معرض الكويت الدولي للكتاب - نوفمبر 2013

[بايعتهاا]

مشكورة نبض ع الرد

 

[Lady A]

مزهبه اللسته وكل يوم اضيف واعدل
يوم اليمعه والاحد بروح ان شاءالله
والكتب اللي ناويه اخذها :

حديث الغيم - بشاير الشيباني
ترى الحياة عجيبة - يوسف الهاجري
مدينة لا تنام - فهد العودة
كبرت ونسيت - بثينة العيسى
باتشولي - وضحة العدواني
امرأة من الدانتيل الأبيض - وضحة العدواني
مليون خاطر - يوسف جاسم
سمفونيات - حنان القطان
يقول اتبعيني ياغزالة - سعدية مفرح

ومازلت اضيف كتب
وحطيت مجال لأي كتاب اصادفه هناك ويعجبني وفـ بالي كتب تاريخيه وسياسيه وابي جم كتاب عن تطوير الذات

 

[أم روعة]

اليوم رحت المعرض الصبح عال 9:30
ماشالله زحمه غصب لقيت موقف مع اني رايحه مبجر
اخذت روايتين بس ..
( المصابيح الزرق ) لحنا مينا
( ذات ) لصنع الله ابراهيم

 

[Miss Basma ..}]

لتحميل فهرس معرض الكتاب
Kuwait National Book Fair _معرض الكويت للكتاب

 

[Miss Basma ..}]

تطبيق معرض الكتاب
https://itunes.apple.com/us/app/m-rd-alkwyt/id741293382?mt=8
فيه الفعاليات و الكتب و دور النشر و الي تحتاجونه

 

[فرح يوسف]

ان شاء الله بروح للمعرض الاحد او الاثنين
وبصراحه محتا ه شنو اشتري كتب
لان انا الحين ادرس وكله اقراء او اذكر موادي
ابي كتب خفيفه وحلوه اذا طفشت من الدراسه يونسوني
كلششش ماعندي خلفيه عن كتب من هالنوعيه
عفيه ساعدوني

 

[رحيل المرافيء]

http://t.co/G7TF70yRSW

 

[راعية الطويلة]

تسلميييين نبض ما قصرتي
طمنتيني كنت أحاتي المعرض
الله ييسرها لنا و نروح حبيبتي
و عطينا رأيج بكل كتاب شريتيه

 

[رحيل المرافيء]

حلوة اختياراتج ام روعةوننتظر الباقي

 

[رحيل المرافيء]

الاستثمار والمال لكيوالدار العربية للعلوم ناشرون - تصفح قائمة المنشورات الاخير وايد كتب عجبوني بالصفحتين

 

[بايعتهاا]

لتحميل فهرس معرض الكتاب
kuwait national book fair _معرض الكويت للكتاب

حبيبتي مشكورة

بس مو راضي يبطل معاي التحميل اكتمل وانحفظ على الجهاز بس مو راضي يبطل شلون أبطله ؟

 

[بايعتهاا]

ان شاء الله بروح للمعرض الاحد او الاثنين
وبصراحه محتا ه شنو اشتري كتب
لان انا الحين ادرس وكله اقراء او اذكر موادي
ابي كتب خفيفه وحلوه اذا طفشت من الدراسه يونسوني
كلششش ماعندي خلفيه عن كتب من هالنوعيه
عفيه ساعدوني

بما إنج تدرسين يعني طالبة اخذي كتب عن تطوير الذات والنجاح علشان تشجعج على التفوق وتنمي شخصيتج للأفضل بكل المستويات
وأنصحج بكتاب اسمه الخريطة الذهنية خطوة بخطوة للدكتور نجيب الرفاعي تلاقين فيه تجارب لطلبة كانوا فاشلين وبعد استخدامهم للخريطة يابوا A امتياز
وهم يستخدمون الكتاب الناس العاديين
اهو كتاب عن رسم خريطة ذهنية وكيفية ذلك مثلا ترسمين خريطة لمستقبلج وطموحاتج

وهم أنصحج بقراءة كتب دينية مثل كتاب استمتع بحياتك روعة هالكتاب وفيه مواقف وايد صارت مع الشيخ العريفي وغيره من الكتب الدينية


نوعي بين الكتب اخذي من كل بستان وردة :eh_s(17):

تحياتي لج

 

[رحيل المرافيء]

فرح يوسف
عندج كتب عبدالمغلوث بسيطة وحلوة يازيني ساكت واكو له كتب ثانية
او كتاب ستار بكس
وعمدج كتب م. سند راشد الدخيل متحف اللوفر وغيره
وعندج انترنتيون سعوديون
واوراق طالب سعودي

 

[Miss Basma ..}]

حبيبتي مشكورة

بس مو راضي يبطل معاي التحميل اكتمل وانحفظ على الجهاز بس مو راضي يبطل شلون أبطله ؟

حتى أنا قعد يشكل معاي
مدري شلون بطلته :d

جربي تحملين التطبيق

 

[نونيشو]

انا موحاطه قائمه بروح افتر على رواء واختار

 

[Maryam_]

هالمعرض وايد كتب نازله و الكتاب كلهم شباب الله يوفقهم

الي ابالي
كتاب قهوة الثلاثا
رواية الفجر البعيد
رواية رجال من حرير
نصف اناث
سنفونيات

و بعد وايد في ابالي بس متردده

 

[Maryam_]

هالمعرض وايد كتب نازله و الكتاب كلهم شباب الله يوفقهم

الي ابالي
كتاب قهوة الثلاثا
رواية الفجر البعيد
رواية رجال من حرير
نصف اناث
سنفونيات

و بعد وايد في ابالي بس متردده

 

[فرح يوسف]

بايعتها
حياتي عندنا بالمقرر شغلات عن الخريطه الذهنيه درستها وعرفتها

كتب دينيه مالي مزاج عليهم عندي كتاب عائض القراني وسليمان العوده للحين ماخلصتهم

رحيل المرافي
قريت ستاربوكس
ماعجبني وايد


مادري فكرت بكتب مال فاروق جويده
و
ستمطر ل مريم مطر

شنو رايكم

 

[VET-Nour]

ابي كتاب رواية حوجن ل ابراهيم عباس > اظن اسم الكاتب جذي

مالقييته . موجود وﻻﻻ؟

 

[1001]

انا رحت اليوم بس اشوف وباجر الصبح بشتري كتابين فقط
هم قهوة الثلاثاء وغسق من دار نوف
ونفيش وذره

واروح الافنيو دار السلال واشتري كتاب السلطان عبدالحميد والرقص مع الذئاب
بنات الاسعار بالمعرض مو طبيعيه ترى بره ارخص
يعني اكبر مثال دار السلال بالمعرض اسعارهم عاليه
واسعارهم بالافنيوز ارخص وبعد فوقها مسوين خصم 25%

وفي فرق اسعار بين دور النشر داخل المعرض