&& معاناة زوجات المدخنين &&

[مس عسولة]

اففففف
وانا بعد ريحته وعوه ولا يدخل وباليل شيشه وريحته ع قولتج من الجوف
ولنام شخير وريحه النفس اه
راح كم مره فكر بالعلاج بس ماقطع لانه تعب صدرة وعمه مات من الزقاير صكت شراين القلب وماقطع هالزقاير لما توفي الله يرحمه
الله ييييييييييييعيييييين

 

[برد & سلام]

،


انا زوجي مدخن واقل شي باليوم باكيت وكل ماقلت له تعالج يقول اي زين ، والحين مسافر امريكا بعثه قلت له هناك الطب متطور دور شي يساعدك تترك التدخين يقول اي اي ان شاءالله < بس بيسكتني واذا ساحلته قال ولا يهمج تامرين امر بس للحين ماراح :/

دزيت له صور عن التدخين وآثاره وهو يدز لي صور اصاله يقول شوفي؟ يضيع السالفه لول :/ وصرنا لما نقول الغاز اقوله المدخن مايشيب ليش ؟ عاد هو يفكر يفكر اخر شي اقوله لانه يموت قبل الشيخوخه يقول عبالي عندج سالفه هههههههههه

والطامه الكبرى حامل وبالسياره يدخن وانا معاه واقوله اوكي انزل دخن مو عندي البيبي بعدين رئته تتعب يقول ولدي وكيفي ابي رئته تعبانه انا شلون ؟ < عفيه هذا شينفع معاه؟ ههههههه

الحين غسلت ايدي كل ماكح او تعب اقوله اي هذي فوائد الزقاير صار يقول الله يفكني منها

بس تصدقين ما اشم ريحة الزقاير فيه وما اكره ريحته حتى لو توه مدخن ولا اكره انفاسه حتى لو توه مدخن مادري ليش مع ان اخوي اشم ريحته من اول مايدش من الباب اقوله اووف زقاير :|


الله يفكهم من هالسم يارب والا انا من ناحيتي غسلت ايدي بماي وصابون

يابعد عمري حاسة بمعاناتج . وصاجة والله بكل حرف قلتيه .. :eh_s(2): :eh_s(2): :eh_s(2):


وانا كنت نفسج قبل ماحس بريحته لانه يهتم حيل بنظافة حلجة بس من عقب النساه يوم حملت ببنتي كانت نساتي على ريحة الدخان وللحين اكرهها موت وصايرة حساسة لريحته اكثر من قبل


وماايدج ترى على الياس اللي حسيته من كلامج . لا لا حاولي وكافحي لاخر يوم في حياتج ترى هذا جهاد وانتي ماجورة عليه

والله كريم يرفع هالبلا عن شباب المسلمين

 

[برد & سلام]

الله يعينكم انا ما اتحمل ريحه الزقاير كلللش لو امر بس عند احد يدخن يمسكني صداع ما يفج الا اليوم الثاني و
جبدي تقلب :|

ياربي يرزقني بريال ما يدخن و لا يشيش

اللهم آآمين ,,,
عسى ربي يرزقج بالزوج الصالح اللي مايدخن ولا يشيش ولا يشوف غيرج بعد شتبين اكثر:ggdw:

 

[برد & سلام]

انا ريلي يدخن باليوم باكيتين ، بما اني حساويه ،(الحسابه تحسب لوووووووول) الباكيت اب نص دينار وخمسين فلس (ركزو علي الخمسين) لوووووووووول ، وباليوم يقط دينار واميه فلس ، يعني بالشهر 30 دينار وثلاث دنانير ، بله مو حرام هاااااااا ؟
يعني امعصبه , يبا بلعن بالفلوس اهم شي صحته ( اخته بالمنتدي لازم اقول هالكلام ، لا كوبي اتسوي وبالفاكس له لووووول)
وشنووو نتايجه تكحكح ، وبلغم ، وعصبيه اذا خلص او ماحصل زقاره .
بس ريحته الحمدالله مافي ، وماادري ليش اذا شميت زقاير بالدوام اتلوع جبدي ، بس اهوه فدييييته اتعودت عليها .

