معاناتي مع الانابيب تقطع القلب

[al7nooona]

الله يصبرج ويعوووضج خيررر ان شاءالله

والله يجبر بخاطرج ويرزقج ويرزقنا بالذرية الصالحة المعافاة ان شاءالله

 

[شمخانيه]

الله يعوضك
تجربتي مثلك بس طولت بعد خارج الرحم 7سنين معاناة وقهر وبجي
وبعدها حملت 6اسابيع واجهضت بكيت لكن كل الاهل كانو يدقون يباركون لي انه اخيرا صارحمل يعني فيه امل وصدقتهم وضحكت معاهم
وبعد 4 اشهر عدت الانابيب ورزقنى ربي بنوته

 

[الفريده]

الله يصبر قلبج ويرزقج بالذريه الصالحه

 

[¤§ زيتونة §¤]

الله يعوضج حبيبتي

وصدقيني هذا اختبار من الله وانتي باذن الله قد الاختبار ونجحتي فيه وعسى ربي يعوضج ويريح قلبج


انتي خلي التفكير عنج وانسي السالفة شوي ادري صعبة عليج بس ما تدرين يمكن خيرة لج لا يطلعون مشوهين ولا معاقين ولا ناقصين نمو وربي رحمج منهم


صدقيني حبيبتي الله بيرزقج ويعوضج بس انتي خليج صابرة ومحتسبة اجرج عند ربج اللي ما يضيع الاجر واقري قران دايما خصوصا سورة مريم وال عمران واشغلي نفسج بالدعاء والاستغفار وبتلاقين نفسج شوي شوي ارتحتي من هالموضوع



انا مجربة سويت انابيب وحملت ومن اول سونار رايحة فرحانة ولا انصدم ماكو نبض
وعدناه مرة ومرتين وثلاث على فترات اخر شي فعلا ماكو نبض وسويت التنظيفات والحمدلله على كل حال ويكفي عندي بنت ربي يخليها لي



الله يفرح قلبج ويعوضج باقرب وقت ولا تياسين ولا تترددين خليج متفائلة وحاولي كثر ما تقدرين دامج صغيرة والمحاولات متاحة لج



قلبي معاج

 

[حبيبة زوجها2009]

والله العظيم عورتي قلبي
بس هاذا قدرج ومكتوبج الله يرزقج في المرة اليايه ولا تيأسين لاحياة مع اليأس

 

[شجره الدر]

انا من زمان مشتركة معاكم بقلبي ما اشارك بالردود الا نادرا بس اليوم انقهرت من شي وما لقيت احد يخفف علي بعد الله غيركم-
انا صارلي عشر سنين متزوجة ومالله كتب لي ذرية راجعت وراجعت كثير المهم بديت مشوار الانابيب وكنت مفكرة انا وزوجي ان بس يصير الحمل خلاص صرت ام وصار اب ما دريت وش بيصير فيني سويتها خمس مرات
المهم
المرة الاولى صار حمل وسقطت بالشهر الاول وتعذبت نفسيا لاني لما بشروني بالحمل حسيت انه بيكمل لكن رحمة الله واسعة

المرةالثانية نفس الاولى بالضبط

المرة الثالثة صار حمل من المجمد بس طلع خارج الرحم وسويت عملية فتح بطن وحافظوا على الانبوب

المرة الرابعة صار حمل بس مافيه نبض وسقطت

المرة الخامسة وهذي الحملة استمر حملي للاسبوع الثامن عشر من المجمد بعد وكنت حامل بتوام بس الله ما اراد له الاستمرار مع انهم غيروا العلاج وعطوني اسبرين وكلكسان بس قدرة الله فوق كل شي

آآآآآآآآآآآآخ لو تدرون وش صارلي فجاة انفتح عنق الرحم وجاني نزيف ونوموني بالمستشفى عشر ايام ومات الجنين الاول وبقى الثاتي حي وقالولي الموية ناقصة عنة ولازم ننزلة بس ما رضيت تمسكت فيه لآخر لحضة بس بدا يضعف نبضه وقالي زوجي خلاص بالتالي حافضي على صحتك واستسلمت لهم وعطوني طلق صناعي وبغيت اموت منه لمدة عشر ساعات مانزل الطفل الاول الحي الا لما قمت ارجع وانتم بكرامة بس نزل ميت وبعدها بساعتين نزل الميت وبعدها بساعة نزلت المشيمة وانا احس ان روحي راحت معاهم
وماسكة جوالي واقول للممرضة الله يخليك صوريهم يمكن ما يجيني غيرهم وغصب صورتهم لي وظلوا بجوالي كل يوم اشوفهم واشبهم علي وعلى ابوهم واحس يابنات انهم عندي
بس اليوم مدري وش خلاني اروح السوق وامر على محل للجوال
عشان جوالي يطفي شحن بسرعة قالي العامل فيه فيروس ولازم انفرمته وقلتلة ينمسح اللي فيه قالي لا وطلع الذاكرة وفرمته ولما شفت الجوال ما لقيت صور عيالي لاني حافظتهم بالجهازوالله قمت ابكي قهر وكانهم اليوم ماتوا الله يعوضني ويعوضكم

