معاملة الخدم

[ديما ديما]

السلام عليكم اخواتي انا حصل موقف مع خدامتي اليوم وانا حزينه جدا بسببه انا كنت اخبرتكم من فتره عن خدامتي الهنديه وعن مدي مهارتها وطاعتها لي ولكن من فتره لاحظت تغير في افعالها وعدم قيامها بالشغل الا اذا امرتها به واصبحت شديده التأثر واصبحت الاحظ نظراتها غريبه لي هي عندي من حوالي 10 شهور وعمرها حوالي 19 سنه وبسبب افعالها اصبحت عصبيه في تعاملي معاها وهددتها بتسفيرها اذا لم تهتم بعملها واليوم عصبتني بشده عندما طلبت منها اعاده تنظيف الغرفه فرفضت وعلا صوتها فجعلتني اصارخ عليها ولأول مره امد يدي عليها وأعطيها طراق واخبرتها انني سأسفرها ففوجئت بها تسارع بالاعتذار والبكاء حتي انها ارتمت علي ايدي ورجلي تقبلهم مرات لاسامحها مما جعلني حزينه ولااعرف التصرف معها فانا لااحب الصراخ اوطق الخدم للقيام بعملهم وعندما اتصلت بصديقتي لمعرفه رايها فوجئت بها تخبرني انه لازم الشده مع الخدم وانها احيانا تفعل هذا مع خدامتها وان الكثيرون يعاملون الخدم بشده فحبيت اعرف رايكم في التصرف مع خدامتي ومعرفه طريقتكم في التعامل مع خدمكم وهل فعلا الشده لازمه مع الخدم.

 

[noorq8]

خير الخطائين التوابين ,أنا ضد رفع اليد عالخادم مع ان بعضهم تضطرين ترفعين ايدج ,لكن نصيحه من اخت أكبر منج اعتذريلها وقوليلها انتي نرفزتيني وعصبتيني ودفعتيني أضربك وأنا اسلامي يرفض ضرب الخدم فلاتضطريني أكررها ,صدقيني الهنود وبالذات المسيحيات عندهم فهم للدين ويستوعبون الكلام
شغله ثانيه طالما هي صغيره استعملي معاها مبدأ الثواب والعقاب يعني أنجزت شغلها مضبوط اشكريها وامدحيها انتي ياربة البيت لي فرشتي اللحاف أو حطيتي ورده بالبيت تنتظرين المديح من زوجك فما بالك باللي تتعب طول اليوم والاسبوع والشهر اشتريلها آيس كريم أو بفك حالها من حال الصغار بس مو كل مره عشان تعرف ان هذي مكرمه ماهو فرض وخليها توعدك انها ماتكررها ,أحيي فيك ضميرك وقلبك الطيب اللي خلاكي تنزلي موضوع عن الخادم دليل ان قلبك مو مرتاح ,على فكره الرسول عليه الصلاة والسلام مايوم بحياته ضرب أو صارخ على خادم.

 

[اطياب طيبه.أم عبدالله]

مهما يكون لا تمدين ايدج ولا تهينين اي انسان ابدا حتي لو غلط عليج او اساء لج

بحياااااتي شفت العجب بس ما مديت ايدي على خدم ولا على اي احد

تربيتي ما تسمح لي واحس اللي يسوي جذي حيواااااااااان حقييييييييييير ويطيح من عيني

دايما تذكري

اذا دعتك قدرتك على ظلم الناس فتذكر قدرت الله عليك

 

[farawlaa1]

حبيتي سويي مثلي والله العظيم راح تشوفينهم تحت ريولج و تحت امرج صدقيني انا بين مده ومده اوديها سوق بو 100 فلس و اخليها تشتري على راحتها و دايم اروح السوق اتذكرها ابشي ولو بسيط و بليل قبل ما تنام اقولها مشكورة و اراعيها و احط الله بين عيني و اعاملهم ابكل احترام و مرات اظحك معاهم و اغشمرهم بس مو دايم عشان لا تمادون و الله العظيم انهم يتهاوشون على خدمتي و يتمنون يشتغلون عندي كل الخدم اللي في بيت امي و خالتي و الكل من ابطل حلجي الكل اييليي ركض من غير اصراخ ولا زف بس بين مده و مده لازم ازف اذا شفت شي جايد كانها اطول السانها على امي والله كلمتين بالعظم اتخليها على الصراط المستقيم بس عشان لا ازعل منها

 

[أماني الورد]

انا معاج لازم الشدةعلى الخدم

بس مولطق حرام

 

[حروف من ذهب*]

الله يهديج ليش محرقه اعصابج وطق وحالتج حاله
التهديد ينفع اذا ما تبي تنظف قوليلها يلا شيلي اغراضج بوديج المكتب صدقيني بتنظف وبتسكت
وانا بوجهه نظري دام مديت ايدي على الخدامه ما قعدها بيتي اخاف منها تطلع حرتها على عيالي