&& معاناة زوجات المدخنين &&

[برد & سلام]

مساء الخير
\
بلا مقدمات اللي زوجها مايدخن :eh_s(15): تاخذ فوق تحت وتطلع من الموضوع



انا زوجي مدخن وبصراحة هالموضوع مسويلي عقده


ماراح اتكلم عن الاضرار الصحية .. ولا عن التدخين السلبي .. ولا عن ارهاق الميزانية ...


لا ودي افضفض لكم عن شيء مختلف تاثير مالقيت احد يتكلم عنه ولا يفكر له بحلول


انا وحده اكره ريحة الدخان بالحلج واحس انه شيء يلوع الجبد ... لمحت له لين تعبت يسوي نفسه موفاهم شقصدي


واحيانا اصارحه عادي ,,, بس ماكو فايده مدخن مدخن ,,, والمصيبة ماكو شيء ممكن يزيل الريحه او حتى يخففها لا نكهات ولا معاجين ولا حتى مزيل عرق هههه :eh_s(16):


ومو ع الريحه بس ... اكو شيء ( علة ) او خلونا نقول ( نفس كريه بطعم ورائحه نابع من الجوف ) مو من الحلج بس


اكيد اللي ازواجهم مدخنين يفهمون قصدي

لووووووعه بمعنى الكلمة


وابي تجارب البنات اللي يعانون من نفس المشكلة شلون تعاملوا وياها وفيه وحده قدرت تساعد زوجها يقلع عن التدخين



:eh_s(4): اريد حلا

 

[برد & سلام]

:eh_s(11):






:eh_s(11): شلون يعني ماكو الا انا زوجي مُدخن ؟؟

 

[! بــدويه وآآيــد !]

،


انا زوجي مدخن واقل شي باليوم باكيت وكل ماقلت له تعالج يقول اي زين ، والحين مسافر امريكا بعثه قلت له هناك الطب متطور دور شي يساعدك تترك التدخين يقول اي اي ان شاءالله < بس بيسكتني واذا ساحلته قال ولا يهمج تامرين امر بس للحين ماراح :/

دزيت له صور عن التدخين وآثاره وهو يدز لي صور اصاله يقول شوفي؟ يضيع السالفه لول :/ وصرنا لما نقول الغاز اقوله المدخن مايشيب ليش ؟ عاد هو يفكر يفكر اخر شي اقوله لانه يموت قبل الشيخوخه يقول عبالي عندج سالفه هههههههههه

والطامه الكبرى حامل وبالسياره يدخن وانا معاه واقوله اوكي انزل دخن مو عندي البيبي بعدين رئته تتعب يقول ولدي وكيفي ابي رئته تعبانه انا شلون ؟ < عفيه هذا شينفع معاه؟ ههههههه

الحين غسلت ايدي كل ماكح او تعب اقوله اي هذي فوائد الزقاير صار يقول الله يفكني منها

بس تصدقين ما اشم ريحة الزقاير فيه وما اكره ريحته حتى لو توه مدخن ولا اكره انفاسه حتى لو توه مدخن مادري ليش مع ان اخوي اشم ريحته من اول مايدش من الباب اقوله اووف زقاير :|


الله يفكهم من هالسم يارب والا انا من ناحيتي غسلت ايدي بماي وصابون

 

[G!RLooNa]

الله يعينكم انا ما اتحمل ريحه الزقاير كلللش لو امر بس عند احد يدخن يمسكني صداع ما يفج الا اليوم الثاني و
جبدي تقلب :|

ياربي يرزقني بريال ما يدخن و لا يشيش

 

[رق رق]

انا ريلي يدخن باليوم باكيتين ، بما اني حساويه ،(الحسابه تحسب لوووووووول) الباكيت اب نص دينار وخمسين فلس (ركزو علي الخمسين) لوووووووووول ، وباليوم يقط دينار واميه فلس ، يعني بالشهر 30 دينار وثلاث دنانير ، بله مو حرام هاااااااا ؟
يعني امعصبه , يبا بلعن بالفلوس اهم شي صحته ( اخته بالمنتدي لازم اقول هالكلام ، لا كوبي اتسوي وبالفاكس له لووووول)
وشنووو نتايجه تكحكح ، وبلغم ، وعصبيه اذا خلص او ماحصل زقاره .
بس ريحته الحمدالله مافي ، وماادري ليش اذا شميت زقاير بالدوام اتلوع جبدي ، بس اهوه فدييييته اتعودت عليها .

 

[Gifts&Occaions]

الله يعينج

 

[لمعة السيف]

انا زوجي يشرب شيشه وريحته معسل بس عاديه مو كريها بالعكس عادي بعد مرور ساعه من التدخين
مافي شي النفس عادي مو لاني تعودت عليه أخوي بعد يشرب زقاير لو خلص منها شوي مافي شي الا اذا تحرك ريحة دشداشته زقاير
بس لوقعد عندي يسولف مافي شي كريه يمكن بعضهم جذيه وبعضهم لا والله اعلم
بس أنا دااايم أسولف عليهم وأقولهم يهدونها بس الله يهديهم مو يمي أسولف وكأني أسولف على الطابوق

 

[ماني من الناس]

الله يهديهم ويتركونها.

