يعني بالعقل اذا بشكي من خيانة زوجي تبيني اقول انا والله رفله وجيكره وزوجي يخوني
اكيد بمدح روحي وبطلعه هو الغلطان
وبعددين الزوج مايهمه جمال و كشخه وليالي حمر الرجال يبي المره الذكيه
ويبي الاسلوب الحلو و الكلمه الطيبه...
وسالفة ان الرجال مايملي عينه الا التراب هذي مقوله غلط انا اقول ان الرجال قلبه فاسد يحب الحرام
مايقدر يخليه وعنده قلة وازع ديني ...
وعسالله يسخرلكم ازواجكم ويرزقج بالزوج الصالح
عدل كلامج اذا الريال بقلبه هالخرابيط ماكو فايده فيه لو الي عنده ملكه جمال
بس هم في رياايل مظلومين انا اعرف وحده كانت تعترف انها بارده مع زوجها وان كلمها كذا مره عن هالسالفه بس عمك اصمخ وانا نصحتها ان الي تسويه غلط وما اقتنعت وطبعا خانها ويوم طاحت عليه فضحت الدنيا وقلت لها لا تلومينه انتي بارده معاه اشلون ماتبينه يخونج
والريال ماله عذر يخون اذا شاف تقصير من ناحيه مرته يصارحها مره ومرتين وثلاث مافاد فيها تجدم
انا من جم يوم كتبت سالفه رفيجتي الي سافرت حق ريلها تايلند وطاحت على بلاويه والحين طلبت الطلاق وقالت له انا بشنو قصرت معاك وقال لها لا حشى ما منج قصور لو الف الدنيا ما القى وحده مثلج لو فيج شي كنت راح اصارحج وقالت له مع ذلك خنتني لانك حيوان وانا ما اباذني ماي ابيك تطلق
وعمر الجمال ماكان مهم انا رفيجتي اخوها شرط يبيها عصله وجسم مانيكان وتزوج وحده جمييييله وعصله بس بارده وكله تلوع جبدها ما ابي اسوي لك هالحركه تلوع جبدي وكلمها وعيز منها ماكو فايده قال لها انا بتزوج عليج لان ما استانس معاج واهي عشتوا ما رضت وطلبت الطلاق وطلق عاد اشوه ما حملت
وعقبها تزوج وحده مربربه مو متينه وايد اوفر بس تعتبر متينه بس جسمها مخصر وملامحها عاديه بس شعرها ناعم وطويل وحلو بس مريحته على الاخر الله يهنيهم ويابت عيال ومرتاحين ومتفاهمين
يعني انا في المشكله الاولى الي كتبتها المره مو مقصره ومع ذالك خانها واهو اعترف انها مو مقصره بس لان اهو وصخ
والمشكله الثانيه اهو صارحها بس اهي ما اهتمت فتتحمل الي ياها بس هم المفروض يقدر تربيتها للعيال واكيد اهي زينه مع زوجه من نواحي ثانيه بس هالرياييل بس همهم شهواتهم وغرايزهم
والمشكله الثالثه هم صارحها ماكو فايد وصبر عليها بس عاد لانه سنع ما مشى بطريج الحرام وقال لها بتزوج
وهم حبيت اعلق انه كلام العضوه latroooo7 صح انا معاها خصوصا لما وحده تشتكي وقالوا لها شوفي انتي بشنو مقصره اصلا لو اهي مقصره ماكانت راح تتشكى وراح تقول اي انا الي حديته لان كنت مقصره معاه
وثانيا الي يقولون اكيد انتي مقصره لا سمح الله صارت لكم هالسالفه هل راح تقولون ان انتوا مقصرين ؟
