معاناتي مع الاكزيما سنين اختفت اللهم بارك ..صوره

[ام حمادنه]

اول شي بقولكم قصتي عشان تعرفون شنو كانت معاناتي
بس قبل كل شي
قولو

ماشاءالله ولاقوة الا بالله
ماشاءالله ولاقوة الا بالله
ماشاءالله ولاقوة الا بالله
ماشاءالله ولاقوة الا بالله

يابنات انا وحده والله وصلت فيني مرحلة يأس ابجي بروحي محد يدري عني والسبب الاكزيما
شلون بدت معاي

يوم كنت براببعه ابتدائي تقريبا رحنا شاليه عمي
من ردينا جتني بصبع رجلي الكبير حكه موطبيعيه لدرجة اخذ سجينه ((سكين)) واحك رجلي تخيلو
واي شي حاد يعني مغطى بيبسي صخره اي شي حاد احك رجلي لما يطلع دم ويتشقق صبعي وودي اكمل الحك بس العوار مايخليني اكمل مااقدر

ابوي وداني جم طبيب وعياده ماكو فايده الحكه موجوده
وظل اصبع رجلي بهالحال بعدين يوم كبرت شوي صرت ارطبه بفازلين يوميا خف بس ماراح السواد والاثر ماراح

الاكزيما كانت منتشره دار مدار الاصبع بس من الفازلين صرات على جنب بس ماراحت للحين الحكه والاثر الاسود... والله يابنات كنت استحي امد رجلي واطلعها شكل الاكزيما مبين ومن يشوفونها يقلولي شنو هذا اقولهم طقة باب

المهم تزوجت وحملت وولدت ولدي حبيبي
عقب لما صار عمر ولدي 6 شهور حسيت بحكه غريبه بايدي بباطن الايد صوب الاصابع الابهام الاثنين حكه حكه مادري شنو اهيا
بعدين تطورت الحاله قمت احك احك نفس يوم كنت صغيره مايريحني الا لما احك ايدي بشي حاد
بس مصيبه هذي ايد مورجل الرجل تنخش الايد شيخشها شلون اسلم شلون اكشخ بخواتم وصبغ
والله يابنات انا قبل الزواج والحمال والله مابالغ ايدي ينظرب فيها المثل والله يقولون شلون ايدج صارت بيضه جذي طريه وناعمه وصبة ايدج حلوه

وكانو يقولون تستخدمين شي يبيض لاني انا يوم كنت بلمدرسه كله بالشمس وماهتم بعدين قعدت بالبيت وماتحوشني الشمس وبين بياض ايدي وعبالهم احط شي يبيضني
المهم جتني حكه واكزيما رحت اول شي دار الشفا وعطتني علاج كرتزون راحت الاكزيما بس من خليت العلاج اسبوع ردت واكثر من قبل وانتشرت بكل جفي من داخل امبييييييه قسم بالله استحي امسك زوجي
اذكر مره مسكته جان يقولي شنو هذا لابسه خاتم قلت اي وانا مولابسه بس ملمس ايدي من داخل نفس الخاتم خشن ويفشل من الاكزيما
بعدين حملت ببنتي جربت كريم وحده تبيعه بالمنتدى مافي كرتزون ريحني بس ماراحت للحين الحكه موجوده
سمعت بالمياه الكبريتيه اللي بالسعوديه قالولي عنها بالمنتدى وبرا ورحت انا وزوجي وغسلت وماكو فايده
زوجي وصالي على ملح البحر الميت من الاردن واستخدمته وماكو فايده
ولدي جتله اكزيما برجله ورحنا الراشد وعالجنا انا واهو ولاكو فايده

قطيت ثروه عالادويه ولاراحت
ايدي تفشل تخرع

توصل ايام يابنات جلدي متجرح ومفتوح مااقدر اغسل بماي يحرقني احس بموت
بعدين يوم ياست من كل شي
حطيت بتوقيعي هالجمله ((اللي تعرف علاج حق الاكزيما تفيدني ))

الله يجزاهم خييير البنات ماقصرو بيساعدون وكل وحده تقولي شي
طبعا يابنات انا وصلت مرحلة الياس انه خلاص مالي علاج
عقب جتني رساله من العضوه ((اليشا))
الله يجزاها خير ويوسعلها اهي وامها ويفتح بوجيهم كل ابواب الخير والعافيه
قالتلي في بحواج المباركيه في كريم اسمه بوتوقيعين
تقول انه اهي واهلها استخدمو ومن يومها مايعرفون شي اسمه اكزيما
انا رديت عليها وشكرتها وبيني وبينكم يابنات كنت مايسه هالكريم سمعت عنه انه بالسعوديه ويشافي بس ماسعيت اني اطلبه لاني وصلت لمرحلة ياس انه الاطبه مافادوني هالكريم بو دينارين ونص بيفيدني
المهم رحت المباركيه قبل العيد باسبوع بشتري لولدي غتره وبوك وهالسوالف ولا اشوف الحواج جان اسال عندك كريم بوتوقيعين قال اي قلت عطني
بنات ماتوقعت انه بيسوي شي

