أنا اليوم رحت .. فتحوا البوابة بالضبط الساعة 3.59 كاااان زحمه الناس مجتمعه برا بس الجو صج فظيييع يشرح الصدر .. شي يونس ما كنت متوقعه فيه ناس تقرا غيري :ggdw: بس طلعت غلطانه
طبعًا بما أني مفلسه ومنفقره حدي
كان مشترياتي على قدي وطلعت مو راضيه هم ودي بمزيد
والحين راح أستعرض اللي شريته
أولا بالنسبة للكتب الإنجليزية
اللي على اليسار سي ديات تعليم فلاش ثلاث مستويات حلوين حيل وأهم شي أنه التعليق مو مصري :dddds:
الكتاب الكبير جزء من سلسلة عجيبة للمشغولات اليدوية بغيت أشتريها كلها بس الكتاب على 4 وشوي حرام صراحة جم بيطلعون علي كلهم .. فاكتفيت بهذا
الثانية رواية شدتني " أحب الروايات الدموية "
حدي متوحشه
هي الرواية الانجليزية الوحيدة اللي عجبتني . فريت المعرض كله إما رويات ورعان
أو روايات أنا قاريتها وموجودة بمكتبتي العزيزة
مادري صراحة ليش مو مهتمين بالروايات الإنجليزية
بالنسبة للكتب العربية
ما عليه يمكن العناوين مو واضحة تصوير موبايل .. الكتب بالترتيب
1- الخلفاء الراشدون لمحمد رضا .. لما سويت جرد آخر مرة لمكتبتي شفت أنه المكتبة كلها ما فيها شي عن الخلفاء أو الصحابة فعزمت على أني أزودها كمرجع على الأقل . شريت كتاب " رجال حول الرسول " من فترة وقريته أكثر من ثلاث مرات
_03BA: وهذا عن الخلفاء محتواه حلو ودسم <<<< أعشق كتب التراجم اللي عن الشخصيات مثل الشعراء القدامى مو شعراء هالوقت والصحابة
2- ألعاب الأطفال و اللعب في الطفولة المبكرة .. هم من زمان أحتاج مثل هالكتب وكان ودي بكتاب عن أناشيد الأطفال أو الأغاني الشعبية بس ما حصلت شي عجبني
3- رواية عبث الاقدار لنجيب محفوظ .. للأمانة أنا علاقتي بالروايات العربية مو زينة مادري شاللي بينا بس ما أحبها ولا تحبني فقررت أني أصلح الوضع وأجرب لكن شكله التجربة بتكون فاشلة
4- آيات الله المبصرة ... هالكتاب فظيييع ياااي ما قدرت أقطه من أيدي قريته أول ما رجعت البيت يشد الألوان وطريقة العرض معلومات مدعمة بحقائق علمية وآيات قرآنية .. بسيط بس حلو أحب الكتب اللي جذي بين وقت والثاني أحتاج أريح من المحتوى الدسم والحشو اللي يعور الراس
لي رجعة عشان أكمل .. ما خلصت
