(((معرض الكتاب))) حطي اللي شريتيه

[زلابيا]

عليكم بالعافيه

مس 5 .. اتوقع ان المعرض يسكر على 9 او 9.30

 

[q8-SoOoFi-q8]

أنا رحت المعرض الجمعة إللي فاتت وشريت

* شوية كتب قانون>>>> لزوم الشغل ...

* كتاب عن الرفلكسولوجيا (وهو خاص بالمعالجة بتدليك اليدين والقدمين) >>>>لزوم الاسترخاء ويمكن الزمن يخليني اشتغل بهالشي عد التقاعد:denya:

 

[*دنــيـQ8 ــا الوله*]

رواية سقف الحكايه .............. من دار فارابي اخذتها بدينارين ونص

سفر السرمديه ............ من المؤسسه العربيه للدراسات بدينارين

المعرض مابقى عليه الا اليوم وباجر ... ودي اروح بعد مره خخخخخ لانه فرصه الاسعار تكون وايد رخيصه بالنسبة لسعر الكتب بجرير ......

 

[looly_cheezcake]

حسافة توني اشوف الموضوع والا جان شاركتكم من زمان..

المهم انا رحت يوم الأحد..وشرييييت الآتي:

رواية طوق الياسمين لواسيني الأعرج من قسم لبنان مكتبةالمركز الثقافي العربي بدينارين
كتاب السابق لجبران خليل جبران(أحاول أيمع كل كتاباته) شريته من لبنان بدينار
وشريت ..النبيلة الروسية لهنري تويا نسيت بجم من دار علاء الدين كله عندهم كتب روسية وشريت منه بعد فالس الوداع لميلان كونديرا بدينارين ونص

طلعلي كتب قديمة وراني الطبعة من سنة 1988 والله شوقني بس حسافة كانت مخلصة فلوسي ب12 دينار

وشريت آه لو رأيت لأنيس منصور من نهضة مصر بدينار
وديوان سعاد الصباح (والورود تعرف الغضب)من دار سعاد الصباح ب3 دنانير

اممم واختي شرت دواوين فاروق جويدة المجموعة الكاملة ب9دنانير

وأخوي شرى كتاب الحافة لسند راشد دخيل وشرى جين اير الأصلية والله بنات انصدمت شمتنها مو مثل اللي عندنا فيها 700 صفحة وشرى اجاثا كريستي وأرسين لوبين

وو بس

ليلحين ما قريت شي منهم لأني أصلا كنت قاعدة أقرا رواية سمرقند لأمين معلوف

 

[looly_cheezcake]

بالنسبة لرائحة البحر كنت شاريتها من المعرض اللي طاف وقرتها بصراحة ما عجبتني ولا عجبني طالب الرفاعي حسيت كتاباته قليلة أدب ..
والسجينة تينن اللي عندي قديييييمة من أول ما طلعت وحدة عطتها امي هدية الطبعة حاطين صورهم بالسجن بس صج مساكين معاناة ..

إذا قريت شي من اللي شريتهم أقولكم

 

[supermarket]

مشكورين يابنات على فكرة اللي بتشتري من مكتبات مو كويتية

تروح اخر يوم لان الاسعار تنزل على اساس مايردون الكتب معاهم

 

[pearlq8]

يعطيكم العافيه بنات

كان ودي ارووح بس للاسف ما سمعت الضرووف

ماردنا على جرير

 

[banota49]

أنا رحت اليوم ..

شريت في الجانب المؤلم-روايه..

وشريت رائحه البحر روايه -<<<< على كلامكم اخذتها ..

وكتاب عن التربية اعتقد الامومه والطفوووله ...

وشرت اختي وصايا الرسوووول..

والله ودي اروح له مرة ثانيه..

 

[banota49]

قصدي في الجانب المظلم

 

[nor]

رحت المعرض ،،

^
^

وهذه أجياسي ،

​

 

[nor]

أولاً : من دار سعاد الصباح ، شريت هالكتاب عن الشيخ مبارك الكبير ، أسد الجزيرة ،

شخصية جديرة بالمعرفة ، وشخصيته تستهويني من كنتصعيرة لما أسمع عنه ،

شريته بـ 5 دنانير ،

وعطوني معاه هالكتيبين هدية ،

من جرير أخذت هالرواية ،

بـ 5 دنانير ،

وأخذت كتاب أسرار الحريم ، يمدحونه وأشوف الكل يسأل عنه ،

سعره بـ دينارين ،

يتبع ،،

​

 