استخدمته اول ايام ايدي قشور وتتفخ قلت ميخالف بكمل
بنات اسبوع والله مابالغ
الجروح تقشرت الحكه اختفت نهائي
والاهم الاثار السوووووووووود راااااااااااحو
والله يابنات مومصدقه
الاكزيما اللي برجلي اللي من سنيييييييييييين اللي لونها اسووووووووووووود
صار وردي فاتح وبيروح
اللي بيدي اختفى راح
اللي برجلي باقيله شوي ويروح لانه اقدم له سنين من يوم كنت صغيره
الله يجزاهم خير اللي سوه واللي دلونا عليه
احب اقولكم اني قطعته فوق10 ايام لاني خفت انه كرتزون ويرد ماشالله ولا قوة الا بالله مارد شي والحكه نسيتها

وحطيتها لولدي وراحت حساسيته

هذي صورته

تكفون بنااات اللي تستفيد تدعيلي بالستر والعافيه وراحة البال والقلب

 

[ام ساره 4]

رد: معناتي مع الاكزيما سنين اختفت اللهم بارك

حبيبتي عليج بالعافيه النتيجه الحلوه والحمدلله على سلامتج بس ما في صوره

 

[ام حمادنه]

ام ساره حطيتها ياقلبي

 

[a7вĸ мσσστ]

يعطيك العافية
والله يستر عليك دنيا وآخره

 

[الحالمه]

الحمدلله اللي شافاج والله يجزاها خير اللي دلتج

وحطي صورته ولدي فيه اكزيما وماذيته

 

[..~Goolz]

الله يجزاج خير

ينفع لاثر الاكزيما القديم ؟

 

[سالم الروح]

الله يحققلج منآج
مشكووووووره

ينفع حق عمر 4سنين

 

[ام حمادنه]

سالم الروح ولدي عمره 4 سنين وحطيتله الحمدالله راحت

 

[بسمة السلطان]

الحمدلله اللي شافاج والله يبارك للاخت اللي دلتج عليه

 

[ام بشار]

جزاج الله خير

 

[Perfect lady]

ماشاء الله لا اله الا الله
مشكوره ع ذكر التجربه والله يجعلها بميزان اعمالج انتي والاخت الي دلتج عليه
والله يرزقج راحة البال

 

[يا كويتنا]

ما شاء الله


عساها ما ترد لج ابد

انا لي الحين اكثر نن ثمان اسنين وانا اعاني من الصدفيه


يعني الاكزيما احسن منها بكثير

والله اقعد ابجي بالغرفه بالساعات لمن اشوف جسمي تدمر خلاص



الحمد الله علا كل حال

 

[يا كويتنا]

ما شاء الله


عساها ما ترد لج ابد

انا لي الحين اكثر نن ثمان اسنين وانا اعاني من الصدفيه


يعني الاكزيما احسن منها بكثير

والله اقعد ابجي بالغرفه بالساعات لمن اشوف جسمي تدمر خلاص



الحمد الله علا كل حال

 

[روح نوآف]

الحمدلله اللي شافاج والله يعافي ا للاخت اللي دلتج عليه
وينور دنيتها

 

[A.N.L]

هالكريم شايفته عند الوالد يستخدمه بس مادري

اذا نفع معاه ولا لا


مشكوووره

 

[قـهـوه فـرنسيهـ]

يعطيييج العافيه

 

[●•∫ استثنآئيهـ]

ايي والله توها صايرة فيني ومضيقة خلقي
جد يعطيج العافية
بس مالها اثار بعدين ؟

 

[فدوووو]

يعيطيك العافيه

 

[دنيا الغموض]

ياليت تستخدمينه بحذر ربي يشفيتس

شوفي هالتجربه من منتدى ملتقى مرضى البهاق

بسم الله الرحمن الرحيم​

السلام عليكم ورحمة الله وبركاته​

ندخل في الموضوع​

فيه علاج انا استخدمته لقيته في النت وكثير يمدحونه
اشتريه من العطارين وهذي صورة العلاج​

​

استخدمته اول شي في وجهي بعدين راحت بقعه وحده واستمريت عليه وبديت في سيقاني بعدين بدا يطلع في البهاق نقط صغيره لونها مثل لون البشره واستمريت عليه بعدين طلع لي خطوط لونها احمر ومشدووده وهذي الصوره​

​

​

بعدها رحت لمستشفى الحبيب في الرياض د.عثمان اباحسين ويوم شافها قال ان العلاج فيه نسبه كبيره جدا جدا جدا من الكرتزون
وهذي الخطوط منه ومافيه اي علاج يفيدني غير جهاز الناروباند الضوئي
جلستين في الاسبوع وما تطلع نتايج الا بعد 3 شهور
وكثير في المنتدى يمدحون هذا العلاج وحبيت احذركم منه​

 

[جــــود]

مشكوووووره والله يجزاج كل خير انج نزلتي موضوع عشان الكل يستفيد

وماقصرت الاخت اللي دلتج عليه بميزان حسناتكم يارب