الله يهديهم يارب ويستر على صحتهم :yaaaaaarb:


مشكورة على المشاركة

 

[برد & سلام]

الله يعينج

آمين ,,, مشكورة ع المرور والمشاركة الكريمة

 

[كريزية]

ريلي ذبحني عالزقاير يفح بويهي بعد يعني يستعبط اففف
وانا اكحح .. بس تعودت عليها شسوي بعد

حاولت فيه كذا مرة انه يبطل لكن ماكو فايدة
باليوم باكيتين او اكثر ويتناجر مع ابوه عالباكيتات هههههه حمدالله على كل حال
لازم قبل الاكل وبعد الاكل الباكيت عالسفرة تعودت احط الزقاير والولاعة عالسفرة عشان لما يخلص يدخن
ووقت لما نتهاوش يولع زقارة يعني يهدي اعصابه شوي ويفكر شكو مادري :/

بس ريحته ماحسها كريهه كلش عادي .. اللي يضايقني ان لما اطلع بيت اهلي يشمون فيني ريحة الزقاير على ملابسي بقوة من جذي صرت اخلي ملابسي بالكبت الثاني بعيييد عن مكان تدخييينه ( الدار) ولازم اتعطر واتبخر عدل قبل اي طلعة

 

[ابدا يالغالي مانساك]

للقيتي حل عطيني

 

[البرنسيسة غلا]

.*



صعب يتركهآ بيوم وليله !
و ـأنآ تعبت و مآ بيدي غير ـآلدُعآء

عسى ـآلله يبعد زوجي و ـأزوآجكم عن ـآلتدخين يَ رب​

 

[SARA*]

نفس المعاناة

 

[tbola]

تعودت عليها

وتعودت علا وعوده((الوعد)) بين فتره وفتره يوعدني

 

[الkحيله]

صاجه الريحه مو شي صحيح التدخين بالبيت عندي ممنوع وبالسياره لما نكون مع بعض بس تظل الريحه لازقه بكل شي فيه خصوصا لما يجي من الدوانيه مثل المبخر يمشي والريحه معاه ملابسه دخان شعره دخان الله يعين

 

[نونو العصله]

اذا كلمته بلتلفون يا اسمع صوت الولاعه او كحته
وحتى بلزفه قاعد ويدخن
ينام يدخن
ويقعد يدخن
اقوله اترك الزقاير يقول صعبه
بس احاول اخفف
من عمره 17 يدخن
صعب صعب يتركه

 

[empress hoor]

حبيبتي في غسول لونه احمر مكتوب عليه للمدخنين وايييد زين واذا بتخلينه يقطع في زقاره الكترونيه وانا ناويه اشتريها حق بعلي العزيز

 

[om MaRyooM]

صج اقووووووولها من قلب الله يعينكم

انا اشوف معاناة امي بعد عمري...علطول تكحكح

وعيالي لما ينامون بيت اهلي جم يوم لازم مستوصف .. لأن يتنك صدرهم

لأن ابوي 40سيجارة ياخذله رااهي باليوم الوااااااحد


وطبعا لما ارد منهم لاازم اتسبح لأن ريحتي عبارة عن تتن السجاير ومااتحمل ريحة شعري





الللللللللله يعينكم

 

[عُجآج !]

آني بعد ريلي يدخن . .

مآكنت آعرف .. آنصدمت آمس لمآ عرفت آنه يدخن ..

لآن توي مآلجة .. بس جد جد آنقهرررررررت ..

بس آلحمدلله مآشميت ريحة .. وآن شآء آلله مآآشم

خلقه معآي آلجيوب .. عشآن كل يوم رآسي منفجر ..

آلله يهديه ويهدي آلجميع ..

 

[يَ ربححه فيني]

وي الله يعين انا رجلي بعد يدخن
بس تو العرس السنه الجايه
الله يعين

 

[عمرها السعودية]

لاتخلوني ابكي .. نفس المعاناة والريحة تقرررررررررررررررررررررررررف

مرات ماطيق البوسة عفوا بس هذا الصدق ابوسة بخدة وانحاش الله كريم

يقطع الدخان مايرجعع لة

 

[مسؤولة تعيين]

انا ريلي مدخن بس الحمدالله ولا مره دخن جدامي كله ينزل يدخن بروحه

 

[كوكتيل عسل]

بسبته كرهت العطور والبخور وكل شي

مع انه يدخن بغرفه واحدة لكن لو شنو اعطر واطيب ما تبان الريحه لا في البيت ولا حتى فيني


اما بالنسبه فريحته ترست خشمي وصار عادي عندي



الله يعينا على هالبلا

 

[ناطرة]

اف الله يتوب عليهم والله من هذا الادمان مع اني ما انزعج من نفسه ولا ريحته مع اني انزعج من الريحة اذا شميتها من حد ثاني بس اخاف على صحته وايد وحاولت معاه بس هو اصلا موب ناوي يودره