(((معرض الكتاب))) حطي اللي شريتيه

[الاسطورية]

انا ابي اعرف عندهم روايات شكسبير ولالا؟

 

[زلابيا]

بالعافيه سوبر

دنيا الوله .. رواية في الجانب المظلم عباره عن 3 اشخاص عاشوا تجارب رهيبه بالغة الغرابه سيتحدثون عنها بالتفصيل بعد ان جمعتهم الظروف في ذلك البيت المشئوم .. هذا بالمختصر ونفس اللي مكتوب بالروايه من وره قصص خياليه

 

[supermarket]

super market

عشت لاروي عن شنو يتكلم؟

والكتب اللي شريتيهم من اي جناح؟

لوول تحسون مالي خلق احوس

وشكرا على الموضوع احس الناس هجروا الكتب مو نفس قبل

والله مادري عن شنو ... يمكن قصة حياته

 

[عالي مستواها]

يااااااااااي بمووت من الحره


ذابحني الفقر هالكورس كل فلوسي أقطها على الروضة

كل سنة لازم أروح المعرض وأخم كتب بالهبل بس هالسنة ما اتوقع لا الميزانية ولا النفسية تسمح


لكن والله ما أخليها بقلبي الويك اند هذا برووووح أشوف بس ان الله قدرني

 

[*دنــيـQ8 ــا الوله*]

شريت هالـ3 روايات من معرض الكتاب ... وانشالله لي روحه ثانيه

 

[SILVER ROSE]

عن شنو قصة اعترافات غيشا؟ حلو؟

 

[Morena]

الله الغيشا انا الشفت الفلم روووووووووووووعه اختي من اي مكتبه شريتيه؟؟؟

الغيشا عن البنات اللي ياخذونهم من صغرهم ويصيرون مثل جواري حق الطبقة العالية ولهم رقصة معينه وميك اب وكل شي غير عن البنات العاديين

الفلم وايد حلو ومقتبس من هالكتاب

 

[سنابل]

خوش موضوع سوبر ماركت

انا شريت الآتي ..

كتاب شفته بيد واحد و عجبني عنوانه و سألته من وين و دلني على المكتبة
اسمه ( الأمة الأندلسية الشهيدة) لـ/عادل بشتاوي

كتيب عن الرفلكسولوجي

كتيب عن الفيتامينات و المعادن

رواية (مملكة النحل) رواية تركية مترجمة

رواية(العائدة)

قصص من الأدب الاسلامي

كتيب (لماذا صلاة الفجر؟)

كتاب المناسك في الحج و العمرة لابن عثيمين

روايتي (الخيميائي) و (ساحرة بورتبيللو) لباولو كويليو (روائي برازيلي)

كتيب (تراجع الغرب عن التعليم المختلط) مترجم

قالوا لي عن رواية اسمها (فسوق) لـ/عبده خال ما اخذتها ، بروح آخذها ان شاء الله

و لقيت كتيب اسمه (60 طريقة لتبييض المناطق الداكنة) بس ماتصفحته ، شكله حلو بحاول اخذه ان شاء الله

و ياني هدية كتاب منال العالم للطبخ

و سلامتكم

 

[بنت جابر الأحمد]

بنات بليييييييز اللي راحوا للمعرض،،،يقولون من أي المكاتب اللي شروا الكتب منهم،،،وأسعارهم

لأن في كذا كتاب عجبوني،،،وما أتوقع يمديني أدور عليهم،،،لأن المدرسه تقول لكم ساعه وحده تلفون المعرض وتردون عند البوابه،،،ما أدري هالساعه تكفي لشنو ولا لشنو

 

[قهوة عربية]

يعطيج العافية سوبر على الموضوع

ونفس طلب بنت جابر الأحمد ...ياريت يابنات تذكرون اسم المكتبة ( وبأي جناح الكويت - السعودية ....مصر ...لبنان ......) وسعر الكتاب لو تكرمتوا

 

[*سكون*]

يعطيج العافيه سوبر ماركت وبروح الثلاثا ان شا الله

 

[لازورد]

ودي اروح صار لي جم سنه مااروح اكون مسافره بهالفتره


بس بالبرنامج المخصص للمعرض مامدحوه ويذمون بان الاسعار مرتفعه انتوا بنات شلون شفتوا الاسعار

علياء ترى من قلة التنظيم وارتفاع الاسعار وهم تكرار نوعية الكتب


ومشكوره اختي سوبر ماركت على الموضوع

 

[جروح تبتسم]

عليكم بالعافيه جان زين زوجي يرضى يوديني

 

[المرام]

يا حلووو معرض الكتاب حيييل اعشقة
شريت منه كتب اسمع فيها بس ما حصلي اقراها مثل
رياض الصالحين
البخلاء للجاحظ
هذا الحبيب يا محب
معجم عرب انجليزى وبالعكس
معني الكلمات في القرآن
كتاب مبسط للنحو
الرحيق المختوم

 

[bnt_7waa]

مشترياتي اليوم

 

[Miss Spone]

السلام
انا طبعا رحت المعرض ثالث يوم حده كان صخه
وكنت رايحة الفترة الصباحية
.
.
الكتب اللي شريتها:
بيني وبينك حكاية..
حق خولة القزويني
(رواية)

مذكرات امرأة
فاطمة بري بدير
(قصص قصيرة)

غضب امراة
علياء الانصاري
(قصص قصيرة)

التركيز والمطالعة الناجحة
مجتبى حورائي
وهذا الكتاب توني قريت فيه صفحتين وحده عجيب

كان ودي اشتري رواية الخيميائي..بس ماشريتها

 

[!! شوق !!]

انا احب اشتري الروايات المترجمة لدانييل ستيل روعه 1- الزفاف 2- أبي

وعندج روائع الأدب العالمي ( ورقة في الرياح القاسية ) أدب صيني روعه الرواية

هذي كتب شريتها العام وغيرها كثير ما يحضرني الحين

انا قريت لدانييل الزفاف ودقات قلب حلوووووين


رحت المعرض اول يوم بس مستعجله شريت المجله القانونيه وطلعت ,, ولي روحه له مره ثانيه

 

[Pink GirL]

انا اليوم رحت مع زلابيا وفراولة

وهذي حصيلتي

وشكلي بروح مره ثانية هاليومين اخذ رواية طالب الرفاعي (رائحة البحر) لأن من زمان ادورها مو محصلتها

 

[زلابيا]

اليوم رحت المعرض وشريت ..

الروايه الثانيه حق السيد وتفسير القرآن حق القرني

 

[فراولة^فوشيا]

سووووو سوووووو
يعطيج العافيه على الموضوووع حسافه ما شفته قبل لا اروح

انا هذي مشترياتي منهم حاطتهم بموضوع شنو شريتي اليوم

كتاب الدكتور ابراهيم الفقي وكتاب فوتوشوب ورواية جين اير

كل روايات السيد على مسئوليتكم لووووول مدحتوووها