معانتى وقرارى بعدم الزواج تعبت من هل التفكير

[دلع العتبان]

جياكر وخنافر تزوجن لاتقوليلي جمال والله النيه الصافيه والاستغفار وطلب الله باخلاص بيخلي احلامج كلها تتحقق

الله يهديج ويوفقج حياتي ويرزقج ماتتمنين

 

[احبكم مررره]

ياعمى انتو
والله انكم تنحطون على الجرررررح يبرى
بصراااحه كلمه خفف على شوووووووووووى
والله يرزقنى على قد نيتى يارب
وله يبتلى بنت بنفس تفكيري يارب
بصراحه انتوا نعم الخوات وان شاء الله كل حرف كتبتوه بمليون حسنه يارب

 

[بنت جده كول]

اول شي ارحب فيكم انا عضوه جديده ابغى انصحك انك تحاولي تغيري تفكيرك من هم عشان يقيمونك بعدين السعاده مو بالجمال السعاده بطاعه الله وذا الله ارادلك سعاده راح يسعدك لو انك بشعه

 

[بنت جده كول]

بعدين انا اعرف بنت والله انها مره سمره ومره نحيفه وكانو عماتها وبنات عماتها يقولون مين راح ياخذك والله ربي رزقها بواحدمعيشها عيشه ملوك على الرغم ان بنات قبيلته جميلات

 

[بنت جده كول]

بعدين الزواج سنه الحياه واعمار للارض وتاكدي ان رزقك بيد الله وراح تاخذين رزقك كله

 

[احبكم مررره]

بنت جده
مشكوره ياعمرى ما قصرتى
كفيتى ووفيتى
بس فعلا السعاده بطاعه الرحمن
بس مدرى ليه التفكير مسيطر على
الله
يعين دعواتكم

 

[بنت جده كول]

طيب اقولك على وضعي لم تقرينه راح تقتنعي

 

[بنت جده كول]

انا عمري 30 وماتزوجت

 

[بنت جده كول]

والله هو وحده الي عالم برزقي وانتبهي لاحد من الي حوليك يحس بمعاناتك لانهم بعد انشاء ربي يرزقك بالزوج راح يذكروك بمعاناتك

 

[احبكم مررره]

بنت جده مشكوره على ردودك الحلوووووووه
واخر رد والله نبهنى على شيء ماراح انسالك اياه
والله يرزقك على قد نيتك يارب
ويحقق ما تردين عاجلا غير اجلا يارب

 

[كراميلا مرة]

قوي ثقتك بنفسك
وحمدي ربك قولي الحمدلله اني مو مشوهه ولا معوقه وكاملة الخلق

وثاني شيء مو شرط كل اللي يتزوجون جميلات ترى انتي غلطانه المسأله نصيب
واذا الله كاتب للبنت الزواج بتتزوج حتى لو مو جميله
واجد انا من مجتمعنا اشوف الجميلات يتاخرون عن الزواج والعاديات مايصير عمرهم 14 و17 الا مخطوبين او محجوزين

وفعلا في ناس ماتهمها الا الجمال بس اتأكدي انه الجمال نسبي
يمكن احد يشوفك جميله غيره يشوفك العكس

واهم شايفيننك وعاجبتهم فلا توسوسين اذا الرجال زين توكلي على الله ولا تحطين لك عوائق في طريقك

 

[Joy close]

لو بحلف لو نشوفك تطلعين تهبلين ليش تحطمين نفسك؟؟؟
بعدين الجمال مو كل شي شوفي هالصوره ملك جمال ومتزوج هالادميه

انا ودي اجلدك على كلامك وودي اقول لك كلام كثير بس النفسيه تعبانه بهاللحظه ماودي اكتب كثير
وان شاءالله البنات ماراح يقصرون معك

 

[همآليل]

يآآآآآآآآآآآآآويل قلبي منك ..
والله والله ان المزايين واللي جمالهن يطرح الطير من السماء انهن (عوآآآآآآآآآآنس ـ مطلقآآآآآآآآت .. معلقآآآآآت )
وانتي من كلامك انك موشينه او قبيحه حييل .. كل مافي الموضوع اللي اهو بشرتك .. والله العظيم يالغاليه واحلف لك بعضيم الايمان .. ان خالتي منطقة اردافها و مؤخرتهآ محتررررررررررقه ومكانها متششوه حيييل .. والى الحين فيها هالحروق .. وجسسمهآ لا خصر ولا ردوف ولا صدر يفتح النفس ، والله العضيم ان زوجهآ شايلها من الاررررض .. واذا دخلت المسستشفى يبكككككككككي مثل الطفل عشانها .. ويممممممممممموت في القاع اللي تمشي عليه ..
مع العلم انه مللللللللللللللللللللللللك مللللللللللللللللللللللللللك جمممممممممممممممممممممممآل ..​

ووحده ثانيه .. قصصصصصصصصيره حيييييييل ومن شدة قصرها تقول ماعمري في حياتي شريت شبشب او جزمه واطيه .. (وانتم بكرامه ) ..
تزوجت واحد من الجماعه .. والله العضيم كئنه من اعيال ال سعود .. طوووووووويل وجسسسسمه مووووووت .. وملامح وججججه عذااااااااااب ..
وشوفيها الحين معها 3 اعيال .. وطالع من شقه ملك وساكن في شقه اجار جنب اختها .. علشششششانها ..
و مايسمع ولا يرى فيها ​