[nor]

من العبيكان ،

أخذت كتاب أسعد إمرأة في العالم ،

بـ 1 و750 ،

وكتاب ديوان العرب ،

بـ دينارين ،

وبناء على مدح البنات في المنتدى أخذت هالرواية ، بس يا ويلكم إذا طلعت مو حلوة :lololoe: ،

بـ دينارين ،

وأخذت هالكتاب وهو قصة سجينة مغربية ما أبي احرقه عليكم ، بس عجيب الكتاب والقصة ،

أحداثها حقيقة ،،، لا تفوتكم يا بنات ،،

بـ 3ونص ،،

​

 

[nor]

وبعد شريت هالكتاب ، ما كان ودي أشتريه بس إنحرجت من المؤلف فـ اضطريت أشتريه !!

بـ 3 دنانير ،

وهذا الكتاب بعد حلووووو نفس طريقة كتاب لا تحزن بس بأسلوب وطريقة ثانية ،

بـ دينارين ،

وهذا الكتاب حلوووو بس ما اخذته من المعرض أخذته من المكتبة ( جرير ) قبل المعرض ،

بـ دينارين ،

وأخيراً كتب قانون ،

​

 

[سبائك]

بنات أنا أنصدمت صدمة عمري

مندمجه بقصه من قصص العالم الآخر ولا أوصل حق صفحتين بيض!!!!!!!

ص 52+53 من قصة عندما احترق العالم وص57 من قصة علبة شوكولاته

ابي وحده فيكم تتعطف وتتكرم وتتلطف وتكتب لي أياهم

 

[nor]

بنات أنا أنصدمت صدمة عمري

مندمجه بقصه من قصص العالم الآخر ولا أوصل حق صفحتين بيض!!!!!!!

ص 52+53 من قصة عندما احترق العالم وص57 من قصة علبة شوكولاته

ابي وحده فيكم تتعطف وتتكرم وتتلطف وتكتب لي أياهم

روحي بدليه اليم آخر يوم بالمعرض ،

استغلي الفرصة وروحي بدليه ،

موفقة ،

 

[سبائك]

ما أقدر أروح اليوم كلش ما عندي وقت

 

[هوى الدار]

رحت امس للمعرض
اختى شرت ديوان نزار قباني وشرت كتاب اسرار الحريم
وانا شريت كتاب عائلتى اولا للؤلف د. فيل الي يطلع على ام بي سي 4 شحلاته توني باديه اقراه واستفدت كذا شغله
وشريت كتب مجموعه للاطفال تعليم الصلاه والوضوء والدعاء سهل وواضح وكتابته سهله للاطفال حيل عجب ولدي وبادي يقرا فيه شوى شوى وان شاءالله يستفيد

 

[زلابيا]

nor .. شوقتوني وااايد على رواية السجينه من اي مكتبه شريتيها عفيه تذكري .. وعليج بالعافيه اللي شريتيه

سبوج .. طرشي اي احد يروح يرجعه دام ان اليوم آخر يوم .. حاولي مني مناك واذا ماصارت ان شاءالله انا اكتبهم لج من عويناتي

 

[M(())M]

أمس رحت المعرض وبصراحه ما شفت أسعاره حيل غاليه في هيك هيك على قولتهم
اللي شريته:

لنحمي حبنا..لكريم الشادلي

التربيه الدكيه بدون ضرب بدون صراخ.....لجيري وايكوف

استمتع بحياتك....د.محمحد العريفي

الأطفال المزعجون(برنامج عملي تدريبي في مهارات تعديل السلوك لدى الطفل....د.مصطفى أبو السعد

موسوعة الألغاز الدهبيه...منصور العواجي​

 

[supermarket]

بنات أنا أنصدمت صدمة عمري

مندمجه بقصه من قصص العالم الآخر ولا أوصل حق صفحتين بيض!!!!!!!

ص 52+53 من قصة عندما احترق العالم وص57 من قصة علبة شوكولاته

ابي وحده فيكم تتعطف وتتكرم وتتلطف وتكتب لي أياهم

سبااااجة ان شاء الله البنات يسوون لج سكان على الصفحات

وتعلمي مني لما تشترين كتاب مشي الاوراق بين اصابعج بطريقة سريعة ( سكان يدوي ) :O_SHH_:

لاني من 5سنين او اكثر شريت كتاب اشهر الاغتيالات السياسية

وطلعت عندي صفحات بيضا بغيت ابجي من القهر