اختي بالله / اعلمي بان الله الرازق والشافي والمعافي فلا تقنطي من رحمته ولا من رزقه والحيُ عليه بالدعاء وصلي والصلاوات باوقاتها وتصدقي حتي لو كان يسير . واعملي كل ما يرضي رب العالمين ويقربك منه من غمل .ان الله لايضيع اجر من احسن عملا واعبدي الله كانك ترينه واخشعي له وخافيه . ادعولك من كل قلبي انه يعوض صبرك بالامل والاطفال الحلوين الاصحاء تعوضين مافاتك من ايام معهم ياااااااااااااااااااااااااااااااااااااااااااارب .

كــــــــــوني مع الله يكن معك ؟؟.

 

[أسيل]

اختي بالله / اعلمي بان الله الرازق والشافي والمعافي فلا تقنطي من رحمته ولا من رزقه والحيُ عليه بالدعاء وصلي والصلاوات باوقاتها وتصدقي حتي لو كان يسير . واعملي كل ما يرضي رب العالمين ويقربك منه من غمل .ان الله لايضيع اجر من احسن عملا واعبدي الله كانك ترينه واخشعي له وخافيه . ادعولك من كل قلبي انه يعوض صبرك بالامل والاطفال الحلوين الاصحاء تعوضين مافاتك من ايام معهم ياااااااااااااااااااااااااااااااااااااااااااارب .

كــــــــــوني مع الله يكن معك ؟؟.

رايي من راي اختنا شجرة الدر والله الموفق

 

[ترووفه]

ياقلبي

الله يعوضج خيــــــر يارباتبجين وتتضايقين خلاص انسى واعرفي انهم راح يشفعون لج يوم القيامه

وخلي علاقتج بربج قويه واشكي له وربي هو الرزاااااااق وهو اللي بيده كل شي

واحانا عباده ضعفاااااااء مابيدنا شي غير نبذل الاسباب بس الامر كله بيد ربي

وعسى الله لايحرمناااااااا

ل

 

[?Me]

بسم الله الرحمن الرحيم

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

ربي يعوضج خير ان شاء الله

ربي يمتحن عبده المؤمن بيشوف قربه منه وصبره فيما ابتلاه
وان شاء تعبج وصبرج مايضيع عند رب العالمين

اعيالج بيكونون عصافير بالجنه يشفعون لج يوم القيامه
باذن الله

يارب يارحمن يارحيم ارزق اختي ( شفافية انثى )
الذريه الصالحه عاجلا غير اجل يارب العالمين

وارزق خواتي بنات منتدى كويتيات وارزقني معاهم بالذريه الصالحه
اللهم امين

 

[جوري 2007]

ياحبيبتي لحقي على نفسج ولاتخلين الايام تمضي وانتي ليلحين ماحسيتي بالامومه
انا اقولج هالكلام لان العلاج الرباني مضمون مضمون مضمون
عمرج سمعتي ان في انسان توجه للخالق البارئ واخلص النية الله ماكافئه ؟؟!!
ياعمري هدي العلاج وتوجهي للحي القيوم :
1-ركعتين قيام ليل قبل صلاة الفجر
2-استغفار
3-صدقة حطيلج حصاله عالتسريحة وكل يوم حطي فيها مبلغ وتصدقي فيه نهاية الاسبوع
لاتستهينين بهالعلاج واحسني الظن بالله وانشالله تبشرينا بحمالج وولادتج

 

[cute_batoota]

الله يعوضج ياااارب ويرزقج بالذريه الصالحة الي تفرح قلبج وتبرج ما عليه حبيبتي احنا كلنا حاسين فيج والله يعينج وهون عليج ويريح قلبج قادر يااا كريم

 

[امواج الكويت]

والله انج بجيتيني والله شاهد علي اني ابجي عليج بحرقه جنه الصور لي مو لج بس ربج كريم يرزق من يشاء بغير حساب والله ما ادري شكتب ماني قادره امسك دموعي والله حاسه فيج بس ما قول غير انشالله ربي يرزقج بهالليله المباركه الذريه الصالحه وتشوفين عيال عيالهم وتملين منهم بعد اللهم امين