وعندك اقرب مثااااال .. اختي جمالها جداً جداً بسسسيط .. وربي ان زوجها مدلعهآ دلللللللللللع عمرها بحياتها ماشافته ..
( ماششششششاء الله )
سفريات وتمشيات .. وملابسها ومكياجها وعطوراتها ، ماركككككككككككككككات .. مع انها قبل ماتعرف هالماركككات ..
و هي فيها طيبة قللللللللللللب ، تخلي كل من يشوفها يحبها من بساطتها وطيب نواياها ..​

بس انتي اترككككي عنك هالوساوس .. انك شينه وانك وانك .. هاااذي كلها وساااااااااااااااااوس شيطان ..
وبعديييين اللي يسمعك يقول ان كل اللي في المنتدى اطخووووووووم .. !!!
والله لو انهن ( وانا معهن ) لو اننا مزايين كان مادورنا اللي يفتح البشره واللي يسمن واللي ينحححف ..
وترى الريجيل تفكيرهم اكبر من كذا .. لانهم يفكرون بعقلهم اكثر من قلبهم ..​

ونصيحتي لك .. وافقي على الخطبه .. وتعوذي من ابليس وتجهزي لزواجك وانبسطي واستانسسسسسي ..
ترى غيرك يتمنى طاااري زواج لو من بعييييييييد ..​

 

[مرامي ذهب]

الله يهداج منزله موضوعين وكله انا مو حلوة انا سمرة انا مدرى شنو
لا بعد وجاينك خطاب وشايفينج وعاجبتهم شتبين بعد
الله يعافيج روحى اى صيدليه واخذى لج كم كريم طبى واستمرى عليه وخلص الموضوع
اذا الطناقر والعايبات اعرسن ما غدن
انتى ما تعرسين احمدى ربج على اللى انتى فيه

 

[BLack doll]

الله يوفقج يا رب

ويزيح همومج ويبدلها راحه و أفراح

اللهم آمين ..~

 

[atc666]

حبيبتي انا كنت اقل من العاديه بس شفت وين الاشياء المميزه واهتميت بشعري وطولته وحتى دكاتره رحت لحد ماصرت ملفته جدا جدا وصلحت عيوبي وشكثر خطبوني وتزوجت شوفي ترى فترة المراهقه اغلب البنات يايصيرون ضعاف حيل ولا متان حييل وتطلع مشاكل البشره بس الذكيه اللي تهتم لأنه صحيح الخطوبه تعتمد على الشكل أولا ثانيا التصرفات واللبس بعد مهم اختاري ملابس ناعمه ومكياج ناعم انا بعد وانا صغيره كله يتطنزون علي عاديه السالفه

 

[غايتي جنتي101]

مرت خالي جكر تعرفين شنو جكر بس ثقه وواااااخلاق واسلوب والله الناس تمدحها بكل مكااان

خليييج ثقه اختي الحلا حلا الروح

 

[*الهنوف*]

انتي عارفه مشكلتج وهذا اهم شي
قلتي انا انسانه نظرتي سلبيه
وهذي هي مشكلتج الاساسيه اللي تجر وراها كل همومهج
قبل كنتي جيكره وكبرتي واحلويتي ومع هذا ماتصدقين كلام المدح لان نظرتج لنفسج سلبيه
هذا اول الغلط
بعدين ياما بنات( جكر مكر وماينذكر) تزوجو
يعني بختصار الجمال مو شبب انج تتزوجين او تعنسين
انا حلوه وانيقه والكل يضرب المثل باناقتي وجمالي بس ماكو نصيب ومعنسه..شفتي ان مو الجمال سبب الزواج
*لازم ياقلبي تحبين نفسج وتشوفين نفسج عالاقل مقبوله ومافيها شي لو عدلتي شغلات بوجهج وجسمج مثل تعالجين بشرتج او اي شي مافيه مخاطر
والعيادات الحين رخصه ومقدور علي تكاليفها
تري هم هالشغلات تعطي ثقه بالتفس اكثر

انتي محتاجه
نظره ايجابيه وشكر وحمدلله
ثقه بالنفس ورضي بقسمة الله
تقرين كتاب لاتحزن والسر
ودشي قسم تطوير الذات(دوري مواضيع تهتم بحب النفس والثقه )
وكلام الناس لايهمج عذا اهم شي

 

[ماني من الناس]

اللي صار ان كلامهم السلبي تخزن في عقلج الا واعي وانحفظ فالحل الحين ان توجهين لنفسج كلام ايجابي عشان يطغا على كلامهم السلبي وبالتالي يحفظه عقلج بالا وعي وبعدين يتحول لوعي

هذي اسمها برمجه لغويه عصبيه

التطبيق انج كل يوم من تقعدين الصبح وقبل النوم تقولين لنفسج التالي

احب نفسي كثيرا احترمها كثيرا اتقبلها كثيرا بالرغم من كل عيوبي

وصدقيني انا مجربتها استمري عليها شهور بعدين بيتخزن حبج لنفسج في ذاكرتج وبتشوفين نفسج مهمه واجمل الجميلات وبينعكس على شكلج وثقتج بنفسج

انا قاعده اكلمج من ناحيه علميه ودينيه لان النظره الحلوه للنفس تنبعث من داخل الذات ولازم ذاتج تسمع هالشي عشان تصدقه وبعدين غيرج يصدقه

وبس

 

[دلوعة أبوهآ]

اللهم لآ اعتراض ع قدرك ..
اهم شي الصحه وآلعاآفيه ..