والله يعينكم
الحمد لله زوجي مايدخن وعنده وعي ان هالشي غلط وغير مفيد بتاتا

 

[موجة ~ بحر]

الله يعينكم

 

[Loloki]

الحماااااااااااااااااااااااااااااااااااااااام مصيبه اذا دخنووو فيه ووووووووووووووووووووووووويع لا وصكرون شفاط

انا انقدته اقوله شلون تقعد بالحمام ودخن ماتلوع جبدك يسكت اقول ما دخنت اقوله عيل ..... ريحتها جذي ويضحك

بس اذا تبين شقتج مافيها ريحه زقاير عليج بالشموع لا تحطن بخور لان بخور وزقاير يخليه ريحته نفس حمام

خخخخخخخخخخخخخخخخخخخخخخخخخخخخخ

 

[*E.B.D.A.3*]

ريحه الجوف مثل ماقلتي سببها التدخين على الريج
قوليله على الاقل لا يدخن على الريج

وهم سببها ان الريال يكن الزقاير بمعنى، يدخل الدخان لي البلعوم
عشان جذي ريحتها تظل داخل
وهالشي حتى لو اكل علج ماينفع، لان العلج يعطر الفم بس مايروح لي ورا

خليه بعد كل زقاره ياكل نعناع، ويشتري غرغره كولجيت، الي تكون بعد التفريش
وقوليله مع كل مزه ، لا يكن، يعني بالزقاره الوحده يكن مره او مرتين بس.

انتو ملاحظين اني حافظة مصطلحات التدخين كلها ؟؟
هههههههههههههههههههههههههه
والله مو مني، من هالعله الي على قلبي
خخخخ


لا تحاولين تنصحين او تحاولين توخرينه عن التدخين
ترى غيرج كان اشطر هههههههه
مراح ينفع

بس قوليله اوكي دخن ، لكن مو على الريج، ولا اشوي اشوي على الزقاره قلل من كنتها

 

[صادقة بكلمتي]

بما انج طردتينا اللي ريايلهم مو مدخنين ما زعلت بس ما ياني قلب اطلع ولا ادعيلكم الله يبعد عن ريايلكم شر الرض ويسخرهم لكم ويهدونه امييييييييييييين

 

[اميره1980]

انا لمت تقدم لي ريلي اول شي من ضمن شروطي ان ما يكون مدخن و الحمدلله مو مدخن
انا صعبة اتأقلم مع المدخنين لان و لله الحمد حتى بيت اهلي ماكو مدخنين بس اخوي يشرب شيشة بره البيت و مو حاسه فيه ابدا

 

[مناير ...!]

اكيد بعدج عروس
العروس اهي الي تكون متفائله بتغيره خخخخ
كل الديره يدخنون وتاقلمنا وحتى عيالهم تاقلموا

 

[رفاعيه]

لاتذكررررروني !! انا كان شرطي انه مايدخن فقطع قبل الزواج ورجعنا من شهر العسل مر شهر شهرين وبعدين قمت اشمها فيه قبل اشمه في ثابه بس لين يرجع من الديوانيه كلمته ؟ قال لا بعدين اعترف وبعد رجع ونطرت شهر وشهرين صياح ونياح لين حقرته قرر يتركها وتركها ويت اولد البحرين ورجع لانه ايني كل اسبوع والحين نفس المواااال ! لاعد جبديي ومثل ماقلتي الطعممممم لوووووووووعه ولا شي يخفيه بعع ذكرتيني والحين مادري شالحل ؟؟ وعمي ابوه يكررره التدخين واذا عرف انه يدخن يتضاااايق مسكين وتعب وهو يكلمه ويحاول وياه خاصتا انه ريلي راعي ضيق تنفس

 

[أليااف]

:eh_s(11): انا خطيبي يدخن بس مآأشمه معه ع الرغم اول مانتعشى ع طووووووووووووول ع السجآره ولما اقوله اتركه يقول ايش رائيك بس لما نتزوج سجاره لي وسجاره لك ,ههههههههههههههههههههه


ياارب يهديهم و يتركونه ^^

 

[بنت الدوام]

انا اول الايام استحي اقول او المح

بس بعدين صار ويهي منجب

شريت ليسترين (غسول للفم) اقوله قبل لا ايي الفراش روح تمضمض

صراحه بس لاعت جبدي ما اقدر اجامل

وبعدين اهوا ما يدخن بغرفة النوم ممنووووووووووووووووووووع

بس كله ادعيله يقطع الزقاير والله كريم

 

[رووح ابووها]

انا زوجي يدخن وتغثني ريحت الدخان
ومحذرته مايقرب مني اذا دخن
واهو دايم بعد التدخين يفرش اسنانه ويستخدم غرغره ةالحمد لله ماكو ريحه

 

[ابتسامتك تغنيني]

انا زوجي مايفج ريجه الا بزقاره.. ومايخلص أكل الا وراها زقاره
وقبل ماينام يودع الدنيا بزقاره ههههههه

 

[عهد الغرام]

بنات والله وحده زوجها مدخن بعرسها مارضت تنام معه والحين قاطعهم ماشالله بس صعبه أول العرس