 

[*-زينه-*]

[color="purpleالله يصبرج يا عمري و يرزقج الذرية الصالحه يااارب العالمين و يرزق كل محروم و يا حياتي و الله نزلتي المعه من عيني على هل كلام عورتي قلبي حبيبتي أنتي صبري و صدقيني أن الله مع الصابرين ة دائما أقري هل الايات من سورة نوح
[center]بسم الله الرحمن الرحيم
[center]#

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا
#

يُرْسِلِ السَّمَاء عَلَيْكُم مِّدْرَارًا
#

وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

و عليج بسورة البقره و أيه 189 من سورة الاعراف و هي
[/c[center]بسم الله الرحمن الرحيم
[center]#

هُوَ الَّذِي خَلَقَكُم مِّن نَّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا فَلَمَّا تَغَشَّاهَا حَمَلَتْ حَمْلاً خَفِيفًا فَمَرَّتْ بِهِ فَلَمَّا أَثْقَلَت دَّعَوَا اللَّهَ رَبَّهُمَا لَئِنْ آتَيْتَنَا صَالِحًا لَّنَكُونَنَّ مِنَ الشَّاكِرِينَ
[/center][/center]enter][/center]"][/color]

 

[احلى غمزه]

حياتي عورتي قلبي

مالج الا الدعاء

عسى الله يرزقج الذريه الصالحه عاجلا غير اجل يارب العالمين

 

[Joody]

الله يعوضج حبيبتي ويرزقج بالذرية الصالحة

 

[eng.q8]

كله اجر لج حبيبتي
الله يعوضج ان شاء الله ويرزقج الذريه الصالحه يااارب

 

[وطن الاحساس]

حبيبتي الله يعوضج خير

ويرزقج بالذرية الصالحة

 

[mosta7eel]

عسى ربي يعوضج خير
حبيبتي لا تياسين من رحمة الله وان شاءالله
تبشرينا قريب بحملج وبعدها ولادتج

 

[أم الهواشم]

الله يعوضج حبيبتي وانشاءالله يكونون طيور من الجنه ويشفعون لج يوم القيامه ماتدرين يمكن خيره لج وحاولي مره ثانيه العلاج لاتيئسين والمره اليايه يمكن يسون لج ربط انا حبيبتي مرتين وصلت التاسع وماتواقول الحمدالله فلاتضيقين خلقج اهم شي صحتج وانشاءالله تفرحينا بالحمل وبعدين الولاده خلي دائما التفاؤل جدامج

 

[كيكه^_^]

هذا ابتلاء لج ومن علامات محبة الله سبحانه لج لأن ما يبتلي الا المؤمن شوفي قصص الانبياء السابقين واشلون ربج ابتلاهم وهذا حال الدنيا عند المؤمن بلاء وراه بلاء واعظم البلاء انه يفقد الانسان ولده وانتي فقدتيهم واهم بعدهم اجنه اصغار والحمدلله ان شاء الله راح يكونون شفيعين لج يوم القيامه وما تدرين ربج شنو خاشلج اهناك على هالبلاء تدرين ان رسول الله صلى الله عليه وسلم قال بما معناه : لو يدري الانسان المبتلي جزاءه اهناك بالآخره جان قال ياربي لا تزيل عني البلاء، لكن احنا بشر والانسان سبحان الله يبي كل شي يكون له زين ابهالدنيا.

انا الله يسلمج مثلج حملت وفقدت حملي في المره الاولى مادريت اني كنت حامل ما دريت الا شي ينزل علي وقالو هذا اجهاض في بداية الحمل في المره الثانيه حملت ابطفل انابيب و اشكثر تأذيت ابهالحمل بس اجهضت بالشهر الخامس صج تجربه مو سهله والله يعينج وان شاء الله ما تتكرر لا لي ولا لج انصحج بقراءة البقرة والرقية الشرعية واذا حملتي اقري البقره يوميا ولا تهملينها ابد ما تدرين شنو السبب ممكن يكون عين

اعرف وحده مثل قصتج بس اهي كان فيها سكر واشكثر اجهضت وفي مرات كانو يموتون في الشهر الثامن والتاسع وهالشي اصعب واصعب ويكون الياهل كبير صعب انه يطلع وكانت تقعد تطلق يومين ثلاث يالله يطلع الياهل و مره ولدت الياهل بالتاسع طبيعي مافيه شي وفي اليوم الثاني مات سبحان الله والحين ماشاء الله عندها خمسه اكبرو الله يخليهم لها ويرزقني ويرزقج مثلها ويعوضنا عن ما فقدنا.