــــــوقــــه]

انا مثلج ما عندي وحده معاها 24 ساعه و نقول حق بعض كل شي

بس مو مضايقني وايد عادي

عايشة حياتي

اشكي لربج لا تشكين حق احد ما منهم فايده الناس

 

[Patcholli]

الله يخليلي خواتي ماحس في اقرب من الخوات
عندي ارفيجات مقربات بس ياختي ساعات احسهم يقلبون مره وحده او يختفون وقت الحاجه ماينشد الظهر باحد صج غير خواتج وامج

عشان جذي لاتضيعين وقتج وتدورين صديقه قريبه اذا عندج خوات

 

[قلب زوجي وولدي]

أنا ما عندي عادي مو شيء مهم ولا أفكر بهالشيء

واذا صار عندي هم مستحيل أقول لها وأشكي لها لانه ما يندرى تقلب ولا تظل مثل ما اهي

ما في الا الام والخوات


​

 

[يستفزني غلاك]

سمعوووني و بعدين ؟ بصراحه مافي رفيجات بالزمن هذا يعني نااااااااادر بتلقين
بس مامثل الخوات
و اذا حابه تكون لج صديقه انتي شوفي منو اقرب او اكثر شي ترتاحين لها وتقربي لها قولي اللي بقلبج و شوفي بتسمعلج او لا


بس اشكي لربج و لاتحطين للرفقه اهممميه مبالغه و تقبلي مروري

 

[هدوء العالم]

ماعادنا في زمن الرفيجة تكون
أختنا بالدنيا أعطيها همومي وتعطيني همومها وتمسك السر وأمسك سرها
هذا بزمن أمهاتنا الله يعطيهم الصحة والعافية ويطول بأعمارهم

وكأني أشوف أمي وجارتنا السابقة قبل ماتتغير بيوتنا كانت تبكي تقول شلون بتروحون ياقصرانا من عمر ( من قبل ما أنولد لين تغيرت بيوتنا من 7 سنين )
ولين الحين يتواصلون ( الله يجمعهم ولا يقطع صداقتهم )

ولا أحنا الحيبن الرفيجة
بس مصالح و وناسة بالبي بي والأنستغرام والواتس أب و تقضية وقت الفراغ بالدوامات والمدارس و الكليات
نسولف سوالف عامة مو خاصة وبعد أنتهاء الدوام نقول يلا مع السلامة ونتلاقى باجر وبالعطلة الصيفية نتناسى وتتغير بعد الرجوع للدوام الأوجه القديمة بالجديدة ونتناسى بعض للأبد
جذي دائما
( صح ولا غلط )

ولا الصج
مالنا إلا أمهاتنا الله يعطيهم الصحة والعافية هم إلي يخففون همومنا وأن كنا متضايقين نفشي همونا عندهم
ولا الأخت لأختها
بالنسبة لي أمي هي رفيجتي

 

[عتآق الخيل]

والله مافيه صديقه الا الام
او خليك صديقة نفسك ايه عسولهـ
مأحد بيفهمك كثر حالك واحساسك واستغليها بأي شيء مفيد
تفرغين طآقتك فيهـآ
راحوا الطيبيين ..
​

 

[Shinexo]

نآدر مآتلقين آخت دنيآ

بس نصيحه لج

آمج آحسن صديقه بتلقينهآ آمج سترج و غطآج :*

 

[ام الدرر]

حبوبة
ماكو ع الام والخوات
هم اللي يخافون عليج وماكو مصالح بينكم
حبهم وحرصهم عليج هو الرابط
الصديقات مردهم بيبتعدون ويلهون بحياتهم
بس امج واختج
وياج عسى الله يطول بعمرهم ​

 

[e7sasi]

خخخخ نفس تساؤلج ويكفيني قريت الردود بس شلووون إذا الأم ماتقدر تتفهم أو الإخت صغيرة وماينفع تكون صديقة؟ مهما تغير الزمان الدنيا فيها خير والطيبين ما انقرضوا للحين والصديقة مالناا غناة عنها بس كل علاقة ولها حدود انفتاح =)

 

[dalo0oa121]

انا مثلج وأتمنى ألقى ربع أفض فضلهم ويساعد وني لكن مافي

 

[حبيبة اهلهاا]

بيني و بينج الزمن تغير

و تخافين الحين تعلمين او تفضفضين لاي احد

انا كانت عندي رفيجه مو رفيجه الا اكثر من اخت ع طول معاها

بس صارت سالفه تافهه و انا مالي ذنب فيها و قطعت

و هم عندي وحده ثانيه هاذي كانت حيل حيل قريبه معاي

بس البنت من تزوجت و نست حتا اهلها شدعوه

مو شايفه خير << اكره هالنوع لان بيي يوم راح تندم و تشتاق لرفيجاتها واهلها

عالعموم اخذيها مني نصيحه مجرب لا تفضفضين لغير امج و خواتج نصيحه والله بتندمين

 

[نسيم المحبة]

عندي صديقة صارلي وياها 13 سنة تقريباً
كلا وياها و دايماً تفضفض لي و افضفض لها و كلا ويا بعض حتى من كثر ما احنا ويا بعض الناس عبالهم احنا خوات و ان احنا نتشابه
طبعاَ هي احسن من غيرها اللي علاقتهم تدوم سنة و سنتين و بعدين و لا كأنج صديقتها
الله يخليها لي و لا يحرمني منها لأن اللي مثلها نادرين و قليلين

 

[دلوله 111]

الله يفرج همج

 

[تمنيـتگ]

في هالزمن الصديقات جداااااا نادرات


الا مارحم ربي

وحتى لو يرافجونج عشان شغله مميزه فيج والخخ


ووقت الضيقه ماتحصلينهمم بس وقت مصالحهم تحسلينهم مثل الذبان كثر ماتكشينها بترد


نصيحه خلي امج او خواتج صديقات محد يخاف عليج كثرهم ومهما صاار يتحملونج

 

[مطرر]

واي بنات فيني ضيقه اعوذ بالله احس بهم فضيع صارلي فتره جذي اااه بس ليت عندي صج صديقه اقولها تعالي البيت قعدي معاي ساعديني لو امي عايشه كانتةبتغنيني عن الصديقه

لا تستغربين انا بالثلاثينات وللحين ماعندي صديقه مقربه

 

[عسل سل]

انا ما أأمن حق شخص مهما ارتاااح له نظريتي ان كل انساان بقلبه نقطه سوودا ما راح تنمحي بوجوودي ف صدااقاتي بعضها قريييبه حييل بس ما توصل اني اقووول الروح بالروووح مستحيل ولا احب اكون جذي اعلق سعادتي واسراري على شخص
الكتمان مرات ألذ من البوح والكلام يمين يسار

 

[حروف من ذهب*]

دائم افضفض لخواتي وبنات خالاتي ما عندي رفيجه معينه

 

[جيتارا]

أفا عليييييج


انا موجوده وبنصير ربع ,,,,



وحياج,,